| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
11. நிரோத⁴கதா²வண்ணனா
11. Nirodhakathāvaṇṇanā
353. இதா³னி நிரோத⁴கதா² நாம ஹோதி. தத்த² யேஸங் அப்படிஸங்கா²னிரோத⁴ஞ்ச படிஸங்கா²னிரோத⁴ஞ்ச த்³வேபி ஏகதோ கத்வா நிரோத⁴ஸச்சந்தி லத்³தி⁴, ஸெய்யதா²பி ஏதரஹி மஹிஸாஸகானஞ்சேவ அந்த⁴கானஞ்ச; தே ஸந்தா⁴ய த்³வே நிரோதா⁴தி புச்சா² ஸகவாதி³ஸ்ஸ, படிஞ்ஞா பரவாதி³ஸ்ஸ . த்³வே து³க்க²னிரோதா⁴தி பஞ்ஹேஸு யஸ்மா த்³வே து³க்க²ஸச்சானி ந இச்ச²தி, தஸ்மா படிக்கி²பதி. யஸ்மா த்³வீஹாகாரேஹி து³க்க²ங் நிருஜ்ஜ²தீதி இச்ச²தி, தஸ்மா படிஜானாதி. த்³வே நிரோத⁴ஸச்சானீதிபஞ்ஹேஸு த்³வின்னங் து³க்க²ஸச்சானங் நிரோத⁴வஸேனஅனிச்ச²ந்தோ படிக்கி²பதி. த்³வீஹாகாரேஹி து³க்க²ஸ்ஸ நிருஜ்ஜ²னதோ படிஜானாதி. த்³வே தாணானீதிஆதீ³ஸுபி ஏஸேவ நயோ.
353. Idāni nirodhakathā nāma hoti. Tattha yesaṃ appaṭisaṅkhānirodhañca paṭisaṅkhānirodhañca dvepi ekato katvā nirodhasaccanti laddhi, seyyathāpi etarahi mahisāsakānañceva andhakānañca; te sandhāya dve nirodhāti pucchā sakavādissa, paṭiññā paravādissa . Dve dukkhanirodhāti pañhesu yasmā dve dukkhasaccāni na icchati, tasmā paṭikkhipati. Yasmā dvīhākārehi dukkhaṃ nirujjhatīti icchati, tasmā paṭijānāti. Dve nirodhasaccānītipañhesu dvinnaṃ dukkhasaccānaṃ nirodhavasenaanicchanto paṭikkhipati. Dvīhākārehi dukkhassa nirujjhanato paṭijānāti. Dve tāṇānītiādīsupi eseva nayo.
அத்தி² த்³வின்னங் நிப்³பா³னானந்திஆதீ³ஸு புச்சா²ஸு உச்சனீசதாதீ³னி அபஸ்ஸந்தோ படிக்கி²பதி.
Atthi dvinnaṃ nibbānānantiādīsu pucchāsu uccanīcatādīni apassanto paṭikkhipati.
அப்படிஸங்கா²னிருத்³தே⁴தி யே படிஸங்கா²ய லோகுத்தரேன ஞாணேன அனிருத்³தா⁴ ஸுத்³த⁴பகதிகத்தா வா உத்³தே³ஸபரிபுச்சா²தீ³னங் வா வஸேன ந ஸமுதா³சரணதோ நிருத்³தா⁴தி வுச்சந்தி, தே ஸங்கா²ரே. படிஸங்கா² நிரோதெ⁴ந்தீதி. லோகுத்தரஞாணேன நிரோதெ⁴ந்தி அனுப்பத்திபா⁴வங் க³மெந்தி. நனு அப்படிஸங்கா²னிருத்³தா⁴ ஸங்கா²ராதி புச்சா² பரவாதி³ஸ்ஸ . தத்த² ப⁴க்³கா³னங் புன அப⁴ஞ்ஜனதோ அப்படிஸங்கா²னிருத்³தா⁴னங் வா அரியமக்³கே³ உப்பன்னே ததா² நிருஜ்ஜ²னதோவ ஸகவாதீ³ அச்சந்தப⁴க்³க³தங் படிஜானாதி. ஸேஸமெத்த² உத்தானத்த²மேவாதி.
Appaṭisaṅkhāniruddheti ye paṭisaṅkhāya lokuttarena ñāṇena aniruddhā suddhapakatikattā vā uddesaparipucchādīnaṃ vā vasena na samudācaraṇato niruddhāti vuccanti, te saṅkhāre. Paṭisaṅkhā nirodhentīti. Lokuttarañāṇena nirodhenti anuppattibhāvaṃ gamenti. Nanu appaṭisaṅkhāniruddhā saṅkhārāti pucchā paravādissa . Tattha bhaggānaṃ puna abhañjanato appaṭisaṅkhāniruddhānaṃ vā ariyamagge uppanne tathā nirujjhanatova sakavādī accantabhaggataṃ paṭijānāti. Sesamettha uttānatthamevāti.
நிரோத⁴கதா²வண்ணனா.
Nirodhakathāvaṇṇanā.
து³தியோ வக்³கோ³.
Dutiyo vaggo.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (20) 11. நிரோத⁴கதா² • (20) 11. Nirodhakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 11. நிரோத⁴கதா²வண்ணனா • 11. Nirodhakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 11. நிரோத⁴கதா²வண்ணனா • 11. Nirodhakathāvaṇṇanā
