| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
10. த³ஸமவக்³கோ³
10. Dasamavaggo
1. நிரோத⁴கதா²வண்ணனா
1. Nirodhakathāvaṇṇanā
571-572. ஸகஸமயே ‘‘புரிமசித்தஸ்ஸ நிரோதா⁴னந்தரங் பச்சி²மசித்தங் உப்பஜ்ஜதீ’’தி இச்சி²தங், பரவாதீ³ பன ‘‘யஸ்மிங் க²ணே ப⁴வங்க³சித்தங், தஸ்மிங்யேவ க²ணே கிரியமயசித்தங் உப்பஜ்ஜதீ’’தி வத³தி. ஏவங் ஸதி புரிமபச்சி²மசித்தானங் ஸஹபா⁴வோபி அனுஞ்ஞாதோ ஹோதி. தேனாஹ ‘‘ப⁴ங்க³க்க²ணேன ஸஹேவா’’தி. ததா² ச ஸதி விபாககிரியக்க²ந்தா⁴னங் விய கிரியவிபாகக்க²ந்தா⁴னங் விபாகவிபாகக்க²ந்தா⁴னங் கிரியகிரியக்க²ந்தா⁴னஞ்ச வுத்தனயேன ஸஹபா⁴வோ வத்தப்³போ³தி இமமத்த²ங் த³ஸ்ஸெந்தோ ‘‘ப⁴வங்க³சித்தஸ்ஸா’’திஆதி³மாஹ. தத்த² உபபத்திப⁴வபா⁴வேன ஏஸியா இச்சி²தப்³பா³தி உபபத்தேஸியா விபாகக்க²ந்தா⁴, தே ச யேபு⁴ய்யேன ப⁴வங்க³பரியாயகாதி அட்ட²கதா²யங் வுத்தங் ‘‘உபபத்தேஸியந்தி ஸங்க²ங் க³தஸ்ஸ ப⁴வங்க³சித்தஸ்ஸா’’தி. ஆதி³பரியோஸானமத்தஞ்ஹி தஸ்ஸ படிஸந்தி⁴சுதிசித்தங், ததா³ரம்மணங் ப⁴வங்க³ந்த்வேவ வுச்சதீதி. சக்கு²விஞ்ஞாணாதீ³னங் கிரியாவேமஜ்ஜே² பதிதத்தா கிரியாசதுக்க²ந்த⁴க்³க³ஹணேன க³ஹணங் யுத்தந்தி வுத்தங். சக்கு²விஞ்ஞாணாதீ³னந்தி ஹி ஆதி³-ஸத்³தே³ன ந ஸோதவிஞ்ஞாணாதீ³னங்யேவ க³ஹணங், அத² கோ² ஸம்படிச்ச²னஸந்தீரணானம்பீதி த³ட்ட²ப்³ப³ங்.
571-572. Sakasamaye ‘‘purimacittassa nirodhānantaraṃ pacchimacittaṃ uppajjatī’’ti icchitaṃ, paravādī pana ‘‘yasmiṃ khaṇe bhavaṅgacittaṃ, tasmiṃyeva khaṇe kiriyamayacittaṃ uppajjatī’’ti vadati. Evaṃ sati purimapacchimacittānaṃ sahabhāvopi anuññāto hoti. Tenāha ‘‘bhaṅgakkhaṇena sahevā’’ti. Tathā ca sati vipākakiriyakkhandhānaṃ viya kiriyavipākakkhandhānaṃ vipākavipākakkhandhānaṃ kiriyakiriyakkhandhānañca vuttanayena sahabhāvo vattabboti imamatthaṃ dassento ‘‘bhavaṅgacittassā’’tiādimāha. Tattha upapattibhavabhāvena esiyā icchitabbāti upapattesiyā vipākakkhandhā, te ca yebhuyyena bhavaṅgapariyāyakāti aṭṭhakathāyaṃ vuttaṃ ‘‘upapattesiyanti saṅkhaṃ gatassa bhavaṅgacittassā’’ti. Ādipariyosānamattañhi tassa paṭisandhicuticittaṃ, tadārammaṇaṃ bhavaṅgantveva vuccatīti. Cakkhuviññāṇādīnaṃ kiriyāvemajjhe patitattā kiriyācatukkhandhaggahaṇena gahaṇaṃ yuttanti vuttaṃ. Cakkhuviññāṇādīnanti hi ādi-saddena na sotaviññāṇādīnaṃyeva gahaṇaṃ, atha kho sampaṭicchanasantīraṇānampīti daṭṭhabbaṃ.
நிரோத⁴கதா²வண்ணனா நிட்டி²தா.
Nirodhakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (95) 1. நிரோத⁴கதா² • (95) 1. Nirodhakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 1. நிரோத⁴கதா²வண்ணனா • 1. Nirodhakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. நிரோத⁴கதா²வண்ணனா • 1. Nirodhakathāvaṇṇanā
