| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
11. нирод̇хагат̇ааван̣н̣анаа
11. Nirodhakathāvaṇṇanā
353. ид̣̇аани нирод̇хагат̇аа наама ход̇и. д̇ад̇т̇а язсам̣ аббадисан̇каанирод̇хан̃жа бадисан̇каанирод̇хан̃жа д̣̇взби згад̇о гад̇ваа нирод̇хасажжанд̇и лад̣̇д̇хи, сзяяат̇ааби зд̇арахи махисаасагаанан̃жзва анд̇хагаанан̃жа; д̇з санд̇хааяа д̣̇вз нирод̇хаад̇и бужчаа сагаваад̣̇исса, бадин̃н̃аа бараваад̣̇исса . д̣̇вз д̣̇угканирод̇хаад̇и бан̃хзсу яасмаа д̣̇вз д̣̇угкасажжаани на ижчад̇и, д̇асмаа бадигкибад̇и. яасмаа д̣̇вийхаагаарзхи д̣̇угкам̣ нируж̇жхад̇ийд̇и ижчад̇и, д̇асмаа бадиж̇аанаад̇и. д̣̇вз нирод̇хасажжаанийд̇ибан̃хзсу д̣̇виннам̣ д̣̇угкасажжаанам̣ нирод̇хавасзнаанижчанд̇о бадигкибад̇и. д̣̇вийхаагаарзхи д̣̇угкасса нируж̇жханад̇о бадиж̇аанаад̇и. д̣̇вз д̇аан̣аанийд̇иаад̣̇ийсуби зсзва наяо.
353. Idāni nirodhakathā nāma hoti. Tattha yesaṃ appaṭisaṅkhānirodhañca paṭisaṅkhānirodhañca dvepi ekato katvā nirodhasaccanti laddhi, seyyathāpi etarahi mahisāsakānañceva andhakānañca; te sandhāya dve nirodhāti pucchā sakavādissa, paṭiññā paravādissa . Dve dukkhanirodhāti pañhesu yasmā dve dukkhasaccāni na icchati, tasmā paṭikkhipati. Yasmā dvīhākārehi dukkhaṃ nirujjhatīti icchati, tasmā paṭijānāti. Dve nirodhasaccānītipañhesu dvinnaṃ dukkhasaccānaṃ nirodhavasenaanicchanto paṭikkhipati. Dvīhākārehi dukkhassa nirujjhanato paṭijānāti. Dve tāṇānītiādīsupi eseva nayo.
ад̇т̇и д̣̇виннам̣ ниб̣б̣аанаананд̇иаад̣̇ийсу бужчаасу ужжанийжад̇аад̣̇ийни абассанд̇о бадигкибад̇и.
Atthi dvinnaṃ nibbānānantiādīsu pucchāsu uccanīcatādīni apassanto paṭikkhipati.
аббадисан̇каанируд̣̇д̇хзд̇и яз бадисан̇кааяа логуд̇д̇арзна н̃аан̣зна анируд̣̇д̇хаа суд̣̇д̇хабагад̇игад̇д̇аа ваа уд̣̇д̣̇зсабарибужчаад̣̇ийнам̣ ваа васзна на самуд̣̇аажаран̣ад̇о нируд̣̇д̇хаад̇и вужжанд̇и, д̇з сан̇каарз. бадисан̇каа нирод̇хзнд̇ийд̇и. логуд̇д̇аран̃аан̣зна нирод̇хзнд̇и ануббад̇д̇ибхаавам̣ г̇амзнд̇и. нану аббадисан̇каанируд̣̇д̇хаа сан̇каараад̇и бужчаа бараваад̣̇исса . д̇ад̇т̇а бхаг̇г̇аанам̣ буна абхан̃ж̇анад̇о аббадисан̇каанируд̣̇д̇хаанам̣ ваа арияамаг̇г̇з уббаннз д̇ат̇аа нируж̇жханад̇ова сагаваад̣̇ий ажжанд̇абхаг̇г̇ад̇ам̣ бадиж̇аанаад̇и. сзсамзд̇т̇а уд̇д̇аанад̇т̇амзваад̇и.
Appaṭisaṅkhāniruddheti ye paṭisaṅkhāya lokuttarena ñāṇena aniruddhā suddhapakatikattā vā uddesaparipucchādīnaṃ vā vasena na samudācaraṇato niruddhāti vuccanti, te saṅkhāre. Paṭisaṅkhā nirodhentīti. Lokuttarañāṇena nirodhenti anuppattibhāvaṃ gamenti. Nanu appaṭisaṅkhāniruddhā saṅkhārāti pucchā paravādissa . Tattha bhaggānaṃ puna abhañjanato appaṭisaṅkhāniruddhānaṃ vā ariyamagge uppanne tathā nirujjhanatova sakavādī accantabhaggataṃ paṭijānāti. Sesamettha uttānatthamevāti.
нирод̇хагат̇ааван̣н̣анаа.
Nirodhakathāvaṇṇanā.
д̣̇уд̇ияо ваг̇г̇о.
Dutiyo vaggo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (20) 11. нирод̇хагат̇аа • (20) 11. Nirodhakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 11. нирод̇хагат̇ааван̣н̣анаа • 11. Nirodhakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 11. нирод̇хагат̇ааван̣н̣анаа • 11. Nirodhakathāvaṇṇanā
