| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. д̣̇асамаваг̇г̇о
10. Dasamavaggo
1. нирод̇хагат̇ааван̣н̣анаа
1. Nirodhakathāvaṇṇanā
571-572. ид̣̇аани нирод̇хагат̇аа наама ход̇и. д̇ад̇т̇а язсам̣ ‘‘убабад̇д̇зсияанд̇и сан̇кам̣ г̇ад̇асса бхаван̇г̇ажид̇д̇асса бхан̇г̇агкан̣зна сахзва гирияаад̇и сан̇кам̣ г̇ад̇аа гусалаа ваа агусалаа ваа жад̇д̇ааро канд̇хаа жид̇д̇асамудтаанаруубан̃жаад̇и бан̃жагканд̇хаа уббаж̇ж̇анд̇и. д̇зсу хи ануббаннзсу бхаван̇г̇з нируд̣̇д̇хз санд̇ад̇ивижчзд̣̇о бхавзяяаа’’д̇и лад̣̇д̇хи, сзяяат̇ааби анд̇хагаанам̣; д̇з санд̇хааяа убабад̇д̇зсиязд̇и бужчаа сагаваад̣̇исса, бадин̃н̃аа ид̇арасса. д̇ад̇т̇а убабад̇д̇зсиязд̇и жад̇уусуби бад̣̇зсу б̣ахуважанабхуммад̇т̇з згаважанабхуммам̣. убабад̇д̇зсиязсу бан̃жасу канд̇хзсу анируд̣̇д̇хзсууд̇и аяан̃хзд̇т̇а ад̇т̇о. д̣̇асаннанд̇и убабад̇д̇зсияаканд̇хаанан̃жа гирияаканд̇хаанан̃жа васзна вуд̇д̇ам̣. д̇ад̇т̇а батамабан̃хз канд̇халагкан̣авасзна гирияавасзна жа бан̃жзва наама д̇з канд̇хаад̇и бадигкибад̇и. д̣̇уд̇ияабан̃хз буримабажчимавасзна убабад̇д̇зсияагирияавасзна жа наанад̇д̇ам̣ санд̇хааяа бадиж̇аанаад̇и. д̣̇виннам̣ бана пассаанам̣ жид̇д̇аанан̃жа самод̇хаанам̣ будто суд̇д̇алзсаабхаавзна бадигкибад̇и.
571-572. Idāni nirodhakathā nāma hoti. Tattha yesaṃ ‘‘upapattesiyanti saṅkhaṃ gatassa bhavaṅgacittassa bhaṅgakkhaṇena saheva kiriyāti saṅkhaṃ gatā kusalā vā akusalā vā cattāro khandhā cittasamuṭṭhānarūpañcāti pañcakkhandhā uppajjanti. Tesu hi anuppannesu bhavaṅge niruddhe santativicchedo bhaveyyā’’ti laddhi, seyyathāpi andhakānaṃ; te sandhāya upapattesiyeti pucchā sakavādissa, paṭiññā itarassa. Tattha upapattesiyeti catūsupi padesu bahuvacanabhummatthe ekavacanabhummaṃ. Upapattesiyesu pañcasu khandhesu aniruddhesūti ayañhettha attho. Dasannanti upapattesiyakhandhānañca kiriyakhandhānañca vasena vuttaṃ. Tattha paṭhamapañhe khandhalakkhaṇavasena kiriyavasena ca pañceva nāma te khandhāti paṭikkhipati. Dutiyapañhe purimapacchimavasena upapattesiyakiriyavasena ca nānattaṃ sandhāya paṭijānāti. Dvinnaṃ pana phassānaṃ cittānañca samodhānaṃ puṭṭho suttalesābhāvena paṭikkhipati.
гирияаа жад̇д̇аарод̇и руубзна винаа гусалаа агусалаа ваа жад̇д̇ааро г̇ахид̇аа. гирияаан̃аан̣анд̇и бараваад̣̇инаа жагкувин̃н̃аан̣асаман̇г̇игкан̣з арахад̇о анун̃н̃аад̇ам̣ анаарамман̣ан̃аан̣ам̣. нируд̣̇д̇хз маг̇г̇о уббаж̇ж̇ад̇ийд̇и бужчаа бараваад̣̇исса, анируд̣̇д̇хз ануббаж̇ж̇анад̇о бадин̃н̃аа сагаваад̣̇исса. мад̇о маг̇г̇ам̣ бхаавзд̇ийд̇и чалзна бужчаа бараваад̣̇исса. яасмаа бана бадисанд̇хид̇о яаава жуд̇ижид̇д̇аа сад̇д̇о ж̇ийвад̇иязва наама, д̇асмаа сагаваад̣̇ий на хзванд̇и бадигкибад̇и.
Kiriyā cattāroti rūpena vinā kusalā akusalā vā cattāro gahitā. Kiriyāñāṇanti paravādinā cakkhuviññāṇasamaṅgikkhaṇe arahato anuññātaṃ anārammaṇañāṇaṃ. Niruddhe maggo uppajjatīti pucchā paravādissa, aniruddhe anuppajjanato paṭiññā sakavādissa. Mato maggaṃ bhāvetīti chalena pucchā paravādissa. Yasmā pana paṭisandhito yāva cuticittā satto jīvatiyeva nāma, tasmā sakavādī na hevanti paṭikkhipati.
нирод̇хагат̇ааван̣н̣анаа.
Nirodhakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (95) 1. нирод̇хагат̇аа • (95) 1. Nirodhakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. нирод̇хагат̇ааван̣н̣анаа • 1. Nirodhakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. нирод̇хагат̇ааван̣н̣анаа • 1. Nirodhakathāvaṇṇanā
