| Library / Tipiṭaka / ติปิฎก • Tipiṭaka / ปญฺจปกรณ-อนุฎีกา • Pañcapakaraṇa-anuṭīkā |
๑๑. นิโรธกถาวณฺณนา
11. Nirodhakathāvaṇṇanā
๓๕๓. เยสํ ทฺวินฺนนฺติ เยสํ ทฺวินฺนํ ทุกฺขสจฺจานํฯ ทฺวีหิ นิโรเธหีติ อปฺปฎิสงฺขาปฎิสงฺขาสงฺขาเตหิ ทฺวีหิ นิโรเธหิฯ ตตฺถ ทุกฺขาทีนํ ปฎิสงฺขาติ ปฎิสงฺขา, ปญฺญาวิเสโสฯ เตน วตฺตโพฺพ นิโรโธ ปฎิสงฺขานิโรโธฯ โย สาสเวหิ ธเมฺมหิ วิสํโยโคติ วุจฺจติ, โย ปจฺจยเวกเลฺลน ธมฺมานํ อุปฺปาทสฺส อจฺจนฺตวิพนฺธภูโต นิโรโธ, โส ปฎิสงฺขาย นวตฺตพฺพโต อปฺปฎิสงฺขานิโรโธ นามาติ ปรวาทิโน ลทฺธิฯ ปฎิสงฺขาย วินา นิรุทฺธาติ ปจฺจยเวกเลฺลน อนุปฺปตฺติํ สนฺธาย วุตฺตํฯ เตนาห ‘‘น อุปฺปชฺชิตฺวา ภงฺคา’’ติฯ อนุปฺปาโทปิ หิ นิโรโธติ วุจฺจติ ยโต ‘‘อิมสฺสุปฺปาทา อิทํ อุปฺปชฺชตี’’ติ ลกฺขณุเทฺทสสฺส ปฎิโลเม ‘‘อิมสฺส นิโรธา อิทํ นิรุชฺฌตี’’ติ ทสฺสิโตฯ เตนาติ ปฎิสงฺขาย นิโรธสฺส ขณิกนิโรธสฺส จ อิธ นาธิเปฺปตตฺตาฯ
353. Yesaṃ dvinnanti yesaṃ dvinnaṃ dukkhasaccānaṃ. Dvīhi nirodhehīti appaṭisaṅkhāpaṭisaṅkhāsaṅkhātehi dvīhi nirodhehi. Tattha dukkhādīnaṃ paṭisaṅkhāti paṭisaṅkhā, paññāviseso. Tena vattabbo nirodho paṭisaṅkhānirodho. Yo sāsavehi dhammehi visaṃyogoti vuccati, yo paccayavekallena dhammānaṃ uppādassa accantavibandhabhūto nirodho, so paṭisaṅkhāya navattabbato appaṭisaṅkhānirodho nāmāti paravādino laddhi. Paṭisaṅkhāya vinā niruddhāti paccayavekallena anuppattiṃ sandhāya vuttaṃ. Tenāha ‘‘na uppajjitvā bhaṅgā’’ti. Anuppādopi hi nirodhoti vuccati yato ‘‘imassuppādā idaṃ uppajjatī’’ti lakkhaṇuddesassa paṭilome ‘‘imassa nirodhā idaṃ nirujjhatī’’ti dassito. Tenāti paṭisaṅkhāya nirodhassa khaṇikanirodhassa ca idha nādhippetattā.
นิโรธกถาวณฺณนา นิฎฺฐิตาฯ
Nirodhakathāvaṇṇanā niṭṭhitā.
ทุติยวคฺควณฺณนา นิฎฺฐิตาฯ
Dutiyavaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๒๐) ๑๑. นิโรธกถา • (20) 11. Nirodhakathā
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๑. นิโรธกถาวณฺณนา • 11. Nirodhakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๑. นิโรธกถาวณฺณนา • 11. Nirodhakathāvaṇṇanā
