| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၁၁. နိရောဓကထာဝဏ္ဏနာ
11. Nirodhakathāvaṇṇanā
၃၅၃. ယေသံ ဒ္ဝိန္နန္တိ ယေသံ ဒ္ဝိန္နံ ဒုက္ခသစ္စာနံ။ ဒ္ဝီဟိ နိရောဓေဟီတိ အပ္ပဋိသင္ခာပဋိသင္ခာသင္ခာတေဟိ ဒ္ဝီဟိ နိရောဓေဟိ။ တတ္ထ ဒုက္ခာဒီနံ ပဋိသင္ခာတိ ပဋိသင္ခာ, ပညာဝိသေသော။ တေန ဝတ္တဗ္ဗော နိရောဓော ပဋိသင္ခာနိရောဓော။ ယော သာသဝေဟိ ဓမ္မေဟိ ဝိသံယောဂောတိ ဝုစ္စတိ, ယော ပစ္စယဝေကလ္လေန ဓမ္မာနံ ဥပ္ပာဒသ္သ အစ္စန္တဝိဗန္ဓဘူတော နိရောဓော, သော ပဋိသင္ခာယ နဝတ္တဗ္ဗတော အပ္ပဋိသင္ခာနိရောဓော နာမာတိ ပရဝာဒိနော လဒ္ဓိ။ ပဋိသင္ခာယ ဝိနာ နိရုဒ္ဓာတိ ပစ္စယဝေကလ္လေန အနုပ္ပတ္တိံ သန္ဓာယ ဝုတ္တံ။ တေနာဟ ‘‘န ဥပ္ပဇ္ဇိတ္ဝာ ဘင္ဂာ’’တိ။ အနုပ္ပာဒောပိ ဟိ နိရောဓောတိ ဝုစ္စတိ ယတော ‘‘ဣမသ္သုပ္ပာဒာ ဣဒံ ဥပ္ပဇ္ဇတီ’’တိ လက္ခဏုဒ္ဒေသသ္သ ပဋိလောမေ ‘‘ဣမသ္သ နိရောဓာ ဣဒံ နိရုဇ္ဈတီ’’တိ ဒသ္သိတော။ တေနာတိ ပဋိသင္ခာယ နိရောဓသ္သ ခဏိကနိရောဓသ္သ စ ဣဓ နာဓိပ္ပေတတ္တာ။
353. Yesaṃ dvinnanti yesaṃ dvinnaṃ dukkhasaccānaṃ. Dvīhi nirodhehīti appaṭisaṅkhāpaṭisaṅkhāsaṅkhātehi dvīhi nirodhehi. Tattha dukkhādīnaṃ paṭisaṅkhāti paṭisaṅkhā, paññāviseso. Tena vattabbo nirodho paṭisaṅkhānirodho. Yo sāsavehi dhammehi visaṃyogoti vuccati, yo paccayavekallena dhammānaṃ uppādassa accantavibandhabhūto nirodho, so paṭisaṅkhāya navattabbato appaṭisaṅkhānirodho nāmāti paravādino laddhi. Paṭisaṅkhāya vinā niruddhāti paccayavekallena anuppattiṃ sandhāya vuttaṃ. Tenāha ‘‘na uppajjitvā bhaṅgā’’ti. Anuppādopi hi nirodhoti vuccati yato ‘‘imassuppādā idaṃ uppajjatī’’ti lakkhaṇuddesassa paṭilome ‘‘imassa nirodhā idaṃ nirujjhatī’’ti dassito. Tenāti paṭisaṅkhāya nirodhassa khaṇikanirodhassa ca idha nādhippetattā.
နိရောဓကထာဝဏ္ဏနာ နိဋ္ဌိတာ။
Nirodhakathāvaṇṇanā niṭṭhitā.
ဒုတိယဝဂ္ဂဝဏ္ဏနာ နိဋ္ဌိတာ။
Dutiyavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၂၀) ၁၁. နိရောဓကထာ • (20) 11. Nirodhakathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၁၁. နိရောဓကထာဝဏ္ဏနာ • 11. Nirodhakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၁၁. နိရောဓကထာဝဏ္ဏနာ • 11. Nirodhakathāvaṇṇanā
