| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੧. ਨਿਰੋਧਕਥਾવਣ੍ਣਨਾ
11. Nirodhakathāvaṇṇanā
੩੫੩. ਇਦਾਨਿ ਨਿਰੋਧਕਥਾ ਨਾਮ ਹੋਤਿ। ਤਤ੍ਥ ਯੇਸਂ ਅਪ੍ਪਟਿਸਙ੍ਖਾਨਿਰੋਧਞ੍ਚ ਪਟਿਸਙ੍ਖਾਨਿਰੋਧਞ੍ਚ ਦ੍વੇਪਿ ਏਕਤੋ ਕਤ੍વਾ ਨਿਰੋਧਸਚ੍ਚਨ੍ਤਿ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਮਹਿਸਾਸਕਾਨਞ੍ਚੇવ ਅਨ੍ਧਕਾਨਞ੍ਚ; ਤੇ ਸਨ੍ਧਾਯ ਦ੍વੇ ਨਿਰੋਧਾਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਪਰવਾਦਿਸ੍ਸ । ਦ੍વੇ ਦੁਕ੍ਖਨਿਰੋਧਾਤਿ ਪਞ੍ਹੇਸੁ ਯਸ੍ਮਾ ਦ੍વੇ ਦੁਕ੍ਖਸਚ੍ਚਾਨਿ ਨ ਇਚ੍ਛਤਿ, ਤਸ੍ਮਾ ਪਟਿਕ੍ਖਿਪਤਿ। ਯਸ੍ਮਾ ਦ੍વੀਹਾਕਾਰੇਹਿ ਦੁਕ੍ਖਂ ਨਿਰੁਜ੍ਝਤੀਤਿ ਇਚ੍ਛਤਿ, ਤਸ੍ਮਾ ਪਟਿਜਾਨਾਤਿ। ਦ੍વੇ ਨਿਰੋਧਸਚ੍ਚਾਨੀਤਿਪਞ੍ਹੇਸੁ ਦ੍વਿਨ੍ਨਂ ਦੁਕ੍ਖਸਚ੍ਚਾਨਂ ਨਿਰੋਧવਸੇਨਅਨਿਚ੍ਛਨ੍ਤੋ ਪਟਿਕ੍ਖਿਪਤਿ। ਦ੍વੀਹਾਕਾਰੇਹਿ ਦੁਕ੍ਖਸ੍ਸ ਨਿਰੁਜ੍ਝਨਤੋ ਪਟਿਜਾਨਾਤਿ। ਦ੍વੇ ਤਾਣਾਨੀਤਿਆਦੀਸੁਪਿ ਏਸੇવ ਨਯੋ।
353. Idāni nirodhakathā nāma hoti. Tattha yesaṃ appaṭisaṅkhānirodhañca paṭisaṅkhānirodhañca dvepi ekato katvā nirodhasaccanti laddhi, seyyathāpi etarahi mahisāsakānañceva andhakānañca; te sandhāya dve nirodhāti pucchā sakavādissa, paṭiññā paravādissa . Dve dukkhanirodhāti pañhesu yasmā dve dukkhasaccāni na icchati, tasmā paṭikkhipati. Yasmā dvīhākārehi dukkhaṃ nirujjhatīti icchati, tasmā paṭijānāti. Dve nirodhasaccānītipañhesu dvinnaṃ dukkhasaccānaṃ nirodhavasenaanicchanto paṭikkhipati. Dvīhākārehi dukkhassa nirujjhanato paṭijānāti. Dve tāṇānītiādīsupi eseva nayo.
ਅਤ੍ਥਿ ਦ੍વਿਨ੍ਨਂ ਨਿਬ੍ਬਾਨਾਨਨ੍ਤਿਆਦੀਸੁ ਪੁਚ੍ਛਾਸੁ ਉਚ੍ਚਨੀਚਤਾਦੀਨਿ ਅਪਸ੍ਸਨ੍ਤੋ ਪਟਿਕ੍ਖਿਪਤਿ।
Atthi dvinnaṃ nibbānānantiādīsu pucchāsu uccanīcatādīni apassanto paṭikkhipati.
ਅਪ੍ਪਟਿਸਙ੍ਖਾਨਿਰੁਦ੍ਧੇਤਿ ਯੇ ਪਟਿਸਙ੍ਖਾਯ ਲੋਕੁਤ੍ਤਰੇਨ ਞਾਣੇਨ ਅਨਿਰੁਦ੍ਧਾ ਸੁਦ੍ਧਪਕਤਿਕਤ੍ਤਾ વਾ ਉਦ੍ਦੇਸਪਰਿਪੁਚ੍ਛਾਦੀਨਂ વਾ વਸੇਨ ਨ ਸਮੁਦਾਚਰਣਤੋ ਨਿਰੁਦ੍ਧਾਤਿ વੁਚ੍ਚਨ੍ਤਿ, ਤੇ ਸਙ੍ਖਾਰੇ। ਪਟਿਸਙ੍ਖਾ ਨਿਰੋਧੇਨ੍ਤੀਤਿ। ਲੋਕੁਤ੍ਤਰਞਾਣੇਨ ਨਿਰੋਧੇਨ੍ਤਿ ਅਨੁਪ੍ਪਤ੍ਤਿਭਾવਂ ਗਮੇਨ੍ਤਿ। ਨਨੁ ਅਪ੍ਪਟਿਸਙ੍ਖਾਨਿਰੁਦ੍ਧਾ ਸਙ੍ਖਾਰਾਤਿ ਪੁਚ੍ਛਾ ਪਰવਾਦਿਸ੍ਸ । ਤਤ੍ਥ ਭਗ੍ਗਾਨਂ ਪੁਨ ਅਭਞ੍ਜਨਤੋ ਅਪ੍ਪਟਿਸਙ੍ਖਾਨਿਰੁਦ੍ਧਾਨਂ વਾ ਅਰਿਯਮਗ੍ਗੇ ਉਪ੍ਪਨ੍ਨੇ ਤਥਾ ਨਿਰੁਜ੍ਝਨਤੋવ ਸਕવਾਦੀ ਅਚ੍ਚਨ੍ਤਭਗ੍ਗਤਂ ਪਟਿਜਾਨਾਤਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
Appaṭisaṅkhāniruddheti ye paṭisaṅkhāya lokuttarena ñāṇena aniruddhā suddhapakatikattā vā uddesaparipucchādīnaṃ vā vasena na samudācaraṇato niruddhāti vuccanti, te saṅkhāre. Paṭisaṅkhā nirodhentīti. Lokuttarañāṇena nirodhenti anuppattibhāvaṃ gamenti. Nanu appaṭisaṅkhāniruddhā saṅkhārāti pucchā paravādissa . Tattha bhaggānaṃ puna abhañjanato appaṭisaṅkhāniruddhānaṃ vā ariyamagge uppanne tathā nirujjhanatova sakavādī accantabhaggataṃ paṭijānāti. Sesamettha uttānatthamevāti.
ਨਿਰੋਧਕਥਾવਣ੍ਣਨਾ।
Nirodhakathāvaṇṇanā.
ਦੁਤਿਯੋ વਗ੍ਗੋ।
Dutiyo vaggo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੦) ੧੧. ਨਿਰੋਧਕਥਾ • (20) 11. Nirodhakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੧. ਨਿਰੋਧਕਥਾવਣ੍ਣਨਾ • 11. Nirodhakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੧. ਨਿਰੋਧਕਥਾવਣ੍ਣਨਾ • 11. Nirodhakathāvaṇṇanā
