| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
8. நிரோத⁴னிப்³பா³னபஞ்ஹோ
8. Nirodhanibbānapañho
8. ராஜா ஆஹ ‘‘ப⁴ந்தே நாக³ஸேன, நிரோதோ⁴ நிப்³பா³ன’’ந்தி? ‘‘ஆம, மஹாராஜ, நிரோதோ⁴ நிப்³பா³ன’’ந்தி. ‘‘கத²ங், ப⁴ந்தே , நாக³ஸேன, நிரோதோ⁴ நிப்³பா³ன’’ந்தி? ‘‘ஸப்³பே³ பா³லபுது²ஜ்ஜனா கோ², மஹாராஜ, அஜ்ஜ²த்திகபா³ஹிரே ஆயதனே அபி⁴னந்த³ந்தி அபி⁴வத³ந்தி அஜ்ஜோ²ஸாய திட்ட²ந்தி, தே தேன ஸோதேன வுய்ஹந்தி, ந பரிமுச்சந்தி ஜாதியா ஜராய மரணேன ஸோகேன பரிதே³வேன து³க்கே²ஹி தோ³மனஸ்ஸேஹி உபாயாஸேஹி ந பரிமுச்சந்தி து³க்க²ஸ்மாதி வதா³மி. ஸுதவா ச கோ², மஹாராஜ, அரியஸாவகோ அஜ்ஜ²த்திகபா³ஹிரே ஆயதனே நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி, தஸ்ஸ தங் அனபி⁴னந்த³தோ அனபி⁴வத³தோ அனஜ்ஜோ²ஸாய திட்ட²தோ தண்ஹா நிருஜ்ஜ²தி, தண்ஹானிரோதா⁴ உபாதா³னநிரோதோ⁴, உபாதா³னநிரோதா⁴ ப⁴வனிரோதோ⁴, ப⁴வனிரோதா⁴ ஜாதினிரோதோ⁴, ஜாதினிரோதா⁴ ஜராமரணங் ஸோகபரிதே³வது³க்க²தோ³மனஸ்ஸுபாயாஸா நிருஜ்ஜ²ந்தி, ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதி, ஏவங் கோ², மஹாராஜ, நிரோதோ⁴ நிப்³பா³ன’’ந்தி.
8. Rājā āha ‘‘bhante nāgasena, nirodho nibbāna’’nti? ‘‘Āma, mahārāja, nirodho nibbāna’’nti. ‘‘Kathaṃ, bhante , nāgasena, nirodho nibbāna’’nti? ‘‘Sabbe bālaputhujjanā kho, mahārāja, ajjhattikabāhire āyatane abhinandanti abhivadanti ajjhosāya tiṭṭhanti, te tena sotena vuyhanti, na parimuccanti jātiyā jarāya maraṇena sokena paridevena dukkhehi domanassehi upāyāsehi na parimuccanti dukkhasmāti vadāmi. Sutavā ca kho, mahārāja, ariyasāvako ajjhattikabāhire āyatane nābhinandati nābhivadati nājjhosāya tiṭṭhati, tassa taṃ anabhinandato anabhivadato anajjhosāya tiṭṭhato taṇhā nirujjhati, taṇhānirodhā upādānanirodho, upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassupāyāsā nirujjhanti, evametassa kevalassa dukkhakkhandhassa nirodho hoti, evaṃ kho, mahārāja, nirodho nibbāna’’nti.
‘‘கல்லோஸி, ப⁴ந்தே நாக³ஸேனா’’தி.
‘‘Kallosi, bhante nāgasenā’’ti.
நிரோத⁴னிப்³பா³னபஞ்ஹோ அட்ட²மோ.
Nirodhanibbānapañho aṭṭhamo.
