| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
8. нирод̇ханиб̣б̣аанабан̃хо
8. Nirodhanibbānapañho
8. рааж̇аа ааха ‘‘бханд̇з нааг̇асзна, нирод̇хо ниб̣б̣аана’’нд̇и? ‘‘аама, махаарааж̇а, нирод̇хо ниб̣б̣аана’’нд̇и. ‘‘гат̇ам̣, бханд̇з , нааг̇асзна, нирод̇хо ниб̣б̣аана’’нд̇и? ‘‘саб̣б̣з б̣аалабут̇уж̇ж̇анаа ко, махаарааж̇а, аж̇жхад̇д̇игаб̣аахирз ааяад̇анз абхинанд̣̇анд̇и абхивад̣̇анд̇и аж̇жхосааяа д̇идтанд̇и, д̇з д̇зна сод̇зна вуяханд̇и, на баримужжанд̇и ж̇аад̇ияаа ж̇арааяа маран̣зна согзна барид̣̇звзна д̣̇угкзхи д̣̇оманассзхи убааяаасзхи на баримужжанд̇и д̣̇угкасмаад̇и вад̣̇аами. суд̇аваа жа ко, махаарааж̇а, арияасааваго аж̇жхад̇д̇игаб̣аахирз ааяад̇анз наабхинанд̣̇ад̇и наабхивад̣̇ад̇и нааж̇жхосааяа д̇идтад̇и, д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о д̇ан̣хаа нируж̇жхад̇и, д̇ан̣хаанирод̇хаа убаад̣̇аананирод̇хо, убаад̣̇аананирод̇хаа бхаванирод̇хо, бхаванирод̇хаа ж̇аад̇инирод̇хо, ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и, звамзд̇асса гзваласса д̣̇угкагканд̇хасса нирод̇хо ход̇и, звам̣ ко, махаарааж̇а, нирод̇хо ниб̣б̣аана’’нд̇и.
8. Rājā āha ‘‘bhante nāgasena, nirodho nibbāna’’nti? ‘‘Āma, mahārāja, nirodho nibbāna’’nti. ‘‘Kathaṃ, bhante , nāgasena, nirodho nibbāna’’nti? ‘‘Sabbe bālaputhujjanā kho, mahārāja, ajjhattikabāhire āyatane abhinandanti abhivadanti ajjhosāya tiṭṭhanti, te tena sotena vuyhanti, na parimuccanti jātiyā jarāya maraṇena sokena paridevena dukkhehi domanassehi upāyāsehi na parimuccanti dukkhasmāti vadāmi. Sutavā ca kho, mahārāja, ariyasāvako ajjhattikabāhire āyatane nābhinandati nābhivadati nājjhosāya tiṭṭhati, tassa taṃ anabhinandato anabhivadato anajjhosāya tiṭṭhato taṇhā nirujjhati, taṇhānirodhā upādānanirodho, upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassupāyāsā nirujjhanti, evametassa kevalassa dukkhakkhandhassa nirodho hoti, evaṃ kho, mahārāja, nirodho nibbāna’’nti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
нирод̇ханиб̣б̣аанабан̃хо адтамо.
Nirodhanibbānapañho aṭṭhamo.
