| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
нирод̇хасажжанид̣̇д̣̇зсаван̣н̣анаа
Nirodhasaccaniddesavaṇṇanā
35.
35.
нирод̇хасажжанид̣̇д̣̇зсз яо д̇ассааязва д̇ан̣хааяаад̇и зд̇т̇а ‘‘яо д̇ассзва д̣̇угкассаа’’д̇и вад̇д̇аб̣б̣з яасмаа самуд̣̇аяанирод̇хзнзва д̣̇угкам̣ нируж̇жхад̇и, но ан̃н̃ат̇аа. яат̇ааха –
Nirodhasaccaniddese yo tassāyeva taṇhāyāti ettha ‘‘yo tasseva dukkhassā’’ti vattabbe yasmā samudayanirodheneva dukkhaṃ nirujjhati, no aññathā. Yathāha –
‘‘яат̇ааби муулз анубад̣̇д̣̇авз д̣̇ал̣хз, чинноби ругко бунарзва руухад̇и;
‘‘Yathāpi mūle anupaddave daḷhe, chinnopi rukkho punareva rūhati;
звамби д̇ан̣хаанусаяз ануухад̇з, ниб̣б̣ад̇д̇ад̇ий д̣̇угкамид̣̇ам̣ бунаббуна’’нд̇и. (д̇ха. ба. 338);
Evampi taṇhānusaye anūhate, nibbattatī dukkhamidaṃ punappuna’’nti. (dha. pa. 338);
д̇асмаа д̇ам̣ д̣̇угканирод̇хам̣ д̣̇ассзнд̇о самуд̣̇аяанирод̇хзна д̣̇ассзд̇ум̣ звамааха. сийхасамаанавуд̇д̇ино хи д̇ат̇ааг̇ад̇аа, д̇з д̣̇угкам̣ нирод̇хзнд̇аа д̣̇угканирод̇хан̃жа д̣̇ассзнд̇аа хзд̇умхи бадибаж̇ж̇анд̇и, на палз. суваанавуд̇д̇ино бана ан̃н̃ад̇ид̇т̇ияаа , д̇з д̣̇угкам̣ нирод̇хзнд̇аа д̣̇угканирод̇хан̃жа д̣̇ассзнд̇аа ад̇д̇агиламат̇аануяог̇зна жзва д̇ассзва жа д̣̇зсанааяа палз бадибаж̇ж̇анд̇и, на хзд̇умхийд̇и. сийхасамаанавуд̇д̇ид̇ааяа сад̇т̇аа хзд̇умхи бадибаж̇ж̇анд̇о ‘‘яо д̇ассааязваа’’д̇иаад̣̇имааха. д̇хаммасзнаабад̇иби сад̇т̇аараа вуд̇д̇аггамзнзвааха.
Tasmā taṃ dukkhanirodhaṃ dassento samudayanirodhena dassetuṃ evamāha. Sīhasamānavuttino hi tathāgatā, te dukkhaṃ nirodhentā dukkhanirodhañca dassentā hetumhi paṭipajjanti, na phale. Suvānavuttino pana aññatitthiyā , te dukkhaṃ nirodhentā dukkhanirodhañca dassentā attakilamathānuyogena ceva tasseva ca desanāya phale paṭipajjanti, na hetumhīti. Sīhasamānavuttitāya satthā hetumhi paṭipajjanto ‘‘yo tassāyevā’’tiādimāha. Dhammasenāpatipi satthārā vuttakkamenevāha.
д̇ад̇т̇а д̇ассааязва д̇ан̣хааяаад̇и яаа саа д̇ан̣хаа ‘‘бонобхавигаа’’д̇и вад̇ваа гаамад̇ан̣хаад̣̇ивасзна вибхад̇д̇аа уббад̇д̇инивзсанавасзна жа хздтаа багаасид̇аа, д̇ассааязва д̇ан̣хааяа. асзсавирааг̇анирод̇ход̇и вирааг̇о вужжад̇и маг̇г̇о, ‘‘вирааг̇аа вимужжад̇ий’’д̇и (ма. ни. 1.245; сам̣. ни. 3.12; махаава. 23) хи вуд̇д̇ам̣. вирааг̇зна нирод̇хо вирааг̇анирод̇хо, анусаяасамуг̇гхаад̇ад̇о асзсо вирааг̇анирод̇хо асзсавирааг̇анирод̇хо. ат̇а ваа вирааг̇од̇и хи бахаанам̣ вужжад̇и, д̇асмаа асзсо вирааг̇о асзсо нирод̇ход̇и звамбзд̇т̇а яож̇анаа д̣̇адтаб̣б̣аа. ад̇т̇ад̇о бана саб̣б̣аанзва банзд̇аани асзсавирааг̇анирод̇ход̇иаад̣̇ийни ниб̣б̣аанассзва взважанаани. барамад̇т̇ад̇о хи д̣̇угканирод̇хам̣ арияасажжанд̇и ниб̣б̣аанам̣ вужжад̇и. яасмаа бана д̇ам̣ ааг̇амма д̇ан̣хаа асзсаа вираж̇ж̇ад̇и нируж̇жхад̇и, д̇асмаа д̇ам̣ ‘‘д̇ассааязва д̇ан̣хааяа асзсавирааг̇анирод̇хо’’д̇и вужжад̇и. ниб̣б̣аанан̃жа ааг̇амма д̇ан̣хаа жаж̇ийяад̇и бадиниссаж̇ж̇ийяад̇и мужжад̇и на аллийяад̇и, гаамаг̇ун̣аалаязсу жзд̇т̇а згоби аалаяо над̇т̇и, д̇асмаа ниб̣б̣аанам̣ жааг̇о бадиниссаг̇г̇о муд̇д̇и анаалаяод̇и вужжад̇и. згамзва хи ниб̣б̣аанам̣, наамаани банасса саб̣б̣асан̇кад̇аанам̣ наамабадибагкавасзна анзгаани хонд̇и. сзяяат̇ид̣̇ам̣ – асзсавирааг̇о асзсанирод̇хо жааг̇о бадиниссаг̇г̇о муд̇д̇и анаалаяо рааг̇агкаяо д̣̇осагкаяо мохагкаяо д̇ан̣хаагкаяо ануббаад̣̇о аббавад̇д̇ам̣ анимид̇д̇ам̣ аббан̣ихид̇ам̣ анааяууханам̣ аббадисанд̇хи анубабад̇д̇и аг̇ад̇и аж̇аад̇ам̣ аж̇арам̣ аб̣яаад̇хи амад̇ам̣ асогам̣ абарид̣̇звам̣ анубааяаасам̣ асам̣гилидтанд̇иаад̣̇ийни.
Tattha tassāyeva taṇhāyāti yā sā taṇhā ‘‘ponobhavikā’’ti vatvā kāmataṇhādivasena vibhattā uppattinivesanavasena ca heṭṭhā pakāsitā, tassāyeva taṇhāya. Asesavirāganirodhoti virāgo vuccati maggo, ‘‘virāgā vimuccatī’’ti (ma. ni. 1.245; saṃ. ni. 3.12; mahāva. 23) hi vuttaṃ. Virāgena nirodho virāganirodho, anusayasamugghātato aseso virāganirodho asesavirāganirodho. Atha vā virāgoti hi pahānaṃ vuccati, tasmā aseso virāgo aseso nirodhoti evampettha yojanā daṭṭhabbā. Atthato pana sabbāneva panetāni asesavirāganirodhotiādīni nibbānasseva vevacanāni. Paramatthato hi dukkhanirodhaṃ ariyasaccanti nibbānaṃ vuccati. Yasmā pana taṃ āgamma taṇhā asesā virajjati nirujjhati, tasmā taṃ ‘‘tassāyeva taṇhāya asesavirāganirodho’’ti vuccati. Nibbānañca āgamma taṇhā cajīyati paṭinissajjīyati muccati na allīyati, kāmaguṇālayesu cettha ekopi ālayo natthi, tasmā nibbānaṃ cāgo paṭinissaggo mutti anālayoti vuccati. Ekameva hi nibbānaṃ, nāmāni panassa sabbasaṅkhatānaṃ nāmapaṭipakkhavasena anekāni honti. Seyyathidaṃ – asesavirāgo asesanirodho cāgo paṭinissaggo mutti anālayo rāgakkhayo dosakkhayo mohakkhayo taṇhākkhayo anuppādo appavattaṃ animittaṃ appaṇihitaṃ anāyūhanaṃ appaṭisandhi anupapatti agati ajātaṃ ajaraṃ abyādhi amataṃ asokaṃ aparidevaṃ anupāyāsaṃ asaṃkiliṭṭhantiādīni.
ид̣̇аани маг̇г̇зна чиннааяа ниб̣б̣аанам̣ ааг̇амма аббавад̇д̇иббад̇д̇ааяаби жа д̇ан̣хааяа язсу вад̇т̇уусу д̇ассаа уббад̇д̇и д̣̇ассид̇аа, д̇ад̇т̇зва абхаавам̣ д̣̇ассзд̇ум̣ саа ко банзсаад̇иаад̣̇имааха. д̇ад̇т̇а яат̇аа бурисо кзд̇д̇з ж̇аад̇ам̣ д̇ид̇д̇агаалааб̣уваллим̣ д̣̇исваа аг̇г̇ад̇о бадтааяа муулам̣ бариязсид̇ваа чинд̣̇зяяа, саа анубуб̣б̣зна милааяид̇ваа аббан̃н̃ад̇д̇им̣ г̇ажчзяяа, д̇ад̇о д̇асмим̣ кзд̇д̇з д̇ид̇д̇агаалааб̣у нируд̣̇д̇хаа бахийнаад̇и вужжзяяа, звамзва кзд̇д̇з д̇ид̇д̇агаалааб̣у вияа жагкаад̣̇ийсу д̇ан̣хаа. саа арияамаг̇г̇зна муулажчиннаа ниб̣б̣аанам̣ ааг̇амма аббавад̇д̇им̣ г̇ажчад̇и. звам̣ г̇ад̇аа бана д̇зсу вад̇т̇уусу кзд̇д̇з д̇ид̇д̇агаалааб̣у вияа на бан̃н̃ааяад̇и. яат̇аа жа адавид̇о жорз аанзд̇ваа наг̇арасса д̣̇агкин̣ад̣̇ваарз гхаад̇зяяум̣, д̇ад̇о адавияам̣ жораа мад̇аад̇и ваа маарид̇аад̇и ваа вужжзяяум̣, звамзва адавияам̣ жораа вияа яаа жагкаад̣̇ийсу д̇ан̣хаа, саа д̣̇агкин̣ад̣̇ваарз жораа вияа ниб̣б̣аанам̣ ааг̇амма нируд̣̇д̇хад̇д̇аа ниб̣б̣аанз нируд̣̇д̇хаа. звам̣ нируд̣̇д̇хаа бана д̇зсу вад̇т̇уусу адавияам̣ жораа вияа на бан̃н̃ааяад̇и. д̇знассаа д̇ад̇т̇зва нирод̇хам̣ д̣̇ассзнд̇о ‘‘жагку логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇ий’’д̇иаад̣̇имааха. ат̇а ваа д̇ан̣хуббаад̣̇авад̇т̇усса барин̃н̃аад̇ад̇д̇аа барин̃н̃аад̇авад̇т̇усмим̣ буна на уббаж̇ж̇анад̇о ануббаад̣̇анирод̇хавасзна д̇ан̣хуббаад̣̇авад̇т̇усмим̣язва нируж̇жхад̇ийд̇и вужжад̇и. зд̇т̇а жа уббаж̇ж̇анабадибагкавасзна бахийяад̇ийд̇и вуд̇д̇ам̣, нивисанабадибагкавасзна нируж̇жхад̇ийд̇и.
Idāni maggena chinnāya nibbānaṃ āgamma appavattippattāyapi ca taṇhāya yesu vatthūsu tassā uppatti dassitā, tattheva abhāvaṃ dassetuṃ sā kho panesātiādimāha. Tattha yathā puriso khette jātaṃ tittakālābuvalliṃ disvā aggato paṭṭhāya mūlaṃ pariyesitvā chindeyya, sā anupubbena milāyitvā appaññattiṃ gaccheyya, tato tasmiṃ khette tittakālābu niruddhā pahīnāti vucceyya, evameva khette tittakālābu viya cakkhādīsu taṇhā. Sā ariyamaggena mūlacchinnā nibbānaṃ āgamma appavattiṃ gacchati. Evaṃ gatā pana tesu vatthūsu khette tittakālābu viya na paññāyati. Yathā ca aṭavito core ānetvā nagarassa dakkhiṇadvāre ghāteyyuṃ, tato aṭaviyaṃ corā matāti vā māritāti vā vucceyyuṃ, evameva aṭaviyaṃ corā viya yā cakkhādīsu taṇhā, sā dakkhiṇadvāre corā viya nibbānaṃ āgamma niruddhattā nibbāne niruddhā. Evaṃ niruddhā pana tesu vatthūsu aṭaviyaṃ corā viya na paññāyati. Tenassā tattheva nirodhaṃ dassento ‘‘cakkhu loke piyarūpaṃ sātarūpaṃ, etthesā taṇhā pahīyamānā pahīyatī’’tiādimāha. Atha vā taṇhuppādavatthussa pariññātattā pariññātavatthusmiṃ puna na uppajjanato anuppādanirodhavasena taṇhuppādavatthusmiṃyeva nirujjhatīti vuccati. Ettha ca uppajjanapaṭipakkhavasena pahīyatīti vuttaṃ, nivisanapaṭipakkhavasena nirujjhatīti.
нирод̇хасажжанид̣̇д̣̇зсаван̣н̣анаа нидтид̇аа.
Nirodhasaccaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. суд̇амаяан̃аан̣анид̣̇д̣̇зсо • 1. Sutamayañāṇaniddeso
