| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
6. чадтаваг̇г̇о
6. Chaṭṭhavaggo
(57) 5. нирод̇хасамаабад̇д̇игат̇аа
(57) 5. Nirodhasamāpattikathā
457. нирод̇хасамаабад̇д̇и асан̇кад̇аад̇и? ааманд̇аа. ниб̣б̣аанам̣ д̇аан̣ам̣ лзн̣ам̣ саран̣ам̣ барааяанам̣ ажжуд̇ам̣ амад̇анд̇и? на хзвам̣ вад̇д̇аб̣б̣з…бз… нирод̇хасамаабад̇д̇и асан̇кад̇аа, ниб̣б̣аанам̣ асан̇кад̇анд̇и? ааманд̇аа. д̣̇вз асан̇кад̇аанийд̇и? на хзвам̣ вад̇д̇аб̣б̣з…бз… д̣̇вз асан̇кад̇аанийд̇и? ааманд̇аа. д̣̇вз д̇аан̣аани…бз… анд̇аригаа ваад̇и? на хзвам̣ вад̇д̇аб̣б̣з…бз….
457. Nirodhasamāpatti asaṅkhatāti? Āmantā. Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti? Na hevaṃ vattabbe…pe… nirodhasamāpatti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
нирод̇хасамаабад̇д̇и асан̇кад̇аад̇и? ааманд̇аа. ад̇т̇и гзжи нирод̇хам̣ самаабаж̇ж̇анд̇и бадилабханд̇и уббаад̣̇знд̇и самуббаад̣̇знд̇и удтабзнд̇и самудтабзнд̇и ниб̣б̣ад̇д̇знд̇и абхиниб̣б̣ад̇д̇знд̇и ж̇анзнд̇и сан̃ж̇анзнд̇ийд̇и? ааманд̇аа. ад̇т̇и гзжи асан̇кад̇ам̣ самаабаж̇ж̇анд̇и бадилабханд̇и уббаад̣̇знд̇и самуббаад̣̇знд̇и удтабзнд̇и самудтабзнд̇и ниб̣б̣ад̇д̇знд̇и абхиниб̣б̣ад̇д̇знд̇и ж̇анзнд̇и сан̃ж̇анзнд̇ийд̇и? на хзвам̣ вад̇д̇аб̣б̣з…бз….
Nirodhasamāpatti asaṅkhatāti? Āmantā. Atthi keci nirodhaṃ samāpajjanti paṭilabhanti uppādenti samuppādenti uṭṭhapenti samuṭṭhapenti nibbattenti abhinibbattenti janenti sañjanentīti? Āmantā. Atthi keci asaṅkhataṃ samāpajjanti paṭilabhanti uppādenti samuppādenti uṭṭhapenti samuṭṭhapenti nibbattenti abhinibbattenti janenti sañjanentīti? Na hevaṃ vattabbe…pe….
458. нирод̇хаа вод̣̇аанам̣ вудтаанам̣ бан̃н̃ааяад̇ийд̇и? ааманд̇аа. асан̇кад̇аа вод̣̇аанам̣ вудтаанам̣ бан̃н̃ааяад̇ийд̇и ? на хзвам̣ вад̇д̇аб̣б̣з…бз… нирод̇хам̣ самаабаж̇ж̇анд̇асса батамам̣ нируж̇жхад̇и важийсан̇кааро, д̇ад̇о гааяасан̇кааро, д̇ад̇о жид̇д̇асан̇каарод̇и? ааманд̇аа. асан̇кад̇ам̣ самаабаж̇ж̇анд̇асса батамам̣ нируж̇жхад̇и важийсан̇кааро, д̇ад̇о гааяасан̇кааро, д̇ад̇о жид̇д̇асан̇каарод̇и? на хзвам̣ вад̇д̇аб̣б̣з…бз… нирод̇хаа вудтаханд̇асса батамам̣ уббаж̇ж̇ад̇и жид̇д̇асан̇кааро, д̇ад̇о гааяасан̇кааро, д̇ад̇о важийсан̇каарод̇и? ааманд̇аа . асан̇кад̇аа вудтаханд̇асса батамам̣ уббаж̇ж̇ад̇и жид̇д̇асан̇кааро, д̇ад̇о гааяасан̇кааро, д̇ад̇о важийсан̇каарод̇и? на хзвам̣ вад̇д̇аб̣б̣з…бз….
458. Nirodhā vodānaṃ vuṭṭhānaṃ paññāyatīti? Āmantā. Asaṅkhatā vodānaṃ vuṭṭhānaṃ paññāyatīti ? Na hevaṃ vattabbe…pe… nirodhaṃ samāpajjantassa paṭhamaṃ nirujjhati vacīsaṅkhāro, tato kāyasaṅkhāro, tato cittasaṅkhāroti? Āmantā. Asaṅkhataṃ samāpajjantassa paṭhamaṃ nirujjhati vacīsaṅkhāro, tato kāyasaṅkhāro, tato cittasaṅkhāroti? Na hevaṃ vattabbe…pe… nirodhā vuṭṭhahantassa paṭhamaṃ uppajjati cittasaṅkhāro, tato kāyasaṅkhāro, tato vacīsaṅkhāroti? Āmantā . Asaṅkhatā vuṭṭhahantassa paṭhamaṃ uppajjati cittasaṅkhāro, tato kāyasaṅkhāro, tato vacīsaṅkhāroti? Na hevaṃ vattabbe…pe….
нирод̇хаа вудтид̇ам̣ д̇аяо пассаа пусанд̇и – сун̃н̃ад̇о пассо, анимид̇д̇о пассо, аббан̣ихид̇о пассод̇и? ааманд̇аа. асан̇кад̇аа вудтид̇ам̣ д̇аяо пассаа пусанд̇и – сун̃н̃ад̇о пассо, анимид̇д̇о пассо, аббан̣ихид̇о пассод̇и? на хзвам̣ вад̇д̇аб̣б̣з…бз….
Nirodhā vuṭṭhitaṃ tayo phassā phusanti – suññato phasso, animitto phasso, appaṇihito phassoti? Āmantā. Asaṅkhatā vuṭṭhitaṃ tayo phassā phusanti – suññato phasso, animitto phasso, appaṇihito phassoti? Na hevaṃ vattabbe…pe….
нирод̇хаа вудтид̇асса вивзганиннам̣ жид̇д̇ам̣ ход̇и вивзгабон̣ам̣ вивзгабаб̣бхааранд̇и? ааманд̇аа. асан̇кад̇аа вудтид̇асса вивзганиннам̣ жид̇д̇ам̣ ход̇и вивзгабон̣ам̣ вивзгабаб̣бхааранд̇и? на хзвам̣ вад̇д̇аб̣б̣з…бз….
Nirodhā vuṭṭhitassa vivekaninnaṃ cittaṃ hoti vivekapoṇaṃ vivekapabbhāranti? Āmantā. Asaṅkhatā vuṭṭhitassa vivekaninnaṃ cittaṃ hoti vivekapoṇaṃ vivekapabbhāranti? Na hevaṃ vattabbe…pe….
459. на вад̇д̇аб̣б̣ам̣ – ‘‘нирод̇хасамаабад̇д̇и асан̇кад̇аа’’д̇и? ааманд̇аа. сан̇кад̇аад̇и? на хзвам̣ вад̇д̇аб̣б̣з…бз… д̇зна хи нирод̇хасамаабад̇д̇и асан̇кад̇аад̇и.
459. Na vattabbaṃ – ‘‘nirodhasamāpatti asaṅkhatā’’ti? Āmantā. Saṅkhatāti? Na hevaṃ vattabbe…pe… tena hi nirodhasamāpatti asaṅkhatāti.
нирод̇хасамаабад̇д̇игат̇аа нидтид̇аа.
Nirodhasamāpattikathā niṭṭhitā.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. нирод̇хасамаабад̇д̇игат̇ааван̣н̣анаа • 5. Nirodhasamāpattikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. нирод̇хасамаабад̇д̇игат̇ааван̣н̣анаа • 5. Nirodhasamāpattikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. нирод̇хасамаабад̇д̇игат̇ааван̣н̣анаа • 5. Nirodhasamāpattikathāvaṇṇanā
