| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๖. ฉฎฺฐวโคฺค
6. Chaṭṭhavaggo
(๕๗) ๕. นิโรธสมาปตฺติกถา
(57) 5. Nirodhasamāpattikathā
๔๕๗. นิโรธสมาปตฺติ อสงฺขตาติ? อามนฺตาฯ นิพฺพานํ ตาณํ เลณํ สรณํ ปรายนํ อจฺจุตํ อมตนฺติ? น เหวํ วตฺตเพฺพ…เป.… นิโรธสมาปตฺติ อสงฺขตา, นิพฺพานํ อสงฺขตนฺติ? อามนฺตาฯ เทฺว อสงฺขตานีติ? น เหวํ วตฺตเพฺพ…เป.… เทฺว อสงฺขตานีติ? อามนฺตาฯ เทฺว ตาณานิ…เป.… อนฺตริกา วาติ? น เหวํ วตฺตเพฺพ…เป.…ฯ
457. Nirodhasamāpatti asaṅkhatāti? Āmantā. Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti? Na hevaṃ vattabbe…pe… nirodhasamāpatti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
นิโรธสมาปตฺติ อสงฺขตาติ? อามนฺตาฯ อตฺถิ เกจิ นิโรธํ สมาปชฺชนฺติ ปฎิลภนฺติ อุปฺปาเทนฺติ สมุปฺปาเทนฺติ อุฎฺฐเปนฺติ สมุฎฺฐเปนฺติ นิพฺพเตฺตนฺติ อภินิพฺพเตฺตนฺติ ชเนนฺติ สญฺชเนนฺตีติ? อามนฺตาฯ อตฺถิ เกจิ อสงฺขตํ สมาปชฺชนฺติ ปฎิลภนฺติ อุปฺปาเทนฺติ สมุปฺปาเทนฺติ อุฎฺฐเปนฺติ สมุฎฺฐเปนฺติ นิพฺพเตฺตนฺติ อภินิพฺพเตฺตนฺติ ชเนนฺติ สญฺชเนนฺตีติ? น เหวํ วตฺตเพฺพ…เป.…ฯ
Nirodhasamāpatti asaṅkhatāti? Āmantā. Atthi keci nirodhaṃ samāpajjanti paṭilabhanti uppādenti samuppādenti uṭṭhapenti samuṭṭhapenti nibbattenti abhinibbattenti janenti sañjanentīti? Āmantā. Atthi keci asaṅkhataṃ samāpajjanti paṭilabhanti uppādenti samuppādenti uṭṭhapenti samuṭṭhapenti nibbattenti abhinibbattenti janenti sañjanentīti? Na hevaṃ vattabbe…pe….
๔๕๘. นิโรธา โวทานํ วุฎฺฐานํ ปญฺญายตีติ? อามนฺตาฯ อสงฺขตา โวทานํ วุฎฺฐานํ ปญฺญายตีติ ? น เหวํ วตฺตเพฺพ…เป.… นิโรธํ สมาปชฺชนฺตสฺส ปฐมํ นิรุชฺฌติ วจีสงฺขาโร, ตโต กายสงฺขาโร, ตโต จิตฺตสงฺขาโรติ? อามนฺตาฯ อสงฺขตํ สมาปชฺชนฺตสฺส ปฐมํ นิรุชฺฌติ วจีสงฺขาโร, ตโต กายสงฺขาโร, ตโต จิตฺตสงฺขาโรติ? น เหวํ วตฺตเพฺพ…เป.… นิโรธา วุฎฺฐหนฺตสฺส ปฐมํ อุปฺปชฺชติ จิตฺตสงฺขาโร, ตโต กายสงฺขาโร, ตโต วจีสงฺขาโรติ? อามนฺตา ฯ อสงฺขตา วุฎฺฐหนฺตสฺส ปฐมํ อุปฺปชฺชติ จิตฺตสงฺขาโร, ตโต กายสงฺขาโร, ตโต วจีสงฺขาโรติ? น เหวํ วตฺตเพฺพ…เป.…ฯ
458. Nirodhā vodānaṃ vuṭṭhānaṃ paññāyatīti? Āmantā. Asaṅkhatā vodānaṃ vuṭṭhānaṃ paññāyatīti ? Na hevaṃ vattabbe…pe… nirodhaṃ samāpajjantassa paṭhamaṃ nirujjhati vacīsaṅkhāro, tato kāyasaṅkhāro, tato cittasaṅkhāroti? Āmantā. Asaṅkhataṃ samāpajjantassa paṭhamaṃ nirujjhati vacīsaṅkhāro, tato kāyasaṅkhāro, tato cittasaṅkhāroti? Na hevaṃ vattabbe…pe… nirodhā vuṭṭhahantassa paṭhamaṃ uppajjati cittasaṅkhāro, tato kāyasaṅkhāro, tato vacīsaṅkhāroti? Āmantā . Asaṅkhatā vuṭṭhahantassa paṭhamaṃ uppajjati cittasaṅkhāro, tato kāyasaṅkhāro, tato vacīsaṅkhāroti? Na hevaṃ vattabbe…pe….
นิโรธา วุฎฺฐิตํ ตโย ผสฺสา ผุสนฺติ – สุญฺญโต ผโสฺส, อนิมิโตฺต ผโสฺส, อปฺปณิหิโต ผโสฺสติ? อามนฺตาฯ อสงฺขตา วุฎฺฐิตํ ตโย ผสฺสา ผุสนฺติ – สุญฺญโต ผโสฺส, อนิมิโตฺต ผโสฺส, อปฺปณิหิโต ผโสฺสติ? น เหวํ วตฺตเพฺพ…เป.…ฯ
Nirodhā vuṭṭhitaṃ tayo phassā phusanti – suññato phasso, animitto phasso, appaṇihito phassoti? Āmantā. Asaṅkhatā vuṭṭhitaṃ tayo phassā phusanti – suññato phasso, animitto phasso, appaṇihito phassoti? Na hevaṃ vattabbe…pe….
นิโรธา วุฎฺฐิตสฺส วิเวกนินฺนํ จิตฺตํ โหติ วิเวกโปณํ วิเวกปพฺภารนฺติ? อามนฺตาฯ อสงฺขตา วุฎฺฐิตสฺส วิเวกนินฺนํ จิตฺตํ โหติ วิเวกโปณํ วิเวกปพฺภารนฺติ? น เหวํ วตฺตเพฺพ…เป.…ฯ
Nirodhā vuṭṭhitassa vivekaninnaṃ cittaṃ hoti vivekapoṇaṃ vivekapabbhāranti? Āmantā. Asaṅkhatā vuṭṭhitassa vivekaninnaṃ cittaṃ hoti vivekapoṇaṃ vivekapabbhāranti? Na hevaṃ vattabbe…pe….
๔๕๙. น วตฺตพฺพํ – ‘‘นิโรธสมาปตฺติ อสงฺขตา’’ติ? อามนฺตาฯ สงฺขตาติ? น เหวํ วตฺตเพฺพ…เป.… เตน หิ นิโรธสมาปตฺติ อสงฺขตาติฯ
459. Na vattabbaṃ – ‘‘nirodhasamāpatti asaṅkhatā’’ti? Āmantā. Saṅkhatāti? Na hevaṃ vattabbe…pe… tena hi nirodhasamāpatti asaṅkhatāti.
นิโรธสมาปตฺติกถา นิฎฺฐิตาฯ
Nirodhasamāpattikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕. นิโรธสมาปตฺติกถาวณฺณนา • 5. Nirodhasamāpattikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๕. นิโรธสมาปตฺติกถาวณฺณนา • 5. Nirodhasamāpattikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๕. นิโรธสมาปตฺติกถาวณฺณนา • 5. Nirodhasamāpattikathāvaṇṇanā
