| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
5. நிரோத⁴ஸமாபத்திகதா²வண்ணனா
5. Nirodhasamāpattikathāvaṇṇanā
457-459. இதா³னி நிரோத⁴ஸமாபத்திகதா² நாம ஹோதி. தத்த² நிரோத⁴ஸமாபத்தீதி சதுன்னங் க²ந்தா⁴னங் அப்பவத்தி. யஸ்மா பன ஸா கரியமானா கரியதி, ஸமாபஜ்ஜியமானா ஸமாபஜ்ஜியதி, தஸ்மா நிப்ப²ன்னாதி வுச்சதி. ஸங்க²தாஸங்க²தலக்க²ணானங் பன அபா⁴வேன ந வத்தப்³பா³ ‘‘ஸங்க²தாதி வா அஸங்க²தா’’தி வா. தத்த² யேஸங் ‘‘யஸ்மா ஸங்க²தா ந ஹோதி, தஸ்மா அஸங்க²தா’’தி லத்³தி⁴, ஸெய்யதா²பி அந்த⁴கானஞ்சேவ உத்தராபத²கானஞ்ச; தே ஸந்தா⁴ய நிரோத⁴ஸமாபத்தீதி புச்சா² ஸகவாதி³ஸ்ஸ, படிஞ்ஞா இதரஸ்ஸ. உப்பாதெ³ந்தீதிஆதி³ ஸமாபஜ்ஜனபடிலாப⁴வஸேனேவ வுத்தங். யதா² பன ரூபாத³யோ அஸங்க²தத⁴ம்மே உப்பாதெ³ந்தி; ந ததா² தங் கேசி உப்பாதெ³ந்தி நாம. நிரோதா⁴ வோதா³னங் வுட்டா²னந்தி ப²லஸமாபத்தி வேதி³தப்³பா³. அஸங்க²தா பன தங் நத்தி²யேவ, தஸ்மா படிக்கி²பதி. தேன ஹீதி யஸ்மா ஸங்க²தா ந ஹோதி, தஸ்மா அஸங்க²தாதி லத்³தி⁴. இத³ங் பன அஸங்க²தபா⁴வே காரணங் ந ஹோதீதி வுத்தம்பி அவுத்தஸதி³ஸமேவாதி.
457-459. Idāni nirodhasamāpattikathā nāma hoti. Tattha nirodhasamāpattīti catunnaṃ khandhānaṃ appavatti. Yasmā pana sā kariyamānā kariyati, samāpajjiyamānā samāpajjiyati, tasmā nipphannāti vuccati. Saṅkhatāsaṅkhatalakkhaṇānaṃ pana abhāvena na vattabbā ‘‘saṅkhatāti vā asaṅkhatā’’ti vā. Tattha yesaṃ ‘‘yasmā saṅkhatā na hoti, tasmā asaṅkhatā’’ti laddhi, seyyathāpi andhakānañceva uttarāpathakānañca; te sandhāya nirodhasamāpattīti pucchā sakavādissa, paṭiññā itarassa. Uppādentītiādi samāpajjanapaṭilābhavaseneva vuttaṃ. Yathā pana rūpādayo asaṅkhatadhamme uppādenti; na tathā taṃ keci uppādenti nāma. Nirodhā vodānaṃ vuṭṭhānanti phalasamāpatti veditabbā. Asaṅkhatā pana taṃ natthiyeva, tasmā paṭikkhipati. Tena hīti yasmā saṅkhatā na hoti, tasmā asaṅkhatāti laddhi. Idaṃ pana asaṅkhatabhāve kāraṇaṃ na hotīti vuttampi avuttasadisamevāti.
நிரோத⁴ஸமாபத்திகதா²வண்ணனா.
Nirodhasamāpattikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (57) 5. நிரோத⁴ஸமாபத்திகதா² • (57) 5. Nirodhasamāpattikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 5. நிரோத⁴ஸமாபத்திகதா²வண்ணனா • 5. Nirodhasamāpattikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 5. நிரோத⁴ஸமாபத்திகதா²வண்ணனா • 5. Nirodhasamāpattikathāvaṇṇanā
