| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੫. ਨਿਰੋਧਸਮਾਪਤ੍ਤਿਕਥਾવਣ੍ਣਨਾ
5. Nirodhasamāpattikathāvaṇṇanā
੪੫੭-੪੫੯. ਇਦਾਨਿ ਨਿਰੋਧਸਮਾਪਤ੍ਤਿਕਥਾ ਨਾਮ ਹੋਤਿ। ਤਤ੍ਥ ਨਿਰੋਧਸਮਾਪਤ੍ਤੀਤਿ ਚਤੁਨ੍ਨਂ ਖਨ੍ਧਾਨਂ ਅਪ੍ਪવਤ੍ਤਿ। ਯਸ੍ਮਾ ਪਨ ਸਾ ਕਰਿਯਮਾਨਾ ਕਰਿਯਤਿ, ਸਮਾਪਜ੍ਜਿਯਮਾਨਾ ਸਮਾਪਜ੍ਜਿਯਤਿ, ਤਸ੍ਮਾ ਨਿਪ੍ਫਨ੍ਨਾਤਿ વੁਚ੍ਚਤਿ। ਸਙ੍ਖਤਾਸਙ੍ਖਤਲਕ੍ਖਣਾਨਂ ਪਨ ਅਭਾવੇਨ ਨ વਤ੍ਤਬ੍ਬਾ ‘‘ਸਙ੍ਖਤਾਤਿ વਾ ਅਸਙ੍ਖਤਾ’’ਤਿ વਾ। ਤਤ੍ਥ ਯੇਸਂ ‘‘ਯਸ੍ਮਾ ਸਙ੍ਖਤਾ ਨ ਹੋਤਿ, ਤਸ੍ਮਾ ਅਸਙ੍ਖਤਾ’’ਤਿ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਞ੍ਚੇવ ਉਤ੍ਤਰਾਪਥਕਾਨਞ੍ਚ; ਤੇ ਸਨ੍ਧਾਯ ਨਿਰੋਧਸਮਾਪਤ੍ਤੀਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਉਪ੍ਪਾਦੇਨ੍ਤੀਤਿਆਦਿ ਸਮਾਪਜ੍ਜਨਪਟਿਲਾਭવਸੇਨੇવ વੁਤ੍ਤਂ। ਯਥਾ ਪਨ ਰੂਪਾਦਯੋ ਅਸਙ੍ਖਤਧਮ੍ਮੇ ਉਪ੍ਪਾਦੇਨ੍ਤਿ; ਨ ਤਥਾ ਤਂ ਕੇਚਿ ਉਪ੍ਪਾਦੇਨ੍ਤਿ ਨਾਮ। ਨਿਰੋਧਾ વੋਦਾਨਂ વੁਟ੍ਠਾਨਨ੍ਤਿ ਫਲਸਮਾਪਤ੍ਤਿ વੇਦਿਤਬ੍ਬਾ। ਅਸਙ੍ਖਤਾ ਪਨ ਤਂ ਨਤ੍ਥਿਯੇવ, ਤਸ੍ਮਾ ਪਟਿਕ੍ਖਿਪਤਿ। ਤੇਨ ਹੀਤਿ ਯਸ੍ਮਾ ਸਙ੍ਖਤਾ ਨ ਹੋਤਿ, ਤਸ੍ਮਾ ਅਸਙ੍ਖਤਾਤਿ ਲਦ੍ਧਿ। ਇਦਂ ਪਨ ਅਸਙ੍ਖਤਭਾવੇ ਕਾਰਣਂ ਨ ਹੋਤੀਤਿ વੁਤ੍ਤਮ੍ਪਿ ਅવੁਤ੍ਤਸਦਿਸਮੇવਾਤਿ।
457-459. Idāni nirodhasamāpattikathā nāma hoti. Tattha nirodhasamāpattīti catunnaṃ khandhānaṃ appavatti. Yasmā pana sā kariyamānā kariyati, samāpajjiyamānā samāpajjiyati, tasmā nipphannāti vuccati. Saṅkhatāsaṅkhatalakkhaṇānaṃ pana abhāvena na vattabbā ‘‘saṅkhatāti vā asaṅkhatā’’ti vā. Tattha yesaṃ ‘‘yasmā saṅkhatā na hoti, tasmā asaṅkhatā’’ti laddhi, seyyathāpi andhakānañceva uttarāpathakānañca; te sandhāya nirodhasamāpattīti pucchā sakavādissa, paṭiññā itarassa. Uppādentītiādi samāpajjanapaṭilābhavaseneva vuttaṃ. Yathā pana rūpādayo asaṅkhatadhamme uppādenti; na tathā taṃ keci uppādenti nāma. Nirodhā vodānaṃ vuṭṭhānanti phalasamāpatti veditabbā. Asaṅkhatā pana taṃ natthiyeva, tasmā paṭikkhipati. Tena hīti yasmā saṅkhatā na hoti, tasmā asaṅkhatāti laddhi. Idaṃ pana asaṅkhatabhāve kāraṇaṃ na hotīti vuttampi avuttasadisamevāti.
ਨਿਰੋਧਸਮਾਪਤ੍ਤਿਕਥਾવਣ੍ਣਨਾ।
Nirodhasamāpattikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੫੭) ੫. ਨਿਰੋਧਸਮਾਪਤ੍ਤਿਕਥਾ • (57) 5. Nirodhasamāpattikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਨਿਰੋਧਸਮਾਪਤ੍ਤਿਕਥਾવਣ੍ਣਨਾ • 5. Nirodhasamāpattikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਨਿਰੋਧਸਮਾਪਤ੍ਤਿਕਥਾવਣ੍ਣਨਾ • 5. Nirodhasamāpattikathāvaṇṇanā
