| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
34. нирод̇хасамаабад̇д̇ин̃аан̣анид̣̇д̣̇зсо
34. Nirodhasamāpattiñāṇaniddeso
83. гат̇ам̣ д̣̇вийхи б̣алзхи саманнааг̇ад̇ад̇д̇аа д̇аяо жа сан̇каараанам̣ бадиббассад̣̇д̇хияаа сол̣асахи н̃аан̣ажарияаахи навахи самаад̇хижарияаахи васибхаавад̇аа бан̃н̃аа нирод̇хасамаабад̇д̇ияаа н̃аан̣ам̣?
83. Kathaṃ dvīhi balehi samannāgatattā tayo ca saṅkhārānaṃ paṭippassaddhiyā soḷasahi ñāṇacariyāhi navahi samādhicariyāhi vasibhāvatā paññā nirodhasamāpattiyā ñāṇaṃ?
д̣̇вийхи б̣алзхийд̇и д̣̇вз б̣алаани – самат̇аб̣алам̣, вибассанааб̣алам̣. гад̇амам̣ самат̇аб̣алам̣? нзгкаммавасзна жид̇д̇ассзгаг̇г̇ад̇аа авигкзбо самат̇аб̣алам̣. аб̣яаабаад̣̇авасзна жид̇д̇ассзгаг̇г̇ад̇аа авигкзбо самат̇аб̣алам̣. аалогасан̃н̃аавасзна жид̇д̇ассзгаг̇г̇ад̇аа авигкзбо самат̇аб̣алам̣. авигкзбавасзна жид̇д̇ассзгаг̇г̇ад̇аа авигкзбо самат̇аб̣алам̣…бз… бадиниссаг̇г̇аанубассий ассаасавасзна жид̇д̇ассзгаг̇г̇ад̇аа авигкзбо самат̇аб̣алам̣. бадиниссаг̇г̇аанубассий бассаасавасзна жид̇д̇ассзгаг̇г̇ад̇аа авигкзбо самат̇аб̣алам̣.
Dvīhibalehīti dve balāni – samathabalaṃ, vipassanābalaṃ. Katamaṃ samathabalaṃ? Nekkhammavasena cittassekaggatā avikkhepo samathabalaṃ. Abyāpādavasena cittassekaggatā avikkhepo samathabalaṃ. Ālokasaññāvasena cittassekaggatā avikkhepo samathabalaṃ. Avikkhepavasena cittassekaggatā avikkhepo samathabalaṃ…pe… paṭinissaggānupassī assāsavasena cittassekaggatā avikkhepo samathabalaṃ. Paṭinissaggānupassī passāsavasena cittassekaggatā avikkhepo samathabalaṃ.
самат̇аб̣аланд̇и гзнадтзна самат̇аб̣алам̣? батамзна жхаанзна нийваран̣з на гамбад̇ийд̇и – самат̇аб̣алам̣. д̣̇уд̇иязна жхаанзна вид̇аггавижаарз на гамбад̇ийд̇и – самат̇аб̣алам̣. д̇ад̇иязна жхаанзна бийд̇ияаа на гамбад̇ийд̇и – самат̇аб̣алам̣. жад̇уд̇т̇зна жхаанзна сукад̣̇угкз на гамбад̇ийд̇и – самат̇аб̣алам̣. аагаасаанан̃жааяад̇анасамаабад̇д̇ияаа руубасан̃н̃ааяа бадигхасан̃н̃ааяа наанад̇д̇асан̃н̃ааяа на гамбад̇ийд̇и – самат̇аб̣алам̣. вин̃н̃аан̣ан̃жааяад̇анасамаабад̇д̇ияаа аагаасаанан̃жааяад̇анасан̃н̃ааяа на гамбад̇ийд̇и – самат̇аб̣алам̣. аагин̃жан̃н̃ааяад̇анасамаабад̇д̇ияаа вин̃н̃аан̣ан̃жааяад̇анасан̃н̃ааяа на гамбад̇ийд̇и – самат̇аб̣алам̣. нзвасан̃н̃аанаасан̃н̃ааяад̇анасамаабад̇д̇ияаа аагин̃жан̃н̃ааяад̇анасан̃н̃ааяа на гамбад̇ийд̇и – самат̇аб̣алам̣. уд̣̇д̇хажжз жа уд̣̇д̇хажжасахаг̇ад̇агилзсз жа канд̇хз жа на гамбад̇и на жалад̇и на взд̇хад̇ийд̇и – самат̇аб̣алам̣. ид̣̇ам̣ самат̇аб̣алам̣.
Samathabalanti kenaṭṭhena samathabalaṃ? Paṭhamena jhānena nīvaraṇe na kampatīti – samathabalaṃ. Dutiyena jhānena vitakkavicāre na kampatīti – samathabalaṃ. Tatiyena jhānena pītiyā na kampatīti – samathabalaṃ. Catutthena jhānena sukhadukkhe na kampatīti – samathabalaṃ. Ākāsānañcāyatanasamāpattiyā rūpasaññāya paṭighasaññāya nānattasaññāya na kampatīti – samathabalaṃ. Viññāṇañcāyatanasamāpattiyā ākāsānañcāyatanasaññāya na kampatīti – samathabalaṃ. Ākiñcaññāyatanasamāpattiyā viññāṇañcāyatanasaññāya na kampatīti – samathabalaṃ. Nevasaññānāsaññāyatanasamāpattiyā ākiñcaññāyatanasaññāya na kampatīti – samathabalaṃ. Uddhacce ca uddhaccasahagatakilese ca khandhe ca na kampati na calati na vedhatīti – samathabalaṃ. Idaṃ samathabalaṃ.
гад̇амам̣ вибассанааб̣алам̣? анижжаанубассанаа вибассанааб̣алам̣. д̣̇угкаанубассанаа вибассанааб̣алам̣. анад̇д̇аанубассанаа вибассанааб̣алам̣. ниб̣б̣ид̣̇аанубассанаа вибассанааб̣алам̣. вирааг̇аанубассанаа вибассанааб̣алам̣ . нирод̇хаанубассанаа вибассанааб̣алам̣. бадиниссаг̇г̇аанубассанаа вибассанааб̣алам̣. руубз анижжаанубассанаа вибассанааб̣алам̣ …бз… руубз бадиниссаг̇г̇аанубассанаа вибассанааб̣алам̣. взд̣̇анааяа…бз… сан̃н̃ааяа… сан̇каарзсу… вин̃н̃аан̣з… жагкусмим̣…бз… ж̇араамаран̣з анижжаанубассанаа вибассанааб̣алам̣…бз… ж̇араамаран̣з бадиниссаг̇г̇аанубассанаа вибассанааб̣алам̣.
Katamaṃ vipassanābalaṃ? Aniccānupassanā vipassanābalaṃ. Dukkhānupassanā vipassanābalaṃ. Anattānupassanā vipassanābalaṃ. Nibbidānupassanā vipassanābalaṃ. Virāgānupassanā vipassanābalaṃ . Nirodhānupassanā vipassanābalaṃ. Paṭinissaggānupassanā vipassanābalaṃ. Rūpe aniccānupassanā vipassanābalaṃ …pe… rūpe paṭinissaggānupassanā vipassanābalaṃ. Vedanāya…pe… saññāya… saṅkhāresu… viññāṇe… cakkhusmiṃ…pe… jarāmaraṇe aniccānupassanā vipassanābalaṃ…pe… jarāmaraṇe paṭinissaggānupassanā vipassanābalaṃ.
вибассанааб̣аланд̇и гзнадтзна вибассанааб̣алам̣? анижжаанубассанааяа нижжасан̃н̃ааяа на гамбад̇ийд̇и – вибассанааб̣алам̣. д̣̇угкаанубассанааяа сукасан̃н̃ааяа на гамбад̇ийд̇и – вибассанааб̣алам̣. анад̇д̇аанубассанааяа ад̇д̇асан̃н̃ааяа на гамбад̇ийд̇и – вибассанааб̣алам̣. ниб̣б̣ид̣̇аанубассанааяа нанд̣̇ияаа на гамбад̇ийд̇и – вибассанааб̣алам̣. вирааг̇аанубассанааяа рааг̇з на гамбад̇ийд̇и – вибассанааб̣алам̣. нирод̇хаанубассанааяа самуд̣̇аяз на гамбад̇ийд̇и – вибассанааб̣алам̣. бадиниссаг̇г̇аанубассанааяа аад̣̇аанз на гамбад̇ийд̇и – вибассанааб̣алам̣. авиж̇ж̇ааяа жа авиж̇ж̇аа сахаг̇ад̇агилзсз жа канд̇хз жа на гамбад̇и на жалад̇и на взд̇хад̇ийд̇и – вибассанааб̣алам̣. ид̣̇ам̣ вибассанааб̣алам̣.
Vipassanābalanti kenaṭṭhena vipassanābalaṃ? Aniccānupassanāya niccasaññāya na kampatīti – vipassanābalaṃ. Dukkhānupassanāya sukhasaññāya na kampatīti – vipassanābalaṃ. Anattānupassanāya attasaññāya na kampatīti – vipassanābalaṃ. Nibbidānupassanāya nandiyā na kampatīti – vipassanābalaṃ. Virāgānupassanāya rāge na kampatīti – vipassanābalaṃ. Nirodhānupassanāya samudaye na kampatīti – vipassanābalaṃ. Paṭinissaggānupassanāya ādāne na kampatīti – vipassanābalaṃ. Avijjāya ca avijjā sahagatakilese ca khandhe ca na kampati na calati na vedhatīti – vipassanābalaṃ. Idaṃ vipassanābalaṃ.
д̇аяо жа сан̇каараанам̣ бадиббассад̣̇д̇хияаад̇и гад̇амзсам̣ д̇ин̣н̣аннам̣ сан̇каараанам̣ бадиббассад̣̇д̇хияаа? д̣̇уд̇ияам̣ жхаанам̣ самаабаннасса вид̇аггавижаараа важийсан̇каараа бадиббассад̣̇д̇хаа хонд̇и. жад̇уд̇т̇ам̣ жхаанам̣ самаабаннасса ассаасабассаасаа гааяасан̇каараа бадиббассад̣̇д̇хаа хонд̇и. сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа жид̇д̇асан̇каараа бадиббассад̣̇д̇хаа хонд̇и. имзсам̣ д̇ин̣н̣аннам̣ сан̇каараанам̣ бадиббассад̣̇д̇хияаа .
Tayo ca saṅkhārānaṃ paṭippassaddhiyāti katamesaṃ tiṇṇannaṃ saṅkhārānaṃ paṭippassaddhiyā? Dutiyaṃ jhānaṃ samāpannassa vitakkavicārā vacīsaṅkhārā paṭippassaddhā honti. Catutthaṃ jhānaṃ samāpannassa assāsapassāsā kāyasaṅkhārā paṭippassaddhā honti. Saññāvedayitanirodhaṃ samāpannassa saññā ca vedanā ca cittasaṅkhārā paṭippassaddhā honti. Imesaṃ tiṇṇannaṃ saṅkhārānaṃ paṭippassaddhiyā .
84. сол̣асахи н̃аан̣ажарияаахийд̇и гад̇амаахи сол̣асахи н̃аан̣ажарияаахи? анижжаанубассанаа н̃аан̣ажарияаа, д̣̇угкаанубассанаа н̃аан̣ажарияаа, анад̇д̇аанубассанаа н̃аан̣ажарияаа, ниб̣б̣ид̣̇аанубассанаа н̃аан̣ажарияаа, вирааг̇аанубассанаа н̃аан̣ажарияаа, нирод̇хаанубассанаа н̃аан̣ажарияаа, бадиниссаг̇г̇аанубассанаа н̃аан̣ажарияаа, вивадданаанубассанаа н̃аан̣ажарияаа, сод̇аабад̇д̇имаг̇г̇о н̃аан̣ажарияаа, сод̇аабад̇д̇ипаласамаабад̇д̇и н̃аан̣ажарияаа, сагад̣̇ааг̇аамимаг̇г̇о н̃аан̣ажарияаа, сагад̣̇ааг̇аамипаласамаабад̇д̇и н̃аан̣ажарияаа, анааг̇аамимаг̇г̇о н̃аан̣ажарияаа, анааг̇аамипаласамаабад̇д̇и н̃аан̣ажарияаа, арахад̇д̇амаг̇г̇о н̃аан̣ажарияаа, арахад̇д̇апаласамаабад̇д̇и н̃аан̣ажарияаа – имаахи сол̣асахи н̃аан̣ажарияаахи.
84.Soḷasahi ñāṇacariyāhīti katamāhi soḷasahi ñāṇacariyāhi? Aniccānupassanā ñāṇacariyā, dukkhānupassanā ñāṇacariyā, anattānupassanā ñāṇacariyā, nibbidānupassanā ñāṇacariyā, virāgānupassanā ñāṇacariyā, nirodhānupassanā ñāṇacariyā, paṭinissaggānupassanā ñāṇacariyā, vivaṭṭanānupassanā ñāṇacariyā, sotāpattimaggo ñāṇacariyā, sotāpattiphalasamāpatti ñāṇacariyā, sakadāgāmimaggo ñāṇacariyā, sakadāgāmiphalasamāpatti ñāṇacariyā, anāgāmimaggo ñāṇacariyā, anāgāmiphalasamāpatti ñāṇacariyā, arahattamaggo ñāṇacariyā, arahattaphalasamāpatti ñāṇacariyā – imāhi soḷasahi ñāṇacariyāhi.
85. навахи самаад̇хижарияаахийд̇и гад̇амаахи навахи самаад̇хижарияаахи? батамам̣ жхаанам̣ самаад̇хижарияаа, д̣̇уд̇ияам̣ жхаанам̣ самаад̇хижарияаа, д̇ад̇ияам̣ жхаанам̣ самаад̇хижарияаа, жад̇уд̇т̇ам̣ жхаанам̣ самаад̇хижарияаа, аагаасаанан̃жааяад̇анасамаабад̇д̇и…бз… вин̃н̃аан̣ан̃жааяад̇анасамаабад̇д̇и… аагин̃жан̃н̃ааяад̇анасамаабад̇д̇и… нзвасан̃н̃аанаасан̃н̃ааяад̇анасамаабад̇д̇и самаад̇хижарияаа. батамам̣ жхаанам̣ бадилаабхад̇т̇ааяа вид̇агго жа вижааро жа бийд̇и жа сукан̃жа жид̇д̇згаг̇г̇ад̇аа жа…бз… нзвасан̃н̃аанаасан̃н̃ааяад̇анасамаабад̇д̇им̣ бадилаабхад̇т̇ааяа вид̇агго жа вижааро жа бийд̇и жа сукан̃жа жид̇д̇згаг̇г̇ад̇аа жа – имаахи навахи самаад̇хижарияаахи.
85.Navahi samādhicariyāhīti katamāhi navahi samādhicariyāhi? Paṭhamaṃ jhānaṃ samādhicariyā, dutiyaṃ jhānaṃ samādhicariyā, tatiyaṃ jhānaṃ samādhicariyā, catutthaṃ jhānaṃ samādhicariyā, ākāsānañcāyatanasamāpatti…pe… viññāṇañcāyatanasamāpatti… ākiñcaññāyatanasamāpatti… nevasaññānāsaññāyatanasamāpatti samādhicariyā. Paṭhamaṃ jhānaṃ paṭilābhatthāya vitakko ca vicāro ca pīti ca sukhañca cittekaggatā ca…pe… nevasaññānāsaññāyatanasamāpattiṃ paṭilābhatthāya vitakko ca vicāro ca pīti ca sukhañca cittekaggatā ca – imāhi navahi samādhicariyāhi.
васийд̇и бан̃жа васияо. ааваж̇ж̇анавасий, самаабаж̇ж̇анавасий, ад̇хидтаанавасий , вудтаанавасий, бажжавзгкан̣аавасий. батамам̣ жхаанам̣ яад̇т̇ижчагам̣ яад̣̇ижчагам̣ яаавад̇ижчагам̣ ааваж̇ж̇ад̇и; ааваж̇ж̇анааяа д̣̇анд̇хааяид̇ад̇д̇ам̣ над̇т̇ийд̇и – ааваж̇ж̇анавасий. батамам̣ жхаанам̣ яад̇т̇ижчагам̣ яад̣̇ижчагам̣ яаавад̇ижчагам̣ самаабаж̇ж̇ад̇и; самаабаж̇ж̇анааяа д̣̇анд̇хааяид̇ад̇д̇ам̣ над̇т̇ийд̇и – самаабаж̇ж̇анавасий. батамам̣ жхаанам̣ яад̇т̇ижчагам̣ яад̣̇ижчагам̣ яаавад̇ижчагам̣ ад̇хидтаад̇и ; ад̇хидтаанз д̣̇анд̇хааяид̇ад̇д̇ам̣ над̇т̇ийд̇и – ад̇хидтаанавасий. батамам̣ жхаанам̣ яад̇т̇ижчагам̣ яад̣̇ижчагам̣ яаавад̇ижчагам̣ вудтаад̇и; вудтаанз д̣̇анд̇хааяид̇ад̇д̇ам̣ над̇т̇ийд̇и – вудтаанавасий. батамам̣ жхаанам̣ яад̇т̇ижчагам̣ яад̣̇ижчагам̣ яаавад̇ижчагам̣ бажжавзгкад̇и; бажжавзгкан̣ааяа д̣̇анд̇хааяид̇ад̇д̇ам̣ над̇т̇ийд̇и – бажжавзгкан̣аавасий.
Vasīti pañca vasiyo. Āvajjanavasī, samāpajjanavasī, adhiṭṭhānavasī , vuṭṭhānavasī, paccavekkhaṇāvasī. Paṭhamaṃ jhānaṃ yatthicchakaṃ yadicchakaṃ yāvaticchakaṃ āvajjati; āvajjanāya dandhāyitattaṃ natthīti – āvajjanavasī. Paṭhamaṃ jhānaṃ yatthicchakaṃ yadicchakaṃ yāvaticchakaṃ samāpajjati; samāpajjanāya dandhāyitattaṃ natthīti – samāpajjanavasī. Paṭhamaṃ jhānaṃ yatthicchakaṃ yadicchakaṃ yāvaticchakaṃ adhiṭṭhāti ; adhiṭṭhāne dandhāyitattaṃ natthīti – adhiṭṭhānavasī. Paṭhamaṃ jhānaṃ yatthicchakaṃ yadicchakaṃ yāvaticchakaṃ vuṭṭhāti; vuṭṭhāne dandhāyitattaṃ natthīti – vuṭṭhānavasī. Paṭhamaṃ jhānaṃ yatthicchakaṃ yadicchakaṃ yāvaticchakaṃ paccavekkhati; paccavekkhaṇāya dandhāyitattaṃ natthīti – paccavekkhaṇāvasī.
д̣̇уд̇ияам̣ жхаанам̣…бз… нзвасан̃н̃аанаасан̃н̃ааяад̇анасамаабад̇д̇им̣ яад̇т̇ижчагам̣ яад̣̇ижчагам̣ яаавад̇ижчагам̣ ааваж̇ж̇ад̇и; ааваж̇ж̇анааяа д̣̇анд̇хааяид̇ад̇д̇ам̣ над̇т̇ийд̇и – ааваж̇ж̇анавасий. нзвасан̃н̃аанаасан̃н̃ааяад̇анасамаабад̇д̇им̣ яад̇т̇ижчагам̣ яад̣̇ижчагам̣ яаавад̇ижчагам̣ самаабаж̇ж̇ад̇и…бз… ад̇хидтаад̇и… вудтаад̇и… бажжавзгкад̇и; бажжавзгкан̣ааяа д̣̇анд̇хааяид̇ад̇д̇ам̣ над̇т̇ийд̇и – бажжавзгкан̣аавасий. имаа бан̃жа васияо. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘д̣̇вийхи б̣алзхи саманнааг̇ад̇ад̇д̇аа д̇аяо жа сан̇каараанам̣ бадибассад̣̇д̇хияаа сол̣асахи н̃аан̣ажарияаахи навахи самаад̇хижарияаахи васийбхаавад̇аа бан̃н̃аа нирод̇хасамаабад̇д̇ияаа н̃аан̣ам̣’’.
Dutiyaṃ jhānaṃ…pe… nevasaññānāsaññāyatanasamāpattiṃ yatthicchakaṃ yadicchakaṃ yāvaticchakaṃ āvajjati; āvajjanāya dandhāyitattaṃ natthīti – āvajjanavasī. Nevasaññānāsaññāyatanasamāpattiṃ yatthicchakaṃ yadicchakaṃ yāvaticchakaṃ samāpajjati…pe… adhiṭṭhāti… vuṭṭhāti… paccavekkhati; paccavekkhaṇāya dandhāyitattaṃ natthīti – paccavekkhaṇāvasī. Imā pañca vasiyo. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘dvīhi balehi samannāgatattā tayo ca saṅkhārānaṃ paṭipassaddhiyā soḷasahi ñāṇacariyāhi navahi samādhicariyāhi vasībhāvatā paññā nirodhasamāpattiyā ñāṇaṃ’’.
нирод̇хасамаабад̇д̇ин̃аан̣анид̣̇д̣̇зсо жад̇уд̇д̇им̣сад̇имо.
Nirodhasamāpattiñāṇaniddeso catuttiṃsatimo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 34. нирод̇хасамаабад̇д̇ин̃аан̣анид̣̇д̣̇зсаван̣н̣анаа • 34. Nirodhasamāpattiñāṇaniddesavaṇṇanā
