| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. நிரோத⁴ஸமாபத்திஸுத்தங்
9. Nirodhasamāpattisuttaṃ
340. ஸாவத்தி²னிதா³னங். அத² கோ² ஆயஸ்மா ஸாரிபுத்தோ…பே॰… . ‘‘இதா⁴ஹங், ஆவுஸோ, ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹராமி. தஸ்ஸ மய்ஹங், ஆவுஸோ, ந ஏவங் ஹோதி – ‘அஹங் ஸஞ்ஞாவேத³யிதனிரோத⁴ங் ஸமாபஜ்ஜாமீ’தி வா ‘அஹங் ஸஞ்ஞாவேத³யிதனிரோத⁴ங் ஸமாபன்னோ’தி வா ‘அஹங் ஸஞ்ஞாவேத³யிதனிரோதா⁴ வுட்டி²தோ’தி வா’’தி. ‘‘ததா² ஹி பனாயஸ்மதோ ஸாரிபுத்தஸ்ஸ தீ³க⁴ரத்தங் அஹங்காரமமங்காரமானானுஸயா ஸுஸமூஹதா. தஸ்மா ஆயஸ்மதோ ஸாரிபுத்தஸ்ஸ ந ஏவங் ஹோதி – ‘அஹங் ஸஞ்ஞாவேத³யிதனிரோத⁴ங் ஸமாபஜ்ஜாமீ’தி வா ‘அஹங் ஸஞ்ஞாவேத³யிதனிரோத⁴ங் ஸமாபன்னோ’தி வா ‘அஹங் ஸஞ்ஞாவேத³யிதனிரோதா⁴ வுட்டி²தோ’தி வா’’தி. நவமங்.
340. Sāvatthinidānaṃ. Atha kho āyasmā sāriputto…pe… . ‘‘Idhāhaṃ, āvuso, sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharāmi. Tassa mayhaṃ, āvuso, na evaṃ hoti – ‘ahaṃ saññāvedayitanirodhaṃ samāpajjāmī’ti vā ‘ahaṃ saññāvedayitanirodhaṃ samāpanno’ti vā ‘ahaṃ saññāvedayitanirodhā vuṭṭhito’ti vā’’ti. ‘‘Tathā hi panāyasmato sāriputtassa dīgharattaṃ ahaṅkāramamaṅkāramānānusayā susamūhatā. Tasmā āyasmato sāriputtassa na evaṃ hoti – ‘ahaṃ saññāvedayitanirodhaṃ samāpajjāmī’ti vā ‘ahaṃ saññāvedayitanirodhaṃ samāpanno’ti vā ‘ahaṃ saññāvedayitanirodhā vuṭṭhito’ti vā’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-9. விவேகஜஸுத்தாதி³வண்ணனா • 1-9. Vivekajasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-9. விவேகஜஸுத்தாதி³வண்ணனா • 1-9. Vivekajasuttādivaṇṇanā
