| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. නිරොධසමාපත්‌තිසුත්‌තං
9. Nirodhasamāpattisuttaṃ
340. සාවත්‌ථිනිදානං. අථ ඛො ආයස්‌මා සාරිපුත්‌තො…පෙ.… . ‘‘ඉධාහං, ආවුසො, සබ්‌බසො නෙවසඤ්‌ඤානාසඤ්‌ඤායතනං සමතික්‌කම්‌ම සඤ්‌ඤාවෙදයිතනිරොධං උපසම්‌පජ්‌ජ විහරාමි. තස්‌ස මය්‌හං, ආවුසො, න එවං හොති – ‘අහං සඤ්‌ඤාවෙදයිතනිරොධං සමාපජ්‌ජාමී’ති වා ‘අහං සඤ්‌ඤාවෙදයිතනිරොධං සමාපන්‌නො’ති වා ‘අහං සඤ්‌ඤාවෙදයිතනිරොධා වුට්‌ඨිතො’ති වා’’ති. ‘‘තථා හි පනායස්‌මතො සාරිපුත්‌තස්‌ස දීඝරත්‌තං අහඞ්‌කාරමමඞ්‌කාරමානානුසයා සුසමූහතා. තස්‌මා ආයස්‌මතො සාරිපුත්‌තස්‌ස න එවං හොති – ‘අහං සඤ්‌ඤාවෙදයිතනිරොධං සමාපජ්‌ජාමී’ති වා ‘අහං සඤ්‌ඤාවෙදයිතනිරොධං සමාපන්‌නො’ති වා ‘අහං සඤ්‌ඤාවෙදයිතනිරොධා වුට්‌ඨිතො’ති වා’’ති. නවමං.
340. Sāvatthinidānaṃ. Atha kho āyasmā sāriputto…pe… . ‘‘Idhāhaṃ, āvuso, sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharāmi. Tassa mayhaṃ, āvuso, na evaṃ hoti – ‘ahaṃ saññāvedayitanirodhaṃ samāpajjāmī’ti vā ‘ahaṃ saññāvedayitanirodhaṃ samāpanno’ti vā ‘ahaṃ saññāvedayitanirodhā vuṭṭhito’ti vā’’ti. ‘‘Tathā hi panāyasmato sāriputtassa dīgharattaṃ ahaṅkāramamaṅkāramānānusayā susamūhatā. Tasmā āyasmato sāriputtassa na evaṃ hoti – ‘ahaṃ saññāvedayitanirodhaṃ samāpajjāmī’ti vā ‘ahaṃ saññāvedayitanirodhaṃ samāpanno’ti vā ‘ahaṃ saññāvedayitanirodhā vuṭṭhito’ti vā’’ti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-9. විවෙකජසුත්‌තාදිවණ්‌ණනා • 1-9. Vivekajasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-9. විවෙකජසුත්‌තාදිවණ්‌ණනා • 1-9. Vivekajasuttādivaṇṇanā
