| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਨਿਰੋਧਸੁਤ੍ਤવਣ੍ਣਨਾ
6. Nirodhasuttavaṇṇanā
੧੬੬. ਛਟ੍ਠੇ ਅਤ੍ਥੇਤਂ ਠਾਨਨ੍ਤਿ ਅਤ੍ਥਿ ਏਤਂ ਕਾਰਣਂ। ਨੋ ਚੇ ਦਿਟ੍ਠੇવ ਧਮ੍ਮੇ ਅਞ੍ਞਂ ਆਰਾਧੇਯ੍ਯਾਤਿ ਨੋ ਚੇ ਇਮਸ੍ਮਿਂਯੇવ ਅਤ੍ਤਭਾવੇ ਅਰਹਤ੍ਤਂ ਪਾਪੁਣੇਯ੍ਯ। ਕਬਲ਼ੀਕਾਰਾਹਾਰਭਕ੍ਖਾਨਂ ਦੇવਾਨਨ੍ਤਿ ਕਾਮਾવਚਰਦੇવਾਨਂ। ਅਞ੍ਞਤਰਂ ਮਨੋਮਯਂ ਕਾਯਨ੍ਤਿ ਝਾਨਮਨੇਨ ਨਿਬ੍ਬਤ੍ਤਂ ਅਞ੍ਞਤਰਂ ਸੁਦ੍ਧਾવਾਸਬ੍ਰਹ੍ਮਕਾਯਂ। ਉਦਾਯੀਤਿ ਲਾਲ਼ੁਦਾਯੀ। ਸੋ ਹਿ ‘‘ਮਨੋਮਯ’’ਨ੍ਤਿ ਸੁਤ੍વਾ ‘‘ਆਰੁਪ੍ਪੇ ਨ ਭવਿਤਬ੍ਬ’’ਨ੍ਤਿ ਪਟਿਬਾਹਿ। ਥੇਰੋ ‘‘ਸਾਰਿਪੁਤ੍ਤੋ ਕਿਂ ਜਾਨਾਤਿ, ਯਸ੍ਸ ਸਮ੍ਮੁਖਾ ਏવਂ ਭਿਕ੍ਖੂ વਚਨਂ ਪਟਿਕ੍ਕੋਸਨ੍ਤੀ’’ਤਿ ਏવਂ ਬਾਲਾਨਂ ਲਦ੍ਧਿਉਪ੍ਪਤ੍ਤਿਪਟਿਬਾਹਨਤ੍ਥਂ ਤਂ વਚਨਂ ਅਨਧਿવਾਸੇਤ੍વਾ ਯੇਨ ਭਗવਾ ਤੇਨੁਪਸਙ੍ਕਮਿ।
166. Chaṭṭhe atthetaṃ ṭhānanti atthi etaṃ kāraṇaṃ. No ce diṭṭheva dhamme aññaṃ ārādheyyāti no ce imasmiṃyeva attabhāve arahattaṃ pāpuṇeyya. Kabaḷīkārāhārabhakkhānaṃ devānanti kāmāvacaradevānaṃ. Aññataraṃ manomayaṃ kāyanti jhānamanena nibbattaṃ aññataraṃ suddhāvāsabrahmakāyaṃ. Udāyīti lāḷudāyī. So hi ‘‘manomaya’’nti sutvā ‘‘āruppe na bhavitabba’’nti paṭibāhi. Thero ‘‘sāriputto kiṃ jānāti, yassa sammukhā evaṃ bhikkhū vacanaṃ paṭikkosantī’’ti evaṃ bālānaṃ laddhiuppattipaṭibāhanatthaṃ taṃ vacanaṃ anadhivāsetvā yena bhagavā tenupasaṅkami.
ਅਤ੍ਥਿ ਨਾਮਾਤਿ ਅਮਰਿਸਨਤ੍ਥੇ ਨਿਪਾਤੋ। ਤੇਨੇવ ਚੇਤ੍ਥ ‘‘ਅਜ੍ਝੁਪੇਕ੍ਖਿਸ੍ਸਥਾ’’ਤਿ ਅਨਾਗਤવਚਨਂ ਕਤਂ। ਅਯਞ੍ਹੇਤ੍ਥਤ੍ਥੋ – ਆਨਨ੍ਦ, ਤੁਮ੍ਹੇ ਥੇਰਂ ਭਿਕ੍ਖੁਂ વਿਹੇਠਿਯਮਾਨਂ ਅਜ੍ਝੁਪੇਕ੍ਖਥ, ਨ વੋ ਏਤਂ ਮਰਿਸਯਾਮਿ ਨ ਸਹਾਮਿ ਨਾਧਿવਾਸੇਮੀਤਿ। ਕਸ੍ਮਾ ਪਨ ਭਗવਾ ਆਨਨ੍ਦਥੇਰਂਯੇવ ਏવਮਾਹਾਤਿ? ਧਮ੍ਮਭਣ੍ਡਾਗਾਰਿਕਤ੍ਤਾ। ਧਮ੍ਮਭਣ੍ਡਾਗਾਰਿਕਸ੍ਸ ਹਿ ਏવਂ વਦਨ੍ਤੋ ਪਟਿਬਾਹਿਤੁਂ ਭਾਰੋ। ਅਪਿਚੇਸ ਸਾਰਿਪੁਤ੍ਤਤ੍ਥੇਰਸ੍ਸ ਪਿਯਸਹਾਯੋ, ਤੇਨਾਪਿਸ੍ਸ ਏਸ ਭਾਰੋ। ਤਤ੍ਥ ਕਿਞ੍ਚਾਪਿ ਭਗવਾ ਆਨਨ੍ਦਤ੍ਥੇਰਂ ਗਰਹਨ੍ਤੋ ਏવਮਾਹ, ਨ ਪਨੇਸਾ ਤਸ੍ਸੇવ ਗਰਹਾ, ਸਮ੍ਮੁਖੀਭੂਤਾਨਂ ਸਬ੍ਬੇਸਂਯੇવ ਗਰਹਾਤਿ વੇਦਿਤਬ੍ਬਾ। વਿਹਾਰਨ੍ਤਿ ਗਨ੍ਧਕੁਟਿਂ।
Atthi nāmāti amarisanatthe nipāto. Teneva cettha ‘‘ajjhupekkhissathā’’ti anāgatavacanaṃ kataṃ. Ayañhetthattho – ānanda, tumhe theraṃ bhikkhuṃ viheṭhiyamānaṃ ajjhupekkhatha, na vo etaṃ marisayāmi na sahāmi nādhivāsemīti. Kasmā pana bhagavā ānandatheraṃyeva evamāhāti? Dhammabhaṇḍāgārikattā. Dhammabhaṇḍāgārikassa hi evaṃ vadanto paṭibāhituṃ bhāro. Apicesa sāriputtattherassa piyasahāyo, tenāpissa esa bhāro. Tattha kiñcāpi bhagavā ānandattheraṃ garahanto evamāha, na panesā tasseva garahā, sammukhībhūtānaṃ sabbesaṃyeva garahāti veditabbā. Vihāranti gandhakuṭiṃ.
ਅਨਚ੍ਛਰਿਯਨ੍ਤਿ ਨ ਅਚ੍ਛਰਿਯਂ। ਯਥਾਤਿ ਕਾਰਣવਚਨਂ। ਆਯਸ੍ਮਨ੍ਤਂਯੇવੇਤ੍ਥ ਉਪવਾਨਂ ਪਟਿਭਾਸੇਯ੍ਯਾਤਿ ਏਤ੍ਥ ਭਗવਤਾ ਚ ਏવਂ ਏਤਦੇવ ਕਾਰਣਂ ਆਰਬ੍ਭ ਉਦਾਹਟੇ ਆਯਸ੍ਮਤੋਯੇવ ਉਪવਾਨਸ੍ਸ ਪਟਿવਚਨਂ ਪਟਿਭਾਤੁ ਉਪਟ੍ਠਾਤੂਤਿ ਦੀਪੇਤਿ। ਸਾਰਜ੍ਜਂ ਓਕ੍ਕਨ੍ਤਨ੍ਤਿ ਦੋਮਨਸ੍ਸਂ ਅਨੁਪવਿਟ੍ਠਂ। ਸੀਲવਾਤਿਆਦੀਹਿ ਖੀਣਾਸવਸੀਲਾਦੀਨਿਯੇવ ਕਥਿਤਾਨਿ। ਖਣ੍ਡਿਚ੍ਚੇਨਾਤਿਆਦੀਨਿ ਸਕ੍ਕਾਰਾਦੀਨਂ ਕਾਰਣਪੁਚ੍ਛਾવਸੇਨ વੁਤ੍ਤਾਨਿ। ਕਿਂ ਖਣ੍ਡਿਚ੍ਚਾਦੀਹਿ ਕਾਰਣੇਹਿ ਤਂ ਤਂ ਸਬ੍ਰਹ੍ਮਚਾਰਿਂ ਸਕ੍ਕਰੇਯ੍ਯੁਨ੍ਤਿ ਅਯਞ੍ਹੇਤ੍ਥ ਅਧਿਪ੍ਪਾਯੋ।
Anacchariyanti na acchariyaṃ. Yathāti kāraṇavacanaṃ. Āyasmantaṃyevettha upavānaṃ paṭibhāseyyāti ettha bhagavatā ca evaṃ etadeva kāraṇaṃ ārabbha udāhaṭe āyasmatoyeva upavānassa paṭivacanaṃ paṭibhātu upaṭṭhātūti dīpeti. Sārajjaṃ okkantanti domanassaṃ anupaviṭṭhaṃ. Sīlavātiādīhi khīṇāsavasīlādīniyeva kathitāni. Khaṇḍiccenātiādīni sakkārādīnaṃ kāraṇapucchāvasena vuttāni. Kiṃ khaṇḍiccādīhi kāraṇehi taṃ taṃ sabrahmacāriṃ sakkareyyunti ayañhettha adhippāyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਨਿਰੋਧਸੁਤ੍ਤਂ • 6. Nirodhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਨਿਰੋਧਸੁਤ੍ਤવਣ੍ਣਨਾ • 6. Nirodhasuttavaṇṇanā
