| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. нируд̇д̇ибат̇асуд̇д̇аван̣н̣анаа
10. Niruttipathasuttavaṇṇanā
62. д̣̇асамз нируд̇д̇ияова нируд̇д̇ибат̇аа, ат̇а ваа нируд̇д̇ияо жа д̇аа нируд̇д̇ивасзна вин̃н̃аад̇аб̣б̣аанам̣ ад̇т̇аанам̣ бат̇ад̇д̇аа бат̇аа жаад̇и нируд̇д̇ибат̇аа. сзсабад̣̇ад̣̇ваязби зсзва наяо. д̇ийн̣иби жзд̇аани ан̃н̃аман̃н̃авзважанаанзваад̇и взд̣̇ид̇аб̣б̣аани. асам̣гин̣н̣аад̇и авиж̇ахид̇аа, ‘‘го имзхи ад̇т̇о’’д̇и вад̇ваа ачад̣д̣ид̇аа. асам̣гин̣н̣абуб̣б̣аад̇и ад̇ийд̇зби на ж̇ахид̇абуб̣б̣аа. на сам̣гийяанд̇ийд̇и зд̇арахиби ‘‘гимзд̇зхий’’д̇и на чад̣д̣ийяанд̇и. на сам̣гийяиссанд̇ийд̇и анааг̇ад̇зби на чад̣д̣ийяиссанд̇и. аббадигудтаад̇и аббадиб̣аахид̇аа. ад̇ийд̇анд̇и ад̇д̇ано сабхаавам̣ бхан̇г̇амзва ваа ад̇игганд̇ам̣. нируд̣̇д̇ханд̇и д̣̇зсанд̇арам̣ асан̇гамид̇ваа д̇ад̇т̇зва нируд̣̇д̇хам̣ вуубасанд̇ам̣. вибарин̣ад̇анд̇и вибарин̣аамам̣ г̇ад̇ам̣ надтам̣. аж̇аад̇анд̇и ануббаннам̣. абаад̇убхууд̇анд̇и абаагадийбхууд̇ам̣.
62.Dasame niruttiyova niruttipathā, atha vā niruttiyo ca tā niruttivasena viññātabbānaṃ atthānaṃ pathattā pathā cāti niruttipathā. Sesapadadvayepi eseva nayo. Tīṇipi cetāni aññamaññavevacanānevāti veditabbāni. Asaṃkiṇṇāti avijahitā, ‘‘ko imehi attho’’ti vatvā achaḍḍitā. Asaṃkiṇṇapubbāti atītepi na jahitapubbā. Na saṃkīyantīti etarahipi ‘‘kimetehī’’ti na chaḍḍīyanti. Na saṃkīyissantīti anāgatepi na chaḍḍīyissanti. Appaṭikuṭṭhāti appaṭibāhitā. Atītanti attano sabhāvaṃ bhaṅgameva vā atikkantaṃ. Niruddhanti desantaraṃ asaṅkamitvā tattheva niruddhaṃ vūpasantaṃ. Vipariṇatanti vipariṇāmaṃ gataṃ naṭṭhaṃ. Ajātanti anuppannaṃ. Apātubhūtanti apākaṭībhūtaṃ.
уггалаад̇и уггалаж̇анабад̣̇аваасино. вассабхан̃н̃аад̇и вассо жа бхан̃н̃о жа. д̣̇взби хи д̇з муулад̣̇идтиг̇ад̇игаа. ахзд̇угаваад̣̇аад̇иаад̣̇ийсу ‘‘над̇т̇и хзд̇у над̇т̇и бажжаяо’’д̇и г̇ахид̇ад̇д̇аа ахзд̇угаваад̣̇аа. ‘‘гарод̇о на гарийяад̇и бааба’’нд̇и г̇ахид̇ад̇д̇аа агирияаваад̣̇аа. ‘‘над̇т̇и д̣̇инна’’нд̇иаад̣̇иг̇ахан̣ад̇о над̇т̇игаваад̣̇аа. д̇ад̇т̇а имз д̣̇вз ж̇анаа, д̇иссо д̣̇идтияо, гим̣ згзгасса д̣̇ияад̣дхаа ход̇ийд̇и? на д̇ат̇аа, яат̇аа бана зго бхигку бадибаадияаа жад̇д̇аариби жхаанаани ниб̣б̣ад̇д̇зд̇и , звамзд̇т̇а згзго д̇иссоби д̣̇идтияо ниб̣б̣ад̇д̇зсийд̇и взд̣̇ид̇аб̣б̣о. ‘‘над̇т̇и хзд̇у над̇т̇и бажжаяо’’д̇и бунаббунам̣ ааваж̇ж̇знд̇асса аахаранд̇асса абхинанд̣̇анд̇асса ассаад̣̇знд̇асса маг̇г̇ад̣̇ассанам̣ вияа ход̇и. со мижчад̇д̇анияаамам̣ оггамад̇и, со зганд̇агаал̣агод̇и вужжад̇и. яат̇аа бана ахзд̇угад̣̇идтияам̣, звам̣ ‘‘гарод̇о на гарийяад̇и баабам̣, над̇т̇и д̣̇инна’’нд̇и имзсуби таанзсу мижчад̇д̇анияаамам̣ оггамад̇и.
Ukkalāti ukkalajanapadavāsino. Vassabhaññāti vasso ca bhañño ca. Dvepi hi te mūladiṭṭhigatikā. Ahetukavādātiādīsu ‘‘natthi hetu natthi paccayo’’ti gahitattā ahetukavādā. ‘‘Karoto na karīyati pāpa’’nti gahitattā akiriyavādā. ‘‘Natthi dinna’’ntiādigahaṇato natthikavādā. Tattha ime dve janā, tisso diṭṭhiyo, kiṃ ekekassa diyaḍḍhā hotīti? Na tathā, yathā pana eko bhikkhu paṭipāṭiyā cattāripi jhānāni nibbatteti , evamettha ekeko tissopi diṭṭhiyo nibbattesīti veditabbo. ‘‘Natthi hetu natthi paccayo’’ti punappunaṃ āvajjentassa āharantassa abhinandantassa assādentassa maggadassanaṃ viya hoti. So micchattaniyāmaṃ okkamati, so ekantakāḷakoti vuccati. Yathā pana ahetukadiṭṭhiyaṃ, evaṃ ‘‘karoto na karīyati pāpaṃ, natthi dinna’’nti imesupi ṭhānesu micchattaniyāmaṃ okkamati.
на г̇арахид̇аб̣б̣ам̣ наббадиггосид̇аб̣б̣ам̣ аман̃н̃им̣сууд̇и зд̇т̇а ‘‘яад̣̇зд̇ам̣ ад̇ийд̇ам̣ наама, наяид̣̇ам̣ ад̇ийд̇ам̣, ид̣̇амасса анааг̇ад̇ам̣ ваа бажжуббаннам̣ ваа’’д̇и вад̣̇анд̇о г̇арахад̇и наама. д̇ад̇т̇а д̣̇осам̣ д̣̇ассзд̇ваа ‘‘гим̣ иминаа г̇арахид̇знаа’’д̇и? вад̣̇анд̇о бадиггосад̇и наама. имз бана нируд̇д̇ибат̇з д̇зби ажжанд̇агаал̣агаа д̣̇идтиг̇ад̇игаа на г̇арахид̇аб̣б̣з на бадиггосид̇аб̣б̣з ман̃н̃им̣су. ад̇ийд̇ам̣ бана ад̇ийд̇амзва, анааг̇ад̇ам̣ анааг̇ад̇амзва, бажжуббаннам̣ бажжуббаннамзва гат̇аяим̣су. нинд̣̇аагхадданаб̣яааросаубаарамбхабхаяаад̇и вин̃н̃уунам̣ санд̇игаа нинд̣̇аабхаязна жа гхадданабхаязна жа д̣̇осааробанабхаязна жа убаарамбхабхаязна жа. ид̇и имасмим̣ суд̇д̇з жад̇убхуумигаканд̇хаанам̣ бан̣н̣ад̇д̇и гат̇ид̇аад̇и. д̣̇асамам̣.
Na garahitabbaṃ nappaṭikkositabbaṃ amaññiṃsūti ettha ‘‘yadetaṃ atītaṃ nāma, nayidaṃ atītaṃ, idamassa anāgataṃ vā paccuppannaṃ vā’’ti vadanto garahati nāma. Tattha dosaṃ dassetvā ‘‘kiṃ iminā garahitenā’’ti? Vadanto paṭikkosati nāma. Ime pana niruttipathe tepi accantakāḷakā diṭṭhigatikā na garahitabbe na paṭikkositabbe maññiṃsu. Atītaṃ pana atītameva, anāgataṃ anāgatameva, paccuppannaṃ paccuppannameva kathayiṃsu. Nindāghaṭṭanabyārosaupārambhabhayāti viññūnaṃ santikā nindābhayena ca ghaṭṭanabhayena ca dosāropanabhayena ca upārambhabhayena ca. Iti imasmiṃ sutte catubhūmikakhandhānaṃ paṇṇatti kathitāti. Dasamaṃ.
убаяаваг̇г̇о чадто.
Upayavaggo chaṭṭho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. нируд̇д̇ибат̇асуд̇д̇ам̣ • 10. Niruttipathasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. нируд̇д̇ибат̇асуд̇д̇аван̣н̣анаа • 10. Niruttipathasuttavaṇṇanā
