| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. нисабхад̇т̇зраг̇аат̇ааван̣н̣анаа
8. Nisabhattheragāthāvaṇṇanā
бан̃жа гаамаг̇ун̣з хид̇ваад̇и ааяасмад̇о нисабхад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ бин̣д̣ааяа жаранд̇ам̣ д̣̇исваа басаннажид̇д̇о габид̇т̇апаламад̣̇ааси. со д̇зна бун̃н̃агаммзна суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з голияаж̇анабад̣̇з гулаг̇зхз ниб̣б̣ад̇д̇ид̇ваа нисабход̇и лад̣̇д̇ханаамо ваяаббад̇д̇о саагияаголияаанам̣ сан̇г̇аамз б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа д̇ад̣̇ахзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.52.7-11) –
Pañcakāmaguṇe hitvāti āyasmato nisabhattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto vipassissa bhagavato kāle kulagehe nibbattitvā viññutaṃ patto ekadivasaṃ satthāraṃ piṇḍāya carantaṃ disvā pasannacitto kapitthaphalamadāsi. So tena puññakammena sugatīsuyeva saṃsaranto imasmiṃ buddhuppāde koliyajanapade kulagehe nibbattitvā nisabhoti laddhanāmo vayappatto sākiyakoliyānaṃ saṅgāme buddhānubhāvaṃ disvā paṭiladdhasaddho pabbajitvā tadaheva arahattaṃ pāpuṇi. Tena vuttaṃ apadāne (apa. thera 2.52.7-11) –
‘‘суван̣н̣аван̣н̣ам̣ самб̣уд̣̇д̇хам̣, аахуд̇ийнам̣ бадиг̇г̇ахам̣;
‘‘Suvaṇṇavaṇṇaṃ sambuddhaṃ, āhutīnaṃ paṭiggahaṃ;
рат̇ияам̣ бадибаж̇ж̇анд̇ам̣, габид̇т̇ам̣ ад̣̇ад̣̇им̣ палам̣.
Rathiyaṃ paṭipajjantaṃ, kapitthaṃ adadiṃ phalaṃ.
‘‘зганавуд̇ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekanavutito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
со арахад̇д̇ам̣ бана бад̇ваа ад̇д̇ано сахааяабхигкуу бамаад̣̇авихаарзна гаалам̣ вийд̇инаамзнд̇з д̣̇исваа д̇з овад̣̇анд̇о –
So arahattaṃ pana patvā attano sahāyabhikkhū pamādavihārena kālaṃ vītināmente disvā te ovadanto –
195.
195.
‘‘бан̃жа гаамаг̇ун̣з хид̇ваа, бияаруубз манорамз;
‘‘Pañca kāmaguṇe hitvā, piyarūpe manorame;
сад̣̇д̇хааяа гхараа нигкамма, д̣̇угкассанд̇агаро бхавз’’д̇и. –
Saddhāya gharā nikkhamma, dukkhassantakaro bhave’’ti. –
батамам̣ г̇аат̇ам̣ абхааси.
Paṭhamaṃ gāthaṃ abhāsi.
д̇ассад̇т̇о – б̣аалабут̇уж̇ж̇анасса бияааяид̇аб̣б̣асабхаавад̇ааяа бияаруубз манун̃н̃асабхаавад̇ааяа манорамз руубаад̣̇игз бан̃жа гаамаг̇ун̣з гаамагодтаасз хид̇ваа бахааяа барижжаж̇ид̇ваа гаммапаласад̣̇д̇хааяа рад̇анад̇д̇аяасад̣̇д̇хааяа жа васзна гхараа гхараб̣анд̇ханад̇о нигкамма нигкамид̇ваа баб̣б̣аж̇ж̇ам̣ убаг̇ад̇о вин̃н̃уж̇аад̇иго баб̣б̣аж̇ид̇агаалад̇о бадтааяа гхадзнд̇о вааяаманд̇о ваддад̣̇угкасса анд̇агаро бхавз бхавзяяаад̇и. звам̣ д̇з бхигкуу овад̣̇ид̇ваа ‘‘аяам̣ барз зва сан̃н̃аабзнд̇о вихарад̇и, ‘‘саяам̣ бана агаараго’д̇и маа жинд̇аяид̇т̇аа’’д̇и д̇зсам̣ ад̇д̇ано бадибаннабхаавам̣ багаасзнд̇о –
Tassattho – bālaputhujjanassa piyāyitabbasabhāvatāya piyarūpe manuññasabhāvatāya manorame rūpādike pañca kāmaguṇe kāmakoṭṭhāse hitvā pahāya pariccajitvā kammaphalasaddhāya ratanattayasaddhāya ca vasena gharā gharabandhanato nikkhamma nikkhamitvā pabbajjaṃ upagato viññujātiko pabbajitakālato paṭṭhāya ghaṭento vāyamanto vaṭṭadukkhassa antakaro bhave bhaveyyāti. Evaṃ te bhikkhū ovaditvā ‘‘ayaṃ pare eva saññāpento viharati, ‘‘sayaṃ pana akārako’ti mā cintayitthā’’ti tesaṃ attano paṭipannabhāvaṃ pakāsento –
196.
196.
‘‘наабхинанд̣̇аами маран̣ам̣, наабхинанд̣̇аами ж̇ийвид̇ам̣;
‘‘Nābhinandāmi maraṇaṃ, nābhinandāmi jīvitaṃ;
гаалан̃жа бадиган̇каами, самбаж̇аано бад̇иссад̇о’’д̇и. –
Kālañca paṭikaṅkhāmi, sampajāno patissato’’ti. –
д̣̇уд̇ияаг̇аат̇ааяа ан̃н̃ам̣ б̣яаагааси. д̇ад̇т̇а наабхинанд̣̇аами маран̣анд̇и маран̣ам̣ на абхиган̇каами. наабхинанд̣̇аами ж̇ийвид̇анд̇и ид̣̇ам̣ бана д̇асса гааран̣аважанам̣, яасмаа наабхинанд̣̇аами ж̇ийвид̇ам̣, д̇асмаа наабхинанд̣̇аами маран̣анд̇и. яо хи ааяад̇им̣ ж̇аад̇иж̇араамаран̣ааяа гилзсаабхисан̇каарз аажинод̇и убажинод̇и, со бунаб̣бхаваабхиниб̣б̣ад̇д̇им̣ абхинанд̣̇анд̇о наанд̇арияагад̇ааяа ад̇д̇ано маран̣амби абхинанд̣̇ад̇и наама гааран̣асса аббахийнад̇д̇аа, кийн̣аасаво бана саб̣б̣асо аажаяаг̇аамид̇хаммз бахааяа абажаяаг̇аамид̇хаммз бад̇идтид̇о барин̃н̃аад̇авад̇т̇уго саб̣б̣асо ж̇ийвид̇ам̣ анабхинанд̣̇анд̇о маран̣амби анабхинанд̣̇ад̇и наама гааран̣асса зва суббахийнад̇д̇аа. д̇знааха – ‘‘наабхинанд̣̇аами маран̣ам̣, наабхинанд̣̇аами ж̇ийвид̇а’’нд̇и. яад̣̇и звам̣ кийн̣аасавасса бариниб̣б̣аанаабхиган̇каа, яаава бариниб̣б̣аанаа авадтаанан̃жа гат̇анд̇и ааха ‘‘гаалан̃жа бадиган̇каами, самбаж̇аано бад̇иссад̇о’’д̇и, гилзсабариниб̣б̣аанз сид̣̇д̇хз сад̇ибан̃н̃аавзбуллаббад̇д̇ияаа сад̇о самбаж̇аано гзвалам̣ канд̇хабариниб̣б̣аанагаалам̣ бадиган̇каами, д̇ам̣ уд̣̇игкамаано ааг̇амаяамаано вихараами, на бана мз маран̣з ж̇ийвид̇з ваа абхинанд̣̇анаа ад̇т̇и арахад̇д̇амаг̇г̇знзва д̇асса самуг̇гхаадид̇ад̇д̇аад̇и.
Dutiyagāthāya aññaṃ byākāsi. Tattha nābhinandāmi maraṇanti maraṇaṃ na abhikaṅkhāmi. Nābhinandāmi jīvitanti idaṃ pana tassa kāraṇavacanaṃ, yasmā nābhinandāmi jīvitaṃ, tasmā nābhinandāmi maraṇanti. Yo hi āyatiṃ jātijarāmaraṇāya kilesābhisaṅkhāre ācinoti upacinoti, so punabbhavābhinibbattiṃ abhinandanto nāntariyakatāya attano maraṇampi abhinandati nāma kāraṇassa appahīnattā, khīṇāsavo pana sabbaso ācayagāmidhamme pahāya apacayagāmidhamme patiṭṭhito pariññātavatthuko sabbaso jīvitaṃ anabhinandanto maraṇampi anabhinandati nāma kāraṇassa eva suppahīnattā. Tenāha – ‘‘nābhinandāmi maraṇaṃ, nābhinandāmi jīvita’’nti. Yadi evaṃ khīṇāsavassa parinibbānābhikaṅkhā, yāva parinibbānā avaṭṭhānañca kathanti āha ‘‘kālañca paṭikaṅkhāmi, sampajāno patissato’’ti, kilesaparinibbāne siddhe satipaññāvepullappattiyā sato sampajāno kevalaṃ khandhaparinibbānakālaṃ paṭikaṅkhāmi, taṃ udikkhamāno āgamayamāno viharāmi, na pana me maraṇe jīvite vā abhinandanā atthi arahattamaggeneva tassa samugghāṭitattāti.
нисабхад̇т̇зраг̇аат̇ааван̣н̣анаа нидтид̇аа.
Nisabhattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. нисабхад̇т̇зраг̇аат̇аа • 8. Nisabhattheragāthā
