| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
5. нисийд̣̇анасант̇ад̇асигкаабад̣̇ам̣
5. Nisīdanasanthatasikkhāpadaṃ
565. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко бхаг̇аваа бхигкуу ааманд̇зси – ‘‘ижчаамахам̣, бхигкавз, д̇змаасам̣ бадисаллийяид̇ум̣. намхи гзнажи убасан̇гамид̇аб̣б̣о, ан̃н̃ад̇ра згзна бин̣д̣абаад̇анийхаарагзнаа’’д̇и. ‘‘звам̣, бханд̇з,’’д̇и ко д̇з бхигкуу бхаг̇авад̇о бадиссун̣ид̇ваа наассуд̇ха гожи бхаг̇аванд̇ам̣ убасан̇гамад̇и, ан̃н̃ад̇ра згзна бин̣д̣абаад̇анийхаарагзна. д̇зна ко бана самаязна саавад̇т̇ияаа сан̇гхзна гад̇игаа гад̇аа ход̇и – ‘‘ижчад̇аавусо, бхаг̇аваа д̇змаасам̣ бадисаллийяид̇ум̣. на бхаг̇аваа гзнажи убасан̇гамид̇аб̣б̣о , ан̃н̃ад̇ра згзна бин̣д̣абаад̇анийхаарагзна. яо бхаг̇аванд̇ам̣ убасан̇гамад̇и со баажид̇д̇ияам̣ д̣̇зсаабзд̇аб̣б̣о’’д̇и. ат̇а ко ааяасмаа убасзно ван̇г̇анд̇абуд̇д̇о, сабарисо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. аажин̣н̣ам̣ ко банзд̇ам̣ б̣уд̣̇д̇хаанам̣ бхаг̇аванд̇аанам̣ ааг̇анд̇угзхи бхигкуухи сад̣̇д̇хим̣ бадисаммод̣̇ид̇ум̣. ат̇а ко бхаг̇аваа ааяасманд̇ам̣ убасзнам̣ ван̇г̇анд̇абуд̇д̇ам̣ зд̇ад̣̇авожа – ‘‘гажжи во, убасзна, каманийяам̣ гажжи яаабанийяам̣, гажжид̇т̇а аббагиламат̇зна ад̣̇д̇хаанам̣ ааг̇ад̇аа’’д̇и? ‘‘каманийяам̣ , бхаг̇аваа, яаабанийяам̣, бхаг̇аваа. аббагиламат̇зна жа маяам̣, бханд̇з, ад̣̇д̇хаанам̣ ааг̇ад̇аа’’д̇и.
565. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Atha kho bhagavā bhikkhū āmantesi – ‘‘icchāmahaṃ, bhikkhave, temāsaṃ paṭisallīyituṃ. Namhi kenaci upasaṅkamitabbo, aññatra ekena piṇḍapātanīhārakenā’’ti. ‘‘Evaṃ, bhante,’’ti kho te bhikkhū bhagavato paṭissuṇitvā nāssudha koci bhagavantaṃ upasaṅkamati, aññatra ekena piṇḍapātanīhārakena. Tena kho pana samayena sāvatthiyā saṅghena katikā katā hoti – ‘‘icchatāvuso, bhagavā temāsaṃ paṭisallīyituṃ. Na bhagavā kenaci upasaṅkamitabbo , aññatra ekena piṇḍapātanīhārakena. Yo bhagavantaṃ upasaṅkamati so pācittiyaṃ desāpetabbo’’ti. Atha kho āyasmā upaseno vaṅgantaputto, sapariso yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā āyasmantaṃ upasenaṃ vaṅgantaputtaṃ etadavoca – ‘‘kacci vo, upasena, khamanīyaṃ kacci yāpanīyaṃ, kaccittha appakilamathena addhānaṃ āgatā’’ti? ‘‘Khamanīyaṃ , bhagavā, yāpanīyaṃ, bhagavā. Appakilamathena ca mayaṃ, bhante, addhānaṃ āgatā’’ti.
д̇зна ко бана самаязна ааяасмад̇о убасзнасса ван̇г̇анд̇абуд̇д̇асса сад̣̇д̇хивихаариго бхигку бхаг̇авад̇о авид̣̇уурз нисинно ход̇и. ат̇а ко бхаг̇аваа д̇ам̣ бхигкум̣ зд̇ад̣̇авожа – ‘‘манаабаани д̇з, бхигку, бам̣сугуулааний’’д̇и? ‘‘на ко мз, бханд̇з, манаабаани бам̣сугуулааний’’д̇и. ‘‘гисса бана д̇вам̣, бхигку, бам̣сугуулиго’’д̇и? ‘‘убаж̇жхааяо мз, бханд̇з, бам̣сугуулиго. звам̣ ахамби бам̣сугуулиго’’д̇и. ат̇а ко бхаг̇аваа ааяасманд̇ам̣ убасзнам̣ ван̇г̇анд̇абуд̇д̇ам̣ зд̇ад̣̇авожа – ‘‘баасаад̣̇игаа ко д̇яааяам̣, убасзна, барисаа. гат̇ам̣ д̇вам̣, убасзна, барисам̣ винзсий’’д̇и? ‘‘яо мам̣, бханд̇з, убасамбад̣̇ам̣ яаажад̇и д̇амахам̣ 1 звам̣ вад̣̇аами – ‘ахам̣ ко, аавусо, ааран̃н̃иго бин̣д̣абаад̇иго бам̣сугуулиго. сажз д̇вамби ааран̃н̃иго бхависсаси бин̣д̣абаад̇иго бам̣сугуулиго, зваахам̣ д̇ам̣ убасамбаад̣̇зссаамий’д̇и. сажз мз бадиссун̣аад̇и убасамбаад̣̇зми, но жз мз бадиссун̣аад̇и на убасамбаад̣̇зми. яо мам̣ ниссаяам̣ яаажад̇и д̇амахам̣ 2 звам̣ вад̣̇аами – ‘ахам̣ ко, аавусо, ааран̃н̃иго бин̣д̣абаад̇иго бам̣сугуулиго. сажз д̇вамби ааран̃н̃иго бхависсаси бин̣д̣абаад̇иго бам̣сугуулиго, зваахам̣ д̇з ниссаяам̣ д̣̇ассаамий’д̇и. сажз мз бадиссун̣аад̇и ниссаяам̣ д̣̇зми, но жз мз бадиссун̣аад̇и на ниссаяам̣ д̣̇зми. звам̣ ко ахам̣, бханд̇з, барисам̣ винзмий’’д̇и.
Tena kho pana samayena āyasmato upasenassa vaṅgantaputtassa saddhivihāriko bhikkhu bhagavato avidūre nisinno hoti. Atha kho bhagavā taṃ bhikkhuṃ etadavoca – ‘‘manāpāni te, bhikkhu, paṃsukūlānī’’ti? ‘‘Na kho me, bhante, manāpāni paṃsukūlānī’’ti. ‘‘Kissa pana tvaṃ, bhikkhu, paṃsukūliko’’ti? ‘‘Upajjhāyo me, bhante, paṃsukūliko. Evaṃ ahampi paṃsukūliko’’ti. Atha kho bhagavā āyasmantaṃ upasenaṃ vaṅgantaputtaṃ etadavoca – ‘‘pāsādikā kho tyāyaṃ, upasena, parisā. Kathaṃ tvaṃ, upasena, parisaṃ vinesī’’ti? ‘‘Yo maṃ, bhante, upasampadaṃ yācati tamahaṃ 3 evaṃ vadāmi – ‘ahaṃ kho, āvuso, āraññiko piṇḍapātiko paṃsukūliko. Sace tvampi āraññiko bhavissasi piṇḍapātiko paṃsukūliko, evāhaṃ taṃ upasampādessāmī’ti. Sace me paṭissuṇāti upasampādemi, no ce me paṭissuṇāti na upasampādemi. Yo maṃ nissayaṃ yācati tamahaṃ 4 evaṃ vadāmi – ‘ahaṃ kho, āvuso, āraññiko piṇḍapātiko paṃsukūliko. Sace tvampi āraññiko bhavissasi piṇḍapātiko paṃsukūliko, evāhaṃ te nissayaṃ dassāmī’ti. Sace me paṭissuṇāti nissayaṃ demi, no ce me paṭissuṇāti na nissayaṃ demi. Evaṃ kho ahaṃ, bhante, parisaṃ vinemī’’ti.
‘‘саад̇ху саад̇ху, убасзна. саад̇ху ко д̇вам̣, убасзна, барисам̣ винзси . ж̇аанааси бана д̇вам̣, убасзна, саавад̇т̇ияаа сан̇гхасса гад̇ига’’нд̇и? ‘‘на ко ахам̣, бханд̇з, ж̇аанаами саавад̇т̇ияаа сан̇гхасса гад̇ига’’нд̇и. ‘‘саавад̇т̇ияаа ко, убасзна, сан̇гхзна гад̇игаа гад̇аа – ‘ижчад̇аавусо, бхаг̇аваа д̇змаасам̣ бадисаллийяид̇ум̣. на бхаг̇аваа гзнажи убасан̇гамид̇аб̣б̣о, ан̃н̃ад̇ра згзна бин̣д̣абаад̇анийхаарагзна. яо бхаг̇аванд̇ам̣ убасан̇гамад̇и со баажид̇д̇ияам̣ д̣̇зсаабзд̇аб̣б̣о’д̇и. ‘‘бан̃н̃ааяиссад̇и, бханд̇з, саавад̇т̇ияаа сан̇гхо сагааяа гад̇игааяа, на маяам̣ абан̃н̃ад̇д̇ам̣ бан̃н̃абзссаама бан̃н̃ад̇д̇ам̣ ваа на самужчинд̣̇иссаама, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇иссаамаа’’д̇и. ‘‘саад̇ху саад̇ху, убасзна, абан̃н̃ад̇д̇ам̣ на бан̃н̃абзд̇аб̣б̣ам̣, бан̃н̃ад̇д̇ам̣ ваа на самужчинд̣̇ид̇аб̣б̣ам̣, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇ид̇аб̣б̣ам̣. ануж̇аанаами, убасзна, яз д̇з бхигкуу ааран̃н̃игаа бин̣д̣абаад̇игаа бам̣сугуулигаа яат̇аасукам̣ мам̣ д̣̇ассанааяа убасан̇гаманд̇уу’’д̇и.
‘‘Sādhu sādhu, upasena. Sādhu kho tvaṃ, upasena, parisaṃ vinesi . Jānāsi pana tvaṃ, upasena, sāvatthiyā saṅghassa katika’’nti? ‘‘Na kho ahaṃ, bhante, jānāmi sāvatthiyā saṅghassa katika’’nti. ‘‘Sāvatthiyā kho, upasena, saṅghena katikā katā – ‘icchatāvuso, bhagavā temāsaṃ paṭisallīyituṃ. Na bhagavā kenaci upasaṅkamitabbo, aññatra ekena piṇḍapātanīhārakena. Yo bhagavantaṃ upasaṅkamati so pācittiyaṃ desāpetabbo’ti. ‘‘Paññāyissati, bhante, sāvatthiyā saṅgho sakāya katikāya, na mayaṃ apaññattaṃ paññapessāma paññattaṃ vā na samucchindissāma, yathāpaññattesu sikkhāpadesu samādāya vattissāmā’’ti. ‘‘Sādhu sādhu, upasena, apaññattaṃ na paññapetabbaṃ, paññattaṃ vā na samucchinditabbaṃ, yathāpaññattesu sikkhāpadesu samādāya vattitabbaṃ. Anujānāmi, upasena, ye te bhikkhū āraññikā piṇḍapātikā paṃsukūlikā yathāsukhaṃ maṃ dassanāya upasaṅkamantū’’ti.
566. д̇зна ко бана самаязна самб̣ахулаа бхигкуу б̣ахид̣̇ваарагодтагз тид̇аа хонд̇и – ‘‘маяам̣ ааяасманд̇ам̣ убасзнам̣ ван̇г̇анд̇абуд̇д̇ам̣ баажид̇д̇ияам̣ д̣̇зсаабзссаамаа’’д̇и . ат̇а ко ааяасмаа убасзно ван̇г̇анд̇абуд̇д̇о сабарисо удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко д̇з бхигкуу ааяасманд̇ам̣ убасзнам̣ ван̇г̇анд̇абуд̇д̇ам̣ зд̇ад̣̇авожум̣ – ‘‘ж̇аанааси д̇вам̣, аавусо убасзна, саавад̇т̇ияаа сан̇гхасса гад̇ига’’нд̇и. ‘‘бхаг̇авааби мам̣, аавусо, звамааха – ‘ж̇аанааси бана д̇вам̣, убасзна, саавад̇т̇ияаа сан̇гхасса гад̇ига’нд̇и? на ко ахам̣, бханд̇з, ж̇аанаами саавад̇т̇ияаа сан̇гхасса гад̇ига’’нд̇и. ‘‘саавад̇т̇ияаа ко, убасзна, сан̇гхзна гад̇игаа гад̇аа – ижчад̇аавусо, бхаг̇аваа д̇змаасам̣ бадисаллийяид̇ум̣. на бхаг̇аваа гзнажи убасан̇гамид̇аб̣б̣о, ан̃н̃ад̇ра згзна бин̣д̣абаад̇анийхаарагзна. яо бхаг̇аванд̇ам̣ убасан̇гамад̇и со баажид̇д̇ияам̣ д̣̇зсаабзд̇аб̣б̣о’’д̇и. ‘‘бан̃н̃ааяиссад̇и, бханд̇з, саавад̇т̇ияаа сан̇гхо сагааяа гад̇игааяа, на маяам̣ абан̃н̃ад̇д̇ам̣ бан̃н̃абзссаама бан̃н̃ад̇д̇ам̣ ваа на самужчинд̣̇иссаама, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇иссаамаад̇и. анун̃н̃аад̇аавусо, бхаг̇авад̇аа – ‘яз д̇з бхигкуу ааран̃н̃игаа бин̣д̣абаад̇игаа бам̣сугуулигаа яат̇аасукам̣ мам̣ д̣̇ассанааяа убасан̇гаманд̇уу’’’д̇и.
566. Tena kho pana samayena sambahulā bhikkhū bahidvārakoṭṭhake ṭhitā honti – ‘‘mayaṃ āyasmantaṃ upasenaṃ vaṅgantaputtaṃ pācittiyaṃ desāpessāmā’’ti . Atha kho āyasmā upaseno vaṅgantaputto sapariso uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho te bhikkhū āyasmantaṃ upasenaṃ vaṅgantaputtaṃ etadavocuṃ – ‘‘jānāsi tvaṃ, āvuso upasena, sāvatthiyā saṅghassa katika’’nti. ‘‘Bhagavāpi maṃ, āvuso, evamāha – ‘jānāsi pana tvaṃ, upasena, sāvatthiyā saṅghassa katika’nti? Na kho ahaṃ, bhante, jānāmi sāvatthiyā saṅghassa katika’’nti. ‘‘Sāvatthiyā kho, upasena, saṅghena katikā katā – icchatāvuso, bhagavā temāsaṃ paṭisallīyituṃ. Na bhagavā kenaci upasaṅkamitabbo, aññatra ekena piṇḍapātanīhārakena. Yo bhagavantaṃ upasaṅkamati so pācittiyaṃ desāpetabbo’’ti. ‘‘Paññāyissati, bhante, sāvatthiyā saṅgho sakāya katikāya, na mayaṃ apaññattaṃ paññapessāma paññattaṃ vā na samucchindissāma, yathāpaññattesu sikkhāpadesu samādāya vattissāmāti. Anuññātāvuso, bhagavatā – ‘ye te bhikkhū āraññikā piṇḍapātikā paṃsukūlikā yathāsukhaṃ maṃ dassanāya upasaṅkamantū’’’ti.
ат̇а ко д̇з бхигкуу – ‘‘сажжам̣ ко ааяасмаа убасзно ааха – ‘на абан̃н̃ад̇д̇ам̣ бан̃н̃абзд̇аб̣б̣ам̣, бан̃н̃ад̇д̇ам̣ ваа на самужчинд̣̇ид̇аб̣б̣ам̣, яат̇аабан̃н̃ад̇д̇зсу сигкаабад̣̇зсу самаад̣̇ааяа вад̇д̇ид̇аб̣б̣а’’’нд̇и. ассосум̣ ко бхигкуу – ‘‘анун̃н̃аад̇аа гира бхаг̇авад̇аа – ‘яз д̇з бхигкуу ааран̃н̃игаа бин̣д̣абаад̇игаа бам̣сугуулигаа яат̇аасукам̣ мам̣ д̣̇ассанааяа убасан̇гаманд̇уу’’’д̇и. д̇з бхаг̇аванд̇ам̣ д̣̇ассанам̣ бихзнд̇аа 5 сант̇ад̇аани уж̇жхид̇ваа ааран̃н̃иган̇г̇ам̣ бин̣д̣абаад̇иган̇г̇ам̣ бам̣сугуулиган̇г̇ам̣ самаад̣̇ияим̣су. ат̇а ко бхаг̇аваа самб̣ахулзхи бхигкуухи сад̣̇д̇хим̣ сзнаасанажааригам̣ аахин̣д̣анд̇о ад̣̇д̣̇аса сант̇ад̇аани д̇ахам̣ д̇ахам̣ уж̇жхид̇аани. бассид̇ваа бхигкуу ааманд̇зси – ‘‘гассимаани, бхигкавз, сант̇ад̇аани д̇ахам̣ д̇ахам̣ уж̇жхид̇ааний’’д̇и? ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘д̇зна хи, бхигкавз, бхигкуунам̣ сигкаабад̣̇ам̣ бан̃н̃абзссаами д̣̇аса ад̇т̇авасз бадижжа – сан̇гхасудтуд̇ааяа, сан̇гхапаасуд̇ааяа,…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho te bhikkhū – ‘‘saccaṃ kho āyasmā upaseno āha – ‘na apaññattaṃ paññapetabbaṃ, paññattaṃ vā na samucchinditabbaṃ, yathāpaññattesu sikkhāpadesu samādāya vattitabba’’’nti. Assosuṃ kho bhikkhū – ‘‘anuññātā kira bhagavatā – ‘ye te bhikkhū āraññikā piṇḍapātikā paṃsukūlikā yathāsukhaṃ maṃ dassanāya upasaṅkamantū’’’ti. Te bhagavantaṃ dassanaṃ pihentā 6 santhatāni ujjhitvā āraññikaṅgaṃ piṇḍapātikaṅgaṃ paṃsukūlikaṅgaṃ samādiyiṃsu. Atha kho bhagavā sambahulehi bhikkhūhi saddhiṃ senāsanacārikaṃ āhiṇḍanto addasa santhatāni tahaṃ tahaṃ ujjhitāni. Passitvā bhikkhū āmantesi – ‘‘kassimāni, bhikkhave, santhatāni tahaṃ tahaṃ ujjhitānī’’ti? Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘tena hi, bhikkhave, bhikkhūnaṃ sikkhāpadaṃ paññapessāmi dasa atthavase paṭicca – saṅghasuṭṭhutāya, saṅghaphāsutāya,…pe… evañca pana, bhikkhave, imaṃ sikkhāpadaṃ uddiseyyātha –
567. ‘‘нисийд̣̇анасант̇ад̇ам̣ бана бхигкунаа гаараяамаанзна бураан̣асант̇ад̇асса сааманд̇аа суг̇ад̇авид̣̇ад̇т̇и аад̣̇аад̇аб̣б̣аа д̣̇уб̣б̣ан̣н̣агаран̣ааяа, анаад̣̇аа жз бхигку бураан̣асант̇ад̇асса сааманд̇аа суг̇ад̇авид̣̇ад̇т̇им̣ навам̣ нисийд̣̇анасант̇ад̇ам̣ гаараабзяяа, ниссаг̇г̇ияам̣ баажид̇д̇ияа’’нд̇и.
567.‘‘Nisīdanasanthataṃpana bhikkhunā kārayamānena purāṇasanthatassa sāmantā sugatavidatthi ādātabbā dubbaṇṇakaraṇāya, anādā ce bhikkhu purāṇasanthatassa sāmantā sugatavidatthiṃ navaṃ nisīdanasanthataṃ kārāpeyya, nissaggiyaṃ pācittiya’’nti.
568. нисийд̣̇анам̣ наама сад̣̇асам̣ вужжад̇и.
568.Nisīdanaṃ nāma sadasaṃ vuccati.
сант̇ад̇ам̣ наама сант̇арид̇ваа гад̇ам̣ ход̇и авааяимам̣.
Santhataṃ nāma santharitvā kataṃ hoti avāyimaṃ.
гаараяамаанзнаад̇и гаронд̇о ваа гаараабзнд̇о ваа.
Kārayamānenāti karonto vā kārāpento vā.
бураан̣асант̇ад̇ам̣ наама сагим̣ нивад̇т̇амби сагим̣ бааруд̇амби.
Purāṇasanthataṃ nāma sakiṃ nivatthampi sakiṃ pārutampi.
сааманд̇аа суг̇ад̇авид̣̇ад̇т̇и аад̣̇аад̇аб̣б̣аа д̣̇уб̣б̣ан̣н̣агаран̣ааяаад̇и т̇ирабхаавааяа ваддам̣ ваа жад̇урассам̣ ваа чинд̣̇ид̇ваа згад̣̇зсз ваа сант̇арид̇аб̣б̣ам̣ виж̇адзд̇ваа ваа сант̇арид̇аб̣б̣ам̣.
Sāmantā sugatavidatthi ādātabbā dubbaṇṇakaraṇāyāti thirabhāvāya vaṭṭaṃ vā caturassaṃ vā chinditvā ekadese vā santharitabbaṃ vijaṭetvā vā santharitabbaṃ.
анаад̣̇аа жз бхигку бураан̣асант̇ад̇асса сааманд̇аа суг̇ад̇авид̣̇ад̇т̇инд̇и анаад̣̇ияид̇ваа бураан̣асант̇ад̇асса сааманд̇аа суг̇ад̇авид̣̇ад̇т̇им̣ навам̣ нисийд̣̇анасант̇ад̇ам̣ гарод̇и ваа гаараабзд̇и ваа, баяог̇з д̣̇уггадам̣, бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, нисийд̣̇анасант̇ад̇ам̣ анаад̣̇ияид̇ваа бураан̣асант̇ад̇асса сааманд̇аа суг̇ад̇авид̣̇ад̇т̇им̣ гаараабид̇ам̣ ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… ааяасмад̇о д̣̇аммийд̇и.
Anādā ce bhikkhu purāṇasanthatassa sāmantā sugatavidatthinti anādiyitvā purāṇasanthatassa sāmantā sugatavidatthiṃ navaṃ nisīdanasanthataṃ karoti vā kārāpeti vā, payoge dukkaṭaṃ, paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, nisīdanasanthataṃ anādiyitvā purāṇasanthatassa sāmantā sugatavidatthiṃ kārāpitaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… āyasmato dammīti.
569. ад̇д̇анаа виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣. ад̇д̇анаа виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияам̣. барзхи виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣. барзхи виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияам̣.
569. Attanā vippakataṃ attanā pariyosāpeti, nissaggiyaṃ pācittiyaṃ. Attanā vippakataṃ parehi pariyosāpeti, nissaggiyaṃ pācittiyaṃ. Parehi vippakataṃ attanā pariyosāpeti, nissaggiyaṃ pācittiyaṃ. Parehi vippakataṃ parehi pariyosāpeti, nissaggiyaṃ pācittiyaṃ.
ан̃н̃ассад̇т̇ааяа гарод̇и ваа гаараабзд̇и ваа, аабад̇д̇и д̣̇уггадасса.
Aññassatthāya karoti vā kārāpeti vā, āpatti dukkaṭassa.
570. анаабад̇д̇и – бураан̣асант̇ад̇асса сааманд̇аа суг̇ад̇авид̣̇ад̇т̇им̣ аад̣̇ияид̇ваа гарод̇и, алабханд̇о т̇огад̇арам̣ аад̣̇ияид̇ваа гарод̇и, алабханд̇о анаад̣̇ияид̇ваа гарод̇и, ан̃н̃зна гад̇ам̣ бадилабхид̇ваа барибхун̃ж̇ад̇и, вид̇аанам̣ ваа бхуумад̇т̇аран̣ам̣ ваа саан̣ибаагаарам̣ ваа бхисим̣ ваа б̣иб̣б̣оханам̣ ваа гарод̇и, уммад̇д̇агасса аад̣̇игаммигассаад̇и.
570. Anāpatti – purāṇasanthatassa sāmantā sugatavidatthiṃ ādiyitvā karoti, alabhanto thokataraṃ ādiyitvā karoti, alabhanto anādiyitvā karoti, aññena kataṃ paṭilabhitvā paribhuñjati, vitānaṃ vā bhūmattharaṇaṃ vā sāṇipākāraṃ vā bhisiṃ vā bibbohanaṃ vā karoti, ummattakassa ādikammikassāti.
нисийд̣̇анасант̇ад̇асигкаабад̣̇ам̣ нидтид̇ам̣ бан̃жамам̣.
Nisīdanasanthatasikkhāpadaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
