| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
5. нисийд̣̇анасант̇ад̇асигкаабад̣̇аван̣н̣анаа
5. Nisīdanasanthatasikkhāpadavaṇṇanā
565-6. нисийд̣̇анасант̇ад̇асигкаабад̣̇з бана бан̃н̃ааяиссад̇ийд̇и сажз саа гад̇игаа манаабаа бхависсад̇и, манаабад̇ааяа бхигкусан̇гхо санд̣̇иссиссад̇и. сажз аманаабаа, аманаабад̇ааяа санд̣̇иссиссад̇ийд̇и ад̇хиббааяо, ааран̃н̃аган̇г̇аад̣̇ийни д̇ийн̣и баал̣ияам̣ бад̇хаанан̇г̇авасзна вуд̇д̇аани, сзсааниби д̇з самаад̣̇ияим̣суязваад̇и взд̣̇ид̇аб̣б̣ам̣. д̇знзвааха ‘‘сант̇ад̇з жад̇уд̇т̇ажийварасан̃н̃ид̇ааяаа’’д̇и. уж̇жхид̇ваад̇и виссаж̇ж̇зд̇ваа.
565-6. Nisīdanasanthatasikkhāpade pana paññāyissatīti sace sā katikā manāpā bhavissati, manāpatāya bhikkhusaṅgho sandississati. Sace amanāpā, amanāpatāya sandississatīti adhippāyo, āraññakaṅgādīni tīṇi pāḷiyaṃ padhānaṅgavasena vuttāni, sesānipi te samādiyiṃsuyevāti veditabbaṃ. Tenevāha ‘‘santhate catutthacīvarasaññitāyā’’ti. Ujjhitvāti vissajjetvā.
567. нисийд̣̇анасант̇ад̇ад̇д̇аа ниваасанабаарубанагижжам̣ над̇т̇ийд̇и ааха ‘‘сагим̣ нисиннан̃жзва нибаннан̃жаа’’д̇и . вид̣̇ад̇т̇имад̇д̇анд̇и суг̇ад̇авид̣̇ад̇т̇им̣ санд̇хааяа вад̣̇ад̇и. ид̣̇ан̃жа хздтимабарижчзд̣̇ад̣̇ассанад̇т̇ам̣ вуд̇д̇ам̣. ‘‘вид̇аанаад̣̇ийнам̣язва ад̇т̇ааяа гаран̣з анаабад̇д̇иважанад̇о сажз нибаж̇ж̇анад̇т̇ааяа гаронд̇и, аабад̇д̇иязваа’’д̇и д̇ийсуби г̇ан̣тибад̣̇зсу вуд̇д̇ам̣. агаббияад̇д̇аа бана ‘‘барибхун̃ж̇ид̇ум̣ на ваддад̇ий’’д̇и вуд̇д̇ам̣. ид̣̇ан̃жа нисийд̣̇анасант̇ад̇ам̣ наама нисийд̣̇анажийварамзва, наан̃н̃анд̇и вад̣̇анд̇и. нисийд̣̇анасигкаабад̣̇зби нисийд̣̇анам̣ наама сад̣̇асам̣ вужжад̇ийд̇и жа адтагат̇ааяан̃жасса ‘‘сант̇ад̇асад̣̇исам̣ сант̇арид̇ваа згасмим̣ анд̇з суг̇ад̇авид̣̇ад̇т̇ияаа вид̣̇ад̇т̇имад̇д̇з бад̣̇зсз д̣̇вийсу таанзсу паалзд̇ваа д̇иссо д̣̇асаа гарийяанд̇и, д̇аахи д̣̇асаахи сад̣̇асам̣ наама вужжад̇ий’’д̇и (баажи. адта. 531) важанад̇о ид̇хааби ‘‘нисийд̣̇анам̣ наама сад̣̇асам̣ вужжад̇ий’’д̇и жа ‘‘сант̇ад̇з жад̇уд̇т̇ажийварасан̃н̃ид̇ааяаа’’д̇и жа важанад̇о д̇ам̣ яуд̇д̇ам̣ вияа д̣̇иссад̇и. гзжи бана ‘‘нисийд̣̇анасант̇ад̇ам̣ зл̣агаломаани сант̇арид̇ваа сант̇ад̇ам̣ вияа гаронд̇и, д̇ам̣ авааяимам̣ анад̇хидтаанубаг̇ам̣, нисийд̣̇анажийварам̣ бана чаннам̣ жийвараанам̣ ан̃н̃ад̇арзна гарод̇и ад̇хидтаанубаг̇ам̣, д̇ам̣ гаронд̇аа жа нанд̇агаани сант̇арид̇ваа сант̇ад̇асад̣̇исам̣ гаронд̇ий’’д̇и вад̣̇анд̇и, виймам̣сид̇ваа яуд̇д̇ад̇арам̣ г̇ахзд̇аб̣б̣ам̣.
567. Nisīdanasanthatattā nivāsanapārupanakiccaṃ natthīti āha ‘‘sakiṃ nisinnañceva nipannañcā’’ti . Vidatthimattanti sugatavidatthiṃ sandhāya vadati. Idañca heṭṭhimaparicchedadassanatthaṃ vuttaṃ. ‘‘Vitānādīnaṃyeva atthāya karaṇe anāpattivacanato sace nipajjanatthāya karonti, āpattiyevā’’ti tīsupi gaṇṭhipadesu vuttaṃ. Akappiyattā pana ‘‘paribhuñjituṃ na vaṭṭatī’’ti vuttaṃ. Idañca nisīdanasanthataṃ nāma nisīdanacīvarameva, nāññanti vadanti. Nisīdanasikkhāpadepi nisīdanaṃ nāma sadasaṃ vuccatīti ca aṭṭhakathāyañcassa ‘‘santhatasadisaṃ santharitvā ekasmiṃ ante sugatavidatthiyā vidatthimatte padese dvīsu ṭhānesu phāletvā tisso dasā karīyanti, tāhi dasāhi sadasaṃ nāma vuccatī’’ti (pāci. aṭṭha. 531) vacanato idhāpi ‘‘nisīdanaṃ nāma sadasaṃ vuccatī’’ti ca ‘‘santhate catutthacīvarasaññitāyā’’ti ca vacanato taṃ yuttaṃ viya dissati. Keci pana ‘‘nisīdanasanthataṃ eḷakalomāni santharitvā santhataṃ viya karonti, taṃ avāyimaṃ anadhiṭṭhānupagaṃ, nisīdanacīvaraṃ pana channaṃ cīvarānaṃ aññatarena karoti adhiṭṭhānupagaṃ, taṃ karontā ca nantakāni santharitvā santhatasadisaṃ karontī’’ti vadanti, vīmaṃsitvā yuttataraṃ gahetabbaṃ.
нисийд̣̇анасант̇ад̇асигкаабад̣̇аван̣н̣анаа нидтид̇аа.
Nisīdanasanthatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. нисийд̣̇анасант̇ад̇асигкаабад̣̇ам̣ • 5. Nisīdanasanthatasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
