| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
5. нисийд̣̇анасант̇ад̇асигкаабад̣̇аван̣н̣анаа
5. Nisīdanasanthatasikkhāpadavaṇṇanā
565. наассуд̇ха гожийд̇и зд̇т̇а ассуд̇ха-ид̇и авад̇хааран̣ад̇т̇з нибаад̇о. д̇ад̇т̇а гин̃жааби ‘‘звам̣ бханд̇зд̇и ко д̇з бхигкуу’’д̇и б̣ахуважанам̣ вуд̇д̇ам̣, д̇ат̇ааби д̇з бхигкуу бхаг̇авад̇о бадиссун̣ид̇ваа ид̇ха д̇зсу бхигкуусу гожи бхаг̇аванд̇ам̣ наассуд̇ха убасан̇гамад̇и ан̃н̃ад̇ра згзнаад̇и ад̇т̇о г̇ахзд̇аб̣б̣о. д̇ам̣ суг̇г̇аахам̣ згаахам̣ бханд̇з бхаг̇аванд̇ам̣ варанд̇иаад̣̇ийсу (махаава. 337) вияа, ануж̇аанаами…бз… яат̇аасукам̣ мам̣ д̣̇ассанааяа убасан̇гаманд̇ууд̇и д̣̇ассанад̇т̇ааяа убасан̇гаманд̇у.
565.Nāssudha kocīti ettha assudha-iti avadhāraṇatthe nipāto. Tattha kiñcāpi ‘‘evaṃ bhanteti kho te bhikkhū’’ti bahuvacanaṃ vuttaṃ, tathāpi te bhikkhū bhagavato paṭissuṇitvā idha tesu bhikkhūsu koci bhagavantaṃ nāssudha upasaṅkamati aññatra ekenāti attho gahetabbo. Taṃ suggāhaṃ ekāhaṃ bhante bhagavantaṃ varantiādīsu (mahāva. 337) viya, anujānāmi…pe… yathāsukhaṃ maṃ dassanāya upasaṅkamantūti dassanatthāya upasaṅkamantu.
566-7. ‘‘маяам̣ ааяасманд̇ам̣ убасзна’’нд̇и д̇асса г̇ан̣абаамогкад̇д̇аа вуд̇д̇ам̣. ааран̃н̃игабин̣д̣абаад̇игабам̣сугуулигавасзна саб̣б̣аани вуд̇д̇аани. д̇знзвааха адтагат̇ааяам̣ ‘‘сант̇ад̇з жад̇уд̇т̇ажийварасан̃н̃ид̇ааяаа’’д̇и. гим̣ саб̣б̣зби д̇з жийварам̣ на б̣уж̇жханд̇ийд̇и жз? яат̇аа ход̇у. гад̇амам̣ жийварам̣ наамаад̇и? чаннам̣ ан̃н̃ад̇арам̣ вигаббанубаг̇ам̣ бажчиманд̇и. гин̃жа вааяимам̣ авааяиманд̇и? вааяимамзваад̇и. гад̇арасуд̇д̇знаад̇и? ад̣̇д̇хаа со суд̇д̇амзва на бассад̇и, сивзяяагам̣ д̣̇уссаяуг̇ам̣, ид̣̇д̇химаяиган̃жа д̣̇звад̣̇ад̇д̇ияан̃жа ажийварам̣ гарод̇и. яад̣̇и звам̣ авааяимамбийд̇и вад̣̇аамийд̇и. звам̣ санд̇з сид̣̇д̇хаа сант̇ад̇з жийварасан̃н̃ид̇аа гамб̣аласийсзна ун̣н̣аамаяасааман̃н̃ад̇о. гим̣ бана д̇з сант̇ад̇ам̣ ад̇хидтахим̣сууд̇и? д̣̇удту ад̇хидтахим̣су ажийварад̇д̇аа, на ад̇хидтаанубаг̇ад̇д̇аа жа сант̇ад̇асса. ат̇а наад̇хидтахим̣су, буб̣б̣зва д̇ад̇т̇а ажийварасан̃н̃ино зд̇зд̇и гад̇ваа д̇ад̇т̇а жийварасан̃н̃ид̇ааяа д̇ад̣̇убхаяам̣ на яуж̇ж̇ад̇ийд̇и. гим̣ банзд̇ам̣ ад̇хидтаанубаг̇ам̣ над̇т̇ийд̇и? д̇ад̇т̇звааг̇ад̇ам̣ , абижзд̇ам̣ авигаббанубаг̇ам̣ жз, жийварам̣ на ход̇и, ан̃н̃ат̇аа ‘‘жийварам̣ наама чаннам̣ жийвараанам̣ ан̃н̃ад̇ара’’нд̇и зд̇д̇аавад̇аа сид̣̇д̇хам̣ ‘‘вигаббанубаг̇ам̣ бажчима’’нд̇и на вад̇д̇аб̣б̣ам̣. ат̇а на вигаббанубаг̇амби жийварамзва сид̣̇д̇хам̣, анад̇хидтаанубаг̇ам̣ , авигаббанубаг̇ан̃жа згаж̇жхам̣ ‘‘жийвара’’нд̇и сан̇кяам̣ г̇ажчад̇и. д̇знзвааха ‘‘д̇зжийваригасса жад̇уд̇т̇ажийварам̣ вад̇д̇амаанам̣ ам̣сагаасаавамзва ваддад̇ий’’д̇и.
566-7. ‘‘Mayaṃ āyasmantaṃ upasena’’nti tassa gaṇapāmokkhattā vuttaṃ. Āraññikapiṇḍapātikapaṃsukūlikavasena sabbāni vuttāni. Tenevāha aṭṭhakathāyaṃ ‘‘santhate catutthacīvarasaññitāyā’’ti. Kiṃ sabbepi te cīvaraṃ na bujjhantīti ce? Yathā hotu. Katamaṃ cīvaraṃ nāmāti? Channaṃ aññataraṃ vikappanupagaṃ pacchimanti. Kiñca vāyimaṃ avāyimanti? Vāyimamevāti. Katarasuttenāti? Addhā so suttameva na passati, siveyyakaṃ dussayugaṃ, iddhimayikañca devadattiyañca acīvaraṃ karoti. Yadi evaṃ avāyimampīti vadāmīti. Evaṃ sante siddhā santhate cīvarasaññitā kambalasīsena uṇṇāmayasāmaññato. Kiṃ pana te santhataṃ adhiṭṭhahiṃsūti? Duṭṭhu adhiṭṭhahiṃsu acīvarattā, na adhiṭṭhānupagattā ca santhatassa. Atha nādhiṭṭhahiṃsu, pubbeva tattha acīvarasaññino eteti katvā tattha cīvarasaññitāya tadubhayaṃ na yujjatīti. Kiṃ panetaṃ adhiṭṭhānupagaṃ natthīti? Tatthevāgataṃ , apicetaṃ avikappanupagaṃ ce, cīvaraṃ na hoti, aññathā ‘‘cīvaraṃ nāma channaṃ cīvarānaṃ aññatara’’nti ettāvatā siddhaṃ ‘‘vikappanupagaṃ pacchima’’nti na vattabbaṃ. Atha na vikappanupagampi cīvarameva siddhaṃ, anadhiṭṭhānupagaṃ , avikappanupagañca ekajjhaṃ ‘‘cīvara’’nti saṅkhyaṃ gacchati. Tenevāha ‘‘tecīvarikassa catutthacīvaraṃ vattamānaṃ aṃsakāsāvameva vaṭṭatī’’ti.
абижа сант̇ад̇з жийварасан̃н̃ид̇аа на гзвалам̣ д̇зсам̣язва, ан̃н̃зсамби ануб̣анд̇хад̇и зва ‘‘бураан̣асант̇ад̇ам̣ наама сагим̣ нивад̇т̇амби сагим̣ бааруд̇амбий’’д̇и важанад̇о. адтагат̇аажарияо банасса ажийварад̇ам̣ санд̇хааяабхаасид̇ад̇т̇ад̣̇ийбанзна д̣̇ийбзд̇и. нивад̇т̇абааруд̇анд̇и зд̇зсам̣ нисиннан̃жзва нибаннан̃жаад̇и ад̇т̇о. абижа звам̣ санд̇зби сант̇ад̇з жийварасан̃н̃ид̇аа ануб̣анд̇хад̇и зва. канд̇хагз (махаава. 358) хи ‘‘нисийд̣̇анам̣ ад̇хидтаад̇ум̣ на вигаббзд̇у’’нд̇и жа, бариваарз (бари. 329) ‘‘нава жийвараани ад̇хидтаад̇аб̣б̣ааний’’д̇и жа нисийд̣̇анасигкаабад̣̇з ‘‘д̣̇асаа вид̣̇ад̇т̇ий’’д̇и жа ид̇ха ‘‘нисийд̣̇анам̣ наама сад̣̇асам̣ вужжад̇ий’’д̇и жа вуд̇д̇ам̣, адтагат̇ааяан̃жасса ‘‘сант̇ад̇асад̣̇исам̣ сант̇арид̇ваа згасмим̣ анд̇з суг̇ад̇авид̣̇ад̇т̇ияаа вид̣̇ад̇т̇имад̇д̇абад̣̇зсз д̣̇вийсу таанзсу паалзд̇ваа д̇иссо д̣̇асаа гарийяанд̇и, д̇аахи д̣̇асаахи сад̣̇асам̣ наама вужжад̇ий’’д̇и жа ‘‘нисийд̣̇анам̣ вуд̇д̇анаязна ад̇хидтаад̇аб̣б̣амзва, д̇ан̃жа ко бамаан̣аяуд̇д̇ам̣ згамзва, д̣̇вз на вадданд̇ий’’д̇и жа вуд̇д̇ам̣, д̇асмаа нисийд̣̇анам̣ наама наваннам̣ жийвараанам̣ ан̃н̃ад̇арам̣ жийварам̣ ад̇хидтаад̇аб̣б̣ам̣, д̇ан̃жа сант̇ад̇асад̣̇исам̣ зл̣агаломамаяасант̇ад̇ависзсанд̇и сид̣̇д̇хам̣, д̇ат̇аа нисийд̣̇анамзва нисийд̣̇анасант̇ад̇ан̃жа сид̣̇д̇хам̣. бораан̣аг̇ан̣тибад̣̇з жа ‘‘згамзваа’’д̇и вуд̇д̇ам̣. д̇асмим̣ сид̣̇д̇хз сид̣̇д̇хаа сант̇ад̇з жийварасан̃н̃ид̇аад̇и ад̇т̇о. гасмаа? сант̇ад̇асааман̃н̃ад̇о.
Apica santhate cīvarasaññitā na kevalaṃ tesaṃyeva, aññesampi anubandhati eva ‘‘purāṇasanthataṃ nāma sakiṃ nivatthampi sakiṃ pārutampī’’ti vacanato. Aṭṭhakathācariyo panassa acīvarataṃ sandhāyabhāsitatthadīpanena dīpeti. Nivatthapārutanti etesaṃ nisinnañceva nipannañcāti attho. Apica evaṃ santepi santhate cīvarasaññitā anubandhati eva. Khandhake (mahāva. 358) hi ‘‘nisīdanaṃ adhiṭṭhātuṃ na vikappetu’’nti ca, parivāre (pari. 329) ‘‘nava cīvarāni adhiṭṭhātabbānī’’ti ca nisīdanasikkhāpade ‘‘dasā vidatthī’’ti ca idha ‘‘nisīdanaṃ nāma sadasaṃ vuccatī’’ti ca vuttaṃ, aṭṭhakathāyañcassa ‘‘santhatasadisaṃ santharitvā ekasmiṃ ante sugatavidatthiyā vidatthimattapadese dvīsu ṭhānesu phāletvā tisso dasā karīyanti, tāhi dasāhi sadasaṃ nāma vuccatī’’ti ca ‘‘nisīdanaṃ vuttanayena adhiṭṭhātabbameva, tañca kho pamāṇayuttaṃ ekameva, dve na vaṭṭantī’’ti ca vuttaṃ, tasmā nisīdanaṃ nāma navannaṃ cīvarānaṃ aññataraṃ cīvaraṃ adhiṭṭhātabbaṃ, tañca santhatasadisaṃ eḷakalomamayasanthatavisesanti siddhaṃ, tathā nisīdanameva nisīdanasanthatañca siddhaṃ. Porāṇagaṇṭhipade ca ‘‘ekamevā’’ti vuttaṃ. Tasmiṃ siddhe siddhā santhate cīvarasaññitāti attho. Kasmā? Santhatasāmaññato.
зд̇т̇ааха – гат̇ам̣ ад̣̇асамзва сант̇ад̇ам̣ жийварасан̇кяам̣ на г̇ажчад̇и. анзгамби анад̇хидтид̇амби маханд̇амби ваддад̇и, яад̇о сад̣̇асамзва сант̇ад̇ам̣ жийварасан̇кяам̣ г̇ажчад̇и, д̇ад̇о ад̇хидтаанан̃жа убаг̇ажчад̇ийд̇и. асант̇ад̇абарияаабаннад̇д̇аа орзна жа чаннам̣ вассаанам̣ винааби саммуд̇им̣, д̇ан̃жа бораан̣ам̣ виссаж̇ж̇зд̇ваа зва, на ависсаж̇ж̇зд̇ваа ‘‘д̇ан̃жа ко бамаан̣аяуд̇д̇ам̣ згамзва, д̣̇вз на вадданд̇ий’’д̇и (баараа. адта. 2.469) важанад̇од̇и. ат̇ааби сияаа сант̇ад̇ам̣ саяанад̇т̇амзва гарийяад̇и, нисийд̣̇анам̣ асант̇ад̇амзваад̇и. д̇ан̃жа на нияамад̇о ‘‘бураан̣асант̇ад̇ам̣ наама сагим̣ нивад̇т̇ам̣ сагим̣ бааруд̇амбий’’д̇и вуд̇д̇ад̇д̇аад̇и. зд̇т̇а вужжад̇и, на зд̇т̇а гааран̣ам̣ бариязсид̇аб̣б̣ам̣ винаяабан̃н̃ад̇д̇ияаа анан̃н̃ависаяад̇д̇аа.
Etthāha – kathaṃ adasameva santhataṃ cīvarasaṅkhyaṃ na gacchati. Anekampi anadhiṭṭhitampi mahantampi vaṭṭati, yato sadasameva santhataṃ cīvarasaṅkhyaṃ gacchati, tato adhiṭṭhānañca upagacchatīti. Asanthatapariyāpannattā orena ca channaṃ vassānaṃ vināpi sammutiṃ, tañca porāṇaṃ vissajjetvā eva, na avissajjetvā ‘‘tañca kho pamāṇayuttaṃ ekameva, dve na vaṭṭantī’’ti (pārā. aṭṭha. 2.469) vacanatoti. Athāpi siyā santhataṃ sayanatthameva karīyati, nisīdanaṃ asanthatamevāti. Tañca na niyamato ‘‘purāṇasanthataṃ nāma sakiṃ nivatthaṃ sakiṃ pārutampī’’ti vuttattāti. Ettha vuccati, na ettha kāraṇaṃ pariyesitabbaṃ vinayapaññattiyā anaññavisayattā.
сант̇ад̇асса бана ажийварабхаавз аяам̣ яуд̇д̇и – аад̣̇ид̇о ‘‘д̇ийн̣и сант̇ад̇аани бана винаяагаммам̣ гад̇ваа бадилабхид̇ваа барибхун̃ж̇ид̇ум̣ на вадданд̇ий’’д̇и адтагат̇ааважанад̇о д̇аани агаббияаанийд̇и сид̣̇д̇хам̣, бхаг̇авад̇аа жа комаад̣̇ийни ча анун̃н̃аад̇аанийд̇и госзяяам̣ габбияанд̇и сид̣̇д̇хам̣. звам̣ санд̇з суд̣̇д̇хагосзяяамби жийварам̣ габбияам̣ ж̇аад̇ам̣, баг̇зва госияамиссагасант̇ад̇ажийваранд̇и аабаж̇ж̇ад̇и. д̇ат̇аа гамб̣алан̃жа анун̃н̃аад̇ам̣, д̇ан̃жа суд̣̇д̇хигамби ход̇и ж̇аад̇игаал̣агабхаавзна, баг̇зва од̣̇аад̇аг̇ожарияамиссагасант̇ад̇ажийваранд̇и аабаж̇ж̇ад̇и. д̇ад̇о жа ан̃н̃аман̃н̃авирод̇хо, д̇асмаа на сант̇ад̇ам̣ жийварам̣ наама ход̇и, нисийд̣̇анам̣ бана ход̇и д̇асса бамаан̣асан̣таанабарижчзд̣̇асамбхавад̇о. зд̇т̇ааху гзжи аажарияаа ‘‘д̣̇увид̇хам̣ нисийд̣̇анам̣ сант̇ад̇ам̣, асант̇ад̇ан̃жа. д̇ад̇т̇а сант̇ад̇ам̣ сант̇ад̇амзва. асант̇ад̇ам̣ комаад̣̇ичаб̣б̣ид̇хам̣, д̇ад̣̇ануломам̣ ваа ход̇и, аяамзд̇зсам̣ висзсо’’д̇и.
Santhatassa pana acīvarabhāve ayaṃ yutti – ādito ‘‘tīṇi santhatāni pana vinayakammaṃ katvā paṭilabhitvā paribhuñjituṃ na vaṭṭantī’’ti aṭṭhakathāvacanato tāni akappiyānīti siddhaṃ, bhagavatā ca khomādīni cha anuññātānīti koseyyaṃ kappiyanti siddhaṃ. Evaṃ sante suddhakoseyyampi cīvaraṃ kappiyaṃ jātaṃ, pageva kosiyamissakasanthatacīvaranti āpajjati. Tathā kambalañca anuññātaṃ, tañca suddhikampi hoti jātikāḷakabhāvena, pageva odātagocariyamissakasanthatacīvaranti āpajjati. Tato ca aññamaññavirodho, tasmā na santhataṃ cīvaraṃ nāma hoti, nisīdanaṃ pana hoti tassa pamāṇasaṇṭhānaparicchedasambhavato. Etthāhu keci ācariyā ‘‘duvidhaṃ nisīdanaṃ santhataṃ, asanthatañca. Tattha santhataṃ santhatameva. Asanthataṃ khomādichabbidhaṃ, tadanulomaṃ vā hoti, ayametesaṃ viseso’’ti.
зд̇т̇ааха – гасмаа банзд̇т̇а ‘‘сант̇ад̇ам̣ бана бхигкунаа’’д̇и сигкаабад̣̇ам̣ абан̃н̃аабзд̇ваа ‘‘нисийд̣̇анасант̇ад̇а’’нд̇и бан̃н̃ад̇д̇анд̇и? жийварасан̃н̃ид̇ааяа сант̇ад̇аанам̣ уж̇жхид̇ад̇д̇аа д̇зсам̣ ажийварабхаавад̣̇ассанад̇т̇ам̣ д̇ат̇аа бан̃н̃ад̇д̇анд̇и вуд̇д̇ам̣ ход̇и, д̇асмаа д̇з бхигкуу д̇худ̇ан̇г̇абхзд̣̇абхаяаа д̇аани уж̇жхид̇ваа д̇зрасааби д̇худ̇ан̇г̇аани самаад̣̇ияим̣су, сийсад̣̇ассанавасзна д̇ийн̣зва вуд̇д̇аани, бхаг̇аваа жа д̇зсам̣ сант̇ад̇ам̣ ануж̇аани, д̇ад̇о нзсам̣ звам̣ ход̇и ‘‘нисийд̣̇анажийварасан̣таанамбзд̇ам̣ нисийд̣̇анасант̇ад̇ам̣ но анун̃н̃аад̇ам̣, жад̇уд̇т̇ажийварабхаавзна баг̇зва гад̇асант̇ад̇ам̣ ваа’’д̇и. д̇ад̇о сант̇ад̇з нзсам̣ жийварасан̃н̃ид̇аа на бхависсад̇ийд̇и д̇ад̣̇ад̇т̇ам̣ бхаг̇авад̇аа нисийд̣̇анасант̇ад̇анд̇и бан̃н̃ад̇д̇анд̇и ад̇хиббааяо. ‘‘бажчимаани д̣̇вз вадданд̇ий’’д̇и гат̇ам̣ бан̃н̃ааяад̇ийд̇и жз? ‘‘анаабад̇д̇и ан̃н̃зна гад̇ам̣ бадилабхид̇ваа барибхун̃ж̇ад̇ий’’д̇и важанад̇од̇и.
Etthāha – kasmā panettha ‘‘santhataṃ pana bhikkhunā’’ti sikkhāpadaṃ apaññāpetvā ‘‘nisīdanasanthata’’nti paññattanti? Cīvarasaññitāya santhatānaṃ ujjhitattā tesaṃ acīvarabhāvadassanatthaṃ tathā paññattanti vuttaṃ hoti, tasmā te bhikkhū dhutaṅgabhedabhayā tāni ujjhitvā terasāpi dhutaṅgāni samādiyiṃsu, sīsadassanavasena tīṇeva vuttāni, bhagavā ca tesaṃ santhataṃ anujāni, tato nesaṃ evaṃ hoti ‘‘nisīdanacīvarasaṇṭhānampetaṃ nisīdanasanthataṃ no anuññātaṃ, catutthacīvarabhāvena pageva katasanthataṃ vā’’ti. Tato santhate nesaṃ cīvarasaññitā na bhavissatīti tadatthaṃ bhagavatā nisīdanasanthatanti paññattanti adhippāyo. ‘‘Pacchimāni dve vaṭṭantī’’ti kathaṃ paññāyatīti ce? ‘‘Anāpatti aññena kataṃ paṭilabhitvā paribhuñjatī’’ti vacanatoti.
нисийд̣̇анасант̇ад̇асигкаабад̣̇аван̣н̣анаа нидтид̇аа.
Nisīdanasanthatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. нисийд̣̇анасант̇ад̇асигкаабад̣̇ам̣ • 5. Nisīdanasanthatasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
