| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
5. нисийд̣̇анасант̇ад̇асигкаабад̣̇аван̣н̣анаа
5. Nisīdanasanthatasikkhāpadavaṇṇanā
565. бан̃жамз д̇ад̇т̇а санд̣̇иссиссад̇ийд̇и сагааяа гад̇игааяа аяуд̇д̇агаарид̇аавасзна вин̃н̃уухи санд̣̇иссиссад̇ийд̇и ад̇т̇о. аран̃н̃аган̇г̇аад̣̇ийни д̇ийн̣и баал̣ияам̣ сзнаасанаад̣̇ибажжаяад̇д̇аяасса аад̣̇иан̇г̇авасзна вуд̇д̇аани, сзсааниби д̇з самаад̣̇ияим̣су зваад̇и взд̣̇ид̇аб̣б̣ам̣.
565. Pañcame tattha sandississatīti sakāya katikāya ayuttakāritāvasena viññūhi sandississatīti attho. Araññakaṅgādīni tīṇi pāḷiyaṃ senāsanādipaccayattayassa ādiaṅgavasena vuttāni, sesānipi te samādiyiṃsu evāti veditabbaṃ.
566. бихаяанд̇аад̇и бад̇т̇аяанд̇аа. сант̇ад̇асса авааяимад̇д̇аа, сзнаасанабаригкаарад̇д̇аа жа жийварад̇аа, ад̇хидтаад̇аб̣б̣ад̇аа жа над̇т̇ийд̇и ааха ‘‘жад̇уд̇т̇ажийварасан̃н̃ид̇ааяаа’’д̇и, вибаллаасасан̃н̃ааяаад̇и ад̇т̇о. гзжи бана ‘‘ид̣̇ам̣ нисийд̣̇анасант̇ад̇ам̣ наама навасу жийварзсу нисийд̣̇анажийварамзва, наан̃н̃ам̣. нисийд̣̇анасигкаабад̣̇зби (баажи. 531 аад̣̇аяо) имасмим̣ сигкаабад̣̇з вияа ‘нисийд̣̇анам̣ наама сад̣̇асам̣ вужжад̇ий’д̇и жа адтагат̇ааяан̃жасса ‘сант̇ад̇асад̣̇исам̣ сант̇арид̇ваа згасмим̣ анд̇з суг̇ад̇авид̣̇ад̇т̇ияаа вид̣̇ад̇т̇имад̇д̇з бад̣̇зсз д̣̇вийсу таанзсу паалзд̇ваа д̇иссо д̣̇асаа гарийяанд̇и, д̇аахи д̣̇асаахи сад̣̇асам̣ наама вужжад̇ий’д̇и (баажи. адта. 531) жа вуд̇д̇ад̇д̇аа’’д̇и вад̣̇анд̇и, д̇ам̣ на яуд̇д̇ам̣ ид̇ха бамаан̣анияамасса авуд̇д̇ад̇д̇аа, сант̇ад̇асса жа авааяимажийварад̇д̇аа, ад̇хидтаанубаг̇ад̇д̇аабхааваа адтагат̇ааяам̣ авуд̇д̇ад̇д̇аа жа. нисийд̣̇анажийварам̣ бана чаннам̣ жийвараанам̣ кан̣д̣абилод̇игаани бамаан̣аяуд̇д̇амзва сант̇арид̇ваа сант̇ад̇ам̣ вияа гаронд̇и. д̇знзва ‘‘сант̇ад̇асад̣̇иса’’нд̇и сад̣̇исаг̇г̇ахан̣ам̣ гад̇ам̣, д̇асмаа д̇ад̣̇зва жийварам̣ ад̇хидтаанубаг̇ан̃жа, на ид̣̇анд̇и г̇ахзд̇аб̣б̣ам̣.
566.Pihayantāti patthayantā. Santhatassa avāyimattā, senāsanaparikkhārattā ca cīvaratā, adhiṭṭhātabbatā ca natthīti āha ‘‘catutthacīvarasaññitāyā’’ti, vipallāsasaññāyāti attho. Keci pana ‘‘idaṃ nisīdanasanthataṃ nāma navasu cīvaresu nisīdanacīvarameva, nāññaṃ. Nisīdanasikkhāpadepi (pāci. 531 ādayo) imasmiṃ sikkhāpade viya ‘nisīdanaṃ nāma sadasaṃ vuccatī’ti ca aṭṭhakathāyañcassa ‘santhatasadisaṃ santharitvā ekasmiṃ ante sugatavidatthiyā vidatthimatte padese dvīsu ṭhānesu phāletvā tisso dasā karīyanti, tāhi dasāhi sadasaṃ nāma vuccatī’ti (pāci. aṭṭha. 531) ca vuttattā’’ti vadanti, taṃ na yuttaṃ idha pamāṇaniyamassa avuttattā, santhatassa ca avāyimacīvarattā, adhiṭṭhānupagattābhāvā aṭṭhakathāyaṃ avuttattā ca. Nisīdanacīvaraṃ pana channaṃ cīvarānaṃ khaṇḍapilotikāni pamāṇayuttameva santharitvā santhataṃ viya karonti. Teneva ‘‘santhatasadisa’’nti sadisaggahaṇaṃ kataṃ, tasmā tadeva cīvaraṃ adhiṭṭhānupagañca, na idanti gahetabbaṃ.
567. суг̇ад̇авид̣̇ад̇т̇игам̣ анаад̣̇ааяа аад̣̇ияанд̇исан̃н̃ааяа, суг̇ад̇авид̣̇ад̇т̇иуунз ануунанд̇исан̃н̃ааяа жа васзнзд̇т̇а ажид̇д̇агад̇аа взд̣̇ид̇аб̣б̣аа. вид̇аанаад̣̇ийнан̃н̃зва ад̇т̇ааяа гаран̣з анаабад̇д̇иважанад̇о нибаж̇ж̇анад̇т̇ааяа гарод̇оби аабад̇д̇и зва. барибхун̃ж̇ид̇ум̣ на ваддад̇ийд̇и госиязсу суд̣̇д̇хагаал̣агаанан̃жа вад̇т̇уунам̣ агаббияад̇д̇аа вуд̇д̇ам̣. д̇знзва баал̣ияам̣ ‘‘ан̃н̃зна гад̇ам̣ бадилабхид̇ваа барибхун̃ж̇ад̇и, аабад̇д̇и д̣̇уггадассаа’’д̇и (баараа. 545, 550) д̇ад̇т̇а д̇ад̇т̇а вуд̇д̇ам̣, ид̇арзсу бана д̣̇вийсу ‘‘анаабад̇д̇ий’’д̇и вуд̇д̇ам̣. д̇ад̇т̇а жад̇уд̇т̇з ан̃н̃ассад̇т̇ааяа гаран̣зби анаабад̇д̇и, бан̃жамз д̇ад̇т̇а д̣̇уггаданд̇и д̣̇адтаб̣б̣ам̣. ниссадтад̣̇аанаважанад̇о бана г̇ахан̣з д̣̇осо над̇т̇и, барибхун̃ж̇анз жа виж̇адзд̇ваа габбияавасзна гад̇з на д̣̇осо.
567. Sugatavidatthikaṃ anādāya ādiyantisaññāya, sugatavidatthiūne anūnantisaññāya ca vasenettha acittakatā veditabbā. Vitānādīnaññeva atthāya karaṇe anāpattivacanato nipajjanatthāya karotopi āpatti eva. Paribhuñjituṃ na vaṭṭatīti kosiyesu suddhakāḷakānañca vatthūnaṃ akappiyattā vuttaṃ. Teneva pāḷiyaṃ ‘‘aññena kataṃ paṭilabhitvā paribhuñjati, āpatti dukkaṭassā’’ti (pārā. 545, 550) tattha tattha vuttaṃ, itaresu pana dvīsu ‘‘anāpattī’’ti vuttaṃ. Tattha catutthe aññassatthāya karaṇepi anāpatti, pañcame tattha dukkaṭanti daṭṭhabbaṃ. Nissaṭṭhadānavacanato pana gahaṇe doso natthi, paribhuñjane ca vijaṭetvā kappiyavasena kate na doso.
нисийд̣̇анасант̇ад̇асигкаабад̣̇аван̣н̣анаа нидтид̇аа.
Nisīdanasanthatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. нисийд̣̇анасант̇ад̇асигкаабад̣̇ам̣ • 5. Nisīdanasanthatasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. нисийд̣̇анасант̇ад̇асигкаабад̣̇аван̣н̣анаа • 5. Nisīdanasanthatasikkhāpadavaṇṇanā
