| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༧. ནིསཱིདནསིཀྑཱཔདཾ
7. Nisīdanasikkhāpadaṃ
༥༣༡. སཏྟམེ ཀཏྠཱཏི ཀིསྨིཾ ཁནྡྷཀེ, ཀིསྨིཾ ཝཏྠུསྨིཾ ཝཱ། ཧཱིཏི སཙྩཾ། ཏཏྠཱཏི ཙཱིཝརཀྑནྡྷཀེ, པཎཱིཏབྷོཛནཝཏྠུསྨིཾ ཝཱ། ‘‘ཡཐཱ ནཱམཱ’’ཏི ཨིམིནཱ ‘‘སེཡྻཐཱཔཱི’’ཏི པདསྶ ཨཏྠཾ དསྶེཏི, ‘‘པུརཱཎོ ཙམྨཀཱརོ’’ཏི ཨིམིནཱ ‘‘པུརཱཎཱསིཀོཊྛོ’’ཏི པདསྶ། ཙམྨཀཱརོ ཧི ཨསིནཱ ཙམྨཾ ཀུཊཏི ཚིནྡཏཱིཏི ‘‘ཨསིཀོཊྛོ’’ཏི ཝུཙྩཏི། ཝཏྠུཔྤནྣཀཱལམུཔནིདྷཱཡ ཝུཏྟཾ ‘‘པུརཱཎོ’’ཏི ། ཏམེཝཱུཔམཾ པཱཀཊཾ ཀརོནྟོ ཨཱཧ ‘‘ཡཐཱ ཧཱི’’ཏི། ཧཱིཏི ཏཔྤཱཀཊཱིཀརཎཾ, ཏཾ པཱཀཊཾ ཀརིསྶཱམཱིཏི ཧི ཨཏྠོ། ཙམྨཀཱརོ ཀཌྜྷཏཱིཏི སམྦནྡྷོ། ཝིཏྠཏནྟི ཝིསཱལཾ། སོཔཱིཏི ཨུདཱཡཱིཔི། ཏཾ ནིསཱིདནཾ ཀཌྜྷཏཱིཏི ཡོཛནཱ། ཏེནཱཏི ཀཌྜྷནཧེཏུནཱ། ཏནྟི ཨུདཱཡིཾ། སནྠཏསདིསནྟི སནྠཏེན སདིསཾ། ཨེཀསྨིཾ ཨནྟེཏི ཨེཀསྨིཾ ཀོཊྛཱསེ, ཕཱལེཏྭཱཏི སམྦནྡྷོཏི། སཏྟམཾ།
531. Sattame katthāti kismiṃ khandhake, kismiṃ vatthusmiṃ vā. Hīti saccaṃ. Tatthāti cīvarakkhandhake, paṇītabhojanavatthusmiṃ vā. ‘‘Yathā nāmā’’ti iminā ‘‘seyyathāpī’’ti padassa atthaṃ dasseti, ‘‘purāṇo cammakāro’’ti iminā ‘‘purāṇāsikoṭṭho’’ti padassa. Cammakāro hi asinā cammaṃ kuṭati chindatīti ‘‘asikoṭṭho’’ti vuccati. Vatthuppannakālamupanidhāya vuttaṃ ‘‘purāṇo’’ti . Tamevūpamaṃ pākaṭaṃ karonto āha ‘‘yathā hī’’ti. Hīti tappākaṭīkaraṇaṃ, taṃ pākaṭaṃ karissāmīti hi attho. Cammakāro kaḍḍhatīti sambandho. Vitthatanti visālaṃ. Sopīti udāyīpi. Taṃ nisīdanaṃ kaḍḍhatīti yojanā. Tenāti kaḍḍhanahetunā. Tanti udāyiṃ. Santhatasadisanti santhatena sadisaṃ. Ekasmiṃ anteti ekasmiṃ koṭṭhāse, phāletvāti sambandhoti. Sattamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༩. རཏནཝགྒོ • 9. Ratanavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༧. ནིསཱིདནསིཀྑཱཔདཝཎྞནཱ • 7. Nisīdanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༧. ནིསཱིདནསིཀྑཱཔདཝཎྞནཱ • 7. Nisīdanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༧. ནིསཱིདནསིཀྑཱཔདཝཎྞནཱ • 7. Nisīdanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༧. ནིསཱིདནསིཀྑཱཔདཝཎྞནཱ • 7. Nisīdanasikkhāpadavaṇṇanā
