| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
7. நிஸீத³னஸிக்கா²பத³வண்ணனா
7. Nisīdanasikkhāpadavaṇṇanā
531-4. ஸத்தமே – நிஸீத³னங் அனுஞ்ஞாதங் ஹோதீதி கத்த² அனுஞ்ஞாதங்? சீவரக்க²ந்த⁴கே பணீதபோ⁴ஜனவத்து²ஸ்மிங். வுத்தஞ்ஹி தத்த² – ‘‘அனுஜானாமி, பி⁴க்க²வே, காயகு³த்தியா சீவரகு³த்தியா ஸேனாஸனகு³த்தியா நிஸீத³ன’’ந்தி (மஹாவ॰ 353). ஸெய்யதா²பி புராணாஸிகொட்டோ²தி யதா² நாம புராணசம்மகாரோதி அத்தோ². யதா² ஹி சம்மகாரோ சம்மங் வித்த²தங் கரிஸ்ஸாமீதி இதோ சிதோ ச ஸமஞ்ச²தி, கட்³ட⁴தி; ஏவங் ஸோபி தங் நிஸீத³னங். தேன தங் ப⁴க³வா ஏவமாஹ – ‘‘நிஸீத³னங் நாம ஸத³ஸங் வுச்சதீ’’தி ஸந்த²தஸதி³ஸங் ஸந்த²ரித்வா ஏகஸ்மிங் அந்தே ஸுக³தவித³த்தி²யா வித³த்தி²மத்தே பதே³ஸே த்³வீஸு டா²னேஸு பா²லெத்வா திஸ்ஸோ த³ஸா கரியந்தி, தாஹி த³ஸாஹி ஸத³ஸங் நாம வுச்சதி. ஸேஸமெத்த² உத்தானமேவ. ச²ஸமுட்டா²னங்.
531-4. Sattame – nisīdanaṃ anuññātaṃ hotīti kattha anuññātaṃ? Cīvarakkhandhake paṇītabhojanavatthusmiṃ. Vuttañhi tattha – ‘‘anujānāmi, bhikkhave, kāyaguttiyā cīvaraguttiyā senāsanaguttiyā nisīdana’’nti (mahāva. 353). Seyyathāpi purāṇāsikoṭṭhoti yathā nāma purāṇacammakāroti attho. Yathā hi cammakāro cammaṃ vitthataṃ karissāmīti ito cito ca samañchati, kaḍḍhati; evaṃ sopi taṃ nisīdanaṃ. Tena taṃ bhagavā evamāha – ‘‘nisīdanaṃ nāma sadasaṃ vuccatī’’ti santhatasadisaṃ santharitvā ekasmiṃ ante sugatavidatthiyā vidatthimatte padese dvīsu ṭhānesu phāletvā tisso dasā kariyanti, tāhi dasāhi sadasaṃ nāma vuccati. Sesamettha uttānameva. Chasamuṭṭhānaṃ.
நிஸீத³னஸிக்கா²பத³ங் ஸத்தமங்.
Nisīdanasikkhāpadaṃ sattamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 9. ரதனவக்³கோ³ • 9. Ratanavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 7. நிஸீத³னஸிக்கா²பத³வண்ணனா • 7. Nisīdanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 7. நிஸீத³னஸிக்கா²பத³வண்ணனா • 7. Nisīdanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 7. நிஸீத³னஸிக்கா²பத³வண்ணனா • 7. Nisīdanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 7. நிஸீத³னஸிக்கா²பத³ங் • 7. Nisīdanasikkhāpadaṃ
