| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
5. нисийд̣̇анасигкаабад̣̇аван̣н̣анаа
5. Nisīdanasikkhāpadavaṇṇanā
нисийд̣̇анасант̇ад̇анд̇и ‘‘нисийд̣̇анам̣ наама сад̣̇асам̣ вужжад̇ий’’д̇и зд̇т̇а бад̣̇абхааж̇анияам̣ (баараа. 568) вуд̇д̇ад̇д̇аа сад̣̇асам̣ сант̇ад̇ам̣, зд̇т̇а жа нисийд̣̇анаг̇г̇ахан̣ам̣ сант̇ад̇з жийварасан̃н̃аанивааран̣ад̇т̇ам̣, яад̇о д̇з бхигкуу гамб̣алажийварасан̃н̃ааяа сант̇ад̇ам̣ чад̣д̣зд̇ваа д̇худ̇ан̇г̇аани самаад̣̇ияим̣су. саяанаасанаббаяож̇анад̇д̇аа сант̇ад̇асса ‘‘бураан̣асант̇ад̇ам̣ наамаа’’д̇иаад̣̇и вуд̇д̇ам̣. яад̇т̇аад̇и яасмим̣ сант̇ад̇з. вид̣̇ад̇т̇имад̇д̇анд̇и суг̇ад̇авид̣̇ад̇т̇имад̇д̇ам̣. уггадтабарижчзд̣̇о жааяам̣ ‘‘анаабад̇д̇и алабханд̇о т̇огад̇арам̣ аад̣̇ияид̇ваа гарод̇ий’’д̇и (баараа. 570) бад̣̇абхааж̇анз вуд̇д̇ад̇д̇аа. згад̣̇зсзд̇и ид̣̇аани гад̇д̇аб̣б̣анавасант̇ад̇асса згаббад̣̇зсз. виж̇адзд̇ваад̇и вид̣̇д̇хам̣сзд̇ваа. анаад̣̇аад̇и яа-гааралобзнааяам̣ нид̣̇д̣̇зсод̇и ааха ‘‘сад̇и бураан̣асант̇ад̇з аг̇г̇ахзд̇ваа’’д̇и.
Nisīdanasanthatanti ‘‘nisīdanaṃ nāma sadasaṃ vuccatī’’ti ettha padabhājaniyaṃ (pārā. 568) vuttattā sadasaṃ santhataṃ, ettha ca nisīdanaggahaṇaṃ santhate cīvarasaññānivāraṇatthaṃ, yato te bhikkhū kambalacīvarasaññāya santhataṃ chaḍḍetvā dhutaṅgāni samādiyiṃsu. Sayanāsanappayojanattā santhatassa ‘‘purāṇasanthataṃ nāmā’’tiādi vuttaṃ. Yatthāti yasmiṃ santhate. Vidatthimattanti sugatavidatthimattaṃ. Ukkaṭṭhaparicchedo cāyaṃ ‘‘anāpatti alabhanto thokataraṃ ādiyitvā karotī’’ti (pārā. 570) padabhājane vuttattā. Ekadeseti idāni kattabbanavasanthatassa ekappadese. Vijaṭetvāti viddhaṃsetvā. Anādāti ya-kāralopenāyaṃ niddesoti āha ‘‘sati purāṇasanthate aggahetvā’’ti.
зд̇т̇а жа ‘‘ид̣̇ам̣ мз, бханд̇з, нисийд̣̇анасант̇ад̇ам̣ анаад̣̇ияид̇ваа бураан̣асант̇ад̇асса сааманд̇аа суг̇ад̇авид̣̇ад̇т̇им̣ гаараабид̇ам̣ ниссаг̇г̇ияа’’нд̇и (баараа. 568) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣. сант̇ад̇ависсаж̇ж̇анавад̇т̇усмим̣ бан̃н̃ад̇д̇анд̇и бхаг̇авад̇аа сант̇ад̇аани виббагин̣н̣аани д̣̇исваа ‘‘сад̣̇д̇хаад̣̇зяяавинибаад̇анз гааран̣ам̣ над̇т̇и, барибхог̇убааяам̣ нзсам̣ д̣̇ассзссаамий’’д̇и (баараа. адта. 2.566) сант̇ад̇ависсаж̇ж̇анавад̇т̇усмим̣ бан̃н̃ад̇д̇ам̣. гирияаагирияад̇д̇аа имасса сигкаабад̣̇асса ‘‘сзсам̣ д̇ад̇ияасад̣̇исамзваа’’д̇и вуд̇д̇ам̣, д̣̇взбхааг̇асигкаабад̣̇асад̣̇исамзваад̇и ад̇т̇о. аяам̣ бана висзсо – бураан̣асант̇ад̇асса сааманд̇аа суг̇ад̇авид̣̇ад̇т̇ияаа аад̣̇ааяа гаран̣з, алабханд̇асса т̇огад̇арам̣ аад̣̇ааяа гаран̣з, саб̣б̣ат̇аа алабханд̇асса анаад̣̇ааяа гаран̣з жа анаабад̇д̇ийд̇и. ан̇г̇зсу банзд̇т̇а батаман̇г̇абураан̣асант̇ад̇асса сааманд̇аа суг̇ад̇авид̣̇ад̇т̇ианаад̣̇ияанаад̇и д̣̇адтаб̣б̣ам̣.
Ettha ca ‘‘idaṃ me, bhante, nisīdanasanthataṃ anādiyitvā purāṇasanthatassa sāmantā sugatavidatthiṃ kārāpitaṃ nissaggiya’’nti (pārā. 568) iminā nayena nissajjanavidhānaṃ veditabbaṃ. Santhatavissajjanavatthusmiṃ paññattanti bhagavatā santhatāni vippakiṇṇāni disvā ‘‘saddhādeyyavinipātane kāraṇaṃ natthi, paribhogupāyaṃ nesaṃ dassessāmī’’ti (pārā. aṭṭha. 2.566) santhatavissajjanavatthusmiṃ paññattaṃ. Kiriyākiriyattā imassa sikkhāpadassa ‘‘sesaṃ tatiyasadisamevā’’ti vuttaṃ, dvebhāgasikkhāpadasadisamevāti attho. Ayaṃ pana viseso – purāṇasanthatassa sāmantā sugatavidatthiyā ādāya karaṇe, alabhantassa thokataraṃ ādāya karaṇe, sabbathā alabhantassa anādāya karaṇe ca anāpattīti. Aṅgesu panettha paṭhamaṅgapurāṇasanthatassa sāmantā sugatavidatthianādiyanāti daṭṭhabbaṃ.
нисийд̣̇анасигкаабад̣̇аван̣н̣анаа нидтид̇аа.
Nisīdanasikkhāpadavaṇṇanā niṭṭhitā.
