| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
৩. নিস্সগ্গিযকণ্ডং
3. Nissaggiyakaṇḍaṃ
২১৭. যং তেন ভগৰতা জানতা পস্সতা অরহতা সম্মাসম্বুদ্ধেন পত্তসন্নিচযং করোন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো পত্তসন্নিচযং অকংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…।
217. Yaṃ tena bhagavatā jānatā passatā arahatā sammāsambuddhena pattasannicayaṃ karontiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiyā bhikkhuniyo ārabbha. Kismiṃ vatthusminti? Chabbaggiyā bhikkhuniyo pattasannicayaṃ akaṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – kathinake…pe….
অকালচীৰরং ‘‘কালচীৰর’’ন্তি অধিট্ঠহিত্ৰা ভাজাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অকালচীৰরং ‘‘কালচীৰর’’ন্তি অধিট্ঠহিত্ৰা ভাজাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
Akālacīvaraṃ ‘‘kālacīvara’’nti adhiṭṭhahitvā bhājāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī akālacīvaraṃ ‘‘kālacīvara’’nti adhiṭṭhahitvā bhājāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ভিক্খুনিযা সদ্ধিং চীৰরং পরিৰত্তেত্ৰা অচ্ছিন্দন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী ভিক্খুনিযা সদ্ধিং চীৰরং পরিৰত্তেত্ৰা অচ্ছিন্দি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…।
Bhikkhuniyā saddhiṃ cīvaraṃ parivattetvā acchindantiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī bhikkhuniyā saddhiṃ cīvaraṃ parivattetvā acchindi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
অঞ্ঞং ৰিঞ্ঞাপেত্ৰা অঞ্ঞং ৰিঞ্ঞাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অঞ্ঞং ৰিঞ্ঞাপেত্ৰা অঞ্ঞং ৰিঞ্ঞাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…।
Aññaṃ viññāpetvā aññaṃ viññāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī aññaṃ viññāpetvā aññaṃ viññāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
অঞ্ঞং চেতাপেত্ৰা অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অঞ্ঞং চেতাপেত্ৰা অঞ্ঞং চেতাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…।
Aññaṃ cetāpetvā aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī aññaṃ cetāpetvā aññaṃ cetāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
অঞ্ঞদত্থিকেন পরিক্খারেন অঞ্ঞুদ্দিসিকেন সঙ্ঘিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থং পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি ? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অঞ্ঞদত্থিকেন পরিক্খারেন অঞ্ঞুদ্দিসিকেন সঙ্ঘিকেন অঞ্ঞং চেতাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…।
Aññadatthikena parikkhārena aññuddisikena saṅghikena aññaṃ cetāpentiyā nissaggiyaṃ pācittiyaṃ katthaṃ paññattanti? Sāvatthiyaṃ paññattaṃ. Kaṃ ārabbhāti ? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo aññadatthikena parikkhārena aññuddisikena saṅghikena aññaṃ cetāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
অঞ্ঞদত্থিকেন পরিক্খারেন অঞ্ঞুদ্দিসিকেন সঙ্ঘিকেন সঞ্ঞাচিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অঞ্ঞদত্থিকেন পরিক্খারেন অঞ্ঞুদ্দিসিকেন সঙ্ঘিকেন সঞ্ঞাচিকেন অঞ্ঞং চেতাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…।
Aññadatthikena parikkhārena aññuddisikena saṅghikena saññācikena aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo aññadatthikena parikkhārena aññuddisikena saṅghikena saññācikena aññaṃ cetāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন অঞ্ঞং চেতাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…।
Aññadatthikena parikkhārena aññuddisikena mahājanikena aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo aññadatthikena parikkhārena aññuddisikena mahājanikena aññaṃ cetāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন সঞ্ঞাচিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন সঞ্ঞাচিকেন অঞ্ঞং চেতাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…।
Aññadatthikena parikkhārena aññuddisikena mahājanikena saññācikena aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo aññadatthikena parikkhārena aññuddisikena mahājanikena saññācikena aññaṃ cetāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
অঞ্ঞদত্থিকেন পরিক্খারেন অঞ্ঞুদ্দিসিকেন পুগ্গলিকেন সঞ্ঞাচিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অঞ্ঞদত্থিকেন পরিক্খারেন অঞ্ঞুদ্দিসিকেন পুগ্গলিকেন সঞ্ঞাচিকেন অঞ্ঞং চেতাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…।
Aññadatthikena parikkhārena aññuddisikena puggalikena saññācikena aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī aññadatthikena parikkhārena aññuddisikena puggalikena saññācikena aññaṃ cetāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
অতিরেকচতুক্কংসপরমং গরুপাৰুরণং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী রাজানং কম্বলং ৰিঞ্ঞাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…।
Atirekacatukkaṃsaparamaṃ garupāvuraṇaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī rājānaṃ kambalaṃ viññāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
অতিরেকঅড্ঢতেয্যকংসপরমং লহুপাৰুরণং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী রাজানং খোমং ৰিঞ্ঞাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি …পে॰…।
Atirekaaḍḍhateyyakaṃsaparamaṃ lahupāvuraṇaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī rājānaṃ khomaṃ viññāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti …pe….
দ্ৰাদস নিস্সগ্গিযা পাচিত্তিযা নিট্ঠিতা।
Dvādasa nissaggiyā pācittiyā niṭṭhitā.
তস্সুদ্দানং –
Tassuddānaṃ –
পত্তং অকালং কালঞ্চ, পরিৰত্তে চ ৰিঞ্ঞাপে।
Pattaṃ akālaṃ kālañca, parivatte ca viññāpe;
চেতাপেত্ৰা অঞ্ঞদত্থি, সঙ্ঘিকঞ্চ মহাজনিকং।
Cetāpetvā aññadatthi, saṅghikañca mahājanikaṃ;
সঞ্ঞাচিকা পুগ্গলিকা, চতুক্কংসড্ঢতেয্যকাতি॥
Saññācikā puggalikā, catukkaṃsaḍḍhateyyakāti.
