| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༣. ནིསྶགྒིཡཀཎྜཾ
3. Nissaggiyakaṇḍaṃ
༢༡༧. ཡཾ ཏེན བྷགཝཏཱ ཛཱནཏཱ པསྶཏཱ ཨརཧཏཱ སམྨཱསམྦུདྡྷེན པཏྟསནྣིཙཡཾ ཀརོནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཚབྦགྒིཡཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑུནིཡོ པཏྟསནྣིཙཡཾ ཨཀཾསུ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – ཀཐིནཀེ…པེ॰…།
217. Yaṃ tena bhagavatā jānatā passatā arahatā sammāsambuddhena pattasannicayaṃ karontiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiyā bhikkhuniyo ārabbha. Kismiṃ vatthusminti? Chabbaggiyā bhikkhuniyo pattasannicayaṃ akaṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – kathinake…pe….
ཨཀཱལཙཱིཝརཾ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨཀཱལཙཱིཝརཾ ‘‘ཀཱལཙཱིཝར’’ནྟི ཨདྷིཊྛཧིཏྭཱ བྷཱཛཱཔེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
Akālacīvaraṃ ‘‘kālacīvara’’nti adhiṭṭhahitvā bhājāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī akālacīvaraṃ ‘‘kālacīvara’’nti adhiṭṭhahitvā bhājāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
བྷིཀྑུནིཡཱ སདྡྷིཾ ཙཱིཝརཾ པརིཝཏྟེཏྭཱ ཨཙྪིནྡནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི བྷིཀྑུནིཡཱ སདྡྷིཾ ཙཱིཝརཾ པརིཝཏྟེཏྭཱ ཨཙྪིནྡི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
Bhikkhuniyā saddhiṃ cīvaraṃ parivattetvā acchindantiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī bhikkhuniyā saddhiṃ cīvaraṃ parivattetvā acchindi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
Aññaṃ viññāpetvā aññaṃ viññāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī aññaṃ viññāpetvā aññaṃ viññāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
ཨཉྙཾ ཙེཏཱཔེཏྭཱ ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨཉྙཾ ཙེཏཱཔེཏྭཱ ཨཉྙཾ ཙེཏཱཔེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
Aññaṃ cetāpetvā aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī aññaṃ cetāpetvā aññaṃ cetāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠཾ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི ? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན ཨཉྙཾ ཙེཏཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
Aññadatthikena parikkhārena aññuddisikena saṅghikena aññaṃ cetāpentiyā nissaggiyaṃ pācittiyaṃ katthaṃ paññattanti? Sāvatthiyaṃ paññattaṃ. Kaṃ ārabbhāti ? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo aññadatthikena parikkhārena aññuddisikena saṅghikena aññaṃ cetāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན སཉྙཱཙིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན སངྒྷིཀེན སཉྙཱཙིཀེན ཨཉྙཾ ཙེཏཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
Aññadatthikena parikkhārena aññuddisikena saṅghikena saññācikena aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo aññadatthikena parikkhārena aññuddisikena saṅghikena saññācikena aññaṃ cetāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན ཨཉྙཾ ཙེཏཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
Aññadatthikena parikkhārena aññuddisikena mahājanikena aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo aññadatthikena parikkhārena aññuddisikena mahājanikena aññaṃ cetāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཉྙཱཙིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཉྙདཏྠིཀེན པརིཀྑཱརེན ཨཉྙུདྡིསིཀེན མཧཱཛནིཀེན སཉྙཱཙིཀེན ཨཉྙཾ ཙེཏཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
Aññadatthikena parikkhārena aññuddisikena mahājanikena saññācikena aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo aññadatthikena parikkhārena aññuddisikena mahājanikena saññācikena aññaṃ cetāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
ཨཉྙདཏྠིཀེན པརིཀྑཱརེན ཨཉྙུདྡིསིཀེན པུགྒལིཀེན སཉྙཱཙིཀེན ཨཉྙཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི ཨཉྙདཏྠིཀེན པརིཀྑཱརེན ཨཉྙུདྡིསིཀེན པུགྒལིཀེན སཉྙཱཙིཀེན ཨཉྙཾ ཙེཏཱཔེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
Aññadatthikena parikkhārena aññuddisikena puggalikena saññācikena aññaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī aññadatthikena parikkhārena aññuddisikena puggalikena saññācikena aññaṃ cetāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
ཨཏིརེཀཙཏུཀྐཾསཔརམཾ གརུཔཱཝུརཎཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི རཱཛཱནཾ ཀམྦལཾ ཝིཉྙཱཔེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
Atirekacatukkaṃsaparamaṃ garupāvuraṇaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī rājānaṃ kambalaṃ viññāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
ཨཏིརེཀཨཌྜྷཏེཡྻཀཾསཔརམཾ ལཧུཔཱཝུརཎཾ ཙེཏཱཔེནྟིཡཱ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི རཱཛཱནཾ ཁོམཾ ཝིཉྙཱཔེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི …པེ॰…།
Atirekaaḍḍhateyyakaṃsaparamaṃ lahupāvuraṇaṃ cetāpentiyā nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī rājānaṃ khomaṃ viññāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti …pe….
དྭཱདས ནིསྶགྒིཡཱ པཱཙིཏྟིཡཱ ནིཊྛིཏཱ།
Dvādasa nissaggiyā pācittiyā niṭṭhitā.
ཏསྶུདྡཱནཾ –
Tassuddānaṃ –
པཏྟཾ ཨཀཱལཾ ཀཱལཉྩ, པརིཝཏྟེ ཙ ཝིཉྙཱཔེ།
Pattaṃ akālaṃ kālañca, parivatte ca viññāpe;
ཙེཏཱཔེཏྭཱ ཨཉྙདཏྠི, སངྒྷིཀཉྩ མཧཱཛནིཀཾ།
Cetāpetvā aññadatthi, saṅghikañca mahājanikaṃ;
སཉྙཱཙིཀཱ པུགྒལིཀཱ, ཙཏུཀྐཾསཌྜྷཏེཡྻཀཱཏི༎
Saññācikā puggalikā, catukkaṃsaḍḍhateyyakāti.
