Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā

    ниссаг̇г̇ияагат̇ааван̣н̣анаа

    Nissaggiyakathāvaṇṇanā

    551. звам̣ анияад̇агат̇ам̣ д̣̇ассзд̇ваа ид̣̇аани ниссаг̇г̇ияагат̇ам̣ д̣̇ассзд̇умааха ‘‘кома’’нд̇иаад̣̇и . команд̇и звам̣наамагам̣ жийварам̣. команд̇и г̇ажчависзсасса наамам̣, д̇асса ваагзхи гад̇ажийварам̣ гааран̣обажааравохааравасзна ‘‘кома’’нд̇и вуд̇д̇ам̣. габбаасанд̇и габбаасасуд̇д̇амаяам̣ жийварам̣, ид̣̇амби вуд̇д̇анаязнзва ‘‘габбааса’’нд̇и вужжад̇и. госзяяам̣ наама госагаарагимигосам̣, госзна ниб̣б̣ад̇д̇ам̣ суд̇д̇ам̣ госзяяам̣. ид̇ха бана д̇зна госзяяасуд̇д̇зна ниб̣б̣ад̇д̇ам̣ жийварам̣ ‘‘госзяяа’’нд̇и вуд̇д̇ам̣. саан̣анд̇и саан̣аваагасуд̇д̇зхи вааяид̇ваа гад̇ажийварам̣. ид̣̇ан̃жа комам̣ вияа д̣̇адтаб̣б̣ам̣. бхан̇г̇анд̇и комасуд̇д̇аад̣̇ийни саб̣б̣аани, згажжаани ваа миссзд̇ваа гад̇ажийварам̣. ид̣̇амби гаран̣аббагаарзна лад̣̇д̇ханаамагам̣. ‘‘бхан̇г̇ам̣ наама згаа г̇ажчаж̇аад̇и, д̇ассаа ваагамаяасуд̇д̇зхи вааяид̇ваа гад̇ажийвара’’нд̇и гзжи. имасмим̣ багкз комам̣ вияа г̇ахзд̇аб̣б̣ам̣. гамб̣аланд̇и мануссаломаваал̣аломам̣ винаа сзсаломзхи вааяид̇ваа гад̇ажийварам̣ вуд̇д̇анд̇и. ид̣̇ам̣ ‘‘жийварам̣ наама чаннам̣ жийвараанам̣ ан̃н̃ад̇арам̣ жийвара’’нд̇и (баараа. 463) бад̣̇абхааж̇анз жа ‘‘комам̣ габбаасигам̣ госзяяам̣ гамб̣алам̣ саан̣ам̣ бхан̇г̇а’’нд̇и (баараа. адта. 2.462-463) адтагат̇ааяа жа вуд̇д̇ам̣ санд̇хааяааха. ‘‘ж̇аад̇ид̇о’’д̇и ид̣̇ам̣ бамаан̣аад̣̇ибхзд̣̇асса вагкамаанад̇д̇аа вуд̇д̇ам̣. ж̇аад̇ид̇од̇и комаад̣̇исааман̃н̃ад̇о. сааман̃н̃ан̃хи ‘‘ж̇аад̇ий’’д̇и вужжад̇и. д̣̇ийгхарассат̇ууласукуманийлабийд̇аад̣̇ибхзд̣̇абхиннаанам̣ саб̣б̣зсам̣ вад̇т̇ааваяаваанам̣ сан̇г̇аахигакомасуд̇д̇амаяад̇аасааман̃н̃ам̣ ж̇аад̇ийд̇и вуд̇д̇ам̣ ход̇и. звам̣ сзсзсуби.

    551. Evaṃ aniyatakathaṃ dassetvā idāni nissaggiyakathaṃ dassetumāha ‘‘khoma’’ntiādi . Khomanti evaṃnāmakaṃ cīvaraṃ. Khomanti gacchavisesassa nāmaṃ, tassa vākehi katacīvaraṃ kāraṇopacāravohāravasena ‘‘khoma’’nti vuttaṃ. Kappāsanti kappāsasuttamayaṃ cīvaraṃ, idampi vuttanayeneva ‘‘kappāsa’’nti vuccati. Koseyyaṃ nāma kosakārakimikosaṃ, kosena nibbattaṃ suttaṃ koseyyaṃ. Idha pana tena koseyyasuttena nibbattaṃ cīvaraṃ ‘‘koseyya’’nti vuttaṃ. Sāṇanti sāṇavākasuttehi vāyitvā katacīvaraṃ. Idañca khomaṃ viya daṭṭhabbaṃ. Bhaṅganti khomasuttādīni sabbāni, ekaccāni vā missetvā katacīvaraṃ. Idampi karaṇappakārena laddhanāmakaṃ. ‘‘Bhaṅgaṃ nāma ekā gacchajāti, tassā vākamayasuttehi vāyitvā katacīvara’’nti keci. Imasmiṃ pakkhe khomaṃ viya gahetabbaṃ. Kambalanti manussalomavāḷalomaṃ vinā sesalomehi vāyitvā katacīvaraṃ vuttanti. Idaṃ ‘‘cīvaraṃ nāma channaṃ cīvarānaṃ aññataraṃ cīvara’’nti (pārā. 463) padabhājane ca ‘‘khomaṃ kappāsikaṃ koseyyaṃ kambalaṃ sāṇaṃ bhaṅga’’nti (pārā. aṭṭha. 2.462-463) aṭṭhakathāya ca vuttaṃ sandhāyāha. ‘‘Jātito’’ti idaṃ pamāṇādibhedassa vakkhamānattā vuttaṃ. Jātitoti khomādisāmaññato. Sāmaññañhi ‘‘jātī’’ti vuccati. Dīgharassathūlasukhumanīlapītādibhedabhinnānaṃ sabbesaṃ vatthāvayavānaṃ saṅgāhikakhomasuttamayatāsāmaññaṃ jātīti vuttaṃ hoti. Evaṃ sesesupi.

    552. д̣̇угууланд̇и звам̣наамагам̣ ругкаваагамаяажийварам̣. бад̇д̇ун̣н̣анд̇и бад̇д̇ун̣н̣ад̣̇зсз сан̃ж̇аад̇авад̇т̇ам̣. ‘‘бад̇д̇ун̣н̣ам̣ госзяяависзсо’’д̇и абхид̇хаанагосз вуд̇д̇ам̣. жинанд̇и жинад̣̇зсз уббаннавад̇т̇ам̣. сомаарабаддаганд̇и сомаарад̣̇зсз уббаннавад̇т̇ам̣. ‘‘сомааражинабадага’’нд̇иби ликанд̇и, соязвад̇т̇о. ид̣̇д̇хиж̇анд̇и зхибхигкуунам̣ бун̃н̃ид̣̇д̇хияаа ниб̣б̣ад̇д̇ам̣ жийварам̣. д̣̇звад̣̇иннанд̇и д̣̇звад̇аахи д̣̇иннам̣ жийварам̣. д̇ан̃хи габбаругкз ниб̣б̣ад̇д̇ам̣, ж̇аалинияаа д̣̇зваган̃н̃ааяа ануруд̣̇д̇хад̇т̇зрасса д̣̇иннавад̇т̇асад̣̇исам̣. д̇ассаад̇и ж̇аад̇ид̇о чаб̣б̣ид̇хасса габбияажийварасса. ид̣̇ам̣ чаб̣б̣ид̇хажийварам̣ яат̇аарахам̣ ануломигам̣ вуд̇д̇анд̇и ад̇т̇о. д̣̇угуулан̃хи саан̣асса ануломам̣ ваагамаяад̇д̇аа, бад̇д̇ун̣н̣аад̣̇ийни госзяяасса ануломаани баан̣агзхи гад̇асуд̇д̇амаяад̇д̇аа, ид̣̇д̇хиж̇амби комаад̣̇ийнам̣язва ан̃н̃ад̇арам̣ ход̇ийд̇и д̇зсам̣ ануломам̣, д̣̇звад̣̇иннамби комаад̣̇ийнам̣язва ануломам̣ ход̇и д̇зсам̣ ан̃н̃ад̇арабхаавад̇о. яат̇ааха –

    552.Dukūlanti evaṃnāmakaṃ rukkhavākamayacīvaraṃ. Pattuṇṇanti pattuṇṇadese sañjātavatthaṃ. ‘‘Pattuṇṇaṃ koseyyaviseso’’ti abhidhānakose vuttaṃ. Cinanti cinadese uppannavatthaṃ. Somārapaṭṭakanti somāradese uppannavatthaṃ. ‘‘Somāracinapaṭaka’’ntipi likhanti, soyevattho. Iddhijanti ehibhikkhūnaṃ puññiddhiyā nibbattaṃ cīvaraṃ. Devadinnanti devatāhi dinnaṃ cīvaraṃ. Tañhi kapparukkhe nibbattaṃ, jāliniyā devakaññāya anuruddhattherassa dinnavatthasadisaṃ. Tassāti jātito chabbidhassa kappiyacīvarassa. Idaṃ chabbidhacīvaraṃ yathārahaṃ anulomikaṃ vuttanti attho. Dukūlañhi sāṇassa anulomaṃ vākamayattā, pattuṇṇādīni koseyyassa anulomāni pāṇakehi katasuttamayattā, iddhijampi khomādīnaṃyeva aññataraṃ hotīti tesaṃ anulomaṃ, devadinnampi khomādīnaṃyeva anulomaṃ hoti tesaṃ aññatarabhāvato. Yathāha –

    ‘‘саан̣асса д̇у д̣̇угуулан̃хи, ид̣̇д̇хиж̇ам̣ д̣̇звад̣̇иннагам̣;

    ‘‘Sāṇassa tu dukūlañhi, iddhijaṃ devadinnakaṃ;

    комаад̣̇ийнам̣васидтам̣д̇у, госзяяассаануломига’’нд̇и.

    Khomādīnaṃvasiṭṭhaṃtu, koseyyassānulomika’’nti.

    553. д̇ин̣н̣ам̣ жийвараанам̣ самаахааро д̇ижийваранд̇и бамаан̣аяуд̇д̇ам̣ сан̇гхаадиаад̣̇инаамзна ад̇хидтид̇ажийварассзва наамад̇д̇аа д̇ад̣̇зва вужжад̇и. г̇ан̣анавасзна яам̣ гин̃жи жийварад̇д̇аяам̣ на вад̇д̇аб̣б̣ам̣. самуд̣̇д̣̇згад̣̇зсоби яат̇аа ‘‘самуд̣̇д̣̇о’’д̇и вужжад̇и, звам̣ ад̇хидтид̇зсу д̇ийсу жийварзсу ан̃н̃ад̇арам̣ ‘‘д̇ижийвара’’нд̇и вужжад̇и. баригкааражол̣анд̇и сан̇гхаадиаад̣̇ивисидтанаамзхи анад̇хидтид̇ам̣ ‘‘ануж̇аанаами бхигкавз ааяаамзна адтан̇г̇улам̣ суг̇ад̇ан̇г̇улзна жад̇уран̇г̇улавид̇т̇ад̇ам̣ бажчимам̣ жийвара’’нд̇и (баараа. 358) анун̃н̃аад̇ам̣ бажчимажийварабарияанд̇ам̣ гад̇ваа гад̇аагад̇асса яасса гассажи жийварасса рул̣хисан̃н̃аа.

    553. Tiṇṇaṃ cīvarānaṃ samāhāro ticīvaranti pamāṇayuttaṃ saṅghāṭiādināmena adhiṭṭhitacīvarasseva nāmattā tadeva vuccati. Gaṇanavasena yaṃ kiñci cīvarattayaṃ na vattabbaṃ. Samuddekadesopi yathā ‘‘samuddo’’ti vuccati, evaṃ adhiṭṭhitesu tīsu cīvaresu aññataraṃ ‘‘ticīvara’’nti vuccati. Parikkhāracoḷanti saṅghāṭiādivisiṭṭhanāmehi anadhiṭṭhitaṃ ‘‘anujānāmi bhikkhave āyāmena aṭṭhaṅgulaṃ sugataṅgulena caturaṅgulavitthataṃ pacchimaṃ cīvara’’nti (pārā. 358) anuññātaṃ pacchimacīvarapariyantaṃ katvā katākatassa yassa kassaci cīvarassa ruḷhisaññā.

    мукам̣ санд̣̇амааналаалам̣ бун̃чад̇и зд̇знаад̇и мукабун̃чананд̇и габолад̇о нижжам̣ санд̣̇амааналаалаанам̣ бун̃чанад̇т̇ааяа анун̃н̃аад̇асса жийварависзсасса наамам̣. нисийд̣̇анд̇и зд̇т̇аад̇и нисийд̣̇ананд̇и жа бхигкуунам̣ ад̇т̇арид̇ваа нисийд̣̇ид̇ум̣ анун̃н̃аад̇асса жийварасса наамам̣. ад̇хидтзяяаад̇и ‘‘имам̣ ган̣д̣уббадижчаад̣̇и’’нд̇иаад̣̇инаа (ви. ви. 585) вагкамаананаязна наамам̣ г̇ахзд̇ваа ад̇хидтзяяаад̇и ад̇т̇о. бажжад̇т̇аран̣амзва жаад̇и сан̇гхигз ман̃жабийтз сарийрасампусанзна аабаж̇ж̇ид̇аб̣б̣ааяа аабад̇д̇ияаа можанад̇т̇ааяа д̇ад̇т̇а ад̇т̇арид̇ваа барибхог̇ад̇т̇ааяа анун̃н̃аад̇ам̣ бажжад̇т̇аран̣ажийваран̃жа.

    Mukhaṃ sandamānalālaṃ puñchati etenāti mukhapuñchananti kapolato niccaṃ sandamānalālānaṃ puñchanatthāya anuññātassa cīvaravisesassa nāmaṃ. Nisīdanti etthāti nisīdananti ca bhikkhūnaṃ attharitvā nisīdituṃ anuññātassa cīvarassa nāmaṃ. Adhiṭṭheyyāti ‘‘imaṃ kaṇḍuppaṭicchādi’’ntiādinā (vi. vi. 585) vakkhamānanayena nāmaṃ gahetvā adhiṭṭheyyāti attho. Paccattharaṇameva cāti saṅghike mañcapīṭhe sarīrasamphusanena āpajjitabbāya āpattiyā mocanatthāya tattha attharitvā paribhogatthāya anuññātaṃ paccattharaṇacīvarañca.

    554. згааханд̇и васанагирияааяа ажжанд̇асам̣яог̇з убаяог̇аважанам̣. д̇ижийваранд̇и д̇ижийварзна. виббавасзяяаад̇и ‘‘сан̇гхаадияаа ваа уд̇д̇араасан̇г̇зна ваа анд̇араваасагзна ваа’’д̇и (баараа. 476) вуд̇д̇ад̇д̇аа згад̣̇зсз самуд̣̇ааяобажааравасзна аваяавасса важанад̇о д̇ин̣н̣ам̣ жийвараанам̣ ан̃н̃ад̇арзнаад̇иби вуд̇д̇ам̣ ход̇и. ‘‘д̇ат̇аа’’д̇и иминаа ‘‘винаа’’д̇и ид̣̇ам̣ бажжаамасад̇и. ад̇хидтаад̇и ад̇хидтааяаад̇и г̇ахзд̇аб̣б̣ам̣ ‘‘бадисан̇каа яонисо’’д̇и (ма. ни. 1.22, 23; а. ни. 6.58) яат̇аа, зд̇т̇а ‘‘вал̣ан̃ж̇ияамаана’’нд̇и сзсо, ад̇хидтааяа вал̣ан̃ж̇ияамаанам̣ нисийд̣̇анам̣ д̇ат̇аа винаа жад̇умаасам̣ на васзяяаад̇и яож̇анаа.

    554.Ekāhanti vasanakiriyāya accantasaṃyoge upayogavacanaṃ. Ticīvaranti ticīvarena. Vippavaseyyāti ‘‘saṅghāṭiyā vā uttarāsaṅgena vā antaravāsakena vā’’ti (pārā. 476) vuttattā ekadese samudāyopacāravasena avayavassa vacanato tiṇṇaṃ cīvarānaṃ aññatarenātipi vuttaṃ hoti. ‘‘Tathā’’ti iminā ‘‘vinā’’ti idaṃ paccāmasati. Adhiṭṭhāti adhiṭṭhāyāti gahetabbaṃ ‘‘paṭisaṅkhā yoniso’’ti (ma. ni. 1.22, 23; a. ni. 6.58) yathā, ettha ‘‘vaḷañjiyamāna’’nti seso, adhiṭṭhāya vaḷañjiyamānaṃ nisīdanaṃ tathā vinā catumāsaṃ na vaseyyāti yojanā.

    555. габбияанд̇и габбияагааран̣ам̣ нийлаад̣̇иван̣н̣абхзд̣̇агаран̣ам̣. габбияанд̇и жа гааран̣з гаарияуубажаарзна г̇ахзд̇аб̣б̣ам̣. б̣инд̣̇ум̣ д̣̇ад̇ваад̇и ‘‘нийлам̣ ваа гад̣̇д̣̇амам̣ ваа гаал̣асаамам̣ ваа’’д̇и (баажи. 368) вуд̇д̇алохамалаад̣̇инаа язна гзнажиби ман̇г̇улабидтиббамаан̣аад̣̇игам̣ б̣инд̣̇ум̣ д̣̇ад̇ваа. д̇ад̇т̇аад̇и д̇зсу ад̇хидтаад̇аб̣б̣зсу д̇ижийвараад̣̇ийсу, нид̣̇д̇хааран̣з бхуммам̣. д̇ижийваранд̇и нид̣̇д̇хаарид̇аб̣б̣ам̣. убабаннанд̇и яуд̇д̇ам̣. бамаан̣знаад̇и ананд̇арам̣ вагкамаанзна бамаан̣зна. ад̇хидтаад̇аб̣б̣анд̇и ‘‘имам̣ сан̇гхаадим̣ ад̇хидтаамий’’д̇иаад̣̇инаа вагкамаананаязна наамам̣ вад̇ваа ад̇хидтаад̇аб̣б̣ам̣. звагаарзна бана наамам̣ вад̇ваа на вигаббзд̇аб̣б̣анд̇и д̣̇ассзд̇и. зса наяо сзсажийварзсуби. вуд̇д̇ан̃хзд̇ам̣ бхаг̇авад̇аа ‘‘ануж̇аанаами бхигкавз д̇ижийварам̣ ад̇хидтаад̇ум̣, на вигаббзд̇у’’нд̇иаад̣̇и (махаава. 358). д̇асмаа д̇ижийвараад̣̇ийни ад̇хидтаханд̇зна ‘‘имам̣ сан̇гхаадим̣ ад̇хидтаамий’’д̇иаад̣̇инаа наамам̣ вад̇ваа ад̇хидтаад̇аб̣б̣ам̣. вигаббзнд̇зна бана ‘‘имам̣ сан̇гхаади’’нд̇иаад̣̇инаа д̇асса жийварасса наамам̣ аг̇г̇ахзд̇ваа ‘‘имам̣ жийварам̣ д̇уяхам̣ вигаббзмий’’д̇и вигаббзд̇аб̣б̣ам̣. д̇ижийварам̣ ваа ход̇у ан̃н̃ам̣ ваа, яад̣̇и д̇ам̣ д̇ам̣ наамам̣ г̇ахзд̇ваа вигаббзд̇и, авигаббид̇ам̣ ход̇и ад̇ирзгажийварадтаанз д̇идтад̇и. д̇ам̣ жийваранд̇и самб̣анд̇хо.

    555.Kappiyanti kappiyakāraṇaṃ nīlādivaṇṇabhedakaraṇaṃ. Kappiyanti ca kāraṇe kāriyūpacārena gahetabbaṃ. Binduṃ datvāti ‘‘nīlaṃ vā kaddamaṃ vā kāḷasāmaṃ vā’’ti (pāci. 368) vuttalohamalādinā yena kenacipi maṅgulapiṭṭhippamāṇādikaṃ binduṃ datvā. Tatthāti tesu adhiṭṭhātabbesu ticīvarādīsu, niddhāraṇe bhummaṃ. Ticīvaranti niddhāritabbaṃ. Upapannanti yuttaṃ. Pamāṇenāti anantaraṃ vakkhamānena pamāṇena. Adhiṭṭhātabbanti ‘‘imaṃ saṅghāṭiṃ adhiṭṭhāmī’’tiādinā vakkhamānanayena nāmaṃ vatvā adhiṭṭhātabbaṃ. Evakārena pana nāmaṃ vatvā na vikappetabbanti dasseti. Esa nayo sesacīvaresupi. Vuttañhetaṃ bhagavatā ‘‘anujānāmi bhikkhave ticīvaraṃ adhiṭṭhātuṃ, na vikappetu’’ntiādi (mahāva. 358). Tasmā ticīvarādīni adhiṭṭhahantena ‘‘imaṃ saṅghāṭiṃ adhiṭṭhāmī’’tiādinā nāmaṃ vatvā adhiṭṭhātabbaṃ. Vikappentena pana ‘‘imaṃ saṅghāṭi’’ntiādinā tassa cīvarassa nāmaṃ aggahetvā ‘‘imaṃ cīvaraṃ tuyhaṃ vikappemī’’ti vikappetabbaṃ. Ticīvaraṃ vā hotu aññaṃ vā, yadi taṃ taṃ nāmaṃ gahetvā vikappeti, avikappitaṃ hoti atirekacīvaraṭṭhāne tiṭṭhati. Taṃ cīvaranti sambandho.

    556-7. ‘‘убабаннам̣ бамаан̣знаа’’д̇и зд̇т̇а вуд̇д̇аббамаан̣ам̣ д̣̇ассзд̇умааха ‘‘бажчиманд̇знаа’’д̇иаад̣̇и. сан̇гхадид̇адтзна сан̇гхаади. вад̇т̇акан̣д̣аани сиб̣б̣анагаммзна сан̇гхадзд̇ваа гад̇ад̇д̇аа ‘‘сан̇гхаадий’’д̇и жийвараанам̣ сааман̃н̃анаамам̣. ид̇ха бана рул̣хияаа анд̇араваасагаад̣̇ивисзсанаамаб̣яад̇ирид̇д̇з жийварависзсз вад̇д̇ад̇и. мудтибан̃жагаад̇и зд̇т̇а згаад̣̇ийнамадтаарасанд̇аанам̣ сан̇кяаасад̣̇д̣̇аанам̣ сан̇кязяяз вад̇д̇амаанад̇д̇аа бан̃жасад̣̇д̣̇о жийвараббамаан̣аббагаран̣ад̇о лаб̣бхамаанахад̇т̇асан̇каад̇арад̇анзязва бавад̇д̇ад̇и, д̇знзва мудтисад̣̇д̣̇оби уд̇д̇арабад̣̇алобзна мудтирад̇анз вад̇д̇ад̇и. бан̃жаннам̣ бууран̣о бан̃жамо, мудтияаа бан̃жамо мудтибан̃жамо. мудтибан̃жамо баримаан̣амзд̇иссаад̇и ‘‘мудтибан̃жамагаа’’д̇и вад̇д̇аб̣б̣з ма-гааралобзна ‘‘мудтибан̃жагаа’’д̇и сан̇гхаади вуд̇д̇аа.

    556-7. ‘‘Upapannaṃ pamāṇenā’’ti ettha vuttappamāṇaṃ dassetumāha ‘‘pacchimantenā’’tiādi. Saṅghaṭitaṭṭhena saṅghāṭi. Vatthakhaṇḍāni sibbanakammena saṅghaṭetvā katattā ‘‘saṅghāṭī’’ti cīvarānaṃ sāmaññanāmaṃ. Idha pana ruḷhiyā antaravāsakādivisesanāmabyatiritte cīvaravisese vattati. Muṭṭhipañcakāti ettha ekādīnamaṭṭhārasantānaṃ saṅkhyāsaddānaṃ saṅkhyeyye vattamānattā pañcasaddo cīvarappamāṇappakaraṇato labbhamānahatthasaṅkhātarataneyeva pavattati, teneva muṭṭhisaddopi uttarapadalopena muṭṭhiratane vattati. Pañcannaṃ pūraṇo pañcamo, muṭṭhiyā pañcamo muṭṭhipañcamo. Muṭṭhipañcamo parimāṇametissāti ‘‘muṭṭhipañcamakā’’ti vattabbe ma-kāralopena ‘‘muṭṭhipañcakā’’ti saṅghāṭi vuttā.

    мудтид̇д̇игаад̇и зд̇т̇а вуд̇д̇анаязна сан̇кязяяз вад̇д̇амаано д̇и-сад̣̇д̣̇о жийвараббамаан̣аббагаран̣ад̇о лаб̣бхамаанахад̇т̇асан̇каад̇арад̇анзязва вад̇д̇ад̇и, д̇знзва мудтисад̣̇д̣̇оби уд̇д̇арабад̣̇алобзна мудтирад̇анз вад̇д̇ад̇и. д̇ин̣н̣ам̣ бууран̣о д̇ад̇ияо, мудтияаа д̇ад̇ияо мудтид̇ад̇ияо, мудтид̇ад̇ияо баримаан̣амзд̇иссаад̇и ‘‘мудтид̇ад̇ияагаа’’д̇и вад̇д̇аб̣б̣з д̇ияа-бажжаяалобзна ‘‘мудтид̇д̇игаа’’д̇и сан̇гхаадиязва вужжад̇и. звамубариби. д̇ирияанд̇и д̇ирияад̇о.

    Muṭṭhittikāti ettha vuttanayena saṅkhyeyye vattamāno ti-saddo cīvarappamāṇappakaraṇato labbhamānahatthasaṅkhātarataneyeva vattati, teneva muṭṭhisaddopi uttarapadalopena muṭṭhiratane vattati. Tiṇṇaṃ pūraṇo tatiyo, muṭṭhiyā tatiyo muṭṭhitatiyo, muṭṭhitatiyo parimāṇametissāti ‘‘muṭṭhitatiyakā’’ti vattabbe tiya-paccayalopena ‘‘muṭṭhittikā’’ti saṅghāṭiyeva vuccati. Evamuparipi. Tiriyanti tiriyato.

    уд̇д̇аманд̇знаад̇и уггадтабаримаан̣анд̇зна. сад̇т̇уно жийваруунаабийд̇и ‘‘д̇ад̇рид̣̇ам̣ суг̇ад̇асса суг̇ад̇ажийвараббамаан̣ам̣, д̣̇ийгхасо нава вид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ ча вид̣̇ад̇т̇ияо’’д̇и (баажи. 548) вуд̇д̇аббамаан̣асуг̇ад̇ажийварад̇о уунааби. би-сад̣̇д̣̇о самбхааванз, уггадтабарижчзд̣̇зна д̇ад̇д̇агамби ваддад̇и, д̇ад̇о жз уунам̣ вад̇д̇аб̣б̣амзва над̇т̇ийд̇и ад̇т̇о. анд̇ад̣̇ваяасанд̣̇ассанзна убхаяамаж̇жхз яам̣ бахонагаружжанагаббамаан̣ам̣, д̇ам̣ г̇ахзд̇аб̣б̣анд̇и д̣̇ассзд̇и.

    Uttamantenāti ukkaṭṭhaparimāṇantena. Satthuno cīvarūnāpīti ‘‘tatridaṃ sugatassa sugatacīvarappamāṇaṃ, dīghaso nava vidatthiyo sugatavidatthiyā, tiriyaṃ cha vidatthiyo’’ti (pāci. 548) vuttappamāṇasugatacīvarato ūnāpi. Pi-saddo sambhāvane, ukkaṭṭhaparicchedena tattakampi vaṭṭati, tato ce ūnaṃ vattabbameva natthīti attho. Antadvayasandassanena ubhayamajjhe yaṃ pahonakaruccanakappamāṇaṃ, taṃ gahetabbanti dasseti.

    558. мудтибан̃жагасад̣̇д̣̇о буб̣б̣з вуд̇д̇анаязнид̇ха д̣̇ийгханд̇з вад̇д̇ад̇и. мудтибан̃жаго д̣̇ийгханд̇о яасса, яасмим̣ ваа бамаан̣зд̇и виг̇г̇ахо, д̣̇ийгханд̇ад̇о мудтибан̃жагаббамаан̣знаад̇и вуд̇д̇ам̣ ход̇и. ‘‘мудтибан̃жама’’нд̇иби ликанд̇и. д̇ирияанд̇ад̇од̇и вид̇т̇ааранд̇ад̇о. ад̣дхахад̇т̇о ад̣дхо уд̇д̇арабад̣̇алобзна, со д̇зяяо д̇ад̇ияо яасса бамаан̣ассаад̇и г̇ахзд̇аб̣б̣ам̣, д̇ам̣, ад̣дхад̇зяяарад̇анаббамаан̣ам̣ ход̇ийд̇и ад̇т̇о. д̣̇вихад̇т̇ам̣ ваад̇и д̣̇вз хад̇т̇аа яасса бамаан̣ассаад̇и виг̇г̇ахо, д̣̇вирад̇анаббамаан̣ам̣ ваа ход̇ийд̇и ад̇т̇о. ид̣̇ан̃жа ‘‘д̇ирияам̣ д̣̇вихад̇т̇оби ваддад̇и. баарубанзнаби хи саггаа наабхим̣ бадижчаад̣̇зд̇у’’нд̇и (баараа. адта. 2.469) адтагат̇ааг̇ад̇ад̇д̇аа вуд̇д̇ам̣. ‘‘сзсз анд̇араваасагз’’д̇и ид̣̇ам̣ яат̇аавуд̇д̇абаримаан̣зна баримид̇ажийваранид̣̇ассанам̣.

    558.Muṭṭhipañcakasaddo pubbe vuttanayenidha dīghante vattati. Muṭṭhipañcako dīghanto yassa, yasmiṃ vā pamāṇeti viggaho, dīghantato muṭṭhipañcakappamāṇenāti vuttaṃ hoti. ‘‘Muṭṭhipañcama’’ntipi likhanti. Tiriyantatoti vitthārantato. Aḍḍhahattho aḍḍho uttarapadalopena, so teyyo tatiyo yassa pamāṇassāti gahetabbaṃ, taṃ, aḍḍhateyyaratanappamāṇaṃ hotīti attho. Dvihatthaṃ vāti dve hatthā yassa pamāṇassāti viggaho, dviratanappamāṇaṃ vā hotīti attho. Idañca ‘‘tiriyaṃ dvihatthopi vaṭṭati. Pārupanenapi hi sakkā nābhiṃ paṭicchādetu’’nti (pārā. aṭṭha. 2.469) aṭṭhakathāgatattā vuttaṃ. ‘‘Sese antaravāsake’’ti idaṃ yathāvuttaparimāṇena parimitacīvaranidassanaṃ.

    559. ахад̇аахад̇агаббаананд̇и зд̇т̇а ‘‘вад̇т̇аана’’нд̇и сзсо. ахад̇аанам̣ вад̇т̇аананд̇и нававад̇т̇аанам̣. ахад̇ад̇о гин̃жи уунаани ахад̇агаббаани, д̇зсам̣ нававохааруубаг̇аанам̣ гад̇ибаяад̇ход̇аанам̣ вад̇т̇аананд̇и вуд̇д̇ам̣ ход̇и. сан̇гхаадийд̇и сан̇гхаадинаамагажийварам̣. д̣̇иг̇ун̣аад̇и д̣̇убаддагад̇аа.

    559.Ahatāhatakappānanti ettha ‘‘vatthāna’’nti seso. Ahatānaṃ vatthānanti navavatthānaṃ. Ahatato kiñci ūnāni ahatakappāni, tesaṃ navavohārūpagānaṃ katipayadhotānaṃ vatthānanti vuttaṃ hoti. Saṅghāṭīti saṅghāṭināmakacīvaraṃ. Diguṇāti dupaṭṭakatā.

    560. уд̇уд̣̇д̇хадаананд̇и ад̇игганд̇ад̣̇ивасаанам̣, б̣ахугаалам̣ ниваасзд̇ваа барижжад̇д̇аананд̇и вуд̇д̇ам̣ ход̇и. ат̇а ваа яаани уд̇уд̇о уд̣̇д̇хадаани, д̇зсам̣ вад̇т̇аананд̇и г̇ахзд̇аб̣б̣ам̣, д̇ин̣н̣ам̣ уд̇уунаман̃н̃ад̇арам̣ ад̇иггамид̇ваа тид̇аанам̣ бураан̣авад̇т̇аананд̇и вуд̇д̇ам̣ ход̇и. жийвараананд̇и жийварад̇т̇аани вад̇т̇аанзва г̇ахид̇аани. жад̇уг̇г̇ун̣аад̇и жад̇убаддаа. сзсаа д̣̇увзд̇и анд̇араваасагауд̇д̇араасан̇г̇аа д̣̇вз. яат̇аасуканд̇и яат̇ааружи. бам̣сугууланд̇и сусаанаад̣̇ийсу бад̇ид̇абилод̇игажийварам̣.

    560.Utuddhaṭānanti atikkantadivasānaṃ, bahukālaṃ nivāsetvā pariccattānanti vuttaṃ hoti. Atha vā yāni ututo uddhaṭāni, tesaṃ vatthānanti gahetabbaṃ, tiṇṇaṃ utūnamaññataraṃ atikkamitvā ṭhitānaṃ purāṇavatthānanti vuttaṃ hoti. Cīvarānanti cīvaratthāni vatthāneva gahitāni. Catugguṇāti catupaṭṭā. Sesā duveti antaravāsakauttarāsaṅgā dve. Yathāsukhanti yathāruci. Paṃsukūlanti susānādīsu patitapilotikacīvaraṃ.

    561. ‘‘д̇ийн̣ибий’’д̇иаад̣̇ийсу ‘‘д̇ижийварз гаяирамаанз саб̣б̣ам̣ чиннагам̣ наббаход̇ий’’д̇и баал̣ияам̣ ааг̇ад̇авад̇т̇умхи ‘‘ануж̇аанаами бхигкавз д̣̇вз чиннагаани згам̣ ачиннага’’нд̇и (махаава. 360) аад̣̇иважанад̇о ‘‘жийвара’’нд̇и сзсо. чинд̣̇ид̇аб̣б̣анд̇и вад̇т̇аани чинд̣̇ид̇ваа сиб̣б̣зд̇ваа гаад̇аб̣б̣ам̣. баход̇и жзд̇и вад̇т̇аани чинд̣̇ид̇ваа гаран̣з яад̣̇и жийварасса баход̇и. саб̣б̣зсууд̇и д̇ийсу жийварзсу. аббахонд̇зсууд̇и вад̇т̇аанам̣ чинд̣̇ид̇ваа сиб̣б̣анзна аббахонд̇зсу. анваад̇хиганд̇и вад̇т̇з уунаад̇ирзгам̣ абанзд̇ваа ааг̇анд̇угабад̇д̇асан̇каад̇ам̣ ануваад̇ам̣ жийварасса барияанд̇з, маж̇жхз жа яат̇аарахам̣ д̣̇ийгхарассабаримаан̣аяуд̇д̇ам̣ аллияаабзд̇аб̣б̣анд̇и вуд̇д̇ам̣ ход̇и.

    561.‘‘Tīṇipī’’tiādīsu ‘‘ticīvare kayiramāne sabbaṃ chinnakaṃ nappahotī’’ti pāḷiyaṃ āgatavatthumhi ‘‘anujānāmi bhikkhave dve chinnakāni ekaṃ achinnaka’’nti (mahāva. 360) ādivacanato ‘‘cīvara’’nti seso. Chinditabbanti vatthāni chinditvā sibbetvā kātabbaṃ. Pahoti ceti vatthāni chinditvā karaṇe yadi cīvarassa pahoti. Sabbesūti tīsu cīvaresu. Appahontesūti vatthānaṃ chinditvā sibbanena appahontesu. Anvādhikanti vatthe ūnātirekaṃ apanetvā āgantukapattasaṅkhātaṃ anuvātaṃ cīvarassa pariyante, majjhe ca yathārahaṃ dīgharassaparimāṇayuttaṃ alliyāpetabbanti vuttaṃ hoti.

    562. ажчиннам̣ ваад̇и яат̇аавуд̇д̇анаязна ажчиннам̣ ваа. анаад̣̇иннанд̇и анаад̣̇иннаааг̇анд̇угабад̇д̇ам̣ . д̇ижийваранд̇и д̇ийсу жийварзсу згзганд̇и вуд̇д̇ам̣ ход̇и. д̣̇уб̣бхог̇знаад̇и д̣̇удту барибхог̇зна . яат̇аа барибхуд̇д̇ам̣ нассад̇и, д̇ат̇аа гилидтаанам̣ д̇хованаад̣̇имагад̇ваа ниваасанаад̣̇инаа барибхог̇зна.

    562.Acchinnaṃ vāti yathāvuttanayena acchinnaṃ vā. Anādinnanti anādinnaāgantukapattaṃ . Ticīvaranti tīsu cīvaresu ekekanti vuttaṃ hoti. Dubbhogenāti duṭṭhu paribhogena . Yathā paribhuttaṃ nassati, tathā kiliṭṭhānaṃ dhovanādimakatvā nivāsanādinā paribhogena.

    563-4. гусинд̇и ааяаамад̇о жа вид̇т̇аарад̇о жа ануваад̇ам̣ жийварамаж̇жхз д̇аад̣̇исамзва д̣̇ийгхабад̇д̇ан̃жа. вуд̇д̇ан̃хзд̇ам̣ жийварагканд̇хаадтагат̇ааяам̣ ‘‘гусийд̇и ааяаамад̇о жа вид̇т̇аарад̇о жа ануваад̇аад̣̇ийнам̣ д̣̇ийгхабад̇д̇аанамзд̇ам̣ ад̇хиважана’’нд̇и (махаава. адта. 345). ад̣дхагусинд̇и ануваад̇асад̣̇исам̣ жийварамаж̇жхз д̇ад̇т̇а д̇ад̇т̇а рассабад̇д̇ам̣. вуд̇д̇амби жзд̇ам̣ ‘‘ад̣дхагусийд̇и анд̇аранд̇араа рассабад̇д̇аанам̣ наама’’нд̇и (махаава. адта. 345). ман̣д̣аланд̇и згзгасмим̣ кан̣д̣з махааман̣д̣алам̣. вуд̇д̇амби жзд̇ам̣ ‘‘ман̣д̣аланд̇и бан̃жакан̣д̣игажийварасса згзгасмим̣ кан̣д̣з махааман̣д̣ала’’нд̇и (махаава. адта. 345). ад̣дхаман̣д̣аланд̇и ман̣д̣аласса анд̇о нивзсияамаанам̣ куд̣̇д̣̇агаман̣д̣алам̣. вуд̇д̇амби жзд̇ам̣ ‘‘ад̣дхаман̣д̣аланд̇и куд̣̇д̣̇агаман̣д̣ала’’нд̇и (махаава. адта. 345). вивадданд̇и ман̣д̣алам̣, ад̣дхаман̣д̣алан̃жаад̇и д̣̇вз згад̇о гад̇ваа сиб̣б̣ид̇ам̣ взмаж̇жхз кан̣д̣ам̣. вуд̇д̇амби жзд̇ам̣ ‘‘вивадданд̇и ман̣д̣алан̃жа ад̣дхаман̣д̣алан̃жа згад̇о гад̇ваа сиб̣б̣ид̇ам̣ маж̇жхимакан̣д̣а’’нд̇и (махаава. адта. 345). анувивадданд̇и маж̇жхимакан̣д̣асса убхосу бассзсу сиб̣б̣ид̇ам̣ д̇ат̇зва д̣̇виман̣д̣алабад̇д̇ам̣ кан̣д̣ад̣̇ваяам̣. вуд̇д̇амби жзд̇ам̣ ‘‘анувивадданд̇и д̇асса убхосу бассзсу д̣̇вз кан̣д̣ааний’’д̇и (махаава. адта. 345). б̣ааханд̇анд̇и д̇зсам̣ анувиваддаанам̣ б̣аахирабассз сиб̣б̣ид̇ам̣ б̣аахиракан̣д̣ад̣̇ваяам̣. вуд̇д̇амби жзд̇ам̣ ‘‘б̣ааханд̇анд̇и д̇зсам̣ анувиваддаанам̣ б̣ахи згзгам̣ кан̣д̣а’’нд̇и (махаава. адта. 345).

    563-4.Kusinti āyāmato ca vitthārato ca anuvātaṃ cīvaramajjhe tādisameva dīghapattañca. Vuttañhetaṃ cīvarakkhandhaaṭṭhakathāyaṃ ‘‘kusīti āyāmato ca vitthārato ca anuvātādīnaṃ dīghapattānametaṃ adhivacana’’nti (mahāva. aṭṭha. 345). Aḍḍhakusinti anuvātasadisaṃ cīvaramajjhe tattha tattha rassapattaṃ. Vuttampi cetaṃ ‘‘aḍḍhakusīti antarantarā rassapattānaṃ nāma’’nti (mahāva. aṭṭha. 345). Maṇḍalanti ekekasmiṃ khaṇḍe mahāmaṇḍalaṃ. Vuttampi cetaṃ ‘‘maṇḍalanti pañcakhaṇḍikacīvarassa ekekasmiṃ khaṇḍe mahāmaṇḍala’’nti (mahāva. aṭṭha. 345). Aḍḍhamaṇḍalanti maṇḍalassa anto nivesiyamānaṃ khuddakamaṇḍalaṃ. Vuttampi cetaṃ ‘‘aḍḍhamaṇḍalanti khuddakamaṇḍala’’nti (mahāva. aṭṭha. 345). Vivaṭṭanti maṇḍalaṃ, aḍḍhamaṇḍalañcāti dve ekato katvā sibbitaṃ vemajjhe khaṇḍaṃ. Vuttampi cetaṃ ‘‘vivaṭṭanti maṇḍalañca aḍḍhamaṇḍalañca ekato katvā sibbitaṃ majjhimakhaṇḍa’’nti (mahāva. aṭṭha. 345). Anuvivaṭṭanti majjhimakhaṇḍassa ubhosu passesu sibbitaṃ tatheva dvimaṇḍalapattaṃ khaṇḍadvayaṃ. Vuttampi cetaṃ ‘‘anuvivaṭṭanti tassa ubhosu passesu dve khaṇḍānī’’ti (mahāva. aṭṭha. 345). Bāhantanti tesaṃ anuvivaṭṭānaṃ bāhirapasse sibbitaṃ bāhirakhaṇḍadvayaṃ. Vuttampi cetaṃ ‘‘bāhantanti tesaṃ anuvivaṭṭānaṃ bahi ekekaṃ khaṇḍa’’nti (mahāva. aṭṭha. 345).

    бан̃жаннам̣ самаахааро бан̃жагам̣, д̣̇ассид̇аббагаарабан̃жакан̣д̣зхи сиб̣б̣ид̇ажийварам̣ бан̃жагам̣ наама. аад̣̇и-сад̣̇д̣̇зна сад̇д̇акан̣д̣аад̣̇ийхи сиб̣б̣ид̇ажийвараанам̣ г̇ахан̣ам̣. д̇знзвзд̇т̇ааха ‘‘гад̇д̇аб̣б̣ам̣ д̇у д̇ижийвара’’нд̇и. сад̇д̇акан̣д̣асса жийварасса згам̣ маж̇жхимакан̣д̣ам̣ вивадданаамамзва ход̇и, д̇асса убхосу бассзсу д̣̇вз д̣̇вз кан̣д̣аани жуул̣аанувиваддамахаанувиваддасан̇каад̇аани анувивадданаамаанзва хонд̇и. вуд̇д̇ан̃жзд̇ам̣ адтагат̇ааяам̣ ‘‘ат̇а ваа анувивадданд̇и виваддасса згабассад̇о д̣̇виннам̣, згабассад̇о д̣̇виннанд̇и жад̇уннамби кан̣д̣аанамзд̇ам̣ наама’’нд̇и (махаава. адта. 345). б̣ааханд̇анд̇и д̣̇вийсу барияанд̇зсу сиб̣б̣анийяам̣ б̣аахиракан̣д̣ад̣̇ваяам̣, д̇ан̃жа сан̇гхадзд̇ваа б̣аахамад̇т̇агз табияамаанад̇д̇аа ‘‘ман̃жаа уггудтим̣ гаронд̇ий’’д̇иаад̣̇ийсу вияа аад̇хзяяз аад̇хааробажааравасзна б̣аахаад̇и жа жийварасса барияанд̇ааваяавад̇д̇аа ‘‘анд̇а’’нд̇и жа вужжад̇и. вуд̇д̇амби жзд̇ам̣ ‘‘б̣ааханд̇анд̇и суббамаан̣ам̣ жийварам̣ баарубанд̇зна сам̣харид̇ваа б̣аахааяа убари табид̇аа убхо анд̇аа б̣ахимукаа д̇идтанд̇и, д̇зсам̣ зд̇ам̣ наама’’нд̇и (махаава. адта. 345). ид̣̇ам̣ сад̇д̇акан̣д̣ажийварамзва махааадтагат̇ааяам̣ вихид̇анд̇и ид̣̇ааниби д̇ад̣̇зва ваддад̇и. вуд̇д̇амби жзд̇ам̣ ‘‘аяамзва хи наяо махааадтагат̇ааяам̣ вуд̇д̇о’’д̇и. бхигкунаа гусим̣…бз… б̣ааханд̇амбижаад̇и саб̣б̣ам̣ вид̇хим̣ д̣̇ассзд̇ваава чиннам̣ бан̃жагаад̣̇иббабхзд̣̇агам̣ саман̣асааруббам̣ д̇ижийварам̣ гад̇д̇аб̣б̣анд̇и яож̇анаа.

    Pañcannaṃ samāhāro pañcakaṃ, dassitappakārapañcakhaṇḍehi sibbitacīvaraṃ pañcakaṃ nāma. Ādi-saddena sattakhaṇḍādīhi sibbitacīvarānaṃ gahaṇaṃ. Tenevetthāha ‘‘kattabbaṃ tu ticīvara’’nti. Sattakhaṇḍassa cīvarassa ekaṃ majjhimakhaṇḍaṃ vivaṭṭanāmameva hoti, tassa ubhosu passesu dve dve khaṇḍāni cūḷānuvivaṭṭamahānuvivaṭṭasaṅkhātāni anuvivaṭṭanāmāneva honti. Vuttañcetaṃ aṭṭhakathāyaṃ ‘‘atha vā anuvivaṭṭanti vivaṭṭassa ekapassato dvinnaṃ, ekapassato dvinnanti catunnampi khaṇḍānametaṃ nāma’’nti (mahāva. aṭṭha. 345). Bāhantanti dvīsu pariyantesu sibbanīyaṃ bāhirakhaṇḍadvayaṃ, tañca saṅghaṭetvā bāhamatthake ṭhapiyamānattā ‘‘mañcā ukkuṭṭhiṃ karontī’’tiādīsu viya ādheyye ādhāropacāravasena bāhāti ca cīvarassa pariyantāvayavattā ‘‘anta’’nti ca vuccati. Vuttampi cetaṃ ‘‘bāhantanti suppamāṇaṃ cīvaraṃ pārupantena saṃharitvā bāhāya upari ṭhapitā ubho antā bahimukhā tiṭṭhanti, tesaṃ etaṃ nāma’’nti (mahāva. aṭṭha. 345). Idaṃ sattakhaṇḍacīvarameva mahāaṭṭhakathāyaṃ vihitanti idānipi tadeva vaṭṭati. Vuttampi cetaṃ ‘‘ayameva hi nayo mahāaṭṭhakathāyaṃ vutto’’ti. Bhikkhunā kusiṃ…pe… bāhantampicāti sabbaṃ vidhiṃ dassetvāva chinnaṃ pañcakādippabhedakaṃ samaṇasāruppaṃ ticīvaraṃ kattabbanti yojanā.

    565-6. яат̇аавуд̇д̇авид̇хим̣ авираад̇хзд̇ваа жийварам̣ габбаб̣инд̣̇ум̣ д̣̇ад̇ваа сан̇гхаадиаад̣̇инаамзна ад̇хидтааяа барибхун̃ж̇анд̇асса ад̇хидтаанам̣ гат̇ам̣ бхиж̇ж̇ад̇ийд̇и ааха ‘‘д̣̇аанзнаа’’д̇иаад̣̇и. д̣̇аанзнаад̇и ан̃н̃асса д̣̇аанзна. ажчиж̇ж̇аг̇аахзнаад̇и ан̃н̃зна ажчинд̣̇ид̇ваа г̇ахан̣зна. виссаасаг̇г̇ахан̣зна жаад̇и ад̇д̇ани виссаасзна ан̃н̃асса г̇ахан̣зна. хийнааяаавад̇д̇анзнаад̇и сигкам̣ аббажжагкааяа г̇ихибхаавуубаг̇аманзна ан̃н̃асса д̣̇аанз вияа жийварз нираалаяабхаавзнзва барижжад̇д̇аа.

    565-6. Yathāvuttavidhiṃ avirādhetvā cīvaraṃ kappabinduṃ datvā saṅghāṭiādināmena adhiṭṭhāya paribhuñjantassa adhiṭṭhānaṃ kathaṃ bhijjatīti āha ‘‘dānenā’’tiādi. Dānenāti aññassa dānena. Acchijjagāhenāti aññena acchinditvā gahaṇena. Vissāsaggahaṇena cāti attani vissāsena aññassa gahaṇena. Hīnāyāvattanenāti sikkhaṃ appaccakkhāya gihibhāvūpagamanena aññassa dāne viya cīvare nirālayabhāveneva pariccattā.

    гзжи бана ‘‘хийнааяаавад̇д̇анзнаад̇и бхигкунияаа г̇ихибхаавуубаг̇аманзнаад̇и звамад̇т̇ам̣ г̇ахзд̇ваа бхигку бана виб̣бханд̇оби яаава сигкам̣ на бажжагкаад̇и, д̇аава бхигкуязваад̇и ад̇хидтаанам̣ на виж̇ахад̇ий’’д̇и вад̣̇анд̇и, д̇ам̣ на г̇ахзд̇аб̣б̣ам̣ ‘‘бхигкунияаа хийнааяаавад̇д̇анзнаа’’д̇и висзсзд̇ваа авуд̇д̇ад̇д̇аа, бхигкунияаа жа г̇ихибхаавуубаг̇аманз ад̇хидтаанавиж̇аханам̣ висум̣ вад̇д̇аб̣б̣анд̇и над̇т̇и д̇ассаа виб̣бхаманзнзва ассаман̣ибхаавад̇о.

    Keci pana ‘‘hīnāyāvattanenāti bhikkhuniyā gihibhāvūpagamanenāti evamatthaṃ gahetvā bhikkhu pana vibbhantopi yāva sikkhaṃ na paccakkhāti, tāva bhikkhuyevāti adhiṭṭhānaṃ na vijahatī’’ti vadanti, taṃ na gahetabbaṃ ‘‘bhikkhuniyā hīnāyāvattanenā’’ti visesetvā avuttattā, bhikkhuniyā ca gihibhāvūpagamane adhiṭṭhānavijahanaṃ visuṃ vattabbanti natthi tassā vibbhamaneneva assamaṇibhāvato.

    сигкааяаад̇и бхигкусигкааяа. бахаанзнаад̇и бажжагкаанзна. сигкаабажжагкаанам̣ банзд̇т̇а сажз бхигкулин̇г̇з тид̇о сигкам̣ бажжагкаад̇и, д̇асса гааяалаг̇г̇амбижийварам̣ ад̇хидтаанам̣ виж̇ахад̇ийд̇и д̣̇ассанад̇т̇ам̣ г̇ахид̇ам̣. ‘‘сигкааяа жа бахаанад̇о’’д̇и жа ликанд̇и, д̇ам̣ ‘‘хийнааяаавад̇д̇анзнааби, сигкааяа жа бахаанад̇о’’д̇и баатаггамз сад̇и яуж̇ж̇ад̇и. яат̇аавуд̇д̇о бана баато ‘‘сигкааяа жа бахаанзна, хийнааяаавад̇д̇анзнабий’’д̇и баатаггамз яуж̇ж̇ад̇и. яат̇аа д̇ат̇аа ваа ход̇у, на гожи вирод̇хо.

    Sikkhāyāti bhikkhusikkhāya. Pahānenāti paccakkhānena. Sikkhāpaccakkhānaṃ panettha sace bhikkhuliṅge ṭhito sikkhaṃ paccakkhāti, tassa kāyalaggampicīvaraṃ adhiṭṭhānaṃ vijahatīti dassanatthaṃ gahitaṃ. ‘‘Sikkhāya ca pahānato’’ti ca likhanti, taṃ ‘‘hīnāyāvattanenāpi, sikkhāya ca pahānato’’ti pāṭhakkame sati yujjati. Yathāvutto pana pāṭho ‘‘sikkhāya ca pahānena, hīnāyāvattanenapī’’ti pāṭhakkame yujjati. Yathā tathā vā hotu, na koci virodho.

    бажжуд̣̇д̇хаарзнаад̇и жийварасса бажжуд̣̇д̇харан̣зна. ‘‘гаалагирияааяаа’’д̇и адтагат̇ааважанад̇о винаасзнаад̇и жийварасаамигасса ж̇ийвид̇авинаасова вужжад̇ийд̇и. лин̇г̇асса баривад̇д̇анаад̇и бхигкусса ид̇т̇илин̇г̇абаривад̇д̇анаа, бхигкунияаа бурисалин̇г̇абаривад̇д̇анаад̇и звам̣ убхаяат̇аа лин̇г̇асса баривад̇д̇анзна. саб̣б̣ам̣ нававид̇хамби жийварам̣. ад̇хидтаананд̇и зд̇т̇а ‘‘имзхи адтахий’’д̇и сзсо. вуд̇д̇овааяамад̇т̇о адтагат̇ааяам̣ ‘‘д̇ад̇т̇а буримзхи адтахи саб̣б̣ажийвараани ад̇хидтаанам̣ виж̇аханд̇ий’’д̇и (баараа. адта. 2.469). бхиж̇ж̇ад̇ийд̇и баж̇ахад̇и. чид̣̇д̣̇асса бхааво чид̣̇д̣̇абхааво, д̇асмим̣, чид̣̇д̣̇з сад̇и чид̣̇д̣̇з ж̇аад̇зд̇и вуд̇д̇ам̣ ход̇и. д̇ижийваранд̇и д̇ийсу жийварзсу ан̃н̃ад̇аранд̇и вуд̇д̇ам̣ ход̇и. д̇ижийварамзва ваад̇и г̇ахзд̇аб̣б̣ам̣. вуд̇д̇ан̃жа ‘‘чид̣̇д̣̇абхаавзна бана д̇ижийварассзваа’’д̇и.

    Paccuddhārenāti cīvarassa paccuddharaṇena. ‘‘Kālakiriyāyā’’ti aṭṭhakathāvacanato vināsenāti cīvarasāmikassa jīvitavināsova vuccatīti. Liṅgassa parivattanāti bhikkhussa itthiliṅgaparivattanā, bhikkhuniyā purisaliṅgaparivattanāti evaṃ ubhayathā liṅgassa parivattanena. Sabbaṃ navavidhampi cīvaraṃ. Adhiṭṭhānanti ettha ‘‘imehi aṭṭhahī’’ti seso. Vuttovāyamattho aṭṭhakathāyaṃ ‘‘tattha purimehi aṭṭhahi sabbacīvarāni adhiṭṭhānaṃ vijahantī’’ti (pārā. aṭṭha. 2.469). Bhijjatīti pajahati. Chiddassa bhāvo chiddabhāvo, tasmiṃ, chidde sati chidde jāteti vuttaṃ hoti. Ticīvaranti tīsu cīvaresu aññataranti vuttaṃ hoti. Ticīvarameva vāti gahetabbaṃ. Vuttañca ‘‘chiddabhāvena pana ticīvarassevā’’ti.

    567. гийваббамаан̣з чид̣̇д̣̇з ж̇аад̇зд̇и ааха ‘‘ганидтассаа’’д̇иаад̣̇и. ‘‘ганидта…бз… маан̣ага’’нд̇и иминаа хздтимабарижчзд̣̇ам̣ д̣̇ассзд̇и.

    567. Kīvappamāṇe chidde jāteti āha ‘‘kaniṭṭhassā’’tiādi. ‘‘Kaniṭṭha…pe… māṇaka’’nti iminā heṭṭhimaparicchedaṃ dasseti.

    568. зго д̇анд̇убийд̇и д̣̇ийгхад̇о ваа д̇ирияад̇о ваа згамби суд̇д̇ам̣.

    568.Ekotantupīti dīghato vā tiriyato vā ekampi suttaṃ.

    569. ж̇ин̣н̣адтаанз аг̇г̇ал̣ам̣ д̣̇знд̇зна д̇зжийваригзна вад̇д̇ид̇аб̣б̣авид̇хим̣ д̣̇ассзд̇умааха ‘‘батама’’нд̇иаад̣̇и. батаманд̇и чиннадтаанасса чинд̣̇анад̇о буб̣б̣зязва. аг̇г̇ал̣ам̣ д̣̇ад̇ваад̇и вад̇т̇акан̣д̣ам̣ аллияаабзд̇ваа. рагкад̇ийд̇и зд̇т̇а ‘‘ад̇хидтаана’’нд̇и анувад̇д̇ад̇з, ‘‘д̇зжийвариго бхигкуу’’д̇и лаб̣бхад̇и, звам̣ вад̇т̇акан̣д̣ам̣ аллияаабзнд̇о д̇зжийвариго бхигку ад̇хидтаанам̣ рагкад̇ийд̇и вуд̇д̇ам̣ ход̇и. вибарияааязна ад̇хидтаанам̣ бхинд̣̇ад̇ийд̇и лаб̣бхад̇и. батамам̣ д̣̇вз годияо гхадзд̇ваад̇и яож̇анаа. маж̇жхз ж̇ин̣н̣ам̣ ад̇хидтид̇ажийварам̣ маж̇жхз чинд̣̇анд̇о д̇ад̇о буб̣б̣зязва д̣̇вз годияо згад̇о гхадзд̇ваа сиб̣б̣ид̇ваа. бажчаад̇и годигхаданад̇о бажчаа. чинд̣̇ад̇ийд̇и маж̇жхам̣ убхаяагодим̣ гаад̇ум̣ чинд̣̇ад̇и. рагкад̇ийд̇и вуд̇д̇аббагаарамзва.

    569. Jiṇṇaṭṭhāne aggaḷaṃ dentena tecīvarikena vattitabbavidhiṃ dassetumāha ‘‘paṭhama’’ntiādi. Paṭhamanti chinnaṭṭhānassa chindanato pubbeyeva. Aggaḷaṃ datvāti vatthakhaṇḍaṃ alliyāpetvā. Rakkhatīti ettha ‘‘adhiṭṭhāna’’nti anuvattate, ‘‘tecīvariko bhikkhū’’ti labbhati, evaṃ vatthakhaṇḍaṃ alliyāpento tecīvariko bhikkhu adhiṭṭhānaṃ rakkhatīti vuttaṃ hoti. Vipariyāyena adhiṭṭhānaṃ bhindatīti labbhati. Paṭhamaṃ dve koṭiyo ghaṭetvāti yojanā. Majjhe jiṇṇaṃ adhiṭṭhitacīvaraṃ majjhe chindanto tato pubbeyeva dve koṭiyo ekato ghaṭetvā sibbitvā. Pacchāti koṭighaṭanato pacchā. Chindatīti majjhaṃ ubhayakoṭiṃ kātuṃ chindati. Rakkhatīti vuttappakārameva.

    570. д̇ижийварз гад̇т̇а ж̇аад̇ам̣ чид̣̇д̣̇амад̇хидтаанам̣ бхинд̣̇ад̇ийд̇и ааха ‘‘жад̇уран̇г̇улаа’’д̇иаад̣̇и. жад̇д̇аари жа адта жа жад̇урадтам̣, жад̇уннам̣ адтаннам̣ ваа ан̇г̇улаанам̣ самаахааро жад̇урадтан̇г̇улам̣, д̇асмаад̇и г̇ахзд̇аб̣б̣ам̣. жад̇уран̇г̇улаа адтан̇г̇улаад̇и яож̇анаа. оранд̇и аб̣бханд̇арам̣. зган̃жа д̣̇вз жа згад̣̇вз, д̇зсам̣ згад̣̇виннам̣, ‘‘жийвараана’’нд̇и багаран̣ад̇о лаб̣бхад̇и, згасса жийварасса, д̣̇виннан̃жа жийвараананд̇и яож̇анаа. яат̇аасан̇кяаануд̣̇д̣̇зсавасзна згасса д̇ирияад̇о жад̇уран̇г̇улад̇о орам̣, д̣̇виннам̣ д̇ирияад̇о адтан̇г̇улад̇о оранд̇и яож̇анаа. ваагяад̣̇ваязби ‘‘чид̣̇д̣̇ам̣ бхинд̣̇ад̇зваа’’д̇и яож̇зд̇аб̣б̣ам̣.

    570. Ticīvare kattha jātaṃ chiddamadhiṭṭhānaṃ bhindatīti āha ‘‘caturaṅgulā’’tiādi. Cattāri ca aṭṭha ca caturaṭṭhaṃ, catunnaṃ aṭṭhannaṃ vā aṅgulānaṃ samāhāro caturaṭṭhaṅgulaṃ, tasmāti gahetabbaṃ. Caturaṅgulā aṭṭhaṅgulāti yojanā. Oranti abbhantaraṃ. Ekañca dve ca ekadve, tesaṃ ekadvinnaṃ, ‘‘cīvarāna’’nti pakaraṇato labbhati, ekassa cīvarassa, dvinnañca cīvarānanti yojanā. Yathāsaṅkhyānuddesavasena ekassa tiriyato caturaṅgulato oraṃ, dvinnaṃ tiriyato aṭṭhaṅgulato oranti yojanā. Vākyadvayepi ‘‘chiddaṃ bhindatevā’’ti yojetabbaṃ.

    згасса жийварассаад̇и анд̇араваасагажийварасса. д̇ирияад̇од̇и вид̇т̇аарад̇о. жад̇уран̇г̇улам̣ оранд̇и жад̇уран̇г̇улад̇о аб̣бханд̇арз чид̣̇д̣̇ам̣ ад̇хидтаанам̣ бхинд̣̇ад̇и. д̣̇виннанд̇и уд̇д̇араасан̇г̇асан̇гхаадийнам̣. д̇ирияад̇од̇и вид̇т̇аарад̇о. адтан̇г̇улад̇о оранд̇и адтан̇г̇улад̇о аб̣бханд̇арз. д̇ин̣н̣амби д̣̇ийгхад̇о вид̣̇ад̇т̇ияаа орам̣ чид̣̇д̣̇ам̣ ад̇хидтаанам̣ бхинд̣̇ад̇зваад̇и яож̇анаа. зд̇т̇а вид̣̇ад̇т̇и вад̣дхагивид̣̇ад̇т̇и г̇ахзд̇аб̣б̣аа. звам̣ вуд̇д̇абарижчзд̣̇аб̣бханд̇арз чид̣̇д̣̇з ж̇аад̇з д̇асса жийварасса ад̇ирзгажийварад̇д̇аа д̣̇асаахаманад̇иггамид̇ваа суужигаммам̣ гад̇ваа ад̇хидтаад̇аб̣б̣ам̣. д̇ат̇аа агаронд̇зна бана баригкааражол̣ам̣ ад̇хидтаад̇аб̣б̣ам̣.

    Ekassa cīvarassāti antaravāsakacīvarassa. Tiriyatoti vitthārato. Caturaṅgulaṃ oranti caturaṅgulato abbhantare chiddaṃ adhiṭṭhānaṃ bhindati. Dvinnanti uttarāsaṅgasaṅghāṭīnaṃ. Tiriyatoti vitthārato. Aṭṭhaṅgulato oranti aṭṭhaṅgulato abbhantare. Tiṇṇampi dīghato vidatthiyā oraṃ chiddaṃ adhiṭṭhānaṃ bhindatevāti yojanā. Ettha vidatthi vaḍḍhakividatthi gahetabbā. Evaṃ vuttaparicchedabbhantare chidde jāte tassa cīvarassa atirekacīvarattā dasāhamanatikkamitvā sūcikammaṃ katvā adhiṭṭhātabbaṃ. Tathā akarontena pana parikkhāracoḷaṃ adhiṭṭhātabbaṃ.

    571. ‘‘нисийд̣̇анассаа’’д̇и ‘‘нисийд̣̇анажийварассаа’’д̇и вад̇д̇аб̣б̣з уд̇д̇арабад̣̇алобзна вуд̇д̇анд̇и д̣̇адтаб̣б̣ам̣. д̣̇ияад̣дхаад̇и зд̇т̇а висзсид̇аб̣б̣аа вид̣̇ад̇т̇и ‘‘д̣̇вз вид̣̇ад̇т̇ияо’’д̇и жа ‘‘суг̇ад̇асса вид̣̇ад̇т̇ияаа’’д̇и жа вуд̇д̇асаамад̇т̇ияаа лаб̣бхад̇и. ад̣дхзна д̣̇уд̇ияаа д̣̇ияад̣дхаа, д̣̇уд̇ияам̣ ад̣дхамзд̇ассаад̇и ‘‘д̣̇уд̇ияад̣дхаа’’д̇и вад̇д̇аб̣б̣з д̇ияа-бажжаяалобзна ‘‘д̣̇ияад̣дхаа’’д̇и вуд̇д̇ам̣, ад̣дхад̣̇уд̇ияаад̇и вуд̇д̇ам̣ ход̇и. ‘‘суг̇ад̇асса вид̣̇ад̇т̇ияаа’’д̇и бамаан̣анияамасса гад̇ад̇д̇аа вад̣дхагивид̣̇ад̇т̇ияаа д̇иссо вид̣̇ад̇т̇ияо згаа суг̇ад̇авид̣̇ад̇т̇и ход̇и. ид̣̇ам̣ нисийд̣̇анажийварам̣ д̣̇ийгхад̇о вад̣дхагихад̇т̇зна д̇ихад̇т̇ам̣, вид̇т̇аарад̇о чал̣ан̇г̇улаад̇хигад̣̇вихад̇т̇аббамаан̣ам̣ ход̇и. ‘‘д̣̇асаа вид̣̇ад̇т̇ий’’д̇и (баажи. 533) вуд̇д̇ад̇д̇аа д̣̇ияад̣дхахад̇т̇аа д̣̇асаад̇и взд̣̇ид̇аб̣б̣аа.

    571.‘‘Nisīdanassā’’ti ‘‘nisīdanacīvarassā’’ti vattabbe uttarapadalopena vuttanti daṭṭhabbaṃ. Diyaḍḍhāti ettha visesitabbā vidatthi ‘‘dve vidatthiyo’’ti ca ‘‘sugatassa vidatthiyā’’ti ca vuttasāmatthiyā labbhati. Aḍḍhena dutiyā diyaḍḍhā, dutiyaṃ aḍḍhametassāti ‘‘dutiyaḍḍhā’’ti vattabbe tiya-paccayalopena ‘‘diyaḍḍhā’’ti vuttaṃ, aḍḍhadutiyāti vuttaṃ hoti. ‘‘Sugatassa vidatthiyā’’ti pamāṇaniyamassa katattā vaḍḍhakividatthiyā tisso vidatthiyo ekā sugatavidatthi hoti. Idaṃ nisīdanacīvaraṃ dīghato vaḍḍhakihatthena tihatthaṃ, vitthārato chaḷaṅgulādhikadvihatthappamāṇaṃ hoti. ‘‘Dasā vidatthī’’ti (pāci. 533) vuttattā diyaḍḍhahatthā dasāti veditabbā.

    572. жад̇ассод̇и зд̇т̇ааби ‘‘вид̣̇ад̇т̇ияо’’д̇и саамад̇т̇ияаава лаб̣бхад̇и. ‘‘ган̣д̣уббадижчаад̣̇ияаа’’д̇и вибхад̇д̇ибарин̣аамзна д̣̇ийгхад̇од̇и яож̇анаа.

    572.Catassoti etthāpi ‘‘vidatthiyo’’ti sāmatthiyāva labbhati. ‘‘Kaṇḍuppaṭicchādiyā’’ti vibhattipariṇāmena dīghatoti yojanā.

    573. ад̣дхам̣ д̇зяяам̣ д̇ад̇ияам̣ яассаа саа ад̣дхад̇зяяаа, ад̣дхад̇ад̇ияаад̇и вуд̇д̇ам̣ ход̇и.

    573. Aḍḍhaṃ teyyaṃ tatiyaṃ yassā sā aḍḍhateyyā, aḍḍhatatiyāti vuttaṃ hoti.

    574. д̇ад̇о уд̇д̇арим̣ д̇ад̣̇уд̇д̇арим̣, д̇асса д̇асса вуд̇д̇аббамаан̣ад̇о ад̇ирзгам̣. ад̇хигажчзд̣̇ананд̇и ад̇хигасса бамаан̣аад̇ирид̇д̇адтаанасса чзд̣̇анам̣ асса баажид̇д̇ияасса д̣̇зсанааяаад̇и ад̇хигажчзд̣̇анам̣, вуд̇д̇аббамаан̣ад̇о ад̇хигадтаанам̣ чинд̣̇ид̇ваа д̣̇зсзд̇аб̣б̣ам̣ баажид̇д̇ияам̣. уд̣̇ийрид̇ам̣ вуд̇д̇ам̣ баал̣ияаад̇и ад̇т̇о.

    574. Tato uttariṃ taduttariṃ, tassa tassa vuttappamāṇato atirekaṃ. Adhikacchedananti adhikassa pamāṇātirittaṭṭhānassa chedanaṃ assa pācittiyassa desanāyāti adhikacchedanaṃ, vuttappamāṇato adhikaṭṭhānaṃ chinditvā desetabbaṃ pācittiyaṃ. Udīritaṃ vuttaṃ pāḷiyāti attho.

    575. аббамаан̣знаад̇и г̇ун̣авасзна аббамаан̣зна саммаасамб̣уд̣̇д̇хзна.

    575.Appamāṇenāti guṇavasena appamāṇena sammāsambuddhena.

    576. саб̣б̣ам̣ ваддад̇ийд̇и самб̣анд̇хо. ‘‘саб̣б̣а’’нд̇и иминаа адтагат̇ааяа ааг̇ад̇ам̣ нийлаад̣̇им̣ сан̇г̇ан̣хаад̇и. маханд̇аад̣̇ибхзд̣̇ам̣ саб̣б̣ам̣ бажжад̇т̇аран̣ажийварам̣ ваддад̇и.

    576. Sabbaṃ vaṭṭatīti sambandho. ‘‘Sabba’’nti iminā aṭṭhakathāya āgataṃ nīlādiṃ saṅgaṇhāti. Mahantādibhedaṃ sabbaṃ paccattharaṇacīvaraṃ vaṭṭati.

    577. ‘‘мукабун̃чанажол̣ам̣ зга’’нд̇и бад̣̇ажчзд̣̇о. згам̣ д̇ховид̇ваа яаава сугкаабийяад̇и, д̇аава ан̃н̃зна мукабун̃чанзна бхавид̇аб̣б̣ад̇д̇аа ааха ‘‘д̣̇взби вадданд̇и саб̣б̣ат̇аа’’д̇и.

    577. ‘‘Mukhapuñchanacoḷaṃ eka’’nti padacchedo. Ekaṃ dhovitvā yāva sukkhāpīyati, tāva aññena mukhapuñchanena bhavitabbattā āha ‘‘dvepi vaṭṭanti sabbathā’’ti.

    579. бамаан̣ад̇о, г̇ан̣анад̇о жа ад̇ийд̇аад̇и бамаан̣аг̇ан̣анаад̇ийд̇аа. ‘‘бамаан̣аад̇ийд̇аа’’д̇и важанзна винаяад̇хараанам̣ аббамаан̣аг̇ун̣ад̇ам̣ д̣̇ассзд̇и, ‘‘г̇ан̣анаад̇ийд̇аа’’д̇и иминаа ад̇игганд̇аг̇ан̣анад̇ам̣. багад̇ам̣ винаяз батамам̣ гад̇ам̣ б̣уд̣̇д̇хзна бхаг̇авад̇аа бан̃н̃ад̇д̇ам̣ ж̇аананд̇ийд̇и багад̇ан̃н̃уу, винаяад̇хараа, д̇з багад̇ан̃н̃уно. абаримаан̣аг̇ун̣аман̣иг̇ан̣абхуусид̇аубаалид̣̇аасагаад̣̇имахаат̇зраажарияабарамбарааг̇ад̇аа сан̇кяаабат̇аад̇ийд̇аа винаяад̇хараад̇и вуд̇д̇ам̣ ход̇и.

    579. Pamāṇato, gaṇanato ca atītāti pamāṇagaṇanātītā. ‘‘Pamāṇātītā’’ti vacanena vinayadharānaṃ appamāṇaguṇataṃ dasseti, ‘‘gaṇanātītā’’ti iminā atikkantagaṇanataṃ. Pakataṃ vinaye paṭhamaṃ kataṃ buddhena bhagavatā paññattaṃ jānantīti pakataññū, vinayadharā, te pakataññuno. Aparimāṇaguṇamaṇigaṇabhūsitaupālidāsakādimahātherācariyaparamparāgatā saṅkhyāpathātītā vinayadharāti vuttaṃ hoti.

    580. суг̇ад̇адтан̇г̇улааяааманд̇и вад̣дхагирад̇анаббамаан̣ад̣̇ийгхам̣. жад̇уран̇г̇улавид̇т̇ад̇анд̇и вад̣дхагивид̣̇ад̇т̇иббамаан̣авид̇т̇аарам̣. вигаббанубаг̇ам̣ бажчимам̣ жийварам̣ наама ход̇и. бажчимам̣ жийваранд̇и бариссааванабадаад̣̇ийнам̣ висзсанам̣, бажчимажийвараббамаан̣анд̇и вуд̇д̇ам̣ ход̇и.

    580.Sugataṭṭhaṅgulāyāmanti vaḍḍhakiratanappamāṇadīghaṃ. Caturaṅgulavitthatanti vaḍḍhakividatthippamāṇavitthāraṃ. Vikappanupagaṃ pacchimaṃ cīvaraṃ nāma hoti. Pacchimaṃ cīvaranti parissāvanapaṭādīnaṃ visesanaṃ, pacchimacīvarappamāṇanti vuttaṃ hoti.

    581. бариссаавабаданд̇и уд̣̇агабариссааванад̇т̇ам̣ бадам̣. бад̇д̇ад̇т̇авиганд̇и бад̇д̇аган̃жугам̣. бод̇т̇агад̇т̇авиганд̇и бод̇т̇агаган̃жугам̣ . аад̣̇иг̇г̇ахан̣зна бажчимаббамаан̣аад̣̇им̣ яам̣ гин̃жи бадам̣, д̣̇ан̣д̣абадан̃жа сан̇г̇ан̣хаад̇и.

    581.Parissāvapaṭanti udakaparissāvanatthaṃ paṭaṃ. Pattatthavikanti pattakañcukaṃ. Potthakatthavikanti potthakakañcukaṃ . Ādiggahaṇena pacchimappamāṇādiṃ yaṃ kiñci paṭaṃ, daṇḍapaṭañca saṅgaṇhāti.

    582. ад̇хидтаад̇унд̇и баригкааражол̣ам̣ ад̇хидтаад̇ум̣. табид̇зд̇и анад̇хидтааяа табид̇з. махаабажжарияам̣ бана ‘‘анаабад̇д̇ий’’д̇и (баараа. адта. 2.469) ааха. над̇т̇и д̣̇осад̇аад̇и д̣̇осо зва д̣̇осад̇аа. ‘‘ад̇д̇ано санд̇агабхаавад̇о можзд̇ваа табид̇ам̣ санд̇хааяа махаабажжарияам̣ анаабад̇д̇и вуд̇д̇аа’’д̇и вад̣̇анд̇и. ‘‘иминаа бхзсаж̇ж̇ам̣ жзд̇аабзссаами, ид̣̇ам̣ маад̇уяаа д̣̇ассаамий’’д̇и табзнд̇зна ад̇хидтаад̇аб̣б̣ам̣. ‘‘ид̣̇ам̣ бхзсаж̇ж̇асса, маад̇уяаа’’д̇и вибхаж̇ид̇ваа сасанд̇агабхаавад̇о можид̇з ад̇хидтаанагижжам̣ над̇т̇ийд̇и ад̇хиббааяо. ход̇и жзд̇т̇а –

    582.Adhiṭṭhātunti parikkhāracoḷaṃ adhiṭṭhātuṃ. Ṭhapiteti anadhiṭṭhāya ṭhapite. Mahāpaccariyaṃ pana ‘‘anāpattī’’ti (pārā. aṭṭha. 2.469) āha. Natthi dosatāti doso eva dosatā. ‘‘Attano santakabhāvato mocetvā ṭhapitaṃ sandhāya mahāpaccariyaṃ anāpatti vuttā’’ti vadanti. ‘‘Iminā bhesajjaṃ cetāpessāmi, idaṃ mātuyā dassāmī’’ti ṭhapentena adhiṭṭhātabbaṃ. ‘‘Idaṃ bhesajjassa, mātuyā’’ti vibhajitvā sasantakabhāvato mocite adhiṭṭhānakiccaṃ natthīti adhippāyo. Hoti cettha –

    ‘‘яам̣ вад̇т̇ам̣ бхигкунаа лад̣̇д̇хам̣, гад̇ам̣ маад̇аад̣̇исанд̇агам̣;

    ‘‘Yaṃ vatthaṃ bhikkhunā laddhaṃ, kataṃ mātādisantakaṃ;

    ниссаг̇г̇ияам̣ на ход̇ийд̇и, д̇амааху винаяан̃н̃уно’’д̇и.

    Nissaggiyaṃ na hotīti, tamāhu vinayaññuno’’ti.

    583. вассамаасз жад̇урод̇и вассаанз жад̇уро маасз, ад̇хидтаанагирияааяа жад̇д̇ааро маасз авижчзд̣̇од̇и ажжанд̇асам̣яог̇з убаяог̇аважанам̣. вассигз жад̇д̇ааро маасз ниваасзд̇аб̣б̣аа саадигаа вассигасаадигаа.

    583.Vassamāse caturoti vassāne caturo māse, adhiṭṭhānakiriyāya cattāro māse avicchedoti accantasaṃyoge upayogavacanaṃ. Vassike cattāro māse nivāsetabbā sāṭikā vassikasāṭikā.

    584. ган̣д̣ум̣ бадижчаад̣̇зд̇ийд̇и ган̣д̣уббадижчаад̣̇и, ган̣д̣урог̇аад̇урасса бхигкуно д̇аббадижчаад̣̇анад̇т̇аманун̃н̃аад̇ажийварассзд̇амад̇хиважанам̣. хонд̇и жзд̇т̇а –

    584. Kaṇḍuṃ paṭicchādetīti kaṇḍuppaṭicchādi, kaṇḍurogāturassa bhikkhuno tappaṭicchādanatthamanuññātacīvarassetamadhivacanaṃ. Honti cettha –

    ‘‘маад̇игадтагат̇ааяассаа, ган̣д̣ужчаад̣̇игасаадияаа;

    ‘‘Mātikaṭṭhakathāyassā, kaṇḍucchādikasāṭiyā;

    на гаалаад̇иггамз вуд̇д̇ам̣, ад̇хидтаанавивадданам̣.

    Na kālātikkame vuttaṃ, adhiṭṭhānavivaṭṭanaṃ.

    ад̇хидтаанабахаанан̇г̇з-су вуд̇д̇ад̇д̇аа висзсад̇о;

    Adhiṭṭhānapahānaṅge-su vuttattā visesato;

    виймам̣сид̇аб̣б̣ам̣ вин̃н̃уухи, д̇ад̇т̇а яам̣ гааран̣ам̣ сияаа’’д̇и.

    Vīmaṃsitabbaṃ viññūhi, tattha yaṃ kāraṇaṃ siyā’’ti.

    586. ‘‘асаммукз зд̇анд̇и жаа’’д̇и важанзнзва саммукз ‘‘има’’нд̇и вин̃н̃ааяад̇и. вижагкан̣о бажжуд̣̇д̇харзяяаад̇и яож̇анаа.

    586.‘‘Asammukheetanti cā’’ti vacaneneva sammukhe ‘‘ima’’nti viññāyati. Vicakkhaṇo paccuddhareyyāti yojanā.

    587. ад̇хидтид̇анд̇и ад̇хидтаанам̣.

    587. Adhiṭṭhitanti adhiṭṭhānaṃ.

    588. ид̇и саб̣б̣амид̣̇анд̇и звам̣ вуд̇д̇ам̣ ид̣̇ам̣ д̇ижийвараад̣̇ийнам̣ бамаан̣аад̣̇исаб̣б̣авид̇хаанам̣. д̇зжийваригабхигкунод̇и д̇ижийвараад̇хидтаанзна ад̇хидтид̇ад̇зжийваригасса винаяад̇зжийваригасса. д̇ин̣н̣ам̣ жийвараанам̣ самаахааро д̇ижийварам̣, д̇ин̣н̣ам̣ д̇ижийвараанам̣ самаахаарод̇и ‘‘д̇ид̇ижийвара’’нд̇и вад̇д̇аб̣б̣з згад̣̇зсасаруубзгасзсанаязна ‘‘д̇ижийвара’’нд̇и наважийвараани сан̇г̇ахид̇аани, д̇ижийварз нияуд̇д̇о д̇зжийваригод̇и винаяад̇зжийвариго вужжад̇и. д̇худ̇ан̇г̇ад̇зжийваригассааби д̇ижийварз ид̣̇амзва вид̇хаананд̇и соби сан̇г̇аяхад̇и. ан̃н̃зсу ваа бана часу жийварзсу баригкааражол̣ам̣ згам̣ ам̣сагаасаавамзва ваддад̇и. д̇ат̇аа вад̇вааваад̇и ‘‘имам̣ баригкааражол̣ам̣ ад̇хидтаамий’’д̇иаад̣̇инаа наязна вад̇ваа. д̇ам̣ баригкааражол̣ам̣. баригкааражол̣амасса ад̇т̇и, д̇ад̇т̇а ваа нияуд̇д̇од̇и баригкааражол̣иго.

    588.Iti sabbamidanti evaṃ vuttaṃ idaṃ ticīvarādīnaṃ pamāṇādisabbavidhānaṃ. Tecīvarikabhikkhunoti ticīvarādhiṭṭhānena adhiṭṭhitatecīvarikassa vinayatecīvarikassa. Tiṇṇaṃ cīvarānaṃ samāhāro ticīvaraṃ, tiṇṇaṃ ticīvarānaṃ samāhāroti ‘‘titicīvara’’nti vattabbe ekadesasarūpekasesanayena ‘‘ticīvara’’nti navacīvarāni saṅgahitāni, ticīvare niyutto tecīvarikoti vinayatecīvariko vuccati. Dhutaṅgatecīvarikassāpi ticīvare idameva vidhānanti sopi saṅgayhati. Aññesu vā pana chasu cīvaresu parikkhāracoḷaṃ ekaṃ aṃsakāsāvameva vaṭṭati. Tathā vatvāvāti ‘‘imaṃ parikkhāracoḷaṃ adhiṭṭhāmī’’tiādinā nayena vatvā. Taṃ parikkhāracoḷaṃ. Parikkhāracoḷamassa atthi, tattha vā niyuttoti parikkhāracoḷiko.

    589. ‘‘д̇ижийварам̣ бана баригкааражол̣ам̣ ад̇хидтаад̇ум̣ ваддад̇и, на ваддад̇ий’’д̇и ануяог̇ам̣ гад̇ваа ‘‘ваддад̇ий’’д̇и (баараа. адта. 2.469) адтагат̇ааяа вуд̇д̇ад̇д̇аа ид̇ха ‘‘д̇ижийвара’’нд̇и жийварад̇д̇аяамзва вуд̇д̇ам̣. ‘‘сукабарихаарад̇т̇ам̣ згамби вигаббзд̇аб̣б̣а’’нд̇и важанад̇о згад̣̇зсз самуд̣̇ааяобажааравасзна згамби вигаббзд̇аб̣б̣амзва ход̇и.

    589. ‘‘Ticīvaraṃ pana parikkhāracoḷaṃ adhiṭṭhātuṃ vaṭṭati, na vaṭṭatī’’ti anuyogaṃ katvā ‘‘vaṭṭatī’’ti (pārā. aṭṭha. 2.469) aṭṭhakathāya vuttattā idha ‘‘ticīvara’’nti cīvarattayameva vuttaṃ. ‘‘Sukhaparihāratthaṃ ekampi vikappetabba’’nti vacanato ekadese samudāyopacāravasena ekampi vikappetabbameva hoti.

    баригкааражол̣ам̣ гаад̇умби ваддад̇ийд̇и б̣ад̣̇д̇хасиймад̇о б̣ахи васанд̇зна згагзна д̇зжийваригзна анд̇оарун̣з асад̇ияаа д̇ийсу жийварзсу хад̇т̇абаасз агад̇зсу ниссаг̇г̇ияам̣ баажид̇д̇ияам̣ ход̇ийд̇и, винаяагаммам̣ гаад̇ум̣ сабхааг̇абуг̇г̇алаанам̣ д̣̇уллабхад̇д̇аа жа сукабарихаарад̇т̇ам̣ д̇ийсу згам̣ ваа саб̣б̣аани зва ваа д̇ижийваранаамзна гад̇аад̇хидтаанаани бажжуд̣̇д̇харид̇ваа баригкааражол̣анаамзна ад̇хидтаад̇умби ваддад̇ийд̇и вуд̇д̇ам̣ ход̇и.

    Parikkhāracoḷaṃ kātumpi vaṭṭatīti baddhasīmato bahi vasantena ekakena tecīvarikena antoaruṇe asatiyā tīsu cīvaresu hatthapāse akatesu nissaggiyaṃ pācittiyaṃ hotīti, vinayakammaṃ kātuṃ sabhāgapuggalānaṃ dullabhattā ca sukhaparihāratthaṃ tīsu ekaṃ vā sabbāni eva vā ticīvaranāmena katādhiṭṭhānāni paccuddharitvā parikkhāracoḷanāmena adhiṭṭhātumpi vaṭṭatīti vuttaṃ hoti.

    звам̣ аг̇г̇ахзд̇ваа ‘‘сажз д̇ижийварам̣ баригкааражол̣аад̇хидтаанам̣ лабхзяяа, уд̣̇осид̇асигкаабад̣̇з барихааро нирад̇т̇аго бхавзяяаа’’д̇и (баараа. адта. 2.469) вуд̇д̇ам̣ махаабад̣̇умад̇т̇зрасса мад̇ам̣ д̣̇ассзд̇умааха ‘‘звам̣ жуд̣̇осид̇з’’д̇иаад̣̇и. звам̣ жзд̇и звам̣ д̇ижийварам̣ баригкааражол̣ам̣ ад̇хидтахид̇ваа барихарид̇ум̣ ваддад̇и жз. уд̣̇осид̇зд̇и имасса сигкаабад̣̇асса ананд̇арз д̣̇уд̇ияагат̇инасигкаабад̣̇з. вуд̇д̇о барихаарод̇и ‘‘згагуласса г̇аамо ход̇и баригкид̇д̇о жа. анд̇ог̇аамз жийварам̣ нигкибид̇ваа анд̇ог̇аамз вад̇т̇аб̣б̣а’’нд̇иаад̣̇инаа (баараа. 478) наязна бад̣̇абхааж̇анаавасаанз вуд̇д̇о, ид̇ха жа ‘‘г̇аамаад̣̇ийсу бад̣̇зсзсуу’’д̇иаад̣̇инаа наязна ананд̇арам̣ вагкамаано д̇ижийварасса барихаран̣авид̇хи. нирад̇т̇агод̇и баригкааражол̣анаамзна ад̇хидтид̇ажийварасса д̇зна вид̇хинаа д̇ижийварам̣ абарихаранд̇ассааби бхигкуно анаабад̇д̇ибхаавад̇о ниббаяож̇анод̇и ад̇т̇о.

    Evaṃ aggahetvā ‘‘sace ticīvaraṃ parikkhāracoḷādhiṭṭhānaṃ labheyya, udositasikkhāpade parihāro niratthako bhaveyyā’’ti (pārā. aṭṭha. 2.469) vuttaṃ mahāpadumattherassa mataṃ dassetumāha ‘‘evaṃ cudosite’’tiādi. Evaṃ ceti evaṃ ticīvaraṃ parikkhāracoḷaṃ adhiṭṭhahitvā pariharituṃ vaṭṭati ce. Udositeti imassa sikkhāpadassa anantare dutiyakathinasikkhāpade. Vutto parihāroti ‘‘ekakulassa gāmo hoti parikkhitto ca. Antogāme cīvaraṃ nikkhipitvā antogāme vatthabba’’ntiādinā (pārā. 478) nayena padabhājanāvasāne vutto, idha ca ‘‘gāmādīsu padesesū’’tiādinā nayena anantaraṃ vakkhamāno ticīvarassa pariharaṇavidhi. Niratthakoti parikkhāracoḷanāmena adhiṭṭhitacīvarassa tena vidhinā ticīvaraṃ apariharantassāpi bhikkhuno anāpattibhāvato nippayojanoti attho.

    590. д̇аббарихарид̇умааха ‘‘на’’ижжаад̣̇и. на нирад̇т̇агод̇и яож̇анаа. хзд̇ум̣ д̣̇ассзд̇умааха ‘‘д̇зжийваригассзваа’’д̇иаад̣̇и. яо д̇ижийваранаамзна ад̇хидтаанам̣ абажжуд̣̇д̇харид̇ваа сад̇им̣ убадтабзд̇ваа анд̇оарун̣з жийварам̣ хад̇т̇абаасад̇о аможзд̇ваа арун̣ам̣ удтаабзд̇и, д̇аад̣̇исасса д̇зжийваригассзва д̇асмим̣ сигкаабад̣̇з уд̣̇осид̇абарихаарасса бхаг̇авад̇аа д̣̇зсид̇ад̇д̇аад̇и ад̇т̇о. яасмаа д̇аад̣̇исассзва д̇зжийваригасса уд̣̇осид̇асигкаабад̣̇з барихааро вуд̇д̇о, д̇асмаа. д̇ам̣ саб̣б̣амбийд̇и д̇ам̣ нававид̇хам̣ саб̣б̣амби жийварам̣. баригкааражол̣ассаад̇и баригкааражол̣анаамзна ад̇хидтахид̇ваа жийварам̣ барибхун̃ж̇ид̇угаамасса баригкааражол̣анаамзна ад̇хидтаад̇ум̣ ваддад̇и.

    590. Tappariharitumāha ‘‘na’’iccādi. Na niratthakoti yojanā. Hetuṃ dassetumāha ‘‘tecīvarikassevā’’tiādi. Yo ticīvaranāmena adhiṭṭhānaṃ apaccuddharitvā satiṃ upaṭṭhapetvā antoaruṇe cīvaraṃ hatthapāsato amocetvā aruṇaṃ uṭṭhāpeti, tādisassa tecīvarikasseva tasmiṃ sikkhāpade udositaparihārassa bhagavatā desitattāti attho. Yasmā tādisasseva tecīvarikassa udositasikkhāpade parihāro vutto, tasmā. Taṃ sabbampīti taṃ navavidhaṃ sabbampi cīvaraṃ. Parikkhāracoḷassāti parikkhāracoḷanāmena adhiṭṭhahitvā cīvaraṃ paribhuñjitukāmassa parikkhāracoḷanāmena adhiṭṭhātuṃ vaṭṭati.

    591. иминаа уд̣̇осид̇абарихаарасса анирад̇т̇агабхаавам̣ саад̇хзд̇ваа ид̣̇аани ‘‘д̇ижийварам̣ баригкааражол̣анаамзнааби ад̇хидтаад̇ум̣ ваддад̇ий’’д̇и имасса ад̇хигад̇т̇асса махаагаарун̣игзна анун̃н̃аад̇абхаавз гирияанд̇араануж̇аананасан̇каад̇аад̇хигаважанасса н̃аабагахзд̇убхаавам̣ д̣̇ассзд̇умааха ‘‘ад̇хидтзд̇ий’’д̇иаад̣̇и. имасмим̣язва сигкаабад̣̇з анаабад̇д̇иваарз ‘‘анаабад̇д̇и анд̇од̣̇асаахам̣ ад̇хидтзд̇и, вигаббзд̇ий’’д̇и баатз анаабад̇д̇ибхаавз ‘‘ад̇хидтзд̇ий’’д̇и зд̇д̇агзнзва барияад̇д̇з (баараа. 469) ‘‘вигаббзд̇ий’’д̇и гирияанд̇араануж̇аананзна багааранд̇арзнааби д̣̇осо над̇т̇ийд̇и ад̇хиббааяасса вин̃н̃аабид̇ад̇д̇аад̇и ад̇т̇о.

    591. Iminā udositaparihārassa aniratthakabhāvaṃ sādhetvā idāni ‘‘ticīvaraṃ parikkhāracoḷanāmenāpi adhiṭṭhātuṃ vaṭṭatī’’ti imassa adhikatthassa mahākāruṇikena anuññātabhāve kiriyantarānujānanasaṅkhātaadhikavacanassa ñāpakahetubhāvaṃ dassetumāha ‘‘adhiṭṭhetī’’tiādi. Imasmiṃyeva sikkhāpade anāpattivāre ‘‘anāpatti antodasāhaṃ adhiṭṭheti, vikappetī’’ti pāṭhe anāpattibhāve ‘‘adhiṭṭhetī’’ti ettakeneva pariyatte (pārā. 469) ‘‘vikappetī’’ti kiriyantarānujānanena pakārantarenāpi doso natthīti adhippāyassa viññāpitattāti attho.

    592. звам̣ гаронд̇ассаад̇и д̇ижийваранаамзна ад̇хидтаанам̣ бажжуд̣̇д̇харид̇ваа баригкааражол̣анаамзна ад̇хидтаханд̇асса. ид̣̇аани ад̇иббасан̇г̇ам̣ д̣̇ассзд̇угаамасса жод̣̇агасса ад̇хиббааяам̣ д̣̇ассзд̇умааха ‘‘зва’’нд̇иаад̣̇и. муулаад̇хидтаанам̣ бахааяа гаад̇аб̣б̣аббагааранд̇арассааби виж̇ж̇амаанад̇д̇аа д̇ижийварам̣ бажжуд̣̇д̇харид̇ваа мукабун̃чанаад̣̇игам̣ гад̇ваа ад̇хидтахад̇оби д̣̇осо на сияаад̇и гасмаа наабаж̇ж̇ад̇ийд̇и ад̇т̇о. наид̇и ад̇иббасан̇г̇анивааран̣з.

    592.Evaṃ karontassāti ticīvaranāmena adhiṭṭhānaṃ paccuddharitvā parikkhāracoḷanāmena adhiṭṭhahantassa. Idāni atippasaṅgaṃ dassetukāmassa codakassa adhippāyaṃ dassetumāha ‘‘eva’’ntiādi. Mūlādhiṭṭhānaṃ pahāya kātabbappakārantarassāpi vijjamānattā ticīvaraṃ paccuddharitvā mukhapuñchanādikaṃ katvā adhiṭṭhahatopi doso na siyāti kasmā nāpajjatīti attho. Naiti atippasaṅganivāraṇe.

    593. гижжавид̇хаанад̇од̇и д̇зсам̣ мукабун̃чанаад̣̇ийнам̣ ад̇д̇ано ад̇д̇ано гижжасса саад̇ханад̇о, д̇аад̣̇исам̣ гижжависзсаабзгкам̣ винаа д̇ам̣д̇ам̣наамзна ад̇хидтаад̇ум̣ на яуж̇ж̇ад̇ийд̇и ад̇хиббааяо. агижжассаад̇и мукабун̃чанаад̣̇игижжарахид̇асса. ад̇хигассаад̇и бажжуд̣̇д̇харид̇ваа батамам̣ ад̇хидтаанасса виж̇ахид̇ад̇д̇аа ад̇ирзгасса. ассаад̇и д̇ижийварасса. ад̇хидтаанам̣ д̇у яуж̇ж̇ад̇ийд̇и д̣̇асаахам̣ анад̇иггамид̇ваа баригкааражол̣анаамзна ад̇хидтаанам̣ бана яуж̇ж̇ад̇и.

    593.Kiccavidhānatoti tesaṃ mukhapuñchanādīnaṃ attano attano kiccassa sādhanato, tādisaṃ kiccavisesāpekkhaṃ vinā taṃtaṃnāmena adhiṭṭhātuṃ na yujjatīti adhippāyo. Akiccassāti mukhapuñchanādikiccarahitassa. Adhikassāti paccuddharitvā paṭhamaṃ adhiṭṭhānassa vijahitattā atirekassa. Assāti ticīvarassa. Adhiṭṭhānaṃ tu yujjatīti dasāhaṃ anatikkamitvā parikkhāracoḷanāmena adhiṭṭhānaṃ pana yujjati.

    594. нид̇хаанасса мукам̣ убааяод̇и нид̇хаанамукам̣, анд̇араваасагаад̣̇ид̇ам̣д̇ам̣жийваранаамзна ад̇хидтаанад̇о ад̇ирзгам̣ яам̣ гин̃жи жийварам̣ яат̇аа табид̇ам̣ аабад̇д̇им̣ на гарод̇и, д̇ат̇аа нид̇хаанасса убааяод̇и ад̇т̇о. зд̇ам̣ баригкааражол̣аад̇хидтаанам̣. махаабажжарияанд̇и б̣раахман̣ад̇иссабхаяз бхигкусан̇гхам̣ ж̇амб̣уд̣̇ийбам̣ нзд̇ум̣ саггасса д̣̇зваанаминд̣̇асса аан̣ад̇д̇ияаа висугаммзна ниммид̇амахаабажжарияам̣ нисийд̣̇ид̇ваа ликид̇ад̇д̇аа д̇ам̣наамагааяам̣ винаяадтагат̇ааяам̣, ‘‘махаабажжарияаад̣̇исуу’’д̇иби ликанд̇и.

    594. Nidhānassa mukhaṃ upāyoti nidhānamukhaṃ, antaravāsakāditaṃtaṃcīvaranāmena adhiṭṭhānato atirekaṃ yaṃ kiñci cīvaraṃ yathā ṭhapitaṃ āpattiṃ na karoti, tathā nidhānassa upāyoti attho. Etaṃ parikkhāracoḷādhiṭṭhānaṃ. Mahāpaccariyanti brāhmaṇatissabhaye bhikkhusaṅghaṃ jambudīpaṃ netuṃ sakkassa devānamindassa āṇattiyā visukammena nimmitamahāpaccariyaṃ nisīditvā likhitattā taṃnāmakāyaṃ vinayaṭṭhakathāyaṃ, ‘‘mahāpaccariyādisū’’tipi likhanti.

    595. баригкааражол̣анаамзна ад̇хидтаанавид̇хаанасса вуд̇д̇аббамаан̣ам̣ гад̇аманд̇и ааха ‘‘жийвара’’нд̇иаад̣̇и. ‘‘нид̣̇аанз уббад̇д̇ид̇о’’д̇и бад̣̇ажчзд̣̇о. ‘‘жийварам̣ барибун̣н̣а’’нд̇и нид̣̇аанз ‘‘д̇ижийварам̣ самбун̣н̣ам̣ виж̇ж̇ад̇и, ид̣̇амад̇ирзгажийварам̣ гим̣ гаад̇аб̣б̣а’’нд̇и бхигкуухи бхаг̇авад̇о аарожид̇авад̇т̇умхи . уббад̇д̇ид̇од̇и баригкааражол̣аад̇хидтаанасса уббаннад̇д̇аа, анун̃н̃аад̇ад̇д̇аад̇и ад̇т̇о. ‘‘д̇зна ко бана самаязна бхигкуунам̣ барибун̣н̣ам̣ ход̇и д̇ижийварам̣, ад̇т̇о жа ход̇и бариссааванзхиби т̇авигаахиби. бхаг̇авад̇о зд̇амад̇т̇ам̣ аарожзсум̣. ануж̇аанаами бхигкавз баригкааражол̣ага’’нд̇и (махаава. 357) зд̇т̇а баал̣ияам̣ звам̣ виббаваасасукад̇т̇ам̣ наамзнаад̇хидтид̇ад̇ижийварам̣ ад̇хидтаанам̣ бажжуд̣̇д̇харид̇ваа баригкааражол̣анаамзна ад̇хидтаад̇ум̣ ваддад̇ийд̇и саад̇ханзна д̇ад̣̇згасаад̇ханад̇д̇аа зва згамби жийварам̣ вигаббзд̇ум̣ ваддад̇ийд̇и вуд̇д̇амзва ход̇и. д̇знзвааха адтагат̇ааяам̣ ‘‘зван̃жа сад̇и яо д̇ижийварз згзна жийварзна виббавасид̇угаамо ход̇и, д̇асса д̇ижийвараад̇хидтаанам̣ бажжуд̣̇д̇харид̇ваа виббаваасасукад̇т̇ам̣ вигаббанааяа огаасо д̣̇инно ход̇ий’’д̇и (баараа. адта. 2.469).

    595. Parikkhāracoḷanāmena adhiṭṭhānavidhānassa vuttappamāṇaṃ katamanti āha ‘‘cīvara’’ntiādi. ‘‘Nidāne uppattito’’ti padacchedo. ‘‘Cīvaraṃ paripuṇṇa’’nti nidāne ‘‘ticīvaraṃ sampuṇṇaṃ vijjati, idamatirekacīvaraṃ kiṃ kātabba’’nti bhikkhūhi bhagavato ārocitavatthumhi . Uppattitoti parikkhāracoḷādhiṭṭhānassa uppannattā, anuññātattāti attho. ‘‘Tena kho pana samayena bhikkhūnaṃ paripuṇṇaṃ hoti ticīvaraṃ, attho ca hoti parissāvanehipi thavikāhipi. Bhagavato etamatthaṃ ārocesuṃ. Anujānāmi bhikkhave parikkhāracoḷaka’’nti (mahāva. 357) ettha pāḷiyaṃ evaṃ vippavāsasukhatthaṃ nāmenādhiṭṭhitaticīvaraṃ adhiṭṭhānaṃ paccuddharitvā parikkhāracoḷanāmena adhiṭṭhātuṃ vaṭṭatīti sādhanena tadekasādhanattā eva ekampi cīvaraṃ vikappetuṃ vaṭṭatīti vuttameva hoti. Tenevāha aṭṭhakathāyaṃ ‘‘evañca sati yo ticīvare ekena cīvarena vippavasitukāmo hoti, tassa ticīvarādhiṭṭhānaṃ paccuddharitvā vippavāsasukhatthaṃ vikappanāya okāso dinno hotī’’ti (pārā. aṭṭha. 2.469).

    596-8. зд̇д̇аавад̇аа габбияажийваран̃жа д̇ад̇т̇а гад̇д̇аб̣б̣ан̃жа д̣̇ассзд̇ваа ид̣̇аани агаббияажийварам̣ д̣̇ассзд̇умааха ‘‘гусаваагаад̣̇ий’’д̇иаад̣̇и. гусанд̇и д̣̇аб̣б̣ад̇ин̣ам̣. вааганд̇и ругкаад̣̇ийнам̣ ваагам̣. аад̣̇и-сад̣̇д̣̇зна палагам̣ г̇ахид̇ам̣, жийра-сад̣̇д̣̇о жийварабарияааяо, имасмим̣ гусаад̣̇аяо г̇ант̇зд̇ваа гад̇з жийварзязва вад̇д̇ад̇и. гзсаж̇ам̣ гамб̣аланд̇и мануссагзсзхи вийд̇агамб̣алан̃жа. ваалаж̇ам̣ гамб̣аланд̇и ассаваалажамараваалзхи вийд̇агамб̣алан̃жа. улуугабагканд̇и госияасагун̣абад̇д̇ам̣. ид̇ха бана д̇ам̣ г̇ант̇зд̇ваа гад̇ажийварамзва г̇ахзд̇аб̣б̣ам̣. аж̇инагкибзд̇и аж̇инад̣̇ийбижаммз. ‘‘д̇хаараяад̇о т̇уллажжаяа’’нд̇и бажжзгам̣ самб̣анд̇хо.

    596-8. Ettāvatā kappiyacīvarañca tattha kattabbañca dassetvā idāni akappiyacīvaraṃ dassetumāha ‘‘kusavākādī’’tiādi. Kusanti dabbatiṇaṃ. Vākanti rukkhādīnaṃ vākaṃ. Ādi-saddena phalakaṃ gahitaṃ, cīra-saddo cīvarapariyāyo, imasmiṃ kusādayo ganthetvā kate cīvareyeva vattati. Kesajaṃ kambalanti manussakesehi vītakambalañca. Vālajaṃ kambalanti assavālacamaravālehi vītakambalañca. Ulūkapakkhanti kosiyasakuṇapattaṃ. Idha pana taṃ ganthetvā katacīvarameva gahetabbaṃ. Ajinakkhipeti ajinadīpicamme. ‘‘Dhārayato thullaccaya’’nti paccekaṃ sambandho.

    гад̣̇алид̣̇уссзд̇и гад̣̇аливаагамаяавад̇т̇з. зрагад̣̇уссзд̇и зрагамаяавад̇т̇з. аггад̣̇уссзд̇и аггад̣̇ан̣д̣з ваа д̇зсам̣ суд̇д̇аани ваа г̇ахзд̇ваа гад̇авад̇т̇з. бод̇т̇агзд̇и магаживаагамаяавад̇т̇з. д̇ирийдз ваад̇и звам̣наамагз ругкад̇ажз. взтанзд̇и сийсавзтанз. ган̃жугзд̇и гаважз.

    Kadalidusseti kadalivākamayavatthe. Erakadusseti erakamayavatthe. Akkadusseti akkadaṇḍe vā tesaṃ suttāni vā gahetvā katavatthe. Potthaketi makacivākamayavatthe. Tirīṭe vāti evaṃnāmake rukkhatace. Veṭhaneti sīsaveṭhane. Kañcuketi kavace.

    саб̣б̣анийлагзд̇и гзваланийлагз. зса наяо ман̃ж̇здтаад̣̇ийсу. махаанаамарад̇д̇зд̇и д̇анубад̣̇умад̣̇алаван̣н̣арад̇д̇з. махааран̇г̇арад̇д̇зд̇и сад̇абад̣̇иван̣н̣арад̇д̇з.

    Sabbanīlaketi kevalanīlake. Esa nayo mañjeṭṭhādīsu. Mahānāmaratteti tanupadumadalavaṇṇaratte. Mahāraṅgaratteti satapadivaṇṇaratte.

    599. ажчиннад̣̇асагзд̇и ажчиннаа д̣̇асаа яасса, д̇асмим̣ жийварз. зса наяо д̣̇ийгхад̣̇асзби. палад̣̇асзд̇и паласад̣̇исаг̇ант̇ид̇аа д̣̇асаа яасса, д̇асмим̣. бубпад̣̇асзд̇и ган̣н̣игам̣ б̣анд̇хид̇ваа вигаасзд̇ваа гад̇аа д̣̇асаа яасса, д̇асмим̣ жийварзд̇и ад̇т̇о. ажчиннажийварассаад̇и наг̇г̇ам̣ гад̇ваа жорзхи вилуд̇д̇ажийварасса . зд̇т̇аад̇и гусаваагаад̣̇ийсу, саб̣б̣анийлаад̣̇ийсу жа. гин̃жийд̇и згамби агаббияам̣ над̇т̇и анануломигам̣ над̇т̇и. ‘‘наг̇г̇зна зд̇зсу агаббияажийварзсу яам̣гин̃жи лад̣̇д̇хам̣, д̇зна хиригобинам̣ бадижчаад̣̇зд̇ваа бажчаа габбияажийварз лад̣̇д̇хз д̇ам̣ ад̇хиваасзд̇ваа ид̣̇ам̣ агаббияажийварам̣ барижжаж̇ид̇аб̣б̣ам̣. саб̣б̣анийлагаад̣̇ивад̇т̇зсу лад̣̇д̇хзсу габбияараж̇анзна раж̇ид̇ваа, д̇ам̣ ван̣н̣ам̣ наасзд̇ваа ваа габбияавад̇т̇аани убхаяабассзсу аллияаабзд̇ваа, бадижчаад̣̇зд̇ваа ваа ниваасзд̇ум̣ ваддад̇ий’’д̇и адтагат̇ааяам̣ вуд̇д̇ам̣.

    599.Acchinnadasaketi acchinnā dasā yassa, tasmiṃ cīvare. Esa nayo dīghadasepi. Phaladaseti phalasadisaganthitā dasā yassa, tasmiṃ. Pupphadaseti kaṇṇikaṃ bandhitvā vikāsetvā katā dasā yassa, tasmiṃ cīvareti attho. Acchinnacīvarassāti naggaṃ katvā corehi viluttacīvarassa . Etthāti kusavākādīsu, sabbanīlādīsu ca. Kiñcīti ekampi akappiyaṃ natthi ananulomikaṃ natthi. ‘‘Naggena etesu akappiyacīvaresu yaṃkiñci laddhaṃ, tena hirikopinaṃ paṭicchādetvā pacchā kappiyacīvare laddhe taṃ adhivāsetvā idaṃ akappiyacīvaraṃ pariccajitabbaṃ. Sabbanīlakādivatthesu laddhesu kappiyarajanena rajitvā, taṃ vaṇṇaṃ nāsetvā vā kappiyavatthāni ubhayapassesu alliyāpetvā, paṭicchādetvā vā nivāsetuṃ vaṭṭatī’’ti aṭṭhakathāyaṃ vuttaṃ.

    600. ‘‘анд̇од̣̇асааха’’нд̇и ид̣̇ам̣ ‘‘ад̇хидтзд̇ий’’д̇иаад̣̇ийхи саб̣б̣абад̣̇зхиби яож̇зд̇аб̣б̣ам̣. виссаж̇ж̇зд̇ийд̇и ан̃н̃асса д̣̇зд̇и. ид̇ха д̣̇аанам̣ д̣̇увид̇хам̣ саммукаад̣̇аанам̣, бараммукаад̣̇аананд̇и. бадиг̇г̇аахагам̣ д̣̇исваа ‘‘ид̣̇ам̣ д̇уяхам̣ д̣̇аммий’’д̇и д̣̇аанам̣ саммукаад̣̇аанам̣ наама. бараммукаа ‘‘ид̣̇ам̣ ид̇т̇аннаамасса д̣̇аммий’’д̇и д̣̇иннам̣ бараммукаад̣̇аанам̣. ‘‘ид̣̇ам̣ д̇вам̣ г̇ан̣хаахий’’д̇и ваа ‘‘д̇уяхам̣ г̇ан̣хаахий’’д̇и ваа вуд̇д̇з ‘‘маяхам̣ г̇ан̣хаамий’’д̇и сажз вад̣̇ад̇и, д̣̇аанаг̇ахан̣ад̣̇ваяамби суд̣̇д̇хам̣. ‘‘ид̣̇ам̣ д̇ава санд̇агам̣ гарохи, д̇ава санд̇агам̣ ход̇у, д̇ава санд̇агам̣ ход̇ий’’д̇и д̣̇ааяагзна вуд̇д̇з г̇ан̣ханд̇оби ‘‘мама санд̇агам̣ гароми, мама санд̇агам̣ ход̇у, мама санд̇агам̣ ход̇ий’’д̇и вад̣̇ад̇и жз, д̣̇аанам̣, г̇ахан̣ан̃жа асуд̣̇д̇хам̣ ход̇и. ‘‘д̇ава санд̇агам̣ гарохий’’д̇и вуд̇д̇з бана ‘‘саад̇ху бханд̇з маяхам̣ г̇ан̣хаамий’’д̇и вад̇ваа г̇ан̣хаад̇и, г̇ахан̣ам̣ суд̣̇д̇хам̣. ‘‘ид̣̇ам̣ д̇уяхам̣ г̇ан̣хаахий’’д̇и вуд̇д̇з ‘‘ахам̣ на г̇ан̣хаамий’’д̇и вад̣̇ад̇и, буна ‘‘д̣̇иннам̣ маяаа, д̇уяхам̣ г̇ан̣хаахий’’д̇и вуд̇д̇з ид̇ароби буна бадигкибад̇и, д̇ам̣ жийварам̣ гассажи асанд̇агад̇д̇аа д̣̇асаахаад̇иггамзнааби ниссаг̇г̇ияам̣ на ход̇ийд̇и бажчаа д̇зсу д̣̇вийсу яо ижчад̇и, д̇зна ад̇хидтааяа барибхун̃ж̇ид̇аб̣б̣анд̇и саб̣б̣амид̣̇ам̣ адтагат̇ааяа (баараа. адта. 2.469 ад̇т̇ад̇о самаанам̣) вуд̇д̇ам̣.

    600.‘‘Antodasāha’’nti idaṃ ‘‘adhiṭṭhetī’’tiādīhi sabbapadehipi yojetabbaṃ. Vissajjetīti aññassa deti. Idha dānaṃ duvidhaṃ sammukhādānaṃ, parammukhādānanti. Paṭiggāhakaṃ disvā ‘‘idaṃ tuyhaṃ dammī’’ti dānaṃ sammukhādānaṃ nāma. Parammukhā ‘‘idaṃ itthannāmassa dammī’’ti dinnaṃ parammukhādānaṃ. ‘‘Idaṃ tvaṃ gaṇhāhī’’ti vā ‘‘tuyhaṃ gaṇhāhī’’ti vā vutte ‘‘mayhaṃ gaṇhāmī’’ti sace vadati, dānagahaṇadvayampi suddhaṃ. ‘‘Idaṃ tava santakaṃ karohi, tava santakaṃ hotu, tava santakaṃ hotī’’ti dāyakena vutte gaṇhantopi ‘‘mama santakaṃ karomi, mama santakaṃ hotu, mama santakaṃ hotī’’ti vadati ce, dānaṃ, gahaṇañca asuddhaṃ hoti. ‘‘Tava santakaṃ karohī’’ti vutte pana ‘‘sādhu bhante mayhaṃ gaṇhāmī’’ti vatvā gaṇhāti, gahaṇaṃ suddhaṃ. ‘‘Idaṃ tuyhaṃ gaṇhāhī’’ti vutte ‘‘ahaṃ na gaṇhāmī’’ti vadati, puna ‘‘dinnaṃ mayā, tuyhaṃ gaṇhāhī’’ti vutte itaropi puna paṭikkhipati, taṃ cīvaraṃ kassaci asantakattā dasāhātikkamenāpi nissaggiyaṃ na hotīti pacchā tesu dvīsu yo icchati, tena adhiṭṭhāya paribhuñjitabbanti sabbamidaṃ aṭṭhakathāya (pārā. aṭṭha. 2.469 atthato samānaṃ) vuttaṃ.

    ад̇хидтид̇ажийварз ад̇хидтаанз взмад̇игзна ад̇д̇ано вимад̇им̣ батамам̣ аави гад̇ваа ‘‘сажз анад̇хидтид̇ам̣, звам̣ гад̇з габбияам̣ ход̇ий’’д̇и жинд̇зд̇ваа ниссаж̇ж̇зд̇ваа винаяагаммам̣ гаронд̇асса мусааваад̣̇ад̣̇осо наабаж̇ж̇ад̇и. яат̇ааха адтагат̇ааяам̣ ‘‘на хи звам̣ ж̇аанаабзд̇ваа винаяагаммам̣ гаронд̇асса мусааваад̣̇о ход̇ий’’д̇и (баараа. адта. 2.469). ‘‘гзжи ‘д̇ат̇аа взмад̇игажийварам̣ ан̃н̃зна виссаасзна г̇ахзд̇ваа буна д̣̇аад̇аб̣б̣а’нд̇и вад̣̇анд̇и, д̇ам̣ на сунд̣̇ара’’нд̇и (баараа. адта. 2.469 т̇огам̣ висад̣̇исам̣) д̇ад̇т̇зва вуд̇д̇ам̣.

    Adhiṭṭhitacīvare adhiṭṭhāne vematikena attano vimatiṃ paṭhamaṃ āvi katvā ‘‘sace anadhiṭṭhitaṃ, evaṃ kate kappiyaṃ hotī’’ti cintetvā nissajjetvā vinayakammaṃ karontassa musāvādadoso nāpajjati. Yathāha aṭṭhakathāyaṃ ‘‘na hi evaṃ jānāpetvā vinayakammaṃ karontassa musāvādo hotī’’ti (pārā. aṭṭha. 2.469). ‘‘Keci ‘tathā vematikacīvaraṃ aññena vissāsena gahetvā puna dātabba’nti vadanti, taṃ na sundara’’nti (pārā. aṭṭha. 2.469 thokaṃ visadisaṃ) tattheva vuttaṃ.

    винассад̇ийд̇и жораад̣̇ийхи винассад̇и. ‘‘нассад̇и, д̣аяхад̇и, ажчинд̣̇ид̇ваа г̇ан̣ханд̇ий’’д̇и имааниби винаасаббагаарад̇д̇аа ‘‘винассад̇ий’’д̇и иминаава сан̇г̇аяханд̇и. д̇ад̇т̇а ‘‘нассад̇ий’’д̇и ид̣̇ам̣ жораад̣̇ийхи хадам̣ санд̇хааяа вуд̇д̇ам̣, ‘‘винассад̇ий’’д̇и ид̣̇ам̣ унд̣̇ууракааяид̇аад̣̇им̣ санд̇хааяа вуд̇д̇ам̣, ‘‘д̣аяхад̇ий’’д̇и аг̇г̇инаа д̣̇ад̣дхам̣ санд̇хааяа. виссаасзд̇и зд̇т̇а санд̣̇идто жа самбхад̇д̇о жа аалабид̇о жа ж̇ийвад̇и жа г̇ахид̇з жад̇д̇амано ход̇ийд̇и бан̃жан̇г̇асаманнааг̇ад̇зна ад̇д̇ани виссаасзна ан̃н̃зна г̇ахид̇зд̇и ад̇т̇о. багаасид̇аад̇и ‘‘анаабад̇д̇и анд̇од̣̇асаахам̣ ад̇хидтзд̇ий’’д̇иаад̣̇инаа (баараа. 469) наязна вуд̇д̇аа.

    Vinassatīti corādīhi vinassati. ‘‘Nassati, ḍayhati, acchinditvā gaṇhantī’’ti imānipi vināsappakārattā ‘‘vinassatī’’ti imināva saṅgayhanti. Tattha ‘‘nassatī’’ti idaṃ corādīhi haṭaṃ sandhāya vuttaṃ, ‘‘vinassatī’’ti idaṃ undūrakhāyitādiṃ sandhāya vuttaṃ, ‘‘ḍayhatī’’ti agginā daḍḍhaṃ sandhāya. Vissāseti ettha sandiṭṭho ca sambhatto ca ālapito ca jīvati ca gahite cattamano hotīti pañcaṅgasamannāgatena attani vissāsena aññena gahiteti attho. Pakāsitāti ‘‘anāpatti antodasāhaṃ adhiṭṭhetī’’tiādinā (pārā. 469) nayena vuttā.

    601. ид̣̇ам̣ бана самудтаанам̣ наамзна гат̇инасамудтаанам̣ наамаад̇и ад̇т̇о. ид̣̇ам̣ гат̇инасамудтаанам̣ наама гааяаваажад̇о жа гааяаваажаажид̇д̇ад̇о жа самудтаад̇и. ад̇ирзгажийварабхаавасса ж̇аананажид̇д̇зна бан̣н̣ад̇д̇иж̇аананажид̇д̇з асад̇иби аабад̇д̇исамбхавад̇о ажид̇д̇ам̣. анад̇хидтаанад̇о, авигаббанад̇о жа агрияам̣. гаммадтаанамануяун̃ж̇анд̇о ваа жзд̇ияаад̣̇им̣ ванд̣̇анд̇о ваа згаад̣̇асамам̣ арун̣ам̣ удтаабзд̇и, гусалажид̇д̇о аабаж̇ж̇ад̇и, галахаад̣̇ибасуд̇о ваа вийд̇иггамам̣ ж̇аананд̇о ваа удтаабзд̇и, агусалажид̇д̇о аабаж̇ж̇ад̇и, кийн̣аасаво бана асад̇ияаа ваа бан̣н̣ад̇д̇им̣ аж̇аананд̇о ваа д̇ат̇аа гаронд̇о аб̣яаагад̇ажид̇д̇о аабаж̇ж̇ад̇ийд̇и д̇ижид̇д̇ам̣. вуд̇д̇анаязна гаммадтаанаад̣̇имануяун̃ж̇анд̇асса соманассажид̇д̇асаман̇г̇ино сукавзд̣̇анаа, убзгкаажид̇д̇асаман̇г̇ино убзгкаавзд̣̇анаа, галахаад̣̇ибасуд̇асса д̣̇оманассажид̇д̇асаман̇г̇ино д̣̇угкавзд̣̇анаа ход̇ийд̇и д̇ивзд̣̇анам̣. зса наяо убариби зваруубз таанз яож̇зд̇аб̣б̣о.

    601. Idaṃ pana samuṭṭhānaṃ nāmena kathinasamuṭṭhānaṃ nāmāti attho. Idaṃ kathinasamuṭṭhānaṃ nāma kāyavācato ca kāyavācācittato ca samuṭṭhāti. Atirekacīvarabhāvassa jānanacittena paṇṇattijānanacitte asatipi āpattisambhavato acittaṃ. Anadhiṭṭhānato, avikappanato ca akriyaṃ. Kammaṭṭhānamanuyuñjanto vā cetiyādiṃ vandanto vā ekādasamaṃ aruṇaṃ uṭṭhāpeti, kusalacitto āpajjati, kalahādipasuto vā vītikkamaṃ jānanto vā uṭṭhāpeti, akusalacitto āpajjati, khīṇāsavo pana asatiyā vā paṇṇattiṃ ajānanto vā tathā karonto abyākatacitto āpajjatīti ticittaṃ. Vuttanayena kammaṭṭhānādimanuyuñjantassa somanassacittasamaṅgino sukhavedanā, upekkhācittasamaṅgino upekkhāvedanā, kalahādipasutassa domanassacittasamaṅgino dukkhavedanā hotīti tivedanaṃ. Esa nayo uparipi evarūpe ṭhāne yojetabbo.

    батамагат̇инагат̇ааван̣н̣анаа.

    Paṭhamakathinakathāvaṇṇanā.

    602. г̇аамаад̣̇ийсу бад̣̇зсзсу д̇ибан̃жасууд̇и д̇ижийвараани нигкибид̇ваа виббаваасзна д̣̇осам̣, уббаж̇ж̇анадтаанан̃жа д̣̇ассзд̇ум̣ ‘‘г̇аамо згуубажааро’’д̇иаад̣̇инаа (баараа. 477) наязна баал̣ияам̣ вуд̇д̇аг̇ааманивзсанауд̣̇осид̇ааддамаал̣абаасаад̣̇ахаммияанааваасад̇т̇акзд̇д̇ад̇хан̃н̃агара- н̣ааараамавихаараругкамуулааж̇жхогаасасан̇каад̇зсу баннарасасу жийваранигкзбадтаанзсууд̇и вуд̇д̇ам̣ ход̇и. зд̇т̇а г̇аамо наама згагудигаад̣̇иг̇аамо.

    602.Gāmādīsupadesesu tipañcasūti ticīvarāni nikkhipitvā vippavāsena dosaṃ, uppajjanaṭṭhānañca dassetuṃ ‘‘gāmo ekūpacāro’’tiādinā (pārā. 477) nayena pāḷiyaṃ vuttagāmanivesanaudositaaṭṭamāḷapāsādahammiyanāvāsatthakhettadhaññakara- ṇaārāmavihārarukkhamūlaajjhokāsasaṅkhātesu pannarasasu cīvaranikkhepaṭṭhānesūti vuttaṃ hoti. Ettha gāmo nāma ekakuṭikādigāmo.

    нивзсанам̣ наама г̇аамад̇о б̣ахи жад̇усаалаад̣̇иго г̇зхо. д̇знааха г̇ан̣тибад̣̇з ‘‘г̇ааманивзсанаанам̣ висзсам̣ вад̣̇анд̇аа ‘буна згабарижчзд̣̇ам̣ гад̇ваа нивзсид̇аа б̣ахуг̇зхаа нивзсанам̣ наама хонд̇ий’д̇и вад̣̇анд̇и, д̇асмаа ид̣̇ам̣ нивзсанаад̣̇и саб̣б̣ам̣ ‘г̇аамад̇о б̣ахий’д̇и г̇ахзд̇аб̣б̣а’’нд̇и. ид̣̇ан̃жа д̇ад̇т̇зва вуд̇д̇ам̣ ‘‘нивзсанаад̣̇игам̣ анд̇ог̇аамз жз ход̇и, г̇аамз вуд̇д̇абарихаарассзва лаб̣бханад̇о анд̇ог̇аамад̇о б̣ахий’д̇и г̇ахзд̇аб̣б̣а’’нд̇и.

    Nivesanaṃ nāma gāmato bahi catusālādiko geho. Tenāha gaṇṭhipade ‘‘gāmanivesanānaṃ visesaṃ vadantā ‘puna ekaparicchedaṃ katvā nivesitā bahugehā nivesanaṃ nāma hontī’ti vadanti, tasmā idaṃ nivesanādi sabbaṃ ‘gāmato bahī’ti gahetabba’’nti. Idañca tattheva vuttaṃ ‘‘nivesanādikaṃ antogāme ce hoti, gāme vuttaparihārasseva labbhanato antogāmato bahī’ti gahetabba’’nti.

    адтагат̇ааяам̣ ‘‘уд̣̇осид̇од̇и яаанаад̣̇ийнам̣ бхан̣д̣аанам̣ саалаа’’д̇и (баараа. адта. 2.482-487) вуд̇д̇асаруубам̣ уд̣̇осид̇ам̣ наама. ‘‘аддод̇и бадирааж̇аад̣̇ибадиб̣ааханад̇т̇ам̣ идтагаахи гад̇о б̣ахалабхид̇д̇иго жад̇убан̃жабхуумиго бад̇иссаяависзсо’’д̇и (баараа. адта. 2.482-487) вуд̇д̇асаруубо аддо наама. ‘‘маал̣од̇и згагуудасан̇г̇ахид̇о жад̇урассабаасаад̣̇о’’д̇и (баараа. адта. 482-487) вуд̇д̇о згаган̣н̣игасан̇г̇ахид̇о жад̇урассаг̇зхо маал̣о наама. баасаад̣̇од̇и д̣̇ийгхабаасаад̣̇о. хаммияанд̇и мун̣д̣ажчад̣̇анабаасаад̣̇о. нааваад̇и яаанаббад̇д̇и. сад̇т̇анд̇и ж̇ан̇гхасад̇т̇асагадасад̇т̇авасзна д̣̇увид̇хо ж̇анасамуухо, со жа нивидтаанивидтавасзна бажжзгам̣ д̣̇увид̇хо. д̇ад̇т̇а нивидтз вад̇иаад̣̇ибаригкзбоби ход̇зва.

    Aṭṭhakathāyaṃ ‘‘udositoti yānādīnaṃ bhaṇḍānaṃ sālā’’ti (pārā. aṭṭha. 2.482-487) vuttasarūpaṃ udositaṃ nāma. ‘‘Aṭṭoti paṭirājādipaṭibāhanatthaṃ iṭṭhakāhi kato bahalabhittiko catupañcabhūmiko patissayaviseso’’ti (pārā. aṭṭha. 2.482-487) vuttasarūpo aṭṭo nāma. ‘‘Māḷoti ekakūṭasaṅgahito caturassapāsādo’’ti (pārā. aṭṭha. 482-487) vutto ekakaṇṇikasaṅgahito caturassageho māḷo nāma. Pāsādoti dīghapāsādo. Hammiyanti muṇḍacchadanapāsādo. Nāvāti yānappatti. Satthanti jaṅghasatthasakaṭasatthavasena duvidho janasamūho, so ca niviṭṭhāniviṭṭhavasena paccekaṃ duvidho. Tattha niviṭṭhe vatiādiparikkhepopi hoteva.

    кзд̇д̇анд̇и яавакзд̇д̇аад̣̇икзд̇д̇ам̣. д̇хан̃н̃агаран̣ам̣ калам̣. аараамо бубпаараамо, палаараамо жа. вихаарод̇и згамби сзнаасанам̣ вужжад̇и. ‘‘ругко наама яам̣ маж̇жханд̇игз гаалз саманд̇аа чааяаа парад̇ий’’д̇и (баараа. 494) вуд̇д̇аббамаан̣абарижчанно ругко. аж̇жхогаасо наама сад̇д̇аб̣бханд̇аро, со вин̃жаадавиаад̣̇иаг̇аамагааран̃н̃з жа мажчаб̣анд̇хаанам̣ аг̇аманабат̇з самуд̣̇д̣̇ад̣̇ийбз жа лаб̣бхад̇и. мажчаб̣анд̇хаанам̣ аг̇аманабат̇о наама уд̣̇агабидтияаа г̇анд̇ваа буна д̇ад̣̇ахзва г̇зхам̣ ааг̇анд̇ум̣ асаггун̣зяяад̇ааяа д̣̇ууро самуд̣̇д̣̇аббад̣̇зсо вужжад̇и.

    Khettanti yavakhettādikhettaṃ. Dhaññakaraṇaṃ khalaṃ. Ārāmo pupphārāmo, phalārāmo ca. Vihāroti ekampi senāsanaṃ vuccati. ‘‘Rukkho nāma yaṃ majjhantike kāle samantā chāyā pharatī’’ti (pārā. 494) vuttappamāṇaparicchanno rukkho. Ajjhokāso nāma sattabbhantaro, so viñcāṭaviādiagāmakāraññe ca macchabandhānaṃ agamanapathe samuddadīpe ca labbhati. Macchabandhānaṃ agamanapatho nāma udakapiṭṭhiyā gantvā puna tadaheva gehaṃ āgantuṃ asakkuṇeyyatāya dūro samuddappadeso vuccati.

    аяам̣ г̇аамаад̣̇иго бажжзгам̣ згуубажааро, наануубажаарод̇и д̣̇увид̇хо. д̇ад̇т̇а аж̇жхогаасам̣ винаа г̇аамаад̣̇иго д̇ам̣д̇ам̣рааж̇аад̣̇исаамигагулаанам̣ згад̇т̇анаанад̇т̇авасзна згагуласанд̇аго жз ход̇и, згуубажааро. наанаагуласанд̇аго жз, наануубажааро ход̇и. вуд̇д̇ан̃хзд̇ам̣ ‘‘г̇аамо згуубажааро наама згагуласса г̇аамо ход̇ий’’д̇иаад̣̇и (баараа. 478). адтагат̇ааяамби вуд̇д̇ам̣ ‘‘згагуласса г̇аамод̇и згасса ран̃н̃о ваа бхож̇агасса ваа г̇аамо’’д̇и жа ‘‘наанаагуласса г̇аамод̇и наанаарааж̇уунам̣ ваа бхож̇агаанам̣ ваа г̇аамо взсаалийгусинаараад̣̇исад̣̇исо’’д̇и (баараа. адта. 2.479) жа.

    Ayaṃ gāmādiko paccekaṃ ekūpacāro, nānūpacāroti duvidho. Tattha ajjhokāsaṃ vinā gāmādiko taṃtaṃrājādisāmikakulānaṃ ekatthanānatthavasena ekakulasantako ce hoti, ekūpacāro. Nānākulasantako ce, nānūpacāro hoti. Vuttañhetaṃ ‘‘gāmo ekūpacāro nāma ekakulassa gāmo hotī’’tiādi (pārā. 478). Aṭṭhakathāyampi vuttaṃ ‘‘ekakulassa gāmoti ekassa rañño vā bhojakassa vā gāmo’’ti ca ‘‘nānākulassa gāmoti nānārājūnaṃ vā bhojakānaṃ vā gāmo vesālīkusinārādisadiso’’ti (pārā. aṭṭha. 2.479) ca.

    згагулзна гаараабид̇о вихааро згуубажааро, наанаагулзхи гаараабид̇о наануубажааро ход̇и. яат̇ааха г̇ан̣тибад̣̇з ‘‘вихаарз згагуланаанаагулавохааро гаараабагаанам̣ васзна вуд̇д̇о’’д̇и. аж̇жхогаасз бана убажаарабхзд̣̇о аб̣бханд̇аравасзна взд̣̇ид̇аб̣б̣о. вуд̇д̇ан̃жзд̇ам̣ баал̣ияам̣ ‘‘аж̇жхогаасо згуубажааро наама аг̇аамагз аран̃н̃з саманд̇аа сад̇д̇аб̣бханд̇араа згуубажааро. д̇ад̇о барам̣ наануубажааро’’д̇и. ид̇ха згам̣ аб̣бханд̇арам̣ адтавийсад̇ирад̇анам̣ ход̇и. яат̇ааха адтагат̇ааяам̣ ‘‘згам̣ аб̣бханд̇арам̣ адтавийсад̇ихад̇т̇а’’нд̇и (баараа. адта. 2.489). звам̣ сан̇кзбад̇о вуд̇д̇асаруубаббабхзд̣̇аани баннараса таанаани д̣̇ассзд̇умааха ‘‘г̇аамаад̣̇ийсу бад̣̇зсзсу д̇ибан̃жасуу’’д̇и. аяамзд̇т̇а сан̇кзбо, вид̇т̇ааро бана баал̣иадтагат̇ааван̣н̣анад̇о взд̣̇ид̇аб̣б̣о.

    Ekakulena kārāpito vihāro ekūpacāro, nānākulehi kārāpito nānūpacāro hoti. Yathāha gaṇṭhipade ‘‘vihāre ekakulanānākulavohāro kārāpakānaṃ vasena vutto’’ti. Ajjhokāse pana upacārabhedo abbhantaravasena veditabbo. Vuttañcetaṃ pāḷiyaṃ ‘‘ajjhokāso ekūpacāro nāma agāmake araññe samantā sattabbhantarā ekūpacāro. Tato paraṃ nānūpacāro’’ti. Idha ekaṃ abbhantaraṃ aṭṭhavīsatiratanaṃ hoti. Yathāha aṭṭhakathāyaṃ ‘‘ekaṃ abbhantaraṃ aṭṭhavīsatihattha’’nti (pārā. aṭṭha. 2.489). Evaṃ saṅkhepato vuttasarūpappabhedāni pannarasa ṭhānāni dassetumāha ‘‘gāmādīsu padesesu tipañcasū’’ti. Ayamettha saṅkhepo, vitthāro pana pāḷiaṭṭhakathāvaṇṇanato veditabbo.

    ‘‘д̇ижийварзна виббаваасзяяаад̇и сан̇гхаадияаа ваа уд̇д̇араасан̇г̇зна ваа анд̇араваасагзна ваа. анд̇ог̇аамз жийварам̣ нигкибид̇ваа’’д̇и (баараа. 476, 478) важанад̇о зд̇т̇а д̇ижийваранд̇и д̇ин̣н̣ам̣ жийвараанаман̃н̃ад̇арамзва жийварам̣ вад̇д̇аб̣б̣ам̣. згарад̇д̇анд̇и виббаваасагирияааяа ажжанд̇асам̣яог̇з убаяог̇аважанам̣. аби-сад̣̇д̣̇зна гим̣ бана д̣̇ирад̇д̇аад̣̇иганд̇и д̣̇ассзд̇и.

    ‘‘Ticīvarena vippavāseyyāti saṅghāṭiyā vā uttarāsaṅgena vā antaravāsakena vā. Antogāme cīvaraṃ nikkhipitvā’’ti (pārā. 476, 478) vacanato ettha ticīvaranti tiṇṇaṃ cīvarānamaññatarameva cīvaraṃ vattabbaṃ. Ekarattanti vippavāsakiriyāya accantasaṃyoge upayogavacanaṃ. Api-saddena kiṃ pana dirattādikanti dasseti.

    сан̇гхасаммуд̇ияаа винаад̇и д̇ижийварам̣ барихарид̇ум̣ асамад̇т̇зна г̇илаанзна бхигкунаа сан̇гхам̣ ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇аяха ‘‘ахам̣ бханд̇з г̇илаано, на саггоми д̇ижийварам̣ аад̣̇ааяа баггамид̇ум̣, сохам̣ бханд̇з сан̇гхам̣ д̇ижийварзна авиббаваасасаммуд̇им̣ яаажаамий’’д̇и д̇игкад̇д̇ум̣ яаажид̇зна сан̇гхзна д̇асса н̃ад̇д̇ид̣̇уд̇ияааяа гаммаваажааяа д̣̇иннам̣ авиббаваасасаммуд̇им̣ винаад̇и вуд̇д̇ам̣ ход̇и. д̇ат̇аа лад̣̇д̇хасаммуд̇игасса г̇илаанасса бхигкуно д̇асмим̣ г̇злан̃н̃з авуубасанд̇з ваа вуубасанд̇зби жийваранигкзбадтаанам̣ ааг̇аманагаалз ваа уббаннз ан̃н̃зби рог̇з авуубасанд̇з д̇ааяаязва саммуд̇ияаа на д̣̇осо.

    Saṅghasammutiyā vināti ticīvaraṃ pariharituṃ asamatthena gilānena bhikkhunā saṅghaṃ vanditvā ukkuṭikaṃ nisīditvā añjaliṃ paggayha ‘‘ahaṃ bhante gilāno, na sakkomi ticīvaraṃ ādāya pakkamituṃ, sohaṃ bhante saṅghaṃ ticīvarena avippavāsasammutiṃ yācāmī’’ti tikkhattuṃ yācitena saṅghena tassa ñattidutiyāya kammavācāya dinnaṃ avippavāsasammutiṃ vināti vuttaṃ hoti. Tathā laddhasammutikassa gilānassa bhikkhuno tasmiṃ gelaññe avūpasante vā vūpasantepi cīvaranikkhepaṭṭhānaṃ āgamanakāle vā uppanne aññepi roge avūpasante tāyayeva sammutiyā na doso.

    603. бхигкунод̇и алад̣̇д̇хасаммуд̇игасса бхигкуно. д̇зна жийварзна. виббавад̇т̇ум̣ на ваддад̇ийд̇и винаа васид̇ум̣ на ваддад̇и. гим̣ вуд̇д̇ам̣ ход̇и? ‘‘згагуласса г̇аамо ход̇и баригкид̇д̇о жа, анд̇ог̇аамз жийварам̣ нигкибид̇ваа анд̇ог̇аамз вад̇т̇аб̣б̣ам̣. абаригкид̇д̇о ход̇и, яасмим̣ гхарз жийварам̣ нигкид̇д̇ам̣ ход̇и, д̇асмим̣ гхарз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣. наанаагуласса г̇аамо ход̇и баригкид̇д̇о жа, яасмим̣ гхарз жийварам̣ нигкид̇д̇ам̣ ход̇и, д̇асмим̣ гхарз вад̇т̇аб̣б̣ам̣ сабхааяз ваа д̣̇ваарамуулз ваа, хад̇т̇абаасаа ваа на виж̇ахид̇аб̣б̣а’’нд̇иаад̣̇инаа (баараа. 478) наязна баал̣ияаа вуд̇д̇адтаанад̇о б̣ахи арун̣ам̣ удтаабзд̇ум̣ на ваддад̇ийд̇и вуд̇д̇ам̣ ход̇и.

    603.Bhikkhunoti aladdhasammutikassa bhikkhuno. Tena cīvarena. Vippavatthuṃ na vaṭṭatīti vinā vasituṃ na vaṭṭati. Kiṃ vuttaṃ hoti? ‘‘Ekakulassa gāmo hoti parikkhitto ca, antogāme cīvaraṃ nikkhipitvā antogāme vatthabbaṃ. Aparikkhitto hoti, yasmiṃ ghare cīvaraṃ nikkhittaṃ hoti, tasmiṃ ghare vatthabbaṃ, hatthapāsā vā na vijahitabbaṃ. Nānākulassa gāmo hoti parikkhitto ca, yasmiṃ ghare cīvaraṃ nikkhittaṃ hoti, tasmiṃ ghare vatthabbaṃ sabhāye vā dvāramūle vā, hatthapāsā vā na vijahitabba’’ntiādinā (pārā. 478) nayena pāḷiyā vuttaṭṭhānato bahi aruṇaṃ uṭṭhāpetuṃ na vaṭṭatīti vuttaṃ hoti.

    имасмим̣ баатз ‘‘баригкид̇д̇о’’д̇и ид̣̇ам̣ баагаарзна ваа вад̇ияаа ваа барикааяа ваа баригкид̇д̇ам̣ санд̇хааяа вуд̇д̇ам̣. хад̇т̇абаасаа ваад̇и зд̇т̇а хад̇т̇абаасаа наама ад̣дхад̇ияарад̇анам̣ ход̇и. яат̇ааха адтагат̇ааяам̣ ‘‘д̇ам̣ гхарам̣ саманд̇ад̇о хад̇т̇абаасаа на виж̇ахид̇аб̣б̣ам̣, ад̣дхад̇зяяарад̇анаббамаан̣аа бад̣̇зсаа уд̣̇д̇хам̣ на виж̇ахид̇аб̣б̣анд̇и вуд̇д̇ам̣ ход̇ий’’д̇и (баараа. адта. 2.477-478).

    Imasmiṃ pāṭhe ‘‘parikkhitto’’ti idaṃ pākārena vā vatiyā vā parikhāya vā parikkhittaṃ sandhāya vuttaṃ. Hatthapāsā vāti ettha hatthapāsā nāma aḍḍhatiyaratanaṃ hoti. Yathāha aṭṭhakathāyaṃ ‘‘taṃ gharaṃ samantato hatthapāsā na vijahitabbaṃ, aḍḍhateyyaratanappamāṇā padesā uddhaṃ na vijahitabbanti vuttaṃ hotī’’ti (pārā. aṭṭha. 2.477-478).

    виббавасанд̇асса го д̣̇осод̇и ааха ‘‘ход̇и…бз… арун̣уг̇г̇амз’’д̇и. анун̃н̃аад̇адтаанад̇о хи б̣ахи жийварзна винаа арун̣ам̣ удтаабзнд̇асса д̇ам̣ жийварам̣ ниссаж̇ж̇ид̇аб̣б̣ам̣ ход̇и, д̇ам̣хзд̇угаа баажид̇д̇ияаабад̇д̇иби ход̇ийд̇и ад̇т̇о. д̇знзва вагкад̇и ‘‘ниссаж̇ж̇ид̇ваа…бз… вин̃н̃унаа’’д̇и.

    Vippavasantassa ko dosoti āha ‘‘hoti…pe… aruṇuggame’’ti. Anuññātaṭṭhānato hi bahi cīvarena vinā aruṇaṃ uṭṭhāpentassa taṃ cīvaraṃ nissajjitabbaṃ hoti, taṃhetukā pācittiyāpattipi hotīti attho. Teneva vakkhati ‘‘nissajjitvā…pe… viññunā’’ti.

    604. нхааяанд̇ассзваад̇и жийварасса хад̇т̇абаасад̇о д̣̇уурз нахааяанд̇ассзва, анаад̣̇арз саамиважанам̣.

    604.Nhāyantassevāti cīvarassa hatthapāsato dūre nahāyantasseva, anādare sāmivacanaṃ.

    606. ажчиннам̣ вилуд̇д̇ам̣ жийварам̣ яасса со ажчиннажийваро, бхигку, д̇асса таанам̣ ажчиннажийварадтаанам̣, д̇асмим̣.

    606. Acchinnaṃ viluttaṃ cīvaraṃ yassa so acchinnacīvaro, bhikkhu, tassa ṭhānaṃ acchinnacīvaraṭṭhānaṃ, tasmiṃ.

    607. ниваасзд̇ваад̇и зд̇т̇а ‘‘анд̇араваасага’’нд̇и жа г̇ахзд̇ваад̇и зд̇т̇а ‘‘ид̇арааний’’д̇и жа сзсо. ид̣̇ан̃жа г̇анд̇аб̣б̣адтаанз, аасаннз маг̇г̇з жа мануссасамб̣аад̇хз асад̇и гад̇д̇аб̣б̣ад̣̇ассанам̣. ид̇арад̇т̇а ниваасзд̇ваа, баарубид̇ваа жа сан̇гхаадим̣ ам̣сз гад̇ваава г̇анд̇аб̣б̣ам̣ ход̇и. вихаарз сабхааг̇зсу алаб̣бхамаанзсу аасанасааламби г̇анд̇ваа сабхааг̇асса санд̇игз винаяагаммам̣ гад̇д̇аб̣б̣анд̇и адтагат̇ааяам̣ (баараа. адта. 2.495 ад̇т̇ад̇о самаанам̣) вуд̇д̇ам̣. ‘‘ниссаж̇ж̇ид̇ваа’’д̇и иминаа ‘‘ид̣̇ам̣ мз бханд̇з жийварам̣ рад̇д̇ивиббавуд̇т̇ам̣ ан̃н̃ад̇ра бхигкусаммуд̇ияаа ниссаг̇г̇ияам̣, имаахам̣ сан̇гхасса ниссаж̇ж̇аамий’’д̇и сан̇гхз ваа ‘‘ид̣̇ам̣ мз бханд̇з жийварам̣…бз… ахам̣ ааяасманд̇аанам̣ ниссаж̇ж̇аамий’’д̇и д̇ин̣н̣ам̣, д̣̇виннам̣ ваа санд̇игз ваа ‘‘ид̣̇ам̣ мз аавусо…бз… имаахам̣ ааяасмад̇о ниссаж̇ж̇аамий’’д̇и згасса санд̇игз ваа вад̇ваа ниссаж̇ж̇ид̇ваад̇и вуд̇д̇ам̣ ход̇и. вин̃н̃унаад̇и звам̣ ниссаг̇г̇ияавад̇т̇униссаж̇ж̇анаад̣̇инаанаббагааравид̇хиж̇аананагзна н̃аан̣авад̇аад̇и ад̇т̇о.

    607.Nivāsetvāti ettha ‘‘antaravāsaka’’nti ca gahetvāti ettha ‘‘itarānī’’ti ca seso. Idañca gantabbaṭṭhāne, āsanne magge ca manussasambādhe asati kattabbadassanaṃ. Itarattha nivāsetvā, pārupitvā ca saṅghāṭiṃ aṃse katvāva gantabbaṃ hoti. Vihāre sabhāgesu alabbhamānesu āsanasālampi gantvā sabhāgassa santike vinayakammaṃ kattabbanti aṭṭhakathāyaṃ (pārā. aṭṭha. 2.495 atthato samānaṃ) vuttaṃ. ‘‘Nissajjitvā’’ti iminā ‘‘idaṃ me bhante cīvaraṃ rattivippavutthaṃ aññatra bhikkhusammutiyā nissaggiyaṃ, imāhaṃ saṅghassa nissajjāmī’’ti saṅghe vā ‘‘idaṃ me bhante cīvaraṃ…pe… ahaṃ āyasmantānaṃ nissajjāmī’’ti tiṇṇaṃ, dvinnaṃ vā santike vā ‘‘idaṃ me āvuso…pe… imāhaṃ āyasmato nissajjāmī’’ti ekassa santike vā vatvā nissajjitvāti vuttaṃ hoti. Viññunāti evaṃ nissaggiyavatthunissajjanādinānappakāravidhijānanakena ñāṇavatāti attho.

    608. д̇ам̣ ниссаг̇г̇ияажийварам̣.

    608.Taṃ nissaggiyacīvaraṃ.

    609. ‘‘ад̣̇знд̇асса жа ниссадтам̣ д̣̇уггада’’нд̇и иминаа ‘‘б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аа, ниссадтажийварам̣ д̣̇аад̇аб̣б̣а’’нд̇и вуд̇д̇ад̇д̇аа имам̣ вид̇хим̣ ж̇аананад̇ааяа б̣яад̇д̇зна яат̇аавид̇хим̣ гаад̇ум̣ самад̇т̇ад̇ааяа бадиб̣алзна канд̇хагз (жуул̣ава. 239) ааг̇ад̇анаязна аабад̇д̇им̣ бадиг̇г̇ахзд̇ваа ниссадтажийварам̣ хад̇т̇зна г̇ахзд̇ваа нисийд̣̇аабзд̇ваа сажз сан̇гхо ход̇и, ‘‘сун̣аад̇у мз бханд̇з сан̇гхо, ид̣̇ам̣ жийварам̣ ид̇т̇аннаамасса бхигкуно ниссаг̇г̇ияам̣ сан̇гхасса ниссадтам̣, яад̣̇и сан̇гхасса бад̇д̇агаллам̣, сан̇гхо имам̣ жийварам̣ ид̇т̇аннаамасса бхигкуно д̣̇ад̣̇зяяаа’’д̇и, сажз д̇аяо хонд̇и, ‘‘сун̣анд̇у мз ааяасманд̇аа, ид̣̇ам̣ жийварам̣ ид̇т̇аннаамасса бхигкуно ниссаг̇г̇ияам̣ ааяасманд̇аанам̣ ниссадтам̣, яад̣̇ааяасманд̇аанам̣ бад̇д̇агаллам̣, ааяасманд̇аа имам̣ жийварам̣ ид̇т̇аннаамасса бхигкуно д̣̇ад̣̇зяяу’’нд̇и, сажз згаго ход̇и, ‘‘имам̣ жийварам̣ ааяасмад̇о д̣̇аммий’’д̇и д̣̇аад̇аб̣б̣ам̣, ниссадтажийварам̣ ‘‘ад̇д̇аноязва д̣̇инна’’нд̇и суд̣̇д̇хасан̃н̃ааяа г̇ахзд̇ваа ад̣̇знд̇асса д̣̇уггадам̣ ход̇ийд̇и вуд̇д̇ам̣ ход̇и.

    609.‘‘Adentassa ca nissaṭṭhaṃ dukkaṭa’’nti iminā ‘‘byattena bhikkhunā paṭibalena āpatti paṭiggahetabbā, nissaṭṭhacīvaraṃ dātabba’’nti vuttattā imaṃ vidhiṃ jānanatāya byattena yathāvidhiṃ kātuṃ samatthatāya paṭibalena khandhake (cūḷava. 239) āgatanayena āpattiṃ paṭiggahetvā nissaṭṭhacīvaraṃ hatthena gahetvā nisīdāpetvā sace saṅgho hoti, ‘‘suṇātu me bhante saṅgho, idaṃ cīvaraṃ itthannāmassa bhikkhuno nissaggiyaṃ saṅghassa nissaṭṭhaṃ, yadi saṅghassa pattakallaṃ, saṅgho imaṃ cīvaraṃ itthannāmassa bhikkhuno dadeyyā’’ti, sace tayo honti, ‘‘suṇantu me āyasmantā, idaṃ cīvaraṃ itthannāmassa bhikkhuno nissaggiyaṃ āyasmantānaṃ nissaṭṭhaṃ, yadāyasmantānaṃ pattakallaṃ, āyasmantā imaṃ cīvaraṃ itthannāmassa bhikkhuno dadeyyu’’nti, sace ekako hoti, ‘‘imaṃ cīvaraṃ āyasmato dammī’’ti dātabbaṃ, nissaṭṭhacīvaraṃ ‘‘attanoyeva dinna’’nti suddhasaññāya gahetvā adentassa dukkaṭaṃ hotīti vuttaṃ hoti.

    д̇асса санд̇агабхаавам̣ н̃ад̇ваа лзсзна вилумбанд̇асса бана бхан̣д̣аг̇гхавасзна д̣̇уггадат̇уллажжаяабаарааж̇игаабад̇д̇ияо хонд̇и. яат̇ааха адтагат̇ааяам̣ ‘‘д̇асса санд̇агабхаавам̣ бана н̃ад̇ваа лзсзна ажчинд̣̇анд̇о бхан̣д̣ам̣ аг̇гхаабзд̇ваа гаарзд̇аб̣б̣о’’д̇и (баараа. адта. 2.469). барияаабуд̇анд̇и ‘‘на бхигкавз ниссадтажийварам̣ на д̣̇аад̇аб̣б̣ам̣, яо на д̣̇ад̣̇зяяа, аабад̇д̇и д̣̇уггадассаа’’д̇и (баараа. 470) баал̣ияам̣ вуд̇д̇анд̇и ад̇т̇о.

    Tassa santakabhāvaṃ ñatvā lesena vilumpantassa pana bhaṇḍagghavasena dukkaṭathullaccayapārājikāpattiyo honti. Yathāha aṭṭhakathāyaṃ ‘‘tassa santakabhāvaṃ pana ñatvā lesena acchindanto bhaṇḍaṃ agghāpetvā kāretabbo’’ti (pārā. aṭṭha. 2.469). Pariyāputanti ‘‘na bhikkhave nissaṭṭhacīvaraṃ na dātabbaṃ, yo na dadeyya, āpatti dukkaṭassā’’ti (pārā. 470) pāḷiyaṃ vuttanti attho.

    610-1. т̇зрз д̣̇ахарз жаад̇и зд̇зсу убхосуби маг̇г̇ам̣ г̇ажчанд̇зсууд̇и яож̇анаа. ‘‘т̇зрз’’д̇и иминаа аниссид̇абхаавамааха, ‘‘д̣̇ахарз жаа’’д̇и иминаа ниссид̇абхаавам̣. охийнзд̇и осаггид̇з. сажз со т̇зро ниссаяаажарияо бхавзяяаад̇и ад̇хиббааязнааха ‘‘г̇ару’’нд̇и. д̇асмим̣ д̣̇ахарз. вад̇т̇анд̇и д̇асса хад̇т̇з тид̇ажийварам̣. на бассамбхад̇ийд̇и д̇хуранигкзбам̣ агад̇ваа г̇аманз сауссаахад̇д̇аа ниссаяабадиббассад̣̇д̇хи на ход̇ийд̇и ад̇хиббааяо. д̇знзва ‘‘мухуд̇д̇а’’нд̇иаад̣̇имааха.

    610-1. There dahare cāti etesu ubhosupi maggaṃ gacchantesūti yojanā. ‘‘There’’ti iminā anissitabhāvamāha, ‘‘dahare cā’’ti iminā nissitabhāvaṃ. Ohīneti osakkite. Sace so thero nissayācariyo bhaveyyāti adhippāyenāha ‘‘garu’’nti. Tasmiṃ dahare. Vatthanti tassa hatthe ṭhitacīvaraṃ. Na passambhatīti dhuranikkhepaṃ akatvā gamane saussāhattā nissayapaṭippassaddhi na hotīti adhippāyo. Teneva ‘‘muhutta’’ntiādimāha.

    614. бажжуд̣̇д̇хаарз анд̇оязваарун̣зд̇и иминаа самб̣анд̇хо, д̣̇ахарабхигкуно д̣̇уурабхааван̃жа арун̣уг̇г̇аманан̃жа н̃ад̇ваа жийварасса аниссаг̇г̇ияад̇т̇ам̣ д̇асса хад̇т̇з тид̇абхаавам̣ саллагкзд̇ваа бураарун̣аа бажжуд̣̇д̇харзд̇и ад̇т̇о. виссаж̇ж̇зд̇ийд̇и ан̃н̃асса д̣̇зд̇и. винассад̇ийд̇и жораад̣̇ийхи нассад̇и.

    614. Paccuddhāre antoyevāruṇeti iminā sambandho, daharabhikkhuno dūrabhāvañca aruṇuggamanañca ñatvā cīvarassa anissaggiyatthaṃ tassa hatthe ṭhitabhāvaṃ sallakkhetvā purāruṇā paccuddhareti attho. Vissajjetīti aññassa deti. Vinassatīti corādīhi nassati.

    д̣̇уд̇ияагат̇инагат̇ааван̣н̣анаа.

    Dutiyakathinakathāvaṇṇanā.

    616. агаалажийваранд̇и ‘‘агаалажийварам̣ наама анад̇т̇ад̇з гат̇инз згаад̣̇асамаасз уббаннам̣, ад̇т̇ад̇з гат̇инз сад̇д̇амаасз уббаннам̣, гаалзби аад̣̇исса д̣̇инна’’нд̇и (баараа. 500) важанад̇о анад̇т̇ад̇агат̇инз вихаарз ‘‘жийварамаасо’’д̇и яо буб̣б̣агад̇д̇игагаал̣абагкабаадибад̣̇ад̇о бадтааяа яаава абарагад̇д̇игабун̣н̣амий, д̇аава маасо вужжад̇и, д̇ад̇о барзсу згаад̣̇асасу маасзсу уббаннан̃жа ад̇т̇ад̇агат̇инз вихаарз яо жийварамаасо, хзманд̇аа жа жад̇д̇ааро маасаад̇и бан̃жамаасад̇о б̣ахи сад̇д̇асу маасзсу уббаннан̃жа ад̇т̇ад̇агат̇инз бан̃жа маасаа яат̇аабарижчиннагаалз сан̇гхасса жа ‘‘ид̣̇ам̣ агаалажийварам̣ д̣̇аммий’’д̇и буг̇г̇аласса жа ‘‘ид̣̇ам̣ д̇уяхам̣ д̣̇аммий’’д̇и д̣̇иннан̃жзд̇и ид̣̇ам̣ агаалажийваранд̇и ад̇т̇о. ‘‘уббанна’’нд̇и сзсо, ‘‘уббаж̇ж̇зяяа сан̇гхад̇о ваа г̇ан̣ад̇о ваа н̃аад̇ид̇о ваа мид̇д̇ад̇о ваа бам̣сугуулад̇о ваа ад̇д̇ано ваа д̇ханзнаа’’д̇и (баараа. 500) важанад̇о сан̇гхасса ваа ‘‘ид̣̇ам̣ суд̇д̇анд̇игаг̇ан̣асса д̣̇зма, ид̣̇ам̣ аабхид̇хаммигаг̇ан̣асса д̣̇змаа’’д̇иаад̣̇инаа наязна г̇ан̣асса ваа д̣̇иннад̇о ад̇д̇ано вассаг̇г̇зна ваа н̃аад̇иаад̣̇ид̇о ваа сусаанаад̣̇ибам̣сугуулакзд̇д̇ад̇о ваа ад̇д̇ано санд̇агзна суд̇д̇агаббаасаад̣̇игаббияавад̇т̇уд̇о ваа уббаннажийваранд̇и ад̇т̇о.

    616.Akālacīvaranti ‘‘akālacīvaraṃ nāma anatthate kathine ekādasamāse uppannaṃ, atthate kathine sattamāse uppannaṃ, kālepi ādissa dinna’’nti (pārā. 500) vacanato anatthatakathine vihāre ‘‘cīvaramāso’’ti yo pubbakattikakāḷapakkhapāṭipadato paṭṭhāya yāva aparakattikapuṇṇamī, tāva māso vuccati, tato paresu ekādasasu māsesu uppannañca atthatakathine vihāre yo cīvaramāso, hemantā ca cattāro māsāti pañcamāsato bahi sattasu māsesu uppannañca atthatakathine pañca māsā yathāparicchinnakāle saṅghassa ca ‘‘idaṃ akālacīvaraṃ dammī’’ti puggalassa ca ‘‘idaṃ tuyhaṃ dammī’’ti dinnañceti idaṃ akālacīvaranti attho. ‘‘Uppanna’’nti seso, ‘‘uppajjeyya saṅghato vā gaṇato vā ñātito vā mittato vā paṃsukūlato vā attano vā dhanenā’’ti (pārā. 500) vacanato saṅghassa vā ‘‘idaṃ suttantikagaṇassa dema, idaṃ ābhidhammikagaṇassa demā’’tiādinā nayena gaṇassa vā dinnato attano vassaggena vā ñātiādito vā susānādipaṃsukūlakhettato vā attano santakena suttakappāsādikappiyavatthuto vā uppannacīvaranti attho.

    маасабарамам̣ нигкибзд̇и маасо барамам̣ бамаан̣ам̣ зд̇асса нигкибанассаад̇и маасабарамам̣, нигкибананд̇и гирияаависзсанам̣ гаад̇аб̣б̣ам̣, маасабарамам̣ нигкибанам̣ гарзяяаад̇и вуд̇д̇ам̣ ход̇и. ‘‘ааган̇камаанзна бхигкунаа бадиг̇г̇ахзд̇аб̣б̣ам̣, бадиг̇г̇ахзд̇ваа киббамзва гаарзд̇аб̣б̣ам̣, но жасса баарибуурий, маасабарамам̣ д̇зна бхигкунаа д̇ам̣ жийварам̣ нигкибид̇аб̣б̣ам̣ уунасса баарибуурияаа’’д̇и (баараа. 500) важанад̇о звам̣ уббаннам̣ жийварам̣ ижчанд̇зна бадиг̇г̇ахзд̇ваа сажз баход̇и, д̣̇асаахаманад̇иггаамзд̇ваа гаарзд̇аб̣б̣ам̣. сажз наббаход̇и, уунасса барибууран̣ад̇т̇ам̣ маасабарамам̣ табзд̇аб̣б̣анд̇и ад̇т̇о.

    Māsaparamaṃ nikkhipeti māso paramaṃ pamāṇaṃ etassa nikkhipanassāti māsaparamaṃ, nikkhipananti kiriyāvisesanaṃ kātabbaṃ, māsaparamaṃ nikkhipanaṃ kareyyāti vuttaṃ hoti. ‘‘Ākaṅkhamānena bhikkhunā paṭiggahetabbaṃ, paṭiggahetvā khippameva kāretabbaṃ, no cassa pāripūrī, māsaparamaṃ tena bhikkhunā taṃ cīvaraṃ nikkhipitabbaṃ ūnassa pāripūriyā’’ti (pārā. 500) vacanato evaṃ uppannaṃ cīvaraṃ icchantena paṭiggahetvā sace pahoti, dasāhamanatikkāmetvā kāretabbaṃ. Sace nappahoti, ūnassa paripūraṇatthaṃ māsaparamaṃ ṭhapetabbanti attho.

    гад̣̇аа звам̣ нигкибид̇аб̣б̣анд̇и ааха ‘‘сад̇и бажжаасааяаа’’д̇и, ‘‘бажжаасаа ход̇и сан̇гхад̇о ваа г̇ан̣ад̇о ваа н̃аад̇ид̇о ваа мид̇д̇ад̇о ваа бам̣сугуулад̇о ваа ад̇д̇ано ваа д̇ханзнаа’’д̇и (баараа. 500) вуд̇д̇асан̇гхаад̣̇ид̇о ад̇д̇ано вассаг̇г̇аад̣̇ид̇о лабхзяяа, д̇зна ‘‘имасса уунз барибун̣н̣з гаарзссаамий’’д̇и бажжаасааяа сад̇и звам̣ нигкибид̇аб̣б̣анд̇и ад̇т̇о. д̇ад̇о уд̣̇д̇хам̣ табзд̇ум̣ на ваддад̇ийд̇и маасад̇о ад̇ирзгагаалам̣ нигкибид̇ум̣ на ваддад̇и, ниссаг̇г̇ияабаажид̇д̇ияам̣ ход̇ийд̇и ад̇т̇о.

    Kadā evaṃ nikkhipitabbanti āha ‘‘sati paccāsāyā’’ti, ‘‘paccāsā hoti saṅghato vā gaṇato vā ñātito vā mittato vā paṃsukūlato vā attano vā dhanenā’’ti (pārā. 500) vuttasaṅghādito attano vassaggādito labheyya, tena ‘‘imassa ūne paripuṇṇe kāressāmī’’ti paccāsāya sati evaṃ nikkhipitabbanti attho. Tato uddhaṃṭhapetuṃna vaṭṭatīti māsato atirekakālaṃ nikkhipituṃ na vaṭṭati, nissaggiyapācittiyaṃ hotīti attho.

    яад̣̇и звам̣ ‘‘д̇ад̣̇ахуббаннз муулажийварз бажжаасаажийварам̣ уббаж̇ж̇ад̇и, д̣̇асаахаа гаарзд̇аб̣б̣ам̣…бз… вийсз уббаннз муулажийварз бажжаасаажийварам̣ уббаж̇ж̇ад̇и, д̣̇асаахаа гаарзд̇аб̣б̣а’’нд̇и (баараа. 500) гасмаа аахаад̇и? бажжаасаажийварасса д̣̇асад̣̇ивасз ад̇иггамма табзд̇ум̣ аяуд̇д̇ад̇д̇аа, муулажийварасса д̇аг̇г̇ад̇игад̇д̇аа звам̣ вуд̇д̇ам̣. яат̇ааха адтагат̇ааяам̣ ‘‘муулажийварасса уббаннад̣̇ивасад̇о яаава вийсад̇имо д̣̇ивасо, д̇аава уббаннам̣ бажжаасаажийварам̣ муулажийварам̣ ад̇д̇ано г̇ад̇игам̣ гарод̇ий’’д̇и (баараа. адта. 2.500).

    Yadi evaṃ ‘‘tadahuppanne mūlacīvare paccāsācīvaraṃ uppajjati, dasāhā kāretabbaṃ…pe… vīse uppanne mūlacīvare paccāsācīvaraṃ uppajjati, dasāhā kāretabba’’nti (pārā. 500) kasmā āhāti? Paccāsācīvarassa dasadivase atikkamma ṭhapetuṃ ayuttattā, mūlacīvarassa taggatikattā evaṃ vuttaṃ. Yathāha aṭṭhakathāyaṃ ‘‘mūlacīvarassa uppannadivasato yāva vīsatimo divaso, tāva uppannaṃ paccāsācīvaraṃ mūlacīvaraṃ attano gatikaṃ karotī’’ti (pārā. aṭṭha. 2.500).

    д̇ад̇ияагат̇инагат̇ааван̣н̣анаа.

    Tatiyakathinakathāvaṇṇanā.

    618-9. бхигкунияаа яо д̇ховаабзд̇ийд̇и самб̣анд̇хо. ‘‘бхигкуний наама убхад̇осан̇гхз убасамбаннаа’’д̇и (баараа. 500) важанад̇о бхигкунисан̇гхз н̃ад̇д̇ижад̇уд̇т̇ааяа гаммаваажааяа, бхигкусан̇гхз н̃ад̇д̇ижад̇уд̇т̇ааяа гаммаваажааяаад̇и адтаваажигааяа убасамбаннаа бхигкуний наама. бхуд̇д̇анд̇и бхигкунаа ад̇д̇анаа барибхуд̇д̇ам̣ раж̇ид̇ам̣ аад̣̇иннагаббам̣, ‘‘барибхог̇ам̣ гариссаамий’’д̇и анд̇амасо сийсам̣ табзд̇ваа саяанамад̇д̇знааби бураан̣абхууд̇ам̣ жийваранд̇и ад̇т̇о. яат̇ааха адтагат̇ааяам̣ ‘‘раж̇ид̇ваа габбам̣ гад̇ваа згаваарамби нивад̇т̇ам̣ ваа бааруд̇ам̣ ваа анд̇амасо барибхог̇асийсзна ам̣сз ваа мад̇т̇агз ваа гад̇ваа маг̇г̇ам̣ г̇ад̇о ход̇и, уссийсагам̣ ваа гад̇ваа нибанно ход̇и, зд̇амби бураан̣ажийварамзваа’’д̇и (баараа. адта. 2.503-505). вад̇т̇анд̇и гаарияз гааран̣обажааравасзна жийварамзва ааха.

    618-9. Bhikkhuniyā yo dhovāpetīti sambandho. ‘‘Bhikkhunī nāma ubhatosaṅghe upasampannā’’ti (pārā. 500) vacanato bhikkhunisaṅghe ñatticatutthāya kammavācāya, bhikkhusaṅghe ñatticatutthāya kammavācāyāti aṭṭhavācikāya upasampannā bhikkhunī nāma. Bhuttanti bhikkhunā attanā paribhuttaṃ rajitaṃ ādinnakappaṃ, ‘‘paribhogaṃ karissāmī’’ti antamaso sīsaṃ ṭhapetvā sayanamattenāpi purāṇabhūtaṃ cīvaranti attho. Yathāha aṭṭhakathāyaṃ ‘‘rajitvā kappaṃ katvā ekavārampi nivatthaṃ vā pārutaṃ vā antamaso paribhogasīsena aṃse vā matthake vā katvā maggaṃ gato hoti, ussīsakaṃ vā katvā nipanno hoti, etampi purāṇacīvaramevā’’ti (pārā. aṭṭha. 2.503-505). Vatthanti kāriye kāraṇopacāravasena cīvarameva āha.

    ан̃н̃аад̇игааяаад̇и ‘‘ан̃н̃аад̇игаа наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хаа’’д̇и важанад̇о ад̇д̇ано ваа д̇ассаа ваа маад̇у ваа бид̇у ваа барамбарааяа яаава сад̇д̇амаа яуг̇аа, зд̇т̇анд̇арз язна гзнажи н̃аад̇агзна асамб̣ад̣̇д̇хабхаавзна ан̃н̃аад̇игааяаад̇и ад̇т̇о. яат̇аа жааха адтагат̇ааяам̣ ‘‘бид̇аамахоязва бид̇аамахаяуг̇ам̣. д̇ад̇о уд̣̇д̇хам̣ саб̣б̣зби буб̣б̣абурисаа бид̇аамахаг̇г̇ахан̣знзва г̇ахид̇аа. звам̣ яаава сад̇д̇амо бурисо, д̇аава яаа асамб̣ад̣̇д̇хаа’’д̇и (баараа. адта. 2.503-505). аагодаабзд̇ийд̇и бахараабзд̇и.

    Aññātikāyāti ‘‘aññātikā nāma mātito vā pitito vā yāva sattamā pitāmahayugā asambaddhā’’ti vacanato attano vā tassā vā mātu vā pitu vā paramparāya yāva sattamā yugā, etthantare yena kenaci ñātakena asambaddhabhāvena aññātikāyāti attho. Yathā cāha aṭṭhakathāyaṃ ‘‘pitāmahoyeva pitāmahayugaṃ. Tato uddhaṃ sabbepi pubbapurisā pitāmahaggahaṇeneva gahitā. Evaṃ yāva sattamo puriso, tāva yā asambaddhā’’ti (pārā. aṭṭha. 2.503-505). Ākoṭāpetīti paharāpeti.

    д̇ад̇о д̇ховаабанаад̣̇ид̇о. ниссаг̇г̇ияаабад̇д̇ийд̇и ниссаг̇г̇ияасса аабад̇д̇и ниссаг̇г̇ияаабад̇д̇и, ниссаг̇г̇ияасса жийварасса наамзна висидтаа баажид̇д̇ияаабад̇д̇и ход̇ийд̇и ад̇т̇о. ид̣̇ан̃жа д̇ин̣н̣ам̣ баяог̇аанам̣ анд̇з аабаж̇ж̇ид̇аб̣б̣ааяа аабад̇д̇ияаа д̣̇ассанам̣. д̇асса нияог̇зна д̇хованаад̣̇им̣ гаронд̇ияаа бхигкунияаа д̇ад̣̇ад̇т̇ам̣ саб̣б̣абуб̣б̣абаяог̇аг̇ан̣анааяа бхигкуно д̣̇уггадам̣ ход̇ийд̇и г̇ахзд̇аб̣б̣о. яат̇ааха адтагат̇ааяам̣ ‘‘яаава нам̣ д̇ховид̇ваа угкибад̇и, д̇аава бхигкунияаа баяог̇з баяог̇з бхигкусса д̣̇уггада’’нд̇и (баараа. адта. 2.503-505). батамзнаад̇и д̇ийн̣иби гаараабзнд̇асса яам̣ батамам̣ гаараабзд̇и, д̇знаад̇и ад̇т̇о. д̣̇ийбид̇анд̇и ‘‘ан̃н̃аад̇игааяа ан̃н̃аад̇игасан̃н̃ий бураан̣ажийварам̣ д̇ховаабзд̇и раж̇аабзд̇и аагодаабзд̇и, ниссаг̇г̇иязна аабад̇д̇и д̣̇виннам̣ д̣̇уггадаана’’нд̇иаад̣̇инаа (баараа. 506) д̣̇зсид̇ам̣. иминаа наязна д̣̇вз гаараабзнд̇асса батамзна ниссаг̇г̇ияаабад̇д̇и, д̣̇уд̇иязна д̣̇уггаданд̇и аяамад̇т̇о сан̇г̇аяхад̇и.

    Tato dhovāpanādito. Nissaggiyāpattīti nissaggiyassa āpatti nissaggiyāpatti, nissaggiyassa cīvarassa nāmena visiṭṭhā pācittiyāpatti hotīti attho. Idañca tiṇṇaṃ payogānaṃ ante āpajjitabbāya āpattiyā dassanaṃ. Tassa niyogena dhovanādiṃ karontiyā bhikkhuniyā tadatthaṃ sabbapubbapayogagaṇanāya bhikkhuno dukkaṭaṃ hotīti gahetabbo. Yathāha aṭṭhakathāyaṃ ‘‘yāva naṃ dhovitvā ukkhipati, tāva bhikkhuniyā payoge payoge bhikkhussa dukkaṭa’’nti (pārā. aṭṭha. 2.503-505). Paṭhamenāti tīṇipi kārāpentassa yaṃ paṭhamaṃ kārāpeti, tenāti attho. Dīpitanti ‘‘aññātikāya aññātikasaññī purāṇacīvaraṃ dhovāpeti rajāpeti ākoṭāpeti, nissaggiyena āpatti dvinnaṃ dukkaṭāna’’ntiādinā (pārā. 506) desitaṃ. Iminā nayena dve kārāpentassa paṭhamena nissaggiyāpatti, dutiyena dukkaṭanti ayamattho saṅgayhati.

    620. ‘‘д̇хованад̇т̇ааяа д̣̇зд̇ий’’д̇и иминаа ‘‘бхуд̇д̇ам̣ вад̇т̇а’’нд̇и ад̇хигаарад̇о лаб̣бхад̇и.

    620.‘‘Dhovanatthāya detī’’ti iminā ‘‘bhuttaṃ vattha’’nti adhikārato labbhati.

    621. сааман̣зранид̣̇д̣̇зсзбийд̇и ‘‘сааман̣зраа’’д̇и нид̣̇д̣̇зсо наама яасса, д̇асмимби, ад̇д̇анаа барибхуд̇д̇ам̣ вад̇т̇ам̣ д̇хованад̇т̇ааяа д̣̇зд̇ийд̇и яож̇анаа, ад̇д̇ано барибхуд̇д̇ам̣ жийварам̣ д̇хованад̇т̇ааяа сааман̣зрасса д̣̇зд̇ийд̇и ад̇т̇о. би-сад̣̇д̣̇о самужжаяад̇т̇о. убасамбаж̇ж̇аад̇и буб̣б̣агирияааяа ‘‘д̇ховад̇ий’’д̇и абарагирияаа саамад̇т̇ияаа лаб̣бхад̇и.

    621.Sāmaṇeraniddesepīti ‘‘sāmaṇerā’’ti niddeso nāma yassa, tasmimpi, attanā paribhuttaṃ vatthaṃ dhovanatthāya detīti yojanā, attano paribhuttaṃ cīvaraṃ dhovanatthāya sāmaṇerassa detīti attho. Pi-saddo samuccayattho. Upasampajjāti pubbakiriyāya ‘‘dhovatī’’ti aparakiriyā sāmatthiyā labbhati.

    622. д̣̇ахараанан̃жа бхигкуунанд̇и ад̇д̇ано навагад̇араанам̣ бхигкуунам̣. нияяаад̣̇ид̇з д̣̇иннз. зса наяод̇и ‘‘згзна баажид̇д̇ияам̣, авасидтзхи д̣̇вийхи ваа згзна ваа саб̣б̣абаяог̇зсу д̣̇уггадам̣ ход̇ий’’д̇и наяо.

    622.Daharānañca bhikkhūnanti attano navakatarānaṃ bhikkhūnaṃ. Niyyādite dinne. Esa nayoti ‘‘ekena pācittiyaṃ, avasiṭṭhehi dvīhi vā ekena vā sabbapayogesu dukkaṭaṃ hotī’’ti nayo.

    623. жийварзд̇и барибхуд̇д̇ажийварз.

    623.Cīvareti paribhuttacīvare.

    624. ‘‘д̇хованаббажжаяааязваа’’д̇и иминаа ид̇арад̣̇ваяасса д̇асса анаан̣ад̇д̇ияаа гад̇ад̇д̇аа д̇ад̇о анаабад̇д̇ибхаавамааха.

    624.‘‘Dhovanappaccayāyevā’’ti iminā itaradvayassa tassa anāṇattiyā katattā tato anāpattibhāvamāha.

    626. н̃аад̇игаад̇и зд̇т̇а ‘‘бадисан̇каа яонисо’’д̇иаад̣̇ийсу (ма. ни. 1.22-23, 422; а. ни. 6.58; 8.9; махаани. 206; д̇ха. са. 1355; вибха. 518) вияа г̇аат̇ааб̣анд̇хавасзна яа-гааралобо, н̃аад̇игааяа бхигкунияаад̇и ад̇т̇о. ‘‘н̃аад̇игаа ан̃н̃аад̇исан̃н̃иссаа’’д̇и бад̣̇ажчзд̣̇о. бажжад̇т̇аран̣анд̇и ман̃жабийтз ад̇т̇арид̇аб̣б̣ам̣ бажжад̇т̇аран̣ажийваран̃жа.

    626.Ñātikāti ettha ‘‘paṭisaṅkhā yoniso’’tiādīsu (ma. ni. 1.22-23, 422; a. ni. 6.58; 8.9; mahāni. 206; dha. sa. 1355; vibha. 518) viya gāthābandhavasena ya-kāralopo, ñātikāya bhikkhuniyāti attho. ‘‘Ñātikā aññātisaññissā’’ti padacchedo. Paccattharaṇanti mañcapīṭhe attharitabbaṃ paccattharaṇacīvarañca.

    627. ‘‘бхигкунийнам̣ васзнаа’’д̇и ид̣̇ам̣ бхигкусан̇гхзби убасамбаннаа жз, баажид̇д̇ияасамбхаваа вуд̇д̇ам̣ . яат̇ааха адтагат̇ааяам̣ ‘‘бхигкуунам̣ санд̇игз убасамбаннааяа бана яат̇аавад̇т̇угамзваа’’д̇и (баараа. адта. 2.506). бхигкунисан̇гхз батамам̣ убасамбаж̇ж̇ид̇ваа бажчаа бхигкусан̇гхз жз убасамбаж̇ж̇ад̇и, гзвалам̣ бхигкусан̇гхз убасамбаннаад̇и на вужжад̇ийд̇и д̇аа бхаг̇авад̇и д̇харамаанз батамам̣ баб̣б̣аж̇ид̇аа бан̃жасад̇аа саагияаанияо вужжанд̇и. яат̇ааха адтагат̇ааяам̣ ‘‘бхигкуунам̣ санд̇игз убасамбаннаа наама бан̃жасад̇аа саагияаанияо’’д̇и (баараа. адта. 2.506). бхигкуно лин̇г̇з баривад̇д̇з д̇ассзва убасамбаннагаммасса анун̃н̃аад̇ад̇д̇аа соби г̇ахзд̇аб̣б̣оязва.

    627.‘‘Bhikkhunīnaṃ vasenā’’ti idaṃ bhikkhusaṅghepi upasampannā ce, pācittiyasambhavā vuttaṃ . Yathāha aṭṭhakathāyaṃ ‘‘bhikkhūnaṃ santike upasampannāya pana yathāvatthukamevā’’ti (pārā. aṭṭha. 2.506). Bhikkhunisaṅghe paṭhamaṃ upasampajjitvā pacchā bhikkhusaṅghe ce upasampajjati, kevalaṃ bhikkhusaṅghe upasampannāti na vuccatīti tā bhagavati dharamāne paṭhamaṃ pabbajitā pañcasatā sākiyāniyo vuccanti. Yathāha aṭṭhakathāyaṃ ‘‘bhikkhūnaṃ santike upasampannā nāma pañcasatā sākiyāniyo’’ti (pārā. aṭṭha. 2.506). Bhikkhuno liṅge parivatte tasseva upasampannakammassa anuññātattā sopi gahetabboyeva.

    628. авуд̇д̇аа д̇ховад̇ийд̇и ‘‘имам̣ жийварам̣ д̇ховаа’’д̇и авуд̇д̇аа жийварам̣ гилидтам̣ д̣̇исваа авад̇ваа табид̇адтаанад̇о жийварам̣ г̇ахзд̇ваа ваа саяамзва вад̇ваа яаажанаад̣̇инаязна ваа анаан̣ад̇д̇ияаа жа г̇ахзд̇ваа жийварад̇хованаад̣̇им̣ гарзяяа жз. абарибхуд̇д̇ам̣ ваад̇и хздтаа вуд̇д̇анаязна абарибхуд̇д̇ам̣ жийварам̣. ан̃н̃ам̣ ваад̇и убааханад̇т̇авигабад̇д̇ад̇т̇авигабод̇т̇агад̇т̇авигаман̃жабийтаад̣̇им̣ яам̣ гин̃жи баригкаарам̣.

    628.Avuttā dhovatīti ‘‘imaṃ cīvaraṃ dhovā’’ti avuttā cīvaraṃ kiliṭṭhaṃ disvā avatvā ṭhapitaṭṭhānato cīvaraṃ gahetvā vā sayameva vatvā yācanādinayena vā anāṇattiyā ca gahetvā cīvaradhovanādiṃ kareyya ce. Aparibhuttaṃ vāti heṭṭhā vuttanayena aparibhuttaṃ cīvaraṃ. Aññaṃ vāti upāhanatthavikapattatthavikapotthakatthavikamañcapīṭhādiṃ yaṃ kiñci parikkhāraṃ.

    бураан̣ажийварад̇ховаабанагат̇ааван̣н̣анаа.

    Purāṇacīvaradhovāpanakathāvaṇṇanā.

    629. вигаббанубаг̇ам̣ бажчимам̣ убаад̣̇ааяа гин̃жи жийварам̣ г̇ан̣хад̇од̇и яож̇анаа, зд̇т̇а ‘‘ан̃н̃аад̇игааяа бхигкунияаа хад̇т̇ад̇о’’д̇и жа ‘‘н̃аад̇игааяа ан̃н̃аад̇игасан̃н̃иссаа’’д̇и жа ‘‘згад̇оубасамбаннааяа хад̇т̇ад̇о г̇ан̣хаад̇ий’’д̇и жа вагкамаанаважанасаамад̇т̇ияаа лаб̣бхамаанад̇о буб̣б̣з вуд̇д̇анаязна ан̃н̃аад̇игааяа убхад̇осан̇гхз убасамбаннааяа бхигкунияаа хад̇т̇ад̇о вигаббанубаг̇арад̇анавид̣̇ад̇т̇иббамаан̣авад̇т̇ад̇о бадтааяа яам̣ гин̃жи жийварам̣ г̇ан̣ханд̇ассаад̇и ад̇т̇о. ‘‘аабад̇д̇ий’’д̇и сааман̃н̃зна вуд̇д̇зби ‘‘ниссаг̇г̇ияаа баажид̇д̇ияаабад̇д̇ий’’д̇и багаран̣ад̇о жа ‘‘ниссаг̇г̇ияаабад̇д̇ий’’д̇и вагкамаанад̇о жа лаб̣бхад̇и. табзд̇ваа бааривад̇д̇аганд̇и ‘‘бааривад̇д̇агам̣ барид̇д̇зна ваа вибулам̣, вибулзна ваа барид̇д̇а’’нд̇и (баараа. 514) важанад̇о махаабажжарияам̣ ‘‘анд̇амасо харийд̇агакан̣д̣знаабий’’д̇и (баараа. адта. 2.514) вуд̇д̇ад̇д̇аа жа хздтиманд̇ад̇о харийд̇агакан̣д̣амби д̣̇ад̇ваа г̇ахзд̇аб̣б̣ам̣ д̇ижийваран̃жа бааривад̇д̇агам̣ наама ход̇и, д̇ам̣ табзд̇ваад̇и вуд̇д̇ам̣ ход̇и. баривад̇д̇анам̣ баривад̇д̇ам̣, д̇ам̣ зд̇асса ад̇т̇ийд̇и бааривад̇д̇агам̣, гаяавиггаязна г̇ахзд̇аб̣б̣ам̣ жийваранд̇и ад̇т̇о.

    629. Vikappanupagaṃ pacchimaṃ upādāya kiñci cīvaraṃ gaṇhatoti yojanā, ettha ‘‘aññātikāya bhikkhuniyā hatthato’’ti ca ‘‘ñātikāya aññātikasaññissā’’ti ca ‘‘ekatoupasampannāya hatthato gaṇhātī’’ti ca vakkhamānavacanasāmatthiyā labbhamānato pubbe vuttanayena aññātikāya ubhatosaṅghe upasampannāya bhikkhuniyā hatthato vikappanupagaratanavidatthippamāṇavatthato paṭṭhāya yaṃ kiñci cīvaraṃ gaṇhantassāti attho. ‘‘Āpattī’’ti sāmaññena vuttepi ‘‘nissaggiyā pācittiyāpattī’’ti pakaraṇato ca ‘‘nissaggiyāpattī’’ti vakkhamānato ca labbhati. Ṭhapetvā pārivattakanti ‘‘pārivattakaṃ parittena vā vipulaṃ, vipulena vā paritta’’nti (pārā. 514) vacanato mahāpaccariyaṃ ‘‘antamaso harītakakhaṇḍenāpī’’ti (pārā. aṭṭha. 2.514) vuttattā ca heṭṭhimantato harītakakhaṇḍampi datvā gahetabbaṃ ticīvarañca pārivattakaṃ nāma hoti, taṃ ṭhapetvāti vuttaṃ hoti. Parivattanaṃ parivattaṃ, taṃ etassa atthīti pārivattakaṃ, kayavikkayena gahetabbaṃ cīvaranti attho.

    630. г̇ахан̣ад̇т̇ааяа баяог̇зд̇и г̇ан̣хид̇ум̣ хад̇т̇абасааран̣аад̣̇иббаяог̇з. барияаабуд̇анд̇и ‘‘бадиг̇г̇ан̣хаад̇и баяог̇з д̣̇уггада’’нд̇и (баараа. 512) д̣̇зсид̇ам̣.

    630.Gahaṇatthāyapayogeti gaṇhituṃ hatthapasāraṇādippayoge. Pariyāputanti ‘‘paṭiggaṇhāti payoge dukkaṭa’’nti (pārā. 512) desitaṃ.

    631. анубасамбаннахад̇т̇зд̇и бхигкубхигкунид̇о ан̃н̃з саб̣б̣з анубасамбаннаа г̇ахид̇аа. яат̇ааха адтагат̇ааяам̣ ‘‘сажз бана сигкамаанаасааман̣зрасааман̣зриубаасагаубаасигаанам̣ хад̇т̇з бзсид̇ам̣ бадиг̇г̇ан̣хаад̇и, анаабад̇д̇ий’’д̇и (баараа. адта. 2.512).

    631.Anupasampannahattheti bhikkhubhikkhunito aññe sabbe anupasampannā gahitā. Yathāha aṭṭhakathāyaṃ ‘‘sace pana sikkhamānāsāmaṇerasāmaṇeriupāsakaupāsikānaṃ hatthe pesitaṃ paṭiggaṇhāti, anāpattī’’ti (pārā. aṭṭha. 2.512).

    632. згад̇од̇и зд̇т̇а бхигкунисан̇гхад̇од̇и г̇ахзд̇аб̣б̣ам̣. ан̃н̃асмим̣ багкз баажид̇д̇ияамзва. яат̇ааха адтагат̇ааяам̣ ‘‘бхигкуунам̣ санд̇игз убасамбаннааяа бана баажид̇д̇ияамзваа’’д̇и (баараа. адта. 2.513).

    632.Ekatoti ettha bhikkhunisaṅghatoti gahetabbaṃ. Aññasmiṃ pakkhe pācittiyameva. Yathāha aṭṭhakathāyaṃ ‘‘bhikkhūnaṃ santike upasampannāya pana pācittiyamevā’’ti (pārā. aṭṭha. 2.513).

    633. ‘‘бааривад̇д̇агам̣ д̣̇ассаамий’’д̇и аабхог̇ам̣ гад̇ваа г̇ан̣хаад̇и, д̣̇осо на виж̇ж̇ад̇ийд̇и яож̇анаа.

    633. ‘‘Pārivattakaṃ dassāmī’’ti ābhogaṃ katvā gaṇhāti, doso na vijjatīti yojanā.

    634. ан̃н̃ам̣ баригкааранд̇и т̇авигагааяаб̣анд̇ханаад̣̇и авигаббияам̣ ваа авигаббанубаг̇ам̣ ваа баригкаарамзва г̇ахзд̇аб̣б̣ам̣. вигаббанубаг̇ам̣ бана на ваддад̇и. яат̇ааха адтагат̇ааяам̣ ‘‘вигаббанубаг̇ам̣ бажчимажийвараббамаан̣ам̣ бана бадабариссааванамби на ваддад̇ий’’д̇и (баараа. адта. 2.514). жийварабадиг̇г̇ан̣ханам̣ гирияаа, бааривад̇д̇агасса ад̣̇аанам̣ агирияаад̇и гирияааяа жа агирияааяа жа аабаж̇ж̇ид̇аб̣б̣ад̇о грияаагрияам̣.

    634.Aññaṃ parikkhāranti thavikakāyabandhanādi avikappiyaṃ vā avikappanupagaṃ vā parikkhārameva gahetabbaṃ. Vikappanupagaṃ pana na vaṭṭati. Yathāha aṭṭhakathāyaṃ ‘‘vikappanupagaṃ pacchimacīvarappamāṇaṃ pana paṭaparissāvanampi na vaṭṭatī’’ti (pārā. aṭṭha. 2.514). Cīvarapaṭiggaṇhanaṃ kiriyā, pārivattakassa adānaṃ akiriyāti kiriyāya ca akiriyāya ca āpajjitabbato kriyākriyaṃ.

    жийварабадиг̇г̇ахан̣агат̇ааван̣н̣анаа.

    Cīvarapaṭiggahaṇakathāvaṇṇanā.

    635. ‘‘ан̃н̃аад̇агам̣ аббаваарид̇а’’нд̇и бад̣̇ажчзд̣̇о. ‘‘г̇ахабад̇им̣ ваа г̇ахабад̇ааним̣ ваа’’д̇и баатасзсо. вуд̇д̇ан̃хи бхаг̇авад̇аа ‘‘ан̃н̃аад̇агам̣ г̇ахабад̇им̣ ваа г̇ахабад̇ааним̣ ваа’’д̇и (баараа. 516, 518). буб̣б̣з вуд̇д̇анаязна яаава сад̇д̇амаа бид̇аамахаяуг̇аа самб̣ад̣̇д̇хан̃н̃аад̇игад̇ааяа абхаавад̇о ан̃н̃аад̇агам̣. ‘‘яам̣ маяхам̣ г̇зхз ад̇т̇и, д̇ам̣ баваарзмий’’д̇иаад̣̇инаа наязна аббаваарид̇ам̣. ‘‘г̇ахабад̇и наама яо гожи аг̇аарам̣ аж̇жхаавасад̇ий’’д̇и (баараа. 519) баал̣ияам̣ вуд̇д̇ам̣ г̇ахабад̇им̣ ваа. ‘‘г̇ахабад̇ааний наама яаа гаажи аг̇аарам̣ аж̇жхаавасад̇ий’’д̇и (баараа. 519) баал̣ияам̣ вуд̇д̇ам̣ гхаран̣им̣ ваад̇и ад̇т̇о.

    635. ‘‘Aññātakaṃ appavārita’’nti padacchedo. ‘‘Gahapatiṃ vā gahapatāniṃ vā’’ti pāṭhaseso. Vuttañhi bhagavatā ‘‘aññātakaṃ gahapatiṃ vā gahapatāniṃ vā’’ti (pārā. 516, 518). Pubbe vuttanayena yāva sattamā pitāmahayugā sambaddhaññātikatāya abhāvato aññātakaṃ. ‘‘Yaṃ mayhaṃ gehe atthi, taṃ pavāremī’’tiādinā nayena appavāritaṃ. ‘‘Gahapati nāma yo koci agāraṃ ajjhāvasatī’’ti (pārā. 519) pāḷiyaṃ vuttaṃ gahapatiṃ vā. ‘‘Gahapatānī nāma yā kāci agāraṃ ajjhāvasatī’’ti (pārā. 519) pāḷiyaṃ vuttaṃ gharaṇiṃ vāti attho.

    ход̇и ниссаг̇г̇ияаабад̇д̇ийд̇и ‘‘ан̃н̃ад̇ра самаяаа вин̃н̃аабзд̇и, баяог̇з д̣̇уггадам̣, бадилаабхзна ниссаг̇г̇ияам̣ ход̇ий’’д̇и (баараа. 519) баал̣ияам̣ вуд̇д̇зсу саб̣б̣зсу буб̣б̣абаяог̇зсу д̣̇уггадзна сад̣̇д̇хим̣ ниссаг̇г̇ияабаажид̇д̇ияам̣ ход̇ийд̇и вуд̇д̇ам̣ ход̇и. ан̃н̃ад̇ра самаяаад̇и ‘‘д̇ад̇т̇ааяам̣ самаяо, ажчиннажийваро ваа ход̇и бхигку надтажийваро ваа’’д̇и (баараа. 518) маад̇игааяа, ‘‘ажчиннажийваро наама бхигкусса жийварам̣ ажчиннам̣ ход̇и рааж̇уухи ваа жорзхи ваа д̇худ̇д̇зхи ваа язхи гзхижи ваа ажчиннам̣ ход̇и. надтажийваро наама бхигкусса жийварам̣ аг̇г̇инаа ваа д̣̇ад̣дхам̣ ход̇и, уд̣̇агзна ваа вуул̣хам̣ ход̇и, унд̣̇уурзхи ваа убажигаахи ваа кааяид̇ам̣ ход̇ий’’д̇и (баараа. 519) бад̣̇абхааж̇анз жа нид̣̇д̣̇идтасаруубагаалад̇о ан̃н̃ад̇раад̇и ад̇т̇о.

    Hoti nissaggiyāpattīti ‘‘aññatra samayā viññāpeti, payoge dukkaṭaṃ, paṭilābhena nissaggiyaṃ hotī’’ti (pārā. 519) pāḷiyaṃ vuttesu sabbesu pubbapayogesu dukkaṭena saddhiṃ nissaggiyapācittiyaṃ hotīti vuttaṃ hoti. Aññatra samayāti ‘‘tatthāyaṃ samayo, acchinnacīvaro vā hoti bhikkhu naṭṭhacīvaro vā’’ti (pārā. 518) mātikāya, ‘‘acchinnacīvaro nāma bhikkhussa cīvaraṃ acchinnaṃ hoti rājūhi vā corehi vā dhuttehi vā yehi kehici vā acchinnaṃ hoti. Naṭṭhacīvaro nāma bhikkhussa cīvaraṃ agginā vā daḍḍhaṃ hoti, udakena vā vūḷhaṃ hoti, undūrehi vā upacikāhi vā khāyitaṃ hotī’’ti (pārā. 519) padabhājane ca niddiṭṭhasarūpakālato aññatrāti attho.

    636. д̇игабаажид̇д̇ияам̣ вуд̇д̇анд̇и ‘‘ан̃н̃аад̇агз ан̃н̃аад̇агасан̃н̃ий, взмад̇иго, н̃аад̇агасан̃н̃ий ан̃н̃ад̇ра самаяаа жийварам̣ вин̃н̃аабзд̇и, ниссаг̇г̇ияам̣ баажид̇д̇ияа’’нд̇и (баараа. 520) баажид̇д̇ияад̇д̇аяам̣ бхаг̇авад̇аа вуд̇д̇ам̣. ‘‘н̃аад̇агз ан̃н̃аад̇исан̃н̃иссаа’’д̇и бад̣̇ажчзд̣̇о. д̇ад̇т̇аад̇и д̇асмим̣ н̃аад̇агз. взмад̇игассаад̇и ‘‘н̃аад̇аго ну ко, ан̃н̃аад̇аго’’д̇и взмад̇игасса. д̣̇вигад̣̇уггадам̣ д̇ат̇зваад̇и яож̇анаа. ‘‘д̇ат̇зваа’’д̇и ‘‘вуд̇д̇а’’нд̇и ид̣̇ам̣ аагад̣дхад̇и, ‘‘н̃аад̇агз ан̃н̃аад̇агасан̃н̃ий, взмад̇иго ан̃н̃ад̇ра самаяаа жийварам̣ вин̃н̃аабзд̇и, аабад̇д̇и д̣̇уггадассаа’’д̇и (баараа. 520) д̣̇зсид̇анд̇и ад̇т̇о.

    636.Tikapācittiyaṃ vuttanti ‘‘aññātake aññātakasaññī, vematiko, ñātakasaññī aññatra samayā cīvaraṃ viññāpeti, nissaggiyaṃ pācittiya’’nti (pārā. 520) pācittiyattayaṃ bhagavatā vuttaṃ. ‘‘Ñātake aññātisaññissā’’ti padacchedo. Tatthāti tasmiṃ ñātake. Vematikassāti ‘‘ñātako nu kho, aññātako’’ti vematikassa. Dvikadukkaṭaṃ tathevāti yojanā. ‘‘Tathevā’’ti ‘‘vutta’’nti idaṃ ākaḍḍhati, ‘‘ñātake aññātakasaññī, vematiko aññatra samayā cīvaraṃ viññāpeti, āpatti dukkaṭassā’’ti (pārā. 520) desitanti attho.

    637-8. самаяз вин̃н̃аабзнд̇асса анаабад̇д̇ийд̇и яож̇анаа. зд̇т̇а ‘‘жийварам̣ ан̃н̃аад̇агааббаваарид̇а’’нд̇и аанзд̇ваа самб̣анд̇хид̇аб̣б̣ам̣, яат̇аабарижчиннагаалад̣̇ваяад̇о ан̃н̃ад̇арасмим̣ гаалз ан̃н̃аад̇агааббаваарид̇ам̣ жийварам̣ вин̃н̃аабзнд̇асса анаабад̇д̇ийд̇и ад̇т̇о. н̃аад̇агз ваа баваарид̇зд̇и зд̇т̇ааби ‘‘ад̇д̇ано’’д̇и аж̇жхаахааро, ‘‘самаяз’’д̇и иминаа яож̇зд̇аб̣б̣ам̣, ад̇д̇ано н̃аад̇агабаваарид̇з асамаязби жийварам̣ вин̃н̃аабзнд̇асса анаабад̇д̇ийд̇и ад̇т̇о. ан̃н̃ассад̇т̇ааяаад̇и зд̇т̇а ‘‘ад̇д̇ано’’д̇и сзсо, ад̇д̇ано н̃аад̇агз, баваарид̇з ваа вин̃н̃аабзнд̇асса анаабад̇д̇ийд̇и яож̇анаа, ан̃н̃ам̣ бхигкум̣ ниссааяа ад̇д̇ано н̃аад̇агз ваа баваарид̇з ваа жийварам̣ вин̃н̃аабзнд̇асса анаабад̇д̇ийд̇и вуд̇д̇ам̣ ход̇и. ид̇арам̣ багкам̣ д̣̇ассзд̇и ‘‘д̇асса н̃аад̇агз ваа баваарид̇з ваа’’д̇и. д̇ассаад̇и ‘‘ан̃н̃ассаа’’д̇и вуд̇д̇асса, ‘‘вин̃н̃аабзнд̇асса анаабад̇д̇ий’’д̇и иминаа яож̇зд̇аб̣б̣ам̣. ваад̇и буримавигаббаабзгкам̣. яам̣ санд̇хааяа жийварам̣ вин̃н̃аабзд̇и, д̇асса н̃аад̇агз ваа баваарид̇з ваа д̇ам̣язва санд̇хааяа жийварам̣ вин̃н̃аабзнд̇асса анаабад̇д̇ийд̇и вуд̇д̇ам̣ ход̇и.

    637-8. Samaye viññāpentassa anāpattīti yojanā. Ettha ‘‘cīvaraṃ aññātakaappavārita’’nti ānetvā sambandhitabbaṃ, yathāparicchinnakāladvayato aññatarasmiṃ kāle aññātakaappavāritaṃ cīvaraṃ viññāpentassa anāpattīti attho. Ñātake vā pavāriteti etthāpi ‘‘attano’’ti ajjhāhāro, ‘‘samaye’’ti iminā yojetabbaṃ, attano ñātakapavārite asamayepi cīvaraṃ viññāpentassa anāpattīti attho. Aññassatthāyāti ettha ‘‘attano’’ti seso, attano ñātake, pavārite vā viññāpentassa anāpattīti yojanā, aññaṃ bhikkhuṃ nissāya attano ñātake vā pavārite vā cīvaraṃ viññāpentassa anāpattīti vuttaṃ hoti. Itaraṃ pakkhaṃ dasseti ‘‘tassa ñātake vā pavārite vā’’ti. Tassāti ‘‘aññassā’’ti vuttassa, ‘‘viññāpentassa anāpattī’’ti iminā yojetabbaṃ. Vāti purimavikappāpekkhaṃ. Yaṃ sandhāya cīvaraṃ viññāpeti, tassa ñātake vā pavārite vā taṃyeva sandhāya cīvaraṃ viññāpentassa anāpattīti vuttaṃ hoti.

    ‘‘ад̇д̇ано ваа д̇ханзнаа’’д̇и вуд̇д̇ам̣ анаабад̇д̇иан̇г̇ам̣ уммад̇д̇агаад̣̇инод̇и зд̇т̇а аад̣̇и-сад̣̇д̣̇зна сан̇г̇аяхад̇и , ад̇д̇ано санд̇агам̣ суд̇д̇агаббаасаад̣̇игам̣ габбияавад̇т̇ум̣ д̣̇ад̇ваа г̇ан̣хид̇угаамад̇ааяа агаббияавохаарзна яаажанд̇асса жа анаабад̇д̇ийд̇и ад̇т̇о.

    ‘‘Attano vā dhanenā’’ti vuttaṃ anāpattiaṅgaṃ ummattakādinoti ettha ādi-saddena saṅgayhati , attano santakaṃ suttakappāsādikaṃ kappiyavatthuṃ datvā gaṇhitukāmatāya akappiyavohārena yācantassa ca anāpattīti attho.

    ан̃н̃аад̇агавин̃н̃ад̇д̇игат̇ааван̣н̣анаа.

    Aññātakaviññattikathāvaṇṇanā.

    639. аббаваарид̇аман̃н̃аад̇инд̇и зд̇т̇а ‘‘г̇ахабад̇им̣ ваа г̇ахабад̇ааним̣ ваа’’д̇и ид̣̇ам̣ саамад̇т̇ияаа лаб̣бхад̇и. д̇ад̇уд̇д̇аринд̇и д̇ад̇о санд̇аруд̇д̇арабарамад̇о уд̇д̇аринд̇и г̇ахзд̇аб̣б̣ам̣, ‘‘санд̇аруд̇д̇арабарамам̣ д̇зна бхигкунаа д̇ад̇о жийварам̣ саад̣̇ид̇аб̣б̣а’’нд̇и (баараа. 523) вуд̇д̇ад̇д̇аа ажчиннажийварзна саад̣̇ид̇аб̣б̣аанд̇араваасагауд̇д̇араасан̇г̇амад̇д̇зна ад̇хиганд̇и ад̇т̇о.

    639.Appavāritamaññātinti ettha ‘‘gahapatiṃ vā gahapatāniṃ vā’’ti idaṃ sāmatthiyā labbhati. Tatuttarinti tato santaruttaraparamato uttarinti gahetabbaṃ, ‘‘santaruttaraparamaṃ tena bhikkhunā tato cīvaraṃ sāditabba’’nti (pārā. 523) vuttattā acchinnacīvarena sāditabbaantaravāsakauttarāsaṅgamattena adhikanti attho.

    ‘‘д̇ад̇о жз уд̇д̇ари саад̣̇иязяяаа’’д̇и (баараа. 523) важанад̇о ‘‘саад̣̇ияанд̇ассаа’’д̇и вад̇д̇аб̣б̣ам̣, звам̣ вад̇д̇аб̣б̣з ‘‘вин̃н̃аабзнд̇ассаа’’д̇и гасмаа вуд̇д̇анд̇и? ажчиннажийвараанам̣ бхигкуунам̣ чаб̣б̣аг̇г̇иязхи бхигкуухи жийваравин̃н̃аабанавад̇т̇усмим̣ ‘‘гат̇ан̃хи наама д̇умхз могхабурисаа на мад̇д̇ам̣ ж̇аанид̇ваа б̣ахум̣ жийварам̣ вин̃н̃аабзссат̇аа’’д̇и (баараа. 522) чаб̣б̣аг̇г̇ияз бхигкуу г̇арахид̇ваа имасса сигкаабад̣̇асса бан̃н̃ад̇д̇ад̇д̇аа ‘‘саад̣̇ид̇аб̣б̣а’’нд̇и зд̇т̇а вин̃н̃аабзд̇аб̣б̣анд̇и ад̇т̇о ход̇и, д̇знзва имасмим̣ бад̣̇абхааж̇анз ‘‘д̇ад̇о жз уд̇д̇ари саад̣̇иязяяаад̇и д̇ад̇уд̇д̇ари вин̃н̃аабзд̇ий’’д̇и (баараа. 524) жа аабад̇д̇ибхзд̣̇асанд̣̇ассанадтаанз ‘‘ан̃н̃аад̇агз ан̃н̃аад̇агасан̃н̃ий д̇ад̇уд̇д̇ари жийварам̣ вин̃н̃аабзд̇и, ниссаг̇г̇ияам̣ баажид̇д̇ияа’’нд̇иаад̣̇иважанад̇о (баараа. 525) жа вуд̇д̇ам̣. яад̣̇и звам̣ сигкаабад̣̇зязва ‘‘саад̣̇ид̇аб̣б̣ам̣, саад̣̇иязяяаа’’д̇и жа убхаяад̇т̇а ‘‘вин̃н̃аабзд̇аб̣б̣ам̣, вин̃н̃аабзяяаа’’д̇и жа гасмаа на вуд̇д̇анд̇и? ажчиннажийварабхаавам̣ н̃ад̇ваа авин̃н̃аабид̇зби абхихарид̇ваа д̣̇ияяамаанамби ад̇хиваасзнд̇зна звамзва саад̣̇ид̇аб̣б̣анд̇и на вуд̇д̇ам̣. имассзва жа ад̇хигавин̃н̃аабананисзд̇ханад̇т̇ам̣ вад̣̇анд̇знааби ‘‘д̇ан̃жз ан̃н̃аад̇аго г̇ахабад̇и ваа г̇ахабад̇ааний ваа б̣ахуухи жийварзхи абхихадтум̣ баваарзяяа, санд̇аруд̇д̇арабарамам̣ д̇зна бхигкунаа д̇ад̇о жийварам̣ саад̣̇ид̇аб̣б̣а’’нд̇и саад̣̇ид̇аб̣б̣анияамаббад̇хаанам̣ вуд̇д̇ам̣. д̇асмаа ажчиннажийварзна ад̇д̇анаа ваа д̇ам̣ санд̇хааяа ан̃н̃зна ваа вин̃н̃аабзнд̇знаби авин̃н̃аабзнд̇зби д̣̇ияяамаанам̣ саад̣̇ияанд̇знааби санд̇аруд̇д̇арабарамад̇ам̣ наад̇иггамид̇аб̣б̣анд̇и имасмим̣ сигкаабад̣̇з санд̇хааяа бхаасид̇ад̇т̇од̇и саллагкзд̇аб̣б̣анд̇и зд̇д̇агам̣ н̃аабзд̇ум̣ ‘‘саад̣̇ияанд̇ассаа’’д̇и авад̇ваа ‘‘вин̃н̃аабзнд̇ассаа’’д̇и вуд̇д̇анд̇и аажарияаабхисанд̇хи взд̣̇ид̇аб̣б̣аа.

    ‘‘Tato ce uttari sādiyeyyā’’ti (pārā. 523) vacanato ‘‘sādiyantassā’’ti vattabbaṃ, evaṃ vattabbe ‘‘viññāpentassā’’ti kasmā vuttanti? Acchinnacīvarānaṃ bhikkhūnaṃ chabbaggiyehi bhikkhūhi cīvaraviññāpanavatthusmiṃ ‘‘kathañhi nāma tumhe moghapurisā na mattaṃ jānitvā bahuṃ cīvaraṃ viññāpessathā’’ti (pārā. 522) chabbaggiye bhikkhū garahitvā imassa sikkhāpadassa paññattattā ‘‘sāditabba’’nti ettha viññāpetabbanti attho hoti, teneva imasmiṃ padabhājane ‘‘tato ce uttari sādiyeyyāti tatuttari viññāpetī’’ti (pārā. 524) ca āpattibhedasandassanaṭṭhāne ‘‘aññātake aññātakasaññī tatuttari cīvaraṃ viññāpeti, nissaggiyaṃ pācittiya’’ntiādivacanato (pārā. 525) ca vuttaṃ. Yadi evaṃ sikkhāpadeyeva ‘‘sāditabbaṃ, sādiyeyyā’’ti ca ubhayattha ‘‘viññāpetabbaṃ, viññāpeyyā’’ti ca kasmā na vuttanti? Acchinnacīvarabhāvaṃ ñatvā aviññāpitepi abhiharitvā diyyamānampi adhivāsentena evameva sāditabbanti na vuttaṃ. Imasseva ca adhikaviññāpananisedhanatthaṃ vadantenāpi ‘‘tañce aññātako gahapati vā gahapatānī vā bahūhi cīvarehi abhihaṭṭhuṃ pavāreyya, santaruttaraparamaṃ tena bhikkhunā tato cīvaraṃ sāditabba’’nti sāditabbaniyamappadhānaṃ vuttaṃ. Tasmā acchinnacīvarena attanā vā taṃ sandhāya aññena vā viññāpentenapi aviññāpentepi diyyamānaṃ sādiyantenāpi santaruttaraparamataṃ nātikkamitabbanti imasmiṃ sikkhāpade sandhāya bhāsitatthoti sallakkhetabbanti ettakaṃ ñāpetuṃ ‘‘sādiyantassā’’ti avatvā ‘‘viññāpentassā’’ti vuttanti ācariyābhisandhi veditabbā.

    640. ид̣̇аани вин̃н̃аабанз жа ад̇хиваасанз жа убхаяад̇т̇зва нияамам̣ д̣̇ассзд̇ум̣ ‘‘сажз д̇ийн̣и надтаани хонд̇и, д̣̇вз саад̣̇ид̇аб̣б̣аани. д̣̇вз надтаани, згам̣ саад̣̇ид̇аб̣б̣ам̣. згам̣ надтам̣, на гин̃жи саад̣̇ид̇аб̣б̣а’’нд̇и (баараа. 524) бад̣̇абхааж̇анз вуд̇д̇авинижчаяам̣ д̣̇ассзд̇умааха ‘‘яассаа’’д̇иаад̣̇и. ‘‘яасса д̇ийн̣иби надтаани, д̣̇вз ваа надтаани, згам̣ ваа надта’’нд̇и самб̣анд̇хид̇ваа яат̇ааггамам̣ ‘‘д̇зна д̣̇вз саад̣̇ид̇аб̣б̣аани, згам̣ саад̣̇ид̇аб̣б̣ам̣, на гин̃жиби саад̣̇ид̇аб̣б̣а’’нд̇и яож̇анаа гаад̇аб̣б̣аа. яасса д̇ийн̣иби жийвараани надтаани, б̣аху жа д̣̇ияяад̇и, д̇зна д̣̇взязва жийвараани саад̣̇ид̇аб̣б̣аани. д̣̇вз жийвараани надтаани, згам̣ саад̣̇ид̇аб̣б̣ам̣. зган̃жз надтам̣, на саад̣̇ид̇аб̣б̣ам̣, авасидтам̣ бажчаа д̇хаммзна самзна лад̣̇д̇ханийхаарзна г̇ахзд̇аб̣б̣анд̇и ад̇т̇о. яат̇ааха адтагат̇ааяам̣ ‘‘сзсам̣ сабхааг̇адтаанад̇о бариязсиссад̇ий’’д̇и. ‘‘бхигкунияаа бана бан̃жасуби надтзсу д̣̇вз саад̣̇ид̇аб̣б̣аани, жад̇уусу надтзсу згам̣ саад̣̇ид̇аб̣б̣ам̣, д̇ийсу надтзсу гин̃жи на саад̣̇ид̇аб̣б̣а’’нд̇и (баараа. адта. 2.522-524) адтагат̇ааяам̣ вуд̇д̇ам̣.

    640. Idāni viññāpane ca adhivāsane ca ubhayattheva niyamaṃ dassetuṃ ‘‘sace tīṇi naṭṭhāni honti, dve sāditabbāni. Dve naṭṭhāni, ekaṃ sāditabbaṃ. Ekaṃ naṭṭhaṃ, na kiñci sāditabba’’nti (pārā. 524) padabhājane vuttavinicchayaṃ dassetumāha ‘‘yassā’’tiādi. ‘‘Yassa tīṇipi naṭṭhāni, dve vā naṭṭhāni, ekaṃ vā naṭṭha’’nti sambandhitvā yathākkamaṃ ‘‘tena dve sāditabbāni, ekaṃ sāditabbaṃ, na kiñcipi sāditabba’’nti yojanā kātabbā. Yassa tīṇipi cīvarāni naṭṭhāni, bahu ca diyyati, tena dveyeva cīvarāni sāditabbāni. Dve cīvarāni naṭṭhāni, ekaṃ sāditabbaṃ. Ekañce naṭṭhaṃ, na sāditabbaṃ, avasiṭṭhaṃ pacchā dhammena samena laddhanīhārena gahetabbanti attho. Yathāha aṭṭhakathāyaṃ ‘‘sesaṃ sabhāgaṭṭhānato pariyesissatī’’ti. ‘‘Bhikkhuniyā pana pañcasupi naṭṭhesu dve sāditabbāni, catūsu naṭṭhesu ekaṃ sāditabbaṃ, tīsu naṭṭhesu kiñci na sāditabba’’nti (pārā. aṭṭha. 2.522-524) aṭṭhakathāyaṃ vuttaṃ.

    641-2. сзсагам̣ аахаранд̇асса анаабад̇д̇ийд̇и н̃аад̇аб̣б̣анд̇и яож̇анаа. звамубариби яож̇зд̇аб̣б̣ам̣. жийварам̣ яож̇зд̇ваа ад̇ирзгам̣ вад̇т̇ам̣ бажжаахарид̇ваа ‘‘д̣̇ассаамий’’д̇и б̣ахумби г̇ахзд̇ваа г̇ажчанд̇асса анаабад̇д̇ийд̇и ад̇т̇о. ад̇ирзгамби д̇умхзязва г̇ан̣хат̇аад̇и д̣̇иннам̣ г̇ан̣хад̇оби анаабад̇д̇и. на ажчиннагааран̣аа д̣̇иннзд̇и яож̇анаа, ажчиннажийварабхаавам̣ ануд̣̇д̣̇исса б̣ахуунам̣ жийвараанам̣ г̇ахан̣анимид̇д̇знааби анаабад̇д̇ийд̇и ад̇т̇о. звамзва ‘‘на надтагааран̣аа д̣̇знд̇ий’’д̇и ид̣̇амби д̣̇ассид̇амзва. ажчиннажийварз ниссааяа д̇ад̇уд̇д̇арижийваравин̃н̃аабанавад̇т̇умхи имасса сигкаабад̣̇асса бан̃н̃ад̇д̇ад̇д̇аа анаабад̇д̇иваарз ‘‘ан̃н̃ассад̇т̇ааяаа’’д̇и на г̇ахид̇ам̣.

    641-2. Sesakaṃ āharantassa anāpattīti ñātabbanti yojanā. Evamuparipi yojetabbaṃ. Cīvaraṃ yojetvā atirekaṃ vatthaṃ paccāharitvā ‘‘dassāmī’’ti bahumpi gahetvā gacchantassa anāpattīti attho. Atirekampi tumheyeva gaṇhathāti dinnaṃ gaṇhatopi anāpatti. Na acchinnakāraṇā dinneti yojanā, acchinnacīvarabhāvaṃ anuddissa bahūnaṃ cīvarānaṃ gahaṇanimittenāpi anāpattīti attho. Evameva ‘‘na naṭṭhakāraṇā dentī’’ti idampi dassitameva. Acchinnacīvare nissāya tatuttaricīvaraviññāpanavatthumhi imassa sikkhāpadassa paññattattā anāpattivāre ‘‘aññassatthāyā’’ti na gahitaṃ.

    д̇ад̇уд̇д̇аригат̇ааван̣н̣анаа.

    Tatuttarikathāvaṇṇanā.

    643. галяаан̣агамяад̇аахзд̇ууд̇и сунд̣̇арасса махаг̇гхасса гаамад̇ам̣ бадижжа жийварз вигаббанам̣ аабаж̇ж̇зяяаад̇и яож̇анаа, ‘‘гийд̣̇исзна д̇з бханд̇з жийварзна ад̇т̇о’’д̇и буб̣б̣з аббаваарид̇о ‘‘ааяад̇ам̣ ваа ход̇у вид̇т̇ад̇ам̣ ваа аббид̇ам̣ ваа сан̣хам̣ ваа’’д̇и (баараа. 529) бад̣̇абхааж̇анз вуд̇д̇ависидтагаббам̣ ад̇хигавид̇хаанам̣ гарод̇ийд̇и ад̇т̇о. д̇асса лаабхаа ниссаг̇г̇ияам̣ бхавзд̇и д̇ат̇аа аббаваарид̇зна худ̇ваа гад̇зна ад̇хигавид̇хаанзна нибпаннажийварасса лаабхаббаяог̇зна д̣̇уггаданиссаг̇г̇ияабаажид̇д̇ияаа хонд̇и.

    643.Kalyāṇakamyatāhetūti sundarassa mahagghassa kāmataṃ paṭicca cīvare vikappanaṃ āpajjeyyāti yojanā, ‘‘kīdisena te bhante cīvarena attho’’ti pubbe appavārito ‘‘āyataṃ vā hotu vitthataṃ vā appitaṃ vā saṇhaṃ vā’’ti (pārā. 529) padabhājane vuttavisiṭṭhakappaṃ adhikavidhānaṃ karotīti attho. Tassa lābhā nissaggiyaṃ bhaveti tathā appavāritena hutvā katena adhikavidhānena nipphannacīvarassa lābhappayogena dukkaṭanissaggiyapācittiyā honti.

    644. махаг̇гхам̣ …бз… вин̃н̃аабзд̇ийд̇и вийсад̇иаг̇гханагам̣ жийварам̣ д̣̇аад̇угаамамхи убаасагз, ‘‘алам̣ маяхам̣ зд̇зна, д̣̇асаг̇гханагам̣ ваа аббаг̇гханагам̣ ваа д̣̇зхий’’д̇и вад̣̇ад̇и.

    644.Mahagghaṃ…pe… viññāpetīti vīsatiagghanakaṃ cīvaraṃ dātukāmamhi upāsake, ‘‘alaṃ mayhaṃ etena, dasagghanakaṃ vā appagghanakaṃ vā dehī’’ti vadati.

    645. ‘‘н̃аад̇агз ан̃н̃аад̇исан̃н̃иссаа’’д̇и бад̣̇ажчзд̣̇о.

    645. ‘‘Ñātake aññātisaññissā’’ti padacchedo.

    батамобагкадагат̇ааван̣н̣анаа.

    Paṭhamopakkhaṭakathāvaṇṇanā.

    646. батамасигкаабад̣̇з згзна убаасагзна бийл̣аа лад̣̇д̇хаа, ид̇ха д̣̇вийхийд̇и зд̇д̇агам̣ наанаагаран̣ам̣. сзсам̣ батамасигкаабад̣̇асад̣̇исамзваад̇и ааха ‘‘д̣̇уд̇ияо…бз… винижчаяо’’д̇и. убагкадабад̣̇зна лагкид̇ам̣ сигкаабад̣̇ам̣ убагкадам̣, д̣̇уд̇ияан̃жа д̇ам̣ убагкадан̃жаад̇и д̣̇уд̇ияобагкадам̣, д̇асмим̣ д̣̇уд̇ияобагкадз. ассаад̇и д̣̇уд̇ияобагкадасса.

    646. Paṭhamasikkhāpade ekena upāsakena pīḷā laddhā, idha dvīhīti ettakaṃ nānākaraṇaṃ. Sesaṃ paṭhamasikkhāpadasadisamevāti āha ‘‘dutiyo…pe… vinicchayo’’ti. Upakkhaṭapadena lakkhitaṃ sikkhāpadaṃ upakkhaṭaṃ, dutiyañca taṃ upakkhaṭañcāti dutiyopakkhaṭaṃ, tasmiṃ dutiyopakkhaṭe. Assāti dutiyopakkhaṭassa.

    д̣̇уд̇ияобагкадагат̇ааван̣н̣анаа.

    Dutiyopakkhaṭakathāvaṇṇanā.

    647. ран̃н̃аа ваад̇и рааж̇ад̇о ваа. рааж̇ад̇о бхог̇г̇ам̣ бхун̃ж̇ид̇аб̣б̣ам̣ асса ад̇т̇ийд̇и ‘‘рааж̇абхог̇г̇о’’д̇и вуд̇д̇о, рааж̇ад̇о бхад̇д̇авзд̇д̇аналаабхид̇о яад̇о гуд̇ожи д̣̇ааяагаа аабхад̇анд̇и самб̣анд̇хо. на жа ваддад̇ийд̇и зд̇т̇а ‘‘ниссаг̇г̇ияабаажид̇д̇ияабхаавад̇о’’д̇и аж̇жхаахарид̇аб̣б̣ам̣. ид̇ха уд̇д̇аригаран̣ийяам̣ ‘‘д̇игкад̇д̇у’’нд̇иаад̣̇иг̇аат̇ааяа (ви. ви. 671) вагкад̇и.

    647.Raññā vāti rājato vā. Rājato bhoggaṃ bhuñjitabbaṃ assa atthīti ‘‘rājabhoggo’’ti vutto, rājato bhattavettanalābhito yato kutoci dāyakā ābhatanti sambandho. Na ca vaṭṭatīti ettha ‘‘nissaggiyapācittiyabhāvato’’ti ajjhāharitabbaṃ. Idha uttarikaraṇīyaṃ ‘‘tikkhattu’’ntiādigāthāya (vi. vi. 671) vakkhati.

    648. жийваражзд̇аабаннавасзна ад̇хиг̇ад̇араж̇ад̇аад̣̇и язна гзнажи барияааязнааби на саад̣̇ид̇аб̣б̣анд̇и д̣̇ассзд̇умааха ‘‘раж̇ад̇ам̣ ваа’’д̇иаад̣̇и. д̇хаваласабхаавад̇ааяа рааж̇ад̇ийд̇и раж̇ад̇ам̣, саж̇жху. ж̇аад̇ам̣ руубам̣ ван̣н̣ааяад̇анамзд̇ассаад̇и ж̇аад̇аруубам̣, суван̣н̣ам̣. гин̃жийд̇и аббамад̇д̇агамби. ад̇д̇ано ваа ад̇т̇ааяа барасса ваа ад̇т̇ааяа д̣̇ияяамаанам̣ гин̃жи г̇ан̣хид̇ум̣ на ваддад̇ийд̇и яож̇анаа.

    648. Cīvaracetāpannavasena adhigatarajatādi yena kenaci pariyāyenāpi na sāditabbanti dassetumāha ‘‘rajataṃ vā’’tiādi. Dhavalasabhāvatāya rājatīti rajataṃ, sajjhu. Jātaṃ rūpaṃ vaṇṇāyatanametassāti jātarūpaṃ, suvaṇṇaṃ. Kiñcīti appamattakampi. Attano vā atthāya parassa vā atthāya diyyamānaṃ kiñci gaṇhituṃ na vaṭṭatīti yojanā.

    649. ад̇д̇ано бадиг̇г̇ахан̣з аабад̇д̇ияаа руубияаг̇ахан̣асигкаабад̣̇з вагкамаанад̇д̇аа ан̃н̃асса ад̇т̇ааяа г̇ахан̣з аабад̇д̇ид̣̇ассанад̇т̇амааха ‘‘ан̃н̃ассад̇т̇ааяаа’’д̇иаад̣̇и. д̇ад̇т̇а ан̃н̃ассад̇т̇ааяаад̇и ан̃н̃асса буг̇г̇аласса, г̇ан̣асса, сан̇гхасса, жзд̇ияасса, навагаммасса ваа ад̇т̇ааяа. нид̣̇д̣̇идтанд̇и аахарид̇ваа ‘‘имам̣ г̇ан̣хат̇аа’’д̇и вуд̇д̇ам̣ раж̇ад̇ам̣, ж̇аад̇аруубам̣ ваа ан̃н̃ам̣ ваа яам̣ гин̃жи ниссаг̇г̇ияад̣̇уггадавад̇т̇ум̣ бадиг̇г̇ан̣хад̇о д̇асса бхигкуно д̣̇уггадам̣ ход̇ийд̇и махаабажжарияам̣ вуд̇д̇анд̇и яож̇анаа.

    649. Attano paṭiggahaṇe āpattiyā rūpiyagahaṇasikkhāpade vakkhamānattā aññassa atthāya gahaṇe āpattidassanatthamāha ‘‘aññassatthāyā’’tiādi. Tattha aññassatthāyāti aññassa puggalassa, gaṇassa, saṅghassa, cetiyassa, navakammassa vā atthāya. Niddiṭṭhanti āharitvā ‘‘imaṃ gaṇhathā’’ti vuttaṃ rajataṃ, jātarūpaṃ vā aññaṃ vā yaṃ kiñci nissaggiyadukkaṭavatthuṃ paṭiggaṇhato tassa bhikkhuno dukkaṭaṃ hotīti mahāpaccariyaṃ vuttanti yojanā.

    650-1. вуд̇д̇амзвад̇т̇ам̣ саруубад̇о вибхаавзд̇умааха ‘‘нзд̇ваа’’д̇иаад̣̇и. нзд̇ваад̇и аанзд̇ваа. агаббияам̣ бхан̣д̣анд̇и ‘‘раж̇ад̇ам̣ ж̇аад̇аруубам̣ ваа’’д̇и яат̇аавуд̇д̇амзва агаббияабхан̣д̣ам̣. ид̇т̇анд̇и вагкамаанаббагаарзна. на жа ваддад̇ийд̇и зд̇т̇а жа-гаарзна ваддад̇и жаад̇и анун̃н̃аад̇ам̣ гад̇анд̇и. яат̇ааха адтагат̇ааяам̣ –

    650-1. Vuttamevatthaṃ sarūpato vibhāvetumāha ‘‘netvā’’tiādi. Netvāti ānetvā. Akappiyaṃ bhaṇḍanti ‘‘rajataṃ jātarūpaṃ vā’’ti yathāvuttameva akappiyabhaṇḍaṃ. Itthanti vakkhamānappakārena. Na ca vaṭṭatīti ettha ca-kārena vaṭṭati cāti anuññātaṃ katanti. Yathāha aṭṭhakathāyaṃ –

    ‘‘сажз бана ‘наяид̣̇ам̣ бхигкуунам̣ самбадижчид̇ум̣ ваддад̇ий’д̇и бадигкид̇д̇з ‘вад̣дхагийнам̣ ваа гаммагараанам̣ ваа хад̇т̇з бхависсад̇и, гзвалам̣ д̇умхз сугад̇ад̣̇уггадам̣ ж̇аанаат̇аа’д̇и вад̇ваа д̇зсам̣ хад̇т̇з д̣̇ад̇ваа баггамад̇и, ваддад̇и. ат̇ааби ‘мама мануссаанам̣ хад̇т̇з бхависсад̇и, маяхамзва ваа хад̇т̇з бхависсад̇и, гзвалам̣ д̇умхз яам̣ яасса д̣̇аад̇аб̣б̣ам̣, д̇ад̣̇ад̇т̇ааяа бзсзяяаат̇аа’д̇и вад̣̇ад̇и, звамби ваддад̇ий’’д̇и (баараа. адта. 2.538-539).

    ‘‘Sace pana ‘nayidaṃ bhikkhūnaṃ sampaṭicchituṃ vaṭṭatī’ti paṭikkhitte ‘vaḍḍhakīnaṃ vā kammakarānaṃ vā hatthe bhavissati, kevalaṃ tumhe sukatadukkaṭaṃ jānāthā’ti vatvā tesaṃ hatthe datvā pakkamati, vaṭṭati. Athāpi ‘mama manussānaṃ hatthe bhavissati, mayhameva vā hatthe bhavissati, kevalaṃ tumhe yaṃ yassa dātabbaṃ, tadatthāya peseyyāthā’ti vadati, evampi vaṭṭatī’’ti (pārā. aṭṭha. 2.538-539).

    652. вихаарассаад̇и зд̇т̇а ‘‘навагаммассаа’’д̇и (баараа. адта. 2.538-539) адтагат̇ааяам̣ вуд̇д̇ад̇д̇аа вад̇д̇аб̣б̣ам̣ г̇аат̇ааб̣анд̇хавасзна на вуд̇д̇ам̣.

    652.Vihārassāti ettha ‘‘navakammassā’’ti (pārā. aṭṭha. 2.538-539) aṭṭhakathāyaṃ vuttattā vattabbaṃ gāthābandhavasena na vuttaṃ.

    654. раж̇ад̇ам̣ ж̇аад̇аруубам̣ ваа сан̇гхассаад̇и зд̇т̇а ‘‘жад̇д̇ааро бажжаяз барибхун̃ж̇ат̇аад̇и д̣̇инна’’нд̇и сзсо. яат̇ааха адтагат̇ааяам̣ ‘‘сажз бана гожи б̣ахумби хиран̃н̃асуван̣н̣ам̣ аанзд̇ваа ‘ид̣̇ам̣ сан̇гхасса д̣̇амми, жад̇д̇ааро бажжаяз барибхун̃ж̇ат̇аа’д̇и вад̣̇ад̇и, д̇ам̣ жз сан̇гхо самбадижчад̇и, бадиг̇г̇ахан̣зби барибхог̇зби аабад̇д̇ий’’д̇и (баараа. адта. 2.538-539). звам̣ аабхад̇ам̣ д̇асмим̣ сан̇гхз яо гожи бхигку ‘‘наяид̣̇ам̣ габбад̇ий’’д̇и сажз бадигкибад̇и, ‘‘аяам̣ сан̇гхасса лаабханд̇арааяам̣ гарод̇ий’’д̇и вад̣̇анд̇ассзва аабад̇д̇и ход̇и. яат̇ааха адтагат̇ааяам̣ ‘‘яо хи д̇ам̣ жод̣̇зд̇и, свзва саабад̇д̇иго ход̇и, д̇зна бана згзна б̣ахуу анаабад̇д̇игаа гад̇аа’’д̇и (баараа. адта. 2.538-539). ид̇ха свзва саабад̇д̇игод̇и зд̇т̇а ‘‘д̣̇уггадаабад̇д̇игод̇и вуд̇д̇ам̣ ход̇ий’’д̇и г̇ан̣тибад̣̇з вуд̇д̇ам̣. имиссаа г̇аат̇ааяа ‘‘сан̇гхассаа’’д̇и аликид̇ваа ‘‘бхигкуно’’д̇и жа ликанд̇и, д̇ам̣ на сунд̣̇арам̣. ид̣̇аани д̣̇ассид̇аадтагат̇аабаатз ‘‘сан̇гхо самбадижчад̇ий’’д̇и (баараа. адта. 2.538-539) вуд̇д̇ад̇д̇аа ‘‘сан̇гхассаа’’д̇и баато сунд̣̇аро.

    654.Rajataṃ jātarūpaṃ vā saṅghassāti ettha ‘‘cattāro paccaye paribhuñjathāti dinna’’nti seso. Yathāha aṭṭhakathāyaṃ ‘‘sace pana koci bahumpi hiraññasuvaṇṇaṃ ānetvā ‘idaṃ saṅghassa dammi, cattāro paccaye paribhuñjathā’ti vadati, taṃ ce saṅgho sampaṭicchati, paṭiggahaṇepi paribhogepi āpattī’’ti (pārā. aṭṭha. 2.538-539). Evaṃ ābhataṃ tasmiṃ saṅghe yo koci bhikkhu ‘‘nayidaṃ kappatī’’ti sace paṭikkhipati, ‘‘ayaṃ saṅghassa lābhantarāyaṃ karotī’’ti vadantasseva āpatti hoti. Yathāha aṭṭhakathāyaṃ ‘‘yo hi taṃ codeti, sveva sāpattiko hoti, tena pana ekena bahū anāpattikā katā’’ti (pārā. aṭṭha. 2.538-539). Idha sveva sāpattikoti ettha ‘‘dukkaṭāpattikoti vuttaṃ hotī’’ti gaṇṭhipade vuttaṃ. Imissā gāthāya ‘‘saṅghassā’’ti alikhitvā ‘‘bhikkhuno’’ti ca likhanti, taṃ na sundaraṃ. Idāni dassitaaṭṭhakathāpāṭhe ‘‘saṅgho sampaṭicchatī’’ti (pārā. aṭṭha. 2.538-539) vuttattā ‘‘saṅghassā’’ti pāṭho sundaro.

    655. д̇ал̣аагассаад̇и ваабияаа. сассуббад̇д̇инид̣̇аанад̇о д̇ал̣аагам̣ кзд̇д̇ам̣, д̇ад̇о д̇асса г̇ахан̣ам̣ ваа барибхог̇о ваа на жа ваддад̇ийд̇и яож̇анаа. д̇ал̣аагасса жаад̇и зд̇т̇а жа-гаарзна кзд̇д̇авад̇т̇у сан̇г̇ахид̇ам̣. на жа ваддад̇ийд̇и зд̇т̇а жагаарзна ваддад̇и жаад̇и д̣̇ассид̇ам̣ ход̇и.

    655.Taḷākassāti vāpiyā. Sassuppattinidānato taḷākaṃ khettaṃ, tato tassa gahaṇaṃ vā paribhogo vā na ca vaṭṭatīti yojanā. Taḷākassa cāti ettha ca-kārena khettavatthu saṅgahitaṃ. Na ca vaṭṭatīti ettha cakārena vaṭṭati cāti dassitaṃ hoti.

    656. д̇ам̣ гад̇аманд̇и ааха ‘‘жад̇д̇ааро’’д̇иаад̣̇и. саб̣б̣амбийд̇и д̇ал̣аагабогкаран̣икзд̇д̇аад̣̇и саб̣б̣амби.

    656. Taṃ katamanti āha ‘‘cattāro’’tiādi. Sabbampīti taḷākapokkharaṇikhettādi sabbampi.

    658-9. абарижчиннабхааг̇асминд̇и ‘‘имасмим̣ бхуумибхааг̇з гад̇асса гаммзхи зд̇д̇аго бхааг̇о д̣̇зяяо’’д̇и звам̣ буб̣б̣з анияамид̇аааяз бхуумибхааг̇з. агад̇абуб̣б̣ам̣ навасассам̣ наама. зд̇д̇агам̣ бхааг̇ам̣ д̣̇зт̇аад̇и зд̇д̇агам̣ гахаабан̣абхааг̇ам̣ д̣̇зт̇а. удтаабзд̇ийд̇и уббаад̣̇зд̇и.

    658-9.Aparicchinnabhāgasminti ‘‘imasmiṃ bhūmibhāge katassa kammehi ettako bhāgo deyyo’’ti evaṃ pubbe aniyamitaāye bhūmibhāge. Akatapubbaṃ navasassaṃ nāma. Ettakaṃ bhāgaṃ dethāti ettakaṃ kahāpaṇabhāgaṃ detha. Uṭṭhāpetīti uppādeti.

    ‘‘гасат̇а вабат̇аа’’д̇и агаббияам̣ ваажам̣ вад̇ваад̇и яож̇анаа. вабат̇аад̇и жаад̇и зд̇т̇а жа-сад̣̇д̣̇о ид̇ха авуд̇д̇ам̣ д̇ам̣гад̇д̇уяог̇агаалз вужжамаанам̣ агаббияаважананд̇арам̣ самужжинод̇и. уббаад̣̇ид̇ан̃жаад̇и зд̇т̇а жа-сад̣̇д̣̇о гахаабан̣ам̣ самужжинод̇и. саб̣б̣анд̇и д̇ат̇аа уббаад̣̇ид̇агахаабан̣ан̃жа звам̣ агаббияавохаарзна уббаад̣̇ид̇ан̃жаад̇и саб̣б̣ам̣.

    ‘‘Kasatha vapathā’’ti akappiyaṃ vācaṃ vatvāti yojanā. Vapathāti cāti ettha ca-saddo idha avuttaṃ taṃkattuyogakāle vuccamānaṃ akappiyavacanantaraṃ samuccinoti. Uppāditañcāti ettha ca-saddo kahāpaṇaṃ samuccinoti. Sabbanti tathā uppāditakahāpaṇañca evaṃ akappiyavohārena uppāditañcāti sabbaṃ.

    660. гасат̇аад̣̇игам̣ важанам̣ авад̇ваа ‘‘зд̇д̇игааяа бхуумияаа зд̇д̇аго наама бхааг̇о’’д̇и бхуумим̣ яо жа бад̇идтаабзд̇и, д̇ассзвзд̇амагаббияанд̇и вагкамаанзна яож̇зд̇аб̣б̣ам̣. жа-сад̣̇д̣̇о ‘‘яо банаа’’д̇и вагкамаанабуг̇г̇аланд̇араабзгко.

    660. Kasathādikaṃ vacanaṃ avatvā ‘‘ettikāya bhūmiyā ettako nāma bhāgo’’ti bhūmiṃ yo ca patiṭṭhāpeti, tassevetamakappiyanti vakkhamānena yojetabbaṃ. Ca-saddo ‘‘yo panā’’ti vakkhamānapuggalantarāpekkho.

    661-2. бхуумияаа саяамзва бамаан̣асса ж̇аананад̇т̇ам̣ д̇ууд̇и яож̇анаа, ‘‘зд̇д̇агз бхуумибхааг̇з амхзхи сассам̣ гад̇ам̣, зд̇д̇агам̣ наама бхааг̇ам̣ г̇ан̣хат̇аа’’д̇и гасагзхи вуд̇д̇з д̇зсам̣ важанам̣ асад̣̇д̣̇ахид̇ваа саяамзва кзд̇д̇абхуумияаа бамаан̣ам̣ н̃аад̇угаамад̇ааяаад̇и ад̇т̇о. д̇у-сад̣̇д̣̇о имамзва висзсам̣ ж̇од̇зд̇и. яо бана минаад̇и, д̇ассзвзд̇амагаббияанд̇и вагкамаанзна яож̇зд̇аб̣б̣ам̣. раж̇ж̇уяааби жа д̣̇ан̣д̣знаад̇и зд̇т̇а баад̣̇знааби минид̇ум̣ на ваддад̇ийд̇и вад̣̇анд̇и. ‘‘рагкад̇ий’’д̇иаад̣̇игирияаабад̣̇зхиби звамзва яож̇зд̇аб̣б̣ам̣.

    661-2. Bhūmiyā sayameva pamāṇassa jānanatthaṃ tūti yojanā, ‘‘ettake bhūmibhāge amhehi sassaṃ kataṃ, ettakaṃ nāma bhāgaṃ gaṇhathā’’ti kasakehi vutte tesaṃ vacanaṃ asaddahitvā sayameva khettabhūmiyā pamāṇaṃ ñātukāmatāyāti attho. Tu-saddo imameva visesaṃ joteti. Yo pana mināti, tassevetamakappiyanti vakkhamānena yojetabbaṃ. Rajjuyāpi ca daṇḍenāti ettha pādenāpi minituṃ na vaṭṭatīti vadanti. ‘‘Rakkhatī’’tiādikiriyāpadehipi evameva yojetabbaṃ.

    калз тад̇ваа рагкад̇ийд̇и д̇хан̃н̃агаран̣з тад̇ваа ан̃н̃з г̇ан̣хид̇ум̣ ад̣̇ад̇ваа баалзд̇и. гат̇ам̣ рагкид̇ум̣ ваддад̇и, гат̇ам̣ рагкид̇ум̣ на ваддад̇ийд̇и? д̇ам̣ бана вийхим̣ ‘‘ид̣̇ам̣ ваа зд̇д̇агам̣ ваа маа г̇ан̣ха, ид̣̇ам̣ г̇ахзд̇ум̣ на лаб̣бхад̇ий’’д̇и ваа ‘‘ид̇о абанзхи, ид̇ха бун̃ж̇ам̣ гарохий’’д̇и ваа звамаад̣̇инаа баяог̇зна жз рагкад̇и, д̇ам̣ агаббияам̣. сажз ‘‘маяи тид̇з рагкид̇ам̣ ход̇ий’’д̇и рагкад̇и, г̇ан̣ханд̇з ваа бассид̇ваа ‘‘гим̣ гарот̇аа’’д̇и бхан̣ад̇и, ваддад̇и. руубияабадиг̇г̇ахан̣асигкаабад̣̇з д̣̇ваарам̣ бид̣̇ахид̇ваа рагканд̇зна васид̇аб̣б̣анд̇и хи вуд̇д̇анд̇и г̇ан̣тибад̣̇з вуд̇д̇анаязна взд̣̇ид̇аб̣б̣о. ан̃н̃асмимби г̇ан̣тибад̣̇з вуд̇д̇ам̣ ‘‘т̇знзд̇ваа г̇ан̣ханд̇з сад̇и зд̇ам̣ бхо бавад̇д̇им̣ бхигкусан̇гхасса гим̣ аарожзссаамийд̇и бадибужчид̇ум̣ ваддад̇ийд̇и вад̣̇анд̇ий’’д̇и. нийхараабзд̇ийд̇и зд̇т̇ааби сажз барияааязна вад̣̇ад̇и, ваддад̇ийд̇и вад̣̇анд̇и. д̇ассзвзд̇амагаббияанд̇и ид̣̇ам̣ кзд̇д̇аминанаад̣̇им̣ гаронд̇зна лад̣̇д̇хаб̣б̣ад̇о ан̃н̃асса абхинавуббаад̣̇ид̇асса абхааваа ан̃н̃зсам̣ ваддад̇ийд̇и д̣̇вийсу г̇ан̣тибад̣̇зсу вуд̇д̇ам̣.

    Khaleṭhatvā rakkhatīti dhaññakaraṇe ṭhatvā aññe gaṇhituṃ adatvā pāleti. Kathaṃ rakkhituṃ vaṭṭati, kathaṃ rakkhituṃ na vaṭṭatīti? Taṃ pana vīhiṃ ‘‘idaṃ vā ettakaṃ vā mā gaṇha, idaṃ gahetuṃ na labbhatī’’ti vā ‘‘ito apanehi, idha puñjaṃ karohī’’ti vā evamādinā payogena ce rakkhati, taṃ akappiyaṃ. Sace ‘‘mayi ṭhite rakkhitaṃ hotī’’ti rakkhati, gaṇhante vā passitvā ‘‘kiṃ karothā’’ti bhaṇati, vaṭṭati. Rūpiyapaṭiggahaṇasikkhāpade dvāraṃ pidahitvā rakkhantena vasitabbanti hi vuttanti gaṇṭhipade vuttanayena veditabbo. Aññasmimpi gaṇṭhipade vuttaṃ ‘‘thenetvā gaṇhante sati etaṃ bho pavattiṃ bhikkhusaṅghassa kiṃ ārocessāmīti paṭipucchituṃ vaṭṭatīti vadantī’’ti. Nīharāpetīti etthāpi sace pariyāyena vadati, vaṭṭatīti vadanti. Tassevetamakappiyanti idaṃ khettaminanādiṃ karontena laddhabbato aññassa abhinavuppāditassa abhāvā aññesaṃ vaṭṭatīti dvīsu gaṇṭhipadesu vuttaṃ.

    663. ‘‘зд̇д̇агзхи вийхийхи ид̣̇ам̣ аахарат̇аа’’д̇и вуд̇д̇аа сажз аахаранд̇ийд̇и яож̇анаа. зд̇т̇а ‘‘д̇ассзвзд̇амагаббияа’’нд̇и ид̣̇ам̣ д̇хан̃н̃асса вижаарид̇ад̇д̇аа вуд̇д̇ам̣. яат̇ааха адтагат̇ааяам̣ ‘‘д̇ассзва агаббияам̣. гасмаа? д̇хан̃н̃асса вижаарид̇ад̇д̇аа’’д̇и (баараа. адта. 2.538-539).

    663. ‘‘Ettakehi vīhīhi idaṃ āharathā’’ti vuttā sace āharantīti yojanā. Ettha ‘‘tassevetamakappiya’’nti idaṃ dhaññassa vicāritattā vuttaṃ. Yathāha aṭṭhakathāyaṃ ‘‘tasseva akappiyaṃ. Kasmā? Dhaññassa vicāritattā’’ti (pārā. aṭṭha. 2.538-539).

    664. хиран̃н̃знаад̇и гахаабан̣зна. ‘‘д̇амагаббияа’’нд̇и ид̣̇ам̣ гахаабан̣аанам̣ вижаарид̇ад̇д̇аа вуд̇д̇ам̣. яат̇ааха адтагат̇ааяам̣ ‘‘саб̣б̣зсам̣ агаббияам̣. гасмаа? гахаабан̣аанам̣ вижаарид̇ад̇д̇аа’’д̇и (баараа. адта. 2.538-539).

    664.Hiraññenāti kahāpaṇena. ‘‘Tamakappiya’’nti idaṃ kahāpaṇānaṃ vicāritattā vuttaṃ. Yathāha aṭṭhakathāyaṃ ‘‘sabbesaṃ akappiyaṃ. Kasmā? Kahāpaṇānaṃ vicāritattā’’ti (pārā. aṭṭha. 2.538-539).

    665. бзсагаарагад̣̇аасам̣ ваад̇и бзсагаарагасан̇каад̇ам̣ д̣̇аасам̣ ваа, бзсагааро д̇анд̇авааяо. аараамигаанам̣ наамзна д̣̇знд̇зд̇и ‘‘аараамигам̣ д̣̇амми, взяяааважжагарам̣ д̣̇аммий’’д̇иаад̣̇инаа наязна д̣̇знд̇з.

    665.Pesakārakadāsaṃ vāti pesakārakasaṅkhātaṃ dāsaṃ vā, pesakāro tantavāyo. Ārāmikānaṃ nāmena denteti ‘‘ārāmikaṃ dammi, veyyāvaccakaraṃ dammī’’tiādinā nayena dente.

    666. кийрам̣ д̣̇ад̇хи д̇аггам̣ сабби наванийд̇анд̇и бан̃жаг̇орасаа.

    666. Khīraṃ dadhi takkaṃ sappi navanītanti pañcagorasā.

    667. аж̇игаад̣̇ийсууд̇и аад̣̇и-сад̣̇д̣̇зна махисам̣ сан̇г̇ан̣хаад̇и.

    667.Ajikādīsūti ādi-saddena mahisaṃ saṅgaṇhāti.

    669. бадисид̣̇д̇хзбийд̇и бадигкид̇д̇зби. муулам̣ д̣̇ад̇ваад̇и габбияабхан̣д̣амуулам̣ д̣̇ад̇ваа. гуггудаад̣̇аяо бана ‘‘сукзна васанд̇уу’’д̇и аран̃н̃зязва виссаж̇ж̇зд̇аб̣б̣ам̣. яат̇ааха адтагат̇ааяам̣ ‘‘гуггудасуугарз ‘сукам̣ ж̇ийванд̇уу’д̇и аран̃н̃з виссаж̇ж̇зд̇ум̣ ваддад̇ий’’д̇и (баараа. адта. 2.538-539). суугарамаяуураад̣̇ийсуби лад̣̇д̇хзсу д̇зсам̣ ануруубзязва висаяз виссаж̇ж̇зд̇аб̣б̣аа.

    669.Paṭisiddhepīti paṭikkhittepi. Mūlaṃ datvāti kappiyabhaṇḍamūlaṃ datvā. Kukkuṭādayo pana ‘‘sukhena vasantū’’ti araññeyeva vissajjetabbaṃ. Yathāha aṭṭhakathāyaṃ ‘‘kukkuṭasūkare ‘sukhaṃ jīvantū’ti araññe vissajjetuṃ vaṭṭatī’’ti (pārā. aṭṭha. 2.538-539). Sūkaramayūrādīsupi laddhesu tesaṃ anurūpeyeva visaye vissajjetabbā.

    671. ‘‘д̇игкад̇д̇у’’нд̇иаад̣̇иг̇аат̇ааяа го самб̣анд̇хо? ‘‘ран̃н̃аа ваа рааж̇абхог̇г̇знаа’’д̇иаад̣̇иг̇аат̇ааяа сан̇г̇ахид̇анаязна рааж̇арааж̇аамажжаб̣раахман̣аг̇ахабад̇аад̣̇ийсу язна гзнажи ад̇д̇анаа ваа жийваражзд̇аабаннзна жийварам̣ жзд̇аабзд̇ваа ‘‘ид̇т̇аннаамам̣ бхигкум̣ жийварзна ажчаад̣̇зхий’’д̇и вад̇ваа д̇ам̣ жийваражзд̇аабаннасан̇каад̇ам̣ жийварамуулам̣ д̣̇ад̇ваа бахид̇ад̣̇ууд̇зна ваа бхигкум̣ убасан̇гамид̇ваа ‘‘ид̣̇ам̣ ко бханд̇з ааяасманд̇ам̣ уд̣̇д̣̇исса жийваражзд̇аабаннам̣ аабхад̇ам̣, бадиг̇г̇ан̣хаад̇у ааяасмаа жийваражзд̇аабанна’’нд̇и яад̣̇и вужжзяяа, бхигкунаа ‘‘на ко маяам̣ аавусо жийваражзд̇аабаннам̣ бадиг̇г̇ан̣хаама, жийваран̃жа ко маяам̣ бадиг̇г̇ан̣хаама гаалзна габбияа’’нд̇и вуд̇д̇з сажз д̇зна ‘‘ад̇т̇и банааяасмад̇о гожи взяяааважжагаро’’д̇и вуд̇д̇з жийварад̇т̇игзна бхигкунаа ‘‘зсо ко аавусо бхигкуунам̣ взяяааважжагаро’’д̇и аараамигз ваа убаасагз ваа д̣̇ассид̇з яад̣̇и со д̇асса ад̇д̇анаа аахарид̇ваа ‘‘имасса бхигкуно жийварзна ад̇т̇з сад̇и иминаа жийварам̣ жзд̇аабзд̇ваа ажчаад̣̇зхий’’д̇и вад̇ваа д̇ам̣ бхигкум̣ убасан̇гамид̇ваа ‘‘яам̣ ко бханд̇з ааяасмаа взяяааважжагарам̣ нид̣̇д̣̇иси, сан̃н̃ад̇д̇о со маяаа, убасан̇гамад̇у ааяасмаа гаалзна, жийварзна д̇ам̣ ажчаад̣̇зссад̇ий’’д̇и яад̣̇и вад̣̇зяяа, д̇зна жийварад̇т̇игзна бхигкунаа гим̣ гаад̇аб̣б̣анд̇и бхаг̇авад̇аа вуд̇д̇анд̇и аахаад̇и аяамимиссаа г̇аат̇ааяа самб̣анд̇хо.

    671. ‘‘Tikkhattu’’ntiādigāthāya ko sambandho? ‘‘Raññā vā rājabhoggenā’’tiādigāthāya saṅgahitanayena rājarājāmaccabrāhmaṇagahapatādīsu yena kenaci attanā vā cīvaracetāpannena cīvaraṃ cetāpetvā ‘‘itthannāmaṃ bhikkhuṃ cīvarena acchādehī’’ti vatvā taṃ cīvaracetāpannasaṅkhātaṃ cīvaramūlaṃ datvā pahitadūtena vā bhikkhuṃ upasaṅkamitvā ‘‘idaṃ kho bhante āyasmantaṃ uddissa cīvaracetāpannaṃ ābhataṃ, paṭiggaṇhātu āyasmā cīvaracetāpanna’’nti yadi vucceyya, bhikkhunā ‘‘na kho mayaṃ āvuso cīvaracetāpannaṃ paṭiggaṇhāma, cīvarañca kho mayaṃ paṭiggaṇhāma kālena kappiya’’nti vutte sace tena ‘‘atthi panāyasmato koci veyyāvaccakaro’’ti vutte cīvaratthikena bhikkhunā ‘‘eso kho āvuso bhikkhūnaṃ veyyāvaccakaro’’ti ārāmike vā upāsake vā dassite yadi so tassa attanā āharitvā ‘‘imassa bhikkhuno cīvarena atthe sati iminā cīvaraṃ cetāpetvā acchādehī’’ti vatvā taṃ bhikkhuṃ upasaṅkamitvā ‘‘yaṃ kho bhante āyasmā veyyāvaccakaraṃ niddisi, saññatto so mayā, upasaṅkamatu āyasmā kālena, cīvarena taṃ acchādessatī’’ti yadi vadeyya, tena cīvaratthikena bhikkhunā kiṃ kātabbanti bhagavatā vuttanti āhāti ayamimissā gāthāya sambandho.

    д̇игкад̇д̇ум̣ жод̣̇анаа вуд̇д̇аад̇и ‘‘жийварад̇т̇игзна бхигкавз бхигкунаа взяяааважжагаро убасан̇гамид̇ваа д̣̇вад̇д̇игкад̇д̇ум̣ жод̣̇зд̇аб̣б̣о саарзд̇аб̣б̣о ‘ад̇т̇о мз аавусо жийварзнаа’’д̇и д̇игкад̇д̇ум̣ жод̣̇анаа гаад̇аб̣б̣аад̇и вуд̇д̇аа.

    Tikkhattuṃ codanā vuttāti ‘‘cīvaratthikena bhikkhave bhikkhunā veyyāvaccakaro upasaṅkamitvā dvattikkhattuṃ codetabbo sāretabbo ‘attho me āvuso cīvarenā’’ti tikkhattuṃ codanā kātabbāti vuttā.

    чагкад̇д̇ум̣ таанамаб̣равийд̇и ‘‘д̣̇вад̇д̇игкад̇д̇ум̣ жод̣̇аяамаано саараяамаано д̇ам̣ жийварам̣ абхинибпаад̣̇зяяа, ижжзд̇ам̣ гусалам̣, но жз абхинибпаад̣̇зяяа, жад̇угкад̇д̇ум̣ бан̃жагкад̇д̇ум̣ чагкад̇д̇убарамам̣ д̇ун̣хийбхууд̇зна уд̣̇д̣̇исса таад̇аб̣б̣а’’нд̇и (баараа. 538) вуд̇д̇ад̇д̇аа д̇игкад̇д̇ум̣ убасан̇гамид̇ваа ‘‘ад̇т̇о мз аавусо жийварзнаа’’д̇и гад̇ааяа жод̣̇анааяа на ниббаж̇ж̇зяяа, д̇зна буна г̇анд̇ваа яам̣ гин̃жи авад̇ваа ‘‘на аасанз нисийд̣̇ид̇аб̣б̣ам̣, на аамисам̣ бадиг̇г̇ахзд̇аб̣б̣ам̣, на д̇хаммо бхаасид̇аб̣б̣о’’д̇и (баараа. 539) важанад̇о таанабхан̃ж̇анагам̣ нисаж̇ж̇аад̣̇им̣ гин̃жи агад̇ваа ‘‘гим̣ гааран̣ам̣ ааг̇ад̇осий’’д̇и бужчид̇з ‘‘ж̇аанаахи , аавусо’’д̇и зд̇д̇агамад̇д̇ам̣ вад̇ваа уггадтабарижчзд̣̇зна чагкад̇д̇ум̣ таанам̣ сад̣̇д̇хаммаваражаггавад̇д̇инаа бхаг̇авад̇аа д̣̇зсид̇анд̇и вуд̇д̇ам̣ ход̇и.

    Chakkhattuṃ ṭhānamabravīti ‘‘dvattikkhattuṃ codayamāno sārayamāno taṃ cīvaraṃ abhinipphādeyya, iccetaṃ kusalaṃ, no ce abhinipphādeyya, catukkhattuṃ pañcakkhattuṃ chakkhattuparamaṃ tuṇhībhūtena uddissa ṭhātabba’’nti (pārā. 538) vuttattā tikkhattuṃ upasaṅkamitvā ‘‘attho me āvuso cīvarenā’’ti katāya codanāya na nippajjeyya, tena puna gantvā yaṃ kiñci avatvā ‘‘na āsane nisīditabbaṃ, na āmisaṃ paṭiggahetabbaṃ, na dhammo bhāsitabbo’’ti (pārā. 539) vacanato ṭhānabhañjanakaṃ nisajjādiṃ kiñci akatvā ‘‘kiṃ kāraṇaṃ āgatosī’’ti pucchite ‘‘jānāhi , āvuso’’ti ettakamattaṃ vatvā ukkaṭṭhaparicchedena chakkhattuṃ ṭhānaṃ saddhammavaracakkavattinā bhagavatā desitanti vuttaṃ hoti.

    яад̣̇и жод̣̇зд̇иязваад̇и сажз таанам̣ агад̇ваа жод̣̇анаамад̇д̇ам̣ гарод̇и, ча аб̣равийд̇и яож̇анаа, ‘‘жод̣̇анаа’’д̇и саамад̇т̇ияад̇о лаб̣бхад̇и, чагкад̇д̇ум̣ жод̣̇зд̇ваа сагимби на таад̇аб̣б̣анд̇и вуд̇д̇ам̣ ход̇и.

    Yadi codetiyevāti sace ṭhānaṃ akatvā codanāmattaṃ karoti, cha abravīti yojanā, ‘‘codanā’’ti sāmatthiyato labbhati, chakkhattuṃ codetvā sakimpi na ṭhātabbanti vuttaṃ hoti.

    чажод̣̇анам̣ агад̇ваа яо таанамзва гарод̇и, д̇зна гад̇и таанаани гаад̇аб̣б̣аанийд̇и ааха ‘‘жод̣̇анаад̣̇иг̇ун̣аа тид̇ий’’д̇и, ‘‘гаад̇аб̣б̣аа’’д̇и сзсо, ‘‘аб̣равий’’д̇и иминаа яож̇зд̇аб̣б̣ам̣, ‘‘жад̇угкад̇д̇ум̣ жод̣̇зд̇ваа жад̇угкад̇д̇ум̣ таад̇аб̣б̣ам̣, бан̃жагкад̇д̇ум̣ жод̣̇зд̇ваа д̣̇вигкад̇д̇ум̣ таад̇аб̣б̣ам̣, чагкад̇д̇ум̣ жод̣̇зд̇ваа на таад̇аб̣б̣а’’нд̇и (баараа. 539) важанад̇о, ‘‘чагкад̇д̇убарама’’нд̇и (баараа. 539) важанад̇о жа чагкад̇д̇ум̣ жод̣̇анааяа д̣̇иг̇ун̣аа д̣̇ваад̣̇асагкад̇д̇угаа тид̇и ход̇ийд̇и сид̣̇д̇хад̇д̇аа жод̣̇анамзва агад̇ваа таанамад̇д̇амзва гаронд̇асса д̣̇ваад̣̇асагкад̇д̇ум̣ вуд̇д̇анаязна таад̇аб̣б̣амзваад̇и вуд̇д̇ам̣ ход̇и. д̇ад̇о барам̣ гаад̇аб̣б̣ам̣ ад̣̇ассзд̇ваа зд̇д̇агзнзва нивад̇д̇зд̇аб̣б̣анд̇и н̃аабзнд̇о ‘‘д̇ад̇о жз уд̇д̇ари вааяамамаано д̇ам̣ жийварам̣ абхинибпаад̣̇зд̇и, баяог̇з д̣̇уггадам̣, бадилаабхзна ниссаг̇г̇ияа’’нд̇и (баараа. 539) вуд̇д̇анаяаа аабад̇д̇и ход̇ийд̇и д̣̇ассзд̇и.

    Chacodanaṃ akatvā yo ṭhānameva karoti, tena kati ṭhānāni kātabbānīti āha ‘‘codanādiguṇā ṭhitī’’ti, ‘‘kātabbā’’ti seso, ‘‘abravī’’ti iminā yojetabbaṃ, ‘‘catukkhattuṃ codetvā catukkhattuṃ ṭhātabbaṃ, pañcakkhattuṃ codetvā dvikkhattuṃ ṭhātabbaṃ, chakkhattuṃ codetvā na ṭhātabba’’nti (pārā. 539) vacanato, ‘‘chakkhattuparama’’nti (pārā. 539) vacanato ca chakkhattuṃ codanāya diguṇā dvādasakkhattukā ṭhiti hotīti siddhattā codanameva akatvā ṭhānamattameva karontassa dvādasakkhattuṃ vuttanayena ṭhātabbamevāti vuttaṃ hoti. Tato paraṃ kātabbaṃ adassetvā ettakeneva nivattetabbanti ñāpento ‘‘tato ce uttari vāyamamāno taṃ cīvaraṃ abhinipphādeti, payoge dukkaṭaṃ, paṭilābhena nissaggiya’’nti (pārā. 539) vuttanayā āpatti hotīti dasseti.

    672. ‘‘ажод̣̇зд̇ваа лад̣̇д̇хз’’д̇и ид̣̇ам̣ убалагкан̣ам̣ ‘‘адтад̇ваа лад̣̇д̇хз’’д̇и жа г̇аяхамаанад̇д̇аа.

    672.‘‘Acodetvā laddhe’’ti idaṃ upalakkhaṇaṃ ‘‘aṭṭhatvā laddhe’’ti ca gayhamānattā.

    рааж̇асигкаабад̣̇агат̇ааван̣н̣анаа.

    Rājasikkhāpadakathāvaṇṇanā.

    жийвараваг̇г̇о батамо.

    Cīvaravaggo paṭhamo.

    673. ‘‘згзнаабий’’д̇и иминаа гим̣ бана д̣̇вийхи, б̣ахуухи ваад̇и вуд̇д̇ам̣ ход̇и. миссзд̇ваад̇и анд̇амасо ваад̇зна аахадзнааби госияам̣сунаа миссзд̇ваа. сант̇ад̇анд̇и ‘‘сант̇ад̇ам̣ наама сант̇арид̇ваа гад̇ам̣ ход̇и авааяима’’нд̇и (баараа. 544) бад̣̇абхааж̇анз жа ‘‘самз бхуумибхааг̇з госияам̣сууни убаруубари сант̇арид̇ваа ган̃ж̇игаад̣̇ийхи син̃жид̇ваа гад̇ам̣ ход̇ий’’д̇и (баараа. адта. 2.542) адтагат̇ааяа жа вуд̇д̇асаруубам̣ ган̃ж̇игам̣ син̃жид̇ваа госияам̣сууни ад̇т̇арид̇ваа яаава б̣ахаламижчад̇и, д̇аава вад̣дхзд̇ваа нисийд̣̇ананибаж̇ж̇анаад̣̇иад̇т̇ам̣ гаад̇аб̣б̣ам̣ сант̇ад̇анд̇и ад̇т̇о. госияам̣сунаад̇и госияагимигосияасса ид̣̇анд̇и госияам̣, суд̇д̇ам̣, д̇асса суд̇д̇асса ам̣су, д̇зна госияам̣сунаад̇и ад̇т̇о . гаараабзнд̇ассаад̇и убалагкан̣ад̇д̇аа ‘‘гаронд̇ассаа’’д̇иби г̇ахзд̇аб̣б̣ам̣. вуд̇д̇ан̃хзд̇ам̣ ‘‘гаараабзяяаад̇и згзнааби госияам̣сунаа миссзд̇ваа гарод̇и ваа гаараабзд̇и ваа’’д̇и (баараа. 544). д̇знзвааха ‘‘барад̇т̇ааяа гаронд̇асса гаараабзнд̇ассаа’’д̇и.

    673.‘‘Ekenāpī’’ti iminā kiṃ pana dvīhi, bahūhi vāti vuttaṃ hoti. Missetvāti antamaso vātena āhaṭenāpi kosiyaṃsunā missetvā. Santhatanti ‘‘santhataṃ nāma santharitvā kataṃ hoti avāyima’’nti (pārā. 544) padabhājane ca ‘‘same bhūmibhāge kosiyaṃsūni uparūpari santharitvā kañjikādīhi siñcitvā kataṃ hotī’’ti (pārā. aṭṭha. 2.542) aṭṭhakathāya ca vuttasarūpaṃ kañjikaṃ siñcitvā kosiyaṃsūni attharitvā yāva bahalamicchati, tāva vaḍḍhetvā nisīdananipajjanādiatthaṃ kātabbaṃ santhatanti attho. Kosiyaṃsunāti kosiyakimikosiyassa idanti kosiyaṃ, suttaṃ, tassa suttassa aṃsu, tena kosiyaṃsunāti attho . Kārāpentassāti upalakkhaṇattā ‘‘karontassā’’tipi gahetabbaṃ. Vuttañhetaṃ ‘‘kārāpeyyāti ekenāpi kosiyaṃsunā missetvā karoti vā kārāpeti vā’’ti (pārā. 544). Tenevāha ‘‘paratthāya karontassa kārāpentassā’’ti.

    675. бхуумад̇т̇аран̣анд̇и баригаммагад̇ааяа бхуумияаа чавирагканад̇т̇ааяа ад̇т̇арид̇аб̣б̣ам̣ ад̇т̇аран̣ам̣. бхиси наама ман̃жабхиси, бийтабхисийд̇и д̣̇ваяам̣. б̣иб̣б̣оханам̣ убад̇хаанам̣.

    675.Bhūmattharaṇanti parikammakatāya bhūmiyā chavirakkhanatthāya attharitabbaṃ attharaṇaṃ. Bhisi nāma mañcabhisi, pīṭhabhisīti dvayaṃ. Bibbohanaṃ upadhānaṃ.

    госияагат̇ааван̣н̣анаа.

    Kosiyakathāvaṇṇanā.

    676. гаал̣агзл̣агаломаананд̇и ‘‘гаал̣агам̣ наама д̣̇вз гаал̣агаани ж̇аад̇ияаа гаал̣агам̣ ваа раж̇анагаал̣агам̣ ваа’’д̇и (баараа. 549) важанад̇о звам̣ гаал̣агаанам̣ зл̣агаломаанам̣. суд̣̇д̇хаананд̇и ид̇араван̣н̣зхи зл̣агаломзхи амиссаанам̣. яат̇ааха адтагат̇ааяам̣ ‘‘суд̣̇д̇хагаал̣агаананд̇и суд̣̇д̇хаанам̣ гаал̣агаанам̣, ан̃н̃зхи амиссид̇агаал̣агаананд̇и ад̇т̇о’’д̇и (баараа. адта. 2.547). гарзяяаад̇и гаронд̇асса жа гаараабзнд̇асса жаад̇и вуд̇д̇ам̣ ход̇и. яат̇ааха ‘‘гаараабзяяаад̇и гарод̇и ваа гаараабзд̇и ваа’’д̇и. аабад̇д̇и ход̇ийд̇и ‘‘баяог̇з д̣̇уггадам̣, бадилаабхзна ниссаг̇г̇ияа’’нд̇и баал̣ияам̣ вуд̇д̇ам̣ буб̣б̣абаяог̇ад̣̇уггадан̃жа ниссаг̇г̇ияабаажид̇д̇ияан̃жа ааха.

    676.Kāḷakeḷakalomānanti ‘‘kāḷakaṃ nāma dve kāḷakāni jātiyā kāḷakaṃ vā rajanakāḷakaṃ vā’’ti (pārā. 549) vacanato evaṃ kāḷakānaṃ eḷakalomānaṃ. Suddhānanti itaravaṇṇehi eḷakalomehi amissānaṃ. Yathāha aṭṭhakathāyaṃ ‘‘suddhakāḷakānanti suddhānaṃ kāḷakānaṃ, aññehi amissitakāḷakānanti attho’’ti (pārā. aṭṭha. 2.547). Kareyyāti karontassa ca kārāpentassa cāti vuttaṃ hoti. Yathāha ‘‘kārāpeyyāti karoti vā kārāpeti vā’’ti. Āpatti hotīti ‘‘payoge dukkaṭaṃ, paṭilābhena nissaggiya’’nti pāḷiyaṃ vuttaṃ pubbapayogadukkaṭañca nissaggiyapācittiyañca āha.

    суд̣̇д̇хагаал̣агагат̇ааван̣н̣анаа.

    Suddhakāḷakakathāvaṇṇanā.

    677. од̣̇аад̇ам̣ д̇улам̣ ваа б̣ахум̣ ваа саб̣б̣амзва ваа г̇ахзд̇ваанаад̇и яож̇анаа. габиламби ваад̇и зд̇т̇ааби звамзва яож̇зд̇аб̣б̣ам̣. зд̇т̇а саб̣б̣амзва ваад̇и сант̇ад̇асса г̇ахзд̇аб̣б̣ам̣ саб̣б̣амзва ваа ломам̣. гаронд̇ассаад̇и зд̇т̇а ‘‘сант̇ад̇а’’нд̇и ад̇хигаарад̇о лаб̣бхад̇и. ‘‘нава’’нд̇и ид̣̇ам̣ ‘‘гаронд̇ассаа’’д̇и бад̣̇асаамад̇т̇иязна лаб̣бхад̇и, навам̣ сант̇ад̇ам̣ гаронд̇ассаад̇и ад̇т̇о, ‘‘анаабад̇д̇ий’’д̇и иминаа самб̣анд̇хо. габиламби ваад̇и ваагаарзна багааранд̇арзнааби гаронд̇асса анаабад̇д̇им̣ сан̇г̇ан̣хаад̇и. сзяяат̇ид̣̇ам̣? ‘‘навам̣ бана бхигкунаа сант̇ад̇ам̣ гаараяамаанзна д̣̇вз бхааг̇аа суд̣̇д̇хагаал̣агаанам̣ зл̣агаломаанам̣ аад̣̇аад̇аб̣б̣аа д̇ад̇ияам̣ од̣̇аад̇аанам̣ жад̇уд̇т̇ам̣ г̇ожарияаана’’нд̇и (баараа. 553) маад̇игааяа анун̃н̃аад̇аббагааро взд̣̇ид̇аб̣б̣о.

    677. Odātaṃ tulaṃ vā bahuṃ vā sabbameva vā gahetvānāti yojanā. Kapilampi vāti etthāpi evameva yojetabbaṃ. Ettha sabbameva vāti santhatassa gahetabbaṃ sabbameva vā lomaṃ. Karontassāti ettha ‘‘santhata’’nti adhikārato labbhati. ‘‘Nava’’nti idaṃ ‘‘karontassā’’ti padasāmatthiyena labbhati, navaṃ santhataṃ karontassāti attho, ‘‘anāpattī’’ti iminā sambandho. Kapilampi vāti vākārena pakārantarenāpi karontassa anāpattiṃ saṅgaṇhāti. Seyyathidaṃ? ‘‘Navaṃ pana bhikkhunā santhataṃ kārayamānena dve bhāgā suddhakāḷakānaṃ eḷakalomānaṃ ādātabbā tatiyaṃ odātānaṃ catutthaṃ gocariyāna’’nti (pārā. 553) mātikāya anuññātappakāro veditabbo.

    зд̇т̇а ‘‘од̣̇аад̇ам̣ габиламби ваа’’д̇и зд̇асса ‘‘б̣ахум̣ ваа’’д̇и висзсанзна гаал̣агаанам̣ зл̣агаломаанам̣ яат̇аавуд̇д̇абхааг̇ад̣̇ваяад̇о ад̇хигам̣ зл̣агаломамби на г̇ахзд̇аб̣б̣анд̇и д̣̇ийбзд̇и гзвалаанам̣ гаал̣агаанам̣ зл̣агаломаанам̣ аг̇г̇ахзд̇аб̣б̣ад̇ааяа батамасигкаабад̣̇знзва вуд̇д̇ад̇д̇аа. ‘‘саб̣б̣амзва ваа’’д̇и иминааби буримасигкаабад̣̇з вияа имз од̣̇аад̇аад̣̇аяо саб̣б̣з гзвалаа на г̇ахзд̇аб̣б̣аа на хонд̇ийд̇и д̣̇ассид̇ам̣ ход̇и. ‘‘анаабад̇д̇ий’’д̇и иминаа звам̣ агад̇ваа ан̃н̃зна багаарзна гаронд̇асса аабад̇д̇и ход̇ийд̇и б̣яад̇ирзгад̇о д̣̇ийбид̇ам̣ ход̇и.

    Ettha ‘‘odātaṃ kapilampi vā’’ti etassa ‘‘bahuṃ vā’’ti visesanena kāḷakānaṃ eḷakalomānaṃ yathāvuttabhāgadvayato adhikaṃ eḷakalomampi na gahetabbanti dīpeti kevalānaṃ kāḷakānaṃ eḷakalomānaṃ aggahetabbatāya paṭhamasikkhāpadeneva vuttattā. ‘‘Sabbameva vā’’ti imināpi purimasikkhāpade viya ime odātādayo sabbe kevalā na gahetabbā na hontīti dassitaṃ hoti. ‘‘Anāpattī’’ti iminā evaṃ akatvā aññena pakārena karontassa āpatti hotīti byatirekato dīpitaṃ hoti.

    сзяяат̇ид̣̇ам̣? вуд̇д̇ан̃хзд̇ам̣ бхаг̇авад̇аа ‘‘анаад̣̇аа жз бхигку д̣̇вз бхааг̇з суд̣̇д̇хагаал̣агаанам̣ зл̣агаломаанам̣ д̇ад̇ияам̣ од̣̇аад̇аанам̣ жад̇уд̇т̇ам̣ г̇ожарияаанам̣ навам̣ сант̇ад̇ам̣ гаараабзяяа, ниссаг̇г̇ияам̣ баажид̇д̇ияа’’нд̇и. яад̇д̇агаббамаан̣зхи зл̣агаломзхи навам̣ сант̇ад̇ам̣ гаад̇угаамо ход̇и, д̇з ломз жад̇убхааг̇ам̣ д̇улаяид̇ваа д̣̇вз д̇улз ваа уунз ваа гаал̣агаломз г̇ахзд̇ваа згам̣ д̇улам̣ од̣̇аад̇зхи ваа згам̣ д̇улам̣ г̇ожариязхи ваа гаал̣агзхи ваа уунз гад̇ваа д̣̇вийхиби ад̇хигз ваа гад̇ваа гаал̣агаломз важ̇ж̇зд̇ваа д̣̇вийсу згам̣ ваа д̣̇вз зва ваа г̇ахзд̇ваа гаад̇ун̃жа гаараабзд̇ун̃жа ваддад̇ийд̇и вуд̇д̇ам̣ ход̇и . звам̣ анаабад̇д̇ид̣̇ассанзна саб̣б̣оби сигкаабад̣̇ад̇т̇о сан̇г̇ахид̇од̇и д̣̇адтаб̣б̣о.

    Seyyathidaṃ? Vuttañhetaṃ bhagavatā ‘‘anādā ce bhikkhu dve bhāge suddhakāḷakānaṃ eḷakalomānaṃ tatiyaṃ odātānaṃ catutthaṃ gocariyānaṃ navaṃ santhataṃ kārāpeyya, nissaggiyaṃ pācittiya’’nti. Yattakappamāṇehi eḷakalomehi navaṃ santhataṃ kātukāmo hoti, te lome catubhāgaṃ tulayitvā dve tule vā ūne vā kāḷakalome gahetvā ekaṃ tulaṃ odātehi vā ekaṃ tulaṃ gocariyehi vā kāḷakehi vā ūne katvā dvīhipi adhike vā katvā kāḷakalome vajjetvā dvīsu ekaṃ vā dve eva vā gahetvā kātuñca kārāpetuñca vaṭṭatīti vuttaṃ hoti . Evaṃ anāpattidassanena sabbopi sikkhāpadattho saṅgahitoti daṭṭhabbo.

    678. ‘‘ануггамзнаа’’д̇и иминаа имамзва аг̇г̇ахзд̇ваа буримаананд̇арам̣ вуд̇д̇асигкаабад̣̇ад̣̇ваяан̃жа г̇ахзд̇аб̣б̣анд̇и д̣̇ийбзд̇и. ниссаж̇ж̇ид̇ваа лад̣̇д̇хаанибийд̇и яож̇анаа. ‘‘абий’’д̇и иминаа ‘‘ан̃н̃зна гад̇ам̣ бадилабхид̇ваа барибхун̃ж̇ад̇и, аабад̇д̇и д̣̇уггадассаа’’д̇и (баараа. 555) вуд̇д̇ад̣̇уггадан̃жа ‘‘ниссаг̇г̇ияам̣ жийварам̣ аниссаж̇ж̇ид̇ваа барибхун̃ж̇ад̇и, аабад̇д̇и д̣̇уггадассаа’’д̇и (баараа. 468) батаманиссаг̇г̇ияасигкаабад̣̇з вуд̇д̇анаязна ихааби ‘‘ниссаг̇г̇ияам̣ сант̇ад̇ам̣ аниссаж̇ж̇ид̇ваа барибхун̃ж̇ад̇и, аабад̇д̇и д̣̇уггадассаа’’д̇и вуд̇д̇амби д̇хаммасан̇г̇ахагаарагзхи бзяяаалавасзна сам̣кид̇д̇ам̣ д̇ам̣ д̣̇уггадан̃жаад̇и ид̣̇ам̣ д̣̇ваяам̣ сан̇г̇ахид̇анд̇и д̣̇адтаб̣б̣ам̣.

    678.‘‘Anukkamenā’’ti iminā imameva aggahetvā purimānantaraṃ vuttasikkhāpadadvayañca gahetabbanti dīpeti. Nissajjitvā laddhānipīti yojanā. ‘‘Apī’’ti iminā ‘‘aññena kataṃ paṭilabhitvā paribhuñjati, āpatti dukkaṭassā’’ti (pārā. 555) vuttadukkaṭañca ‘‘nissaggiyaṃ cīvaraṃ anissajjitvā paribhuñjati, āpatti dukkaṭassā’’ti (pārā. 468) paṭhamanissaggiyasikkhāpade vuttanayena ihāpi ‘‘nissaggiyaṃ santhataṃ anissajjitvā paribhuñjati, āpatti dukkaṭassā’’ti vuttampi dhammasaṅgahakārakehi peyyālavasena saṃkhittaṃ taṃ dukkaṭañcāti idaṃ dvayaṃ saṅgahitanti daṭṭhabbaṃ.

    679. д̇ад̇ияам̣ д̇у грияаагрияанд̇и ид̣̇ам̣ д̇ад̇ияасигкаабад̣̇ам̣ бана ‘‘д̣̇вз бхааг̇аа суд̣̇д̇хагаал̣агаана’’нд̇иаад̣̇инаа (баараа. 554) вуд̇д̇анаязна аг̇г̇ахзд̇ваа гаал̣агаанам̣ ад̇ирзгаг̇г̇ахан̣авасзна ананун̃н̃аад̇аббагаарзна гаран̣ад̇о гирияаагирияам̣ наама. яат̇ааха адтагат̇ааяам̣ ‘‘аад̣̇ааяа жа анаад̣̇ааяа жа гаран̣ад̇о гирияаагирияа’’нд̇и (баараа. адта. 2.552).

    679.Tatiyaṃ tu kriyākriyanti idaṃ tatiyasikkhāpadaṃ pana ‘‘dve bhāgā suddhakāḷakāna’’ntiādinā (pārā. 554) vuttanayena aggahetvā kāḷakānaṃ atirekaggahaṇavasena ananuññātappakārena karaṇato kiriyākiriyaṃ nāma. Yathāha aṭṭhakathāyaṃ ‘‘ādāya ca anādāya ca karaṇato kiriyākiriya’’nti (pārā. aṭṭha. 2.552).

    д̣̇взбхааг̇агат̇ааван̣н̣анаа.

    Dvebhāgakathāvaṇṇanā.

    680. чаннам̣ вассаанам̣ орзнаад̇и буб̣б̣з сант̇ад̇асса гад̇ад̣̇ивасад̇о бадтааяа убари чаннам̣ вассаанам̣ аб̣бханд̇арзд̇и ад̇т̇о. ход̇и ниссаг̇г̇ияаабад̇д̇ийд̇и чаб̣б̣ассанд̇арз гад̇асант̇ад̇ам̣ ниссаг̇г̇ияам̣ ход̇и, гаарагасса жа баажид̇д̇ияам̣ ход̇ийд̇и ад̇т̇о. бхигкусаммуд̇им̣ табзд̇ваад̇и сант̇ад̇ам̣ г̇ахзд̇ваа ад̣̇д̇хаанамаг̇г̇ам̣ бадибаж̇ж̇ид̇ум̣ асамад̇т̇асса г̇илаанасса ‘‘ахам̣ бханд̇з г̇илаано на саггоми сант̇ад̇ам̣ аад̣̇ааяа баггамид̇ум̣, сохам̣ бханд̇з сан̇гхам̣ сант̇ад̇асаммуд̇им̣ яаажаамий’’д̇и (баараа. 559) сан̇гхамаж̇жхз нисаж̇ж̇а ан̃ж̇алим̣ баг̇г̇ахзд̇ваа д̇игкад̇д̇ум̣ яаажид̇з н̃ад̇д̇ид̣̇уд̇ияааяа гаммаваажааяа г̇ад̇адтаанз чаб̣б̣ассаанам̣ анд̇оби сант̇ад̇ам̣ гаад̇ум̣ сан̇гхзна д̣̇иннасаммуд̇им̣ винаад̇и ад̇т̇о.

    680.Channaṃvassānaṃ orenāti pubbe santhatassa katadivasato paṭṭhāya upari channaṃ vassānaṃ abbhantareti attho. Hoti nissaggiyāpattīti chabbassantare katasanthataṃ nissaggiyaṃ hoti, kārakassa ca pācittiyaṃ hotīti attho. Bhikkhusammutiṃ ṭhapetvāti santhataṃ gahetvā addhānamaggaṃ paṭipajjituṃ asamatthassa gilānassa ‘‘ahaṃ bhante gilāno na sakkomi santhataṃ ādāya pakkamituṃ, sohaṃ bhante saṅghaṃ santhatasammutiṃ yācāmī’’ti (pārā. 559) saṅghamajjhe nisajja añjaliṃ paggahetvā tikkhattuṃ yācite ñattidutiyāya kammavācāya gataṭṭhāne chabbassānaṃ antopi santhataṃ kātuṃ saṅghena dinnasammutiṃ vināti attho.

    682. чаб̣б̣ассаани гаронд̇ассаад̇и зд̇т̇а ‘‘яад̣̇аа барибун̣н̣аани, д̇ад̣̇аа’’д̇и сзсо, чаб̣б̣ассзсу барибун̣н̣зсу сант̇ад̇ам̣ гаронд̇ассаад̇и ад̇т̇о. яат̇ааха адтагат̇ааяам̣ ‘‘яад̣̇аа чаб̣б̣ассаани барибун̣н̣аани хонд̇и, д̇ад̣̇аа сант̇ад̇ам̣ гарод̇ий’’д̇и (баараа. адта. 2.557). д̇ад̣̇уд̣̇д̇хамбийд̇и чаб̣б̣ассад̇о убариби. вид̇аанзд̇и вид̇аананимид̇д̇ам̣ гаронд̇асса. саан̣ибаагаарзд̇и баагаарасад̣̇исад̇ирогаран̣ийяанимид̇д̇ам̣ гаронд̇асса. ниссаж̇ж̇ид̇ваа гад̇зби жаад̇и бураан̣асант̇ад̇з ан̃н̃асса д̣̇ад̇ваа ан̃н̃асмим̣ сант̇ад̇з орад̇о чаннам̣ вассаанам̣ гад̇зби жа анаабад̇д̇ийд̇и яож̇анаа. аяаманаабад̇д̇ивааро нзва баал̣ияам̣, на адтагат̇аасу д̣̇иссад̇и, д̇асмаа со аажарияабарамбараабхад̇о аажариязна д̣̇ассид̇од̇и вин̃н̃ааяад̇и. саад̇хааран̣авинижчаяам̣ бана ‘‘ананд̇арассимассааби, висзсо нубалаб̣бхад̇ий’’д̇и вагкад̇и.

    682.Chabbassāni karontassāti ettha ‘‘yadā paripuṇṇāni, tadā’’ti seso, chabbassesu paripuṇṇesu santhataṃ karontassāti attho. Yathāha aṭṭhakathāyaṃ ‘‘yadā chabbassāni paripuṇṇāni honti, tadā santhataṃ karotī’’ti (pārā. aṭṭha. 2.557). Taduddhampīti chabbassato uparipi. Vitāneti vitānanimittaṃ karontassa. Sāṇipākāreti pākārasadisatirokaraṇīyanimittaṃ karontassa. Nissajjitvā katepi cāti purāṇasanthate aññassa datvā aññasmiṃ santhate orato channaṃ vassānaṃ katepi ca anāpattīti yojanā. Ayamanāpattivāro neva pāḷiyaṃ, na aṭṭhakathāsu dissati, tasmā so ācariyaparamparābhato ācariyena dassitoti viññāyati. Sādhāraṇavinicchayaṃ pana ‘‘anantarassimassāpi, viseso nupalabbhatī’’ti vakkhati.

    чаб̣б̣ассагат̇ааван̣н̣анаа.

    Chabbassakathāvaṇṇanā.

    683. анаад̣̇ааяаад̇и навам̣ нисийд̣̇анасант̇ад̇ам̣ гаронд̇зна бхигкунаа д̇асса виван̣н̣агаран̣ад̇т̇ааяа баал̣ияам̣ ‘‘бураан̣асант̇ад̇асса сааманд̇аа суг̇ад̇авид̣̇ад̇т̇и аад̣̇аад̇аб̣б̣аа д̣̇уб̣б̣ан̣н̣агаран̣ааяаа’’д̇и (баараа. 567) яаа аад̣̇аад̇ум̣ вуд̇д̇аа, д̇ам̣ бураан̣асант̇ад̇асса чиннамукаавад̇д̇ад̇о суг̇ад̇авид̣̇ад̇т̇им̣ ад̣̇ад̇ваа. звамзд̇ам̣ вуд̇д̇анд̇и гат̇ам̣ вин̃н̃ааяад̇ийд̇и? ‘‘анаад̣̇аанавасзнасса, суг̇ад̇асса вид̣̇ад̇т̇ияаа’’д̇и вагкамаанзна вин̃н̃ааяад̇и. сант̇ад̇зд̇и зд̇т̇а ‘‘бураан̣з’’ид̇и жа гаарзд̇ум̣ гад̇ан̃жаад̇и зд̇т̇а ‘‘навам̣ нисийд̣̇анам̣ сант̇ад̇а’’нд̇и жа сзсо , бураан̣з сант̇ад̇з асанд̇з сааманд̇аа суг̇ад̇авид̣̇ад̇т̇им̣ анаад̣̇ааяа навам̣ нисийд̣̇анасант̇ад̇ам̣ гаронд̇асса анаабад̇д̇и. ан̃н̃ассад̇т̇ааяа навам̣ нисийд̣̇анасант̇ад̇ам̣ гаарзд̇ум̣, навам̣ нисийд̣̇анасант̇ад̇ам̣ ан̃н̃зна гад̇ам̣ бадилабхид̇ваа барибхун̃ж̇ид̇ун̃жа анаабад̇д̇ийд̇и яож̇анаа.

    683.Anādāyāti navaṃ nisīdanasanthataṃ karontena bhikkhunā tassa vivaṇṇakaraṇatthāya pāḷiyaṃ ‘‘purāṇasanthatassa sāmantā sugatavidatthi ādātabbā dubbaṇṇakaraṇāyā’’ti (pārā. 567) yā ādātuṃ vuttā, taṃ purāṇasanthatassa chinnamukhāvattato sugatavidatthiṃ adatvā. Evametaṃ vuttanti kathaṃ viññāyatīti? ‘‘Anādānavasenassa, sugatassa vidatthiyā’’ti vakkhamānena viññāyati. Santhateti ettha ‘‘purāṇe’’iti ca kāretuṃ katañcāti ettha ‘‘navaṃ nisīdanaṃ santhata’’nti ca seso , purāṇe santhate asante sāmantā sugatavidatthiṃ anādāya navaṃ nisīdanasanthataṃ karontassa anāpatti. Aññassatthāya navaṃ nisīdanasanthataṃ kāretuṃ, navaṃ nisīdanasanthataṃ aññena kataṃ paṭilabhitvā paribhuñjituñca anāpattīti yojanā.

    ‘‘ан̃н̃ассад̇т̇ааяа гаарзд̇у’’нд̇и ид̣̇амзд̇т̇а баажид̇д̇иязнзва анаабад̇д̇ид̣̇ассананд̇и г̇ахзд̇аб̣б̣ам̣. д̇асмаа ‘‘ан̃н̃ассад̇т̇ааяа гарод̇и ваа гаараабзд̇и ваа, аабад̇д̇и д̣̇уггадассаа’’д̇и (баараа. 569) вуд̇д̇ад̇д̇аа жа адтагат̇ааяа, д̇аб̣б̣ан̣н̣анаасу жа ад̣̇иссамаанад̇д̇аа ваа д̇ам̣ на вад̇д̇аб̣б̣ам̣. ‘‘анаабад̇д̇и чаб̣б̣ассаани гарод̇и…бз… ан̃н̃ассад̇т̇ааяа гарод̇и ваа гаараабзд̇и ваа’’д̇и (баараа. 564) ананд̇арасигкаабад̣̇з вуд̇д̇амологзд̇ваа ваа д̣̇уггадасса жа вихид̇ад̇д̇аа баажид̇д̇иязна анаабад̇д̇ибхаавам̣ санд̇хааяа ликид̇анд̇и вин̃н̃ааяад̇и. гад̇ан̃жа барибхун̃ж̇ид̇унд̇и зд̇т̇а ‘‘ан̃н̃знаа’’д̇и вад̇д̇аб̣б̣ам̣, иминаа ‘‘ан̃н̃зна гад̇ам̣ бадилабхид̇ваа барибхун̃ж̇ад̇и, анаабад̇д̇ий’’д̇и баатова д̣̇ассид̇о.

    ‘‘Aññassatthāyakāretu’’nti idamettha pācittiyeneva anāpattidassananti gahetabbaṃ. Tasmā ‘‘aññassatthāya karoti vā kārāpeti vā, āpatti dukkaṭassā’’ti (pārā. 569) vuttattā ca aṭṭhakathāya, tabbaṇṇanāsu ca adissamānattā vā taṃ na vattabbaṃ. ‘‘Anāpatti chabbassāni karoti…pe… aññassatthāya karoti vā kārāpeti vā’’ti (pārā. 564) anantarasikkhāpade vuttamoloketvā vā dukkaṭassa ca vihitattā pācittiyena anāpattibhāvaṃ sandhāya likhitanti viññāyati. Katañca paribhuñjitunti ettha ‘‘aññenā’’ti vattabbaṃ, iminā ‘‘aññena kataṃ paṭilabhitvā paribhuñjati, anāpattī’’ti pāṭhova dassito.

    684. суг̇ад̇асса вид̣̇ад̇т̇ияаа анаад̣̇аанавасзна жа асса сант̇ад̇асса гаран̣зна жа сад̇т̇аараа зд̇ам̣ сигкаабад̣̇ам̣ гирияаагирияам̣ вуд̇д̇анд̇и яож̇анаа.

    684. Sugatassa vidatthiyā anādānavasena ca assa santhatassa karaṇena ca satthārā etaṃ sikkhāpadaṃ kiriyākiriyaṃ vuttanti yojanā.

    685. нану жа имасса сигкаабад̣̇асса адтагат̇ааяа ‘‘самудтаанаад̣̇ийни гирияаагирияад̇д̇аа имасса сигкаабад̣̇асса д̣̇взбхааг̇асигкаабад̣̇асад̣̇исааний’’д̇и (баараа. адта. 2.567) вуд̇д̇аани, иха ‘‘сан̃жарид̇д̇асамаа’’д̇и гасмаа вуд̇д̇аанийд̇и? вужжад̇з – д̣̇взбхааг̇асигкаабад̣̇з ‘‘самудтаанаад̣̇ийниби госияасигкаабад̣̇асад̣̇исаанзваа’’д̇и (баараа. адта. 2.552) адтагат̇ааяа вуд̇д̇аани, госияасигкаабад̣̇з самудтаанаад̣̇ийнам̣ сан̃жарид̇д̇зна самабхаавасса вуд̇д̇ад̇д̇аа, мууламзва сарид̇ваа гирияаагирияасан̇каад̇ависзсасса висум̣ д̣̇ассид̇ад̇д̇аа авасидтавинижчаяамад̇д̇ам̣ санд̇хааяа звам̣ вуд̇д̇анд̇и г̇ахзд̇аб̣б̣ам̣. имам̣ висзсам̣ мун̃жид̇ваа авасидтавинижчаязна д̣̇вийсу сигкаабад̣̇зсу саад̇хааран̣авинижчаяасса ависзсад̇ам̣ д̣̇ассзд̇умааха ‘‘ананд̇арассаа’’д̇иаад̣̇и.

    685. Nanu ca imassa sikkhāpadassa aṭṭhakathāya ‘‘samuṭṭhānādīni kiriyākiriyattā imassa sikkhāpadassa dvebhāgasikkhāpadasadisānī’’ti (pārā. aṭṭha. 2.567) vuttāni, iha ‘‘sañcarittasamā’’ti kasmā vuttānīti? Vuccate – dvebhāgasikkhāpade ‘‘samuṭṭhānādīnipi kosiyasikkhāpadasadisānevā’’ti (pārā. aṭṭha. 2.552) aṭṭhakathāya vuttāni, kosiyasikkhāpade samuṭṭhānādīnaṃ sañcarittena samabhāvassa vuttattā, mūlameva saritvā kiriyākiriyasaṅkhātavisesassa visuṃ dassitattā avasiṭṭhavinicchayamattaṃ sandhāya evaṃ vuttanti gahetabbaṃ. Imaṃ visesaṃ muñcitvā avasiṭṭhavinicchayena dvīsu sikkhāpadesu sādhāraṇavinicchayassa avisesataṃ dassetumāha ‘‘anantarassā’’tiādi.

    нисийд̣̇анасант̇ад̇агат̇ааван̣н̣анаа.

    Nisīdanasanthatakathāvaṇṇanā.

    686-7. г̇ажчанд̇зд̇и д̇ияож̇анабууран̣адтаанам̣ ад̇иггамма г̇ажчанд̇з. яаанзд̇и сагадаад̣̇игз. ломаанийд̇и зл̣агаломаани. саамигассаад̇и яаанаад̣̇исаамино. аж̇аанад̇од̇и анаад̣̇арз саамиважанам̣. ад̣̇д̇хаанамаг̇г̇абадибанно яо бана бхигку зл̣агаломам̣ лабхид̇ваа ‘‘д̇ияож̇анабарамам̣ сахад̇т̇аа хаарзд̇аб̣б̣ааний’’д̇и (баараа. 573) анун̃н̃аад̇ад̇д̇аа д̇ияож̇анаб̣бханд̇арз сахад̇т̇знааби харид̇ваа д̇ияож̇анаад̇иггамз барзсам̣ яаанаад̣̇ийсу саамигзсу аж̇аананд̇зсу ‘‘зд̇з хариссанд̇ий’’д̇и жинд̇зд̇ваа яад̣̇и табзяяаад̇и ад̇т̇о. д̇зсууд̇и язсу зл̣агаломаани табид̇аани, д̇зсу яаанаад̣̇ийсу д̇ияож̇анамад̇ийд̇зсу бхигкусса баяог̇ам̣ винааби д̇ияож̇анам̣ ад̇игганд̇зсу д̇асса бхигкуно аабад̇д̇и ход̇ийд̇и яож̇анаа, д̇асса бхигкуно ‘‘батамам̣ баад̣̇ам̣ д̇ияож̇анам̣ ад̇иггаамзд̇и, аабад̇д̇и д̣̇уггадасса. д̣̇уд̇ияам̣ баад̣̇ам̣ ад̇иггаамзд̇и, ниссаг̇г̇ияам̣ баажид̇д̇ияа’’нд̇и (баараа. 573) вуд̇д̇ад̇д̇аа д̣̇уггадабаажид̇д̇ияаа хонд̇ийд̇и ад̇т̇о.

    686-7.Gacchanteti tiyojanapūraṇaṭṭhānaṃ atikkamma gacchante. Yāneti sakaṭādike. Lomānīti eḷakalomāni. Sāmikassāti yānādisāmino. Ajānatoti anādare sāmivacanaṃ. Addhānamaggapaṭipanno yo pana bhikkhu eḷakalomaṃ labhitvā ‘‘tiyojanaparamaṃ sahatthā hāretabbānī’’ti (pārā. 573) anuññātattā tiyojanabbhantare sahatthenāpi haritvā tiyojanātikkame paresaṃ yānādīsu sāmikesu ajānantesu ‘‘ete harissantī’’ti cintetvā yadi ṭhapeyyāti attho. Tesūti yesu eḷakalomāni ṭhapitāni, tesu yānādīsu tiyojanamatītesu bhikkhussa payogaṃ vināpi tiyojanaṃ atikkantesu tassa bhikkhuno āpatti hotīti yojanā, tassa bhikkhuno ‘‘paṭhamaṃ pādaṃ tiyojanaṃ atikkāmeti, āpatti dukkaṭassa. Dutiyaṃ pādaṃ atikkāmeti, nissaggiyaṃ pācittiya’’nti (pārā. 573) vuttattā dukkaṭapācittiyā hontīti attho.

    аяам̣ наяод̇и бхигкуно баяог̇ам̣ винаа яад̇т̇а зл̣агаломаани табид̇аани, д̇зсу яаанаад̣̇ийсу д̇ияож̇анам̣ ад̇иггаманд̇зсу аабад̇д̇и ход̇ийд̇и аяамад̇т̇о д̣̇адтаб̣б̣од̇и ад̇т̇о.

    Ayaṃ nayoti bhikkhuno payogaṃ vinā yattha eḷakalomāni ṭhapitāni, tesu yānādīsu tiyojanaṃ atikkamantesu āpatti hotīti ayamattho daṭṭhabboti attho.

    688. аг̇ажчанд̇зд̇и д̇ияож̇анаб̣бханд̇арз тид̇з. ‘‘абхируухид̇ваа’’д̇и ид̣̇ам̣ анаабад̇д̇игааран̣зсу згам̣ д̣̇ассзд̇умааха. ‘‘бхуумияан̃хи тад̇ваа д̣̇знд̇о, авхааяанд̇о ваа бурад̇о г̇ажчад̇и, зсзванаяо’’д̇и адтагат̇ааяам̣ вуд̇д̇ам̣. анаабад̇д̇иваарз ‘‘ан̃н̃ам̣ хараабзд̇ий’’д̇и важанад̇о ад̇д̇анаа бзсид̇з ан̃н̃асмим̣ харанд̇з ваддад̇ийд̇и д̣̇ассзд̇умааха ‘‘сажз саарзд̇и ваддад̇ий’’д̇и. д̇знзвааха ‘‘д̇ам̣ банан̃н̃ам̣ хараабзд̇и, важанзна вируж̇жхад̇ий’’д̇и.

    688.Agacchanteti tiyojanabbhantare ṭhite. ‘‘Abhirūhitvā’’ti idaṃ anāpattikāraṇesu ekaṃ dassetumāha. ‘‘Bhūmiyañhi ṭhatvā dento, avhāyanto vā purato gacchati, esevanayo’’ti aṭṭhakathāyaṃ vuttaṃ. Anāpattivāre ‘‘aññaṃ harāpetī’’ti vacanato attanā pesite aññasmiṃ harante vaṭṭatīti dassetumāha ‘‘sace sāreti vaṭṭatī’’ti. Tenevāha ‘‘taṃ panaññaṃ harāpeti, vacanena virujjhatī’’ti.

    690. ган̣н̣ажчид̣̇д̣̇зсууд̇и ад̇д̇ано ган̣н̣аб̣илзсу.

    690.Kaṇṇacchiddesūti attano kaṇṇabilesu.

    691. анаабад̇д̇иваарз ‘‘гад̇абхан̣д̣а’’нд̇и вуд̇д̇ад̇д̇аа д̇ад̇т̇а анд̇амасо суд̇д̇агзна б̣ад̣̇д̇хамад̇д̇амби гад̇абхан̣д̣амзваад̇и ааха ‘‘суд̇д̇агзна жа б̣анд̇хид̇ваа’’д̇и. взн̣им̣ гад̇ваад̇и гуд̣̇руусасийсабалаалавзн̣исад̣̇исам̣ взн̣им̣ гад̇ваа. аабад̇д̇и барид̣̇ийбид̇аад̇и ‘‘взн̣им̣ гад̇ваа харад̇и, ид̣̇ам̣ нид̇хаанамукам̣ наама, аабад̇д̇иязваа’’д̇и (баараа. адта. 2.575) адтагат̇ааяам̣ вуд̇д̇ам̣.

    691. Anāpattivāre ‘‘katabhaṇḍa’’nti vuttattā tattha antamaso suttakena baddhamattampi katabhaṇḍamevāti āha ‘‘suttakena ca bandhitvā’’ti. Veṇiṃ katvāti kudrūsasīsapalālaveṇisadisaṃ veṇiṃ katvā. Āpatti paridīpitāti ‘‘veṇiṃ katvā harati, idaṃ nidhānamukhaṃ nāma, āpattiyevā’’ti (pārā. aṭṭha. 2.575) aṭṭhakathāyaṃ vuttaṃ.

    692. сун̇гагхаад̇анд̇и зд̇т̇а ‘‘д̇ам̣ таана’’нд̇и сзсо, яад̣̇и д̇ам̣ таанам̣ сун̇гагхаад̇анд̇и яож̇анаа, д̇ияож̇аносаанадтаанам̣ яад̣̇и сун̇гагхаад̇адтаанам̣ бхавзяяаад̇и ад̇т̇о. ануббад̇ваад̇и д̇ам̣ таанам̣ бад̇ваа. жораад̣̇ийхи убад̣̇д̣̇уд̇о ваа г̇ажчад̇и, яо ан̃н̃авихид̇о ваа г̇ажчад̇ийд̇и яож̇анаа. аабад̇д̇ийд̇и зд̇т̇а аабад̇д̇и д̇асса г̇ажчад̇од̇и лаб̣бхад̇и. зд̇т̇а ‘‘аабад̇д̇ий’’д̇и иминаа сигкаабад̣̇зна аабад̇д̇имааха. имиссаа ажид̇д̇агад̇ааяа д̇зсам̣ д̣̇виннамби ход̇и. ад̣̇иннаад̣̇аанабаарааж̇игам̣ бана сажид̇д̇агад̇ааяа зд̇зсам̣ на ход̇и. д̇знааха адтагат̇ааяам̣ ‘‘яаа хи д̇ад̇т̇а аабад̇д̇и, саа ид̇ха анаабад̇д̇и. яаа ид̇ха аабад̇д̇и, саа д̇ад̇т̇а анаабад̇д̇ий’’д̇и (баараа. адта. 2.572). т̇зяяажид̇д̇зна харад̇о бхан̣д̣аг̇гхавасзна баарааж̇игат̇уллажжаяад̣̇уггадзсу згам̣ ход̇и. д̇знааха адтагат̇ааяам̣ ‘‘ад̣̇иннаад̣̇аанз бана сун̇гагхаад̇з аабад̇д̇и ход̇ий’’д̇и (баараа. адта. 2.572).

    692.Suṅkaghātanti ettha ‘‘taṃ ṭhāna’’nti seso, yadi taṃ ṭhānaṃ suṅkaghātanti yojanā, tiyojanosānaṭṭhānaṃ yadi suṅkaghātaṭṭhānaṃ bhaveyyāti attho. Anuppatvāti taṃ ṭhānaṃ patvā. Corādīhi upadduto vā gacchati, yo aññavihito vā gacchatīti yojanā. Āpattīti ettha āpatti tassa gacchatoti labbhati. Ettha ‘‘āpattī’’ti iminā sikkhāpadena āpattimāha. Imissā acittakatāya tesaṃ dvinnampi hoti. Adinnādānapārājikaṃ pana sacittakatāya etesaṃ na hoti. Tenāha aṭṭhakathāyaṃ ‘‘yā hi tattha āpatti, sā idha anāpatti. Yā idha āpatti, sā tattha anāpattī’’ti (pārā. aṭṭha. 2.572). Theyyacittena harato bhaṇḍagghavasena pārājikathullaccayadukkaṭesu ekaṃ hoti. Tenāha aṭṭhakathāyaṃ ‘‘adinnādāne pana suṅkaghāte āpatti hotī’’ti (pārā. aṭṭha. 2.572).

    693. д̇ияож̇ананд̇и зд̇т̇а харан̣агирияааяа ажжанд̇асам̣яог̇з убаяог̇аважанам̣. ‘‘харанд̇ассаа’’д̇и имасса гаммад̣̇ийбагам̣ ‘‘ломааний’’д̇и ид̣̇ам̣ багаран̣ад̇о лаб̣бхад̇и. ‘‘анаабад̇д̇и багаасид̇аа’’д̇и ид̣̇ам̣ саб̣б̣ад̇т̇а вагкамаанзна самб̣анд̇ханийяам̣. д̇ааниязва бажжаахаранд̇ассаад̇и яож̇анаа. д̇ияож̇ананд̇и зд̇т̇а д̇ам̣язва д̇ияож̇ананд̇и лаб̣бхад̇и. ад̇д̇анаа г̇ад̇ам̣ д̇ияож̇анам̣ буна д̇аанзва ломаани г̇ахзд̇ваа бажжааг̇ажчанд̇ассаад̇и ад̇т̇о.

    693.Tiyojananti ettha haraṇakiriyāya accantasaṃyoge upayogavacanaṃ. ‘‘Harantassā’’ti imassa kammadīpakaṃ ‘‘lomānī’’ti idaṃ pakaraṇato labbhati. ‘‘Anāpatti pakāsitā’’ti idaṃ sabbattha vakkhamānena sambandhanīyaṃ. Tāniyeva paccāharantassāti yojanā. Tiyojananti ettha taṃyeva tiyojananti labbhati. Attanā gataṃ tiyojanaṃ puna tāneva lomāni gahetvā paccāgacchantassāti attho.

    694. ниваасад̇т̇ааяа ваа г̇анд̇ваад̇и д̇ияож̇анаб̣бханд̇арз ваа сиймааяа ваа ааваасз васид̇угаамад̇ааяа г̇анд̇ваа. д̇ад̇о барам̣ харанд̇ассаад̇и д̇асмим̣ ааваасз уд̣̇д̣̇зсаад̣̇им̣ алабхид̇ваа д̇ад̇о барам̣ ан̃н̃асмим̣ ааваасз васид̇угаамад̇ааяа бунаби д̇ияож̇анам̣ харанд̇ассаад̇и ад̇т̇о. иминаава наязна д̇ад̇оби ан̃н̃ам̣ таанам̣, д̇ад̇оби ан̃н̃анд̇и суд̣̇д̇хажид̇д̇зна г̇ад̇аг̇ад̇адтаанад̇о бунаби барамбарам̣ таанам̣ г̇аманавасзна яож̇анасад̇амби харад̇о д̣̇осо над̇т̇ийд̇и ид̣̇амби вуд̇д̇ам̣ ход̇и. яат̇ааха адтагат̇ааяам̣ ‘‘звам̣ яож̇анасад̇амби харанд̇асса анаабад̇д̇ий’’д̇и (баараа. адта. 2.575). ажчиннам̣ вааби лабхид̇ваа харад̇обийд̇и ‘‘жораавахадабарижжад̇д̇ам̣ лабхид̇ваа харанд̇асса. ид̇ха саб̣б̣ад̇т̇зва ‘‘ниваасад̇т̇ааяа ваа г̇анд̇ваа’’д̇иаад̣̇игз анаабад̇д̇иваарз батамалад̣̇д̇хадтаанад̇о бабхуд̇и ад̇ирзгад̇ияож̇анамби харанд̇асса анаабад̇д̇ийд̇и ад̇т̇о вин̃н̃ааяад̇и. ниссадтам̣ лабхид̇ваад̇и ниссаж̇ж̇ид̇ваа винаяагаммам̣ гад̇ваа д̣̇иннам̣ лабхид̇ваа.

    694.Nivāsatthāya vā gantvāti tiyojanabbhantare vā sīmāya vā āvāse vasitukāmatāya gantvā. Tato paraṃ harantassāti tasmiṃ āvāse uddesādiṃ alabhitvā tato paraṃ aññasmiṃ āvāse vasitukāmatāya punapi tiyojanaṃ harantassāti attho. Imināva nayena tatopi aññaṃ ṭhānaṃ, tatopi aññanti suddhacittena gatagataṭṭhānato punapi paramparaṃ ṭhānaṃ gamanavasena yojanasatampi harato doso natthīti idampi vuttaṃ hoti. Yathāha aṭṭhakathāyaṃ ‘‘evaṃ yojanasatampi harantassa anāpattī’’ti (pārā. aṭṭha. 2.575). Acchinnaṃ vāpi labhitvā haratopīti ‘‘corāvahaṭapariccattaṃ labhitvā harantassa. Idha sabbattheva ‘‘nivāsatthāya vā gantvā’’tiādike anāpattivāre paṭhamaladdhaṭṭhānato pabhuti atirekatiyojanampi harantassa anāpattīti attho viññāyati. Nissaṭṭhaṃ labhitvāti nissajjitvā vinayakammaṃ katvā dinnaṃ labhitvā.

    695. ан̃н̃знаад̇и д̇аани хааринаа ан̃н̃зна. гад̇абхан̣д̣аганд̇и ‘‘гамб̣алагож̇авасант̇ад̇аад̣̇им̣ яам̣ гин̃жи анд̇амасо суд̇д̇агзна б̣ад̣̇д̇хамад̇д̇амбий’’д̇и (баараа. адта. 2.575) адтагат̇ааяам̣ вуд̇д̇азл̣агаломзхи гад̇абхан̣д̣агам̣.

    695.Aññenāti tāni hārinā aññena. Katabhaṇḍakanti ‘‘kambalakojavasanthatādiṃ yaṃ kiñci antamaso suttakena baddhamattampī’’ti (pārā. aṭṭha. 2.575) aṭṭhakathāyaṃ vuttaeḷakalomehi katabhaṇḍakaṃ.

    696. ид̣̇ам̣ самудтаананд̇и ид̣̇ам̣ зл̣агаломасамудтаанам̣. бан̣н̣ад̇д̇им̣ аж̇аананад̇ааяа ваа н̃ад̇вааби жийвараад̣̇ибаригкаарзсу ломасса аллинабхаавам̣ аж̇аанид̇вааби ваа д̇ияож̇анам̣ ад̇иггаамзнд̇асса арахад̇оби имааяа аабад̇д̇ияаа самбхавад̇о ‘‘ажид̇д̇а’’нд̇и ааха.

    696.Idaṃ samuṭṭhānanti idaṃ eḷakalomasamuṭṭhānaṃ. Paṇṇattiṃ ajānanatāya vā ñatvāpi cīvarādiparikkhāresu lomassa allinabhāvaṃ ajānitvāpi vā tiyojanaṃ atikkāmentassa arahatopi imāya āpattiyā sambhavato ‘‘acitta’’nti āha.

    зл̣агаломагат̇ааван̣н̣анаа.

    Eḷakalomakathāvaṇṇanā.

    697. зл̣агаломад̇ховаабанагат̇аа уд̇д̇аанааязва.

    697. Eḷakalomadhovāpanakathā uttānāyeva.

    зл̣агаломад̇ховаабанагат̇ааван̣н̣анаа.

    Eḷakalomadhovāpanakathāvaṇṇanā.

    698. г̇ан̣хзяяа ваад̇и зд̇т̇а ‘‘яо’’д̇и сзсо. ‘‘г̇ан̣хзяяа ваа г̇ан̣хаабзяяа ваа’’д̇и иминаа ‘‘д̇ад̇т̇ад̇д̇ано банад̇т̇ааяаа’’д̇и вагкамаанад̇д̇аа жа ‘‘ниссаж̇ж̇ид̇ваа’’д̇иаад̣̇иважанад̇о жа ад̇д̇ано ад̇т̇ааяа уг̇г̇ан̣хзяяа ваа уг̇г̇ан̣хаабзяяа ваад̇и вуд̇д̇ам̣ ход̇и. ваагаарзна ‘‘убанигкид̇д̇ам̣ ваа саад̣̇иязяяаа’’д̇и ид̣̇ам̣ сан̇г̇ан̣хаад̇и, ‘‘ид̣̇ам̣ аяяасса ход̇уу’’д̇и убанигкид̇д̇ам̣ жз саад̣̇ияад̇ийд̇и ад̇т̇о.

    698.Gaṇheyya vāti ettha ‘‘yo’’ti seso. ‘‘Gaṇheyya vā gaṇhāpeyya vā’’ti iminā ‘‘tatthattano panatthāyā’’ti vakkhamānattā ca ‘‘nissajjitvā’’tiādivacanato ca attano atthāya uggaṇheyya vā uggaṇhāpeyya vāti vuttaṃ hoti. Vākārena ‘‘upanikkhittaṃ vā sādiyeyyā’’ti idaṃ saṅgaṇhāti, ‘‘idaṃ ayyassa hotū’’ti upanikkhittaṃ ce sādiyatīti attho.

    раж̇ад̇анд̇и ан̃н̃ад̇т̇а саж̇жху вужжад̇и, ид̇ха бана вохааруубаг̇агахаабан̣аад̣̇и вужжад̇и. вуд̇д̇ан̃хзд̇ам̣ баал̣ияам̣ ‘‘раж̇ад̇ам̣ наама гахаабан̣о лохамаасаго д̣̇аарумаасаго ж̇ад̇умаасаго, яз вохаарам̣ г̇ажчанд̇ий’’д̇и (баараа. 584). ид̇ха гахаабан̣аад̣̇ийнам̣ саруубам̣ адтагат̇ааяам̣ –

    Rajatanti aññattha sajjhu vuccati, idha pana vohārūpagakahāpaṇādi vuccati. Vuttañhetaṃ pāḷiyaṃ ‘‘rajataṃ nāma kahāpaṇo lohamāsako dārumāsako jatumāsako, ye vohāraṃ gacchantī’’ti (pārā. 584). Idha kahāpaṇādīnaṃ sarūpaṃ aṭṭhakathāyaṃ –

    ‘‘д̇ад̇т̇а гахаабан̣од̇и сован̣н̣амаяо ваа руубияамаяо ваа баагад̇иго ваа. лохамаасагод̇и д̇амб̣алохаад̣̇ийхи гад̇амаасаго. д̣̇аарумаасагод̇и саарад̣̇аарунаа ваа взл̣убзсигааяа ваа анд̇амасо д̇аалабан̣н̣зби руубам̣ чинд̣̇ид̇ваа гад̇амаасаго. ж̇ад̇умаасагод̇и лаакааяа ваа нияяаасзна ваа руубам̣ самудтаабзд̇ваа гад̇амаасаго. ‘яз вохаарам̣ г̇ажчанд̇ий’д̇и иминаа бана бад̣̇зна яо яо яад̇т̇а яад̇т̇а ж̇анабад̣̇з яад̣̇аа яад̣̇аа вохаарам̣ г̇ажчад̇и, анд̇амасо адтимаяоби жаммамаяоби ругкапалаб̣ийж̇амаяоби самудтаабид̇аруубоби асамудтаабид̇аруубоби саб̣б̣о сан̇г̇ахид̇о’’д̇и (баараа. адта. 2.583-584) –

    ‘‘Tattha kahāpaṇoti sovaṇṇamayo vā rūpiyamayo vā pākatiko vā. Lohamāsakoti tambalohādīhi katamāsako. Dārumāsakoti sāradārunā vā veḷupesikāya vā antamaso tālapaṇṇepi rūpaṃ chinditvā katamāsako. Jatumāsakoti lākhāya vā niyyāsena vā rūpaṃ samuṭṭhāpetvā katamāsako. ‘Ye vohāraṃ gacchantī’ti iminā pana padena yo yo yattha yattha janapade yadā yadā vohāraṃ gacchati, antamaso aṭṭhimayopi cammamayopi rukkhaphalabījamayopi samuṭṭhāpitarūpopi asamuṭṭhāpitarūpopi sabbo saṅgahito’’ti (pārā. aṭṭha. 2.583-584) –

    вуд̇д̇анаязна взд̣̇ид̇аб̣б̣ам̣.

    Vuttanayena veditabbaṃ.

    зд̇т̇а жа баагад̇иго наама зд̇арахи багад̇игахаабан̣о. ругкапалаб̣ийж̇амаяод̇и д̇инд̇ин̣игаад̣̇иругкаанам̣ палаб̣ийж̇зна гад̇о.

    Ettha ca pākatiko nāma etarahi pakatikahāpaṇo. Rukkhaphalabījamayoti tintiṇikādirukkhānaṃ phalabījena kato.

    ж̇аад̇аруубагам̣ суван̣н̣ам̣. яат̇ааха баал̣ияам̣ ‘‘ж̇аад̇аруубам̣ наама сад̇т̇уван̣н̣о вужжад̇ий’’д̇и (баараа. 584). ниссаж̇ж̇ид̇ваад̇и зд̇т̇а ‘‘д̇знаа’’д̇и лаб̣бхад̇и, ‘‘бхигкунаа’’д̇и иминаа яуж̇ж̇ад̇и, звам̣ саад̣̇ид̇абхигкунаад̇и ад̇т̇о. ниссаж̇ж̇ид̇ваад̇и ад̇д̇анаа уг̇г̇ахид̇ам̣ ваа барзна уг̇г̇ахаабид̇ам̣ ваа убанигкибид̇асса саад̣̇ияанавасзна саад̣̇ид̇ам̣ ваа раж̇ад̇ам̣ ваа ж̇аад̇аруубам̣ ваа ‘‘д̇зна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа’’д̇и (баараа. 584) важанад̇о сан̇гхамаж̇жхз убасан̇гамид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇аяха ‘‘ахам̣ бханд̇з руубияам̣ бадиг̇г̇ахзсим̣, ид̣̇ам̣ мз ниссаг̇г̇ияам̣, имаахам̣ ниссаж̇ж̇аамий’’д̇и ниссаж̇ж̇ид̇ваад̇и вуд̇д̇ам̣ ход̇и.

    Jātarūpakaṃ suvaṇṇaṃ. Yathāha pāḷiyaṃ ‘‘jātarūpaṃ nāma satthuvaṇṇo vuccatī’’ti (pārā. 584). Nissajjitvāti ettha ‘‘tenā’’ti labbhati, ‘‘bhikkhunā’’ti iminā yujjati, evaṃ sāditabhikkhunāti attho. Nissajjitvāti attanā uggahitaṃ vā parena uggahāpitaṃ vā upanikkhipitassa sādiyanavasena sāditaṃ vā rajataṃ vā jātarūpaṃ vā ‘‘tena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā’’ti (pārā. 584) vacanato saṅghamajjhe upasaṅkamitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggayha ‘‘ahaṃ bhante rūpiyaṃ paṭiggahesiṃ, idaṃ me nissaggiyaṃ, imāhaṃ nissajjāmī’’ti nissajjitvāti vuttaṃ hoti.

    аабад̇д̇и д̣̇зсзд̇аб̣б̣ааваад̇и ад̇д̇анаа зва аабаннам̣ ниссаг̇г̇ияам̣ баажид̇д̇ияам̣ д̇асмим̣ сан̇гхамаж̇жхз звамзва нисийд̣̇ид̇ваа д̣̇зсзд̇аб̣б̣аа. звам̣ д̣̇зсид̇аа аабад̇д̇и сан̇гхаанумад̇зна б̣яад̇д̇зна бадиб̣алзна бхигкунаа бадиг̇г̇ахзд̇аб̣б̣аа. вуд̇д̇ан̃хзд̇ам̣ ‘‘б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аа’’д̇и (баараа. 584).

    Āpattidesetabbāvāti attanā eva āpannaṃ nissaggiyaṃ pācittiyaṃ tasmiṃ saṅghamajjhe evameva nisīditvā desetabbā. Evaṃ desitā āpatti saṅghānumatena byattena paṭibalena bhikkhunā paṭiggahetabbā. Vuttañhetaṃ ‘‘byattena bhikkhunā paṭibalena āpatti paṭiggahetabbā’’ti (pārā. 584).

    699. раж̇ад̇анд̇и руубияам̣. ж̇аад̇аруубанд̇и суван̣н̣ам̣. иминаа бад̣̇ад̣̇ваязна гад̇аагад̇ам̣ саб̣б̣ам̣ сан̇г̇ан̣хаад̇и. убхиннам̣ маасагод̇и ж̇аад̇аруубамаасаго, раж̇ад̇амаасагоби жаад̇и вуд̇д̇ам̣ ход̇и. ид̇ха раж̇ад̇амаасагод̇и ‘‘раж̇ад̇а’’нд̇и бад̣̇абхааж̇анз (баараа. 584) вуд̇д̇агахаабан̣аад̣̇и бан̃жаббагааро маасаго г̇ахид̇о. яат̇ааха адтагат̇ааяам̣ ‘‘вуд̇д̇аббагааро саб̣б̣оби раж̇ад̇амаасаго’’д̇и (баараа. адта. 2.583-584). ид̇ха ‘‘ж̇аад̇аруубамаасаго’’д̇и висум̣ г̇ахид̇ад̇д̇аа гахаабан̣абад̣̇зна суван̣н̣агахаабан̣ам̣ важ̇ж̇зд̇ваа ид̇арад̣̇ваяамзва вад̇д̇аб̣б̣ам̣. ‘‘ниссаг̇г̇ияааваха’’нд̇и ид̣̇ам̣ ад̇д̇ано ад̇т̇ааяа уг̇г̇ан̣ханауг̇г̇ан̣хаабанасаад̣̇ияанаани гаронд̇ам̣ санд̇хааяааха. ‘‘д̇ад̇т̇аа’’д̇иаад̣̇инаа вагкамаананаязна д̣̇уггадаавахан̃жа ход̇зва.

    699.Rajatanti rūpiyaṃ. Jātarūpanti suvaṇṇaṃ. Iminā padadvayena katākataṃ sabbaṃ saṅgaṇhāti. Ubhinnaṃ māsakoti jātarūpamāsako, rajatamāsakopi cāti vuttaṃ hoti. Idha rajatamāsakoti ‘‘rajata’’nti padabhājane (pārā. 584) vuttakahāpaṇādi pañcappakāro māsako gahito. Yathāha aṭṭhakathāyaṃ ‘‘vuttappakāro sabbopi rajatamāsako’’ti (pārā. aṭṭha. 2.583-584). Idha ‘‘jātarūpamāsako’’ti visuṃ gahitattā kahāpaṇapadena suvaṇṇakahāpaṇaṃ vajjetvā itaradvayameva vattabbaṃ. ‘‘Nissaggiyāvaha’’nti idaṃ attano atthāya uggaṇhanauggaṇhāpanasādiyanāni karontaṃ sandhāyāha. ‘‘Tatthā’’tiādinā vakkhamānanayena dukkaṭāvahañca hoteva.

    700-1. муд̇д̇аад̣̇ийнам̣ имасмим̣ сигкаабад̣̇авибхан̇г̇з авуд̇д̇ад̇д̇зби баажид̇д̇ияаган̣д̣з навамаваг̇г̇з д̣̇уд̇ияасса рад̇анасигкаабад̣̇асса бад̣̇абхааж̇анз ‘‘рад̇анам̣ наама муд̇д̇аа ман̣и взл̣урияо сан̇ко силаа баваалам̣ раж̇ад̇ам̣ ж̇аад̇аруубам̣ лохид̇ан̇го масаараг̇алла’’нд̇и (баажи. 506) вуд̇д̇аанам̣ д̣̇асаннам̣ рад̇анаанам̣ имасмим̣ сигкаабад̣̇з ниссаг̇г̇ияавад̇т̇ум̣ гад̇ваа вуд̇д̇ам̣ раж̇ад̇ам̣, ж̇аад̇аруубан̃жа важ̇ж̇зд̇ваа авасидтаанам̣ адтаннам̣ рад̇анаанам̣ д̣̇уггадавад̇т̇убхааво имасса адтагат̇ааяам̣ вавад̇т̇аабид̇од̇и д̣̇ассанад̇т̇амааха ‘‘муд̇д̇аа…бз… масаараг̇алла’’нд̇и. зд̇т̇а взл̣урияо г̇аат̇ааб̣анд̇хавасзна на вуд̇д̇о , со згаяог̇анид̣̇д̣̇идтаанам̣ сад̇д̇аннам̣ рад̇анаанам̣ г̇ахан̣знзва г̇аяхад̇и. муд̇д̇аад̣̇аяо яат̇аад̣̇ассид̇асаруубааязва. б̣рахмаж̇аалаад̣̇исуд̇д̇анд̇авасзнааби ‘‘агаббияаа’’д̇и сид̣̇д̇хаанам̣ сад̇д̇ад̇хан̃н̃аад̣̇ийнам̣ бадиг̇г̇ахан̣з аабад̇д̇им̣ д̣̇ассзд̇умааха ‘‘д̇хан̃н̃ааний’’д̇иаад̣̇и.

    700-1.Muttādīnaṃ imasmiṃ sikkhāpadavibhaṅge avuttattepi pācittiyakaṇḍe navamavagge dutiyassa ratanasikkhāpadassa padabhājane ‘‘ratanaṃ nāma muttā maṇi veḷuriyo saṅkho silā pavālaṃ rajataṃ jātarūpaṃ lohitaṅko masāragalla’’nti (pāci. 506) vuttānaṃ dasannaṃ ratanānaṃ imasmiṃ sikkhāpade nissaggiyavatthuṃ katvā vuttaṃ rajataṃ, jātarūpañca vajjetvā avasiṭṭhānaṃ aṭṭhannaṃ ratanānaṃ dukkaṭavatthubhāvo imassa aṭṭhakathāyaṃ vavatthāpitoti dassanatthamāha ‘‘muttā…pe… masāragalla’’nti. Ettha veḷuriyo gāthābandhavasena na vutto , so ekayoganiddiṭṭhānaṃ sattannaṃ ratanānaṃ gahaṇeneva gayhati. Muttādayo yathādassitasarūpāyeva. Brahmajālādisuttantavasenāpi ‘‘akappiyā’’ti siddhānaṃ sattadhaññādīnaṃ paṭiggahaṇe āpattiṃ dassetumāha ‘‘dhaññānī’’tiādi.

    702. рад̇анасигкаабад̣̇зязва ‘‘рад̇анасаммад̇а’’нд̇и ааг̇ад̇ам̣ габбияавад̇т̇ум̣ бадиг̇г̇ан̣хад̇о анаабад̇д̇ибхаавам̣ д̣̇ассзд̇умааха ‘‘муг̇г̇амаасаад̣̇ига’’нд̇иаад̣̇и.

    702.Ratanasikkhāpadeyeva ‘‘ratanasammata’’nti āgataṃ kappiyavatthuṃ paṭiggaṇhato anāpattibhāvaṃ dassetumāha ‘‘muggamāsādika’’ntiādi.

    703-4. звам̣ д̇иббагаарзна тид̇ам̣ вад̇т̇ум̣ г̇ан̣хад̇о ад̇хиббааяанаанад̇д̇зна самбхаванд̇ам̣ аабад̇д̇иббабхзд̣̇ам̣ д̣̇ассзд̇умааха ‘‘д̇ад̇т̇аа’’д̇иаад̣̇и. д̇ад̇т̇аад̇и д̇зсу д̇ийсу ниссаг̇г̇ияаад̣̇ивад̇т̇уусу. сан̇гхаад̣̇ийнанд̇и сан̇гхаг̇ан̣абуг̇г̇алажзд̇ияаад̣̇ийнам̣. д̇анд̇и ниссаг̇г̇ияавад̇т̇ум̣. саб̣б̣ад̇т̇ааяаад̇и саб̣б̣зсам̣ ад̇т̇ааяаад̇и виг̇г̇ахо. ад̇д̇ано ад̇т̇ааяа жа сан̇гхаад̣̇ийнамад̇т̇ааяа жа д̣̇уггадавад̇т̇ум̣ г̇ан̣ханд̇ассааби д̣̇уггадамзва ход̇ийд̇и ад̇т̇о. авуд̇д̇асамужжаязнзд̇т̇а жа-сад̣̇д̣̇зна ‘‘саб̣б̣амби нигкибанад̇т̇ааяа бхан̣д̣ааг̇ааригасийсзна самбадижчад̇о убари рад̇анасигкаабад̣̇з ааг̇ад̇авасзна баажид̇д̇ияа’’нд̇и (баараа. адта. 2.583-584) адтагат̇ааяа вуд̇д̇авинижчаяависзсасса сан̇г̇ахо гад̇о.

    703-4. Evaṃ tippakārena ṭhitaṃ vatthuṃ gaṇhato adhippāyanānattena sambhavantaṃ āpattippabhedaṃ dassetumāha ‘‘tatthā’’tiādi. Tatthāti tesu tīsu nissaggiyādivatthūsu. Saṅghādīnanti saṅghagaṇapuggalacetiyādīnaṃ. Tanti nissaggiyavatthuṃ. Sabbatthāyāti sabbesaṃ atthāyāti viggaho. Attano atthāya ca saṅghādīnamatthāya ca dukkaṭavatthuṃ gaṇhantassāpi dukkaṭameva hotīti attho. Avuttasamuccayenettha ca-saddena ‘‘sabbampi nikkhipanatthāya bhaṇḍāgārikasīsena sampaṭicchato upari ratanasikkhāpade āgatavasena pācittiya’’nti (pārā. aṭṭha. 2.583-584) aṭṭhakathāya vuttavinicchayavisesassa saṅgaho kato.

    705. гахаабан̣аад̣̇ийнанд̇и аад̣̇и-сад̣̇д̣̇зна суван̣н̣аад̣̇ийнам̣ сан̇г̇ахо. ‘‘сахасса’’нд̇и ид̣̇ам̣ убалагкан̣ам̣, сахассамбийд̇и вуд̇д̇ам̣ ход̇и.

    705.Kahāpaṇādīnanti ādi-saddena suvaṇṇādīnaṃ saṅgaho. ‘‘Sahassa’’nti idaṃ upalakkhaṇaṃ, sahassampīti vuttaṃ hoti.

    706. т̇авигаад̣̇ийсууд̇и аад̣̇и-сад̣̇д̣̇зна сит̇илабуурид̇аани бхааж̇анаани г̇ахид̇аани. ‘‘сит̇илаб̣ад̣̇д̇хзсуу’’д̇и висзсанзна б̣яад̇ирзгавасзна ‘‘гханаб̣ад̣̇д̇хз, бана гханабуурид̇з ваа згаава аабад̇д̇ий’’д̇и (баараа. адта. 2.583-584) адтагат̇аасзсам̣ д̣̇ийбзд̇и.

    706.Thavikādīsūti ādi-saddena sithilapūritāni bhājanāni gahitāni. ‘‘Sithilabaddhesū’’ti visesanena byatirekavasena ‘‘ghanabaddhe, pana ghanapūrite vā ekāva āpattī’’ti (pārā. aṭṭha. 2.583-584) aṭṭhakathāsesaṃ dīpeti.

    707. убанигкид̇д̇асаад̣̇ияанагаммам̣ д̣̇ассзд̇умааха ‘‘ид̣̇а’’нд̇иаад̣̇и. г̇ан̣хид̇угаамобийд̇и зд̇т̇а ‘‘ход̇уу’’д̇и сзсо. нисзд̇хзд̇аб̣б̣амзваад̇и гааязна ваа ваажааяа ваа ‘‘ид̣̇ам̣ на габбад̇ий’’д̇и бадигкибид̇аб̣б̣амзва, звам̣ сад̇и анаабад̇д̇иязваад̇и ад̇т̇о. аяамад̇т̇о адтагат̇ааяам̣ ‘‘гааяаваажаахи ваа аббадигкибид̇вааби суд̣̇д̇хажид̇д̇о худ̇ваа ‘наяид̣̇ам̣ амхаагам̣ габбад̇ий’д̇и на саад̣̇ияад̇и, анаабад̇д̇иязваа’’д̇и (баараа. адта. 2.583-584) ааг̇ад̇оязва.

    707. Upanikkhittasādiyanakammaṃ dassetumāha ‘‘ida’’ntiādi. Gaṇhitukāmopīti ettha ‘‘hotū’’ti seso. Nisedhetabbamevāti kāyena vā vācāya vā ‘‘idaṃ na kappatī’’ti paṭikkhipitabbameva, evaṃ sati anāpattiyevāti attho. Ayamattho aṭṭhakathāyaṃ ‘‘kāyavācāhi vā appaṭikkhipitvāpi suddhacitto hutvā ‘nayidaṃ amhākaṃ kappatī’ti na sādiyati, anāpattiyevā’’ti (pārā. aṭṭha. 2.583-584) āgatoyeva.

    708. д̇ам̣ вад̇т̇унд̇и д̇ат̇аа бадигкид̇д̇ам̣ вад̇т̇ум̣. табзд̇ваа яад̣̇и г̇ажчад̇ийд̇и ‘‘д̇умхз г̇ан̣хат̇а ваа, маа ваа, д̣̇иннам̣ д̣̇иннамзваа’’д̇и сажз со табзд̇ваава г̇ажчад̇и. яат̇аа д̇ам̣ на винассад̇и, д̇ат̇аа д̇ам̣ г̇обаяид̇аб̣б̣анд̇и яож̇анаа. ‘‘ан̃н̃о д̇ад̇т̇а ааг̇анд̇ваа бужчад̇ий’’д̇иаад̣̇инаа адтагат̇ааяа вуд̇д̇анаязна д̇ад̇т̇ааг̇ад̇зна габбияагаарагзна ‘‘гимид̣̇а’’нд̇и бужчид̇з саруубам̣ аави гад̇ваа ‘‘г̇обаяиссаамахам̣ бханд̇з, г̇уд̇д̇адтаанам̣ д̣̇ассзт̇аа’’д̇и вуд̇д̇з ‘‘имам̣ г̇ахзд̇ваа зхий’’д̇и авад̇ваа сад̇д̇абхуумигамби баасаад̣̇ам̣ абхирухид̇ваа ‘‘ид̇ха табзхий’’д̇и авад̇ваа ‘‘ид̣̇ам̣ г̇уд̇д̇адтаана’’нд̇и сурагкид̇адтаанам̣ д̣̇ассзд̇ваа д̇ад̇т̇а табид̇з аг̇г̇ал̣ам̣ д̣̇ад̇ваа рагкид̇аб̣б̣анд̇и вуд̇д̇ам̣ ход̇и.

    708.Taṃvatthunti tathā paṭikkhittaṃ vatthuṃ. Ṭhapetvā yadi gacchatīti ‘‘tumhe gaṇhatha vā, mā vā, dinnaṃ dinnamevā’’ti sace so ṭhapetvāva gacchati. Yathā taṃ na vinassati, tathā taṃ gopayitabbanti yojanā. ‘‘Añño tattha āgantvā pucchatī’’tiādinā aṭṭhakathāya vuttanayena tatthāgatena kappiyakārakena ‘‘kimida’’nti pucchite sarūpaṃ āvi katvā ‘‘gopayissāmahaṃ bhante, guttaṭṭhānaṃ dassethā’’ti vutte ‘‘imaṃ gahetvā ehī’’ti avatvā sattabhūmikampi pāsādaṃ abhiruhitvā ‘‘idha ṭhapehī’’ti avatvā ‘‘idaṃ guttaṭṭhāna’’nti surakkhitaṭṭhānaṃ dassetvā tattha ṭhapite aggaḷaṃ datvā rakkhitabbanti vuttaṃ hoti.

    709. г̇уд̇д̇адтаанам̣ г̇ахзд̇ваа г̇ажчанд̇асса габбияагаарагасса авад̇д̇аб̣б̣авохаарам̣ д̣̇ассзд̇умааха ‘‘аахарзд̣̇амид̣̇а’’нд̇иаад̣̇и. агаббияанд̇и зд̇т̇а ‘‘важана’’нд̇и лаб̣бхад̇и. звам̣ агаббияаважанам̣ авад̇ваа сурагкид̇адтаанз аахарид̇ваа табид̇з гим̣ гаад̇аб̣б̣анд̇и? виггааяигз бад̇д̇ажийвараад̣̇игаббияабхан̣д̣з аахадз ‘‘амхаагам̣ иминаа ад̇т̇о, имасса зваруубам̣ мууламби ад̇т̇и, габбияагаараго зва над̇т̇ий’’д̇и вад̇ваа д̇зна ‘‘ахам̣ габбияагаараго, маяхам̣ д̣̇ассзт̇аа’’д̇и вуд̇д̇з сажз ружжад̇и, д̣̇ваарам̣ виварид̇ваа ‘‘ид̣̇ам̣ г̇ан̣хаа’’д̇и авад̇ваа ‘‘зд̇т̇а табид̇а’’нд̇и д̣̇ассзд̇ваа д̇асмим̣ д̇асса аг̇гхаббамаан̣ам̣ г̇ахзд̇ваа д̣̇знд̇з ад̇хиваасзд̇аб̣б̣ам̣. ад̇ирзгам̣ г̇ан̣ханд̇з ‘‘маяам̣ д̇умхаагам̣ бхан̣д̣ам̣ на г̇ан̣хаама, г̇ажчат̇аа’’д̇и нийхарид̇ваа аг̇г̇ал̣ам̣ д̣̇ад̇ваа габбияагаарагз лад̣̇д̇хз ‘‘амхаагам̣ зваруубзна ад̇т̇о, ид̣̇ам̣ наама муулам̣ ад̇т̇ий’’д̇и вад̇ваа д̇зна гин̣ид̇ваа д̣̇иннз ад̇хиваасзд̇аб̣б̣анд̇и адтагат̇ааяам̣ вуд̇д̇анаязна бадибаж̇ж̇ид̇аб̣б̣ам̣.

    709. Guttaṭṭhānaṃ gahetvā gacchantassa kappiyakārakassa avattabbavohāraṃ dassetumāha ‘‘āharedamida’’ntiādi. Akappiyanti ettha ‘‘vacana’’nti labbhati. Evaṃ akappiyavacanaṃ avatvā surakkhitaṭṭhāne āharitvā ṭhapite kiṃ kātabbanti? Vikkāyike pattacīvarādikappiyabhaṇḍe āhaṭe ‘‘amhākaṃ iminā attho, imassa evarūpaṃ mūlampi atthi, kappiyakārako eva natthī’’ti vatvā tena ‘‘ahaṃ kappiyakārako, mayhaṃ dassethā’’ti vutte sace ruccati, dvāraṃ vivaritvā ‘‘idaṃ gaṇhā’’ti avatvā ‘‘ettha ṭhapita’’nti dassetvā tasmiṃ tassa agghappamāṇaṃ gahetvā dente adhivāsetabbaṃ. Atirekaṃ gaṇhante ‘‘mayaṃ tumhākaṃ bhaṇḍaṃ na gaṇhāma, gacchathā’’ti nīharitvā aggaḷaṃ datvā kappiyakārake laddhe ‘‘amhākaṃ evarūpena attho, idaṃ nāma mūlaṃ atthī’’ti vatvā tena kiṇitvā dinne adhivāsetabbanti aṭṭhakathāyaṃ vuttanayena paṭipajjitabbaṃ.

    710. табзд̇ваа руубияаг̇г̇ааханд̇и ананд̇арасигкаабад̣̇з вагкамаанасаруубам̣ суван̣н̣аад̣̇ируубияам̣ бадиг̇г̇ахзд̇ваа ниссаж̇ж̇ид̇ваа д̣̇зсид̇аабад̇д̇игам̣ буг̇г̇алам̣ табзд̇ваа. ниссадтабаривад̇д̇ид̇анд̇и зд̇т̇а ниссаж̇ж̇ид̇ваа аабад̇д̇ияаа д̣̇зсид̇ааяа ‘‘сажз д̇ад̇т̇а ааг̇ажчад̇и аараамиго ваа убаасаго ваа’’д̇иаад̣̇инаа (баараа. 584) бад̣̇абхааж̇анз вуд̇д̇анаязна д̇ад̇т̇ааг̇ад̇ам̣ габбияагаарагам̣ ‘‘аавусо имам̣ ж̇аанаа’’д̇и вад̇ваа ‘‘иминаа гим̣ аахарияяад̇уу’’д̇и д̇зна вуд̇д̇з ‘‘имам̣ ваа имам̣ ваа аахараа’’д̇и авад̇ваа ‘‘габбияам̣ аажигкид̇аб̣б̣ам̣ сабби ваа д̇злам̣ ваа мад̇ху ваа паан̣ид̇ам̣ ваа’’д̇и (баараа. 584) вуд̇д̇ад̇д̇аа бхигкуунам̣ габбияавад̇т̇умад̇д̇з аажигкид̇з д̇зна ниссадтавад̇т̇ум̣ баривад̇д̇зд̇ваа аахадам̣ габбияабхан̣д̣анд̇и ад̇т̇о.

    710.Ṭhapetvā rūpiyaggāhanti anantarasikkhāpade vakkhamānasarūpaṃ suvaṇṇādirūpiyaṃ paṭiggahetvā nissajjitvā desitāpattikaṃ puggalaṃ ṭhapetvā. Nissaṭṭhaparivattitanti ettha nissajjitvā āpattiyā desitāya ‘‘sace tattha āgacchati ārāmiko vā upāsako vā’’tiādinā (pārā. 584) padabhājane vuttanayena tatthāgataṃ kappiyakārakaṃ ‘‘āvuso imaṃ jānā’’ti vatvā ‘‘iminā kiṃ āhariyyatū’’ti tena vutte ‘‘imaṃ vā imaṃ vā āharā’’ti avatvā ‘‘kappiyaṃ ācikkhitabbaṃ sappi vā telaṃ vā madhu vā phāṇitaṃ vā’’ti (pārā. 584) vuttattā bhikkhūnaṃ kappiyavatthumatte ācikkhite tena nissaṭṭhavatthuṃ parivattetvā āhaṭaṃ kappiyabhaṇḍanti attho.

    711. ад̇д̇ано бад̇д̇абхааг̇амбийд̇и д̇ат̇аа аахадз габбияабхан̣д̣з сан̇гхасса бхааж̇ияамаанз ад̇д̇ано вассаг̇г̇зна ад̇д̇ано бад̇д̇агодтаасамби. бадиг̇г̇аахагабхигкунод̇и руубияам̣ бадиг̇г̇ахзд̇ваа аабаж̇ж̇ид̇ваа ниссаж̇ж̇ид̇ваа д̣̇зсид̇аабад̇д̇игасса бхигкуно на ваддад̇ийд̇и самб̣анд̇хо. ан̃н̃ад̇од̇и ад̇д̇ад̇о ан̃н̃асмаа баб̣б̣аж̇ид̇амануссаамануссад̇иражчаанаг̇ад̇ид̇т̇ибурисаанам̣ ан̃н̃ад̇арад̇о. лад̣̇д̇ханд̇и д̇зхи ад̇д̇анаа лад̣̇д̇хагодтаасад̇о д̣̇иннавасзнаби лад̣̇д̇хам̣ д̇ам̣ вад̇т̇ум̣.

    711.Attanopattabhāgampīti tathā āhaṭe kappiyabhaṇḍe saṅghassa bhājiyamāne attano vassaggena attano pattakoṭṭhāsampi. Paṭiggāhakabhikkhunoti rūpiyaṃ paṭiggahetvā āpajjitvā nissajjitvā desitāpattikassa bhikkhuno na vaṭṭatīti sambandho. Aññatoti attato aññasmā pabbajitamanussāmanussatiracchānagatitthipurisānaṃ aññatarato. Laddhanti tehi attanā laddhakoṭṭhāsato dinnavasenapi laddhaṃ taṃ vatthuṃ.

    712. яам̣ гин̃жи бажжаяанд̇и д̇ам̣ вад̇т̇ум̣ баривад̇д̇зд̇ваа г̇ахид̇зсу жад̇уусу бажжаязсу ан̃н̃ад̇арамби бажжаяам̣. анд̇амасо бат̇авим̣ кан̣ид̇ваа уббаад̣̇ид̇од̣̇агамби д̣̇ааруухи аад̣̇ид̇д̇ааг̇г̇имби д̇злзна ж̇алид̇абад̣̇ийбамби ругкз ваа г̇зхз ваа багад̇ичааяамби д̇аалабан̣н̣амби убабхог̇абарибхог̇аарахам̣ ан̃н̃амби яам̣ гин̃жийд̇и адтагат̇ааяа вуд̇д̇анаяам̣ иминаава сан̇г̇ахид̇анд̇и г̇ахзд̇аб̣б̣ам̣. яат̇ааха адтагат̇ааяам̣ ‘‘анд̇амасо маггадаад̣̇ийхи д̇ад̇о харид̇ваа аран̃н̃з табид̇ам̣ ваа д̇зсам̣ хад̇т̇ад̇о г̇ал̣ид̇ваа д̇иражчаанабариг̇г̇ахид̇амби бам̣сугууламби на ваддад̇иязваа’’д̇иаад̣̇и (баараа. адта. 2.583-584), ‘‘руубияабадиг̇г̇аахагасса бана гзнажи барияааязна д̇ад̇о уббаннабажжаяабарибхог̇о на ваддад̇ий’’д̇и (баараа. адта. 2.585) жаад̇и. бхигкунод̇и руубияабадиг̇г̇аахагасса бхигкусса.

    712.Yaṃ kiñci paccayanti taṃ vatthuṃ parivattetvā gahitesu catūsu paccayesu aññatarampi paccayaṃ. Antamaso pathaviṃ khaṇitvā uppāditodakampi dārūhi ādittaaggimpi telena jalitapadīpampi rukkhe vā gehe vā pakatichāyampi tālapaṇṇampi upabhogaparibhogārahaṃ aññampi yaṃ kiñcīti aṭṭhakathāya vuttanayaṃ imināva saṅgahitanti gahetabbaṃ. Yathāha aṭṭhakathāyaṃ ‘‘antamaso makkaṭādīhi tato haritvā araññe ṭhapitaṃ vā tesaṃ hatthato gaḷitvā tiracchānapariggahitampi paṃsukūlampi na vaṭṭatiyevā’’tiādi (pārā. aṭṭha. 2.583-584), ‘‘rūpiyapaṭiggāhakassa pana kenaci pariyāyena tato uppannapaccayaparibhogo na vaṭṭatī’’ti (pārā. aṭṭha. 2.585) cāti. Bhikkhunoti rūpiyapaṭiggāhakassa bhikkhussa.

    713. аж̇жхаараамз ваад̇и убари вагкамааналагкан̣зна барижчиннз аж̇жхаараамз ваа. д̇ам̣ руубияам̣, ‘‘бад̇ид̇ам̣ д̣̇исваа’’д̇и сзсо. аж̇жхаавасат̇зби ваад̇и вагкамааналагкан̣з анд̇оааваасз жа. нигкибанд̇ассаад̇и ‘‘яасса бхависсад̇и, со хариссад̇ий’’д̇и вуд̇д̇з таанз д̇асмим̣ вад̇т̇усмим̣ г̇ан̣анан̃жа убалагкан̣ан̃жа саллагкзд̇ваа табзнд̇асса.

    713.Ajjhārāme vāti upari vakkhamānalakkhaṇena paricchinne ajjhārāme vā. Taṃ rūpiyaṃ, ‘‘patitaṃ disvā’’ti seso. Ajjhāvasathepi vāti vakkhamānalakkhaṇe antoāvāse ca. Nikkhipantassāti ‘‘yassa bhavissati, so harissatī’’ti vutte ṭhāne tasmiṃ vatthusmiṃ gaṇanañca upalakkhaṇañca sallakkhetvā ṭhapentassa.

    714. д̇игабаажид̇д̇ияам̣ вуд̇д̇анд̇и ‘‘руубияз руубияасан̃н̃ий, взмад̇иго, аруубияасан̃н̃ий руубияам̣ бадиг̇г̇ан̣хаад̇и, ниссаг̇г̇ияам̣ баажид̇д̇ияа’’нд̇и (баараа. 586) бхаг̇авад̇аа баажид̇д̇ияам̣ вуд̇д̇ам̣. д̣̇уггаданд̇и зд̇т̇а ‘‘д̣̇вигад̣̇уггада’’нд̇и саамад̇т̇ияаа лаб̣бхад̇и.

    714.Tikapācittiyaṃ vuttanti ‘‘rūpiye rūpiyasaññī, vematiko, arūpiyasaññī rūpiyaṃ paṭiggaṇhāti, nissaggiyaṃ pācittiya’’nti (pārā. 586) bhagavatā pācittiyaṃ vuttaṃ. Dukkaṭanti ettha ‘‘dvikadukkaṭa’’nti sāmatthiyā labbhati.

    715. грияаагрияанд̇и г̇ахан̣зна аабаж̇ж̇анад̇о гирияам̣. бадигкзбасса агаран̣ад̇о агирияанд̇и.

    715.Kriyākriyanti gahaṇena āpajjanato kiriyaṃ. Paṭikkhepassa akaraṇato akiriyanti.

    руубияабадиг̇г̇ахан̣агат̇ааван̣н̣анаа.

    Rūpiyapaṭiggahaṇakathāvaṇṇanā.

    716-7. ниссаг̇г̇ияассааби вад̇т̇унд̇и ‘‘ниссаг̇г̇ияабаажид̇д̇ияасса вад̇т̇уу’’д̇и батамасигкаабад̣̇з нид̣̇д̣̇идтзсу раж̇ад̇аад̣̇ийсу жад̇уусу ан̃н̃ад̇арам̣ вад̇т̇ум̣. д̣̇уггадасса жа вад̇т̇ум̣ ваад̇и батамам̣ д̣̇ассид̇амуд̇д̇аад̣̇ид̣̇уггадавад̇т̇уусу ан̃н̃ад̇арам̣ ваа, ихобхаяад̇т̇а хзд̇упаласамб̣анд̇хз саамиважанам̣. габбияасса жа вад̇т̇ум̣ ваад̇и яат̇аад̣̇ассид̇зсу зва муг̇г̇амаасаад̣̇игаббияавад̇т̇уусу ан̃н̃ад̇арам̣ ваа, иха аваяавааваяависамб̣анд̇хз саамиважанам̣. аваяавааваяавийнам̣ абхзд̣̇зби бхзд̣̇уубажааравасзна яат̇аа ‘‘силаабуд̇д̇агасса сарийра’’нд̇и габбияавад̇т̇унд̇и вуд̇д̇ам̣ ход̇и ‘‘габбиязна вад̇т̇унаа’’д̇и вагкамаанад̇д̇аа. ид̣̇аанзд̇т̇а д̣̇уггадавад̇т̇уно, габбияавад̇т̇уно жа ниссаг̇г̇ияавад̇т̇унаа баривад̇д̇ид̇ад̇д̇аа аабад̇д̇и ход̇ийд̇и г̇ахзд̇аб̣б̣ам̣. ниссаг̇г̇ияавад̇т̇унаа яо баривад̇д̇зд̇и, д̇асса аабад̇д̇ийд̇и яож̇анаа.

    716-7.Nissaggiyassāpivatthunti ‘‘nissaggiyapācittiyassa vatthū’’ti paṭhamasikkhāpade niddiṭṭhesu rajatādīsu catūsu aññataraṃ vatthuṃ. Dukkaṭassa ca vatthuṃ vāti paṭhamaṃ dassitamuttādidukkaṭavatthūsu aññataraṃ vā, ihobhayattha hetuphalasambandhe sāmivacanaṃ. Kappiyassa ca vatthuṃ vāti yathādassitesu eva muggamāsādikappiyavatthūsu aññataraṃ vā, iha avayavāvayavisambandhe sāmivacanaṃ. Avayavāvayavīnaṃ abhedepi bhedūpacāravasena yathā ‘‘silāputtakassa sarīra’’nti kappiyavatthunti vuttaṃ hoti ‘‘kappiyena vatthunā’’ti vakkhamānattā. Idānettha dukkaṭavatthuno, kappiyavatthuno ca nissaggiyavatthunā parivattitattā āpatti hotīti gahetabbaṃ. Nissaggiyavatthunā yo parivatteti, tassa āpattīti yojanā.

    д̣̇уггадасса вад̇т̇унаа, габбиязна жа вад̇т̇унаа вад̇т̇ум̣ ниссаг̇г̇ияасса баривад̇д̇зд̇и, аабад̇д̇ийд̇и яож̇анаа. ид̇ха убхаяад̇т̇ааби баривад̇д̇ид̇асса ниссаг̇г̇ияавад̇т̇уд̇д̇аа аабад̇д̇и ход̇и. звам̣ д̇ийсуби таанзсу ‘‘аабад̇д̇ий’’д̇и сааман̃н̃аважанзна ниссаг̇г̇ияабаажид̇д̇ияамзва вуд̇д̇анд̇и багаран̣ад̇о лаб̣бхад̇и.

    Dukkaṭassa vatthunā, kappiyena ca vatthunā vatthuṃ nissaggiyassa parivatteti, āpattīti yojanā. Idha ubhayatthāpi parivattitassa nissaggiyavatthuttā āpatti hoti. Evaṃ tīsupi ṭhānesu ‘‘āpattī’’ti sāmaññavacanena nissaggiyapācittiyameva vuttanti pakaraṇato labbhati.

    718. д̣̇уггадассзва вад̇т̇унаа д̣̇уггадасса жа вад̇т̇ум̣ ваа баривад̇д̇зд̇и, д̣̇уггаданд̇и яож̇анаа. ‘‘вад̇т̇ум̣ ваа габбияассаа’’д̇и ид̣̇ам̣ вуд̇д̇анаяамзва, габбияавад̇т̇унд̇и вуд̇д̇ам̣ ход̇и. имасса габбияавад̇т̇уноби д̣̇уггадавад̇т̇унаа баривад̇д̇ид̇ад̇д̇аа д̣̇уггадам̣ ход̇ийд̇и г̇ахзд̇аб̣б̣ам̣.

    718. Dukkaṭasseva vatthunā dukkaṭassa ca vatthuṃ vā parivatteti, dukkaṭanti yojanā. ‘‘Vatthuṃ vā kappiyassā’’ti idaṃ vuttanayameva, kappiyavatthunti vuttaṃ hoti. Imassa kappiyavatthunopi dukkaṭavatthunā parivattitattā dukkaṭaṃ hotīti gahetabbaṃ.

    719. ‘‘вад̇т̇унаа габбияассаа’’д̇и ид̣̇амби вуд̇д̇анаяамзва. габбияавад̇т̇унааби баривад̇д̇ид̇з д̣̇уггадавад̇т̇увасзна д̣̇уггадам̣ ход̇ийд̇и ааха ‘‘д̇ат̇аа’’д̇и.

    719.‘‘Vatthunā kappiyassā’’ti idampi vuttanayameva. Kappiyavatthunāpi parivattite dukkaṭavatthuvasena dukkaṭaṃ hotīti āha ‘‘tathā’’ti.

    720. ‘‘д̇ат̇аа’’д̇и иминаа ‘‘вад̇т̇уно’’д̇и ид̣̇ам̣ аагад̣дхад̇и. ‘‘ниссаг̇г̇ияассаа’’д̇и иминаа баажид̇д̇ияамааха. буб̣б̣анд̇и батамам̣, буб̣б̣з вуд̇д̇аруубияабадиг̇г̇ахан̣асигкаабад̣̇зд̇и вуд̇д̇ам̣ ход̇и. иминаад̇и руубияасам̣вохаарасигкаабад̣̇зна. баривад̇д̇анам̣ ваарид̇анд̇и самб̣анд̇хо.

    720. ‘‘Tathā’’ti iminā ‘‘vatthuno’’ti idaṃ ākaḍḍhati. ‘‘Nissaggiyassā’’ti iminā pācittiyamāha. Pubbanti paṭhamaṃ, pubbe vuttarūpiyapaṭiggahaṇasikkhāpadeti vuttaṃ hoti. Imināti rūpiyasaṃvohārasikkhāpadena. Parivattanaṃ vāritanti sambandho.

    721. руубияанд̇и жа сан̃н̃иссаад̇и ‘‘руубияам̣ наама сад̇т̇уван̣н̣о гахаабан̣о лохамаасаго д̣̇аарумаасаго ж̇ад̇умаасаго, яз вохаарам̣ г̇ажчанд̇ий’’д̇и (баараа. 589) бад̣̇абхааж̇анз вуд̇д̇зсу руубияасан̃н̃ид̇зсу вад̇т̇уусу ‘‘ан̃н̃ад̇ара’’нд̇и сан̃н̃исса. аруубиязд̇и карабад̇д̇аад̣̇имхи. д̇зна аруубиязна. ‘‘жзд̇аабзнд̇асса аруубияа’’нд̇и бад̣̇ажчзд̣̇о. ‘‘аруубияз руубияасан̃н̃ий руубияам̣ жзд̇аабзд̇и , ниссаг̇г̇ияам̣ баажид̇д̇ияа’’нд̇и (баараа. 591) вуд̇д̇ад̇д̇аа руубияабаривад̇д̇анз д̣̇уггадасса абхаавад̇о, баажид̇д̇ияасса жа самбхавад̇о руубияам̣ на г̇ахзд̇аб̣б̣ам̣. аруубияз руубияам̣ ид̇и сан̃н̃исса жа вимад̇исса жа аруубияам̣ жзд̇аабзнд̇асса д̇зна д̣̇вз д̣̇уггадаани хонд̇ийд̇и яож̇анаа.

    721.Rūpiyanti ca saññissāti ‘‘rūpiyaṃ nāma satthuvaṇṇo kahāpaṇo lohamāsako dārumāsako jatumāsako, ye vohāraṃ gacchantī’’ti (pārā. 589) padabhājane vuttesu rūpiyasaññitesu vatthūsu ‘‘aññatara’’nti saññissa. Arūpiyeti kharapattādimhi. Tena arūpiyena. ‘‘Cetāpentassa arūpiya’’nti padacchedo. ‘‘Arūpiye rūpiyasaññī rūpiyaṃ cetāpeti , nissaggiyaṃ pācittiya’’nti (pārā. 591) vuttattā rūpiyaparivattane dukkaṭassa abhāvato, pācittiyassa ca sambhavato rūpiyaṃ na gahetabbaṃ. Arūpiye rūpiyaṃ iti saññissa ca vimatissa ca arūpiyaṃ cetāpentassa tena dve dukkaṭāni hontīti yojanā.

    722. аруубияз аруубияанд̇и сан̃н̃иссаад̇и зд̇т̇а ‘‘аруубияам̣ баривад̇д̇знд̇ассаа’’д̇и сзсо. бан̃жахийд̇и сахад̇т̇з гаран̣аважанам̣, ‘‘сахад̇хаммигзхий’’д̇и сзсо, бан̃жахи сахад̇хаммигзхи сад̣̇д̇хинд̇и ад̇т̇о. вад̣̇ад̇од̇и вохарад̇о, гаяавиггаяам̣ гаронд̇ассаад̇и ад̇т̇о. бхигкубхигкунисааман̣зрасааман̣зрисигкамаанаасан̇каад̇зхи бан̃жахи сахад̇хаммигзхи аруубияам̣ баривад̇д̇знд̇асса анаабад̇д̇ийд̇и ад̇т̇о.

    722.Arūpiye arūpiyanti saññissāti ettha ‘‘arūpiyaṃ parivattentassā’’ti seso. Pañcahīti sahatthe karaṇavacanaṃ, ‘‘sahadhammikehī’’ti seso, pañcahi sahadhammikehi saddhinti attho. Vadatoti voharato, kayavikkayaṃ karontassāti attho. Bhikkhubhikkhunisāmaṇerasāmaṇerisikkhamānāsaṅkhātehi pañcahi sahadhammikehi arūpiyaṃ parivattentassa anāpattīti attho.

    723. сам̣вохаарзна самудтаанад̇о грияасамудтаанам̣.

    723. Saṃvohārena samuṭṭhānato kriyasamuṭṭhānaṃ.

    руубияасам̣вохаарагат̇ааван̣н̣анаа.

    Rūpiyasaṃvohārakathāvaṇṇanā.

    724. габбияам̣ наама ‘‘жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараа, анд̇амасо жун̣н̣абин̣д̣оби д̣̇анд̇агадтамби д̣̇асигасуд̇д̇амбий’’д̇и бад̣̇абхааж̇анз вуд̇д̇аани габбияавад̇т̇ууни. яат̇ааха адтагат̇ааяам̣ ‘‘жийвараад̣̇ийнам̣ габбияабхан̣д̣аанам̣ васзна анзгавид̇ха’’нд̇и. габбиязнзваад̇и д̇знзва габбиязна вад̇т̇унаа. ‘‘гаяавиггаяам̣ самаабаж̇ж̇зяяаад̇и ‘иминаа имам̣ д̣̇зхи, иминаа имам̣ аахара, иминаа имам̣ баривад̇д̇зхи, иминаа имам̣ жзд̇аабзхий’д̇и аж̇жхаажарад̇ий’’д̇и (баараа. 595) важанад̇о ‘‘баривад̇д̇аяад̇о’’д̇и имасса ‘‘гаяавиггаяам̣ самаабаж̇ж̇ад̇о’’д̇и барияааяо.

    724.Kappiyaṃ nāma ‘‘cīvarapiṇḍapātasenāsanagilānapaccayabhesajjaparikkhārā, antamaso cuṇṇapiṇḍopi dantakaṭṭhampi dasikasuttampī’’ti padabhājane vuttāni kappiyavatthūni. Yathāha aṭṭhakathāyaṃ ‘‘cīvarādīnaṃ kappiyabhaṇḍānaṃ vasena anekavidha’’nti. Kappiyenevāti teneva kappiyena vatthunā. ‘‘Kayavikkayaṃ samāpajjeyyāti ‘iminā imaṃ dehi, iminā imaṃ āhara, iminā imaṃ parivattehi, iminā imaṃ cetāpehī’ti ajjhācaratī’’ti (pārā. 595) vacanato ‘‘parivattayato’’ti imassa ‘‘kayavikkayaṃ samāpajjato’’ti pariyāyo.

    д̇ад̇т̇а ан̃н̃асса хад̇т̇ад̇о габбияавад̇т̇унаа баривад̇д̇зд̇ваа г̇ахан̣ам̣ гаяо наама. ад̇д̇ано хад̇т̇ад̇о габбияавад̇т̇ум̣ баривад̇д̇зд̇ваа д̣̇аанам̣ виггаяо. яат̇ааха адтагат̇ааяам̣ ‘‘иминаа имам̣ д̣̇зхий’д̇иаад̣̇инаа хи наязна барасса габбияабхан̣д̣ам̣ г̇ан̣ханд̇о гаяам̣ самаабаж̇ж̇ад̇и, ад̇д̇ано габбияам̣ д̣̇знд̇о виггаяа’’нд̇и. ‘‘табзд̇ваа сахад̇хаммигз’’д̇и вуд̇д̇ад̇д̇аа баривад̇д̇аяад̇од̇и зд̇т̇а ан̃н̃зхи сад̣̇д̇хинд̇и лаб̣бхад̇и. зд̇т̇а ан̃н̃з наама г̇ихино ид̇т̇ибурисаа, саасанад̇о б̣аахираа баб̣б̣аж̇ид̇аа жа. д̇асмаа аяам̣ гаяавиггаяо анд̇амасо маад̇аабид̇уухиби на гаад̇аб̣б̣оязва. яат̇ааха адтагат̇ааяам̣ ‘‘аяан̃хи гаяавиггаяо табзд̇ваа бан̃жа сахад̇хаммигз авасзсзхи г̇ихибаб̣б̣аж̇ид̇зхи анд̇амасо маад̇аабид̇уухиби сад̣̇д̇хим̣ на ваддад̇ий’’д̇и (баараа. адта. 2.595).

    Tattha aññassa hatthato kappiyavatthunā parivattetvā gahaṇaṃ kayo nāma. Attano hatthato kappiyavatthuṃ parivattetvā dānaṃ vikkayo. Yathāha aṭṭhakathāyaṃ ‘‘iminā imaṃ dehī’tiādinā hi nayena parassa kappiyabhaṇḍaṃ gaṇhanto kayaṃ samāpajjati, attano kappiyaṃ dento vikkaya’’nti. ‘‘Ṭhapetvā sahadhammike’’ti vuttattā parivattayatoti ettha aññehi saddhinti labbhati. Ettha aññe nāma gihino itthipurisā, sāsanato bāhirā pabbajitā ca. Tasmā ayaṃ kayavikkayo antamaso mātāpitūhipi na kātabboyeva. Yathāha aṭṭhakathāyaṃ ‘‘ayañhi kayavikkayo ṭhapetvā pañca sahadhammike avasesehi gihipabbajitehi antamaso mātāpitūhipi saddhiṃ na vaṭṭatī’’ti (pārā. aṭṭha. 2.595).

    725. агаббияасса вад̇т̇уссаад̇и имасмим̣ сигкаабад̣̇з вуд̇д̇ажийвараад̣̇игаббияавад̇т̇уд̇о ан̃н̃асса ниссаг̇г̇ияад̣̇уггадавад̇т̇усса. д̇знзваад̇и агаббияавад̇т̇унааязва. ‘‘габбияасса жаа’’д̇и баатасзсо, д̇знзва агаббиязна вад̇т̇унаа габбияасса вад̇т̇усса баривад̇д̇анан̃жаад̇и яож̇анаа. зван̃хи баатасзсз агад̇з агаббиязна вад̇т̇унаа габбияасса баривад̇д̇анам̣ гаяавиггаяз сан̇г̇ахзд̇аб̣б̣ам̣ сияаа, д̇ам̣ на яуж̇ж̇ад̇и д̇асса руубияасам̣вохаарзязва сан̇г̇ахид̇ад̇д̇аа, ид̇ха жа ‘‘габбияавад̇т̇уссзва габбияавад̇т̇унаа баривад̇д̇анам̣ гаяавиггаяо’’д̇и нияамид̇ад̇д̇аа. нид̣̇д̣̇идтанд̇и ‘‘агаббияабхан̣д̣абаривад̇д̇анан̃хи гаяавиггаяасан̇г̇ахам̣ на г̇ажчад̇ий’’д̇и (баараа. адта. 2.594) адтагат̇ааяам̣ нид̣̇д̣̇идтанд̇и ад̇т̇о.

    725.Akappiyassa vatthussāti imasmiṃ sikkhāpade vuttacīvarādikappiyavatthuto aññassa nissaggiyadukkaṭavatthussa. Tenevāti akappiyavatthunāyeva. ‘‘Kappiyassa cā’’ti pāṭhaseso, teneva akappiyena vatthunā kappiyassa vatthussa parivattanañcāti yojanā. Evañhi pāṭhasese akate akappiyena vatthunā kappiyassa parivattanaṃ kayavikkaye saṅgahetabbaṃ siyā, taṃ na yujjati tassa rūpiyasaṃvohāreyeva saṅgahitattā, idha ca ‘‘kappiyavatthusseva kappiyavatthunā parivattanaṃ kayavikkayo’’ti niyamitattā. Niddiṭṭhanti ‘‘akappiyabhaṇḍaparivattanañhi kayavikkayasaṅgahaṃ na gacchatī’’ti (pārā. aṭṭha. 2.594) aṭṭhakathāyaṃ niddiṭṭhanti attho.

    726. д̇асмаад̇и яасмаа ан̃н̃ад̇ра сахад̇хаммигзхи габбияавад̇т̇уссааби гаяавиггаяо на ваддад̇и, агаббияасса, габбияасса жа вад̇т̇уно агаббиязнзва вад̇т̇унаа баривад̇д̇анан̃жа руубияасам̣вохаарз сан̇г̇ахид̇ад̇д̇аа гаяавиггаяасан̇г̇ахам̣ на г̇ажчад̇и, д̇асмаа.

    726.Tasmāti yasmā aññatra sahadhammikehi kappiyavatthussāpi kayavikkayo na vaṭṭati, akappiyassa, kappiyassa ca vatthuno akappiyeneva vatthunā parivattanañca rūpiyasaṃvohāre saṅgahitattā kayavikkayasaṅgahaṃ na gacchati, tasmā.

    729. ид̣̇ам̣ наамаад̇и од̣̇анаад̣̇игаббияавад̇т̇умзва ааха.

    729.Idaṃ nāmāti odanādikappiyavatthumeva āha.

    730-1. ‘‘г̇ахзд̇ваа’’д̇иаад̣̇иг̇аат̇ааяа вад̇т̇улагкан̣асса уд̣̇аахаран̣ам̣ д̣̇ассзд̇ваава аабад̇д̇ибхзд̣̇ам̣ д̣̇ассзд̇умааха ‘‘вигхаасаад̣̇а’’нд̇иаад̣̇и. чаллинд̇и ругкад̇ажам̣. валлинд̇и лад̇ам̣. гадтанд̇и инд̇ханад̣̇аарум̣. д̣̇аарунд̇и г̇зхасамбхаараад̣̇ид̣̇аарум̣. вибаллаасзнааби вад̇д̇аб̣б̣ам̣ ‘‘валлим̣ ваа бана чаллим̣ ваа, д̣̇аарум̣ ваа гадтамзва ваа’’д̇и. вад̇т̇уунанд̇и д̇ат̇аа вад̇ваа аахараабид̇аанам̣ чаллиаад̣̇ивад̇т̇уунам̣. гаяавиггаяз аабад̇д̇ияо хонд̇ийд̇и яож̇анаа, ниссаг̇г̇ияабаажид̇д̇ияаабад̇д̇ияо хонд̇ийд̇и вуд̇д̇ам̣ ход̇и.

    730-1. ‘‘Gahetvā’’tiādigāthāya vatthulakkhaṇassa udāharaṇaṃ dassetvāva āpattibhedaṃ dassetumāha ‘‘vighāsāda’’ntiādi. Challinti rukkhatacaṃ. Vallinti lataṃ. Kaṭṭhanti indhanadāruṃ. Dārunti gehasambhārādidāruṃ. Vipallāsenāpi vattabbaṃ ‘‘valliṃ vā pana challiṃ vā, dāruṃ vā kaṭṭhameva vā’’ti. Vatthūnanti tathā vatvā āharāpitānaṃ challiādivatthūnaṃ. Kayavikkaye āpattiyo hontīti yojanā, nissaggiyapācittiyāpattiyo hontīti vuttaṃ hoti.

    732. ‘‘ид̇и зваа’’д̇и бад̣̇ажчзд̣̇о, ‘‘бивид̇ваа’’д̇иаад̣̇инаа наязна буб̣б̣агаалз вихид̇абажжаяанд̇ам̣ агад̇ваа вуд̇д̇анаязнзваад̇и ад̇т̇о.

    732. ‘‘Iti evā’’ti padacchedo, ‘‘pivitvā’’tiādinā nayena pubbakāle vihitapaccayantaṃ akatvā vuttanayenevāti attho.

    733. бхуумияаа лимбанзд̇и яож̇анааяам̣ бана сзнаасанабхуумияам̣ барибхан̣д̣агаран̣агаал̣агаад̣̇иван̣н̣агаран̣авасзна лзбанз. вад̇т̇уд̇хованзд̇и жийвараад̣̇ивад̇т̇уунам̣ д̇хованз. зд̇т̇аад̇и д̇зсу вуд̇д̇аббагаарзсу. зд̇зсам̣ г̇ахан̣асса убалагкан̣ад̇д̇аа зваруубзсу ан̃н̃зсу таанзсу.

    733.Bhūmiyā limpaneti yojanāyaṃ pana senāsanabhūmiyaṃ paribhaṇḍakaraṇakāḷakādivaṇṇakaraṇavasena lepane. Vatthudhovaneti cīvarādivatthūnaṃ dhovane. Etthāti tesu vuttappakāresu. Etesaṃ gahaṇassa upalakkhaṇattā evarūpesu aññesu ṭhānesu.

    734. аяанд̇и бхуумисод̇ханаад̣̇ивасзна аабаннаа баажид̇д̇ияаабад̇д̇и.

    734.Ayanti bhūmisodhanādivasena āpannā pācittiyāpatti.

    735. табзд̇ваа бхан̣д̣асаамиганд̇и зд̇т̇а б̣яад̇ирзгавасзна ан̃н̃асса габбияагаарассаад̇и лаб̣бхад̇и.

    735.Ṭhapetvā bhaṇḍasāmikanti ettha byatirekavasena aññassa kappiyakārassāti labbhati.

    736. бхаасад̇о анаабад̇д̇ийд̇и яож̇анаа. сзсамзд̇т̇а уд̇д̇аанамзва.

    736. Bhāsato anāpattīti yojanā. Sesamettha uttānameva.

    гаяавиггаяагат̇ааван̣н̣анаа.

    Kayavikkayakathāvaṇṇanā.

    госияаваг̇г̇о д̣̇уд̇ияо.

    Kosiyavaggo dutiyo.

    737. габбияаа бад̇д̇аа мад̇д̇игааяомаяаа ж̇аад̇ид̇о д̣̇увзд̇и яож̇анаа. ван̣н̣аад̇и бамаан̣аани. яат̇ааха адтагат̇ааяам̣ ‘‘д̇аяо бад̇д̇асса ван̣н̣аад̇и д̇ийн̣и бад̇д̇асса бамаан̣ааний’’д̇и (баараа. адта. 2.602). д̇знааха ‘‘уггадто маж̇жхимомаго’’д̇и.

    737. Kappiyā pattā mattikāyomayā jātito duveti yojanā. Vaṇṇāti pamāṇāni. Yathāha aṭṭhakathāyaṃ ‘‘tayo pattassa vaṇṇāti tīṇi pattassa pamāṇānī’’ti (pārā. aṭṭha. 2.602). Tenāha ‘‘ukkaṭṭho majjhimomako’’ti.

    738. д̣̇виннам̣ д̇ан̣д̣уланаал̣ийнанд̇и сугоддид̇аанам̣ акан̣д̣аанам̣ бураан̣асаалид̇ан̣д̣улаанам̣ д̣̇вз наал̣ияо г̇ахзд̇аб̣б̣аа. яат̇ааха адтагат̇ааяам̣ ‘‘анубахад̇абураан̣асаалид̇ан̣д̣улаанам̣ сугоддид̇абарисуд̣̇д̇хаана’’нд̇и (баараа. адта. 2.602). бхад̇д̇анд̇и авассаавид̇ам̣ ануд̇д̇ан̣д̣улам̣ агилиннам̣ абин̣д̣ид̇ам̣ сувисад̣̇ам̣ гунд̣̇амагулараасисад̣̇исам̣ субаггод̣̇анамзва г̇ахзд̇аб̣б̣ам̣. яат̇ааха адтагат̇ааяам̣ ‘‘ануд̇д̇ан̣д̣улам̣ агилиннам̣ абин̣д̣ид̇ам̣ сувисад̣̇ам̣ гунд̣̇амагулараасисад̣̇исам̣ авассаавид̇од̣̇ана’’нд̇и (баараа. адта. 2.602). маг̇ад̇ханаал̣ияаад̇и маг̇ад̇харадтз наал̣ияаа, саа наал̣и д̇илаанам̣ адтабасад̇аани г̇ан̣хаад̇и. д̇знааху бораан̣аа –

    738.Dvinnaṃ taṇḍulanāḷīnanti sukoṭṭitānaṃ akhaṇḍānaṃ purāṇasālitaṇḍulānaṃ dve nāḷiyo gahetabbā. Yathāha aṭṭhakathāyaṃ ‘‘anupahatapurāṇasālitaṇḍulānaṃ sukoṭṭitaparisuddhāna’’nti (pārā. aṭṭha. 2.602). Bhattanti avassāvitaṃ anuttaṇḍulaṃ akilinnaṃ apiṇḍitaṃ suvisadaṃ kundamakularāsisadisaṃ supakkodanameva gahetabbaṃ. Yathāha aṭṭhakathāyaṃ ‘‘anuttaṇḍulaṃ akilinnaṃ apiṇḍitaṃ suvisadaṃ kundamakularāsisadisaṃ avassāvitodana’’nti (pārā. aṭṭha. 2.602). Magadhanāḷiyāti magadharaṭṭhe nāḷiyā, sā nāḷi tilānaṃ aṭṭhapasatāni gaṇhāti. Tenāhu porāṇā –

    ‘‘каарид̣̇асад̣̇ваяам̣ ваахо, каарий д̣̇он̣адтагад̣̇ваяам̣;

    ‘‘Khāridasadvayaṃ vāho, khārī doṇaṭṭhakadvayaṃ;

    д̣̇виадтанаал̣ияо д̣̇он̣о, наал̣згаа басад̇адтагам̣;

    Dviaṭṭhanāḷiyo doṇo, nāḷekā pasataṭṭhakaṃ;

    лагкам̣ д̇илаанам̣ басад̇ам̣, зд̇ам̣ вуд̇д̇ам̣ бамаан̣ад̇о’’д̇и.

    Lakkhaṃ tilānaṃ pasataṃ, etaṃ vuttaṃ pamāṇato’’ti.

    ‘‘маг̇ад̇ханаал̣и наама ад̣дхад̇зрасабалаа ход̇ий’’д̇и (баараа. адта. 2.602) анд̇хагадтагат̇ааяам̣ вуд̇д̇ам̣. д̇аб̣б̣ан̣н̣анааяа ‘‘ад̣дхад̇зрасабалаани маасзхи г̇ахзд̇аб̣б̣ааний’’д̇и вуд̇д̇ам̣. гзжи банааху –

    ‘‘Magadhanāḷi nāma aḍḍhaterasapalā hotī’’ti (pārā. aṭṭha. 2.602) andhakaṭṭhakathāyaṃ vuttaṃ. Tabbaṇṇanāya ‘‘aḍḍhaterasapalāni māsehi gahetabbānī’’ti vuttaṃ. Keci panāhu –

    ‘‘жад̇уббасад̇игаа мудти, балан̃жзд̇ам̣ жад̇уг̇г̇ун̣ам̣;

    ‘‘Catuppasatikā muṭṭhi, palañcetaṃ catugguṇaṃ;

    гуд̣уваббасад̇ан̃жзва, жад̇д̇аари жзва наал̣и д̇у.

    Kuḍuvappasatañceva, cattāri ceva nāḷi tu.

    ‘‘соязва бад̇т̇о жад̇д̇ааро, бад̇т̇аа ал̣хагамужжад̇з;

    ‘‘Soyeva pattho cattāro, patthā aḷhakamuccate;

    ал̣хагаанамби жад̇д̇аари, ‘д̣̇он̣о’д̇и баригид̇д̇ид̇о’’д̇и.

    Aḷhakānampi cattāri, ‘doṇo’ti parikittito’’ti.

    аажарияаа бана ‘‘адтабасад̇аа мааг̇ад̇ханаал̣ий’’д̇и буб̣б̣абагкамзва рожаяанд̇и.

    Ācariyā pana ‘‘aṭṭhapasatā māgadhanāḷī’’ti pubbapakkhameva rocayanti.

    каад̣̇анан̃жа жад̇уб̣бхааг̇анд̇и д̇асмим̣ бхад̇д̇з жад̇уд̇хаа вибхад̇д̇з згабхааг̇амад̇д̇ам̣ хад̇т̇ахаарияагханамуг̇г̇асуубанд̇и ад̇т̇о. яат̇ааха адтагат̇ааяам̣ ‘‘д̇асса од̣̇анасса жад̇уд̇т̇абхааг̇аббамаан̣о наад̇игхано наад̇ид̇ануго хад̇т̇ахаарияо саб̣б̣асамбхаарасан̇кад̇о муг̇г̇асуубо багкибид̇аб̣б̣о’’д̇и (баараа. адта. 2.602).

    Khādanañca catubbhāganti tasmiṃ bhatte catudhā vibhatte ekabhāgamattaṃ hatthahāriyaghanamuggasūpanti attho. Yathāha aṭṭhakathāyaṃ ‘‘tassa odanassa catutthabhāgappamāṇo nātighano nātitanuko hatthahāriyo sabbasambhārasaṅkhato muggasūpo pakkhipitabbo’’ti (pārā. aṭṭha. 2.602).

    б̣яан̃ж̇анан̃жа д̇ад̣̇уубияанд̇и яаава жаримаалобам̣, д̇аава саб̣б̣аалобаануруубам̣ мажчамам̣саад̣̇иб̣яан̃ж̇анан̃жа. яат̇ааха адтагат̇ааяам̣ ‘‘аалобасса аалобасса ануруубам̣ яааважаримаалобаббахонагам̣ мажчамам̣саад̣̇иб̣яан̃ж̇анам̣ багкибид̇аб̣б̣а’’нд̇и. зд̇т̇а жа аалобасса аалобасса ануруубанд̇и ‘‘б̣яан̃ж̇анасса мад̇д̇аа наама од̣̇анажад̇уд̇т̇абхааг̇о’’д̇и (ма. ни. адта. 2.387) б̣рахмааяусуд̇д̇асса адтагат̇ааяам̣ вуд̇д̇ад̇д̇аа аалобасса жад̇уд̇т̇абхааг̇аббамаан̣ам̣ б̣яан̃ж̇анам̣ аалобасса ануруубанд̇и г̇ахзд̇аб̣б̣ам̣. ид̇ха бана суубассзва од̣̇анажад̇уд̇т̇абхааг̇аббамаан̣ам̣ д̣̇ассзд̇ваа зд̇асса лагкан̣з д̣̇ассид̇з ид̇арассааби д̣̇ассид̇амзва ход̇ийд̇и б̣яан̃ж̇анасса д̇ат̇аа висзсзд̇ваа бамаан̣ам̣ на д̣̇ассид̇ам̣. од̣̇анз багкибид̇аб̣б̣аани саббид̇злад̇аггарасаган̃ж̇игаад̣̇ийни г̇ан̣ануубаг̇аани на хонд̇и.

    Byañjanañca tadūpiyanti yāva carimālopaṃ, tāva sabbālopānurūpaṃ macchamaṃsādibyañjanañca. Yathāha aṭṭhakathāyaṃ ‘‘ālopassa ālopassa anurūpaṃ yāvacarimālopappahonakaṃ macchamaṃsādibyañjanaṃ pakkhipitabba’’nti. Ettha ca ālopassa ālopassa anurūpanti ‘‘byañjanassa mattā nāma odanacatutthabhāgo’’ti (ma. ni. aṭṭha. 2.387) brahmāyusuttassa aṭṭhakathāyaṃ vuttattā ālopassa catutthabhāgappamāṇaṃ byañjanaṃ ālopassa anurūpanti gahetabbaṃ. Idha pana sūpasseva odanacatutthabhāgappamāṇaṃ dassetvā etassa lakkhaṇe dassite itarassāpi dassitameva hotīti byañjanassa tathā visesetvā pamāṇaṃ na dassitaṃ. Odane pakkhipitabbāni sappitelatakkarasakañjikādīni gaṇanūpagāni na honti.

    739. д̇ам̣ саб̣б̣анд̇и яат̇аавуд̇д̇абхад̇д̇аад̣̇иниравасзсам̣. г̇ан̣хад̇ийд̇и вагкамаанзхи д̇ийхи багаарзхи г̇ан̣хаад̇и. д̇ассаад̇и уггадтасса бад̇д̇асса. убад̣дход̇и д̇асмим̣ бад̇д̇з г̇ан̣ханагад̣̇аб̣б̣асамбхаараг̇аахий бад̇д̇о д̇ам̣сахажариязна ‘‘убад̣дхо’’д̇и вуд̇д̇о. д̇ад̣̇убад̣дхо жаад̇и зд̇т̇ааби зсзва наяо. д̇асса маж̇жхимасса бад̇д̇асса убад̣дхо д̇ад̣̇убад̣дход̇и г̇ахзд̇аб̣б̣ам̣.

    739.Taṃ sabbanti yathāvuttabhattādiniravasesaṃ. Gaṇhatīti vakkhamānehi tīhi pakārehi gaṇhāti. Tassāti ukkaṭṭhassa pattassa. Upaḍḍhoti tasmiṃ patte gaṇhanakadabbasambhāragāhī patto taṃsahacariyena ‘‘upaḍḍho’’ti vutto. Tadupaḍḍho cāti etthāpi eseva nayo. Tassa majjhimassa pattassa upaḍḍho tadupaḍḍhoti gahetabbaṃ.

    740. имзсу д̇ийсу бад̇д̇зсу уггадтасса вуд̇д̇ам̣ од̣̇анаад̣̇и саб̣б̣ам̣ яасмим̣ бад̇д̇з багкид̇д̇ам̣, д̇асса мукаваддимад̇т̇агз бун̃ж̇ияамаанам̣ хийрагам̣ хздтаабхааг̇з пусад̇и, со уггадтамаж̇жхимо наама, хийрад̇о ад̇ирзгам̣ д̇идтад̇и, со уггадтомаго наама, анд̇обад̇д̇з мукаваддияаа хздтиманд̇ам̣ аббад̇ваа д̇идтад̇и, со уггадтуггадто наама, звам̣ маж̇жхимо жа омаго жа бажжзгам̣ д̇ивид̇хо ход̇ийд̇и саб̣б̣з нава бад̇д̇аа хонд̇ийд̇и д̣̇ассзд̇умааха ‘‘уггадтассаа’’д̇иаад̣̇и. д̇ассзваад̇и уггадтассзва. омаго жа маж̇жхимо жаад̇и омагамаж̇жхимаа. ид̇ха маж̇жхимо жа омаго жа уггадтассзва бхзд̣̇о. зса наяо ид̇арад̣̇ваязби. ‘‘зва’’нд̇и иминаа яат̇аа ‘‘уггадтуггадто уггадтомаго уггадтамаж̇жхимо’’д̇и яож̇зд̇аб̣б̣о, звам̣ маж̇жхимомагаанамби яат̇ааггамаяож̇анам̣ д̣̇ассзд̇и ‘‘маж̇жхимо маж̇жхимуггадто маж̇жхимомаго, омагуггадто омагамаж̇жхимо омагомаго жаа’’д̇и.

    740. Imesu tīsu pattesu ukkaṭṭhassa vuttaṃ odanādi sabbaṃ yasmiṃ patte pakkhittaṃ, tassa mukhavaṭṭimatthake puñjiyamānaṃ hīrakaṃ heṭṭhābhāge phusati, so ukkaṭṭhamajjhimo nāma, hīrato atirekaṃ tiṭṭhati, so ukkaṭṭhomako nāma, antopatte mukhavaṭṭiyā heṭṭhimantaṃ appatvā tiṭṭhati, so ukkaṭṭhukkaṭṭho nāma, evaṃ majjhimo ca omako ca paccekaṃ tividho hotīti sabbe nava pattā hontīti dassetumāha ‘‘ukkaṭṭhassā’’tiādi. Tassevāti ukkaṭṭhasseva. Omako ca majjhimo cāti omakamajjhimā. Idha majjhimo ca omako ca ukkaṭṭhasseva bhedo. Esa nayo itaradvayepi. ‘‘Eva’’nti iminā yathā ‘‘ukkaṭṭhukkaṭṭho ukkaṭṭhomako ukkaṭṭhamajjhimo’’ti yojetabbo, evaṃ majjhimomakānampi yathākkamayojanaṃ dasseti ‘‘majjhimo majjhimukkaṭṭho majjhimomako, omakukkaṭṭho omakamajjhimo omakomako cā’’ti.

    741. д̇зсууд̇и навасу бад̇д̇зсу. д̇асмаад̇и абад̇д̇абхаавад̇о. на г̇ажчанд̇ийд̇и уггадтуггадтан̃жа омагомаган̃жаад̇и д̣̇вз абзгкид̇ваа б̣ахуважанам̣ гад̇ам̣. зд̇з бхааж̇анасан̇кзбзна барибхун̃ж̇ид̇аб̣б̣аад̇и. яат̇ааха адтагат̇ааяам̣ ‘‘д̇асмаа зд̇з бхааж̇анабарибхог̇зна барибхун̃ж̇ид̇аб̣б̣аа’’д̇и (баараа. адта. 2.602).

    741.Tesūti navasu pattesu. Tasmāti apattabhāvato. Na gacchantīti ukkaṭṭhukkaṭṭhañca omakomakañcāti dve apekkhitvā bahuvacanaṃ kataṃ. Ete bhājanasaṅkhepena paribhuñjitabbāti. Yathāha aṭṭhakathāyaṃ ‘‘tasmā ete bhājanaparibhogena paribhuñjitabbā’’ti (pārā. aṭṭha. 2.602).

    742. бад̇д̇алагкан̣асам̣яуд̇анд̇и зд̇т̇а бад̇д̇алагкан̣ам̣ наама яат̇аавуд̇д̇абамаан̣аяуд̇д̇ад̇аа, ‘‘аяобад̇д̇о бан̃жахи баагзхи багго мад̇д̇игаабад̇д̇о д̣̇вийхи баагзхи багго’’д̇и (баараа. адта. 2.608) вуд̇д̇аа баагасамбад̇д̇и, гин̣ид̇ваа г̇ан̣хаад̇и жз, д̇асса д̣̇аад̇аб̣б̣амууласса асзсзд̇ваа д̣̇иннабхааво, чид̣̇д̣̇аабхааво, чиннарааж̇ийнам̣ абхаавод̇и бан̃жавид̇хам̣. ход̇и жзд̇т̇а –

    742.Pattalakkhaṇasaṃyutanti ettha pattalakkhaṇaṃ nāma yathāvuttapamāṇayuttatā, ‘‘ayopatto pañcahi pākehi pakko mattikāpatto dvīhi pākehi pakko’’ti (pārā. aṭṭha. 2.608) vuttā pākasampatti, kiṇitvā gaṇhāti ce, tassa dātabbamūlassa asesetvā dinnabhāvo, chiddābhāvo, chinnarājīnaṃ abhāvoti pañcavidhaṃ. Hoti cettha –

    ‘‘бамаан̣аяуд̇д̇ад̇аа баага-самбад̇д̇и д̣̇иннамуулад̇аа;

    ‘‘Pamāṇayuttatā pāka-sampatti dinnamūlatā;

    ажчид̣̇д̣̇аарааж̇ид̇аа жзд̇и, бад̇д̇алагкан̣абан̃жага’’нд̇и.

    Acchiddārājitā ceti, pattalakkhaṇapañcaka’’nti.

    ‘‘ад̇хидтааяа ваа вигаббзд̇ваа ваа’’д̇и ваа-сад̣̇д̣̇о яож̇зд̇аб̣б̣о. ад̇хидтааяаад̇и батамам̣ барибхуд̇д̇з бад̇д̇з сад̇и д̇ам̣ бажжуд̣̇д̇харид̇ваа ад̇хидтаад̇аб̣б̣абад̇д̇о хад̇т̇абаасз жз ход̇и, вагкамаананаязна ‘‘имам̣ бад̇д̇ам̣ ад̇хидтаамий’’д̇и важийбхзд̣̇агаран̣авасзна ваажааяа ваа важийбхзд̣̇ам̣ агад̇ваа звамзва жинд̇зд̇ваа хад̇т̇зна г̇ахзд̇ваа панд̣̇аабзнд̇зна гааязна ваа д̣̇уурз жз хад̇т̇абаасаа ход̇и, табид̇адтаанам̣ саллагкзд̇ваа ‘‘зд̇ам̣ бад̇д̇ам̣ ад̇хидтаамий’’д̇и ваажаа бхинд̣̇ид̇аб̣б̣аад̇и адтагат̇ааяам̣ (баараа. адта. 2.608 ад̇т̇ад̇о самаанам̣) вуд̇д̇анаязна згагзна ваа бажчаа сад̇исаммосз сараабзд̇ваа гуггужжам̣ вуубасамзд̇ум̣ самад̇т̇асса буг̇г̇аласса саннид̇хаанз ваа ад̇хидтааяаад̇и вуд̇д̇ам̣ ход̇и. ‘‘ан̃н̃асса санд̇игз ад̇хидтаанз аяамаанисам̣со – сажасса ‘ад̇хидтид̇о ну ко мз, но’д̇и вимад̇и уббаж̇ж̇ад̇и, ид̇аро саарзд̇ваа вимад̇им̣ чинд̣̇иссад̇ий’’д̇и (баараа. адта. 2.608) аяамад̇т̇о адтагат̇ааяам̣ вуд̇д̇о. ‘‘д̣̇вз бад̇д̇з ад̇хидтаад̇ум̣ на лабхад̇ий’’д̇и г̇ан̣тибад̣̇з вуд̇д̇ам̣.

    ‘‘Adhiṭṭhāya vā vikappetvā vā’’ti vā-saddo yojetabbo. Adhiṭṭhāyāti paṭhamaṃ paribhutte patte sati taṃ paccuddharitvā adhiṭṭhātabbapatto hatthapāse ce hoti, vakkhamānanayena ‘‘imaṃ pattaṃ adhiṭṭhāmī’’ti vacībhedakaraṇavasena vācāya vā vacībhedaṃ akatvā evameva cintetvā hatthena gahetvā phandāpentena kāyena vā dūre ce hatthapāsā hoti, ṭhapitaṭṭhānaṃ sallakkhetvā ‘‘etaṃ pattaṃ adhiṭṭhāmī’’ti vācā bhinditabbāti aṭṭhakathāyaṃ (pārā. aṭṭha. 2.608 atthato samānaṃ) vuttanayena ekakena vā pacchā satisammose sarāpetvā kukkuccaṃ vūpasametuṃ samatthassa puggalassa sannidhāne vā adhiṭṭhāyāti vuttaṃ hoti. ‘‘Aññassa santike adhiṭṭhāne ayamānisaṃso – sacassa ‘adhiṭṭhito nu kho me, no’ti vimati uppajjati, itaro sāretvā vimatiṃ chindissatī’’ti (pārā. aṭṭha. 2.608) ayamattho aṭṭhakathāyaṃ vutto. ‘‘Dve patte adhiṭṭhātuṃ na labhatī’’ti gaṇṭhipade vuttaṃ.

    вигаббзд̇ваад̇и (баажи. 373; баараа. адта. 2.608; ган̇гаа. адта. вигаббанасигкаабад̣̇аван̣н̣анаа) д̇т̇а вигаббзд̇аб̣б̣асса бад̇д̇асса згад̇д̇аб̣ахуд̇д̇ам̣, саннихид̇аасаннихид̇ад̇д̇ан̃жа саллагкзд̇ваа згам̣ жз саннихид̇ам̣, ‘‘имам̣ бад̇д̇ам̣ д̇уяхам̣ вигаббзмий’’д̇и ваа ‘‘имам̣ бад̇д̇ам̣ д̇иссасса бхигкуно вигаббзмий’’д̇и ваа аад̣̇инаа наязна згам̣ вигаббзд̇ваад̇и вуд̇д̇ам̣ ход̇и. зд̇т̇а ‘‘барибхун̃ж̇зяяаа’’д̇и вуд̇д̇ад̇д̇аа, ‘‘маяхам̣ санд̇агам̣ барибхун̃ж̇зхи ваа виссаж̇ж̇зхи ваа яат̇аабажжаяам̣ ваа гарохий’’д̇и д̇зна абажжуд̣̇д̇хадз барибхун̃ж̇ид̇ум̣ аяуд̇д̇ад̇д̇аа ‘‘вигаббзд̇ваа’’д̇и бажжуд̣̇д̇хадависзсо г̇ахзд̇аб̣б̣о.

    Vikappetvāti (pāci. 373; pārā. aṭṭha. 2.608; kaṅkā. aṭṭha. vikappanasikkhāpadavaṇṇanā) ttha vikappetabbassa pattassa ekattabahuttaṃ, sannihitāsannihitattañca sallakkhetvā ekaṃ ce sannihitaṃ, ‘‘imaṃ pattaṃ tuyhaṃ vikappemī’’ti vā ‘‘imaṃ pattaṃ tissassa bhikkhuno vikappemī’’ti vā ādinā nayena ekaṃ vikappetvāti vuttaṃ hoti. Ettha ‘‘paribhuñjeyyā’’ti vuttattā, ‘‘mayhaṃ santakaṃ paribhuñjehi vā vissajjehi vā yathāpaccayaṃ vā karohī’’ti tena apaccuddhaṭe paribhuñjituṃ ayuttattā ‘‘vikappetvā’’ti paccuddhaṭaviseso gahetabbo.

    743. д̇хаарзяяаад̇и анад̇хидтахид̇ваа, авигаббзд̇ваа жа барибхун̃ж̇ид̇аб̣б̣о. д̇ам̣ гаалам̣ бад̇д̇ам̣ ад̇иггаамаяад̇од̇и яож̇анаа. ‘‘ниссаг̇г̇ияа’’нд̇и иминааби ‘‘бад̇д̇а’’нд̇и ид̣̇ам̣ яуж̇ж̇ад̇и. бад̇д̇а-сад̣̇д̣̇о мааг̇ад̇хигаанам̣ д̣̇вилин̇г̇аго, д̇асмаа звам̣ вуд̇д̇о.

    743.Dhāreyyāti anadhiṭṭhahitvā, avikappetvā ca paribhuñjitabbo. Taṃ kālaṃ pattaṃ atikkāmayatoti yojanā. ‘‘Nissaggiya’’nti imināpi ‘‘patta’’nti idaṃ yujjati. Patta-saddo māgadhikānaṃ dviliṅgako, tasmā evaṃ vutto.

    744. ад̇хидтид̇авигаббид̇зсу ананд̇ог̇ад̇хад̇д̇аа ад̇ирзгабхаавам̣ д̣̇ассзд̇умааха ‘‘яам̣ бад̇д̇а’’нд̇иаад̣̇и.

    744. Adhiṭṭhitavikappitesu anantogadhattā atirekabhāvaṃ dassetumāha ‘‘yaṃ patta’’ntiādi.

    745. саммукзд̇и ад̣дхад̇зяяахад̇т̇аббад̣̇зсад̇о анд̇о тид̇ам̣ бад̇д̇ам̣. д̣̇уурасминд̇и ад̣дхад̇зяяарад̇анад̇о барабхааг̇з ‘‘анд̇ог̇аб̣бхз ваа убарибаасаад̣̇з ваа сааманд̇авихаарз ваа’’д̇и адтагат̇ааяам̣ вуд̇д̇аббагаарз д̣̇уурзби. яад̇т̇а гад̇т̇ажи вигаббанагаалзби санд̇игад̣̇уураважанабхзд̣̇аа звамзва яож̇зд̇ваа вад̇д̇аб̣б̣аа. ‘‘вигаббзд̇ум̣ бана б̣ахууниби лаб̣бхад̇ий’’д̇и г̇ан̣тибад̣̇з вуд̇д̇ам̣. аяам̣ наяод̇и ‘‘имам̣ бад̇д̇ам̣ бажжуд̣̇д̇хараамий’’д̇иаад̣̇инаяо.

    745.Sammukheti aḍḍhateyyahatthappadesato anto ṭhitaṃ pattaṃ. Dūrasminti aḍḍhateyyaratanato parabhāge ‘‘antogabbhe vā uparipāsāde vā sāmantavihāre vā’’ti aṭṭhakathāyaṃ vuttappakāre dūrepi. Yattha katthaci vikappanakālepi santikadūravacanabhedā evameva yojetvā vattabbā. ‘‘Vikappetuṃ pana bahūnipi labbhatī’’ti gaṇṭhipade vuttaṃ. Ayaṃ nayoti ‘‘imaṃ pattaṃ paccuddharāmī’’tiādinayo.

    746. ваажаагааяавасзна д̣̇увид̇хз ад̇хидтаанз ваажаад̇хидтаанам̣ д̣̇ассзд̇ваа гааяаад̇хидтаанам̣ д̣̇ассзд̇умааха ‘‘аабхог̇а’’нд̇иаад̣̇и. аабхог̇анд̇и ‘‘имам̣ бад̇д̇ам̣ ад̇хидтаамий’’д̇и аабхог̇ам̣. ‘‘манасаа’’д̇и иминаа на важасаад̇и вуд̇д̇ам̣ ход̇и. гааяавигаарова гааяавигаарагам̣, хад̇т̇зна панд̣̇аабанаад̣̇игааяагирияаад̇и ад̇т̇о. зд̇знзва гааяаад̇хидтаанам̣ хад̇т̇зна абад̇д̇аб̣б̣з д̣̇уурз на гаад̇аб̣б̣анд̇и д̣̇ассзд̇и.

    746. Vācākāyavasena duvidhe adhiṭṭhāne vācādhiṭṭhānaṃ dassetvā kāyādhiṭṭhānaṃ dassetumāha ‘‘ābhoga’’ntiādi. Ābhoganti ‘‘imaṃ pattaṃ adhiṭṭhāmī’’ti ābhogaṃ. ‘‘Manasā’’ti iminā na vacasāti vuttaṃ hoti. Kāyavikārova kāyavikārakaṃ, hatthena phandāpanādikāyakiriyāti attho. Eteneva kāyādhiṭṭhānaṃ hatthena apattabbe dūre na kātabbanti dasseti.

    747-8. ‘‘ж̇ахад̇и ад̇хидтаана’’нд̇и бад̣̇ажчзд̣̇о. д̣̇аанад̇од̇и ан̃н̃асса д̣̇аанзна. бхзд̣̇агад̇од̇и бхиж̇ж̇анзна. наасад̇од̇и бад̇д̇асаамигасса гаалагирияааяа. виб̣бхамад̇од̇и сигкам̣ абажжагкааяа г̇ихибхаавуубаг̇аманзна. уд̣̇д̇хаарад̇од̇и бажжуд̣̇д̇харан̣зна. бажжагкад̇од̇и сигкаабажжагкаанзна. баривад̇д̇анад̇од̇и лин̇г̇абаривад̇д̇анзна. г̇аахад̇од̇и виссаасаг̇г̇ахан̣зна, ажчинд̣̇ид̇ваа г̇ахан̣зна жа.

    747-8. ‘‘Jahati adhiṭṭhāna’’nti padacchedo. Dānatoti aññassa dānena. Bhedakatoti bhijjanena. Nāsatoti pattasāmikassa kālakiriyāya. Vibbhamatoti sikkhaṃ apaccakkhāya gihibhāvūpagamanena. Uddhāratoti paccuddharaṇena. Paccakkhatoti sikkhāpaccakkhānena. Parivattanatoti liṅgaparivattanena. Gāhatoti vissāsaggahaṇena, acchinditvā gahaṇena ca.

    ган̇г̇усид̇т̇аббамаан̣знаад̇и сад̇д̇аннам̣ д̇хан̃н̃аанам̣ куд̣̇д̣̇агад̇арасса ган̇г̇уно сид̇т̇аббамаан̣зна. кзнаад̇и мукаваддияаа д̣̇ван̇г̇улад̇о хздтаа аагаасабарияааязна чид̣̇д̣̇зна. аан̣ияаа ваад̇и аяомаяааяа аан̣ияаа ваа.

    Kaṅgusitthappamāṇenāti sattannaṃ dhaññānaṃ khuddakatarassa kaṅguno sitthappamāṇena. Khenāti mukhavaṭṭiyā dvaṅgulato heṭṭhā ākāsapariyāyena chiddena. Āṇiyā vāti ayomayāya āṇiyā vā.

    750-1. ман̣ибад̇д̇од̇и ман̣инаа гад̇о. взл̣урияуб̣бхавод̇и марагад̇аман̣имаяо. палигуб̣бхавод̇и палигабаасаан̣зна гад̇о. гаажамаяод̇и гаажамад̇д̇игаамаяо. гам̣самаяод̇и гам̣салохзна гад̇о. д̇ибумаяод̇и гаал̣ад̇ибумаяо. сийсамаяод̇и сзд̇ад̇ибумаяо. вибаллаасзна жа вад̣̇анд̇и. саж̇жхумаяод̇и раж̇ад̇амаяо.

    750-1.Maṇipattoti maṇinā kato. Veḷuriyubbhavoti marakatamaṇimayo. Phalikubbhavoti phalikapāsāṇena kato. Kācamayoti kācamattikāmayo. Kaṃsamayoti kaṃsalohena kato. Tipumayoti kāḷatipumayo. Sīsamayoti setatipumayo. Vipallāsena ca vadanti. Sajjhumayoti rajatamayo.

    752. гхадагадааход̇и гхадагабаалам̣. сийсагадааход̇и чавасийсагабаалам̣. д̇умб̣анд̇и алааб̣у. ассаад̇и згаад̣̇асавид̇хасса бад̇д̇асса. ануломиганд̇и агаббияавасзна ануломам̣. д̇ад̇т̇аад̇и д̇асмим̣ згаад̣̇асавид̇хз. д̇амб̣амаяам̣ лохамаяам̣ т̇аалагам̣ бана ваддад̇ийд̇и яож̇анаа, бад̇д̇оязва на ваддад̇и, д̇амб̣алохамаяаа т̇аалагаа бана вадданд̇ийд̇и ад̇т̇о.

    752.Ghaṭakaṭāhoti ghaṭakapālaṃ. Sīsakaṭāhoti chavasīsakapālaṃ. Tumbanti alābu. Assāti ekādasavidhassa pattassa. Anulomikanti akappiyavasena anulomaṃ. Tatthāti tasmiṃ ekādasavidhe. Tambamayaṃ lohamayaṃ thālakaṃ pana vaṭṭatīti yojanā, pattoyeva na vaṭṭati, tambalohamayā thālakā pana vaṭṭantīti attho.

    753. д̇аддигаад̣̇ийнийд̇и аад̣̇и-сад̣̇д̣̇зна ваддагаад̣̇ийнам̣ сан̇г̇ахо. ваддаганд̇и жа ад̣дхажанд̣̇аагааро лохаад̣̇имаяо бхааж̇анияависзсо. буг̇г̇алассаад̇и бхигкусса. г̇ихий жа сан̇гхо жа г̇ихисан̇гхаа, д̇зсам̣ санд̇агаа г̇ихисан̇гхигаа.

    753.Taṭṭikādīnīti ādi-saddena vaṭṭakādīnaṃ saṅgaho. Vaṭṭakanti ca aḍḍhacandākāro lohādimayo bhājaniyaviseso. Puggalassāti bhikkhussa. Gihī ca saṅgho ca gihisaṅghā, tesaṃ santakā gihisaṅghikā.

    754. яам̣ гин̃жи бад̇д̇анд̇и сад̇д̇асу бад̇д̇зсу яам̣ гин̃жи бад̇д̇ам̣. вод̣̇агам̣ гад̇ваад̇и виг̇ад̇од̣̇агам̣ гад̇ваа. бадисаамзяяаад̇и нигкзбаарахадтаанз нигкибанавасзна, т̇авигааяа багкибид̇ваа б̣анд̇ханавасзна ваа сан̇г̇обзяяа.

    754.Yaṃ kiñci pattanti sattasu pattesu yaṃ kiñci pattaṃ. Vodakaṃ katvāti vigatodakaṃ katvā. Paṭisāmeyyāti nikkhepārahaṭṭhāne nikkhipanavasena, thavikāya pakkhipitvā bandhanavasena vā saṅgopeyya.

    755. од̇аабзд̇унд̇и аад̇абз, аг̇г̇имхи ваа д̇аабзд̇ум̣. ун̣хзд̇и д̇асмим̣язва ун̣хз. на нид̣̇ахзд̇аб̣б̣од̇и на жхаабзд̇аб̣б̣о. сийсаабанаяанамзва на ваддад̇ийд̇и на нид̣̇ахзд̇аб̣б̣од̇и ад̇т̇о ад̇хиганивааран̣знзва вин̃н̃ааяад̇и.

    755.Otāpetunti ātape, aggimhi vā tāpetuṃ. Uṇheti tasmiṃyeva uṇhe. Na nidahetabboti na jhāpetabbo. Sīsāpanayanameva na vaṭṭatīti na nidahetabboti attho adhikanivāraṇeneva viññāyati.

    756. мид̣дханд̇зд̇и мид̣дхияаа анд̇з. барибхан̣д̣анд̇зд̇и бамукз махаамид̣дхияаа анд̇з. ‘‘вид̇т̇ин̣н̣зд̇и анд̇амасо д̣̇вибад̇д̇амад̇д̇огаасавид̇т̇аарз’’д̇и гзжи. табзд̇ум̣ бана ваддад̇ийд̇и яож̇анаа, валаяаад̣̇иаад̇хаарзна винааби табзд̇ум̣ ваддад̇ийд̇и ад̇т̇о. ‘‘мид̣дхияаа бамукз мид̣дхияаа жа карабхуумибад̣̇зсаад̣̇ийсу жа валаяамад̇т̇агз табзд̇ум̣ ваддад̇ий’’д̇и вад̣̇анд̇и.

    756.Miḍḍhanteti miḍḍhiyā ante. Paribhaṇḍanteti pamukhe mahāmiḍḍhiyā ante. ‘‘Vitthiṇṇeti antamaso dvipattamattokāsavitthāre’’ti keci. Ṭhapetuṃ pana vaṭṭatīti yojanā, valayādiādhārena vināpi ṭhapetuṃ vaṭṭatīti attho. ‘‘Miḍḍhiyā pamukhe miḍḍhiyā ca kharabhūmipadesādīsu ca valayamatthake ṭhapetuṃ vaṭṭatī’’ti vadanti.

    757. д̣̇ааруаад̇хаарагзд̇и уд̣̇угкаласад̣̇исз д̣̇аарумаяз аад̇хаарз. д̣̇вз бад̇д̇з табзд̇умби ваддад̇ийд̇и бад̇д̇амад̇т̇агз абарассааби бад̇д̇асса табанавасзна д̣̇вз бад̇д̇з табзд̇умби ваддад̇и. аби-сад̣̇д̣̇зна згасмим̣ вад̇д̇аб̣б̣амзва над̇т̇ийд̇и д̣̇ассзд̇и. аяамзва наяод̇и ‘‘д̣̇взби бад̇д̇з табзд̇ум̣ ваддад̇ий’’д̇и аяам̣ наяо. д̣̇ан̣д̣абхуумиаад̇хаарагзсууд̇и зд̇т̇а д̣̇ан̣д̣аад̇хааро наама б̣ахуухи д̣̇ан̣д̣зхи гад̇о. бхуумиаад̇хаараго наама бхуумияам̣ гад̇о аалаваалавалаяаагааро силидтаад̇хааро. ‘‘д̣̇анд̇авзд̇д̇алад̇аад̣̇имаяо бхуумиаад̇хаараго’’д̇и гзжи.

    757.Dāruādhāraketi udukkhalasadise dārumaye ādhāre. Dve patte ṭhapetumpi vaṭṭatīti pattamatthake aparassāpi pattassa ṭhapanavasena dve patte ṭhapetumpi vaṭṭati. Api-saddena ekasmiṃ vattabbameva natthīti dasseti. Ayameva nayoti ‘‘dvepi patte ṭhapetuṃ vaṭṭatī’’ti ayaṃ nayo. Daṇḍabhūmiādhārakesūti ettha daṇḍādhāro nāma bahūhi daṇḍehi kato. Bhūmiādhārako nāma bhūmiyaṃ kato ālavālavalayākāro siliṭṭhādhāro. ‘‘Dantavettalatādimayo bhūmiādhārako’’ti keci.

    758-9. д̇аддигааяаад̇и д̇аалабан̣н̣аад̣̇ийхи гад̇ад̇аддигааяа. бод̇т̇агзд̇и магаживаагамаяз ваа ругкаваагамаяз ваа ад̇т̇аран̣з. гадасаарагзд̇и д̇аалабан̣н̣аад̣̇ийхи вийд̇з ад̇т̇аран̣з. барибхан̣д̣агад̇ааяаад̇и гад̇аг̇омаяабарибхан̣д̣ааяа. аби-сад̣̇д̣̇зна суд̇хаагаммам̣ гад̇ваа баасаан̣зна гхам̣сид̇ваа мадтагад̇ааяа бхуумияаа вад̇д̇аб̣б̣амзва над̇т̇ийд̇и д̣̇ассзд̇и. ваалугаасу ваад̇и лзд̣д̣убаасаан̣асагкарагабаалаад̣̇иамиссаасу сан̣хасукумаваалугаасууд̇и вуд̇д̇ам̣ ход̇и. д̇знзвааха ‘‘д̇ат̇ааруубаасуу’’д̇иаад̣̇и. раж̇амхи санд̇зби асанд̇зби висум̣язва ‘‘карабхуумияаа на табзд̇аб̣б̣а’’нд̇и вуд̇д̇ад̇д̇аа ‘‘сараж̇ааяаа’’д̇и иминаа раж̇огин̣н̣ам̣ сан̣хабхуумимааха. карабхуумияаад̇и парусабхуумияаа.

    758-9.Taṭṭikāyāti tālapaṇṇādīhi katataṭṭikāya. Potthaketi makacivākamaye vā rukkhavākamaye vā attharaṇe. Kaṭasāraketi tālapaṇṇādīhi vīte attharaṇe. Paribhaṇḍakatāyāti katagomayaparibhaṇḍāya. Api-saddena sudhākammaṃ katvā pāsāṇena ghaṃsitvā maṭṭhakatāya bhūmiyā vattabbameva natthīti dasseti. Vālukāsu vāti leḍḍupāsāṇasakkharakapālādiamissāsu saṇhasukhumavālukāsūti vuttaṃ hoti. Tenevāha ‘‘tathārūpāsū’’tiādi. Rajamhi santepi asantepi visuṃyeva ‘‘kharabhūmiyā na ṭhapetabba’’nti vuttattā ‘‘sarajāyā’’ti iminā rajokiṇṇaṃ saṇhabhūmimāha. Kharabhūmiyāti pharusabhūmiyā.

    760. лаг̇г̇зд̇унд̇и оламб̣зд̇ум̣. д̣̇ан̣д̣агодияаа, нааг̇ад̣̇анд̇агодияаа жа бад̇д̇амукзна багкибид̇ваа табанамби лаг̇г̇анам̣ наама. чад̇д̇ан̇гаман̃жабийтзсууд̇и чад̇д̇з, ан̇гз, ман̃жабийтз жа.

    760.Laggetunti olambetuṃ. Daṇḍakoṭiyā, nāgadantakoṭiyā ca pattamukhena pakkhipitvā ṭhapanampi lagganaṃ nāma. Chattaṅkamañcapīṭhesūti chatte, aṅke, mañcapīṭhe ca.

    761. аданийсууд̇и ан̇г̇зсу. б̣анд̇хид̇ваад̇и т̇авигааяа ам̣савад̣̇д̇ханагаад̣̇инаа язна гзнажи б̣анд̇хид̇ваа. оламб̣зд̇умбийд̇и лаг̇г̇зд̇умби. ‘‘табзд̇ум̣ убарий’’д̇и бад̣̇ажчзд̣̇о.

    761.Aṭanīsūti aṅgesu. Bandhitvāti thavikāya aṃsavaddhanakādinā yena kenaci bandhitvā. Olambetumpīti laggetumpi. ‘‘Ṭhapetuṃ uparī’’ti padacchedo.

    762. ман̃жабийтаддагзд̇и ман̃жабийтзсу табид̇абад̇д̇аа яат̇аа на бад̇анд̇и, д̇ат̇аа аданимад̇т̇агз д̣̇аарунаа баригкзбз гад̇з ман̃жабийтаддагаа наама хонд̇и, д̇аад̣̇исз ман̃жабийтаддагз табзд̇ум̣ ваддад̇ийд̇и ад̇т̇о. бхад̇д̇абууробийд̇и бхад̇д̇асса бууроби. аби-сад̣̇д̣̇зна яааг̇уд̇злабарибуурид̇ассааби сан̇г̇ахо. д̇ужчабад̇д̇з винижчаяо яат̇аавуд̇д̇оязва. бууран̣ам̣ бууро, бхад̇д̇асса бууро бхад̇д̇абууро.

    762.Mañcapīṭhaṭṭaketi mañcapīṭhesu ṭhapitapattā yathā na patanti, tathā aṭanimatthake dārunā parikkhepe kate mañcapīṭhaṭṭakā nāma honti, tādise mañcapīṭhaṭṭake ṭhapetuṃ vaṭṭatīti attho. Bhattapūropīti bhattassa pūropi. Api-saddena yāgutelaparipūritassāpi saṅgaho. Tucchapatte vinicchayo yathāvuttoyeva. Pūraṇaṃ pūro, bhattassa pūro bhattapūro.

    д̇ибхаан̣аваараван̣н̣анаа нидтид̇аа.

    Tibhāṇavāravaṇṇanā niṭṭhitā.

    763. гавааданд̇и д̣̇ваарагаваадапалагам̣. ‘‘сзнаасанз д̣̇ваарагаваадаваад̇абаанагаваадаад̣̇ий’’д̇иаад̣̇ийсу д̣̇ваарапалагам̣ ‘‘гаваада’’нд̇и хи вуд̇д̇ам̣. на бан̣аамзяяаад̇и на наамзяяа на жаалзяяа, на жа бид̣̇ахзяяаад̇и ад̇т̇о. бад̇д̇ам̣ хад̇т̇з яасса со бад̇д̇ахад̇т̇од̇и бхиннаад̇хигаран̣ояам̣ б̣аахирад̇т̇асамаасо ‘‘важ̇ирабаан̣ий’’д̇иаад̣̇ийсу вияа. ‘‘бан̣аамзяяа ассаа’’д̇и бад̣̇ажчзд̣̇о.

    763.Kavāṭanti dvārakavāṭaphalakaṃ. ‘‘Senāsane dvārakavāṭavātapānakavāṭādī’’tiādīsu dvāraphalakaṃ ‘‘kavāṭa’’nti hi vuttaṃ. Na paṇāmeyyāti na nāmeyya na cāleyya, na ca pidaheyyāti attho. Pattaṃ hatthe yassa so pattahatthoti bhinnādhikaraṇoyaṃ bāhiratthasamāso ‘‘vajirapāṇī’’tiādīsu viya. ‘‘Paṇāmeyya assā’’ti padacchedo.

    764. на нийхарзяяа бад̇д̇зна жалагаанийд̇и расам̣ бивид̇ваа баад̇ид̇амад̇хугапаладтигаад̣̇и чад̣д̣ид̇аани б̣ахи чад̣д̣зд̇ум̣ бад̇д̇зна на нийхарзяяа. адтигаани ваад̇и банасадтиголадтиаад̣̇иадтигаани ваа. ужчидтамуд̣̇аганд̇и мукад̇хованаад̣̇игам̣ ужчидтамуд̣̇агам̣. бад̇д̇зна нийхаранд̇ассаад̇и яож̇анаа, б̣ахи чад̣д̣зд̇ум̣ д̇ам̣ бад̇д̇з аасин̃жид̇ваа харанд̇ассаад̇и вуд̇д̇ам̣ ход̇и. ид̇арат̇аа ужчидтабад̇д̇ад̇хованод̣̇агамби д̇знзва бад̇д̇зна б̣ахи на нийхарид̇аб̣б̣ам̣ сияаа.

    764.Na nīhareyya pattena calakānīti rasaṃ pivitvā pātitamadhukaphalaṭṭhikādi chaḍḍitāni bahi chaḍḍetuṃ pattena na nīhareyya. Aṭṭhikāni vāti panasaṭṭhikolaṭṭhiādiaṭṭhikāni vā. Ucchiṭṭhamudakanti mukhadhovanādikaṃ ucchiṭṭhamudakaṃ. Pattena nīharantassāti yojanā, bahi chaḍḍetuṃ taṃ patte āsiñcitvā harantassāti vuttaṃ hoti. Itarathā ucchiṭṭhapattadhovanodakampi teneva pattena bahi na nīharitabbaṃ siyā.

    765. бадиг̇г̇ахзд̇и мукад̇хованод̣̇аганд̇и бадиг̇г̇ахо, кзл̣амаллагова. мукад̇о нийхаданд̇и мукзна чад̣д̣ид̇ам̣ мам̣сакан̣д̣аад̣̇и яам̣ гин̃жи.

    765. Paṭiggaheti mukhadhovanodakanti paṭiggaho, kheḷamallakova. Mukhato nīhaṭanti mukhena chaḍḍitaṃ maṃsakhaṇḍādi yaṃ kiñci.

    766. винассад̇ийд̇и виб̣бхамзна ваа сигкаабажжагкаанзна ваа гаалагирияааяа ваа винассад̇и. ат̇а ваа яод̇и бажжад̇д̇аважанам̣ ‘‘яассаа’’д̇и саамивасзна барин̣аамзд̇ваа яасса бхигкуно бад̇д̇о бхзд̣̇зна ваа ажчзд̣̇зна ваа жоригааяа харан̣зна ваа нассад̇и, д̇асса анаабад̇д̇ийд̇и яож̇анаа.

    766.Vinassatīti vibbhamena vā sikkhāpaccakkhānena vā kālakiriyāya vā vinassati. Atha vā yoti paccattavacanaṃ ‘‘yassā’’ti sāmivasena pariṇāmetvā yassa bhikkhuno patto bhedena vā acchedena vā corikāya haraṇena vā nassati, tassa anāpattīti yojanā.

    767. батамассаад̇и бад̇д̇аваг̇г̇асса батамам̣ сан̇г̇ахид̇ад̇д̇аа батамасса. бад̇д̇ассаад̇и бад̇д̇асигкаабад̣̇асса. батамзнаад̇и жийвараваг̇г̇асса батамам̣ сан̇г̇ахид̇ад̇д̇аа батамзна гат̇инзнаад̇и самб̣анд̇хо. махзсинаад̇и маханд̇з сийлагканд̇хаад̣̇аяо г̇ун̣з зси г̇авзсийд̇и махзси. батамасса бад̇д̇асса самудтаанаад̣̇аяо саб̣б̣з ид̇ха анид̣̇д̣̇идтавинижчаяаа батамзна гат̇инзна самаа сад̣̇исаа ид̇и махзсинаа мад̇аа анумад̇аа анун̃н̃аад̇аад̇и яож̇анаа.

    767.Paṭhamassāti pattavaggassa paṭhamaṃ saṅgahitattā paṭhamassa. Pattassāti pattasikkhāpadassa. Paṭhamenāti cīvaravaggassa paṭhamaṃ saṅgahitattā paṭhamena kathinenāti sambandho. Mahesināti mahante sīlakkhandhādayo guṇe esi gavesīti mahesi. Paṭhamassa pattassa samuṭṭhānādayo sabbe idha aniddiṭṭhavinicchayā paṭhamena kathinena samā sadisā iti mahesinā matā anumatā anuññātāti yojanā.

    батамабад̇д̇агат̇ааван̣н̣анаа.

    Paṭhamapattakathāvaṇṇanā.

    768. бан̃жа б̣анд̇ханаани уунаани яасса со бан̃жаб̣анд̇ханаууно, бад̇д̇о, д̇асмим̣, аб̣анд̇ханан̃жа згад̣̇вид̇ижад̇уб̣анд̇ханан̃жа ‘‘бан̃жаб̣анд̇ханаууна’’нд̇и г̇ахид̇ам̣. яат̇ааха баал̣ияам̣ ‘‘уунабан̃жаб̣анд̇хано наама бад̇д̇о аб̣анд̇хано ваа згаб̣анд̇хано ваа д̣̇виб̣анд̇хано ваа д̇иб̣анд̇хано ваа жад̇уб̣анд̇хано ваа’’д̇и (баараа. 613). б̣анд̇ханз агад̇зби б̣анд̇ханаарахо вагкамааналагкан̣арааж̇ияуд̇д̇оби ‘‘уунабан̃жаб̣анд̇ханоязваа’’д̇и г̇ахзд̇аб̣б̣о. зд̇т̇а аб̣анд̇хано наама яасса б̣анд̇ханамзва над̇т̇и, со. д̇знзвааха адтагат̇ааяам̣ ‘‘яасмаа аб̣анд̇ханассаби бад̇д̇асса бан̃жа б̣анд̇ханаани на буурзнд̇и саб̣б̣асо над̇т̇ид̇ааяаа’’д̇и (баараа. адта. 2.612-613). д̣̇ван̇г̇улаббамаан̣ад̇о уунарааж̇ияуд̇д̇о аб̣анд̇ханогаасоби ‘‘аб̣анд̇ханоязваа’’д̇и г̇ахзд̇аб̣б̣о. яат̇ааха баал̣ияам̣ ‘‘аб̣анд̇ханогаасо наама бад̇д̇о яасса д̣̇ван̇г̇улаа рааж̇и на ход̇ий’’д̇и (баараа. 613).

    768. Pañca bandhanāni ūnāni yassa so pañcabandhanaūno, patto, tasmiṃ, abandhanañca ekadviticatubandhanañca ‘‘pañcabandhanaūna’’nti gahitaṃ. Yathāha pāḷiyaṃ ‘‘ūnapañcabandhano nāma patto abandhano vā ekabandhano vā dvibandhano vā tibandhano vā catubandhano vā’’ti (pārā. 613). Bandhane akatepi bandhanāraho vakkhamānalakkhaṇarājiyuttopi ‘‘ūnapañcabandhanoyevā’’ti gahetabbo. Ettha abandhano nāma yassa bandhanameva natthi, so. Tenevāha aṭṭhakathāyaṃ ‘‘yasmā abandhanassapi pattassa pañca bandhanāni na pūrenti sabbaso natthitāyā’’ti (pārā. aṭṭha. 2.612-613). Dvaṅgulappamāṇato ūnarājiyutto abandhanokāsopi ‘‘abandhanoyevā’’ti gahetabbo. Yathāha pāḷiyaṃ ‘‘abandhanokāso nāma patto yassa dvaṅgulā rāji na hotī’’ti (pārā. 613).

    769. уд̣̇д̣̇идтанд̇и ‘‘б̣анд̇ханогаасо наама бад̇д̇о яасса д̣̇ван̇г̇улаа рааж̇и ход̇ий’’д̇и (баараа. 613) бад̣̇абхааж̇анз вуд̇д̇ам̣. д̣̇ван̇г̇улааяа рааж̇ияаа зган̃жа б̣анд̇хананд̇и яож̇анаа. ‘‘мукаваддид̇о хздтаа бхадтаа’’д̇и адтагат̇ааважанад̇о (баараа. адта. 2.612-613) ‘‘саб̣б̣ааби рааж̇ияо мукаваддид̇о бадтааяа хздтаа бхадтааязва г̇ахзд̇аб̣б̣аа’’д̇и ниссанд̣̇зхз вуд̇д̇ам̣. мукаваддим̣ винаа ан̃н̃ад̇т̇ааби уунабан̃жаб̣анд̇ханз ваа уунабан̃жаб̣анд̇ханогаасз ваа сад̇и соби бад̇д̇о уунабан̃жаб̣анд̇хано на ход̇ийд̇и на саггаа вад̇д̇ум̣, д̇асмаа ‘‘мукаваддид̇о бадтааяаа’’д̇и (баараа. адта. 2.612-613) адтагат̇ааяам̣ нияамзд̇ваа важанам̣ виймам̣сид̇аб̣б̣ам̣. ид̇ха бана д̇ат̇аа нияамо на д̣̇ассид̇о, д̇асмаа аяамзва винижчаяо сааман̃н̃зна вуд̇д̇ааяа баал̣ияаа ан̃н̃ад̣̇ад̇т̇у сам̣санд̣̇ад̇и самзд̇и. жа-гаарасса авуд̇д̇асамужжаяад̇т̇ад̇д̇аа д̣̇ван̇г̇улад̣̇ван̇г̇улаахи д̣̇вийхи д̣̇вз б̣анд̇ханаани жа д̇ийн̣и б̣анд̇ханаани жаад̇и ид̣̇амби вуд̇д̇амзва ход̇и. яат̇ааха адтагат̇ааяам̣ ‘‘яасса бана д̣̇вз рааж̇ияо, згааязва ваа жад̇уран̇г̇улаа, д̇асса д̣̇вз б̣анд̇ханаани д̣̇аад̇аб̣б̣аани. яасса д̇иссо, згааязва ваа чал̣ан̇г̇улаа, д̇асса д̇ийн̣и б̣анд̇ханаани д̣̇аад̇аб̣б̣ааний’’д̇и (баараа. адта. 2.612-613).

    769.Uddiṭṭhanti ‘‘bandhanokāso nāma patto yassa dvaṅgulā rāji hotī’’ti (pārā. 613) padabhājane vuttaṃ. Dvaṅgulāya rājiyā ekañca bandhananti yojanā. ‘‘Mukhavaṭṭito heṭṭhā bhaṭṭhā’’ti aṭṭhakathāvacanato (pārā. aṭṭha. 2.612-613) ‘‘sabbāpi rājiyo mukhavaṭṭito paṭṭhāya heṭṭhā bhaṭṭhāyeva gahetabbā’’ti nissandehe vuttaṃ. Mukhavaṭṭiṃ vinā aññatthāpi ūnapañcabandhane vā ūnapañcabandhanokāse vā sati sopi patto ūnapañcabandhano na hotīti na sakkā vattuṃ, tasmā ‘‘mukhavaṭṭito paṭṭhāyā’’ti (pārā. aṭṭha. 2.612-613) aṭṭhakathāyaṃ niyametvā vacanaṃ vīmaṃsitabbaṃ. Idha pana tathā niyamo na dassito, tasmā ayameva vinicchayo sāmaññena vuttāya pāḷiyā aññadatthu saṃsandati sameti. Ca-kārassa avuttasamuccayatthattā dvaṅguladvaṅgulāhi dvīhi dve bandhanāni ca tīṇi bandhanāni cāti idampi vuttameva hoti. Yathāha aṭṭhakathāyaṃ ‘‘yassa pana dve rājiyo, ekāyeva vā caturaṅgulā, tassa dve bandhanāni dātabbāni. Yassa tisso, ekāyeva vā chaḷaṅgulā, tassa tīṇi bandhanāni dātabbānī’’ti (pārā. aṭṭha. 2.612-613).

    уунабан̃жаб̣анд̇ханабад̇д̇зсу анд̇имабад̇д̇асса вибхааг̇ам̣ д̣̇ассзд̇умааха ‘‘б̣анд̇ханаани жаа’’д̇иаад̣̇и. мукаваддияаа адтан̇г̇улаббамаан̣аанам̣ жад̇уннам̣ рааж̇ийнам̣ жад̇д̇аари б̣анд̇ханаани жаад̇и вуд̇д̇ам̣ ход̇и. жагааро буб̣б̣з вуд̇д̇ассзва самужжаяам̣ гарод̇и. адтан̇г̇уларааж̇ияаа д̇ат̇аад̇и мукаваддид̇о бадтааяа адтан̇г̇улааяаамам̣ бхадтааяа рааж̇ияаа д̣̇ван̇г̇улад̣̇ван̇г̇уламад̇д̇з таанз д̇знзва нийхаарзна б̣ад̣̇д̇хаани жад̇д̇аари б̣анд̇ханаани жаад̇и ад̇т̇о.

    Ūnapañcabandhanapattesu antimapattassa vibhāgaṃ dassetumāha ‘‘bandhanāni cā’’tiādi. Mukhavaṭṭiyā aṭṭhaṅgulappamāṇānaṃ catunnaṃ rājīnaṃ cattāri bandhanāni cāti vuttaṃ hoti. Cakāro pubbe vuttasseva samuccayaṃ karoti. Aṭṭhaṅgularājiyā tathāti mukhavaṭṭito paṭṭhāya aṭṭhaṅgulāyāmaṃ bhaṭṭhāya rājiyā dvaṅguladvaṅgulamatte ṭhāne teneva nīhārena baddhāni cattāri bandhanāni cāti attho.

    770. звам̣ уунабан̃жаб̣анд̇ханабад̇д̇ам̣ д̣̇ассзд̇ваа ид̣̇аани барибун̣н̣абан̃жаб̣анд̇ханабад̇д̇ам̣ д̣̇ассзд̇умааха ‘‘бан̃жа ваа’’д̇иаад̣̇и. мукаваддияаа д̣̇ван̇г̇улад̣̇ван̇г̇улааяаамам̣ од̇ин̣н̣аа бан̃жа рааж̇ияо жа. ваа-сад̣̇д̣̇зна бан̃жаб̣анд̇ханавигаббаа д̣̇ассид̇аа. згаа вааби д̣̇асан̇г̇улаад̇и мукаваддид̇о д̣̇асан̇г̇улааяаамаа згаа ваа рааж̇и ход̇и. аби-сад̣̇д̣̇зна д̇ассаа рааж̇ияаа б̣анд̇хано бан̃жаб̣анд̇ханабагко д̣̇ассид̇о. аяам̣ бад̇д̇од̇и яасса бан̃жа рааж̇ияо ваа д̇ад̇т̇а б̣анд̇ханаани бан̃жаб̣анд̇ханаани ваа, д̣̇асан̇г̇улаа згаа рааж̇и ваа д̇ад̇т̇а б̣анд̇ханаани бан̃жаб̣анд̇ханаани ваа санд̇и, аяам̣ бад̇д̇о бан̃жаб̣анд̇хано наама.

    770. Evaṃ ūnapañcabandhanapattaṃ dassetvā idāni paripuṇṇapañcabandhanapattaṃ dassetumāha ‘‘pañca vā’’tiādi. Mukhavaṭṭiyā dvaṅguladvaṅgulāyāmaṃ otiṇṇā pañca rājiyo ca. Vā-saddena pañcabandhanavikappā dassitā. Ekā vāpi dasaṅgulāti mukhavaṭṭito dasaṅgulāyāmā ekā vā rāji hoti. Api-saddena tassā rājiyā bandhano pañcabandhanapakkho dassito. Ayaṃ pattoti yassa pañca rājiyo vā tattha bandhanāni pañcabandhanāni vā, dasaṅgulā ekā rāji vā tattha bandhanāni pañcabandhanāni vā santi, ayaṃ patto pañcabandhano nāma.

    771. зд̇д̇аавад̇аа мад̇д̇игаабад̇д̇з винижчаяам̣ д̣̇ассзд̇ваа ид̣̇аани аяобад̇д̇з д̣̇ассзд̇умааха ‘‘аяобад̇д̇о’’д̇иаад̣̇и. чид̣̇д̣̇аани бадижчаад̣̇зд̇ум̣ б̣анд̇хид̇аб̣б̣аани аяобаддаани лохаман̣д̣алагаани наама. ‘‘бхан̣д̣ий’’д̇иби д̇ассзва барияааяо. бхан̣д̣ид̇аб̣б̣ам̣ б̣анд̇хид̇ваа чид̣̇д̣̇з бадижчаад̣̇ид̇зби яад̇т̇а асан̣хад̇ааяа аамисам̣ д̇идтад̇и, д̇аад̣̇исоби абад̇д̇оязваад̇и ааха ‘‘мадто ваддад̇ий’’д̇и. аяожун̣н̣зна ваан̣ияаад̇и зд̇т̇ааби ‘‘мадто ваддад̇ий’’д̇и самб̣анд̇ханийяам̣.

    771. Ettāvatā mattikāpatte vinicchayaṃ dassetvā idāni ayopatte dassetumāha ‘‘ayopatto’’tiādi. Chiddāni paṭicchādetuṃ bandhitabbāni ayopaṭṭāni lohamaṇḍalakāni nāma. ‘‘Bhaṇḍī’’tipi tasseva pariyāyo. Bhaṇḍitabbaṃ bandhitvā chidde paṭicchāditepi yattha asaṇhatāya āmisaṃ tiṭṭhati, tādisopi apattoyevāti āha ‘‘maṭṭho vaṭṭatī’’ti. Ayocuṇṇena vāṇiyāti etthāpi ‘‘maṭṭho vaṭṭatī’’ti sambandhanīyaṃ.

    772. д̇асса ниссаг̇г̇ияам̣ сан̇гхасса ниссадтам̣ д̇ам̣ бад̇д̇ам̣ д̇асмим̣ анугамбааяа аг̇ан̣ханд̇ассаад̇и яож̇анаа, ‘‘сан̇гхамаж̇жхз ниссаж̇ж̇ид̇аб̣б̣о’’д̇и (баараа. 613) важанад̇о сан̇гхамаж̇жхз ниссадтам̣ д̇асса д̇ам̣ бад̇д̇ам̣ д̇асмим̣ бад̇д̇аниссаж̇ж̇агз буг̇г̇алз анугамбааяа аг̇ан̣ханд̇асса.

    772. Tassa nissaggiyaṃ saṅghassa nissaṭṭhaṃ taṃ pattaṃ tasmiṃ anukampāya agaṇhantassāti yojanā, ‘‘saṅghamajjhe nissajjitabbo’’ti (pārā. 613) vacanato saṅghamajjhe nissaṭṭhaṃ tassa taṃ pattaṃ tasmiṃ pattanissajjake puggale anukampāya agaṇhantassa.

    773. д̣̇ийяамаанз д̇у бад̇д̇асминд̇и уунабан̃жаб̣анд̇ханзна бад̇д̇зна вин̃н̃аабид̇анавабад̇д̇з бхигкумхи д̇ам̣ бад̇д̇ам̣ сан̇гхамаж̇жхз ниссаж̇ж̇ид̇ваа аабад̇д̇им̣ д̣̇зсзд̇ваа нисиннз жад̇ассо аг̇ад̇ияо аг̇аманам̣, г̇ахид̇ааг̇ахид̇аж̇аанананд̇и имзхи бан̃жахи ан̇г̇зхи саманнааг̇ад̇зна бхигкунаа батамам̣ сан̇гхам̣ яаажид̇ваа н̃ад̇д̇ид̣̇уд̇ияааяа гаммаваажааяа сан̇гхзна бад̇д̇аг̇аахагам̣ гад̇ваа саммад̇зна ниссадтабад̇д̇ам̣ хад̇т̇зна г̇ахзд̇ваа д̇асмим̣ сан̇гхз сан̇гхад̇т̇зрад̇о бадтааяа ануггамзна убасан̇гамма вин̃н̃ааяамаанам̣ г̇ун̣ам̣ вад̇ваа бан̣аамид̇з. яассаад̇и д̇асмим̣ сан̇гхамаж̇жхз нисиннасса яасса бхигкуно, рожанад̇т̇аяог̇з самбад̣̇аанаважанам̣. со д̣̇ийяамаано бад̇д̇о. д̇ам̣ д̣̇ийяамаанам̣ бад̇д̇ам̣.

    773.Dīyamāne tu pattasminti ūnapañcabandhanena pattena viññāpitanavapatte bhikkhumhi taṃ pattaṃ saṅghamajjhe nissajjitvā āpattiṃ desetvā nisinne catasso agatiyo agamanaṃ, gahitāgahitajānananti imehi pañcahi aṅgehi samannāgatena bhikkhunā paṭhamaṃ saṅghaṃ yācitvā ñattidutiyāya kammavācāya saṅghena pattagāhakaṃ katvā sammatena nissaṭṭhapattaṃ hatthena gahetvā tasmiṃ saṅghe saṅghattherato paṭṭhāya anukkamena upasaṅkamma viññāyamānaṃ guṇaṃ vatvā paṇāmite. Yassāti tasmiṃ saṅghamajjhe nisinnassa yassa bhikkhuno, rocanatthayoge sampadānavacanaṃ. So dīyamāno patto. Taṃ dīyamānaṃ pattaṃ.

    774. д̣̇ийбид̇од̇и ‘‘абад̇д̇агасса на г̇аахзд̇аб̣б̣о’’д̇и (баараа. 615) вуд̇д̇о. д̇ад̇т̇аад̇и д̇ассам̣ бхигкубарисааяам̣. бад̇д̇абарияанд̇од̇и зд̇т̇а ‘‘звам̣ баривад̇д̇зд̇ваа барияанд̇з тид̇абад̇д̇о’’д̇и (баараа. адта. 2.615) адтагат̇ааяам̣ вуд̇д̇ад̇д̇аа д̇зна бад̇д̇абаривад̇д̇анзна ааг̇ад̇о ваа саб̣б̣зхи аг̇г̇ахид̇ад̇д̇аа ааг̇ад̇о со зва ваа бад̇д̇о барияанд̇о наама ход̇ийд̇и ад̇т̇о. д̇асса бхигкунод̇и бад̇д̇ам̣ ниссаж̇ж̇ид̇ваа нисиннасса д̇асса бхигкуно.

    774.Dīpitoti ‘‘apattakassa na gāhetabbo’’ti (pārā. 615) vutto. Tatthāti tassaṃ bhikkhuparisāyaṃ. Pattapariyantoti ettha ‘‘evaṃ parivattetvā pariyante ṭhitapatto’’ti (pārā. aṭṭha. 2.615) aṭṭhakathāyaṃ vuttattā tena pattaparivattanena āgato vā sabbehi aggahitattā āgato so eva vā patto pariyanto nāma hotīti attho. Tassa bhikkhunoti pattaṃ nissajjitvā nisinnassa tassa bhikkhuno.

    775. д̇анд̇и ад̇д̇ано д̣̇иннам̣ д̇ам̣ барияанд̇абад̇д̇ам̣. аббад̣̇зсзд̇и ман̃жабийтаад̣̇иадтаанз. яат̇ааха адтагат̇ааяам̣ ‘‘ман̃жабийтачад̇д̇анааг̇ад̣̇анд̇аад̣̇игз ад̣̇зсз’’д̇и (баараа. адта. 2.615). виссаж̇ж̇зд̇ийд̇и ан̃н̃асса д̣̇зд̇и. ад̇д̇анаа ад̣̇аабзд̇ваа ан̃н̃зна д̇ам̣ бад̇д̇ам̣ саяамзва ад̇д̇ано г̇ахзд̇ваа ан̃н̃ам̣ ануруубам̣ бад̇д̇ам̣ д̣̇ияяамаанам̣ г̇ан̣хид̇ум̣ ваддад̇ийд̇и адтагат̇ааяам̣ вуд̇д̇ам̣. абхог̇зна барибхун̃ж̇ад̇ийд̇и яааг̇уранд̇ханаад̣̇ивасзна барибхун̃ж̇ад̇и. яат̇ааха адтагат̇ааяам̣ ‘‘абхог̇знаад̇и яааг̇уранд̇ханараж̇анабажанаад̣̇инаа’’д̇и (баараа. адта. 2.615). ‘‘анд̇араамаг̇г̇з бана б̣яаад̇химхи уббаннз ан̃н̃асмим̣ бхааж̇анз асад̇и мад̇д̇игааяа лимбид̇ваа яааг̇ум̣ ваа бажид̇ум̣ уд̣̇агам̣ ваа д̇аабзд̇ум̣ ваддад̇ий’’д̇и (баараа. адта. 2.615) адтагат̇ааяам̣ вуд̇д̇ад̇д̇аа д̇аад̣̇исз таанз д̇ат̇ааби барибхун̃ж̇ид̇ум̣ ваддад̇ийд̇и зд̇т̇а висзсо.

    775.Tanti attano dinnaṃ taṃ pariyantapattaṃ. Appadeseti mañcapīṭhādiaṭṭhāne. Yathāha aṭṭhakathāyaṃ ‘‘mañcapīṭhachattanāgadantādike adese’’ti (pārā. aṭṭha. 2.615). Vissajjetīti aññassa deti. Attanā adāpetvā aññena taṃ pattaṃ sayameva attano gahetvā aññaṃ anurūpaṃ pattaṃ diyyamānaṃ gaṇhituṃ vaṭṭatīti aṭṭhakathāyaṃ vuttaṃ. Abhogena paribhuñjatīti yāgurandhanādivasena paribhuñjati. Yathāha aṭṭhakathāyaṃ ‘‘abhogenāti yāgurandhanarajanapacanādinā’’ti (pārā. aṭṭha. 2.615). ‘‘Antarāmagge pana byādhimhi uppanne aññasmiṃ bhājane asati mattikāya limpitvā yāguṃ vā pacituṃ udakaṃ vā tāpetuṃ vaṭṭatī’’ti (pārā. aṭṭha. 2.615) aṭṭhakathāyaṃ vuttattā tādise ṭhāne tathāpi paribhuñjituṃ vaṭṭatīti ettha viseso.

    776. надтзд̇и ад̇д̇ано барибхун̃ж̇ияамаанз бад̇д̇з жораг̇г̇ахан̣аад̣̇инаа надтз. бхиннзд̇и бхзд̣̇амубаг̇ад̇з. анаабад̇д̇ийд̇и ан̃н̃ам̣ бад̇д̇ам̣ вин̃н̃аабзнд̇асса анаабад̇д̇и. багаасид̇аад̇и ‘‘анаабад̇д̇и надтабад̇д̇асса бхиннабад̇д̇асса н̃аад̇агаанам̣ баваарид̇аанам̣ ан̃н̃ассад̇т̇ааяа ад̇д̇ано д̇ханзнаа’’д̇иаад̣̇инаа (баараа. 617) наязна баал̣ияам̣ д̣̇зсид̇аа. ид̇ха ‘‘ан̃н̃ассад̇т̇ааяаа’’д̇и вуд̇д̇ад̇д̇аа ад̇д̇ано вал̣ан̃ж̇ияамаанз бад̇д̇з сад̇иби ан̃н̃ассад̇т̇ааяа бад̇д̇ам̣ вин̃н̃аабзд̇ум̣ ваддад̇и. н̃аад̇агаад̣̇ийнам̣ г̇ан̣хад̇од̇и зд̇т̇а ‘‘санд̇ага’’нд̇и лаб̣бхад̇и. ад̇д̇ано д̇ханзнаад̇и яож̇анаа. зд̇т̇а д̇ханам̣ наама суд̇д̇авад̇т̇аад̣̇и габбияавад̇т̇у.

    776.Naṭṭheti attano paribhuñjiyamāne patte coraggahaṇādinā naṭṭhe. Bhinneti bhedamupagate. Anāpattīti aññaṃ pattaṃ viññāpentassa anāpatti. Pakāsitāti ‘‘anāpatti naṭṭhapattassa bhinnapattassa ñātakānaṃ pavāritānaṃ aññassatthāya attano dhanenā’’tiādinā (pārā. 617) nayena pāḷiyaṃ desitā. Idha ‘‘aññassatthāyā’’ti vuttattā attano vaḷañjiyamāne patte satipi aññassatthāya pattaṃ viññāpetuṃ vaṭṭati. Ñātakādīnaṃ gaṇhatoti ettha ‘‘santaka’’nti labbhati. Attano dhanenāti yojanā. Ettha dhanaṃ nāma suttavatthādi kappiyavatthu.

    777. зд̇т̇а вин̃н̃аабанам̣ грияам̣.

    777. Ettha viññāpanaṃ kriyaṃ.

    д̣̇уд̇ияабад̇д̇агат̇ааван̣н̣анаа.

    Dutiyapattakathāvaṇṇanā.

    778. саббиаад̣̇им̣ бхзсаж̇ж̇анд̇и зд̇т̇а баал̣ияам̣ ‘‘сзяяат̇ид̣̇ам̣? сабби наванийд̇ам̣ д̇злам̣ мад̇ху паан̣ид̇а’’нд̇и (баараа. 622) уд̣̇д̣̇исид̇ваа ‘‘сабби наама г̇осабби ваа аж̇игаасабби ваа махим̣сасабби ваа, язсам̣ мам̣сам̣ габбад̇и, д̇зсам̣ саббий’’д̇и (баараа. 623) нид̣̇д̣̇идтам̣ гхад̇ан̃жа ‘‘д̇зсам̣язва наванийд̇а’’нд̇и (баараа. 623) нид̣̇д̣̇идтам̣ наванийд̇ан̃жа ‘‘д̇илад̇злам̣ саасабад̇злам̣ мад̇хугад̇злам̣ зран̣д̣агад̇злам̣ васаад̇зла’’нд̇и (баараа. 623) нид̣̇д̣̇идтам̣ д̇злан̃жа ‘‘мад̇ху наама магкигаамад̇хуу’’д̇и (баараа. 623) нид̣̇д̣̇идтам̣ мад̇хун̃жа ‘‘паан̣ид̇ам̣ наама ужчумхаа ниб̣б̣ад̇д̇а’’нд̇и (баараа. 623) нид̣̇д̣̇идтам̣ г̇ул̣аад̣̇ипаан̣ид̇ан̃жаад̇и зд̇асмим̣ бан̃жабхзсаж̇ж̇араасимхи яам̣ яам̣ бхзсаж̇ж̇анд̇и ад̇т̇о. бурзбхад̇д̇анд̇и бурзбхад̇д̇з. бадиг̇аяхаад̇и бадиг̇г̇ахзд̇ваа.

    778.Sappiādiṃ bhesajjanti ettha pāḷiyaṃ ‘‘seyyathidaṃ? Sappi navanītaṃ telaṃ madhu phāṇita’’nti (pārā. 622) uddisitvā ‘‘sappi nāma gosappi vā ajikāsappi vā mahiṃsasappi vā, yesaṃ maṃsaṃ kappati, tesaṃ sappī’’ti (pārā. 623) niddiṭṭhaṃ ghatañca ‘‘tesaṃyeva navanīta’’nti (pārā. 623) niddiṭṭhaṃ navanītañca ‘‘tilatelaṃ sāsapatelaṃ madhukatelaṃ eraṇḍakatelaṃ vasātela’’nti (pārā. 623) niddiṭṭhaṃ telañca ‘‘madhu nāma makkhikāmadhū’’ti (pārā. 623) niddiṭṭhaṃ madhuñca ‘‘phāṇitaṃ nāma ucchumhā nibbatta’’nti (pārā. 623) niddiṭṭhaṃ guḷādiphāṇitañcāti etasmiṃ pañcabhesajjarāsimhi yaṃ yaṃ bhesajjanti attho. Purebhattanti purebhatte. Paṭigayhāti paṭiggahetvā.

    779. д̇ам̣ бурзбхад̇д̇ам̣ бадиг̇г̇ахид̇ам̣ бхзсаж̇ж̇ам̣. сад̇д̇ааханд̇и зд̇т̇а ‘‘ваддад̇ий’’д̇и гирияааяа ажжанд̇асам̣яог̇з убаяог̇аважанам̣. ‘‘сад̇д̇аахам̣ ад̇иггаманд̇ассаа’’д̇и бад̣̇ажчзд̣̇о. ‘‘сад̇д̇аахаад̇иггамз д̇ассаа’’д̇и ваа баато. сад̇д̇аахасса ад̇иггамо сад̇д̇аахаад̇иггамо, д̇асмим̣ сад̇д̇аахаад̇иггамз. д̇ассаад̇и бхзсаж̇ж̇абадиг̇г̇аахагасса бхигкуно. ‘‘ниссаг̇г̇ияа’’нд̇и иминаа баажид̇д̇ияамзва д̣̇ассид̇ам̣. ниссаг̇г̇ияавад̇т̇у бхааж̇анаг̇ан̣анааяа аабад̇д̇им̣ гарод̇и. згасмим̣ бхааж̇анзби висум̣ висум̣ табид̇аани наванийд̇абин̣д̣аг̇ул̣абин̣д̣асаггарамад̇хубадалааниби ад̇д̇ано г̇ан̣анааяа аабад̇д̇им̣ гаронд̇и.

    779.Taṃ purebhattaṃ paṭiggahitaṃ bhesajjaṃ. Sattāhanti ettha ‘‘vaṭṭatī’’ti kiriyāya accantasaṃyoge upayogavacanaṃ. ‘‘Sattāhaṃ atikkamantassā’’ti padacchedo. ‘‘Sattāhātikkame tassā’’ti vā pāṭho. Sattāhassa atikkamo sattāhātikkamo, tasmiṃ sattāhātikkame. Tassāti bhesajjapaṭiggāhakassa bhikkhuno. ‘‘Nissaggiya’’nti iminā pācittiyameva dassitaṃ. Nissaggiyavatthu bhājanagaṇanāya āpattiṃ karoti. Ekasmiṃ bhājanepi visuṃ visuṃ ṭhapitāni navanītapiṇḍaguḷapiṇḍasakkaramadhupaṭalānipi attano gaṇanāya āpattiṃ karonti.

    780. г̇ан̣хид̇ваад̇и бадиг̇г̇ахзд̇ваа. саннид̇хийяад̇ийд̇и саннид̇хи, саннихид̇авад̇т̇у, д̇асса гаарагам̣ гаран̣ам̣ абараабарад̣̇ивасад̇т̇ааяа табанам̣, д̇ам̣ гад̇ваа, бажчаабхад̇д̇ам̣ бадиг̇г̇ахид̇ам̣ яат̇аа абарам̣ д̣̇ивасам̣ г̇ажчад̇и, д̇ат̇аа гад̇ваа нигкибид̇ваад̇и ад̇т̇о. нираамисам̣ сааяад̇од̇и аамисзна амиссзд̇ваа бхун̃ж̇анд̇асса.

    780.Gaṇhitvāti paṭiggahetvā. Sannidhīyatīti sannidhi, sannihitavatthu, tassa kārakaṃ karaṇaṃ aparāparadivasatthāya ṭhapanaṃ, taṃ katvā, pacchābhattaṃ paṭiggahitaṃ yathā aparaṃ divasaṃ gacchati, tathā katvā nikkhipitvāti attho. Nirāmisaṃ sāyatoti āmisena amissetvā bhuñjantassa.

    781. уг̇г̇ахид̇анд̇и аббадиг̇г̇ахаабзд̇ваа хад̇т̇зна г̇ахид̇ам̣. сарийрабхог̇зд̇и б̣ахи сарийрабарибхог̇знзва.

    781.Uggahitanti appaṭiggahāpetvā hatthena gahitaṃ. Sarīrabhogeti bahi sarīraparibhogeneva.

    782. г̇ахид̇ам̣ бадиг̇г̇ахид̇ам̣. д̇аабзд̇ваад̇и вилийяаабзд̇ваа.

    782.Gahitaṃ paṭiggahitaṃ. Tāpetvāti vilīyāpetvā.

    783. ‘‘саяам̣ д̇аабзд̇и…бз… на ход̇и со’’д̇и ид̣̇ам̣ суд̇ход̇анаванийд̇ам̣ санд̇хааяа вуд̇д̇ам̣, д̣̇уд̣̇д̇ход̇зна бана д̣̇ад̇хиг̇ул̣игаад̣̇исахид̇зна саамам̣бааго ход̇зва. наванийд̇асса яам̣ саяам̣ д̇аабанам̣, со саамам̣бааго на ход̇ийд̇и яож̇анаа.

    783.‘‘Sayaṃ tāpeti…pe… na hoti so’’ti idaṃ sudhotanavanītaṃ sandhāya vuttaṃ, duddhotena pana dadhiguḷikādisahitena sāmaṃpāko hoteva. Navanītassa yaṃ sayaṃ tāpanaṃ, so sāmaṃpāko na hotīti yojanā.

    784. язна гзнажийд̇и убасамбаннзна, анубасамбаннзна ваа.

    784.Yena kenacīti upasampannena, anupasampannena vā.

    785. ‘‘саяам̣ гарод̇ий’’д̇и иминаа анубасамбаннам̣ нивад̇д̇зд̇и. д̇зна гад̇ам̣ бана д̇ад̣̇аху бурзбхад̇д̇ам̣ саамисамби ваддад̇и. яат̇ааха адтагат̇ааяам̣ ‘‘бурзбхад̇д̇ам̣ бадиг̇г̇ахид̇акийрзна ваа д̣̇ад̇хинаа ваа гад̇асабби анубасамбаннзна гад̇ам̣ саамисамби д̇ад̣̇аху бурзбхад̇д̇ам̣ ваддад̇ий’’д̇и (баараа. адта. 2.622).

    785.‘‘Sayaṃ karotī’’ti iminā anupasampannaṃ nivatteti. Tena kataṃ pana tadahu purebhattaṃ sāmisampi vaṭṭati. Yathāha aṭṭhakathāyaṃ ‘‘purebhattaṃ paṭiggahitakhīrena vā dadhinā vā katasappi anupasampannena kataṃ sāmisampi tadahu purebhattaṃ vaṭṭatī’’ti (pārā. aṭṭha. 2.622).

    786. савад̇т̇угассаад̇и зд̇т̇а вад̇т̇у наама кийрад̣̇ад̇хи.

    786.Savatthukassāti ettha vatthu nāma khīradadhi.

    787. ассаад̇и бадиг̇г̇ахид̇акийрад̣̇ад̇хийхи гад̇асаббимааха. ‘‘бадиг̇г̇ахзд̇ваа д̇ааний’’д̇и вуд̇д̇ад̇д̇аад̇и ид̣̇ам̣ ‘‘яаани ко бана д̇аани г̇илаанаанам̣ бхигкуунам̣ бадисааяанийяаани бхзсаж̇ж̇аани, сзяяат̇ид̣̇ам̣? сабби наванийд̇ам̣ д̇злам̣ мад̇ху паан̣ид̇ам̣, д̇аани бадиг̇г̇ахзд̇ваа’’д̇и (баараа. 622) имасмим̣ маад̇игаабаатз ‘‘яааний’’д̇и вуд̇д̇асаббиаад̣̇ийнамзва ‘‘д̇аани бадиг̇г̇ахзд̇ваа’’д̇и вуд̇д̇ад̇д̇аад̇и вуд̇д̇ам̣ ход̇и, д̇ад̇т̇а кийрад̣̇ад̇хийнам̣ авуд̇д̇ад̇д̇аад̇и ад̇хиббааяо.

    787.Assāti paṭiggahitakhīradadhīhi katasappimāha. ‘‘Paṭiggahetvā tānī’’ti vuttattāti idaṃ ‘‘yāni kho pana tāni gilānānaṃ bhikkhūnaṃ paṭisāyanīyāni bhesajjāni, seyyathidaṃ? Sappi navanītaṃ telaṃ madhu phāṇitaṃ, tāni paṭiggahetvā’’ti (pārā. 622) imasmiṃ mātikāpāṭhe ‘‘yānī’’ti vuttasappiādīnameva ‘‘tāni paṭiggahetvā’’ti vuttattāti vuttaṃ hoti, tattha khīradadhīnaṃ avuttattāti adhippāyo.

    788. габбияасаббимхийд̇и габбияамам̣саанам̣ сад̇д̇аанам̣ гхад̇з. агаббияасаббимхийд̇и агаббияамам̣саанам̣ сад̇д̇аанам̣ гхад̇з, бадиг̇г̇ахзд̇ваа сад̇д̇аахз ад̇игганд̇зд̇и вуд̇д̇ам̣ ход̇и.

    788.Kappiyasappimhīti kappiyamaṃsānaṃ sattānaṃ ghate. Akappiyasappimhīti akappiyamaṃsānaṃ sattānaṃ ghate, paṭiggahetvā sattāhe atikkanteti vuttaṃ hoti.

    789. д̇зна саббинаа агаббиязна бхавид̇аб̣б̣анд̇и ид̣̇ам̣ д̣̇уггадам̣ гат̇ам̣ ход̇ийд̇и ааха ‘‘саб̣б̣аа’’д̇иаад̣̇и. агаббияам̣ мам̣сам̣ язсам̣ д̇з агаббияамам̣саа, мануссаад̣̇аяо, саб̣б̣з жа д̇з агаббияамам̣саа жаад̇и саб̣б̣аагаббияамам̣саа, д̇зсам̣.

    789. Tena sappinā akappiyena bhavitabbanti idaṃ dukkaṭaṃ kathaṃ hotīti āha ‘‘sabbā’’tiādi. Akappiyaṃ maṃsaṃ yesaṃ te akappiyamaṃsā, manussādayo, sabbe ca te akappiyamaṃsā cāti sabbākappiyamaṃsā, tesaṃ.

    790-1. звам̣ жз ваддад̇и, ‘‘язсам̣ мам̣сам̣ габбад̇и, д̇зсам̣ саббий’’д̇и гасмаа баал̣ияам̣ вуд̇д̇анд̇и жод̣̇анам̣ самудтаабзд̇ваа д̇ам̣ барихарид̇умааха ‘‘язса’’нд̇иаад̣̇и. д̇ад̇т̇а ‘‘язсан̃хи габбад̇и мам̣сам̣, д̇зсам̣ саббий’’д̇и ид̣̇ам̣ важанам̣ гим̣ баяож̇анам̣ саад̇хзд̇ийд̇и вуд̇д̇ам̣ ход̇и. ид̣̇аани барижчзд̣̇анияаманасан̇каад̇ам̣ д̇ам̣баяож̇анан̃жа д̇аб̣б̣исаяан̃жа д̣̇ассзд̇умааха ‘‘бан̣ийд̇абхож̇анассаа’’д̇иаад̣̇и. бан̣ийд̇абхож̇анасса барижчзд̣̇анияаамананд̇и яож̇анаа. сад̇д̇аахагаалигз бан̃жавид̇хз бхзсаж̇ж̇зд̇и вуд̇д̇ам̣ ход̇и, нид̣̇д̇хааран̣з бхуммам̣. ниссаг̇г̇ияасса вад̇т̇уунанд̇и нид̣̇д̇хаарид̇аб̣б̣ад̣̇ассанам̣. ниссаг̇г̇ияассаад̇и зд̇т̇а д̇ам̣хзд̇угасса баажид̇д̇ияассаад̇и ад̇т̇о. вад̇т̇уунанд̇и саббинаванийд̇ад̣̇ваяамзва вуд̇д̇ам̣. сад̇д̇аахагаалигз ниссаг̇г̇ияабаажид̇д̇ияасса вад̇т̇у наама зд̇зсамзва саббинаванийд̇аани, бан̣ийд̇абхож̇анан̃жа д̇зсамзва кийрад̣̇ад̇хисаббинаванийд̇аанийд̇и д̣̇ассзд̇ум̣ д̇ат̇аа вуд̇д̇ам̣, на агаббияамам̣сасад̇д̇аанам̣ саббиаад̣̇инивааран̣ад̇т̇ам̣ вуд̇д̇анд̇и аяам̣ баал̣ияам̣ д̇ат̇ааг̇ад̇аа д̇хиббзд̇о ад̇т̇од̇и вуд̇д̇ам̣ ход̇и.

    790-1. Evaṃ ce vaṭṭati, ‘‘yesaṃ maṃsaṃ kappati, tesaṃ sappī’’ti kasmā pāḷiyaṃ vuttanti codanaṃ samuṭṭhāpetvā taṃ pariharitumāha ‘‘yesa’’ntiādi. Tattha ‘‘yesañhi kappati maṃsaṃ, tesaṃ sappī’’ti idaṃ vacanaṃ kiṃ payojanaṃ sādhetīti vuttaṃ hoti. Idāni paricchedaniyamanasaṅkhātaṃ taṃpayojanañca tabbisayañca dassetumāha ‘‘paṇītabhojanassā’’tiādi. Paṇītabhojanassa paricchedaniyāmananti yojanā. Sattāhakālike pañcavidhe bhesajjeti vuttaṃ hoti, niddhāraṇe bhummaṃ. Nissaggiyassa vatthūnanti niddhāritabbadassanaṃ. Nissaggiyassāti ettha taṃhetukassa pācittiyassāti attho. Vatthūnanti sappinavanītadvayameva vuttaṃ. Sattāhakālike nissaggiyapācittiyassa vatthu nāma etesameva sappinavanītāni, paṇītabhojanañca tesameva khīradadhisappinavanītānīti dassetuṃ tathā vuttaṃ, na akappiyamaṃsasattānaṃ sappiādinivāraṇatthaṃ vuttanti ayaṃ pāḷiyaṃ tathāgatā dhippeto atthoti vuttaṃ hoti.

    792. г̇ахид̇уг̇г̇ахид̇аад̣̇игз уг̇г̇ахид̇абадиг̇г̇ахид̇аад̣̇игз наванийд̇зби саб̣б̣о винижчаяо саббимхи вуд̇д̇анаязнзва взд̣̇ид̇аб̣б̣од̇и яож̇анаа. аад̣̇и-сад̣̇д̣̇зна бурзбхад̇д̇ам̣, бажчаабхад̇д̇ам̣ бадиг̇г̇ахид̇акийрад̣̇ад̇хийхи, уг̇г̇ахид̇акийрад̣̇ад̇хийхи жа гад̇ам̣ наванийд̇ам̣, д̇аад̣̇исамзва агаббияамам̣санаванийд̇ан̃жа сан̇г̇ахид̇ам̣. саб̣б̣о винижчаяод̇и аабад̇д̇иаад̣̇игам̣ саб̣б̣авинижчаяам̣ сан̇г̇ан̣хаад̇и. яат̇ааха адтагат̇ааяам̣ ‘‘саб̣б̣о аабад̇д̇аанаабад̇д̇ибарибхог̇аабарибхог̇анаяо’’д̇и (баараа. адта. 2.622).

    792.Gahituggahitādike uggahitapaṭiggahitādike navanītepi sabbo vinicchayo sappimhi vuttanayeneva veditabboti yojanā. Ādi-saddena purebhattaṃ, pacchābhattaṃ paṭiggahitakhīradadhīhi, uggahitakhīradadhīhi ca kataṃ navanītaṃ, tādisameva akappiyamaṃsanavanītañca saṅgahitaṃ. Sabbo vinicchayoti āpattiādikaṃ sabbavinicchayaṃ saṅgaṇhāti. Yathāha aṭṭhakathāyaṃ ‘‘sabbo āpattānāpattiparibhogāparibhoganayo’’ti (pārā. aṭṭha. 2.622).

    793-4. бхигкуунам̣ аагиранд̇ийд̇и зд̇т̇а ‘‘бад̇д̇з’’д̇и саамад̇т̇ияаа лаб̣бхад̇и. аад̣̇ижжабагганд̇и аад̇абз вилийнам̣. сам̣садтам̣ бариссаавид̇ам̣.

    793-4.Bhikkhūnaṃ ākirantīti ettha ‘‘patte’’ti sāmatthiyā labbhati. Ādiccapakkanti ātape vilīnaṃ. Saṃsaṭṭhaṃ parissāvitaṃ.

    795-6. д̇илад̇злам̣ саасабад̇злам̣ мад̇хугад̇злам̣ зран̣д̣агад̇злам̣. г̇ахид̇анд̇и бадиг̇г̇ахид̇ам̣. бурзбхад̇д̇ам̣ саамисамби нираамисамби сааяид̇аб̣б̣анд̇и яож̇анаа. д̇зсам̣ васаад̇и сад̇д̇аахаад̇игганд̇аанам̣ д̇зсам̣ д̇злаанам̣ васзна, д̇злабхааж̇анаг̇ан̣анааяаад̇и вуд̇д̇ам̣ ход̇и.

    795-6. Tilatelaṃ sāsapatelaṃ madhukatelaṃ eraṇḍakatelaṃ. Gahitanti paṭiggahitaṃ. Purebhattaṃ sāmisampi nirāmisampi sāyitabbanti yojanā. Tesaṃ vasāti sattāhātikkantānaṃ tesaṃ telānaṃ vasena, telabhājanagaṇanāyāti vuttaṃ hoti.

    798. д̇зсам̣ д̇ин̣н̣амбийд̇и зран̣д̣амад̇хугасаасабаб̣ийж̇аанам̣ д̇ин̣н̣ам̣.

    798.Tesaṃ tiṇṇampīti eraṇḍamadhukasāsapabījānaṃ tiṇṇaṃ.

    799. ниссаг̇г̇ияам̣ баажид̇д̇ияам̣.

    799.Nissaggiyaṃ pācittiyaṃ.

    800. саасабаад̣̇ийнанд̇и зд̇т̇а аад̣̇и-сад̣̇д̣̇зна бадиломзна мад̇хугзран̣д̣агаанам̣ г̇ахан̣ам̣. г̇ахзд̇ваад̇и бадиг̇г̇ахзд̇ваа. бхигкунаа д̇злад̇т̇ааязва г̇ахзд̇ваа табид̇аанам̣ саасабаад̣̇ийнам̣ сад̇д̇аахаад̇иггамз д̣̇уггадам̣ сияаад̇и яож̇анаа.

    800.Sāsapādīnanti ettha ādi-saddena paṭilomena madhukeraṇḍakānaṃ gahaṇaṃ. Gahetvāti paṭiggahetvā. Bhikkhunā telatthāyeva gahetvā ṭhapitānaṃ sāsapādīnaṃ sattāhātikkame dukkaṭaṃ siyāti yojanā.

    801-2. наал̣игзран̃жа гаран̃ж̇ан̃жа наал̣игзрагаран̃ж̇аани, д̇зсам̣, наал̣игзрапалаанам̣, над̇д̇амааладтийнан̃жа д̇зланд̇и самб̣анд̇хо. гурувагассаад̇и ад̇асиб̣ийж̇асса. нимб̣ан̃жа госамб̣аган̃жа нимб̣агосамб̣агаани, д̇зсам̣, бужиманд̣̇аб̣ийж̇асса жа панд̣̇анаб̣ийж̇асса жа д̇зланд̇и самб̣анд̇хо. бхаллаад̇агассаад̇и звам̣наамагасса ругкаб̣ийж̇асса. самаяажжаязд̇и сад̇д̇аахаад̇иггамз.

    801-2. Nāḷikerañca karañjañca nāḷikerakarañjāni, tesaṃ, nāḷikeraphalānaṃ, nattamālaṭṭhīnañca telanti sambandho. Kuruvakassāti atasibījassa. Nimbañca kosambakañca nimbakosambakāni, tesaṃ, pucimandabījassa ca phandanabījassa ca telanti sambandho. Bhallātakassāti evaṃnāmakassa rukkhabījassa. Samayaccayeti sattāhātikkame.

    803. яаавагаалигабхзд̣̇ан̃жаад̇и зд̇т̇а ‘‘яаавагаалига’’нд̇и бхзд̣̇о висзсанам̣ яассаад̇и виг̇г̇ахо, ‘‘ид̣̇ам̣ вад̇т̇у’’нд̇и зд̇асса аж̇жхохаран̣ийяависзсид̇аб̣б̣асса висзсанам̣. яааваж̇ийвиганд̇иби д̇ассзва висзсанам̣. сзсанд̇и ‘‘саамам̣баагасавад̇т̇уга бурзбхад̇д̇абажчаабхад̇д̇абадиг̇г̇ахид̇ауг̇г̇ахид̇агавад̇т̇увид̇хаанам̣ саб̣б̣а’’нд̇и (баараа. адта. 2.622) адтагат̇ааяам̣ д̣̇ассид̇ам̣ сзсам̣ висзсаббагаараж̇аад̇амааха. зд̇т̇аабийд̇и имасмим̣ д̇злавинижчаязби.

    803.Yāvakālikabhedañcāti ettha ‘‘yāvakālika’’nti bhedo visesanaṃ yassāti viggaho, ‘‘idaṃ vatthu’’nti etassa ajjhoharaṇīyavisesitabbassa visesanaṃ. Yāvajīvikantipi tasseva visesanaṃ. Sesanti ‘‘sāmaṃpākasavatthuka purebhattapacchābhattapaṭiggahitauggahitakavatthuvidhānaṃ sabba’’nti (pārā. aṭṭha. 2.622) aṭṭhakathāyaṃ dassitaṃ sesaṃ visesappakārajātamāha. Etthāpīti imasmiṃ telavinicchayepi.

    804. ажчасса исасса. мажчасса ж̇алаж̇асса. вараахасса суугарасса. сусугаасан̇каад̇асса магарасса. мажчаважанзнзва магарасса сан̇г̇ахид̇ад̇д̇зби ваал̣амажчабхаавзна висум̣ г̇ахан̣анд̇и адтагат̇ааяам̣ вуд̇д̇ам̣. г̇ад̣̇рабхасса карасса. имзсам̣ бан̃жаннам̣ сад̇д̇аанам̣ васзна бан̃жавид̇хаанам̣ васаанам̣ д̇злан̃жа бан̃жаббагаарам̣ ход̇ийд̇и ад̇т̇о.

    804.Acchassa isassa. Macchassa jalajassa. Varāhassa sūkarassa. Susukāsaṅkhātassa makarassa. Macchavacaneneva makarassa saṅgahitattepi vāḷamacchabhāvena visuṃ gahaṇanti aṭṭhakathāyaṃ vuttaṃ. Gadrabhassa kharassa. Imesaṃ pañcannaṃ sattānaṃ vasena pañcavidhānaṃ vasānaṃ telañca pañcappakāraṃ hotīti attho.

    805. габбияаагаббияасса жаад̇и габбияаагаббияамам̣сасса сад̇д̇ассаад̇и вуд̇д̇ам̣ ход̇и, саб̣б̣амзва васаад̇злам̣ ваддад̇ийд̇и иминаа самб̣анд̇хо. зд̇т̇а ‘‘ануж̇аанаами бхигкавз васаани бхзсаж̇ж̇аани ажчавасам̣ мажчавасам̣ сусугаавасам̣ суугаравасам̣ г̇ад̣̇рабхаваса’’нд̇и (махаава. 262) анун̃н̃аад̇абаатз ажчавасааг̇г̇ахан̣зна мануссзхи ан̃н̃зсам̣ саб̣б̣аагаббияамам̣сасад̇д̇аанам̣ васааяа анун̃н̃аад̇ад̇д̇аа д̇ам̣ сан̇г̇ахзд̇ум̣ агаббияаг̇г̇ахан̣ам̣ гад̇анд̇и д̣̇адтаб̣б̣ам̣. яат̇ааха адтагат̇ааяам̣ ‘‘ажчаваса’нд̇и важанзна табзд̇ваа мануссавасам̣ саб̣б̣зсам̣ агаббияамам̣саанам̣ васаа анун̃н̃аад̇аа’’д̇и (баараа. адта. 2.623). зд̇т̇а агаббияамам̣сасад̇д̇аанам̣ мам̣саанам̣ агаббияабхааво ‘‘мам̣сзсу хи д̣̇аса мануссахад̇т̇иассасунакаахисийхаб̣яаг̇гхад̣̇ийбиажчад̇аражчаанам̣ мам̣саани агаббияаани. васаасу згаа мануссавасаава. кийраад̣̇ийсу агаббияам̣ наама над̇т̇ий’’д̇и (баараа. адта. 2.623) адтагат̇ааважанад̇о взд̣̇ид̇аб̣б̣о. агаббияаважанзна мануссавасааяаби г̇аяхамаанад̇д̇аа д̇асмим̣ нийхарид̇умааха ‘‘табзд̇ваа’’д̇и.

    805.Kappiyākappiyassa cāti kappiyākappiyamaṃsassa sattassāti vuttaṃ hoti, sabbameva vasātelaṃ vaṭṭatīti iminā sambandho. Ettha ‘‘anujānāmi bhikkhave vasāni bhesajjāni acchavasaṃ macchavasaṃ susukāvasaṃ sūkaravasaṃ gadrabhavasa’’nti (mahāva. 262) anuññātapāṭhe acchavasāggahaṇena manussehi aññesaṃ sabbākappiyamaṃsasattānaṃ vasāya anuññātattā taṃ saṅgahetuṃ akappiyaggahaṇaṃ katanti daṭṭhabbaṃ. Yathāha aṭṭhakathāyaṃ ‘‘acchavasa’nti vacanena ṭhapetvā manussavasaṃ sabbesaṃ akappiyamaṃsānaṃ vasā anuññātā’’ti (pārā. aṭṭha. 2.623). Ettha akappiyamaṃsasattānaṃ maṃsānaṃ akappiyabhāvo ‘‘maṃsesu hi dasa manussahatthiassasunakhaahisīhabyagghadīpiacchataracchānaṃ maṃsāni akappiyāni. Vasāsu ekā manussavasāva. Khīrādīsu akappiyaṃ nāma natthī’’ti (pārā. aṭṭha. 2.623) aṭṭhakathāvacanato veditabbo. Akappiyavacanena manussavasāyapi gayhamānattā tasmiṃ nīharitumāha ‘‘ṭhapetvā’’ti.

    806. бурзбхад̇д̇анд̇и бурзбхад̇д̇з. сам̣садтам̣ бариссаавид̇ам̣. ‘‘бурзбхад̇д̇а’’нд̇и ид̣̇ам̣ ‘‘бадиг̇г̇ахзд̇ваана, баггам̣, сам̣садта’’нд̇и имзхи бад̣̇зхи бажжзгам̣ яож̇зд̇аб̣б̣ам̣. яат̇ааха баал̣ияам̣ ‘‘гаалз бадиг̇г̇ахид̇ам̣ гаалз ниббаггам̣ гаалз сам̣садтам̣ д̇злабарибхог̇зна барибхун̃ж̇ид̇у’’нд̇и (махаава. 262).

    806.Purebhattanti purebhatte. Saṃsaṭṭhaṃ parissāvitaṃ. ‘‘Purebhatta’’nti idaṃ ‘‘paṭiggahetvāna, pakkaṃ, saṃsaṭṭha’’nti imehi padehi paccekaṃ yojetabbaṃ. Yathāha pāḷiyaṃ ‘‘kāle paṭiggahitaṃ kāle nippakkaṃ kāle saṃsaṭṭhaṃ telaparibhogena paribhuñjitu’’nti (mahāva. 262).

    807. д̇ам̣ гад̇ваа д̣̇зд̇ийд̇и абадиг̇г̇ахид̇авасам̣ г̇ахзд̇ваа бажид̇ваа д̇злам̣ д̣̇зд̇ийд̇и ад̇т̇о. д̇знааха адтагат̇ааяам̣ ‘‘анубасамбаннзхи гад̇ам̣ ниб̣б̣аддид̇авасаад̇злам̣ бурзбхад̇д̇ам̣ бадиг̇г̇ахид̇ам̣ бурзбхад̇д̇ам̣ саамисамби ваддад̇ий’’д̇и (баараа. адта. 2.623). д̇ад̇о уд̣̇д̇хам̣ сад̇д̇аахаманад̇иггаммаад̇и г̇ахзд̇аб̣б̣ам̣. яат̇ааха адтагат̇ааяам̣ ‘‘бажчаабхад̇д̇ад̇о бадтааяа сад̇д̇аахам̣ нираамисамзва ваддад̇ий’’д̇и (баараа. адта. 2.623). ид̇ха убхаяад̇т̇ааби гаалз, вигаалз жа габбияаагаббияамам̣савасаанам̣ д̇злам̣ д̣̇ияяамаанам̣ сукумамам̣сажун̣н̣аад̣̇игам̣ аб̣б̣охааригам̣. яат̇ааха адтагат̇ааяам̣ ‘‘яам̣ бана д̇ад̇т̇а сукумараж̇асад̣̇исам̣ мам̣сам̣ ваа нхаару ваа адти ваа лохид̇ам̣ ваа ход̇и, д̇ам̣ аб̣б̣охаарига’’нд̇и (баараа. адта. 2.623).

    807.Taṃ katvā detīti apaṭiggahitavasaṃ gahetvā pacitvā telaṃ detīti attho. Tenāha aṭṭhakathāyaṃ ‘‘anupasampannehi kataṃ nibbaṭṭitavasātelaṃ purebhattaṃ paṭiggahitaṃ purebhattaṃ sāmisampi vaṭṭatī’’ti (pārā. aṭṭha. 2.623). Tato uddhaṃ sattāhamanatikkammāti gahetabbaṃ. Yathāha aṭṭhakathāyaṃ ‘‘pacchābhattato paṭṭhāya sattāhaṃ nirāmisameva vaṭṭatī’’ti (pārā. aṭṭha. 2.623). Idha ubhayatthāpi kāle, vikāle ca kappiyākappiyamaṃsavasānaṃ telaṃ diyyamānaṃ sukhumamaṃsacuṇṇādikaṃ abbohārikaṃ. Yathāha aṭṭhakathāyaṃ ‘‘yaṃ pana tattha sukhumarajasadisaṃ maṃsaṃ vā nhāru vā aṭṭhi vā lohitaṃ vā hoti, taṃ abbohārika’’nti (pārā. aṭṭha. 2.623).

    808. бадиг̇г̇ахзд̇унд̇и зд̇т̇а ‘‘васа’’нд̇и жа гаад̇унд̇и зд̇т̇а ‘‘д̇зла’’нд̇и жа багаран̣ад̇о лаб̣бхад̇и. гаад̇унд̇и зд̇т̇а бажид̇ум̣ бариссаавид̇унд̇и убхаяамзваад̇и ад̇т̇о. ‘‘на ваддад̇ий’’д̇и ид̣̇ам̣ бадиг̇г̇ахан̣аад̣̇ибаяог̇ад̇д̇аяз висум̣ висум̣ д̣̇уггадад̇д̇аа вуд̇д̇ам̣. яат̇ааха баал̣ияам̣ ‘‘вигаалз жз бхигкавз бадиг̇г̇ахид̇ам̣ вигаалз ниббаггам̣ вигаалз сам̣садтам̣, д̇ам̣ жз барибхун̃ж̇зяяа, аабад̇д̇и д̇ин̣н̣ам̣ д̣̇уггадаана’’нд̇и (махаава. 262). имаани хи д̇ийхи баяог̇зхи д̇ийн̣и д̣̇уггадаани хонд̇и. сзсод̇и уг̇г̇ахид̇агабадиг̇г̇ахид̇агасавад̇т̇угависаяо винижчаяо жа бхааж̇анаг̇ан̣анааяа аабад̇д̇ибхзд̣̇о жаад̇и звам̣багааро вад̇д̇аб̣б̣ависзсо.

    808.Paṭiggahetunti ettha ‘‘vasa’’nti ca kātunti ettha ‘‘tela’’nti ca pakaraṇato labbhati. Kātunti ettha pacituṃ parissāvitunti ubhayamevāti attho. ‘‘Na vaṭṭatī’’ti idaṃ paṭiggahaṇādipayogattaye visuṃ visuṃ dukkaṭattā vuttaṃ. Yathāha pāḷiyaṃ ‘‘vikāle ce bhikkhave paṭiggahitaṃ vikāle nippakkaṃ vikāle saṃsaṭṭhaṃ, taṃ ce paribhuñjeyya, āpatti tiṇṇaṃ dukkaṭāna’’nti (mahāva. 262). Imāni hi tīhi payogehi tīṇi dukkaṭāni honti. Sesoti uggahitakapaṭiggahitakasavatthukavisayo vinicchayo ca bhājanagaṇanāya āpattibhedo cāti evaṃpakāro vattabbaviseso.

    809. г̇ахид̇анд̇и бадиг̇г̇ахид̇ам̣. мад̇хугарийгад̇анд̇и мад̇хумагкигаакуд̣̇д̣̇агамагкигаабхамарамагкигаасан̇каад̇аахи д̇ийхи мад̇хугарийхи гад̇ам̣.

    809.Gahitanti paṭiggahitaṃ. Madhukarīkatanti madhumakkhikākhuddakamakkhikābhamaramakkhikāsaṅkhātāhi tīhi madhukarīhi kataṃ.

    810. вад̇т̇уунам̣ г̇ан̣анаад̇и мад̇хубадалзна тид̇ам̣ жз, бадалаг̇ан̣анааяа, бийл̣зд̇ваа бхааж̇анз багкибид̇ваа табид̇ам̣ жз, бхааж̇анаг̇ан̣анааяа, силзсамива бад̇т̇иннам̣ жз, махаабхамарамад̇хукан̣д̣абин̣д̣авасзна, висум̣ висум̣ гад̇з д̇зсам̣ г̇ан̣анааяаад̇и ад̇т̇о.

    810.Vatthūnaṃ gaṇanāti madhupaṭalena ṭhitaṃ ce, paṭalagaṇanāya, pīḷetvā bhājane pakkhipitvā ṭhapitaṃ ce, bhājanagaṇanāya, silesamiva patthinnaṃ ce, mahābhamaramadhukhaṇḍapiṇḍavasena, visuṃ visuṃ kate tesaṃ gaṇanāyāti attho.

    811. гханаагхананд̇и зд̇т̇а г̇ул̣ан̃жа наанаббагаараа саггараа жа гханабаггам̣ наама. баггад̇анугам̣ паан̣ид̇ам̣ агханабаггам̣ наама. ужчусилзсо абаггагханам̣ наама. ужчуд̣̇ан̣д̣ад̇о бийл̣ид̇арасо абаггаагханам̣ наама. ‘‘паан̣ид̇ам̣ наама ужчумхаа ниб̣б̣ад̇д̇а’’нд̇и (баараа. 623) саад̇хааран̣абаал̣иважанад̇о, ‘‘паан̣ид̇ам̣ наама ужчурасам̣ убаад̣̇ааяаа’’д̇и (ган̇каа. адта. бхзсаж̇ж̇асигкаабад̣̇аван̣н̣анаа; ви. сан̇г̇а адта. 98) адтагат̇ааважанад̇о жа иха расаад̣̇ийхи ужчубаанамби сан̇г̇ахид̇ам̣. гзжи ужчуно жад̇угаалигад̇д̇ам̣ ван̣н̣аяанд̇и, д̇ам̣ на саарад̇о бажжзд̇аб̣б̣ам̣.

    811.Ghanāghananti ettha guḷañca nānappakārā sakkarā ca ghanapakkaṃ nāma. Pakkatanukaṃ phāṇitaṃ aghanapakkaṃ nāma. Ucchusileso apakkaghanaṃ nāma. Ucchudaṇḍato pīḷitaraso apakkāghanaṃ nāma. ‘‘Phāṇitaṃ nāma ucchumhā nibbatta’’nti (pārā. 623) sādhāraṇapāḷivacanato, ‘‘phāṇitaṃ nāma ucchurasaṃ upādāyā’’ti (kaṅkhā. aṭṭha. bhesajjasikkhāpadavaṇṇanā; vi. saṅga aṭṭha. 98) aṭṭhakathāvacanato ca iha rasādīhi ucchupānampi saṅgahitaṃ. Keci ucchuno catukālikattaṃ vaṇṇayanti, taṃ na sārato paccetabbaṃ.

    812. паан̣ид̇анд̇и вуд̇д̇аббагаарз д̇асмим̣ паан̣ид̇з ан̃н̃ад̇арам̣. г̇ахид̇ам̣ бадиг̇г̇ахид̇ам̣.

    812.Phāṇitanti vuttappakāre tasmiṃ phāṇite aññataraṃ. Gahitaṃ paṭiggahitaṃ.

    813. асам̣садтзнаад̇и абариссаавид̇зна. гад̇апаан̣ид̇анд̇и бариссаавзд̇ваа ад̇д̇анаа гад̇апаан̣ид̇ам̣. бурзбхад̇д̇ам̣ г̇ахид̇знаад̇и бурзбхад̇д̇ам̣ бадиг̇г̇ахид̇зна. ‘‘саяам̣ гад̇а’’нд̇и (баараа. адта. 2.623) вуд̇д̇ад̇д̇аа гад̇анд̇и ужчурасо г̇ахзд̇аб̣б̣о.

    813.Asaṃsaṭṭhenāti aparissāvitena. Kataphāṇitanti parissāvetvā attanā kataphāṇitaṃ. Purebhattaṃ gahitenāti purebhattaṃ paṭiggahitena. ‘‘Sayaṃ kata’’nti (pārā. aṭṭha. 2.623) vuttattā katanti ucchuraso gahetabbo.

    816. гад̇ваад̇и бажид̇ваа паан̣ид̇ам̣ гад̇ваа.

    816.Katvāti pacitvā phāṇitaṃ katvā.

    817. бажчаабхад̇д̇ам̣ гад̇ан̃жаабийд̇и бажчаабхад̇д̇ам̣ ад̇д̇анаа жа гад̇ам̣ анубасамбаннзна жа гад̇ам̣ паан̣ид̇амби.

    817.Pacchābhattaṃ katañcāpīti pacchābhattaṃ attanā ca kataṃ anupasampannena ca kataṃ phāṇitampi.

    818. гад̇ам̣ …бз… сийд̇авааринаад̇и сийд̇уд̣̇агз мад̇хугабубпаани багкибид̇ваа табзд̇ваа мад̣̇д̣̇ид̇ваа бариссаавид̇арасзна гад̇ам̣ мад̇хугапаан̣ид̇ам̣.

    818.Kataṃ…pe… sītavārināti sītudake madhukapupphāni pakkhipitvā ṭhapetvā madditvā parissāvitarasena kataṃ madhukaphāṇitaṃ.

    819. ассаад̇и мад̇хугапаан̣ид̇асса. д̣̇уггаданд̇и д̇ад̣̇аад̇хаарабхааж̇анаг̇ан̣анааяа д̣̇уггадам̣. кийрам̣ багкибид̇ваа гад̇ам̣ мад̇хугапаан̣ид̇ам̣ яаавагаалигам̣ жз ход̇и, гат̇ам̣ кан̣д̣асаггараагад̇ам̣ сад̇д̇аахагаалигам̣ ход̇ийд̇и вижааран̣ааяам̣ кийраж̇аллигам̣ д̇ховид̇ваа д̇ховид̇ваа г̇аяхамаанад̇д̇аа ваддад̇ийд̇и барихаранд̇и. яат̇ааха адтагат̇ааяам̣ ‘‘кан̣д̣асаггарам̣ бана кийраж̇аллигам̣ абанзд̇ваа абанзд̇ваа сод̇хзнд̇и, д̇асмаа ваддад̇ий’’д̇и (баараа. адта. 2.623). ‘‘б̣ийж̇ад̇о бадтааяа на ваддад̇ий’’д̇и бадигкид̇д̇амад̇хугабубпамзраяам̣ винаа аамаган̃жа багган̃жа мад̇хугабубпам̣ бурзбхад̇д̇ам̣ ваддад̇ийд̇и адтагат̇ааяам̣ вуд̇д̇ам̣.

    819.Assāti madhukaphāṇitassa. Dukkaṭanti tadādhārabhājanagaṇanāya dukkaṭaṃ. Khīraṃ pakkhipitvā kataṃ madhukaphāṇitaṃ yāvakālikaṃ ce hoti, kathaṃ khaṇḍasakkarākataṃ sattāhakālikaṃ hotīti vicāraṇāyaṃ khīrajallikaṃ dhovitvā dhovitvā gayhamānattā vaṭṭatīti pariharanti. Yathāha aṭṭhakathāyaṃ ‘‘khaṇḍasakkaraṃ pana khīrajallikaṃ apanetvā apanetvā sodhenti, tasmā vaṭṭatī’’ti (pārā. aṭṭha. 2.623). ‘‘Bījato paṭṭhāya na vaṭṭatī’’ti paṭikkhittamadhukapupphamerayaṃ vinā āmakañca pakkañca madhukapupphaṃ purebhattaṃ vaṭṭatīti aṭṭhakathāyaṃ vuttaṃ.

    820. саб̣б̣зсам̣ бана палаананд̇и гад̣̇аликаж̇ж̇ууриаад̣̇ипалаанам̣.

    820.Sabbesaṃ pana phalānanti kadalikhajjūriādiphalānaṃ.

    821. сааман̃н̃аж̇од̇анааяа висзсзби авадтаанад̇о ‘‘гаалигаа’’д̇и иминаа ‘‘бажчаабхад̇д̇ам̣ сад̇и бажжаяз’’д̇и важанасаамад̇т̇ияаа яаавагаалигаваж̇ж̇аа д̇аяо гаалигаа г̇ахзд̇аб̣б̣аа , ‘‘бурзбхад̇д̇ам̣ яат̇аасука’’нд̇и важанасаамад̇т̇ияаа жад̇д̇аароби г̇ахзд̇аб̣б̣аа. яаавагаалигаваж̇ж̇аа д̇аяо гаалигаа бажчаабхад̇д̇ам̣ вигаалз бажжаяз бибаасаад̣̇игааран̣з сад̇и гзваламби бажжзгамби миссзд̇вааби барибхун̃ж̇ид̇ум̣ бхигкусса вадданд̇и. гаалигаа жад̇д̇аароби бурзбхад̇д̇ам̣ гаалз яаавамаж̇жханхаа гзваламби миссзд̇вааби яат̇аасукам̣ асад̇иби бажжаяз барибхун̃ж̇ид̇ум̣ бхигкусса вадданд̇ийд̇и яож̇анаа.

    821. Sāmaññajotanāya visesepi avaṭṭhānato ‘‘kālikā’’ti iminā ‘‘pacchābhattaṃ sati paccaye’’ti vacanasāmatthiyā yāvakālikavajjā tayo kālikā gahetabbā , ‘‘purebhattaṃ yathāsukha’’nti vacanasāmatthiyā cattāropi gahetabbā. Yāvakālikavajjā tayo kālikā pacchābhattaṃ vikāle paccaye pipāsādikāraṇe sati kevalampi paccekampi missetvāpi paribhuñjituṃ bhikkhussa vaṭṭanti. Kālikā cattāropi purebhattaṃ kāle yāvamajjhanhā kevalampi missetvāpi yathāsukhaṃ asatipi paccaye paribhuñjituṃ bhikkhussa vaṭṭantīti yojanā.

    822. аруаад̣̇ийнийд̇и ван̣аад̣̇ийни. ‘‘магкзд̇ум̣ на ваддад̇ий’’д̇и иминаа б̣аахирабарибхог̇оби ниваарид̇о.

    822.Aruādīnīti vaṇādīni. ‘‘Makkhetuṃ na vaṭṭatī’’ti iminā bāhiraparibhogopi nivārito.

    823. анаабад̇д̇иваарз ‘‘анд̇осад̇д̇ааха’’нд̇и ад̇хигаарз ‘‘анубасамбаннасса жад̇д̇зна ванд̇зна муд̇д̇зна анабзгко д̣̇ад̇ваа бадилабхид̇ваа барибхун̃ж̇ад̇ий’’д̇и (баараа. 625) вуд̇д̇ад̇д̇аа жаж̇ид̇ваад̇и зд̇т̇а ‘‘анд̇осад̇д̇аахам̣ анубасамбаннассаа’’д̇и вад̇д̇аб̣б̣ам̣. лабхид̇ваад̇и зд̇т̇а ‘‘сад̇д̇аахаад̇иггамзбий’’д̇и саамад̇т̇ияаа лаб̣бхад̇и. д̇знааха махаабад̣̇умад̇т̇зро ‘‘анд̇осад̇д̇аахз д̣̇иннасса хи буна барибхог̇з аабад̇д̇иязва над̇т̇и, сад̇д̇аахаад̇игганд̇асса бана барибхог̇з анаабад̇д̇ийд̇и д̣̇ассанад̇т̇амид̣̇ам̣ вуд̇д̇а’’нд̇и. лабхид̇ваад̇и г̇ахид̇ад̇злзна анубасамбаннзна саггажжам̣, асаггажжам̣ ваа д̣̇иннам̣ лабхид̇ваа. сааяид̇унд̇и зд̇т̇а ‘‘лабхад̇ий’’д̇и сзсо.

    823.Anāpattivāre ‘‘antosattāha’’nti adhikāre ‘‘anupasampannassa cattena vantena muttena anapekkho datvā paṭilabhitvā paribhuñjatī’’ti (pārā. 625) vuttattā cajitvāti ettha ‘‘antosattāhaṃ anupasampannassā’’ti vattabbaṃ. Labhitvāti ettha ‘‘sattāhātikkamepī’’ti sāmatthiyā labbhati. Tenāha mahāpadumatthero ‘‘antosattāhe dinnassa hi puna paribhoge āpattiyeva natthi, sattāhātikkantassa pana paribhoge anāpattīti dassanatthamidaṃ vutta’’nti. Labhitvāti gahitatelena anupasampannena sakkaccaṃ, asakkaccaṃ vā dinnaṃ labhitvā. Sāyitunti ettha ‘‘labhatī’’ti seso.

    824. ‘‘анаабад̇д̇и ад̇хидтзд̇ий’’д̇и д̣̇виннам̣ бад̣̇аанам̣ анд̇арз ‘‘анд̇осад̇д̇ааха’’нд̇и сзсо, саб̣б̣абад̣̇зхиби яуж̇ж̇ад̇и. ад̇хидтзд̇ийд̇и сад̇д̇аахаб̣бханд̇арз саббин̃жа д̇злан̃жа васан̃жа муд̣̇д̇хани д̇злам̣ ваа аб̣бхан̃ж̇анам̣ ваа, мад̇хум̣ арумагканам̣, паан̣ид̇ам̣ гхарад̇хуубанам̣ бхависсад̇ийд̇и ад̇хидтзд̇и. ад̇хидтид̇зна анад̇хидтид̇ам̣ жз миссам̣ ход̇и, бунаби ад̇хидтаад̇аб̣б̣ам̣. виссаж̇ж̇зд̇ийд̇и анд̇осад̇д̇аахз ан̃н̃асса убасамбаннасса д̣̇зд̇и. сажз д̇ат̇аа д̣̇иннам̣ ан̃н̃зна аббадиг̇г̇ахид̇ад̇д̇аа , д̇зна бадиг̇г̇ахид̇амби ид̇арасса д̣̇иннад̇д̇аа д̇зсам̣ анаабад̇д̇ийд̇и адтагат̇ааяам̣ (баараа. адта. 2.625 ад̇т̇ад̇о самаанам̣) вуд̇д̇ам̣.

    824.‘‘Anāpatti adhiṭṭhetī’’ti dvinnaṃ padānaṃ antare ‘‘antosattāha’’nti seso, sabbapadehipi yujjati. Adhiṭṭhetīti sattāhabbhantare sappiñca telañca vasañca muddhani telaṃ vā abbhañjanaṃ vā, madhuṃ arumakkhanaṃ, phāṇitaṃ gharadhūpanaṃ bhavissatīti adhiṭṭheti. Adhiṭṭhitena anadhiṭṭhitaṃ ce missaṃ hoti, punapi adhiṭṭhātabbaṃ. Vissajjetīti antosattāhe aññassa upasampannassa deti. Sace tathā dinnaṃ aññena appaṭiggahitattā , tena paṭiggahitampi itarassa dinnattā tesaṃ anāpattīti aṭṭhakathāyaṃ (pārā. aṭṭha. 2.625 atthato samānaṃ) vuttaṃ.

    винассад̇ийд̇и сад̇д̇аахаб̣бханд̇арз язна гзнажи аагаарзна яат̇аа абарибхог̇ам̣ ход̇и, д̇ат̇аа жоригааяа харан̣аад̣̇ивасзна нассад̇и. яат̇ааха адтагат̇ааяам̣ ‘‘винассад̇ийд̇и абарибхог̇ам̣ ход̇ий’’д̇и (баараа. адта. 2.625). ажчинд̣̇ид̇ваа г̇ан̣хад̇ийд̇и ан̃н̃о д̇асмим̣ сад̇д̇аахаб̣бханд̇арз вилумбид̇ваа г̇ан̣хаад̇и. виссаасам̣ г̇ан̣хад̇ийд̇и д̇асмим̣язва сад̇д̇аахаб̣бханд̇арз ан̃н̃о виссаасам̣ г̇ан̣хаад̇и.

    Vinassatīti sattāhabbhantare yena kenaci ākārena yathā aparibhogaṃ hoti, tathā corikāya haraṇādivasena nassati. Yathāha aṭṭhakathāyaṃ ‘‘vinassatīti aparibhogaṃ hotī’’ti (pārā. aṭṭha. 2.625). Acchinditvā gaṇhatīti añño tasmiṃ sattāhabbhantare vilumpitvā gaṇhāti. Vissāsaṃ gaṇhatīti tasmiṃyeva sattāhabbhantare añño vissāsaṃ gaṇhāti.

    825. агат̇инажид̇д̇зна сад̇т̇унаа самудтаанаад̣̇аяо саб̣б̣зва батамзна гат̇инзна самаа багаасид̇аад̇и яож̇анаа. агат̇инажид̇д̇знаад̇и махаагарун̣аарасзна д̇инд̇ад̇ааяа агаггасажид̇д̇зна, авихим̣саабхирад̇ажид̇д̇знаад̇и вуд̇д̇ам̣ ход̇и. сад̇т̇унаад̇и д̣̇идтад̇хаммигасамбарааяигаад̣̇ийхи ад̇т̇зхи сад̣̇звагам̣ логам̣ анусаасад̇ийд̇и сад̇т̇аа, д̇зна саб̣б̣ан̃н̃унаа д̣̇асаб̣алзна саммаасамб̣уд̣̇д̇хзна.

    825. Akathinacittena satthunā samuṭṭhānādayo sabbeva paṭhamena kathinena samā pakāsitāti yojanā. Akathinacittenāti mahākaruṇārasena tintatāya akakkasacittena, avihiṃsābhiratacittenāti vuttaṃ hoti. Satthunāti diṭṭhadhammikasamparāyikādīhi atthehi sadevakaṃ lokaṃ anusāsatīti satthā, tena sabbaññunā dasabalena sammāsambuddhena.

    бхзсаж̇ж̇асигкаабад̣̇агат̇ааван̣н̣анаа.

    Bhesajjasikkhāpadakathāvaṇṇanā.

    826. г̇имхаананд̇и зд̇т̇а ‘‘маасаана’’нд̇и саамад̇т̇ияаа лаб̣бхад̇и, нид̣̇д̇хааран̣з саамиважанам̣, г̇имхзсу жад̇уусу маасзсууд̇и ад̇т̇о. нид̣̇д̇хаарид̇аб̣б̣ам̣ д̣̇ассзд̇и ‘‘маасо сзсо’’д̇и, зд̇т̇а ‘‘вад̇д̇аб̣б̣з гаалз’’д̇и сзсо. паг̇г̇унамаасаган̣хабагкабаадибад̣̇ад̇о бадтааяа ж̇здтамаасабун̣н̣амибарияосаанзсу д̇ийсу маасзсу ад̇игганд̇зсууд̇и ад̇т̇о. сзсамаасо наама ж̇здтамаасасса ган̣хабагкабаадибад̣̇ад̇о бадтааяа аасаал̣химаасабун̣н̣амибарияосаано. г̇имхаанам̣ маасо сзсод̇и вад̇д̇аб̣б̣з гаалзд̇и ад̇т̇о.

    826.Gimhānanti ettha ‘‘māsāna’’nti sāmatthiyā labbhati, niddhāraṇe sāmivacanaṃ, gimhesu catūsu māsesūti attho. Niddhāritabbaṃ dasseti ‘‘māso seso’’ti, ettha ‘‘vattabbe kāle’’ti seso. Phaggunamāsakaṇhapakkhapāṭipadato paṭṭhāya jeṭṭhamāsapuṇṇamipariyosānesu tīsu māsesu atikkantesūti attho. Sesamāso nāma jeṭṭhamāsassa kaṇhapakkhapāṭipadato paṭṭhāya āsāḷhimāsapuṇṇamipariyosāno. Gimhānaṃ māso sesoti vattabbe kāleti attho.

    имасмим̣ бажчимз г̇имхамаасз ж̇здтамаасасса ган̣хабагко вассигасаадигаа жз на лад̣̇д̇хаа, бариязсид̇ум̣ лад̣̇д̇хам̣ гаад̇ум̣ кзд̇д̇ам̣, ад̇хидтаананиваасанаанам̣ акзд̇д̇ам̣. аасаал̣хибуримабагко бариязсанагаран̣аниваасанаанам̣ кзд̇д̇ам̣, ад̇хидтаад̇ум̣ акзд̇д̇ам̣. аасаал̣хиган̣хабагкабаадибад̣̇ад̇о яаава бажчимагад̇д̇игабун̣н̣амий, ид̣̇ам̣ жад̇уннамби кзд̇д̇анд̇и аяамзд̇т̇а сан̇кзбо.

    Imasmiṃ pacchime gimhamāse jeṭṭhamāsassa kaṇhapakkho vassikasāṭikā ce na laddhā, pariyesituṃ laddhaṃ kātuṃ khettaṃ, adhiṭṭhānanivāsanānaṃ akhettaṃ. Āsāḷhipurimapakkho pariyesanakaraṇanivāsanānaṃ khettaṃ, adhiṭṭhātuṃ akhettaṃ. Āsāḷhikaṇhapakkhapāṭipadato yāva pacchimakattikapuṇṇamī, idaṃ catunnampi khettanti ayamettha saṅkhepo.

    бариязсзяяаад̇и ‘‘яз мануссаа буб̣б̣з вассигасаадигам̣ д̣̇знд̇ий’’д̇иаад̣̇инаа (баараа. 628) бад̣̇абхааж̇анз вуд̇д̇анаязна буб̣б̣з вассигасаадигад̣̇ааяагам̣ убасан̇гамма ‘‘д̣̇зт̇а мз вассигасаадигажийвара’’нд̇иаад̣̇инаа важанзна авин̃н̃аабзд̇ваа ‘‘гаало вассигасаадигааяа самаяо вассигасаадигааяа, ан̃н̃зби мануссаа вассигасаадигам̣ д̣̇знд̇ий’’д̇и звам̣ сад̇уббаад̣̇амад̇д̇агаран̣зна бариязсзяяа.

    Pariyeseyyāti ‘‘ye manussā pubbe vassikasāṭikaṃ dentī’’tiādinā (pārā. 628) padabhājane vuttanayena pubbe vassikasāṭikadāyakaṃ upasaṅkamma ‘‘detha me vassikasāṭikacīvara’’ntiādinā vacanena aviññāpetvā ‘‘kālo vassikasāṭikāya samayo vassikasāṭikāya, aññepi manussā vassikasāṭikaṃ dentī’’ti evaṃ satuppādamattakaraṇena pariyeseyya.

    саадиганд̇и вассигасаадигам̣. ‘‘ад̣̇д̇хамаасо сзсо’’д̇и ид̣̇ам̣ ‘‘г̇имхаана’’нд̇и иминаава яуж̇ж̇ад̇и. д̇ад̇т̇а ‘‘вад̇д̇аб̣б̣з гаалз’’д̇и аж̇жхаахарид̇аб̣б̣ам̣, аасаал̣химаасасса буримабагкзд̇и ад̇т̇о. гад̇ваад̇и зд̇т̇а ‘‘лад̣̇д̇ха’’нд̇и саамад̇т̇ияаа лаб̣бхад̇и. яат̇аавуд̇д̇анаязна сад̇уббаад̣̇зна ваа авасзсаанам̣ сад̣̇д̇хаасамбаннагулаанам̣ ваа санд̇игаа лад̣̇д̇хам̣ сиб̣б̣анараж̇анагаббаб̣инд̣̇уд̣̇аанавасзна нидтаабзд̇ваад̇и вуд̇д̇ам̣ ход̇и. барид̣̇ахзд̇и ниваасзяяа.

    Sāṭikanti vassikasāṭikaṃ. ‘‘Addhamāso seso’’ti idaṃ ‘‘gimhāna’’nti imināva yujjati. Tattha ‘‘vattabbe kāle’’ti ajjhāharitabbaṃ, āsāḷhimāsassa purimapakkheti attho. Katvāti ettha ‘‘laddha’’nti sāmatthiyā labbhati. Yathāvuttanayena satuppādena vā avasesānaṃ saddhāsampannakulānaṃ vā santikā laddhaṃ sibbanarajanakappabindudānavasena niṭṭhāpetvāti vuttaṃ hoti. Paridaheti nivāseyya.

    827-8. бидтисаммад̇з самаязд̇и ‘‘гад̇д̇игабун̣н̣амаасияаа бана бажчимабаадибад̣̇ад̣̇ивасад̇о бадтааяа яаава ж̇здтамуулабун̣н̣амаа имз сад̇д̇а маасаа бидтисамаяо наамаа’’д̇и (баараа. адта. 2.628) звам̣ д̣̇ассид̇зсу сад̇д̇асу маасзсу. н̃аад̇агаан̃н̃аад̇агаад̣̇ино сад̇уббаад̣̇ам̣ гад̇ваад̇и яож̇анаа. аад̣̇и-сад̣̇д̣̇зна баваарид̇аабаваарид̇аанам̣ сан̇г̇ахо. яат̇ааха адтагат̇ааяам̣ ‘‘ан̃н̃аад̇агааббаваарид̇адтаанад̇о’’д̇и.

    827-8.Piṭṭhisammate samayeti ‘‘kattikapuṇṇamāsiyā pana pacchimapāṭipadadivasato paṭṭhāya yāva jeṭṭhamūlapuṇṇamā ime satta māsā piṭṭhisamayo nāmā’’ti (pārā. aṭṭha. 2.628) evaṃ dassitesu sattasu māsesu. Ñātakāññātakādino satuppādaṃ katvāti yojanā. Ādi-saddena pavāritāpavāritānaṃ saṅgaho. Yathāha aṭṭhakathāyaṃ ‘‘aññātakaappavāritaṭṭhānato’’ti.

    д̇зсуязваад̇и н̃аад̇агаан̃н̃аад̇агабаваарид̇ааббаваарид̇зсу. ‘‘д̇ат̇аа’’д̇и иминаа ‘‘ход̇и ниссаг̇г̇ияаабад̇д̇ий’’д̇и ид̣̇ам̣ д̣̇ассид̇ам̣. саа аабад̇д̇и ан̃н̃аад̇агааббаваарид̇зсу ан̃н̃аад̇агавин̃н̃ад̇д̇исигкаабад̣̇зна ход̇и. яат̇ааха адтагат̇ааяам̣ ‘‘д̣̇зт̇а мз вассигасаадигажийвара’нд̇иаад̣̇инаа наязна вин̃н̃ад̇д̇им̣ гад̇ваа нибпаад̣̇знд̇асса ан̃н̃аад̇агавин̃н̃ад̇д̇исигкаабад̣̇зна ниссаг̇г̇ияам̣ баажид̇д̇ияа’’нд̇и (баараа. адта. 2.628). н̃аад̇агабаваарид̇зсу д̇зна сигкаабад̣̇зна анаабад̇д̇и, бидтисамаяад̇д̇аа иминаа аабад̇д̇и ход̇и. ан̃н̃аад̇агааббаваарид̇зсу жа вагкамаананаязна вад̇д̇абхзд̣̇ад̣̇уггадзна сад̣̇д̇хим̣ ход̇ийд̇и д̣̇адтаб̣б̣ам̣.

    Tesuyevāti ñātakaaññātakapavāritaappavāritesu. ‘‘Tathā’’ti iminā ‘‘hoti nissaggiyāpattī’’ti idaṃ dassitaṃ. Sā āpatti aññātakaappavāritesu aññātakaviññattisikkhāpadena hoti. Yathāha aṭṭhakathāyaṃ ‘‘detha me vassikasāṭikacīvara’ntiādinā nayena viññattiṃ katvā nipphādentassa aññātakaviññattisikkhāpadena nissaggiyaṃ pācittiya’’nti (pārā. aṭṭha. 2.628). Ñātakapavāritesu tena sikkhāpadena anāpatti, piṭṭhisamayattā iminā āpatti hoti. Aññātakaappavāritesu ca vakkhamānanayena vattabhedadukkaṭena saddhiṃ hotīti daṭṭhabbaṃ.

    829-30. ан̃н̃аад̇агаад̣̇ино гад̇ваа бана сад̇уббаад̣̇анд̇и яож̇анаа. аад̣̇и-сад̣̇д̣̇зна аббаваарид̇аанам̣ сан̇г̇ахо. гужчисан̃н̃ид̇з самаязд̇и яат̇аавуд̇д̇абидтисамаяз сад̇д̇амаасз винаа ид̇арз бан̃жа маасаа вуд̇д̇аа. яат̇ааха адтагат̇ааяам̣ ‘‘ж̇здтамуулабун̣н̣амаасияаа бана бажчимабаадибад̣̇ад̣̇ивасад̇о бадтааяа яаава гад̇д̇игабун̣н̣амаа имз бан̃жа маасаа гужчисамаяо наамаа’’д̇и (баараа. адта. 2.628). вад̇т̇анд̇и вассигасаадигам̣. ад̣̇иннабуб̣б̣зсууд̇и язхи вассигасаадигаа на д̣̇иннабуб̣б̣аа, д̇зсу, иминаа вад̇д̇абхзд̣̇асса гааран̣амааха. иха вад̇д̇абхзд̣̇о наама ‘‘яз мануссаа буб̣б̣з вассигасаадигажийварам̣ д̣̇знд̇ий’’д̇иаад̣̇иважанад̇о (баараа. 628) д̣̇иннабуб̣б̣зсу гаад̇аб̣б̣асса сад̇уббаад̣̇асса ад̣̇иннабуб̣б̣зсу гаран̣ам̣. б̣яад̇ирзгад̇о д̣̇иннабуб̣б̣зсу над̇т̇ийд̇и д̣̇ийбид̇ам̣ ход̇и.

    829-30. Aññātakādino katvā pana satuppādanti yojanā. Ādi-saddena appavāritānaṃ saṅgaho. Kucchisaññite samayeti yathāvuttapiṭṭhisamaye sattamāse vinā itare pañca māsā vuttā. Yathāha aṭṭhakathāyaṃ ‘‘jeṭṭhamūlapuṇṇamāsiyā pana pacchimapāṭipadadivasato paṭṭhāya yāva kattikapuṇṇamā ime pañca māsā kucchisamayo nāmā’’ti (pārā. aṭṭha. 2.628). Vatthanti vassikasāṭikaṃ. Adinnapubbesūti yehi vassikasāṭikā na dinnapubbā, tesu, iminā vattabhedassa kāraṇamāha. Iha vattabhedo nāma ‘‘ye manussā pubbe vassikasāṭikacīvaraṃ dentī’’tiādivacanato (pārā. 628) dinnapubbesu kātabbassa satuppādassa adinnapubbesu karaṇaṃ. Byatirekato dinnapubbesu natthīti dīpitaṃ hoti.

    д̇ад̇раад̇и ан̃н̃аад̇агаад̣̇имхи. ‘‘ниссаг̇г̇ияа’’нд̇и иминаа ан̃н̃аад̇агавин̃н̃ад̇д̇исигкаабад̣̇зна аабад̇д̇им̣ ааха. яат̇ааха гужчисамаяажад̇уггз ‘‘вин̃н̃ад̇д̇имби гад̇ваа нибпаад̣̇знд̇асса ан̃н̃аад̇агавин̃н̃ад̇д̇исигкаабад̣̇зна ниссаг̇г̇ияам̣ баажид̇д̇ияа’’нд̇и. аяам̣ баажид̇д̇ияаабад̇д̇и багад̇ияаа вассигасаадигад̣̇ааяагзсуби ход̇ийд̇и ид̣̇ам̣ адтагат̇ааяам̣ ‘‘ид̣̇ам̣ бана багад̇ияаа вассигасаадигад̣̇ааяагзсуби ход̇иязваа’’д̇и (баараа. адта. 2.628) важанад̇о вин̃н̃ааяад̇и.

    Tatrāti aññātakādimhi. ‘‘Nissaggiya’’nti iminā aññātakaviññattisikkhāpadena āpattiṃ āha. Yathāha kucchisamayacatukke ‘‘viññattimpi katvā nipphādentassa aññātakaviññattisikkhāpadena nissaggiyaṃ pācittiya’’nti. Ayaṃ pācittiyāpatti pakatiyā vassikasāṭikadāyakesupi hotīti idaṃ aṭṭhakathāyaṃ ‘‘idaṃ pana pakatiyā vassikasāṭikadāyakesupi hotiyevā’’ti (pārā. aṭṭha. 2.628) vacanato viññāyati.

    831. овассаабзд̇ийд̇и аагаасад̇о бад̇ид̇ауд̣̇агзнзва гааяам̣ д̇змзд̇и, иминаа ‘‘гхадаад̣̇ийхи осин̃жид̇ум̣ ваддад̇ий’’д̇и д̣̇ийбид̇ам̣ ход̇и. ‘‘ниб̣б̣агосамб̣унаа нахааяид̇ум̣ ваддад̇ий’’д̇и г̇ан̣тибад̣̇зсу вуд̇д̇ам̣. сад̇иби жийварзд̇и вассигасаадигааяа сад̇ияааби. ‘‘барияосаанз д̣̇уггада’’нд̇и иминаа б̣инд̣̇уг̇ан̣анааяаад̇и д̣̇ийбзд̇и. вивадан̇г̇ан̣зд̇и ругкаад̣̇инаа гзнажи анаавададтаанз.

    831.Ovassāpetīti ākāsato patitaudakeneva kāyaṃ temeti, iminā ‘‘ghaṭādīhi osiñcituṃ vaṭṭatī’’ti dīpitaṃ hoti. ‘‘Nibbakosambunā nahāyituṃ vaṭṭatī’’ti gaṇṭhipadesu vuttaṃ. Satipi cīvareti vassikasāṭikāya satiyāpi. ‘‘Pariyosāne dukkaṭa’’nti iminā bindugaṇanāyāti dīpeti. Vivaṭaṅgaṇeti rukkhādinā kenaci anāvaṭaṭṭhāne.

    832. маасасминд̇и г̇имхаанам̣ бажчимамаасасмим̣.

    832.Māsasminti gimhānaṃ pacchimamāsasmiṃ.

    833. ‘‘ажчиннажийварассаад̇и зд̇ам̣ вассигасаадигамзва санд̇хааяа вуд̇д̇а’’нд̇и (баараа. адта. 2.630) адтагат̇ааяам̣ вуд̇д̇ам̣. вассигасаадигам̣ ниваасзд̇ваа нахааяанд̇асса жорубад̣̇д̣̇аво аабад̣̇аа наама. нхаанагодтаганд̇и нахаанад̇т̇ааяа гад̇агодтагам̣. ‘‘ваабий’’д̇и иминаа богкаран̣иж̇аад̇ассараад̣̇аяо убалагкид̇аа. нхааяанд̇ассаад̇и наг̇г̇о худ̇ваа нахааяанд̇ассаад̇и багаран̣ад̇о лаб̣бхад̇и. ‘‘аагаасад̇о бад̇ид̇ауд̣̇агзнзваа’’д̇и (баараа. адта. 2.629) адтагат̇ааяамзва вуд̇д̇ам̣.

    833. ‘‘Acchinnacīvarassāti etaṃ vassikasāṭikameva sandhāya vutta’’nti (pārā. aṭṭha. 2.630) aṭṭhakathāyaṃ vuttaṃ. Vassikasāṭikaṃ nivāsetvā nahāyantassa corupaddavo āpadā nāma. Nhānakoṭṭhakanti nahānatthāya katakoṭṭhakaṃ. ‘‘Vāpī’’ti iminā pokkharaṇijātassarādayo upalakkhitā. Nhāyantassāti naggo hutvā nahāyantassāti pakaraṇato labbhati. ‘‘Ākāsato patitaudakenevā’’ti (pārā. aṭṭha. 2.629) aṭṭhakathāyameva vuttaṃ.

    834. грияанд̇и агаалз бариязсанагаран̣аад̇хидтаананиваасанзхи аабаж̇ж̇ид̇аб̣б̣ад̇о гирияам̣. гааязна жа ваажааяа жа вин̃н̃аабанаад̣̇им̣ гаронд̇асса гааяагаммам̣ важийгаммам̣ ход̇и.

    834.Kriyanti akāle pariyesanakaraṇaadhiṭṭhānanivāsanehi āpajjitabbato kiriyaṃ. Kāyena ca vācāya ca viññāpanādiṃ karontassa kāyakammaṃ vacīkammaṃ hoti.

    вассигасаадигагат̇ааван̣н̣анаа.

    Vassikasāṭikakathāvaṇṇanā.

    835. ‘‘яо бана бхигку бхигкусса саамам̣ жийварам̣ д̣̇ад̇ваа’’д̇и (баараа. 632) важанад̇о сааманд̇и зд̇т̇а ‘‘бхигкуу’’д̇и жа д̣̇ад̇ваад̇и зд̇т̇а ‘‘бхигкусса’’ид̇и жа лаб̣бхад̇и. жийваранд̇и чаннам̣ жийвараанам̣ ан̃н̃ад̇арам̣ жийварам̣ вигаббанубаг̇ам̣ бажчимам̣. ‘‘губид̇о анад̇д̇амано ажчинд̣̇зяяаа’’д̇и (баараа. 632) важанад̇о ажчинд̣̇анд̇ассаад̇и зд̇т̇а ‘‘губид̇асса анад̇д̇аманассаа’’д̇и сзсо, губид̇асса анад̇д̇аманасса ажчинд̣̇анд̇асса ваа ажчинд̣̇аабзнд̇асса ваад̇и ад̇т̇о. д̇анд̇и ад̇д̇анаа д̣̇иннажийварам̣. ‘‘сагасан̃н̃ааяаа’’д̇и иминаа баарааж̇игааяа авад̇т̇убхаавам̣ д̣̇ийбзд̇и.

    835. ‘‘Yo pana bhikkhu bhikkhussa sāmaṃ cīvaraṃ datvā’’ti (pārā. 632) vacanato sāmanti ettha ‘‘bhikkhū’’ti ca datvāti ettha ‘‘bhikkhussa’’iti ca labbhati. Cīvaranti channaṃ cīvarānaṃ aññataraṃ cīvaraṃ vikappanupagaṃ pacchimaṃ. ‘‘Kupito anattamano acchindeyyā’’ti (pārā. 632) vacanato acchindantassāti ettha ‘‘kupitassa anattamanassā’’ti seso, kupitassa anattamanassa acchindantassa vā acchindāpentassa vāti attho. Tanti attanā dinnacīvaraṃ. ‘‘Sakasaññāyā’’ti iminā pārājikāya avatthubhāvaṃ dīpeti.

    836. д̇ат̇аад̇и згааязва аабад̇д̇ийд̇и д̣̇ийбзд̇и.

    836.Tathāti ekāyeva āpattīti dīpeti.

    837. вад̇т̇аананд̇и жийвараанам̣. ассаад̇и бхигкусса.

    837.Vatthānanti cīvarānaṃ. Assāti bhikkhussa.

    841. сан̇гхаадим̣ г̇ан̣ха, уд̇д̇араасан̇г̇ам̣ г̇ан̣хаад̇и яож̇анаа.

    841. Saṅghāṭiṃ gaṇha, uttarāsaṅgaṃ gaṇhāti yojanā.

    842. вигаббанубаг̇ам̣ бажчиманд̇и зд̇т̇а ‘‘жийвара’’нд̇и лаб̣бхад̇и. ааяаамад̇о вад̣дхагихад̇т̇ам̣ д̇ирияам̣ д̇ат̇аа вид̣̇ад̇т̇иббамаан̣ам̣ вад̇т̇акан̣д̣ам̣ хздтимабарижчзд̣̇ад̇о вигаббанубаг̇ам̣ наама. ан̃н̃ам̣ гин̃жи баригкааранд̇и яож̇анаа, анд̇амасо сужимбийд̇и вуд̇д̇ам̣ ход̇и. барам̣ буг̇г̇алам̣. чинд̣̇аабзнд̇ассаад̇и ажчинд̣̇аабзнд̇асса. гаарид̇анд̇асса д̣̇вигаммагад̇д̇аа ‘‘бара’’нд̇и жа ‘‘баригкаара’’нд̇и жа гаммад̣̇ваяаг̇ахан̣ам̣. ан̃н̃анд̇и баригкаарависзсанам̣. д̣̇уггадам̣ вад̇т̇уг̇ан̣анааяа, важанаг̇ан̣анааяа жа.

    842.Vikappanupagaṃ pacchimanti ettha ‘‘cīvara’’nti labbhati. Āyāmato vaḍḍhakihatthaṃ tiriyaṃ tathā vidatthippamāṇaṃ vatthakhaṇḍaṃ heṭṭhimaparicchedato vikappanupagaṃ nāma. Aññaṃ kiñci parikkhāranti yojanā, antamaso sucimpīti vuttaṃ hoti. Paraṃ puggalaṃ. Chindāpentassāti acchindāpentassa. Kāritantassa dvikammakattā ‘‘para’’nti ca ‘‘parikkhāra’’nti ca kammadvayagahaṇaṃ. Aññanti parikkhāravisesanaṃ. Dukkaṭaṃ vatthugaṇanāya, vacanagaṇanāya ca.

    844. званд̇и яат̇аа анубасамбаннз анубасамбаннасан̃н̃ино д̣̇уггадам̣, звам̣ анубасамбаннз…бз… взмад̇игассааби д̣̇уггаданд̇и яож̇анаа. ажчинд̣̇анд̇ассаад̇и зд̇т̇а яат̇аавуд̇д̇ам̣ ‘‘анубасамбаннз’’д̇и ид̣̇ам̣ вибхад̇д̇ивибарин̣аамзна саамиважанам̣ гад̇ваа ‘‘д̣̇инна’’нд̇и аж̇жхаахаарзна саха яож̇зд̇аб̣б̣ам̣, ‘‘жийвара’’нд̇и багаран̣ад̇о лаб̣бхад̇и, анубасамбаннасса д̣̇иннам̣ жийварам̣ ажчинд̣̇анд̇ассаад̇и вуд̇д̇ам̣ ход̇и.

    844.Evanti yathā anupasampanne anupasampannasaññino dukkaṭaṃ, evaṃ anupasampanne…pe… vematikassāpi dukkaṭanti yojanā. Acchindantassāti ettha yathāvuttaṃ ‘‘anupasampanne’’ti idaṃ vibhattivipariṇāmena sāmivacanaṃ katvā ‘‘dinna’’nti ajjhāhārena saha yojetabbaṃ, ‘‘cīvara’’nti pakaraṇato labbhati, anupasampannassa dinnaṃ cīvaraṃ acchindantassāti vuttaṃ hoti.

    845. со ваад̇и яасса жийварам̣ д̣̇иннам̣, со зва ваа бхигку. д̇удто ваа д̣̇удто ваа со д̣̇зд̇ийд̇и яож̇анаа. виссаасамзва ваад̇и виссаасам̣ гад̇ваа г̇ан̣хад̇од̇и яож̇анаа.

    845.So vāti yassa cīvaraṃ dinnaṃ, so eva vā bhikkhu. Tuṭṭho vā duṭṭho vā so detīti yojanā. Vissāsameva vāti vissāsaṃ katvā gaṇhatoti yojanā.

    846. зд̇т̇аад̇и имасмим̣ сигкаабад̣̇з.

    846.Etthāti imasmiṃ sikkhāpade.

    жийваражчинд̣̇анагат̇ааван̣н̣анаа.

    Cīvaracchindanakathāvaṇṇanā.

    847. вин̃н̃аабзд̇ваад̇и вад̇т̇авааяаабанам̣ санд̇хааяа яаажид̇ваа. чаб̣б̣ид̇хам̣ суд̇д̇анд̇и бад̣̇абхааж̇анз ‘‘комам̣ габбаасигам̣ госзяяам̣ гамб̣алам̣ саан̣ам̣ бхан̇г̇а’’нд̇и (баараа. 638) ааг̇ад̇ам̣ чаббагаарам̣ суд̇д̇ам̣. гамб̣аланд̇и зл̣агаломасуд̇д̇ам̣. саануломаани чаббагаарасуд̇д̇аани хздтаа жийваравинижчаяз вуд̇д̇аанусаарзна взд̣̇ид̇аб̣б̣аани. жийварад̇т̇ам̣ вад̇т̇ам̣ ‘‘жийвара’’нд̇и вуд̇д̇ам̣. д̇анд̇авааязхийд̇и габбияаагаббиязхи бзсагаарзхи. бод̇т̇агзсу ‘‘вааяаабзд̇ум̣ на ваддад̇ий’’д̇и баато д̣̇иссад̇и, ‘‘сажз’’д̇и иминаа аяуж̇ж̇амаанад̇д̇аа со абаато. ‘‘вааяаабзд̇и на ваддад̇ий’’д̇и баато яуж̇ж̇ад̇ийд̇и сажз вааяаабзд̇ийд̇и яож̇анаа, ад̇д̇ано ад̇т̇ааяа яад̣̇и вааяаабзяяаад̇и ад̇т̇о.

    847.Viññāpetvāti vatthavāyāpanaṃ sandhāya yācitvā. Chabbidhaṃ suttanti padabhājane ‘‘khomaṃ kappāsikaṃ koseyyaṃ kambalaṃ sāṇaṃ bhaṅga’’nti (pārā. 638) āgataṃ chappakāraṃ suttaṃ. Kambalanti eḷakalomasuttaṃ. Sānulomāni chappakārasuttāni heṭṭhā cīvaravinicchaye vuttānusārena veditabbāni. Cīvaratthaṃ vatthaṃ ‘‘cīvara’’nti vuttaṃ. Tantavāyehīti kappiyākappiyehi pesakārehi. Potthakesu ‘‘vāyāpetuṃ na vaṭṭatī’’ti pāṭho dissati, ‘‘sace’’ti iminā ayujjamānattā so apāṭho. ‘‘Vāyāpeti na vaṭṭatī’’ti pāṭho yujjatīti sace vāyāpetīti yojanā, attano atthāya yadi vāyāpeyyāti attho.

    848. д̇ат̇аа агаббияо. гийд̣̇исод̇и ааха ‘‘ан̃н̃аад̇агаад̣̇иго’’д̇и. ан̃н̃аад̇агаад̣̇игод̇и ан̃н̃аад̇аго аад̣̇и яасса со ан̃н̃аад̇агаад̣̇иго. аад̣̇и-сад̣̇д̣̇зна аббаваарид̇о г̇ахид̇о. яо бхигку д̇анд̇авааяасса ан̃н̃аад̇аго, д̇зна аббаваарид̇о жа, д̇асса ан̃н̃аад̇агаад̣̇иго бхигкунаа вин̃н̃ад̇д̇о со д̇анд̇авааяо агаббияод̇и ад̇т̇о.

    848.Tathā akappiyo. Kīdisoti āha ‘‘aññātakādiko’’ti. Aññātakādikoti aññātako ādi yassa so aññātakādiko. Ādi-saddena appavārito gahito. Yo bhikkhu tantavāyassa aññātako, tena appavārito ca, tassa aññātakādiko bhikkhunā viññatto so tantavāyo akappiyoti attho.

    849. агаббиязнаад̇и вин̃н̃аабид̇зна. вааяаабзнд̇ассаад̇и зд̇т̇а ‘‘баяог̇з баяог̇з д̣̇уггадам̣, бадилаабхзнаа’’д̇и сзсо. яат̇ааха ‘‘вааяаабзд̇и, баяог̇з баяог̇з д̣̇уггадам̣. бадилаабхзна ниссаг̇г̇ияа’’нд̇и (баараа. 638).

    849.Akappiyenāti viññāpitena. Vāyāpentassāti ettha ‘‘payoge payoge dukkaṭaṃ, paṭilābhenā’’ti seso. Yathāha ‘‘vāyāpeti, payoge payoge dukkaṭaṃ. Paṭilābhena nissaggiya’’nti (pārā. 638).

    850. гид̇д̇агз вийд̇з ниссаг̇г̇ияам̣ ход̇ийд̇и ааха ‘‘вид̣̇ад̇т̇имад̇д̇з’’д̇иаад̣̇и. хад̇т̇амад̇д̇зд̇и рад̇анамад̇д̇з. бад̣̇абхааж̇анз ‘‘бадилаабхзна ниссаг̇г̇ияа’’нд̇и вуд̇д̇ам̣, ид̇ха ‘‘вийд̇з ниссаг̇г̇ияа’’нд̇и гасмаа аахаад̇и? адтагат̇ааяам̣ вуд̇д̇ад̇д̇аа. д̇ад̇т̇ааби д̇ат̇аа гасмаа вуд̇д̇анд̇и? д̇ад̣̇ананд̇арам̣ ад̇д̇ано санд̇агад̇д̇аа вийд̇авийд̇адтаанам̣ бадилад̣̇д̇хамзва ход̇и, бад̣̇абхааж̇анзби иминаа ад̇хиббааязна бадилаабхзна ниссаг̇г̇ияам̣ вуд̇д̇ам̣, д̇асмаа яаава жийварам̣ вад̣дхад̇и, д̇аава иминаа бамаан̣зна аабад̇д̇ияо вад̣дханд̇и. палагзби жаад̇и зд̇т̇а палагам̣ наама д̇уривийд̇адтаанам̣, яад̇т̇а сам̣харид̇ваа табзнд̇и. палагз палагзби жа ниссаг̇г̇ияам̣ вуд̇д̇анд̇и яож̇анаа.

    850. Kittake vīte nissaggiyaṃ hotīti āha ‘‘vidatthimatte’’tiādi. Hatthamatteti ratanamatte. Padabhājane ‘‘paṭilābhena nissaggiya’’nti vuttaṃ, idha ‘‘vīte nissaggiya’’nti kasmā āhāti? Aṭṭhakathāyaṃ vuttattā. Tatthāpi tathā kasmā vuttanti? Tadanantaraṃ attano santakattā vītavītaṭṭhānaṃ paṭiladdhameva hoti, padabhājanepi iminā adhippāyena paṭilābhena nissaggiyaṃ vuttaṃ, tasmā yāva cīvaraṃ vaḍḍhati, tāva iminā pamāṇena āpattiyo vaḍḍhanti. Phalakepi cāti ettha phalakaṃ nāma turivītaṭṭhānaṃ, yattha saṃharitvā ṭhapenti. Phalake phalakepi ca nissaggiyaṃ vuttanti yojanā.

    851. д̇знзваад̇и вин̃н̃ад̇д̇ад̇анд̇авааязнзва. габбияам̣ суд̇д̇анд̇и авин̃н̃ад̇д̇ияаа лад̣̇д̇хасуд̇д̇ам̣. габбиязна д̇анд̇авааязна агаббияасуд̇д̇ам̣ вааяаабзнд̇асса д̇ат̇зва д̣̇уггаданд̇и яож̇анаа.

    851.Tenevāti viññattatantavāyeneva. Kappiyaṃ suttanti aviññattiyā laddhasuttaṃ. Kappiyena tantavāyena akappiyasuttaṃ vāyāpentassa tatheva dukkaṭanti yojanā.

    852. зганд̇аригад̇о ваа габбияаагаббиязхзва суд̇д̇зхи вийд̇з д̣̇уггаданд̇и яож̇анаа, анд̇аранд̇араа агаббияасуд̇д̇аанам̣ басааран̣зна, вааяанзна жа д̣̇уггадам̣ ход̇ийд̇и ад̇т̇о. д̣̇ийгхад̇о ваа д̇ирияад̇о ваа габбияаагаббиязхзва суд̇д̇зхи вийд̇з д̣̇уггаданд̇и яож̇анаа, д̣̇ийгхад̇о габбияасуд̇д̇ам̣ басаарзд̇ваа д̇ирияам̣ агаббияасуд̇д̇зна вийд̇з д̣̇уггадам̣ ход̇ийд̇и ад̇т̇о. вааг̇г̇ахан̣зна вуд̇д̇авибарияааяад̇оби яож̇зд̇аб̣б̣ам̣. д̣̇ийгхад̇о агаббияасуд̇д̇ам̣ басаарзд̇ваа д̇ирияад̇о габбияасуд̇д̇зна вийд̇зд̇и аяамзд̇т̇а вибарияааяо. вийд̇зд̇и зд̇т̇а ‘‘палагз палагз’’д̇и анувад̇д̇зд̇аб̣б̣ам̣.

    852. Ekantarikato vā kappiyākappiyeheva suttehi vīte dukkaṭanti yojanā, antarantarā akappiyasuttānaṃ pasāraṇena, vāyanena ca dukkaṭaṃ hotīti attho. Dīghato vā tiriyato vā kappiyākappiyeheva suttehi vīte dukkaṭanti yojanā, dīghato kappiyasuttaṃ pasāretvā tiriyaṃ akappiyasuttena vīte dukkaṭaṃ hotīti attho. Vāggahaṇena vuttavipariyāyatopi yojetabbaṃ. Dīghato akappiyasuttaṃ pasāretvā tiriyato kappiyasuttena vīteti ayamettha vipariyāyo. Vīteti ettha ‘‘phalake phalake’’ti anuvattetabbaṃ.

    853. габбияаагаббиязхи д̇анд̇авааязхи габбияаагаббияасуд̇д̇ам̣ миссзд̇ваа гад̇з вийд̇з палагз палагз д̇асса бхигкусса д̣̇уггаданд̇и яож̇анаа. взд̇и нибаад̇амад̇д̇ам̣, ат̇а ваа вз д̇асмим̣ гад̇з вийд̇зд̇и ад̇т̇о.

    853. Kappiyākappiyehi tantavāyehi kappiyākappiyasuttaṃ missetvā kate vīte phalake phalake tassa bhikkhussa dukkaṭanti yojanā. Veti nipātamattaṃ, atha vā ve tasmiṃ kate vīteti attho.

    854-5. д̇з габбияаагаббияад̇анд̇авааяаа барижчзд̣̇ам̣ д̣̇ассзд̇ваа ваарзнзва агаббияасуд̇д̇ам̣ сажз винанд̇ийд̇и яож̇анаа. агаббиязна д̇анд̇авааязна вийд̇з. чанд̣̇аанурагканад̇т̇ам̣ ‘‘вид̇з’’д̇и вуд̇д̇ам̣. бамаан̣асминд̇и вигаббанубаг̇абажчимаббамаан̣асмим̣. д̇ад̣̇уунзд̇и д̇ад̇о вигаббанубаг̇абажчимаббамаан̣ад̇о уунз. ид̇арзнаад̇и габбияад̇анд̇авааязна. убхаяад̇т̇аад̇и бамаан̣асмим̣, д̇ад̣̇уунз жа д̣̇уггадам̣ зваад̇и яож̇анаа.

    854-5.Te kappiyākappiyatantavāyā paricchedaṃ dassetvā vāreneva akappiyasuttaṃ sace vinantīti yojanā. Akappiyena tantavāyena vīte. Chandānurakkhanatthaṃ ‘‘vite’’ti vuttaṃ. Pamāṇasminti vikappanupagapacchimappamāṇasmiṃ. Tadūneti tato vikappanupagapacchimappamāṇato ūne. Itarenāti kappiyatantavāyena. Ubhayatthāti pamāṇasmiṃ, tadūne ca dukkaṭaṃ evāti yojanā.

    856. сажз габбияаагаббияад̇анд̇авааяаа д̣̇взби взмам̣ убхаяагодияаа г̇ахзд̇ваа згад̇ова винанд̇и ваад̇и яож̇анаа. д̇ирияам̣ суд̇д̇ам̣ бавзсзд̇ваа язна аагодзнд̇о гханабхаавам̣ самбаад̣̇знд̇и, д̇ам̣ взмам̣ вужжад̇и.

    856. Sace kappiyākappiyatantavāyā dvepi vemaṃ ubhayakoṭiyā gahetvā ekatova vinanti vāti yojanā. Tiriyaṃ suttaṃ pavesetvā yena ākoṭento ghanabhāvaṃ sampādenti, taṃ vemaṃ vuccati.

    857. саб̣б̣ад̇т̇а бхзд̣̇зд̇и габбияаагаббияасуд̇д̇ад̇анд̇авааязхи гад̇з бамаан̣ад̇ад̣̇ууназганд̇аригад̣̇ийгхад̇ирияаббагаарз саб̣б̣ад̇т̇а ваарабхзд̣̇з. аабад̇д̇ибхзд̣̇од̇и агаббияасуд̇д̇зхи ааяаамавид̇т̇аарад̇о агаббияад̇анд̇авааязна вийд̇аббад̣̇зсз бамаан̣аяуд̇д̇з баажид̇д̇ияам̣, ид̇арад̇ра д̣̇уггаданд̇и бхзд̣̇о.

    857.Sabbattha bhedeti kappiyākappiyasuttatantavāyehi kate pamāṇatadūnaekantarikadīghatiriyappakāre sabbattha vārabhede. Āpattibhedoti akappiyasuttehi āyāmavitthārato akappiyatantavāyena vītappadese pamāṇayutte pācittiyaṃ, itaratra dukkaṭanti bhedo.

    858. габбияо д̇анд̇авааяо наама н̃аад̇аго ваа баваарид̇о ваа габбияамуулзна баяож̇ид̇о ваа.

    858.Kappiyo tantavāyo nāma ñātako vā pavārito vā kappiyamūlena payojito vā.

    859. ‘‘анаабад̇д̇и жийварам̣ сиб̣б̣зд̇ум̣, ааяог̇з, гааяаб̣анд̇ханз, ам̣саб̣ад̣̇д̇хагз, бад̇д̇ад̇т̇авигааяа, бариссааванз, н̃аад̇агаанам̣, баваарид̇аанам̣, ан̃н̃ассад̇т̇ааяа, ад̇д̇ано д̇ханзнаа’’д̇иаад̣̇игам̣ (баараа. 640) анаабад̇д̇иваарам̣ д̣̇ассзд̇умааха ‘‘анаабад̇д̇ий’’д̇иаад̣̇и. ид̇ха нид̣̇д̣̇идтова лагкан̣зна анид̣̇д̣̇идтамби взд̣̇ид̇аб̣б̣ам̣. зд̇т̇а жийварам̣ сиб̣б̣зд̇ум̣ суд̇д̇ам̣ вин̃н̃аабзнд̇асса анаабад̇д̇ийд̇и яож̇анаа. д̇ханам̣ наама д̇ан̣д̣улаад̣̇и габбияавад̇т̇у. ‘‘бариссааванз’’д̇иаад̣̇ийсу нимид̇д̇ад̇т̇з бхуммам̣, бариссааванаад̣̇инимид̇д̇ам̣ суд̇д̇ан̃жа д̇анд̇авааяз жа вин̃н̃аабзнд̇асса анаабад̇д̇ийд̇и вуд̇д̇ам̣ ход̇и.

    859. ‘‘Anāpatti cīvaraṃ sibbetuṃ, āyoge, kāyabandhane, aṃsabaddhake, pattatthavikāya, parissāvane, ñātakānaṃ, pavāritānaṃ, aññassatthāya, attano dhanenā’’tiādikaṃ (pārā. 640) anāpattivāraṃ dassetumāha ‘‘anāpattī’’tiādi. Idha niddiṭṭhova lakkhaṇena aniddiṭṭhampi veditabbaṃ. Ettha cīvaraṃ sibbetuṃ suttaṃ viññāpentassa anāpattīti yojanā. Dhanaṃ nāma taṇḍulādi kappiyavatthu. ‘‘Parissāvane’’tiādīsu nimittatthe bhummaṃ, parissāvanādinimittaṃ suttañca tantavāye ca viññāpentassa anāpattīti vuttaṃ hoti.

    суд̇д̇авин̃н̃ад̇д̇игат̇ааван̣н̣анаа.

    Suttaviññattikathāvaṇṇanā.

    860. аббаваарид̇ан̃н̃аад̇ийнанд̇и аббаваарид̇аанам̣ ан̃н̃аад̇ийнам̣, ‘‘гийд̣̇исзна д̇з бханд̇з жийварзна ад̇т̇о, гийд̣̇исам̣ д̇з жийварам̣ вааяаабзмий’’д̇и (баараа. 643) бад̣̇абхааж̇анз вуд̇д̇анаязна аббаваарид̇аанам̣ ан̃н̃аад̇ийнанд̇и ад̇т̇о. самзжжаад̇и убаг̇анд̇ваа. вигаббанд̇и висидтам̣ габбам̣ ад̇хигавид̇хаанам̣. аабаж̇ж̇ад̇ийд̇и гарод̇и, ‘‘ид̣̇ам̣ ко аавусо жийварам̣ мам̣ уд̣̇д̣̇исса вияяад̇и, ааяад̇ан̃жа гарот̇а, вид̇т̇ад̇ан̃жа аббид̇ан̃жа сувийд̇ан̃жа суббавааяид̇ан̃жа сувилзкид̇ан̃жа сувид̇ажчид̇ан̃жа гарот̇аа’’д̇иаад̣̇инаа (баараа. 642) наязна д̣̇ааяагаанам̣ ад̇хиббааяад̇о ад̇хигад̇араааяад̇аад̣̇игаран̣ад̇т̇ам̣ вид̇хаанам̣ гарод̇ийд̇и вуд̇д̇ам̣ ход̇и.

    860.Appavāritaññātīnanti appavāritānaṃ aññātīnaṃ, ‘‘kīdisena te bhante cīvarena attho, kīdisaṃ te cīvaraṃ vāyāpemī’’ti (pārā. 643) padabhājane vuttanayena appavāritānaṃ aññātīnanti attho. Sameccāti upagantvā. Vikappanti visiṭṭhaṃ kappaṃ adhikavidhānaṃ. Āpajjatīti karoti, ‘‘idaṃ kho āvuso cīvaraṃ maṃ uddissa viyyati, āyatañca karotha, vitthatañca appitañca suvītañca suppavāyitañca suvilekhitañca suvitacchitañca karothā’’tiādinā (pārā. 642) nayena dāyakānaṃ adhippāyato adhikataraāyatādikaraṇatthaṃ vidhānaṃ karotīti vuttaṃ hoti.

    д̇ад̇т̇а ааяад̇анд̇и д̣̇ийгхам̣. вид̇т̇ад̇анд̇и бут̇улам̣. аббид̇анд̇и гханам̣. сувийд̇анд̇и судту вийд̇ам̣ саб̣б̣адтаанзсу самам̣ гад̇ваа вийд̇ам̣. суббавааяид̇анд̇и судту бавааяид̇ам̣ саб̣б̣адтаанз самам̣ гад̇ваа д̇анд̇з басаарид̇ам̣. сувилзкид̇анд̇и лзканияаа судту виликид̇ам̣. сувид̇ажчид̇анд̇и гожчзна судту вид̇ажчид̇ам̣, сувинид̣̇д̇ход̇анд̇и ад̇т̇о.

    Tattha āyatanti dīghaṃ. Vitthatanti puthulaṃ. Appitanti ghanaṃ. Suvītanti suṭṭhu vītaṃ sabbaṭṭhānesu samaṃ katvā vītaṃ. Suppavāyitanti suṭṭhu pavāyitaṃ sabbaṭṭhāne samaṃ katvā tante pasāritaṃ. Suvilekhitanti lekhaniyā suṭṭhu vilikhitaṃ. Suvitacchitanti kocchena suṭṭhu vitacchitaṃ, suviniddhotanti attho.

    861. суд̇д̇авад̣дханаббагаарам̣ д̣̇ассзд̇умааха ‘‘д̣̇ийгхааяад̇аббид̇ад̇т̇ааяаа’’д̇и. д̇зна жа бад̣̇абхааж̇анз ‘‘д̇асса важанзна ааяад̇ам̣ ваа вид̇т̇ад̇ам̣ ваа аббид̇ам̣ ваа гарод̇и, баяог̇з д̣̇уггадам̣, бадилаабхзна ниссаг̇г̇ияам̣ ход̇ий’’д̇и (баараа. 643) зд̇ам̣ ааяад̇аад̣̇ид̇д̇аяамзва вуд̇д̇ам̣. суд̇д̇авад̣дханагз гад̇зд̇и зд̇т̇а ананд̇арам̣ вад̇д̇аб̣б̣зна ‘‘баяог̇з д̣̇уггадам̣ бадилаабхзнаа’’д̇и баатасзсзна саха яож̇анаа гаад̇аб̣б̣аа, д̣̇ааяагзхи д̇улаяид̇ваа д̣̇иннаббамаан̣ад̇о суд̇д̇ам̣ вад̣дхид̇ум̣ д̇зна гад̇зна саб̣б̣знааби баяог̇зна бхигкуно д̣̇уггадан̃жа бадилаабхзна ниссаг̇г̇ияабаажид̇д̇ияан̃жа ход̇ийд̇и ад̇т̇о.

    861. Suttavaḍḍhanappakāraṃ dassetumāha ‘‘dīghāyatappitatthāyā’’ti. Tena ca padabhājane ‘‘tassa vacanena āyataṃ vā vitthataṃ vā appitaṃ vā karoti, payoge dukkaṭaṃ, paṭilābhena nissaggiyaṃ hotī’’ti (pārā. 643) etaṃ āyatādittayameva vuttaṃ. Suttavaḍḍhanake kateti ettha anantaraṃ vattabbena ‘‘payoge dukkaṭaṃ paṭilābhenā’’ti pāṭhasesena saha yojanā kātabbā, dāyakehi tulayitvā dinnappamāṇato suttaṃ vaḍḍhituṃ tena katena sabbenāpi payogena bhikkhuno dukkaṭañca paṭilābhena nissaggiyapācittiyañca hotīti attho.

    862. н̃аад̇агаад̣̇ийнам̣ д̇анд̇авааязсу жийварз вигаббам̣ аабаж̇ж̇анд̇асса анаабад̇д̇им̣ винид̣̇д̣̇исзд̇и яож̇анаа. ад̇д̇ано д̇ханзнаад̇и зд̇т̇а ‘‘баяож̇ид̇зсуу’’д̇и сзсо, д̇анд̇авааязсууд̇и зд̇асса висзсанам̣. ад̇д̇ано д̇ханзна баяож̇ид̇зсу д̇анд̇авааязсу жийварз вигаббам̣ аабаж̇ж̇анд̇асса анаабад̇д̇им̣ винид̣̇д̣̇исзд̇и яож̇анаа, ад̇д̇ано санд̇агам̣ габбияавад̇т̇ум̣ г̇ахзд̇ваа винанд̇зсу вигаббам̣ аабаж̇ж̇анд̇ассаад̇и ад̇т̇о. ан̃н̃ассад̇т̇ааяа винанд̇зсу вигаббам̣ аабаж̇ж̇анд̇ассаад̇и саха баатасзсзна яож̇анаа д̣̇адтаб̣б̣аа.

    862. Ñātakādīnaṃ tantavāyesu cīvare vikappaṃ āpajjantassa anāpattiṃ viniddiseti yojanā. Attano dhanenāti ettha ‘‘payojitesū’’ti seso, tantavāyesūti etassa visesanaṃ. Attano dhanena payojitesu tantavāyesu cīvare vikappaṃ āpajjantassa anāpattiṃ viniddiseti yojanā, attano santakaṃ kappiyavatthuṃ gahetvā vinantesu vikappaṃ āpajjantassāti attho. Aññassatthāya vinantesu vikappaṃ āpajjantassāti saha pāṭhasesena yojanā daṭṭhabbā.

    863. махаг̇гхам̣ гад̇д̇угаамино д̇анд̇авааязхи аббаг̇гхам̣ вааяаабзнд̇асса анаабад̇д̇им̣ винид̣̇д̣̇исзд̇и яож̇анаа.

    863. Mahagghaṃ kattukāmino tantavāyehi appagghaṃ vāyāpentassa anāpattiṃ viniddiseti yojanā.

    бзсагаарагат̇ааван̣н̣анаа.

    Pesakārakathāvaṇṇanā.

    864. вассам̣вуд̇т̇з бхигкуу уд̣̇д̣̇иссаад̇и буримигааяа вассуубаг̇ад̇з бхигкуу уд̣̇д̣̇исид̇ваа. бавааран̣ааяа буб̣б̣зва яам̣ жийварам̣ д̣̇ийяад̇ийд̇и самб̣анд̇хо. ид̣̇ам̣ вуд̇д̇ам̣ ход̇и – ‘‘д̣̇асаахаанааг̇ад̇ам̣ гад̇д̇игад̇змаасигабун̣н̣ама’’нд̇и (баараа. 648) баал̣ияам̣ вуд̇д̇ам̣ махаабавааран̣ааубосат̇ад̣̇ивасасса бурзд̇арамзва буб̣б̣агад̇д̇игамаасасса ж̇ун̣хабагкабан̃жамияам̣ яам̣ жийварам̣ ‘‘ажжзгажийварам̣ наама сзнааяа ваа г̇анд̇угаамо ход̇ий’’д̇иаад̣̇инаа (баараа. 649) бад̣̇абхааж̇анааг̇ад̇зсу г̇амигаг̇илаанаг̇аб̣бхиниабхинавуббаннасад̣̇д̇хаад̣̇ийсу ан̃н̃ад̇арзна д̣̇ууд̇ам̣ бзсзд̇ваа ваа ад̇д̇анаа ваа ааг̇анд̇ваа ‘‘вассааваасигам̣ д̣̇аммий’’д̇и вад̇ваа д̣̇ияяад̇ийд̇и. д̇ам̣ ход̇ажжзгажийваранд̇и д̇ам̣ ажжааяигажийварам̣ наама ход̇и.

    864.Vassaṃvutthe bhikkhū uddissāti purimikāya vassūpagate bhikkhū uddisitvā. Pavāraṇāya pubbeva yaṃ cīvaraṃ dīyatīti sambandho. Idaṃ vuttaṃ hoti – ‘‘dasāhānāgataṃ kattikatemāsikapuṇṇama’’nti (pārā. 648) pāḷiyaṃ vuttaṃ mahāpavāraṇāuposathadivasassa puretarameva pubbakattikamāsassa juṇhapakkhapañcamiyaṃ yaṃ cīvaraṃ ‘‘accekacīvaraṃ nāma senāya vā gantukāmo hotī’’tiādinā (pārā. 649) padabhājanāgatesu gamikagilānagabbhiniabhinavuppannasaddhādīsu aññatarena dūtaṃ pesetvā vā attanā vā āgantvā ‘‘vassāvāsikaṃ dammī’’ti vatvā diyyatīti. Taṃ hotaccekacīvaranti taṃ accāyikacīvaraṃ nāma hoti.

    865. бурз бавааран̣ааязваад̇и махаабавааран̣ааяа бурзд̇арамзва бан̃жамид̇о бадтааяа яасмим̣ гисмин̃жи д̣̇ивасз. бхааж̇зд̇ваа яад̣̇и г̇аяхад̇ийд̇и зд̇т̇а ‘‘язнаа’’д̇и жа на гаад̇аб̣б̣од̇и зд̇т̇а ‘‘д̇знаа’’д̇и жа гарод̇и жзд̇и зд̇т̇а ‘‘со вассажчзд̣̇а’’нд̇и жа саамад̇т̇ияаа лаб̣бхад̇и. бхааж̇зд̇ваа яад̣̇и язна г̇аяхад̇и, д̇зна вассажчзд̣̇о на гаад̇аб̣б̣о. со вассажчзд̣̇ам̣ гарод̇и жз, д̇ам̣ бхааж̇зд̇ваа г̇ахид̇ажийварам̣ сан̇гхигам̣ ход̇ийд̇и яож̇анаа, чиннавассзна д̇ам̣ жийварам̣ сан̇гхассзва д̣̇аад̇аб̣б̣анд̇и вуд̇д̇ам̣ ход̇и.

    865.Pure pavāraṇāyevāti mahāpavāraṇāya puretarameva pañcamito paṭṭhāya yasmiṃ kismiñci divase. Bhājetvā yadi gayhatīti ettha ‘‘yenā’’ti ca na kātabboti ettha ‘‘tenā’’ti ca karoti ceti ettha ‘‘so vassaccheda’’nti ca sāmatthiyā labbhati. Bhājetvā yadi yena gayhati, tena vassacchedo na kātabbo. So vassacchedaṃ karoti ce, taṃ bhājetvā gahitacīvaraṃ saṅghikaṃ hotīti yojanā, chinnavassena taṃ cīvaraṃ saṅghasseva dātabbanti vuttaṃ hoti.

    866. ‘‘анд̇осамаяамзваа’’д̇и ид̣̇ам̣ ‘‘ад̇хидтзд̇ий’’д̇иаад̣̇ийхи бад̣̇зхи бажжзгам̣ яож̇зд̇аб̣б̣ам̣. бад̣̇абхааж̇анз ‘‘жийварагааласамаяо наама анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жамаасаа’’д̇и вуд̇д̇асамаяаб̣бханд̇арзязва д̇ам̣ ажжзгажийварам̣.

    866.‘‘Antosamayamevā’’ti idaṃ ‘‘adhiṭṭhetī’’tiādīhi padehi paccekaṃ yojetabbaṃ. Padabhājane ‘‘cīvarakālasamayo nāma anatthate kathine vassānassa pacchimo māso, atthate kathine pañcamāsā’’ti vuttasamayabbhantareyeva taṃ accekacīvaraṃ.

    867. гат̇инз д̇у анад̇т̇ад̇зд̇и яасмим̣ гат̇инам̣ анад̇т̇ад̇ам̣, д̇асмим̣ вихаарзд̇и вуд̇д̇ам̣ ход̇и. д̇у-сад̣̇д̣̇о висзсад̇т̇аж̇од̇аго. анад̇хидтааяа авигаббзд̇ваа барихарийяад̇и зд̇т̇а ажжзгажийваранд̇и барихааро, маасо, зго жа со маасо жаад̇и згамаасо, буб̣б̣агад̇д̇игамаасасса баадибад̣̇ад̣̇ивасад̇о бадтааяа яаава абарагад̇д̇игамаасасса бун̣н̣амий, аяам̣ жийварагааласамаяод̇и вуд̇д̇о маасо. д̣̇асаннам̣ ахаанам̣ самаахааро д̣̇асаахам̣, д̇ам̣ барамам̣ ад̇хигам̣ зд̇ассаад̇и д̣̇асаахабарамо, маасо. ‘‘д̣̇асаахаанааг̇ад̇ам̣ гад̇д̇игад̇змаасигабун̣н̣ама’’нд̇и (баараа. 648) баал̣ияам̣ вуд̇д̇абуб̣б̣агад̇д̇игабун̣н̣амибарияанд̇ад̣̇асаахаад̇хигод̇и ад̇т̇о. гат̇инз анад̇т̇ад̇з д̇у д̣̇асаахабарамо згамаасова д̇асса ажжааяигавад̇т̇асса барихааро мад̇од̇и яож̇анаа.

    867.Kathine tu anatthateti yasmiṃ kathinaṃ anatthataṃ, tasmiṃ vihāreti vuttaṃ hoti. Tu-saddo visesatthajotako. Anadhiṭṭhāya avikappetvā pariharīyati ettha accekacīvaranti parihāro, māso, eko ca so māso cāti ekamāso, pubbakattikamāsassa pāṭipadadivasato paṭṭhāya yāva aparakattikamāsassa puṇṇamī, ayaṃ cīvarakālasamayoti vutto māso. Dasannaṃ ahānaṃ samāhāro dasāhaṃ, taṃ paramaṃ adhikaṃ etassāti dasāhaparamo, māso. ‘‘Dasāhānāgataṃ kattikatemāsikapuṇṇama’’nti (pārā. 648) pāḷiyaṃ vuttapubbakattikapuṇṇamipariyantadasāhādhikoti attho. Kathine anatthate tu dasāhaparamo ekamāsova tassa accāyikavatthassa parihāro matoti yojanā.

    868. ад̇т̇ад̇з гат̇инзд̇и гат̇инад̇т̇ад̇авихаарзд̇и вуд̇д̇ам̣ ход̇и. д̇асса ажжааяигавад̇т̇ассаад̇и самб̣анд̇хо. д̣̇асаахабарамаа бан̃жа маасаад̇и самб̣анд̇хо. анад̇т̇ад̇агат̇инз вихаарз яат̇аавуд̇д̇ажийварагааласамаяасан̇каад̇авассаанаавасаанамаасо жа гат̇инуд̣̇д̇хаарад̣̇ивасасан̇каад̇абажчимагад̇д̇игагаал̣абагкабаадибад̣̇ад̇о яаава паг̇г̇унамаасабун̣н̣амий, д̇аава хзманд̇аа жад̇д̇ааро маасаа жаад̇и бан̃жа маасаа. багаасид̇аад̇и ‘‘анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жа маасаа’’д̇и (баараа. 649) д̣̇ийбид̇аа. д̣̇асаахабарамаад̇и вуд̇д̇ад̇т̇оязва. ад̇т̇ад̇з гат̇инз д̣̇асаахабарамаа бан̃жа маасаа д̇асса ажжааяигавад̇т̇асса барихааро гаалод̇и мунинд̣̇зна багаасид̇аад̇и яож̇анаа.

    868.Atthate kathineti kathinatthatavihāreti vuttaṃ hoti. Tassa accāyikavatthassāti sambandho. Dasāhaparamā pañca māsāti sambandho. Anatthatakathine vihāre yathāvuttacīvarakālasamayasaṅkhātavassānāvasānamāso ca kathinuddhāradivasasaṅkhātapacchimakattikakāḷapakkhapāṭipadato yāva phaggunamāsapuṇṇamī, tāva hemantā cattāro māsā cāti pañca māsā. Pakāsitāti ‘‘anatthate kathine vassānassa pacchimo māso, atthate kathine pañca māsā’’ti (pārā. 649) dīpitā. Dasāhaparamāti vuttatthoyeva. Atthate kathine dasāhaparamā pañca māsā tassa accāyikavatthassa parihāro kāloti munindena pakāsitāti yojanā.

    аяамубхаяад̇т̇а вуд̇д̇аа д̣̇асаахабарамад̇аа адтагат̇ааяам̣ ‘‘анад̇т̇ад̇з гат̇инз згаад̣̇асад̣̇ивасаад̇хиго маасо, ад̇т̇ад̇з гат̇инз згаад̣̇асад̣̇ивасаад̇хигаа бан̃жа маасаа’’д̇и (баараа. адта. 2.650) вуд̇д̇абаатзна яат̇аа на вируж̇жхад̇и, д̇ат̇аа вижаарзд̇ваа г̇ахзд̇аб̣б̣аа. зван̃хи баатз сад̇и на вируж̇жхад̇и –

    Ayamubhayattha vuttā dasāhaparamatā aṭṭhakathāyaṃ ‘‘anatthate kathine ekādasadivasādhiko māso, atthate kathine ekādasadivasādhikā pañca māsā’’ti (pārā. aṭṭha. 2.650) vuttapāṭhena yathā na virujjhati, tathā vicāretvā gahetabbā. Evañhi pāṭhe sati na virujjhati –

    ‘‘д̇ассажжааяигавад̇т̇асса , гат̇инз д̇у анад̇т̇ад̇з;

    ‘‘Tassaccāyikavatthassa , kathine tu anatthate;

    барихаарзгамаасзгаа-д̣̇асаахабарамо мад̇о.

    Parihārekamāsekā-dasāhaparamo mato.

    ад̇т̇ад̇з гат̇инз д̇асса, бан̃жа маасаа багаасид̇аа;

    Atthate kathine tassa, pañca māsā pakāsitā;

    барихааро д̣̇инзнзгаа-д̣̇асаахабарамаа банаа’’д̇и.

    Parihāro dinenekā-dasāhaparamā panā’’ti.

    869. батамзна гат̇инзнаад̇и яож̇анаа. ‘‘агрияам̣ ажид̇д̇а’’нд̇и бад̣̇ажчзд̣̇о. агрияанд̇и анд̇осамаяз ад̇хидтаанаад̣̇иагаран̣ам̣.

    869. Paṭhamena kathinenāti yojanā. ‘‘Akriyaṃ acitta’’nti padacchedo. Akriyanti antosamaye adhiṭṭhānādiakaraṇaṃ.

    ажжзгажийварагат̇ааван̣н̣анаа.

    Accekacīvarakathāvaṇṇanā.

    870-1. бхигкууд̇и саасан̇гасаммад̇з саббадибхаяз ааран̃н̃агасзнаасанз васанд̇ам̣ бхигкумааха. яат̇ааха ‘‘яаани ко бана д̇аани ааран̃н̃агаани сзнаасанаани саасан̇гасаммад̇аани саббадибхаяаани, д̇ат̇ааруубзсу бхигку сзнаасанзсу вихаранд̇о’’д̇и (баараа. 653). буб̣б̣агад̇д̇игабун̣н̣амам̣ васид̇ваад̇и самб̣анд̇хо. буб̣б̣агад̇д̇игабун̣н̣амаа наама ассаяуж̇амаасасса ж̇ун̣хабагкабаннарасий, зд̇т̇а бана сахажарияанаязна д̇ад̣̇убалагкид̇аа буримигаа д̇аяо вассаанамаасаа вужжанд̇и. бун̣н̣аманд̇и зд̇т̇а ваасагирияааяа ажжанд̇асам̣яог̇з убаяог̇аважанам̣. буримигааяа вассам̣ убаг̇анд̇ваа ажчиннавассо худ̇ваа д̇аяо маасз васид̇ваад̇и ад̇т̇о. яат̇ааха адтагат̇ааяам̣ ‘‘яасмаа бана яо вассам̣ убаг̇анд̇ваа яаава батамагад̇д̇игабун̣н̣амам̣ васад̇ий’’д̇и (баараа. адта. 2.653-654).

    870-1.Bhikkhūti sāsaṅkasammate sappaṭibhaye āraññakasenāsane vasantaṃ bhikkhumāha. Yathāha ‘‘yāni kho pana tāni āraññakāni senāsanāni sāsaṅkasammatāni sappaṭibhayāni, tathārūpesu bhikkhu senāsanesu viharanto’’ti (pārā. 653). Pubbakattikapuṇṇamaṃ vasitvāti sambandho. Pubbakattikapuṇṇamā nāma assayujamāsassa juṇhapakkhapannarasī, ettha pana sahacariyanayena tadupalakkhitā purimikā tayo vassānamāsā vuccanti. Puṇṇamanti ettha vāsakiriyāya accantasaṃyoge upayogavacanaṃ. Purimikāya vassaṃ upagantvā acchinnavasso hutvā tayo māse vasitvāti attho. Yathāha aṭṭhakathāyaṃ ‘‘yasmā pana yo vassaṃ upagantvā yāva paṭhamakattikapuṇṇamaṃ vasatī’’ti (pārā. aṭṭha. 2.653-654).

    ‘‘жийвара’’нд̇и д̇ин̣н̣ам̣ жийвараанам̣ ан̃н̃ад̇арам̣ вужжад̇и. г̇аамз табзд̇ваад̇и самб̣анд̇хо, зд̇т̇а ‘‘гад̇д̇игабун̣н̣ама’’нд̇и жа ‘‘ааган̇камаано’’д̇и жа сзсо, абарагад̇д̇игамаасз гад̇д̇игажорабхаязна жийварам̣ бадисаамзд̇угаамо бхигку ааран̃н̃агасзнаасанасса сааманд̇аа г̇ожараг̇аамз нигкибид̇ваад̇и ад̇т̇о. яат̇ааха ‘‘убавассам̣ ко бана гад̇д̇игабун̣н̣амам̣…бз… ааган̇камаано д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибзяяаа’’д̇и (баараа. 653).

    ‘‘Cīvara’’nti tiṇṇaṃ cīvarānaṃ aññataraṃ vuccati. Gāme ṭhapetvāti sambandho, ettha ‘‘kattikapuṇṇama’’nti ca ‘‘ākaṅkhamāno’’ti ca seso, aparakattikamāse kattikacorabhayena cīvaraṃ paṭisāmetukāmo bhikkhu āraññakasenāsanassa sāmantā gocaragāme nikkhipitvāti attho. Yathāha ‘‘upavassaṃ kho pana kattikapuṇṇamaṃ…pe… ākaṅkhamāno tiṇṇaṃ cīvarānaṃ aññataraṃ cīvaraṃ antaraghare nikkhipeyyā’’ti (pārā. 653).

    ‘‘саманд̇аа г̇ожараг̇аамз’’д̇и ид̣̇ам̣ ‘‘анд̇арагхарз нигкибзяяаад̇и саманд̇аа г̇ожараг̇аамз нигкибзяяаа’’д̇и (баараа. 654) бад̣̇абхааж̇анз вуд̇д̇ад̇д̇аа вуд̇д̇ам̣. ‘‘абарагад̇д̇игамаасз’’д̇и жа ‘‘гад̇д̇игабун̣н̣аманд̇и гад̇д̇игажаад̇умаасиний вужжад̇ий’’д̇и (баараа. 654) бад̣̇абхааж̇анияавасзна вуд̇д̇ам̣. ид̇хааби хи ‘‘гад̇д̇игабун̣н̣ама’’нд̇и абарагад̇д̇игаж̇ун̣хабагкабаннарасияаа вужжамаанааяааби сахажарияанаязна д̇ам̣сахажарид̇о жад̇уд̇т̇о маасо вуд̇д̇о.

    ‘‘Samantā gocaragāme’’ti idaṃ ‘‘antaraghare nikkhipeyyāti samantā gocaragāme nikkhipeyyā’’ti (pārā. 654) padabhājane vuttattā vuttaṃ. ‘‘Aparakattikamāse’’ti ca ‘‘kattikapuṇṇamanti kattikacātumāsinī vuccatī’’ti (pārā. 654) padabhājaniyavasena vuttaṃ. Idhāpi hi ‘‘kattikapuṇṇama’’nti aparakattikajuṇhapakkhapannarasiyā vuccamānāyāpi sahacariyanayena taṃsahacarito catuttho māso vutto.

    зд̇д̇аавад̇аа буримигааяа вассам̣ убаг̇анд̇ваа махаабавааран̣ааяа баваарзд̇ваа вуд̇д̇алагкан̣з ааран̃н̃агасзнаасанз васанд̇асса ааран̃н̃агасса бхигкуно бажчимагад̇д̇игамаасз гад̇д̇игажорабхаяз сад̇и д̇ин̣н̣ам̣ жийвараанам̣ ан̃н̃ад̇арам̣ г̇ожараг̇аамз табзд̇ваа ааран̃н̃аган̇г̇ам̣ буураяад̇о жийварзна виббаваасо д̇асмим̣ маасз на ход̇ийд̇и анун̃н̃аад̇абхааво д̣̇ийбид̇о. д̇ад̣̇зва багаасзд̇ум̣ нигкзбобааяасанд̣̇ассанамукзна вагкад̇и ‘‘гад̇д̇игзязва маасасмим̣…бз… ваддад̇ий’’д̇и.

    Ettāvatā purimikāya vassaṃ upagantvā mahāpavāraṇāya pavāretvā vuttalakkhaṇe āraññakasenāsane vasantassa āraññakassa bhikkhuno pacchimakattikamāse kattikacorabhaye sati tiṇṇaṃ cīvarānaṃ aññataraṃ gocaragāme ṭhapetvā āraññakaṅgaṃ pūrayato cīvarena vippavāso tasmiṃ māse na hotīti anuññātabhāvo dīpito. Tadeva pakāsetuṃ nikkhepopāyasandassanamukhena vakkhati ‘‘kattikeyeva māsasmiṃ…pe… vaṭṭatī’’ti.

    ид̣̇аани асмим̣язва маасз д̇ад̇о ан̃н̃ад̇т̇а д̇асса бхигкуно гзнажи гаран̣ийязна г̇ажчад̇о г̇аамз табид̇зна д̇зна жийварзна виббавасад̇о нид̣̇д̣̇осабхаавам̣ ануж̇аананд̇зна бхаг̇авад̇аа ‘‘сияаа жа д̇асса бхигкуно…бз… д̇зна жийварзна виббавасид̇аб̣б̣а’’нд̇и (баараа. 653) вуд̇д̇амад̇т̇ам̣ д̣̇ассзд̇умааха ‘‘бажжаяз…бз… саммуд̇и’’нд̇и. бажжаяз сад̇и д̇аад̣̇исзд̇и ‘‘сияаа бажжаяо, сияаа гаран̣ийяа’’нд̇и (баараа. 654) важанад̇о д̇аад̣̇исз гижжз сад̇ийд̇и ад̇т̇о. чаарад̇д̇абараманд̇и ча рад̇д̇ияо барамаа яасса ваасагаммасса д̇ам̣ чаарад̇д̇абарамам̣, гирияаависзсанам̣, чаарад̇д̇абарамам̣ ваасагаммам̣ гаад̇аб̣б̣анд̇и ад̇т̇о. д̇зна винаа васид̇аб̣б̣анд̇и г̇аамз нигкид̇д̇зна д̇зна жийварзна винаа д̇амхаа ааваасаа ан̃н̃ад̇т̇а васид̇аб̣б̣ам̣. д̇ад̣̇зва баагадам̣ гаад̇ум̣ вагкад̇и ‘‘ан̃н̃ад̇т̇зва васанд̇асса, чаарад̇д̇абарамам̣ мад̇а’’нд̇и.

    Idāni asmiṃyeva māse tato aññattha tassa bhikkhuno kenaci karaṇīyena gacchato gāme ṭhapitena tena cīvarena vippavasato niddosabhāvaṃ anujānantena bhagavatā ‘‘siyā ca tassa bhikkhuno…pe… tena cīvarena vippavasitabba’’nti (pārā. 653) vuttamatthaṃ dassetumāha ‘‘paccaye…pe… sammuti’’nti. Paccaye sati tādiseti ‘‘siyā paccayo, siyā karaṇīya’’nti (pārā. 654) vacanato tādise kicce satīti attho. Chārattaparamanti cha rattiyo paramā yassa vāsakammassa taṃ chārattaparamaṃ, kiriyāvisesanaṃ, chārattaparamaṃ vāsakammaṃ kātabbanti attho. Tena vinā vasitabbanti gāme nikkhittena tena cīvarena vinā tamhā āvāsā aññattha vasitabbaṃ. Tadeva pākaṭaṃ kātuṃ vakkhati ‘‘aññattheva vasantassa, chārattaparamaṃ mata’’nti.

    д̇ад̇од̇и чаарад̇д̇ад̇о. уд̇д̇ари васад̇од̇и сад̇д̇амам̣ арун̣ам̣ удтаабзд̇ваа васанд̇ассаад̇и ад̇т̇о. яат̇ааха ‘‘д̇ад̇о жз уд̇д̇ари виббавасзяяаад̇и сад̇д̇амз арун̣уг̇г̇аманз ниссаг̇г̇ияа’’нд̇и (баараа. 654). д̣̇осод̇и ниссаг̇г̇ияабаажид̇д̇ияам̣. ‘‘винаа сан̇гхасса саммуд̇и’’нд̇и иминаа гим̣ вуд̇д̇ам̣ ход̇и? уд̣̇осид̇асигкаабад̣̇з анубан̃н̃ад̇д̇им̣ гад̇ваа госамб̣ияам̣ г̇илаанабхигкуно ‘‘ануж̇аанаами бхигкавз г̇илаанасса бхигкуно д̇ижийварзна авиббаваасасаммуд̇им̣ д̣̇аад̇у’’нд̇и (баараа. 473) анун̃н̃аад̇ад̇д̇аа г̇илаанасса бхигкуно сан̇гхзна н̃ад̇д̇ид̣̇уд̇ияааяа гаммаваажааяа буримамзва яаа авиббаваасасаммуд̇и д̣̇иннаа, д̇ам̣ винаад̇и вуд̇д̇ам̣ ход̇и. д̇зна лад̣̇д̇хасаммуд̇игзна яаава рог̇о вуубасаммад̇и, д̇аава жирамби д̇зна жийварзна винаа васид̇ум̣ ваддад̇ийд̇и ад̇хиббааяо. яат̇ааха адтагат̇ааяам̣ ‘‘ан̃н̃ад̇ра бхигкусаммуд̇ияаад̇и яаа уд̣̇осид̇асигкаабад̣̇з госамб̣агасаммуд̇и анун̃н̃аад̇аа, д̇ассаа саммуд̇ияаа ан̃н̃ад̇ра. сажз саа лад̣̇д̇хаа ход̇и, чаарад̇д̇аад̇ирзгамби виббавасид̇ум̣ ваддад̇ий’’д̇и (баараа. адта. 2.653-654).

    Tatoti chārattato. Uttari vasatoti sattamaṃ aruṇaṃ uṭṭhāpetvā vasantassāti attho. Yathāha ‘‘tato ce uttari vippavaseyyāti sattame aruṇuggamane nissaggiya’’nti (pārā. 654). Dosoti nissaggiyapācittiyaṃ. ‘‘Vinā saṅghassa sammuti’’nti iminā kiṃ vuttaṃ hoti? Udositasikkhāpade anupaññattiṃ katvā kosambiyaṃ gilānabhikkhuno ‘‘anujānāmi bhikkhave gilānassa bhikkhuno ticīvarena avippavāsasammutiṃ dātu’’nti (pārā. 473) anuññātattā gilānassa bhikkhuno saṅghena ñattidutiyāya kammavācāya purimameva yā avippavāsasammuti dinnā, taṃ vināti vuttaṃ hoti. Tena laddhasammutikena yāva rogo vūpasammati, tāva cirampi tena cīvarena vinā vasituṃ vaṭṭatīti adhippāyo. Yathāha aṭṭhakathāyaṃ ‘‘aññatra bhikkhusammutiyāti yā udositasikkhāpade kosambakasammuti anuññātā, tassā sammutiyā aññatra. Sace sā laddhā hoti, chārattātirekampi vippavasituṃ vaṭṭatī’’ti (pārā. aṭṭha. 2.653-654).

    872-3. жийваранигкзбам̣ д̣̇ассзд̇умааха ‘‘гад̇д̇игзязва…бз… багаасид̇о’’д̇и. гад̇д̇игзязва маасасминд̇и жад̇уннам̣ вассаанаанам̣ маасаанам̣ бажчимз гад̇д̇игамаасзязва ид̣̇амзган̇г̇ам̣. батамааяа баваарид̇од̇и д̣̇уд̇ияаман̇г̇ам̣, ид̇ха батамааяа вассуубанааяигааяа вассам̣ убаг̇анд̇ваа баваарид̇од̇и яож̇анаа, махаабавааран̣ааяа баваарид̇од̇и вуд̇д̇ам̣ ход̇и. яат̇ааха адтагат̇ааяам̣ ‘‘буримигааяа убаг̇анд̇ваа махаабавааран̣ааяа баваарид̇о ход̇ий’’д̇и (баараа. адта. 2.653-654). бажчимзна бамаан̣зна яуд̇д̇зд̇и д̇ад̇ияаман̇г̇ам̣. сзнаасанзд̇и зд̇асса висзсанам̣. иха ааран̃н̃агасзнаасанасса бажчимаббамаан̣ам̣ наама баагаарзна ваа вад̇ияаа ваа барикааяа ваа баригкид̇д̇асса г̇аамасса инд̣̇акийласан̇каад̇аг̇аамад̣̇ваарагодтагуммаарад̇о ваа абаригкид̇д̇асса г̇аамасса баригкзбаарахадтаанасан̇каад̇з барияанд̇аг̇зхасса убажаарз тид̇асса т̇аамамаж̇жхимасса бурисасса б̣алаббамаан̣зна виссадталзд̣д̣убаад̇ад̣̇ваяад̇о ваа бадтааяа баригкид̇д̇асса вихаарасса сабаригкзбам̣ ваа абаригкид̇д̇асса вихаарасса яассам̣ д̣̇исааяам̣ г̇аамо ход̇и, д̇ад̇т̇а г̇аамабарияанд̇асзнаасанам̣ ваа жзд̇ияам̣ ваа б̣од̇хим̣ ваа авад̇хим̣ гад̇ваа вихаараг̇аманийязна багад̇имаг̇г̇зна вид̣̇ад̇т̇иг̇амбхийрам̣ ааробид̇зна аажарияад̇ханунаа бамид̇абан̃жад̇ханусад̇абамаан̣ад̣̇ууранд̇и сан̇кзбад̇о г̇ахзд̇аб̣б̣ам̣.

    872-3. Cīvaranikkhepaṃ dassetumāha ‘‘kattikeyeva…pe… pakāsito’’ti. Kattikeyeva māsasminti catunnaṃ vassānānaṃ māsānaṃ pacchime kattikamāseyeva idamekaṅgaṃ. Paṭhamāya pavāritoti dutiyamaṅgaṃ, idha paṭhamāya vassūpanāyikāya vassaṃ upagantvā pavāritoti yojanā, mahāpavāraṇāya pavāritoti vuttaṃ hoti. Yathāha aṭṭhakathāyaṃ ‘‘purimikāya upagantvā mahāpavāraṇāya pavārito hotī’’ti (pārā. aṭṭha. 2.653-654). Pacchimena pamāṇena yutteti tatiyamaṅgaṃ. Senāsaneti etassa visesanaṃ. Iha āraññakasenāsanassa pacchimappamāṇaṃ nāma pākārena vā vatiyā vā parikhāya vā parikkhittassa gāmassa indakhīlasaṅkhātagāmadvārakoṭṭhakummārato vā aparikkhittassa gāmassa parikkhepārahaṭṭhānasaṅkhāte pariyantagehassa upacāre ṭhitassa thāmamajjhimassa purisassa balappamāṇena vissaṭṭhaleḍḍupātadvayato vā paṭṭhāya parikkhittassa vihārassa saparikkhepaṃ vā aparikkhittassa vihārassa yassaṃ disāyaṃ gāmo hoti, tattha gāmapariyantasenāsanaṃ vā cetiyaṃ vā bodhiṃ vā avadhiṃ katvā vihāragamanīyena pakatimaggena vidatthigambhīraṃ āropitena ācariyadhanunā pamitapañcadhanusatapamāṇadūranti saṅkhepato gahetabbaṃ.

    саасан̇гасаммад̇зд̇и жад̇уд̇т̇аман̇г̇ам̣, ‘‘иха саббадибхаяз’’д̇и сзсо. ‘‘саасан̇гасаммад̇аани саббадибхаяааний’’д̇и (баараа. 653) хи баал̣и. ид̣̇ам̣ д̣̇ваяамби ‘‘сзнаасанз’’д̇и зд̇асса висзсанам̣. аараамааараамуубажаарзсу жораанам̣ нисиннасаяид̇адтид̇абхуд̇д̇абийд̇адтаанаад̣̇ийнам̣ д̣̇иссамаанад̇ааяа аасан̇гаасахид̇з д̇ад̇т̇зва аараамаад̣̇ийсу бахадамаарид̇авилуд̇д̇амануссаанам̣ д̣̇иссамаанад̇ааяа висзсзна сахабхаяад̇ааяа саббадибхаяз ааран̃н̃агз сзнаасанзд̇и ад̇т̇о. васанд̇о бхигку. васанд̇оваад̇и зд̇т̇а звагааро адтаанаббаяуд̇д̇о. д̇асмаа д̇ад̇о аанзд̇ваа жад̇уран̇г̇асамааяог̇з зваад̇и яож̇зд̇аб̣б̣о. жад̇уран̇г̇асамааяог̇з зваад̇и яат̇аавуд̇д̇аанам̣ жад̇уннам̣ ан̇г̇аанам̣ самааяог̇з саннибаад̇з сад̇и зва. зд̇т̇а звагаарзна д̇асса ан̇г̇асса абхаавз алаб̣бхамаанад̇ам̣ д̣̇ийбзд̇и. багаасид̇од̇и ‘‘д̇ад̇рааяам̣ ан̇г̇асамбад̇д̇ий’’д̇иаад̣̇игааяа (баараа. адта. 2.653-654) адтагат̇ааяа вуд̇д̇о.

    Sāsaṅkasammateti catutthamaṅgaṃ, ‘‘iha sappaṭibhaye’’ti seso. ‘‘Sāsaṅkasammatāni sappaṭibhayānī’’ti (pārā. 653) hi pāḷi. Idaṃ dvayampi ‘‘senāsane’’ti etassa visesanaṃ. Ārāmaārāmūpacāresu corānaṃ nisinnasayitaṭṭhitabhuttapītaṭṭhānādīnaṃ dissamānatāya āsaṅkāsahite tattheva ārāmādīsu pahaṭamāritaviluttamanussānaṃ dissamānatāya visesena sahabhayatāya sappaṭibhaye āraññake senāsaneti attho. Vasanto bhikkhu. Vasantovāti ettha evakāro aṭṭhānappayutto. Tasmā tato ānetvā caturaṅgasamāyoge evāti yojetabbo. Caturaṅgasamāyoge evāti yathāvuttānaṃ catunnaṃ aṅgānaṃ samāyoge sannipāte sati eva. Ettha evakārena tassa aṅgassa abhāve alabbhamānataṃ dīpeti. Pakāsitoti ‘‘tatrāyaṃ aṅgasampattī’’tiādikāya (pārā. aṭṭha. 2.653-654) aṭṭhakathāya vutto.

    874. д̇ам̣ жийварам̣. маасамзганд̇и вассаанасса бажчимамаасасан̇каад̇ам̣ згам̣ маасам̣. яо г̇аамо сажз буримаб̣ад̣̇д̇хааяа авиббаваасасиймааяа анд̇о ход̇и, д̇ад̇т̇а маасад̇о ад̇ирзгамби табзд̇ум̣ ваддад̇ийд̇и (важ̇ира. дий. баарааж̇ига 653 ад̇т̇ад̇о самаанам̣) важ̇ираб̣уд̣̇д̇хид̇т̇зрзна вуд̇д̇ам̣.

    874.Taṃ cīvaraṃ. Māsamekanti vassānassa pacchimamāsasaṅkhātaṃ ekaṃ māsaṃ. Yo gāmo sace purimabaddhāya avippavāsasīmāya anto hoti, tattha māsato atirekampi ṭhapetuṃ vaṭṭatīti (vajira. ṭī. pārājika 653 atthato samānaṃ) vajirabuddhittherena vuttaṃ.

    875. ан̃н̃ад̇т̇зваад̇и яасса ааран̃н̃агасзнаасанасса г̇ожараг̇аамз жийварам̣ нигкид̇д̇ам̣, д̇ад̇о ааран̃н̃агасзнаасанад̇о б̣ахи зва. аяам̣ ад̇хиббааяод̇и ‘‘яам̣ г̇аама’’нд̇иаад̣̇игааяа д̣̇ияад̣дхаг̇аат̇ааяа бадибаад̣̇ид̇ад̇т̇ад̣̇ваяасан̇каад̇о ад̇хиббааяо. ассаад̇и саасан̇гасигкаабад̣̇асса. звам̣ иминаа сигкаабад̣̇зна ‘‘жийварзна винаа гад̇д̇игамаасз аран̃н̃з васзяяаа’’д̇и анун̃н̃аад̇ад̇д̇аа ‘‘чаарад̇д̇абарамам̣ д̇зна бхигкунаа д̇зна жийварзна виббавасид̇аб̣б̣а’’нд̇и (баараа. 653) иминаа г̇ожараг̇аамз д̇ам̣ табзд̇ваа д̇асмим̣ ааран̃н̃агааваасз васид̇ваа гзнажи гаран̣ийязна д̇ад̇о ааваасад̇о г̇анд̇ваа б̣ахи васад̇о д̣̇ивасабарижчзд̣̇асса вин̃н̃ааяамаанад̇д̇ааязвааха ‘‘бадижчанно багаасид̇о’’д̇и.

    875.Aññatthevāti yassa āraññakasenāsanassa gocaragāme cīvaraṃ nikkhittaṃ, tato āraññakasenāsanato bahi eva. Ayaṃ adhippāyoti ‘‘yaṃ gāma’’ntiādikāya diyaḍḍhagāthāya paṭipāditatthadvayasaṅkhāto adhippāyo. Assāti sāsaṅkasikkhāpadassa. Evaṃ iminā sikkhāpadena ‘‘cīvarena vinā kattikamāse araññe vaseyyā’’ti anuññātattā ‘‘chārattaparamaṃ tena bhikkhunā tena cīvarena vippavasitabba’’nti (pārā. 653) iminā gocaragāme taṃ ṭhapetvā tasmiṃ āraññakāvāse vasitvā kenaci karaṇīyena tato āvāsato gantvā bahi vasato divasaparicchedassa viññāyamānattāyevāha ‘‘paṭicchanno pakāsito’’ti.

    876. ‘‘сажз г̇ожараг̇аамад̇о бурад̇т̇имааяа д̣̇исааяа сзнаасанам̣, аяан̃жа бажчимам̣ д̣̇исам̣ г̇ад̇о ход̇ий’’д̇иаад̣̇инаа (баараа. адта. 2.656) адтагат̇ааяам̣ гат̇ид̇анияаамзна винижчаяам̣ д̣̇ассзд̇умааха ‘‘сзнаасанамат̇ааг̇анд̇ваа’’д̇иаад̣̇и. сзнаасананд̇и ад̇д̇анаа нивуд̇т̇ам̣ ааран̃н̃агасзнаасанам̣. ааг̇анд̇ваад̇и б̣ахи г̇ад̇адтаанад̇о ааг̇анд̇ваа. г̇ожараг̇аамз жийварам̣ нигкибид̇ваа д̇ад̇о бурад̇т̇имааяа д̣̇исааяа ааран̃н̃агасзнаасанз вихарад̇о вихаараа нигкамма д̇ад̇о г̇ожараг̇аамад̇о бажчимад̣̇исааяа д̣̇уурадтаанам̣ г̇ад̇асса ааг̇ад̇адтаанад̇о д̇ам̣ сзнаасанам̣ ааг̇анд̇ваа вид̣̇уурад̇д̇аа сад̇д̇амам̣ арун̣ам̣ удтаабзд̇ум̣ асаггонд̇асса бхигкуно гим̣ вихид̇анд̇и аяамзд̇т̇а яож̇анаа.

    876. ‘‘Sace gocaragāmato puratthimāya disāya senāsanaṃ, ayañca pacchimaṃ disaṃ gato hotī’’tiādinā (pārā. aṭṭha. 2.656) aṭṭhakathāyaṃ kathitaniyāmena vinicchayaṃ dassetumāha ‘‘senāsanamathāgantvā’’tiādi. Senāsananti attanā nivutthaṃ āraññakasenāsanaṃ. Āgantvāti bahi gataṭṭhānato āgantvā. Gocaragāme cīvaraṃ nikkhipitvā tato puratthimāya disāya āraññakasenāsane viharato vihārā nikkhamma tato gocaragāmato pacchimadisāya dūraṭṭhānaṃ gatassa āgataṭṭhānato taṃ senāsanaṃ āgantvā vidūrattā sattamaṃ aruṇaṃ uṭṭhāpetuṃ asakkontassa bhikkhuno kiṃ vihitanti ayamettha yojanā.

    877. г̇аамасиймамби вааг̇анд̇ваад̇и яад̇т̇а жийварам̣ нигкид̇д̇ам̣, д̇ам̣ г̇аамасиймамби бураарун̣ааязва ааг̇анд̇ваа. яад̇т̇а гад̇т̇ажийд̇и (баараа. адта. 2.656) сабхаад̣̇зваалаяад̣̇ваарагодтагаад̣̇ийсу яад̇т̇а гад̇т̇ажи габбияадтаанз . ‘‘яад̇т̇а гад̇т̇ажий’’д̇и сааман̃н̃зна вуд̇д̇ад̇д̇аа д̇ассаа г̇аамасиймааяа анд̇о ааран̃н̃аган̇г̇аарагканаарахам̣ д̣̇уурадтаанам̣ лад̣̇д̇хам̣ жз, ан̇г̇абхзд̣̇ам̣ агад̇ваа д̇ад̇т̇а арун̣ам̣ удтаабзд̇аб̣б̣ам̣. д̇худ̇ан̇г̇з виж̇ж̇амаанзби аабад̇д̇им̣ анаабаж̇ж̇ид̇ум̣ анд̇ог̇аамзби арун̣ам̣ удтаабзд̇ваа жийварабавад̇д̇иязва н̃аад̇аб̣б̣аа. яат̇ааха адтагат̇ааяам̣ ‘‘г̇аамасиймамби оггамид̇ваа сабхааяам̣ ваа яад̇т̇а гад̇т̇ажи ваа васид̇ваа жийвараббавад̇д̇им̣ н̃ад̇ваа баггамид̇ум̣ ваддад̇ий’’д̇и (баараа. адта. 2.656).

    877.Gāmasīmampivāgantvāti yattha cīvaraṃ nikkhittaṃ, taṃ gāmasīmampi purāruṇāyeva āgantvā. Yattha katthacīti (pārā. aṭṭha. 2.656) sabhādevālayadvārakoṭṭhakādīsu yattha katthaci kappiyaṭṭhāne . ‘‘Yattha katthacī’’ti sāmaññena vuttattā tassā gāmasīmāya anto āraññakaṅgārakkhanārahaṃ dūraṭṭhānaṃ laddhaṃ ce, aṅgabhedaṃ akatvā tattha aruṇaṃ uṭṭhāpetabbaṃ. Dhutaṅge vijjamānepi āpattiṃ anāpajjituṃ antogāmepi aruṇaṃ uṭṭhāpetvā cīvarapavattiyeva ñātabbā. Yathāha aṭṭhakathāyaṃ ‘‘gāmasīmampi okkamitvā sabhāyaṃ vā yattha katthaci vā vasitvā cīvarappavattiṃ ñatvā pakkamituṃ vaṭṭatī’’ti (pārā. aṭṭha. 2.656).

    878. зван̃жааби асаггонд̇од̇и ан̇г̇абхзд̣̇ам̣ агад̇ваа, гад̇ваа ваа анд̇ог̇аамасиймааяа арун̣ам̣ удтаабзд̇умби г̇анд̇ум̣ асаггонд̇о. н̃ад̇ваад̇и ад̇д̇ано жийварасса табид̇адтаанам̣ саллагкзд̇ваа. д̇ад̇т̇зваад̇и зд̇т̇а ‘‘тид̇о’’д̇и лаб̣бхад̇и. киббанд̇и сийгхам̣, бураарун̣аад̇и вуд̇д̇ам̣ ход̇и. ад̇ирзгз таанзд̇и яож̇анаа, яат̇ааха адтагат̇ааяам̣ ‘‘ад̇ирзгажийварадтаанз тассад̇ий’’д̇и (баараа. адта. 2.656), ‘‘ад̇ирзгажийварадтаанз д̇идтад̇ий’’д̇и жинд̇зд̇ваад̇и ад̇т̇о.

    878.Evañcāpi asakkontoti aṅgabhedaṃ akatvā, katvā vā antogāmasīmāya aruṇaṃ uṭṭhāpetumpi gantuṃ asakkonto. Ñatvāti attano cīvarassa ṭhapitaṭṭhānaṃ sallakkhetvā. Tatthevāti ettha ‘‘ṭhito’’ti labbhati. Khippanti sīghaṃ, purāruṇāti vuttaṃ hoti. Atireke ṭhāneti yojanā, yathāha aṭṭhakathāyaṃ ‘‘atirekacīvaraṭṭhāne ṭhassatī’’ti (pārā. aṭṭha. 2.656), ‘‘atirekacīvaraṭṭhāne tiṭṭhatī’’ti cintetvāti attho.

    879. виссаж̇ж̇зд̇ийд̇и сад̇д̇амаарун̣удтаанад̇о бурзд̇арамзва ан̃н̃асса д̣̇зд̇и. убариби звамзва вад̇д̇аб̣б̣ам̣.

    879.Vissajjetīti sattamaaruṇuṭṭhānato puretarameva aññassa deti. Uparipi evameva vattabbaṃ.

    880. саасан̇гасаммад̇з звам̣наамагз сигкаабад̣̇з самудтаанаад̣̇аяо саб̣б̣з д̇зна д̣̇уд̇иязна гат̇инзна самаа ид̇и мунинд̣̇зна мад̇аа анумад̇аа анун̃н̃аад̇аад̇и яож̇анаа.

    880.Sāsaṅkasammate evaṃnāmake sikkhāpade samuṭṭhānādayo sabbe tena dutiyena kathinena samā iti munindena matā anumatā anuññātāti yojanā.

    саасан̇гагат̇ааван̣н̣анаа.

    Sāsaṅkakathāvaṇṇanā.

    881. ж̇аананд̇и ‘‘сан̇гхасса д̣̇змаа’’д̇и важанзна барин̣аамид̇абхаавам̣ язна гзнажи аагаарзна ж̇аананд̇о. яат̇ааха бад̣̇абхааж̇анз ‘‘саамам̣ ваа ж̇аанаад̇ий’’д̇иаад̣̇и (баараа. 659). барин̣ад̇анд̇и зд̇т̇а бад̣̇абхааж̇анз ‘‘барин̣ад̇ам̣ наама ‘д̣̇ассаама гариссаамаа’д̇и ваажаа бхиннаа ход̇ий’’д̇и вуд̇д̇анияаамзна сан̇гхасса барин̣ад̇анд̇и ад̇т̇о. лаабханд̇и лабхид̇аб̣б̣ам̣ жийвараад̣̇и яам̣ гин̃жи. яат̇ааха ‘‘лаабхо наама жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараа, анд̇амасо жун̣н̣абин̣д̣оби д̣̇анд̇агадтамби д̣̇асигасуд̇д̇амбий’’д̇и. ад̇д̇ано барин̣аамзяяаад̇и ‘‘б̣ахуу аавусо сан̇гхасса д̣̇ааяагаа, б̣ахуу сан̇гхасса бхад̇д̇аа, маяам̣ д̇умхз ниссааяа д̇умхз самбассанд̇аа ид̇ха вихараама. д̇умхз жз амхаагам̣ на д̣̇ассат̇а, ат̇а го жарахи амхаагам̣ д̣̇ассад̇и. д̣̇зт̇аавусо амхаагам̣ имаани жийварааний’’д̇и (баараа. 657) баал̣ияаа ааг̇ад̇анаязна ад̇д̇ано барин̣аамзяяаад̇и вуд̇д̇ам̣ ход̇и. д̇асса ниссаг̇г̇ияанд̇и зд̇т̇а ‘‘баяог̇з д̣̇уггадам̣, бадилаабхзнаа’’д̇и сзсо. ниссаг̇г̇ияанд̇и ид̣̇ам̣ барин̣ад̇з барин̣ад̇асан̃н̃им̣ санд̇хааяа вуд̇д̇ам̣. взмад̇игасса бана д̣̇уггадам̣ ход̇и. яат̇ааха ‘‘барин̣ад̇з взмад̇иго ад̇д̇ано барин̣аамзд̇и, аабад̇д̇и д̣̇уггадассаа’’д̇и. абарин̣ад̇асан̃н̃ино анаабад̇д̇и. яат̇ааха ‘‘барин̣ад̇з абарин̣ад̇асан̃н̃ий ад̇д̇ано барин̣аамзд̇и, анаабад̇д̇ий’’д̇и.

    881.Jānanti ‘‘saṅghassa demā’’ti vacanena pariṇāmitabhāvaṃ yena kenaci ākārena jānanto. Yathāha padabhājane ‘‘sāmaṃ vā jānātī’’tiādi (pārā. 659). Pariṇatanti ettha padabhājane ‘‘pariṇataṃ nāma ‘dassāma karissāmā’ti vācā bhinnā hotī’’ti vuttaniyāmena saṅghassa pariṇatanti attho. Lābhanti labhitabbaṃ cīvarādi yaṃ kiñci. Yathāha ‘‘lābho nāma cīvarapiṇḍapātasenāsanagilānapaccayabhesajjaparikkhārā, antamaso cuṇṇapiṇḍopi dantakaṭṭhampi dasikasuttampī’’ti. Attano pariṇāmeyyāti ‘‘bahū āvuso saṅghassa dāyakā, bahū saṅghassa bhattā, mayaṃ tumhe nissāya tumhe sampassantā idha viharāma. Tumhe ce amhākaṃ na dassatha, atha ko carahi amhākaṃ dassati. Dethāvuso amhākaṃ imāni cīvarānī’’ti (pārā. 657) pāḷiyā āgatanayena attano pariṇāmeyyāti vuttaṃ hoti. Tassa nissaggiyanti ettha ‘‘payoge dukkaṭaṃ, paṭilābhenā’’ti seso. Nissaggiyanti idaṃ pariṇate pariṇatasaññiṃ sandhāya vuttaṃ. Vematikassa pana dukkaṭaṃ hoti. Yathāha ‘‘pariṇate vematiko attano pariṇāmeti, āpatti dukkaṭassā’’ti. Apariṇatasaññino anāpatti. Yathāha ‘‘pariṇate apariṇatasaññī attano pariṇāmeti, anāpattī’’ti.

    882. ‘‘ан̃н̃асса д̣̇зхий’’д̇и сажз барин̣аамзд̇ийд̇и д̇ат̇аа сан̇гхасса барин̣ад̇абхаавам̣ ж̇аананд̇о ‘‘ан̃н̃асса д̣̇зхий’’д̇и яад̣̇и барин̣аамзд̇и. суд̣̇д̇хигам̣ баажид̇д̇ияанд̇и ниссаж̇ж̇ид̇аб̣б̣авад̇т̇урахид̇ам̣ гзвалам̣ баажид̇д̇ияамад̇д̇анд̇и ад̇т̇о. суд̣̇д̇хажид̇д̇знаад̇и саваасанаанавасзсагилзсаббахаанзна барисуд̣̇д̇хажид̇д̇зна бхаг̇авад̇аа. баажид̇д̇ияамуд̣̇ийрид̇анд̇и баажид̇д̇иязсу адтамасса сахад̇хаммигаваг̇г̇асса авасаанз ‘‘яо бана бхигку ж̇аанам̣ сан̇гхигам̣ лаабхам̣ барин̣ад̇ам̣ буг̇г̇аласса барин̣аамзяяа, баажид̇д̇ияа’’нд̇и (баажи. 490) д̣̇зсид̇ам̣.

    882.‘‘Aññassa dehī’’ti sace pariṇāmetīti tathā saṅghassa pariṇatabhāvaṃ jānanto ‘‘aññassa dehī’’ti yadi pariṇāmeti. Suddhikaṃ pācittiyanti nissajjitabbavatthurahitaṃ kevalaṃ pācittiyamattanti attho. Suddhacittenāti savāsanānavasesakilesappahānena parisuddhacittena bhagavatā. Pācittiyamudīritanti pācittiyesu aṭṭhamassa sahadhammikavaggassa avasāne ‘‘yo pana bhikkhu jānaṃ saṅghikaṃ lābhaṃ pariṇataṃ puggalassa pariṇāmeyya, pācittiya’’nti (pāci. 490) desitaṃ.

    883. згам̣ жийваранд̇и сан̇гхасса барин̣ад̇ажийварад̇о згам̣ жийварам̣. жийварам̣ ваад̇и зд̇т̇а ваа-сад̣̇д̣̇о бажжаяанд̇аравигаббад̇т̇о. ваа банаад̇и зд̇т̇а ваа-сад̣̇д̣̇о ад̇т̇авигаббад̇т̇о. згам̣ жийварам̣ ваа ан̃н̃ам̣ ваа бажжаяам̣ барасса, згам̣ бана ад̇д̇ано ваа барин̣аамзяяа жзд̇и яож̇анаа. сад̣̇д̇хинд̇и згад̇о, згагкан̣зд̇и вуд̇д̇ам̣ ход̇и. д̣̇вз баажид̇д̇ияо сад̣̇д̇хим̣ сияунд̇и яож̇анаа, ан̃н̃асса барин̣ааманзна суд̣̇д̇хабаажид̇д̇ияан̃жа ад̇д̇ано барин̣ааманзна ниссаг̇г̇ияабаажид̇д̇ияан̃жаад̇и д̣̇вз баажид̇д̇ияо згагкан̣з хонд̇ийд̇и ад̇т̇о.

    883.Ekaṃcīvaranti saṅghassa pariṇatacīvarato ekaṃ cīvaraṃ. Cīvaraṃ vāti ettha vā-saddo paccayantaravikappattho. Vā panāti ettha vā-saddo atthavikappattho. Ekaṃ cīvaraṃ vā aññaṃ vā paccayaṃ parassa, ekaṃ pana attano vā pariṇāmeyya ceti yojanā. Saddhinti ekato, ekakkhaṇeti vuttaṃ hoti. Dve pācittiyo saddhiṃ siyunti yojanā, aññassa pariṇāmanena suddhapācittiyañca attano pariṇāmanena nissaggiyapācittiyañcāti dve pācittiyo ekakkhaṇe hontīti attho.

    884. барин̣аамзд̇ваа табид̇з винижчаяам̣ д̣̇ассзд̇ваа барижжаж̇ид̇ваа д̣̇иннз винижчаяам̣ д̣̇ассзд̇умааха ‘‘сан̇гхассаа’’д̇иаад̣̇и. ‘‘барааж̇аяо’’д̇и ид̣̇ам̣ баад̣̇аббахонагам̣ вад̇т̇ум̣ санд̇хааяа вуд̇д̇ам̣. яат̇аавад̇т̇увасзна бана д̣̇уггадат̇уллажжаяааби вад̇д̇аб̣б̣аа.

    884. Pariṇāmetvā ṭhapite vinicchayaṃ dassetvā pariccajitvā dinne vinicchayaṃ dassetumāha ‘‘saṅghassā’’tiādi. ‘‘Parājayo’’ti idaṃ pādappahonakaṃ vatthuṃ sandhāya vuttaṃ. Yathāvatthuvasena pana dukkaṭathullaccayāpi vattabbā.

    885. ан̃н̃асса жзд̇ияасса бон̣ам̣ барин̣ад̇ам̣ ан̃н̃асса жзд̇ияасса ваа сан̇гхасса ваа буг̇г̇аласса вааби бана барин̣аамзяяаад̇и яож̇анаа. сан̇гхасса буг̇г̇алассаад̇и бад̣̇ад̣̇ваязби звамзва яож̇зд̇аб̣б̣ам̣. яат̇ааха ‘‘сан̇гхасса барин̣ад̇ам̣ ан̃н̃асан̇гхасса ваа жзд̇ияасса ваа буг̇г̇аласса ваа барин̣аамзд̇и , аабад̇д̇и д̣̇уггадассаа’’д̇иаад̣̇и (баажи. 492). ан̃н̃асса буг̇г̇аласса бон̣ам̣ ан̃н̃асса буг̇г̇аласса барин̣аамзяяаад̇и.

    885. Aññassa cetiyassa poṇaṃ pariṇataṃ aññassa cetiyassa vā saṅghassa vā puggalassa vāpi pana pariṇāmeyyāti yojanā. Saṅghassa puggalassāti padadvayepi evameva yojetabbaṃ. Yathāha ‘‘saṅghassa pariṇataṃ aññasaṅghassa vā cetiyassa vā puggalassa vā pariṇāmeti , āpatti dukkaṭassā’’tiādi (pāci. 492). Aññassa puggalassa poṇaṃ aññassa puggalassa pariṇāmeyyāti.

    886. имасса саб̣б̣асад̇д̇ависаяад̇ам̣ д̣̇ассзд̇умааха ‘‘яо банаа’’д̇иаад̣̇и.

    886. Imassa sabbasattavisayataṃ dassetumāha ‘‘yo panā’’tiādi.

    887. ид̣̇ам̣ барин̣ад̇асигкаабад̣̇ам̣. д̇исамудтаананд̇и гааяажид̇д̇аваажаажид̇д̇агааяаваажаажид̇д̇асан̇каад̇зхи д̇ийхи сажид̇д̇агасамудтаанзхи самудтаанад̇о д̇исамудтаанам̣. барин̣ааманабажжаяаа аабаж̇ж̇ид̇аб̣б̣ад̇о грияам̣. сан̇гхаад̣̇ийнам̣ барин̣ад̇анд̇исан̃н̃ааяа абхаавзна вимужжанад̇о сан̃н̃аавимогкам̣. гааяавин̃н̃ад̇д̇иважийвин̃н̃ад̇д̇ийхи барин̣аамзд̇аб̣б̣ад̇о гааяагаммам̣ важийгаммам̣.

    887.Idaṃ pariṇatasikkhāpadaṃ. Tisamuṭṭhānanti kāyacittavācācittakāyavācācittasaṅkhātehi tīhi sacittakasamuṭṭhānehi samuṭṭhānato tisamuṭṭhānaṃ. Pariṇāmanapaccayā āpajjitabbato kriyaṃ. Saṅghādīnaṃ pariṇatantisaññāya abhāvena vimuccanato saññāvimokkhaṃ. Kāyaviññattivacīviññattīhi pariṇāmetabbato kāyakammaṃ vacīkammaṃ.

    барин̣ад̇агат̇ааван̣н̣анаа.

    Pariṇatakathāvaṇṇanā.

    бад̇д̇аваг̇г̇о д̇ад̇ияо.

    Pattavaggo tatiyo.

    888. яз имам̣ винижчаяам̣ д̇аранд̇и, д̇з бан̃н̃ад̇д̇имахаасамуд̣̇д̣̇ам̣ д̇аранд̇ийд̇и яож̇анаа. бан̃н̃ад̇д̇исан̇каад̇ам̣ винаяабидагамзва махаасамуд̣̇д̣̇о вияаад̇и бан̃н̃ад̇д̇имахаасамуд̣̇д̣̇о, д̇ам̣. звам̣ самуд̣̇ааяам̣ д̣̇ассзд̇ваа д̇ад̣̇аваяавз д̣̇ассзд̇умааха ‘‘нзгаа’’д̇иаад̣̇и. нзгаани наанаббагаараани вад̇д̇аани сзнаасанавад̇д̇аад̣̇ийни канд̇хагааг̇ад̇аани уг̇г̇аа уд̇д̇ун̇г̇аа д̇аран̇г̇амаалаа махаавийжибарамбараа яассаад̇и виг̇г̇ахо, наанаббагаараканд̇хагавад̇д̇асан̇каад̇амахаад̇аран̇г̇абарамбарааяа саж̇ж̇ид̇анд̇и ад̇т̇о. сийлам̣ баад̇имогкасам̣вараад̣̇игамзва анд̇о взлаавалаяо яасса со сийланд̇о, д̇ам̣, баад̇имогкасам̣варасийлаад̣̇ижад̇убаарисуд̣̇д̇хисийламзва бадибаад̣̇зд̇аб̣б̣ад̇ааяа анд̇ам̣ взлаавалаяабхууд̇анд̇и ад̇т̇о. аабад̇д̇ияо сад̇д̇аабад̇д̇игканд̇хаа, сийлаажаарад̣̇идтиааж̇ийвавибад̇д̇ияо жа г̇аахагаа магараад̣̇аяо яассаад̇и виг̇г̇ахо, сийлаажаарааж̇ийвад̣̇идтисамбад̇д̇исан̇каад̇амуд̣̇усад̇д̇анаасагааабад̇д̇ивибад̇д̇исан̇каа- д̇амаад̇ан̇г̇амагараад̣̇ижан̣д̣асад̇д̇аванд̇анд̇и ад̇т̇о. звам̣ аяам̣ г̇аат̇аа самуд̣̇ааяааваяаваанам̣ саб̣б̣зсамзва руубагаалан̇гаарзна виражид̇аад̇и д̣̇адтаб̣б̣аа.

    888. Ye imaṃ vinicchayaṃ taranti, te paññattimahāsamuddaṃ tarantīti yojanā. Paññattisaṅkhātaṃ vinayapiṭakameva mahāsamuddo viyāti paññattimahāsamuddo, taṃ. Evaṃ samudāyaṃ dassetvā tadavayave dassetumāha ‘‘nekā’’tiādi. Nekāni nānappakārāni vattāni senāsanavattādīni khandhakāgatāni uggā uttuṅgā taraṅgamālā mahāvīciparamparā yassāti viggaho, nānappakārakhandhakavattasaṅkhātamahātaraṅgaparamparāya sajjitanti attho. Sīlaṃ pātimokkhasaṃvarādikameva anto velāvalayo yassa so sīlanto, taṃ, pātimokkhasaṃvarasīlādicatupārisuddhisīlameva paṭipādetabbatāya antaṃ velāvalayabhūtanti attho. Āpattiyo sattāpattikkhandhā, sīlācāradiṭṭhiājīvavipattiyo ca gāhakā makarādayo yassāti viggaho, sīlācārājīvadiṭṭhisampattisaṅkhātamudusattanāsakaāpattivipattisaṅkhā- tamātaṅgamakarādicaṇḍasattavantanti attho. Evaṃ ayaṃ gāthā samudāyāvayavānaṃ sabbesameva rūpakālaṅkārena viracitāti daṭṭhabbā.

    ид̇и винаяад̇т̇асаарасанд̣̇ийбанияаа

    Iti vinayatthasārasandīpaniyā

    винаяавинижчаяаван̣н̣анааяа

    Vinayavinicchayavaṇṇanāya

    ниссаг̇г̇ияагат̇ааван̣н̣анаа нидтид̇аа.

    Nissaggiyakathāvaṇṇanā niṭṭhitā.




    Next: баажид̇д̇ияагат̇ааван̣н̣анаа • Pācittiyakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact