Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    10. ниссааран̣ийяасуд̇д̇ам̣

    10. Nissāraṇīyasuttaṃ

    200. ‘‘бан̃жимаа , бхигкавз, ниссааран̣ийяаа 1 д̇хаад̇уяо. гад̇амаа бан̃жа? ид̇ха, бхигкавз, бхигкуно гаамам̣ 2 манасигарод̇о гаамзсу жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и. нзгкаммам̣ ко банасса манасигарод̇о нзгкаммз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ 3 субхаавид̇ам̣ сувудтид̇ам̣ сувимуд̇д̇ам̣ сувисам̣яуд̇д̇ам̣ 4 гаамзхи; яз жа гаамабажжаяаа уббаж̇ж̇анд̇и аасаваа вигхаад̇абарил̣аахаа, муд̇д̇о со д̇зхи, на со д̇ам̣ взд̣̇анам̣ взд̣̇ияад̇и. ид̣̇амагкаад̇ам̣ гаамаанам̣ ниссаран̣ам̣.

    200. ‘‘Pañcimā , bhikkhave, nissāraṇīyā 5 dhātuyo. Katamā pañca? Idha, bhikkhave, bhikkhuno kāmaṃ 6 manasikaroto kāmesu cittaṃ na pakkhandati nappasīdati na santiṭṭhati na vimuccati. Nekkhammaṃ kho panassa manasikaroto nekkhamme cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ 7 subhāvitaṃ suvuṭṭhitaṃ suvimuttaṃ suvisaṃyuttaṃ 8 kāmehi; ye ca kāmapaccayā uppajjanti āsavā vighātapariḷāhā, mutto so tehi, na so taṃ vedanaṃ vediyati. Idamakkhātaṃ kāmānaṃ nissaraṇaṃ.

    ‘‘буна жабарам̣, бхигкавз, бхигкуно б̣яаабаад̣̇ам̣ манасигарод̇о б̣яаабаад̣̇з жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и. аб̣яаабаад̣̇ам̣ ко банасса манасигарод̇о аб̣яаабаад̣̇з жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ субхаавид̇ам̣ сувудтид̇ам̣ сувимуд̇д̇ам̣ сувисам̣яуд̇д̇ам̣ б̣яаабаад̣̇зна; яз жа б̣яаабаад̣̇абажжаяаа уббаж̇ж̇анд̇и аасаваа вигхаад̇абарил̣аахаа, муд̇д̇о со д̇зхи, на со д̇ам̣ взд̣̇анам̣ взд̣̇ияад̇и. ид̣̇амагкаад̇ам̣ б̣яаабаад̣̇асса ниссаран̣ам̣.

    ‘‘Puna caparaṃ, bhikkhave, bhikkhuno byāpādaṃ manasikaroto byāpāde cittaṃ na pakkhandati nappasīdati na santiṭṭhati na vimuccati. Abyāpādaṃ kho panassa manasikaroto abyāpāde cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ subhāvitaṃ suvuṭṭhitaṃ suvimuttaṃ suvisaṃyuttaṃ byāpādena; ye ca byāpādapaccayā uppajjanti āsavā vighātapariḷāhā, mutto so tehi, na so taṃ vedanaṃ vediyati. Idamakkhātaṃ byāpādassa nissaraṇaṃ.

    ‘‘буна жабарам̣, бхигкавз, бхигкуно вихзсам̣ манасигарод̇о вихзсааяа жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и. авихзсам̣ ко банасса манасигарод̇о авихзсааяа жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ субхаавид̇ам̣ сувудтид̇ам̣ сувимуд̇д̇ам̣ сувисам̣яуд̇д̇ам̣ вихзсааяа; яз жа вихзсаабажжаяаа уббаж̇ж̇анд̇и аасаваа вигхаад̇абарил̣аахаа, муд̇д̇о со д̇зхи, на со д̇ам̣ взд̣̇анам̣ взд̣̇ияад̇и. ид̣̇амагкаад̇ам̣ вихзсааяа ниссаран̣ам̣.

    ‘‘Puna caparaṃ, bhikkhave, bhikkhuno vihesaṃ manasikaroto vihesāya cittaṃ na pakkhandati nappasīdati na santiṭṭhati na vimuccati. Avihesaṃ kho panassa manasikaroto avihesāya cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ subhāvitaṃ suvuṭṭhitaṃ suvimuttaṃ suvisaṃyuttaṃ vihesāya; ye ca vihesāpaccayā uppajjanti āsavā vighātapariḷāhā, mutto so tehi, na so taṃ vedanaṃ vediyati. Idamakkhātaṃ vihesāya nissaraṇaṃ.

    ‘‘буна жабарам̣, бхигкавз, бхигкуно руубам̣ манасигарод̇о руубз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и. аруубам̣ ко банасса манасигарод̇о аруубз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ субхаавид̇ам̣ сувудтид̇ам̣ сувимуд̇д̇ам̣ сувисам̣яуд̇д̇ам̣ руубзхи; яз жа руубабажжаяаа уббаж̇ж̇анд̇и аасаваа вигхаад̇абарил̣аахаа, муд̇д̇о со д̇зхи, на со д̇ам̣ взд̣̇анам̣ взд̣̇ияад̇и. ид̣̇амагкаад̇ам̣ руубаанам̣ ниссаран̣ам̣.

    ‘‘Puna caparaṃ, bhikkhave, bhikkhuno rūpaṃ manasikaroto rūpe cittaṃ na pakkhandati nappasīdati na santiṭṭhati na vimuccati. Arūpaṃ kho panassa manasikaroto arūpe cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ subhāvitaṃ suvuṭṭhitaṃ suvimuttaṃ suvisaṃyuttaṃ rūpehi; ye ca rūpapaccayā uppajjanti āsavā vighātapariḷāhā, mutto so tehi, na so taṃ vedanaṃ vediyati. Idamakkhātaṃ rūpānaṃ nissaraṇaṃ.

    ‘‘буна жабарам̣, бхигкавз, бхигкуно саггааяам̣ манасигарод̇о саггааяз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и на вимужжад̇и. саггааяанирод̇хам̣ ко банасса манасигарод̇о саггааяанирод̇хз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. д̇асса д̇ам̣ жид̇д̇ам̣ суг̇ад̇ам̣ субхаавид̇ам̣ сувудтид̇ам̣ сувимуд̇д̇ам̣ сувисам̣яуд̇д̇ам̣ саггааязна; яз жа саггааяабажжаяаа уббаж̇ж̇анд̇и аасаваа вигхаад̇абарил̣аахаа, муд̇д̇о со д̇зхи, на со д̇ам̣ взд̣̇анам̣ взд̣̇ияад̇и. ид̣̇амагкаад̇ам̣ саггааяасса ниссаран̣ам̣.

    ‘‘Puna caparaṃ, bhikkhave, bhikkhuno sakkāyaṃ manasikaroto sakkāye cittaṃ na pakkhandati nappasīdati na santiṭṭhati na vimuccati. Sakkāyanirodhaṃ kho panassa manasikaroto sakkāyanirodhe cittaṃ pakkhandati pasīdati santiṭṭhati vimuccati. Tassa taṃ cittaṃ sugataṃ subhāvitaṃ suvuṭṭhitaṃ suvimuttaṃ suvisaṃyuttaṃ sakkāyena; ye ca sakkāyapaccayā uppajjanti āsavā vighātapariḷāhā, mutto so tehi, na so taṃ vedanaṃ vediyati. Idamakkhātaṃ sakkāyassa nissaraṇaṃ.

    ‘‘д̇асса гаамананд̣̇ийби наанусзд̇и, б̣яаабаад̣̇ананд̣̇ийби наанусзд̇и, вихзсаананд̣̇ийби наанусзд̇и , руубананд̣̇ийби наанусзд̇и, саггааяананд̣̇ийби наанусзд̇и (со) 9 гаамананд̣̇ияааби ананусаяаа, б̣яаабаад̣̇ананд̣̇ияааби ананусаяаа, вихзсаананд̣̇ияааби ананусаяаа, руубананд̣̇ияааби ананусаяаа, саггааяананд̣̇ияааби ананусаяаа. аяам̣ вужжад̇и, бхигкавз, бхигку ниранусаяо, ажчзжчи 10 д̇ан̣хам̣, вивад̇д̇аяи 11 сам̣яож̇анам̣, саммаа маанаабхисамаяаа анд̇амагааси д̣̇угкасса. имаа ко, бхигкавз, бан̃жа ниссааран̣ийяаа д̇хаад̇уяо’’д̇и. д̣̇асамам̣.

    ‘‘Tassa kāmanandīpi nānuseti, byāpādanandīpi nānuseti, vihesānandīpi nānuseti , rūpanandīpi nānuseti, sakkāyanandīpi nānuseti (so) 12 kāmanandiyāpi ananusayā, byāpādanandiyāpi ananusayā, vihesānandiyāpi ananusayā, rūpanandiyāpi ananusayā, sakkāyanandiyāpi ananusayā. Ayaṃ vuccati, bhikkhave, bhikkhu niranusayo, acchecchi 13 taṇhaṃ, vivattayi 14 saṃyojanaṃ, sammā mānābhisamayā antamakāsi dukkhassa. Imā kho, bhikkhave, pañca nissāraṇīyā dhātuyo’’ti. Dasamaṃ.

    б̣раахман̣аваг̇г̇о бан̃жамо.

    Brāhmaṇavaggo pañcamo.

    д̇ассуд̣̇д̣̇аанам̣ –

    Tassuddānaṃ –

    сон̣о д̣̇он̣о сан̇г̇аараво, гааран̣абаалий жа бин̇г̇ияааний;

    Soṇo doṇo saṅgāravo, kāraṇapālī ca piṅgiyānī;

    субинаа жа вассаа ваажаа, гулам̣ ниссааран̣ийязна жаад̇и.

    Supinā ca vassā vācā, kulaṃ nissāraṇīyena cāti.

    жад̇уд̇т̇ам̣бан̣н̣аасагам̣ самад̇д̇о.

    Catutthaṃpaṇṇāsakaṃ samatto.




    Next: 5. бан̃жамабан̣н̣аасагам̣ • 5. Pañcamapaṇṇāsakaṃ




    Footnotes:
    1. ниссаран̣ийяаа (бий.), ниссаран̣ияаа (д̣̇ий. ни. 3.321)
    2. гаамз (сяаа. гам̣.) д̣̇ий. ни. 3.321
    3. сугад̇ам̣ (бий. га.)
    4. висам̣яуд̇д̇ам̣ (гад̇т̇ажи, д̣̇ий. ни. 3.321)
    5. nissaraṇīyā (pī.), nissaraṇiyā (dī. ni. 3.321)
    6. kāme (syā. kaṃ.) dī. ni. 3.321
    7. sukataṃ (pī. ka.)
    8. visaṃyuttaṃ (katthaci, dī. ni. 3.321)
    9. ( ) гад̇т̇ажи над̇т̇и
    10. ажчзж̇ж̇и (сяаа. гам̣. га.)
    11. ваавад̇д̇аяи (сий.)
    12. ( ) katthaci natthi
    13. acchejji (syā. kaṃ. ka.)
    14. vāvattayi (sī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. ниссааран̣ийяасуд̇д̇аван̣н̣анаа • 10. Nissāraṇīyasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. ниссааран̣ийяасуд̇д̇аван̣н̣анаа • 10. Nissāraṇīyasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact