| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
3. ниссаран̣ияасуд̇д̇ам̣
3. Nissaraṇiyasuttaṃ
72. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
72. Vuttañhetaṃ bhagavatā, vuttamarahatāti me sutaṃ –
‘‘д̇иссо имаа, бхигкавз, ниссаран̣ияаа 1 д̇хаад̇уяо. гад̇амаа д̇иссо? гаамаанамзд̇ам̣ ниссаран̣ам̣ яад̣̇ид̣̇ам̣ нзгкаммам̣, руубаанамзд̇ам̣ ниссаран̣ам̣ яад̣̇ид̣̇ам̣ ааруббам̣, яам̣ ко бана гин̃жи бхууд̇ам̣ сан̇кад̇ам̣ бадижжасамуббаннам̣ нирод̇хо д̇асса ниссаран̣ам̣ – имаа ко, бхигкавз, д̇иссо ниссаран̣ияаа д̇хаад̇уяо’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Tisso imā, bhikkhave, nissaraṇiyā 2 dhātuyo. Katamā tisso? Kāmānametaṃ nissaraṇaṃ yadidaṃ nekkhammaṃ, rūpānametaṃ nissaraṇaṃ yadidaṃ āruppaṃ, yaṃ kho pana kiñci bhūtaṃ saṅkhataṃ paṭiccasamuppannaṃ nirodho tassa nissaraṇaṃ – imā kho, bhikkhave, tisso nissaraṇiyā dhātuyo’’ti. Etamatthaṃ bhagavā avoca. Tatthetaṃ iti vuccati –
‘‘гааманиссаран̣ам̣ н̃ад̇ваа, руубаанан̃жа ад̇иггамам̣;
‘‘Kāmanissaraṇaṃ ñatvā, rūpānañca atikkamaṃ;
саб̣б̣асан̇каарасамат̇ам̣, пусам̣ аад̇ааби саб̣б̣ад̣̇аа.
Sabbasaṅkhārasamathaṃ, phusaṃ ātāpi sabbadā.
‘‘са вз саммад̣̇д̣̇асо бхигку, яад̇о д̇ад̇т̇а вимужжад̇и;
‘‘Sa ve sammaddaso bhikkhu, yato tattha vimuccati;
абхин̃н̃аавосид̇о санд̇о, са вз яог̇аад̇иг̇о муний’’д̇и.
Abhiññāvosito santo, sa ve yogātigo munī’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̇ад̇ияам̣.
Ayampi attho vutto bhagavatā, iti me sutanti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 3. ниссаран̣ияасуд̇д̇аван̣н̣анаа • 3. Nissaraṇiyasuttavaṇṇanā
