| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៣. និស្សរណិយសុត្តំ
3. Nissaraṇiyasuttaṃ
៧២. វុត្តញ្ហេតំ ភគវតា, វុត្តមរហតាតិ មេ សុតំ –
72. Vuttañhetaṃ bhagavatā, vuttamarahatāti me sutaṃ –
‘‘តិស្សោ ឥមា, ភិក្ខវេ, និស្សរណិយា 1 ធាតុយោ។ កតមា តិស្សោ? កាមានមេតំ និស្សរណំ យទិទំ នេក្ខម្មំ, រូបានមេតំ និស្សរណំ យទិទំ អារុប្បំ, យំ ខោ បន កិញ្ចិ ភូតំ សង្ខតំ បដិច្ចសមុប្បន្នំ និរោធោ តស្ស និស្សរណំ – ឥមា ខោ, ភិក្ខវេ, តិស្សោ និស្សរណិយា ធាតុយោ’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Tisso imā, bhikkhave, nissaraṇiyā 2 dhātuyo. Katamā tisso? Kāmānametaṃ nissaraṇaṃ yadidaṃ nekkhammaṃ, rūpānametaṃ nissaraṇaṃ yadidaṃ āruppaṃ, yaṃ kho pana kiñci bhūtaṃ saṅkhataṃ paṭiccasamuppannaṃ nirodho tassa nissaraṇaṃ – imā kho, bhikkhave, tisso nissaraṇiyā dhātuyo’’ti. Etamatthaṃ bhagavā avoca. Tatthetaṃ iti vuccati –
‘‘កាមនិស្សរណំ ញត្វា, រូបានញ្ច អតិក្កមំ;
‘‘Kāmanissaraṇaṃ ñatvā, rūpānañca atikkamaṃ;
សព្ពសង្ខារសមថំ, ផុសំ អាតាបិ សព្ពទា។
Sabbasaṅkhārasamathaṃ, phusaṃ ātāpi sabbadā.
‘‘ស វេ សម្មទ្ទសោ ភិក្ខុ, យតោ តត្ថ វិមុច្ចតិ;
‘‘Sa ve sammaddaso bhikkhu, yato tattha vimuccati;
អភិញ្ញាវោសិតោ សន្តោ, ស វេ យោគាតិគោ មុនី’’តិ។
Abhiññāvosito santo, sa ve yogātigo munī’’ti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ តតិយំ។
Ayampi attho vutto bhagavatā, iti me sutanti. Tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៣. និស្សរណិយសុត្តវណ្ណនា • 3. Nissaraṇiyasuttavaṇṇanā
