| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. ниссааран̣ийяасуд̇д̇аван̣н̣анаа
10. Nissāraṇīyasuttavaṇṇanā
200. д̣̇асамз ниссааран̣ийяаад̇и ниссадаа висан̃н̃уд̇д̇аа. д̇хаад̇уяод̇и ад̇д̇асун̃н̃асабхааваа. гаамам̣ манасигарод̇од̇и гаамам̣ манасигаронд̇асса, асубхаж̇жхаанад̇о вудтааяа аг̇ад̣̇ам̣ г̇ахзд̇ваа висам̣ виймам̣санд̇о вияа виймам̣санад̇т̇ам̣ гаамаабхимукам̣ жид̇д̇ам̣ бзсзнд̇ассаад̇и ад̇т̇о. на багканд̣̇ад̇ийд̇и наббависад̇и. наббасийд̣̇ад̇ийд̇и басаад̣̇ам̣ наабаж̇ж̇ад̇и. на санд̇идтад̇ийд̇и наббад̇идтахад̇и. на вимужжад̇ийд̇и на ад̇химужжад̇и. яат̇аа бана гуггудабад̇д̇ам̣ ваа нхааруд̣̇ад̣̇д̣̇улам̣ ваа аг̇г̇имхи багкид̇д̇ам̣ бадилийяад̇и бад̇игудад̇и бад̇иваддад̇и на сам̣басаарийяад̇и, звам̣ бадилийяад̇и на сам̣басаарийяад̇и. нзгкаммам̣ ко банаад̇и ид̇ха нзгкаммам̣ наама асубхзсу батамаж̇жхаанам̣, д̇ад̣̇асса манасигарод̇о жид̇д̇ам̣ багканд̣̇ад̇и. д̇асса д̇ам̣ жид̇д̇анд̇и д̇асса д̇ам̣ асубхаж̇жхаанажид̇д̇ам̣. суг̇ад̇анд̇и г̇ожарз г̇ад̇ад̇д̇аа судту г̇ад̇ам̣. субхаавид̇анд̇и ахаанабхааг̇ияад̇д̇аа судту бхаавид̇ам̣. сувудтид̇анд̇и гаамад̇о вудтид̇ам̣. сувимуд̇д̇анд̇и гаамзхи судту вимуд̇д̇ам̣. гаамабажжаяаа аасаваа наама гаамахзд̇угаа жад̇д̇ааро аасаваа. вигхаад̇аад̇и д̣̇угкаа. барил̣аахаад̇и гаамарааг̇абарил̣аахаа. на со д̇ам̣ взд̣̇анам̣ взд̣̇ияад̇ийд̇и со д̇ам̣ гаамавзд̣̇анам̣ вигхаад̇абарил̣аахавзд̣̇анан̃жа на взд̣̇ияад̇и. ид̣̇амагкаад̇ам̣ гаамаанам̣ ниссаран̣анд̇и ид̣̇ам̣ асубхаж̇жхаанам̣ гаамзхи ниссадад̇д̇аа гаамаанам̣ ниссаран̣анд̇и агкаад̇ам̣. яо бана д̇ам̣ жхаанам̣ баад̣̇агам̣ гад̇ваа сан̇каарз саммасанд̇о д̇ад̇ияамаг̇г̇ам̣ бад̇ваа анааг̇аамипалзна ниб̣б̣аанам̣ д̣̇исваа ‘‘буна гаамаа наама над̇т̇ий’’д̇и ж̇аанаад̇и. д̇асса жид̇д̇ам̣ ажжанд̇аниссаран̣амзва. сзсабад̣̇зсуби зсзва наяо.
200. Dasame nissāraṇīyāti nissaṭā visaññuttā. Dhātuyoti attasuññasabhāvā. Kāmaṃ manasikarototi kāmaṃ manasikarontassa, asubhajjhānato vuṭṭhāya agadaṃ gahetvā visaṃ vīmaṃsanto viya vīmaṃsanatthaṃ kāmābhimukhaṃ cittaṃ pesentassāti attho. Na pakkhandatīti nappavisati. Nappasīdatīti pasādaṃ nāpajjati. Na santiṭṭhatīti nappatiṭṭhahati. Na vimuccatīti na adhimuccati. Yathā pana kukkuṭapattaṃ vā nhārudaddulaṃ vā aggimhi pakkhittaṃ paṭilīyati patikuṭati pativaṭṭati na saṃpasārīyati, evaṃ paṭilīyati na saṃpasārīyati. Nekkhammaṃ kho panāti idha nekkhammaṃ nāma asubhesu paṭhamajjhānaṃ, tadassa manasikaroto cittaṃ pakkhandati. Tassa taṃ cittanti tassa taṃ asubhajjhānacittaṃ. Sugatanti gocare gatattā suṭṭhu gataṃ. Subhāvitanti ahānabhāgiyattā suṭṭhu bhāvitaṃ. Suvuṭṭhitanti kāmato vuṭṭhitaṃ. Suvimuttanti kāmehi suṭṭhu vimuttaṃ. Kāmapaccayā āsavā nāma kāmahetukā cattāro āsavā. Vighātāti dukkhā. Pariḷāhāti kāmarāgapariḷāhā. Na so taṃ vedanaṃ vediyatīti so taṃ kāmavedanaṃ vighātapariḷāhavedanañca na vediyati. Idamakkhātaṃ kāmānaṃ nissaraṇanti idaṃ asubhajjhānaṃ kāmehi nissaṭattā kāmānaṃ nissaraṇanti akkhātaṃ. Yo pana taṃ jhānaṃ pādakaṃ katvā saṅkhāre sammasanto tatiyamaggaṃ patvā anāgāmiphalena nibbānaṃ disvā ‘‘puna kāmā nāma natthī’’ti jānāti. Tassa cittaṃ accantanissaraṇameva. Sesapadesupi eseva nayo.
аяам̣ бана висзсо – д̣̇уд̇ияаваарз мзд̇д̇аажхаанаани б̣яаабаад̣̇асса ниссаран̣ам̣ наама. д̇ад̇ияаваарз гарун̣аажхаанаани вихим̣сааяа ниссаран̣ам̣ наама. жад̇уд̇т̇аваарз аруубаж̇жхаанаани руубаанам̣ ниссаран̣ам̣ наама. ажжанд̇аниссаран̣ан̃жзд̇т̇а арахад̇д̇апалам̣ яож̇зд̇аб̣б̣ам̣. бан̃жамаваарз саггааяам̣ манасигарод̇од̇и суд̣̇д̇хасан̇каарз бариг̇г̇ан̣хид̇ваа арахад̇д̇ам̣ бад̇д̇асса сугкавибассагасса паласамаабад̇д̇ид̇о вудтааяа виймам̣санад̇т̇ам̣ бан̃жубаад̣̇аанагканд̇хаабхимукам̣ жид̇д̇ам̣ бзсзнд̇асса. ид̣̇амагкаад̇ам̣ саггааяасса ниссаран̣анд̇и ид̣̇ам̣ арахад̇д̇амаг̇г̇зна жа палзна жа ниб̣б̣аанам̣ д̣̇исваа тид̇асса бхигкуно ‘‘буна саггааяо над̇т̇ий’’д̇и уббаннам̣ арахад̇д̇апаласамаабад̇д̇ижид̇д̇ам̣ саггааяасса ниссаран̣анд̇и агкаад̇ам̣. ид̣̇аани звам̣ саггааяаниссаран̣ам̣ нирод̇хам̣ бад̇ваа тид̇асса кийн̣аасавасса ван̣н̣ам̣ гат̇знд̇о д̇асса гаамананд̣̇ийби наанусзд̇ийд̇иаад̣̇имааха. д̇ад̇т̇а наанусзд̇ийд̇и на ниб̣б̣ад̇д̇ад̇и. ананусаяаад̇и аниб̣б̣ад̇д̇ияаа. сзсамзд̇т̇а уд̇д̇аанад̇т̇амзваад̇и.
Ayaṃ pana viseso – dutiyavāre mettājhānāni byāpādassa nissaraṇaṃ nāma. Tatiyavāre karuṇājhānāni vihiṃsāya nissaraṇaṃ nāma. Catutthavāre arūpajjhānāni rūpānaṃ nissaraṇaṃ nāma. Accantanissaraṇañcettha arahattaphalaṃ yojetabbaṃ. Pañcamavāre sakkāyaṃ manasikarototi suddhasaṅkhāre pariggaṇhitvā arahattaṃ pattassa sukkhavipassakassa phalasamāpattito vuṭṭhāya vīmaṃsanatthaṃ pañcupādānakkhandhābhimukhaṃ cittaṃ pesentassa. Idamakkhātaṃ sakkāyassa nissaraṇanti idaṃ arahattamaggena ca phalena ca nibbānaṃ disvā ṭhitassa bhikkhuno ‘‘puna sakkāyo natthī’’ti uppannaṃ arahattaphalasamāpatticittaṃ sakkāyassa nissaraṇanti akkhātaṃ. Idāni evaṃ sakkāyanissaraṇaṃ nirodhaṃ patvā ṭhitassa khīṇāsavassa vaṇṇaṃ kathento tassa kāmanandīpi nānusetītiādimāha. Tattha nānusetīti na nibbattati. Ananusayāti anibbattiyā. Sesamettha uttānatthamevāti.
б̣раахман̣аваг̇г̇о бан̃жамо.
Brāhmaṇavaggo pañcamo.
жад̇уд̇т̇абан̣н̣аасагам̣ нидтид̇ам̣.
Catutthapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. ниссааран̣ийяасуд̇д̇ам̣ • 10. Nissāraṇīyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. ниссааран̣ийяасуд̇д̇аван̣н̣анаа • 10. Nissāraṇīyasuttavaṇṇanā
