| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. ниссаран̣ияасуд̇д̇аван̣н̣анаа
3. Nissaraṇiyasuttavaṇṇanā
72. д̇ад̇ияз ниссаран̣ияаад̇и ниссаран̣абадисам̣яуд̇д̇аа. д̇хаад̇уяод̇и сад̇д̇асун̃н̃асабхааваа. гаамаананд̇и гилзсагаамаанан̃жзва вад̇т̇угаамаанан̃жа. ат̇а ваа гаамаананд̇и гилзсагаамаанам̣. гилзсагаамад̇о хи ниссаран̣аа вад̇т̇угаамзхиби ниссаран̣ам̣язва ход̇и, на ан̃н̃ат̇аа. вуд̇д̇ан̃хзд̇ам̣ –
72. Tatiye nissaraṇiyāti nissaraṇapaṭisaṃyuttā. Dhātuyoti sattasuññasabhāvā. Kāmānanti kilesakāmānañceva vatthukāmānañca. Atha vā kāmānanti kilesakāmānaṃ. Kilesakāmato hi nissaraṇā vatthukāmehipi nissaraṇaṃyeva hoti, na aññathā. Vuttañhetaṃ –
‘‘на д̇з гаамаа яаани жид̇раани логз,
‘‘Na te kāmā yāni citrāni loke,
сан̇габбарааг̇о бурисасса гаамо;
Saṅkapparāgo purisassa kāmo;
д̇идтанд̇и жид̇раани д̇ат̇зва логз,
Tiṭṭhanti citrāni tatheva loke,
ат̇зд̇т̇а д̇хийраа винаяанд̇и чанд̣̇а’’нд̇и. (а. ни. 6.63);
Athettha dhīrā vinayanti chanda’’nti. (a. ni. 6.63);
ниссаран̣анд̇и абаг̇амо. нзгкамманд̇и батамаж̇жхаанам̣, висзсад̇о д̇ам̣ асубхаарамман̣ам̣ д̣̇адтаб̣б̣ам̣. яо бана д̇ам̣ жхаанам̣ баад̣̇агам̣ гад̇ваа сан̇каарз саммасид̇ваа д̇ад̇ияамаг̇г̇ам̣ бад̇ваа анааг̇аамимаг̇г̇зна ниб̣б̣аанам̣ сажчигарод̇и, д̇асса жид̇д̇ам̣ ажжанд̇амзва гаамзхи ниссаданд̇и ид̣̇ам̣ уггадтад̇о гаамаанам̣ ниссаран̣ам̣ взд̣̇ид̇аб̣б̣ам̣. руубаананд̇и руубад̇хаммаанам̣, висзсзна сад̣̇д̇хим̣ аарамман̣зхи гусалавибаагагирияаабхзд̣̇ад̇о саб̣б̣зсам̣ руубааважарад̇хаммаанам̣. ааруббанд̇и аруубааважараж̇жхаанам̣. гзжи бана ‘‘гаамаана’’нд̇и бад̣̇асса ‘‘саб̣б̣зсам̣ гаамааважарад̇хаммаана’’нд̇и ад̇т̇ам̣ вад̣̇анд̇и. ‘‘нзгкамма’’нд̇и жа ‘‘бан̃жа руубааважараж̇жхаанааний’’д̇и. д̇ам̣ адтагат̇аасу над̇т̇и, на яуж̇ж̇ад̇и жа. бхууд̇анд̇и ж̇аад̇ам̣. сан̇кад̇анд̇и самзжжа самбхуяяа бажжаязхи гад̇ам̣. бадижжасамуббаннанд̇и гааран̣ад̇о ниб̣б̣ад̇д̇ам̣. д̇ийхиби бад̣̇зхи д̇збхуумагз д̇хаммз анавасзсад̇о барияаад̣̇ияад̇и. нирод̇ход̇и ниб̣б̣аанам̣. зд̇т̇а жа батамааяа д̇хаад̇уяаа гаамабарин̃н̃аа вуд̇д̇аа, д̣̇уд̇ияааяа руубабарин̃н̃аа, д̇ад̇ияааяа саб̣б̣асан̇кад̇абарин̃н̃аа саб̣б̣абхавасамад̇иггамо вуд̇д̇о.
Nissaraṇanti apagamo. Nekkhammanti paṭhamajjhānaṃ, visesato taṃ asubhārammaṇaṃ daṭṭhabbaṃ. Yo pana taṃ jhānaṃ pādakaṃ katvā saṅkhāre sammasitvā tatiyamaggaṃ patvā anāgāmimaggena nibbānaṃ sacchikaroti, tassa cittaṃ accantameva kāmehi nissaṭanti idaṃ ukkaṭṭhato kāmānaṃ nissaraṇaṃ veditabbaṃ. Rūpānanti rūpadhammānaṃ, visesena saddhiṃ ārammaṇehi kusalavipākakiriyābhedato sabbesaṃ rūpāvacaradhammānaṃ. Āruppanti arūpāvacarajjhānaṃ. Keci pana ‘‘kāmāna’’nti padassa ‘‘sabbesaṃ kāmāvacaradhammāna’’nti atthaṃ vadanti. ‘‘Nekkhamma’’nti ca ‘‘pañca rūpāvacarajjhānānī’’ti. Taṃ aṭṭhakathāsu natthi, na yujjati ca. Bhūtanti jātaṃ. Saṅkhatanti samecca sambhuyya paccayehi kataṃ. Paṭiccasamuppannanti kāraṇato nibbattaṃ. Tīhipi padehi tebhūmake dhamme anavasesato pariyādiyati. Nirodhoti nibbānaṃ. Ettha ca paṭhamāya dhātuyā kāmapariññā vuttā, dutiyāya rūpapariññā, tatiyāya sabbasaṅkhatapariññā sabbabhavasamatikkamo vutto.
г̇аат̇аасу гааманиссаран̣ам̣ н̃ад̇ваад̇и ‘‘ид̣̇ам̣ гааманиссаран̣ам̣ – зван̃жа гаамад̇о ниссаран̣а’’нд̇и ж̇аанид̇ваа. ад̇иггамад̇и зд̇знаад̇и ад̇иггамо, ад̇иггамануубааяо, д̇ам̣ ад̇иггамам̣ ааруббам̣ н̃ад̇ваа. саб̣б̣з сан̇каараа саманд̇и вуубасаманд̇и зд̇т̇аад̇и саб̣б̣асан̇каарасамат̇о, ниб̣б̣аанам̣, д̇ам̣ пусам̣ пусанд̇о. сзсам̣ хздтаа вуд̇д̇анаяамзва.
Gāthāsu kāmanissaraṇaṃ ñatvāti ‘‘idaṃ kāmanissaraṇaṃ – evañca kāmato nissaraṇa’’nti jānitvā. Atikkamati etenāti atikkamo, atikkamanūpāyo, taṃ atikkamaṃ āruppaṃ ñatvā. Sabbe saṅkhārā samanti vūpasamanti etthāti sabbasaṅkhārasamatho, nibbānaṃ, taṃ phusaṃ phusanto. Sesaṃ heṭṭhā vuttanayameva.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 3. ниссаран̣ияасуд̇д̇ам̣ • 3. Nissaraṇiyasuttaṃ
