| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. ниссааран̣ийяасуд̇д̇аван̣н̣анаа
10. Nissāraṇīyasuttavaṇṇanā
200. д̣̇асамз ниссаранд̇ийд̇и ниссаран̣ийяаад̇и вад̇д̇аб̣б̣з д̣̇ийгхам̣ гад̇ваа нид̣̇д̣̇зсо. гад̇д̇ари хзса анийяа-сад̣̇д̣̇о яат̇аа ‘‘нияяаанияаа’’д̇и. д̇знааха ‘‘ниссадаа’’д̇и. гуд̇о бана ниссадаа? яат̇аасагам̣ бадибагкад̇о. ниж̇ж̇ийвадтзна д̇хаад̇уяод̇и ааха ‘‘ад̇д̇асун̃н̃асабхааваа’’д̇и. ад̇т̇ад̇о бана д̇хаммад̇хаад̇умановин̃н̃аан̣ад̇хаад̇увисзсо . д̇аад̣̇исасса бхигкуно гилзсавасзна гаамзсу манасигааро над̇т̇ийд̇и ааха ‘‘виймам̣санад̇т̇а’’нд̇и, ‘‘нзгкамманияад̇ам̣ ид̣̇аани мз жид̇д̇ам̣, гим̣ ну ко гаамавид̇аггоби уббаж̇ж̇иссад̇ий’’д̇и виймам̣санд̇ассаад̇и ад̇т̇о. багканд̣̇анам̣ наама ануббавзсо. со бана д̇ад̇т̇а над̇т̇ийд̇и ааха ‘‘наббависад̇ий’’д̇и. басийд̣̇анам̣ наама абхиружи. санд̇идтанам̣ бад̇идтаанам̣. вимужжанам̣ ад̇химужжананд̇и. д̇ам̣ саб̣б̣ам̣ бадигкибанд̇о вад̣̇ад̇и ‘‘басаад̣̇ам̣ наабаж̇ж̇ад̇ий’’д̇иаад̣̇и. звам̣бхууд̇ам̣ банасса жид̇д̇ам̣ д̇асса гат̇ам̣ д̇идтад̇ийд̇и ааха ‘‘яат̇аа’’д̇иаад̣̇и.
200. Dasame nissarantīti nissaraṇīyāti vattabbe dīghaṃ katvā niddeso. Kattari hesa anīya-saddo yathā ‘‘niyyāniyā’’ti. Tenāha ‘‘nissaṭā’’ti. Kuto pana nissaṭā? Yathāsakaṃ paṭipakkhato. Nijjīvaṭṭhena dhātuyoti āha ‘‘attasuññasabhāvā’’ti. Atthato pana dhammadhātumanoviññāṇadhātuviseso . Tādisassa bhikkhuno kilesavasena kāmesu manasikāro natthīti āha ‘‘vīmaṃsanattha’’nti, ‘‘nekkhammaniyataṃ idāni me cittaṃ, kiṃ nu kho kāmavitakkopi uppajjissatī’’ti vīmaṃsantassāti attho. Pakkhandanaṃ nāma anuppaveso. So pana tattha natthīti āha ‘‘nappavisatī’’ti. Pasīdanaṃ nāma abhiruci. Santiṭṭhanaṃ patiṭṭhānaṃ. Vimuccanaṃ adhimuccananti. Taṃ sabbaṃ paṭikkhipanto vadati ‘‘pasādaṃ nāpajjatī’’tiādi. Evaṃbhūtaṃ panassa cittaṃ tassa kathaṃ tiṭṭhatīti āha ‘‘yathā’’tiādi.
д̇анд̇и батамаж̇жхаанам̣. ассаад̇и бхигкуно. жид̇д̇ам̣ багканд̣̇ад̇ийд̇и баригаммажид̇д̇зна сад̣̇д̇хим̣ жхаанажид̇д̇ам̣ згад̇д̇авасзна згаж̇жхам̣ гад̇ваа вад̣̇ад̇и. г̇ожарз г̇ад̇ад̇д̇аад̇и ад̇д̇ано аарамман̣з зва бавад̇д̇ад̇д̇аа. ахаанабхааг̇ияад̇д̇аад̇и тид̇ибхааг̇ияад̇д̇аа. судту вимуд̇д̇анд̇и вигкамбханавимуд̇д̇ияаа саммад̣̇зва вимуд̇д̇ам̣. жид̇д̇асса жа гааяасса жа вихананад̇о вигхаад̇о. д̣̇угкам̣ барид̣̇аханад̇о барил̣аахо. гаамавзд̣̇анам̣ на взд̣̇ияад̇и ануббаж̇ж̇анад̇о. ниссаранд̇и д̇ад̇од̇и ниссаран̣ам̣. гз ниссаранд̇и? гаамаа. зван̃жа гаамаананд̇и гад̇д̇усаамиважанам̣ судту яуж̇ж̇ад̇и. яад̣̇аг̇г̇зна гаамаа д̇ад̇о ниссадаад̇и вужжанд̇и, д̇ад̣̇аг̇г̇зна жхаанамби гаамад̇о ниссаданд̇и вад̇д̇аб̣б̣ад̇ам̣ лабхад̇ийд̇и вуд̇д̇ам̣ ‘‘гаамзхи ниссадад̇д̇аа’’д̇и. звам̣ вигкамбханавасзна гааманиссаран̣ам̣ вад̇ваа ид̣̇аани самужчзд̣̇авасзна ажжанд̇ад̇о ниссаран̣ам̣ д̣̇ассзд̇ум̣ ‘‘яо банаа’’д̇иаад̣̇и вуд̇д̇ам̣. сзсабад̣̇зсууд̇и сзсагодтаасзсу.
Tanti paṭhamajjhānaṃ. Assāti bhikkhuno. Cittaṃ pakkhandatīti parikammacittena saddhiṃ jhānacittaṃ ekattavasena ekajjhaṃ katvā vadati. Gocare gatattāti attano ārammaṇe eva pavattattā. Ahānabhāgiyattāti ṭhitibhāgiyattā. Suṭṭhu vimuttanti vikkhambhanavimuttiyā sammadeva vimuttaṃ. Cittassa ca kāyassa ca vihananato vighāto. Dukkhaṃ paridahanato pariḷāho. Kāmavedanaṃ na vediyati anuppajjanato. Nissaranti tatoti nissaraṇaṃ. Ke nissaranti? Kāmā. Evañca kāmānanti kattusāmivacanaṃ suṭṭhu yujjati. Yadaggena kāmā tato nissaṭāti vuccanti, tadaggena jhānampi kāmato nissaṭanti vattabbataṃ labhatīti vuttaṃ ‘‘kāmehi nissaṭattā’’ti. Evaṃ vikkhambhanavasena kāmanissaraṇaṃ vatvā idāni samucchedavasena accantato nissaraṇaṃ dassetuṃ ‘‘yo panā’’tiādi vuttaṃ. Sesapadesūti sesakoṭṭhāsesu.
аяам̣ бана висзсод̇и висзсам̣ вад̣̇анд̇зна д̇ам̣ жхаанам̣ баад̣̇агам̣ гад̇ваад̇иаад̣̇иго ависзсод̇и гад̇ваа д̣̇уд̇ияад̇ад̇ияаваарзсу саб̣б̣асо анаамадто, жад̇уд̇т̇аваарз бана аяамби висзсод̇и д̣̇ассзд̇ум̣ ‘‘ажжанд̇аниссаран̣ан̃жзд̇т̇а арахад̇д̇апалам̣ яож̇зд̇аб̣б̣а’’нд̇и вуд̇д̇ам̣. яасмаа аруубаж̇жхаанам̣ баад̣̇агам̣ гад̇ваа аг̇г̇амаг̇г̇ам̣ ад̇хиг̇анд̇ваа арахад̇д̇з тид̇асса жид̇д̇ам̣ саб̣б̣асо руубзхи ниссадам̣ наама ход̇и. д̇асса хи паласамаабад̇д̇ид̇о вудтааяа виймам̣санад̇т̇ам̣ руубаабхимукам̣ жид̇д̇ам̣ бзсзнд̇асса. ид̣̇амагкаад̇анд̇и самат̇аяаанигаанам̣ васзна хздтаа жад̇д̇ааро ваараа г̇ахид̇аа. ид̣̇ам̣ бана сугкавибассагасса васзнаад̇и ааха ‘‘суд̣̇д̇хасан̇каарз’’д̇иаад̣̇и. ‘‘буна саггааяо над̇т̇ий’’д̇и уббаннанд̇и ‘‘ид̣̇аани мз саггааяаббаб̣анд̇хо над̇т̇ий’’д̇и виймам̣санд̇асса уббаннам̣.
Ayaṃ pana visesoti visesaṃ vadantena taṃ jhānaṃ pādakaṃ katvātiādiko avisesoti katvā dutiyatatiyavāresu sabbaso anāmaṭṭho, catutthavāre pana ayampi visesoti dassetuṃ ‘‘accantanissaraṇañcettha arahattaphalaṃ yojetabba’’nti vuttaṃ. Yasmā arūpajjhānaṃ pādakaṃ katvā aggamaggaṃ adhigantvā arahatte ṭhitassa cittaṃ sabbaso rūpehi nissaṭaṃ nāma hoti. Tassa hi phalasamāpattito vuṭṭhāya vīmaṃsanatthaṃ rūpābhimukhaṃ cittaṃ pesentassa. Idamakkhātanti samathayānikānaṃ vasena heṭṭhā cattāro vārā gahitā. Idaṃ pana sukkhavipassakassa vasenāti āha ‘‘suddhasaṅkhāre’’tiādi. ‘‘Puna sakkāyo natthī’’ti uppannanti ‘‘idāni me sakkāyappabandho natthī’’ti vīmaṃsantassa uppannaṃ.
ниссааран̣ийяасуд̇д̇аван̣н̣анаа нидтид̇аа.
Nissāraṇīyasuttavaṇṇanā niṭṭhitā.
б̣раахман̣аваг̇г̇аван̣н̣анаа нидтид̇аа.
Brāhmaṇavaggavaṇṇanā niṭṭhitā.
жад̇уд̇т̇абан̣н̣аасагам̣ нидтид̇ам̣.
Catutthapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. ниссааран̣ийяасуд̇д̇ам̣ • 10. Nissāraṇīyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. ниссааран̣ийяасуд̇д̇аван̣н̣анаа • 10. Nissāraṇīyasuttavaṇṇanā
