| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. ниссааран̣ийяасуд̇д̇аван̣н̣анаа
3. Nissāraṇīyasuttavaṇṇanā
13. д̇ад̇ияз вад̣дхид̇аад̇и бхааванаабаарибууривасзна бариб̣руухид̇аа. бунаббунам̣ гад̇аад̇и бхааванааяа б̣ахулийгаран̣зна абараабарам̣ бавад̇д̇ид̇аа. яуд̇д̇аяаанасад̣̇исаа гад̇аад̇и яат̇аа яуд̇д̇амааж̇ан̃н̃аяаанам̣ чзгзна саарат̇инаа ад̇хидтид̇ам̣ яат̇ааружи бавад̇д̇ад̇и, звам̣ яат̇ааружи бавад̇д̇ирахам̣ г̇ахид̇аа. вад̇т̇угад̇аад̇и ваа ад̇хидтаанадтзна вад̇т̇у вияа гад̇аа, саб̣б̣асо убаггилзсависод̇ханзна ид̣̇д̇хивисзсад̇ааяа бавад̇д̇идтаанабхаавад̇о сувисод̇хид̇абариссаяавад̇т̇у вияа гад̇аад̇и вуд̇д̇ам̣ ход̇и. ад̇хидтид̇аад̇и бадибагкад̣̇уурийбхаавад̇о субхаавид̇абхаавзна д̇ам̣д̇ам̣ад̇хидтаанаяог̇яад̇ааяа табид̇аа. саманд̇ад̇о жид̇аад̇и саб̣б̣абхааг̇зна бхаавануубажаяам̣ г̇амид̇аа. д̇знааха ‘‘убажид̇аа’д̇и. судту самаарад̣̇д̇хаад̇и ид̣̇д̇хибхааванаасикааббад̇д̇ияаа саммад̣̇зва самбхаавид̇аа. абхууд̇аб̣яаагаран̣ам̣ б̣яаагарод̇ийд̇и ‘‘мзд̇д̇аа хи ко мз жзд̇овимуд̇д̇и бхаавид̇аа’’д̇иаад̣̇инаа ад̇д̇ани авиж̇ж̇амаанаг̇ун̣аабхиб̣яаахаарам̣ б̣яаахарад̇и. жзд̇овимуд̇д̇исад̣̇д̣̇ам̣ абзгкид̇ваа ‘‘ниссадаа’’д̇и вуд̇д̇ам̣. буна б̣яаабаад̣̇о над̇т̇ийд̇и ид̣̇аани мама б̣яаабаад̣̇о наама саб̣б̣асо над̇т̇ийд̇и н̃ад̇ваа.
13. Tatiye vaḍḍhitāti bhāvanāpāripūrivasena paribrūhitā. Punappunaṃ katāti bhāvanāya bahulīkaraṇena aparāparaṃ pavattitā. Yuttayānasadisā katāti yathā yuttamājaññayānaṃ chekena sārathinā adhiṭṭhitaṃ yathāruci pavattati, evaṃ yathāruci pavattirahaṃ gahitā. Vatthukatāti vā adhiṭṭhānaṭṭhena vatthu viya katā, sabbaso upakkilesavisodhanena iddhivisesatāya pavattiṭṭhānabhāvato suvisodhitaparissayavatthu viya katāti vuttaṃ hoti. Adhiṭṭhitāti paṭipakkhadūrībhāvato subhāvitabhāvena taṃtaṃadhiṭṭhānayogyatāya ṭhapitā. Samantato citāti sabbabhāgena bhāvanūpacayaṃ gamitā. Tenāha ‘‘upacitā’ti. Suṭṭhu samāraddhāti iddhibhāvanāsikhāppattiyā sammadeva sambhāvitā. Abhūtabyākaraṇaṃ byākarotīti ‘‘mettā hi kho me cetovimutti bhāvitā’’tiādinā attani avijjamānaguṇābhibyāhāraṃ byāharati. Cetovimuttisaddaṃ apekkhitvā ‘‘nissaṭā’’ti vuttaṃ. Puna byāpādo natthīti idāni mama byāpādo nāma sabbaso natthīti ñatvā.
б̣алававибассанаад̇и бхаяад̇убадтаанз н̃аан̣ам̣, аад̣̇ийнаваанубассанз н̃аан̣ам̣ мужжид̇угамяад̇аан̃аан̣ам̣, бхан̇г̇ан̃аан̣анд̇и жад̇уннам̣ н̃аан̣аанам̣ ад̇хиважанам̣. язсам̣ нимид̇д̇аанам̣ абхаавзна арахад̇д̇апаласамаабад̇д̇ияаа анимид̇д̇ад̇аа, д̇ам̣ д̣̇ассзд̇ум̣ ‘‘саа хий’’д̇иаад̣̇и вуд̇д̇ам̣. д̇ад̇т̇а рааг̇асса нимид̇д̇ам̣, рааг̇о зва ваа нимид̇д̇ам̣ рааг̇анимид̇д̇ам̣. аад̣̇и-сад̣̇д̣̇зна д̣̇осанимид̇д̇аад̣̇ийнам̣ сан̇г̇ахо д̣̇адтаб̣б̣о. руубавзд̣̇анаад̣̇исан̇кааранимид̇д̇ам̣ руубанимид̇д̇аад̣̇и. д̇зсам̣язва нижжаад̣̇ивасзна убадтаанам̣ нижжанимид̇д̇аад̣̇и. д̇аяид̣̇ам̣ нимид̇д̇ам̣ яасмаа саб̣б̣зна саб̣б̣ам̣ арахад̇д̇апалз над̇т̇и, д̇асмаа вуд̇д̇ам̣ ‘‘саа хи…бз… анимид̇д̇аа’’д̇и. нимид̇д̇ам̣ ануссарад̇и ануг̇ажчад̇и аараб̣бха бавад̇д̇ад̇и сийлзнаад̇и нимид̇д̇аанусаарий. д̇знааха ‘‘вуд̇д̇аббабхзд̣̇ам̣ нимид̇д̇ам̣ анусаран̣асабхаава’’нд̇и.
Balavavipassanāti bhayatupaṭṭhāne ñāṇaṃ, ādīnavānupassane ñāṇaṃ muccitukamyatāñāṇaṃ, bhaṅgañāṇanti catunnaṃ ñāṇānaṃ adhivacanaṃ. Yesaṃ nimittānaṃ abhāvena arahattaphalasamāpattiyā animittatā, taṃ dassetuṃ ‘‘sā hī’’tiādi vuttaṃ. Tattha rāgassa nimittaṃ, rāgo eva vā nimittaṃ rāganimittaṃ. Ādi-saddena dosanimittādīnaṃ saṅgaho daṭṭhabbo. Rūpavedanādisaṅkhāranimittaṃ rūpanimittādi. Tesaṃyeva niccādivasena upaṭṭhānaṃ niccanimittādi. Tayidaṃ nimittaṃ yasmā sabbena sabbaṃ arahattaphale natthi, tasmā vuttaṃ ‘‘sā hi…pe… animittā’’ti. Nimittaṃ anussarati anugacchati ārabbha pavattati sīlenāti nimittānusārī. Tenāha ‘‘vuttappabhedaṃ nimittaṃ anusaraṇasabhāva’’nti.
асмимаанод̇и ‘‘асмий’’д̇и бавад̇д̇о ад̇д̇ависаяо маано. аяам̣ наама ахамасмийд̇и руубалагкан̣о взд̣̇анаад̣̇ийсу ваа ан̃н̃ад̇аралагкан̣о аяам̣ наама ад̇д̇аа ахам̣ асмийд̇и. асмимаано самуг̇гхаад̇ийяад̇и зд̇знаад̇и асмимаанасамуг̇гхаад̇о, арахад̇д̇амаг̇г̇о. буна асмимаано над̇т̇ийд̇и д̇асса ануббад̇д̇ид̇хаммад̇аабаад̣̇анам̣ гид̇д̇знд̇о самуг̇гхаад̇ад̇д̇амзва вибхаавзд̇и.
Asmimānoti ‘‘asmī’’ti pavatto attavisayo māno. Ayaṃ nāma ahamasmīti rūpalakkhaṇo vedanādīsu vā aññataralakkhaṇo ayaṃ nāma attā ahaṃ asmīti. Asmimāno samugghātīyati etenāti asmimānasamugghāto, arahattamaggo. Puna asmimāno natthīti tassa anuppattidhammatāpādanaṃ kittento samugghātattameva vibhāveti.
ниссааран̣ийяасуд̇д̇аван̣н̣анаа нидтид̇аа.
Nissāraṇīyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. ниссааран̣ийяасуд̇д̇ам̣ • 3. Nissāraṇīyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. ниссааран̣ийяасуд̇д̇аван̣н̣анаа • 3. Nissāraṇīyasuttavaṇṇanā
