| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਨਿਸ੍ਸਾਰਣੀਯਸੁਤ੍ਤવਣ੍ਣਨਾ
3. Nissāraṇīyasuttavaṇṇanā
੧੩. ਤਤਿਯੇ ਨਿਸ੍ਸਾਰਣੀਯਾ ਧਾਤੁਯੋਤਿ ਨਿਸ੍ਸਰਣਧਾਤੁਯੋવ। ਮੇਤ੍ਤਾ ਹਿ ਖੋ ਮੇ ਚੇਤੋવਿਮੁਤ੍ਤੀਤਿ ਏਤ੍ਥ ਪਚ੍ਚਨੀਕਧਮ੍ਮੇਹਿ વਿਮੁਤ੍ਤਤ੍ਤਾ ਤਿਕਚਤੁਕ੍ਕਜ੍ਝਾਨਿਕਾ ਮੇਤ੍ਤਾવ ਮੇਤ੍ਤਾਚੇਤੋવਿਮੁਤ੍ਤਿ ਨਾਮ । ਭਾવਿਤਾਤਿ વਡ੍ਢਿਤਾ। ਬਹੁਲੀਕਤਾਤਿ ਪੁਨਪ੍ਪੁਨਂ ਕਤਾ। ਯਾਨੀਕਤਾਤਿ ਯੁਤ੍ਤਯਾਨਸਦਿਸਾ ਕਤਾ। વਤ੍ਥੁਕਤਾਤਿ ਪਤਿਟ੍ਠਾ ਕਤਾ। ਅਨੁਟ੍ਠਿਤਾਤਿ ਅਧਿਟ੍ਠਿਤਾ। ਪਰਿਚਿਤਾਤਿ ਸਮਨ੍ਤਤੋ ਚਿਤਾ ਆਚਿਤਾ ਉਪਚਿਤਾ। ਸੁਸਮਾਰਦ੍ਧਾਤਿ ਸੁਪ੍ਪਗੁਣਕਰਣੇਨ ਸੁਟ੍ਠੁ ਸਮਾਰਦ੍ਧਾ। ਪਰਿਯਾਦਾਯ ਤਿਟ੍ਠਤੀਤਿ ਪਰਿਯਾਦਿਯਿਤ੍વਾ ਗਹੇਤ੍વਾ ਤਿਟ੍ਠਤਿ। ਮਾ ਹੇવਨ੍ਤਿਸ੍ਸ વਚਨੀਯੋਤਿ ਯਸ੍ਮਾ ਅਭੂਤਬ੍ਯਾਕਰਣਂ ਬ੍ਯਾਕਰੋਤਿ, ਤਸ੍ਮਾ ‘‘ਮਾ ਏવਂ ਭਣੀ’’ਤਿ વਤ੍ਤਬ੍ਬੋ। ਯਦਿਦਂ ਮੇਤ੍ਤਾਚੇਤੋવਿਮੁਤ੍ਤੀਤਿ ਯਾ ਅਯਂ ਮੇਤ੍ਤਾਚੇਤੋવਿਮੁਤ੍ਤਿ, ਇਦਂ ਨਿਸ੍ਸਰਣਂ ਬ੍ਯਾਪਾਦਸ੍ਸ, ਬ੍ਯਾਪਾਦਤੋ ਨਿਸ੍ਸਟਾਤਿ ਅਤ੍ਥੋ। ਯੋ ਪਨ ਮੇਤ੍ਤਾਯ ਤਿਕਚਤੁਕ੍ਕਜ੍ਝਾਨਤੋ વੁਟ੍ਠਿਤੋ ਸਙ੍ਖਾਰੇ ਸਮ੍ਮਸਿਤ੍વਾ ਤਤਿਯਮਗ੍ਗਂ ਪਤ੍વਾ ‘‘ਪੁਨ ਬ੍ਯਾਪਾਦੋ ਨਤ੍ਥੀ’’ਤਿ ਤਤਿਯਫਲੇਨ ਨਿਬ੍ਬਾਨਂ ਪਸ੍ਸਤਿ, ਤਸ੍ਸ ਚਿਤ੍ਤਂ ਅਚ੍ਚਨ੍ਤਨਿਸ੍ਸਰਣਂ ਬ੍ਯਾਪਾਦਸ੍ਸ। ਏਤੇਨੁਪਾਯੇਨ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ।
13. Tatiye nissāraṇīyā dhātuyoti nissaraṇadhātuyova. Mettā hi kho me cetovimuttīti ettha paccanīkadhammehi vimuttattā tikacatukkajjhānikā mettāva mettācetovimutti nāma . Bhāvitāti vaḍḍhitā. Bahulīkatāti punappunaṃ katā. Yānīkatāti yuttayānasadisā katā. Vatthukatāti patiṭṭhā katā. Anuṭṭhitāti adhiṭṭhitā. Paricitāti samantato citā ācitā upacitā. Susamāraddhāti suppaguṇakaraṇena suṭṭhu samāraddhā. Pariyādāya tiṭṭhatīti pariyādiyitvā gahetvā tiṭṭhati. Mā hevantissa vacanīyoti yasmā abhūtabyākaraṇaṃ byākaroti, tasmā ‘‘mā evaṃ bhaṇī’’ti vattabbo. Yadidaṃ mettācetovimuttīti yā ayaṃ mettācetovimutti, idaṃ nissaraṇaṃ byāpādassa, byāpādato nissaṭāti attho. Yo pana mettāya tikacatukkajjhānato vuṭṭhito saṅkhāre sammasitvā tatiyamaggaṃ patvā ‘‘puna byāpādo natthī’’ti tatiyaphalena nibbānaṃ passati, tassa cittaṃ accantanissaraṇaṃ byāpādassa. Etenupāyena sabbattha attho veditabbo.
ਅਨਿਮਿਤ੍ਤਾਚੇਤੋવਿਮੁਤ੍ਤੀਤਿ ਬਲવવਿਪਸ੍ਸਨਾ। ਦੀਘਭਾਣਕਾ ਪਨ ਅਰਹਤ੍ਤਫਲਸਮਾਪਤ੍ਤੀਤਿ વਦਨ੍ਤਿ। ਸਾ ਹਿ ਰਾਗਨਿਮਿਤ੍ਤਾਦੀਨਞ੍ਚੇવ ਰੂਪਨਿਮਿਤ੍ਤਾਦੀਨਞ੍ਚ ਨਿਚ੍ਚਨਿਮਿਤ੍ਤਾਦੀਨਞ੍ਚ ਅਭਾવਾ ਅਨਿਮਿਤ੍ਤਾਤਿ વੁਤ੍ਤਾ। ਨਿਮਿਤ੍ਤਾਨੁਸਾਰੀਤਿ વੁਤ੍ਤਪ੍ਪਭੇਦਂ ਨਿਮਿਤ੍ਤਂ ਅਨੁਸਰਣਸਭਾવਂ।
Animittācetovimuttīti balavavipassanā. Dīghabhāṇakā pana arahattaphalasamāpattīti vadanti. Sā hi rāganimittādīnañceva rūpanimittādīnañca niccanimittādīnañca abhāvā animittāti vuttā. Nimittānusārīti vuttappabhedaṃ nimittaṃ anusaraṇasabhāvaṃ.
ਅਸ੍ਮੀਤਿ ਅਸ੍ਮਿਮਾਨੋ। ਅਯਮਹਮਸ੍ਮੀਤਿ ਪਞ੍ਚਸੁ ਖਨ੍ਧੇਸੁ ਅਯਂ ਨਾਮ ਅਹਂ ਅਸ੍ਮੀਤਿ। ਏਤ੍ਤਾવਤਾ ਅਰਹਤ੍ਤਂ ਬ੍ਯਾਕਤਂ ਹੋਤਿ। વਿਚਿਕਿਚ੍ਛਾਕਥਂਕਥਾਸਲ੍ਲਨ੍ਤਿ વਿਚਿਕਿਚ੍ਛਾਭੂਤਂ ਕਥਂਕਥਾਸਲ੍ਲਂ। ਮਾ ਹੇવਨ੍ਤਿਸ੍ਸ વਚਨੀਯੋਤਿ ਸਚੇ ਤੇ ਪਠਮਮਗ੍ਗવਜ੍ਝਾ વਿਚਿਕਿਚ੍ਛਾ ਉਪ੍ਪਜ੍ਜਤਿ, ਅਰਹਤ੍ਤਬ੍ਯਾਕਰਣਂ ਮਿਚ੍ਛਾ ਹੋਤਿ, ਤਸ੍ਮਾ ‘‘ਮਾ ਅਭੂਤਂ ਗਣ੍ਹੀ’’ਤਿ વਾਰੇਤਬ੍ਬੋ। ਅਸ੍ਮੀਤਿ ਮਾਨਸਮੁਗ੍ਘਾਤੋਤਿ ਅਰਹਤ੍ਤਮਗ੍ਗੋ। ਅਰਹਤ੍ਤਮਗ੍ਗਫਲવਸੇਨ ਹਿ ਨਿਬ੍ਬਾਨੇ ਦਿਟ੍ਠੇ ਪੁਨ ਅਸ੍ਮਿਮਾਨੋ ਨਤ੍ਥੀਤਿ ਅਰਹਤ੍ਤਮਗ੍ਗੋ ‘‘ਅਸ੍ਮੀਤਿ ਮਾਨਸਮੁਗ੍ਘਾਤੋ’’ਤਿ વੁਤ੍ਤੋ। ਇਤਿ ਇਮਸ੍ਮਿਂ ਸੁਤ੍ਤੇ ਅਭੂਤਬ੍ਯਾਕਰਣਂ ਨਾਮ ਕਥਿਤਂ।
Asmīti asmimāno. Ayamahamasmīti pañcasu khandhesu ayaṃ nāma ahaṃ asmīti. Ettāvatā arahattaṃ byākataṃ hoti. Vicikicchākathaṃkathāsallanti vicikicchābhūtaṃ kathaṃkathāsallaṃ. Mā hevantissa vacanīyoti sace te paṭhamamaggavajjhā vicikicchā uppajjati, arahattabyākaraṇaṃ micchā hoti, tasmā ‘‘mā abhūtaṃ gaṇhī’’ti vāretabbo. Asmītimānasamugghātoti arahattamaggo. Arahattamaggaphalavasena hi nibbāne diṭṭhe puna asmimāno natthīti arahattamaggo ‘‘asmīti mānasamugghāto’’ti vutto. Iti imasmiṃ sutte abhūtabyākaraṇaṃ nāma kathitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਨਿਸ੍ਸਾਰਣੀਯਸੁਤ੍ਤਂ • 3. Nissāraṇīyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩. ਨਿਸ੍ਸਾਰਣੀਯਸੁਤ੍ਤવਣ੍ਣਨਾ • 3. Nissāraṇīyasuttavaṇṇanā
