| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. ниссаяабажжаяанид̣̇д̣̇зсаван̣н̣анаа
8. Nissayapaccayaniddesavaṇṇanā
8. ниссаяабажжаяанид̣̇д̣̇зсз сахаж̇аад̇абажжаяанид̣̇д̣̇зсасса буримаанам̣ бан̃жаннам̣ годтаасаанам̣ васзна сахаж̇аад̇аниссаяанаяам̣ д̣̇ассзд̇ваа буна чадтзна годтаасзна бурзж̇аад̇аниссаяанаяам̣ д̣̇ассзд̇ум̣ жагкааяад̇анам̣ жагкувин̃н̃аан̣ад̇хаад̇уяаад̇иаад̣̇и аарад̣̇д̇хам̣. д̇ад̇т̇а яам̣ руубам̣ ниссааяаад̇и вад̇т̇уруубам̣ санд̇хааяа вуд̇д̇ам̣. д̇ан̃хи ниссааяа д̇ивид̇хаа манод̇хаад̇у, табзд̇ваа аруубавибаагам̣ д̣̇ваасад̇д̇ад̇ивид̇хаа мановин̃н̃аан̣ад̇хаад̇ууд̇и имаани бан̃жасад̇д̇ад̇и жид̇д̇аани вад̇д̇анд̇ийд̇и аяам̣ д̇аавзд̇т̇а баал̣иван̣н̣анаа. аяамби ниссаяабажжаяо ж̇аад̇ивасзна гусалаад̣̇ибхзд̣̇ад̇о бан̃жад̇хаава бхиж̇ж̇ад̇и. д̇ад̇т̇а гусало бхуумид̇о жад̇уб̣б̣ид̇хова агусало згавид̇хо вибааго жад̇уб̣б̣ид̇хо, гирияасан̇каад̇о д̇ивид̇хо, руубам̣ згавид̇хамзваад̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
8. Nissayapaccayaniddese sahajātapaccayaniddesassa purimānaṃ pañcannaṃ koṭṭhāsānaṃ vasena sahajātanissayanayaṃ dassetvā puna chaṭṭhena koṭṭhāsena purejātanissayanayaṃ dassetuṃ cakkhāyatanaṃ cakkhuviññāṇadhātuyātiādi āraddhaṃ. Tattha yaṃ rūpaṃ nissāyāti vatthurūpaṃ sandhāya vuttaṃ. Tañhi nissāya tividhā manodhātu, ṭhapetvā arūpavipākaṃ dvāsattatividhā manoviññāṇadhātūti imāni pañcasattati cittāni vattantīti ayaṃ tāvettha pāḷivaṇṇanā. Ayampi nissayapaccayo jātivasena kusalādibhedato pañcadhāva bhijjati. Tattha kusalo bhūmito catubbidhova akusalo ekavidho vipāko catubbidho, kiriyasaṅkhāto tividho, rūpaṃ ekavidhamevāti evamettha nānappakārabhedato viññātabbo vinicchayo.
звам̣ бхиннз банзд̇т̇а жад̇убхуумагамби гусалам̣ бан̃жавогаарз самбаяуд̇д̇агканд̇хаанан̃жзва жид̇д̇асамудтаанаруубасса жа ниссаяабажжаязна бажжаяо ход̇и. д̇ат̇аа агусалам̣ . яам̣ банзд̇т̇а ааруббз уббаж̇ж̇ад̇и, д̇ам̣ аруубад̇хаммаанан̃н̃зва ниссаяабажжаяо ход̇и. гаамааважараруубааважаравибаагам̣ бавад̇д̇з самбаяуд̇д̇ад̇хаммаанан̃жзва жид̇д̇асамудтаанаруубасса жа, бадисанд̇хияам̣ гадад̇д̇ааруубассааби ниссаяабажжаяо ход̇и. аруубааважаравибаагам̣ самбаяуд̇д̇агканд̇хаанам̣язва ход̇и. логуд̇д̇аравибаагам̣ бан̃жавогаарз; самбаяуд̇д̇агаанан̃жзва жид̇д̇асамудтаанаруубасса жа, жад̇увогаарз аруубассзва ниссаяабажжаяо ход̇и. гаамааважарааруубааважарагирияаа бан̃жавогаарз самбаяуд̇д̇агаанан̃жзва жид̇д̇асамудтаанаруубасса жа ниссаяабажжаяо ход̇и, жад̇увогаарз аруубаанан̃н̃зва. руубааважарагирияаа самбаяуд̇д̇агаанан̃жзва жид̇д̇асамудтаанаруубасса жа зганд̇зна ниссаяабажжаяо ход̇и.
Evaṃ bhinne panettha catubhūmakampi kusalaṃ pañcavokāre sampayuttakkhandhānañceva cittasamuṭṭhānarūpassa ca nissayapaccayena paccayo hoti. Tathā akusalaṃ . Yaṃ panettha āruppe uppajjati, taṃ arūpadhammānaññeva nissayapaccayo hoti. Kāmāvacararūpāvacaravipākaṃ pavatte sampayuttadhammānañceva cittasamuṭṭhānarūpassa ca, paṭisandhiyaṃ kaṭattārūpassāpi nissayapaccayo hoti. Arūpāvacaravipākaṃ sampayuttakkhandhānaṃyeva hoti. Lokuttaravipākaṃ pañcavokāre; sampayuttakānañceva cittasamuṭṭhānarūpassa ca, catuvokāre arūpasseva nissayapaccayo hoti. Kāmāvacaraarūpāvacarakiriyā pañcavokāre sampayuttakānañceva cittasamuṭṭhānarūpassa ca nissayapaccayo hoti, catuvokāre arūpānaññeva. Rūpāvacarakiriyā sampayuttakānañceva cittasamuṭṭhānarūpassa ca ekantena nissayapaccayo hoti.
жад̇усамудтаанигаруубасса жа гаммасамудтаанаруубз згам̣ махаабхууд̇ам̣ д̇ин̣н̣ам̣, д̇ийн̣и згасса, д̣̇вз д̣̇виннам̣ махаабхууд̇аанам̣, махаабхууд̇аа убаад̣̇ааруубаанам̣, вад̇т̇уруубам̣ бан̃жавогаарабхавз жад̇убхуумагагусаласса, агусаласса, табзд̇ваа ааруббавибааган̃жзва д̣̇вз бан̃жавин̃н̃аан̣аани жа сзсад̇збхуумагавибаагасса, д̇збхуумагагирияассаад̇и имзсам̣ жад̇уннам̣ д̇хаммараасийнам̣ ниссаяабажжаяо ход̇и. жагкааяад̇анаад̣̇ийни бан̃жа сасамбаяуд̇д̇аанам̣ жагкувин̃н̃аан̣аад̣̇ийнам̣ ниссаяабажжаяо ход̇и. уд̇ужид̇д̇аахаарасамудтаанзсу бана махаабхууд̇аа махаабхууд̇аанан̃жзва убаад̣̇ааруубасса жа ниссаяабажжаязна бажжаяод̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Catusamuṭṭhānikarūpassa ca kammasamuṭṭhānarūpe ekaṃ mahābhūtaṃ tiṇṇaṃ, tīṇi ekassa, dve dvinnaṃ mahābhūtānaṃ, mahābhūtā upādārūpānaṃ, vatthurūpaṃ pañcavokārabhave catubhūmakakusalassa, akusalassa, ṭhapetvā āruppavipākañceva dve pañcaviññāṇāni ca sesatebhūmakavipākassa, tebhūmakakiriyassāti imesaṃ catunnaṃ dhammarāsīnaṃ nissayapaccayo hoti. Cakkhāyatanādīni pañca sasampayuttānaṃ cakkhuviññāṇādīnaṃ nissayapaccayo hoti. Utucittāhārasamuṭṭhānesu pana mahābhūtā mahābhūtānañceva upādārūpassa ca nissayapaccayena paccayoti evamettha paccayuppannatopi viññātabbo vinicchayoti.
ниссаяабажжаяанид̣̇д̣̇зсаван̣н̣анаа.
Nissayapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
