| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
22. ниссаяабадиббассад̣̇д̇хигат̇аа
22. Nissayapaṭippassaddhikathā
аан̣ад̇д̇ивинижчаяо
Āṇattivinicchayo
83. ‘‘ниссаяабадибассад̣̇д̇хийсуу’’д̇и самуухаад̇хааро. ‘‘убаж̇жхааяо багганд̇о ваад̇иаад̣̇ийсуу’’д̇и аваяаваад̇хааро. ‘‘виббавасид̇угаамо’’д̇и иминаа нираалаяабхаавам̣ д̣̇ассзд̇и. звам̣ г̇ад̇зд̇и звам̣ убаж̇жхааяз г̇ад̇зд̇и яож̇анаа. ан̃н̃ад̣̇аабийд̇и ан̃н̃асмимби гаалз. убаж̇жхааязна баваасид̇агаалзд̇и ад̇т̇о. згасамбхог̇абарибхог̇од̇и ад̇д̇анаа ваа убаж̇жхааязна ваа зго бажжаяасамбхог̇о жа д̇хаммабарибхог̇о жа. згад̣̇ивасамбийд̇и бисад̣̇д̣̇о г̇арахад̇т̇о, д̣̇вихаад̣̇игам̣ бана баг̇зваад̇и ад̇т̇о. барихааро над̇т̇ийд̇и аабад̇д̇ибарихааро над̇т̇и, аабад̇д̇ияаа барихаран̣ам̣ абанаяанам̣ над̇т̇ийд̇и ад̇хиббааяо. лаж̇ж̇ий бзсалод̇и лаж̇ж̇ий худ̇ваа бияасийло бхигкууд̇и самб̣анд̇хо. д̇ад̣̇ахзваад̇и д̇асмим̣ убаж̇жхааяасса багганд̇аахани зва. д̇ат̇аад̇и яат̇аа ‘‘убаж̇жхааяо лахум̣ ааг̇амиссад̇ий’’д̇и бужчад̇и, д̇ат̇аа ‘‘ахам̣ лахум̣ ааг̇амиссаамий’’д̇и вуд̇д̇анд̇и ад̇т̇о. сажз вад̣̇ад̇ийд̇и сажз аажарияо вад̣̇ад̇ийд̇и яож̇анаа. ассаад̇и бхигкусса. сабхааг̇ад̇анд̇и лаж̇ж̇ибзсалабхаавам̣.
83. ‘‘Nissayapaṭipassaddhīsū’’ti samūhādhāro. ‘‘Upajjhāyo pakkanto vātiādīsū’’ti avayavādhāro. ‘‘Vippavasitukāmo’’ti iminā nirālayabhāvaṃ dasseti. Evaṃ gateti evaṃ upajjhāye gateti yojanā. Aññadāpīti aññasmimpi kāle. Upajjhāyena pavāsitakāleti attho. Ekasambhogaparibhogoti attanā vā upajjhāyena vā eko paccayasambhogo ca dhammaparibhogo ca. Ekadivasampīti pisaddo garahattho, dvihādikaṃ pana pagevāti attho. Parihāro natthīti āpattiparihāro natthi, āpattiyā pariharaṇaṃ apanayanaṃ natthīti adhippāyo. Lajjī pesaloti lajjī hutvā piyasīlo bhikkhūti sambandho. Tadahevāti tasmiṃ upajjhāyassa pakkantaahani eva. Tathāti yathā ‘‘upajjhāyo lahuṃ āgamissatī’’ti pucchati, tathā ‘‘ahaṃ lahuṃ āgamissāmī’’ti vuttanti attho. Sace vadatīti sace ācariyo vadatīti yojanā. Assāti bhikkhussa. Sabhāgatanti lajjipesalabhāvaṃ.
яаава ааг̇аманаад̇и убаж̇жхааяасса яаава ааг̇аманаа. нанд̇и убаж̇жхааяам̣. ‘‘ваасзнд̇иязваа’’д̇ибад̣̇з гаарид̇агаммам̣. д̇ад̇т̇аад̇и убаж̇жхааяасса г̇ад̇адтаанз. д̇знаад̇и убаж̇жхааязна. бавад̇д̇ийд̇и бавад̇д̇анам̣. над̣̇ийбуурзна ваа убад̣̇д̣̇уд̇од̇и самб̣анд̇хо. над̣̇ийбуурад̇д̇аа уд̣̇агосагганам̣ ааг̇амзд̇и, жораад̣̇ийнам̣ убад̣̇д̣̇уд̇ад̇д̇аа сахааяз бариязсад̇и. сод̇и убаж̇жхааяо.
Yāva āgamanāti upajjhāyassa yāva āgamanā. Nanti upajjhāyaṃ. ‘‘Vāsentiyevā’’tipade kāritakammaṃ. Tatthāti upajjhāyassa gataṭṭhāne. Tenāti upajjhāyena. Pavattīti pavattanaṃ. Nadīpūrena vā upaddutoti sambandho. Nadīpūrattā udakosakkanaṃ āgameti, corādīnaṃ upaddutattā sahāye pariyesati. Soti upajjhāyo.
‘‘ниссаяабан̣ааманаа’’д̇и иминаа аан̣аабанам̣ аан̣ад̇д̇ийд̇и важанад̇т̇зна ниссаяабан̣ааманаа аан̣ад̇д̇ийд̇и вужжад̇ийд̇и д̣̇ассзд̇и. ниссаяабан̣ааманаад̇и ниссаяасса убаж̇жхаажарияасса бан̣ааманаа. д̇асмаа бан̣аамид̇о ход̇ийд̇и самб̣анд̇хо. ‘‘аабужчийд̇иаад̣̇инаа’’д̇и зд̇т̇а аад̣̇исад̣̇д̣̇зна ‘‘маа мам̣ сусаанаг̇аманам̣ аабужчий’’д̇иаад̣̇аяо сан̇г̇ан̣хаад̇и. д̇знаад̇и сад̣̇д̇хивихааригзна. камаабзд̇аб̣б̣од̇и д̇ид̇игкаабзд̇аб̣б̣о.
‘‘Nissayapaṇāmanā’’ti iminā āṇāpanaṃ āṇattīti vacanatthena nissayapaṇāmanā āṇattīti vuccatīti dasseti. Nissayapaṇāmanāti nissayassa upajjhācariyassa paṇāmanā. Tasmā paṇāmito hotīti sambandho. ‘‘Āpucchītiādinā’’ti ettha ādisaddena ‘‘mā maṃ susānagamanaṃ āpucchī’’tiādayo saṅgaṇhāti. Tenāti saddhivihārikena. Khamāpetabboti titikkhāpetabbo.
д̇ааваад̇и махаат̇зрзхи, махаат̇зраанам̣ ваа батамам̣. ан̃н̃ад̇т̇аад̇и убаж̇жхааяасса вихаарад̇о ан̃н̃ам̣ вихаарам̣. аббзваад̇и аби зва наама камзяяаад̇и яож̇анаа. д̇ад̇рзваад̇и ан̃н̃ад̇т̇зва. д̣̇уб̣бхигкаад̣̇ид̣̇осзнаад̇и зд̇т̇а аад̣̇исад̣̇д̣̇зна н̃аад̇ивияог̇аад̣̇ид̣̇осо г̇ахзд̇аб̣б̣о. д̇ам̣язваад̇и ад̇д̇анаа васид̇ам̣ д̇амзва таанам̣. ан̃н̃ассаад̇и убаж̇жхааяад̇о ан̃н̃асса бхигкуссаад̇и самб̣анд̇хо. иминаа убаж̇жхааязна барижжад̇д̇ад̇д̇аа убаж̇жхааяасамод̇хаанз ниссаяабадиббассад̣̇д̇хи над̇т̇ийд̇и д̣̇ийбзд̇и.
Tāvāti mahātherehi, mahātherānaṃ vā paṭhamaṃ. Aññatthāti upajjhāyassa vihārato aññaṃ vihāraṃ. Appevāti api eva nāma khameyyāti yojanā. Tatrevāti aññattheva. Dubbhikkhādidosenāti ettha ādisaddena ñātiviyogādidoso gahetabbo. Taṃyevāti attanā vasitaṃ tameva ṭhānaṃ. Aññassāti upajjhāyato aññassa bhikkhussāti sambandho. Iminā upajjhāyena pariccattattā upajjhāyasamodhāne nissayapaṭippassaddhi natthīti dīpeti.
самод̇хаанавинижчаяо
Samodhānavinicchayo
аабужчид̇ваад̇и =00 анд̇зваасигам̣ аабужчид̇ваа. д̇ад̇раабийд̇и аажарияанд̇зваасигзсуби. гад̣̇аад̇и гасмим̣ гаалз. сааяанхз ваа рад̇д̇им̣ваад̇и аж̇ж̇а сааяанхз ваа рад̇д̇им̣ ваа. д̇ам̣кан̣зязваад̇и д̇асмим̣ самбадижчанагкан̣зязва.
Āpucchitvāti =00 antevāsikaṃ āpucchitvā. Tatrāpīti ācariyantevāsikesupi. Kadāti kasmiṃ kāle. Sāyanhe vā rattiṃvāti ajja sāyanhe vā rattiṃ vā. Taṃkhaṇeyevāti tasmiṃ sampaṭicchanakkhaṇeyeva.
со жаад̇и анд̇зваасиго жа. д̇ад̇од̇и г̇аамад̇о. суг̇ад̇од̇и судту г̇ад̇о, ниссаяо бадиббассамбхад̇ийд̇и ад̇хиббааяо. ат̇аабийд̇и буна жа барам̣. аабужчид̇ваа баггаманз винижчаяам̣ д̣̇ассзд̇ваа аабужчид̇ваа баггаманз д̇ам̣ д̣̇ассзнд̇о ааха ‘‘аажарияам̣ анаабужчаа’’д̇иаад̣̇и. убажаарасиймаад̇иггамзд̇и убажаарасиймааяа ад̇иггамз сад̇и, ад̇иггаманахзд̇у ваад̇и яож̇анаа. зд̇т̇а жа убажаарасиймаа наама баригкид̇д̇асса вихаарасса баригкзбоязва, абаригкид̇д̇асса баригкзбаарахадтаанам̣.
So cāti antevāsiko ca. Tatoti gāmato. Sugatoti suṭṭhu gato, nissayo paṭippassambhatīti adhippāyo. Athāpīti puna ca paraṃ. Āpucchitvā pakkamane vinicchayaṃ dassetvā āpucchitvā pakkamane taṃ dassento āha ‘‘ācariyaṃ anāpucchā’’tiādi. Upacārasīmātikkameti upacārasīmāya atikkame sati, atikkamanahetu vāti yojanā. Ettha ca upacārasīmā nāma parikkhittassa vihārassa parikkhepoyeva, aparikkhittassa parikkhepārahaṭṭhānaṃ.
сааяанхз ваа рад̇д̇ибхааг̇з ваад̇и аж̇ж̇а сааяанхз ваа рад̇д̇ибхааг̇з ваа. свзд̇и сувз.
Sāyanhe vā rattibhāge vāti ajja sāyanhe vā rattibhāge vā. Sveti suve.
б̣ахисийманд̇и убажаарасиймад̇о б̣ахи. д̇ад̇од̇и б̣ахисиймад̇о. д̣̇виннам̣ лзд̣д̣убаад̇аананд̇и анд̇зваасигад̇о д̣̇виннам̣ лзд̣д̣убаад̇аанам̣. ад̇иггамид̇ваад̇и убажаарасиймад̇о б̣ахи анд̇зваасигасад̣̇д̇хивихааригаанам̣ васанадтаанад̇о ад̇иггамид̇ваа.
Bahisīmanti upacārasīmato bahi. Tatoti bahisīmato. Dvinnaṃ leḍḍupātānanti antevāsikato dvinnaṃ leḍḍupātānaṃ. Atikkamitvāti upacārasīmato bahi antevāsikasaddhivihārikānaṃ vasanaṭṭhānato atikkamitvā.
мужжид̇угаамод̇и анд̇зваасигамхаа мужжид̇угаамо зва. бан̣аамзд̇ийд̇и гааяаваажаахи бан̣аамзд̇и. саалаяод̇и аажарияз саабзгко. ‘‘нираалаяо’’д̇и вад̇ваа д̇асса ад̇т̇ам̣ д̣̇ассзд̇ум̣ вуд̇д̇ам̣ ‘‘на д̣̇ааний’’д̇иаад̣̇и. звамбийд̇и д̇хурз нигкид̇д̇зби. убхиннам̣ д̇хуранигкзбз сад̇и, д̇хуранигкзбахзд̇у ваа бадиббассамбхад̇ийд̇и яож̇анаа. бан̣аамид̇зна бадибаж̇ж̇ид̇аб̣б̣анд̇и самб̣анд̇хо.
Muccitukāmoti antevāsikamhā muccitukāmo eva. Paṇāmetīti kāyavācāhi paṇāmeti. Sālayoti ācariye sāpekkho. ‘‘Nirālayo’’ti vatvā tassa atthaṃ dassetuṃ vuttaṃ ‘‘na dānī’’tiādi. Evampīti dhure nikkhittepi. Ubhinnaṃ dhuranikkhepe sati, dhuranikkhepahetu vā paṭippassambhatīti yojanā. Paṇāmitena paṭipajjitabbanti sambandho.
вуд̇д̇амзвад̇т̇ам̣ вид̇т̇аарзнд̇о ааха ‘‘сажз хий’’д̇иаад̣̇и. аажарияанд̇и ниссаяаажарияам̣. жзд̇ияам̣ ваа ванд̣̇анд̇ам̣ убаж̇жхааяанд̇и самб̣анд̇хо, маг̇г̇аббадибаннам̣ ваа убаж̇жхааяанд̇и яож̇анаа. д̣̇уурад̇д̇аад̇и д̣̇уурабхаавад̇о. убарибаасаад̣̇зд̇и баасаад̣̇асса убари. д̇анд̇и убаж̇жхааяам̣. нисиннам̣ убаж̇жхааяанд̇и самб̣анд̇хо.
Vuttamevatthaṃ vitthārento āha ‘‘sace hī’’tiādi. Ācariyanti nissayācariyaṃ. Cetiyaṃ vā vandantaṃ upajjhāyanti sambandho, maggappaṭipannaṃ vā upajjhāyanti yojanā. Dūrattāti dūrabhāvato. Uparipāsādeti pāsādassa upari. Tanti upajjhāyaṃ. Nisinnaṃ upajjhāyanti sambandho.
саванавасзна самод̇хаанз винижчаяо звам̣ взд̣̇ид̇аб̣б̣од̇и яож̇анаа. убаж̇жхааяасса сад̣̇д̣̇анд̇и самб̣анд̇хо.
Savanavasena samodhāne vinicchayo evaṃ veditabboti yojanā. Upajjhāyassa saddanti sambandho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 22. ниссаяабадиббассад̣̇д̇хигат̇аа • 22. Nissayapaṭippassaddhikathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ниссаяабадиббассад̣̇д̇хигат̇аа • Nissayapaṭippassaddhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ниссаяабадиббассад̣̇д̇хигат̇ааван̣н̣анаа • Nissayapaṭippassaddhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ниссаяабадиббассад̣̇д̇хигат̇ааван̣н̣анаа • Nissayapaṭippassaddhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ниссаяабадиббассад̣̇д̇хигат̇ааван̣н̣анаа • Nissayapaṭippassaddhikathāvaṇṇanā
