| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
ниссаяабадиббассад̣̇д̇хигат̇ааван̣н̣анаа
Nissayapaṭippassaddhikathāvaṇṇanā
83. д̣̇исам̣ г̇ад̇од̇и д̇ад̇т̇а д̇хуранигкид̇д̇аваасо худ̇ваа д̇ирог̇аамам̣ г̇ад̇о. яад̇т̇а ниссаяо лаб̣бхад̇и, д̇ад̇т̇а г̇анд̇аб̣б̣анд̇и зд̇т̇ааби убаж̇жхааяз вуд̇д̇анаязнзва ‘‘гад̇ибаахзна г̇амиссаамий’’д̇и г̇аманз жзса уссаахо рагкад̇и. маа ид̇ха бадиггамийд̇и маа ид̇ха г̇ажча. сабхааг̇аа наама убаж̇жхааяасса сиссаа. д̇ад̇т̇а ниссаяам̣ г̇ахзд̇ваа. яад̣̇и звам̣ го висзсод̇и жз? д̇зна ид̣̇ам̣ вужжад̇и ‘‘аббзва наама камзяяаа’’д̇и. васид̇ум̣ ваддад̇ийд̇и убаж̇жхааязна барижжад̇д̇ад̇д̇аа убаж̇жхааяасамод̇хаанам̣ нирад̇т̇аганд̇и ад̇т̇о. сажз убаж̇жхааяо жирзна ануг̇г̇ахзд̇угаамо ход̇и, д̇ад̇о бадтааяа убаж̇жхааяова ниссаяо. убаж̇жхааяо жз алаж̇ж̇ий ход̇и, сад̣̇д̇хивихааригзна анзгагкад̇д̇ум̣ ваарзд̇ваа авираманд̇ам̣ убаж̇жхааяам̣ бахааяа винааби ниссаяабан̣ааманзна ан̃н̃асса санд̇игз ниссаяам̣ г̇ахзд̇ваа васид̇аб̣б̣ам̣. убаж̇жхааяасса жз лин̇г̇ам̣ баривад̇д̇ад̇и, згад̣̇ивасамби на рагкад̇и. багкабан̣д̣аго жз ход̇и, ниссаяаж̇аад̇иго жз ‘‘убаж̇жхааяасса суггабагкам̣ ааг̇амзхий’’д̇и вад̣̇ад̇и, саяамзва ваа ааг̇амзд̇и, ваддад̇и. убаж̇жхааяо жз угкзбанияагаммагад̇о ход̇и, наанаасам̣ваасагабхуумияам̣ тид̇ад̇д̇аа ниссаяо бадиббассамбхад̇и. саммаавад̇д̇анд̇ам̣ бана бассид̇ваа гаммабадиббассад̣̇д̇хим̣ ааг̇амзд̇ум̣ лабхад̇и. маанад̇д̇аажаарий жз ход̇и, аб̣бхаанам̣ ааг̇амзд̇аб̣б̣ам̣. д̣̇ийгхам̣ жз бариваасам̣ жарад̇и, ан̃н̃асса санд̇игз ниссаяо г̇ахзд̇аб̣б̣о, убаж̇жхааяасамод̇хаанам̣ аббамаан̣ам̣. бариваасамаанад̇д̇ажааринаа хи на ниссаяо д̣̇аад̇аб̣б̣о. яам̣ бана баариваасигагканд̇хагадтагат̇ааяам̣ вуд̇д̇ам̣ ‘‘сад̣̇д̇хивихааригаанамби саад̣̇ияанд̇асса д̣̇уггадамзваа’’д̇иаад̣̇и (жуул̣ава. адта. 75), д̇ам̣ яат̇аавуд̇д̇амад̇т̇ам̣ саад̇хзд̇и зва. яам̣ бана вуд̇д̇ам̣ ‘‘сажз сад̣̇д̇хаабаб̣б̣аж̇ид̇аа гулабуд̇д̇аа ‘д̇умхз, бханд̇з, винаяагаммамад̇д̇ам̣ гарот̇аа’’д̇и вад̇ваа вад̇д̇ам̣ гаронд̇иязва, г̇аамаббавзсанам̣ аабужчанд̇иязва, д̇ам̣ ваарид̇агаалад̇о бадтааяа анаабад̇д̇ий’’д̇и. д̇ам̣ вад̇д̇асаад̣̇ияанабажжаяаа д̣̇уггадаабхаавамад̇д̇ад̣̇ийбанад̇т̇ам̣, сад̣̇д̇хивихааригаанам̣ саабзгкад̇ам̣ ваа санд̇хааяа вуд̇д̇анд̇и взд̣̇ид̇аб̣б̣ам̣. д̇асмаа д̇з жз убаж̇жхааязна ваарид̇аануруубамзва бадибаж̇ж̇анд̇и, ниссаяо д̇зсам̣ бадиббассад̣̇д̇ход̇и сид̣̇д̇хам̣ ход̇и.
83.Disaṃ gatoti tattha dhuranikkhittavāso hutvā tirogāmaṃ gato. Yattha nissayo labbhati, tattha gantabbanti etthāpi upajjhāye vuttanayeneva ‘‘katipāhena gamissāmī’’ti gamane cesa ussāho rakkhati. Mā idha paṭikkamīti mā idha gaccha. Sabhāgā nāma upajjhāyassa sissā. Tattha nissayaṃ gahetvā. Yadi evaṃ ko visesoti ce? Tena idaṃ vuccati ‘‘appeva nāma khameyyā’’ti. Vasituṃ vaṭṭatīti upajjhāyena pariccattattā upajjhāyasamodhānaṃ niratthakanti attho. Sace upajjhāyo cirena anuggahetukāmo hoti, tato paṭṭhāya upajjhāyova nissayo. Upajjhāyo ce alajjī hoti, saddhivihārikena anekakkhattuṃ vāretvā aviramantaṃ upajjhāyaṃ pahāya vināpi nissayapaṇāmanena aññassa santike nissayaṃ gahetvā vasitabbaṃ. Upajjhāyassa ce liṅgaṃ parivattati, ekadivasampi na rakkhati. Pakkhapaṇḍako ce hoti, nissayajātiko ce ‘‘upajjhāyassa sukkapakkhaṃ āgamehī’’ti vadati, sayameva vā āgameti, vaṭṭati. Upajjhāyo ce ukkhepaniyakammakato hoti, nānāsaṃvāsakabhūmiyaṃ ṭhitattā nissayo paṭippassambhati. Sammāvattantaṃ pana passitvā kammapaṭippassaddhiṃ āgametuṃ labhati. Mānattācārī ce hoti, abbhānaṃ āgametabbaṃ. Dīghaṃ ce parivāsaṃ carati, aññassa santike nissayo gahetabbo, upajjhāyasamodhānaṃ appamāṇaṃ. Parivāsamānattacārinā hi na nissayo dātabbo. Yaṃ pana pārivāsikakkhandhakaṭṭhakathāyaṃ vuttaṃ ‘‘saddhivihārikānampi sādiyantassa dukkaṭamevā’’tiādi (cūḷava. aṭṭha. 75), taṃ yathāvuttamatthaṃ sādheti eva. Yaṃ pana vuttaṃ ‘‘sace saddhāpabbajitā kulaputtā ‘tumhe, bhante, vinayakammamattaṃ karothā’’ti vatvā vattaṃ karontiyeva, gāmappavesanaṃ āpucchantiyeva, taṃ vāritakālato paṭṭhāya anāpattī’’ti. Taṃ vattasādiyanapaccayā dukkaṭābhāvamattadīpanatthaṃ, saddhivihārikānaṃ sāpekkhataṃ vā sandhāya vuttanti veditabbaṃ. Tasmā te ce upajjhāyena vāritānurūpameva paṭipajjanti, nissayo tesaṃ paṭippassaddhoti siddhaṃ hoti.
д̣̇вз лзд̣д̣убаад̇з ад̇иггамид̇ваа нивад̇д̇ад̇ийд̇и ‘‘зд̇д̇аавад̇аа д̣̇исаабагганд̇о наама ход̇и, д̇асмаа анд̇зваасигз анигкид̇д̇ад̇хурзби ниссаяо бадиббассамбхад̇и. аажарияубаж̇жхааяаа д̣̇вз лзд̣д̣убаад̇з анад̇иггамма лзд̣д̣убаад̇ад̣̇ваяаб̣бханд̇арз д̇ировихаарзби баригкид̇д̇з, абаригкид̇д̇з ваа васид̇ум̣ ваддад̇ий’’д̇и ликид̇ам̣. абаригкид̇д̇зязваад̇и но д̇аггод̇и аажарияо, зд̇т̇а бана абаригкид̇д̇асса баригкзбаарахадтаанад̇о вимуд̇д̇з ан̃н̃асмим̣ вихаарз васанд̇ийд̇и ад̇хиббааяо. вихаарод̇и жзд̇т̇а ‘‘д̇аад̣̇исасса вихаарасса анд̇з тид̇аа згаа гудигаа ад̇хиббзд̇аад̇и убад̇иссад̇т̇зро’’д̇и вуд̇д̇ам̣. д̇ад̇т̇а ‘‘сажз убхоби аажарияанд̇зваасигаа гзнажи…бз… ниссаяо на бадиббассамбхад̇ий’’д̇и иминаа сааман̃н̃ад̇о вуд̇д̇зна адтагат̇ааважанзна д̇хаммасирид̇т̇зраваад̣̇о самзд̇и. абаригкид̇д̇з ваад̇и д̣̇виннам̣ лзд̣д̣убаад̇аанам̣ анд̇о баригкид̇д̇о ваа ход̇и абаригкид̇д̇о ваа. ‘‘б̣ахисийма’’нд̇и жа вуд̇д̇ад̇д̇аа анд̇овихаарасиймааяам̣ д̣̇вз лзд̣д̣убаад̇з ад̇иггамид̇вааби васид̇ум̣ ваддад̇ийд̇и сид̣̇д̇хад̇д̇аа бана убад̇иссад̇т̇зраваад̣̇о на самзд̇и. згааваасз хи баригкид̇д̇з ваа абаригкид̇д̇з ваа анд̇амасо анд̇од̇ияож̇анзби васад̇о ниссаяо на бадиббассамбхад̇и. со жа убажаарасиймааяа барижчинно, саа жа убажаарасиймаа баригкид̇д̇асса вихаарасса баригкзбзна абаригкид̇д̇асса баригкзбаарахадтаанзна барижчинно згааваасо.
Dve leḍḍupāte atikkamitvā nivattatīti ‘‘ettāvatā disāpakkanto nāma hoti, tasmā antevāsike anikkhittadhurepi nissayo paṭippassambhati. Ācariyupajjhāyā dve leḍḍupāte anatikkamma leḍḍupātadvayabbhantare tirovihārepi parikkhitte, aparikkhitte vā vasituṃ vaṭṭatī’’ti likhitaṃ. Aparikkhitteyevāti no takkoti ācariyo, ettha pana aparikkhittassa parikkhepārahaṭṭhānato vimutte aññasmiṃ vihāre vasantīti adhippāyo. Vihāroti cettha ‘‘tādisassa vihārassa ante ṭhitā ekā kuṭikā adhippetāti upatissatthero’’ti vuttaṃ. Tattha ‘‘sace ubhopi ācariyantevāsikā kenaci…pe… nissayo na paṭippassambhatī’’ti iminā sāmaññato vuttena aṭṭhakathāvacanena dhammasirittheravādo sameti. Aparikkhitte vāti dvinnaṃ leḍḍupātānaṃ anto parikkhitto vā hoti aparikkhitto vā. ‘‘Bahisīma’’nti ca vuttattā antovihārasīmāyaṃ dve leḍḍupāte atikkamitvāpi vasituṃ vaṭṭatīti siddhattā pana upatissattheravādo na sameti. Ekāvāse hi parikkhitte vā aparikkhitte vā antamaso antotiyojanepi vasato nissayo na paṭippassambhati. So ca upacārasīmāya paricchinno, sā ca upacārasīmā parikkhittassa vihārassa parikkhepena aparikkhittassa parikkhepārahaṭṭhānena paricchinno ekāvāso.
убосат̇агканд̇хагз згааваасавимад̇ияам̣ сиймааяа анун̃н̃аад̇ад̇д̇аад̇и жз? на, жийварагканд̇хагадтагат̇ааяа вижаарид̇ад̇д̇аа. яат̇ааха ‘‘сиймадтагасан̇гхо бхааж̇зд̇ваа г̇ан̣хаад̇уу’’д̇и (махаава. адта. 379). гад̇арасиймааяа бхааж̇зд̇аб̣б̣ам̣? махаасивад̇т̇зро гирааха ‘‘авиббаваасасиймааяаа’’д̇и. д̇ад̇о нам̣ аахам̣су ‘‘авиббаваасасиймаа наама д̇ияож̇анааби ход̇и, звам̣ санд̇з д̇ияож̇анз тид̇аа лаабхам̣ г̇ан̣хиссанд̇и, д̇ияож̇анз тад̇ваа ааг̇анд̇угавад̇д̇ам̣ буурзд̇ваа аараамам̣ бависид̇аб̣б̣ам̣ бхависсад̇и, г̇амиго д̇ияож̇анам̣ г̇анд̇ваа сзнаасанам̣ аабужчиссад̇и, ниссаяабадиббаннасса д̇ияож̇анаад̇иггамз ниссаяо бадиббассамбхиссад̇и, баариваасигзна д̇ияож̇анам̣ ад̇иггамид̇ваа арун̣ам̣ удтаабзд̇аб̣б̣ам̣ бхависсад̇и, бхигкунияаа д̇ияож̇анз тад̇ваа аараамаббавзсанаа аабужчид̇аб̣б̣аа бхависсад̇и, саб̣б̣амзд̇ам̣ убажаарасиймаабарижчзд̣̇авасзна гаад̇ум̣ ваддад̇ийд̇и. д̇асмаа анд̇оубажаарасиймааяа лзд̣д̣убаад̇ад̣̇ваяам̣ ад̇иггамид̇вааби васад̇о ниссаяо д̇ияож̇анаад̇иггамз ниссаяо на бадиббассамбхад̇ийд̇и сид̣̇д̇хам̣. гааман̃жзд̇т̇а убажаарасиймааяа д̇ияож̇анаббамаан̣ааяа, ад̇ирзгааяа ваа яат̇аавуд̇д̇ад̣̇осаббасан̇г̇о сияаад̇и. саа хи ааваасзсу вад̣дханд̇зсу вад̣дхад̇и, барихааяанд̇зсу барихааяад̇ийд̇и вуд̇д̇ад̇д̇аа, д̇асмаа д̇аад̣̇исасса вихаарасса анд̇з тид̇аа згаа гуди вихаарод̇и ид̇хаад̇хиббзд̇аа. сааби д̇ассзва вихаарасса гудигаава ход̇ийд̇и гад̇ваа со ааваасо ход̇и. наанааваасо зва жз ад̇хиббзд̇о, ‘‘анд̇з тид̇аа гудигаа’’д̇и на вад̇д̇аб̣б̣ам̣. д̣̇виннам̣ лзд̣д̣убаад̇аанам̣ аб̣бханд̇арз бана абаригкид̇д̇з наанааваасз ниссаяо на бадиббассамбхад̇ийд̇и явааяам̣ ‘‘но д̇агго’’д̇и вуд̇д̇о, со д̇аад̣̇исз наанааваасз сзнаасанаг̇г̇аахасса аббадиббассад̣̇д̇хинаязна вуд̇д̇о. сзнаасанаг̇г̇аахо хи ‘‘г̇ахан̣зна г̇ахан̣ам̣ аалаяо бадиббассамбхад̇ий’’д̇и лагкан̣ад̇д̇аа ид̇арад̇т̇а бадиббассамбхад̇и. д̇ад̇рааяам̣ баал̣и ‘‘д̇зна ко бана самаязна ааяасмаа убананд̣̇о сагяабуд̇д̇о зго д̣̇вийсу ааваасзсу вассам̣ васи…бз… д̣̇зт̇а, бхигкавз, могхабурисасса згаад̇хиббааяа’’нд̇и (махаава. 364). адтагат̇ааяан̃жасса звам̣ вуд̇д̇ам̣ ‘‘ид̣̇ан̃жа наанаалаабхзхи наануубажаарзхи згасиймавихаарзхи гат̇ид̇ам̣, наанаасиймавихаарз бана сзнаасанаг̇г̇аахо бадиббассамбхад̇ий’’д̇и (махаава. адта. 364). абаригкид̇д̇аа наанааваасаа згуубажаарасан̇кяам̣ г̇ажчанд̇и. баригкид̇д̇ан̃жа згуубажаарам̣ абаригкид̇д̇асан̇кяам̣ г̇ажчад̇и. зд̇д̇аавад̇аа лзд̣д̣убаад̇ад̣̇ваяаб̣бханд̇арз абаригкид̇д̇з ан̃н̃асмим̣ вихаарз васад̇о ниссаяо бана на бадиббассамбхад̇и, баригкид̇д̇з бадиббассамбхад̇и зваад̇и аяамад̇т̇о саад̇хид̇од̇и. зд̇т̇ааха – д̣̇вз лзд̣д̣убаад̇з ад̇иггамид̇ваава сад̇оби ниссаяо на бадиббассамбхад̇и. вуд̇д̇ан̃хи ниссаг̇г̇ияадтагат̇ааяам̣ ‘‘сажз г̇ажчанд̇аанам̣язва асамбад̇д̇зсу д̣̇ахарзсу арун̣ам̣ уг̇г̇ажчад̇и, жийварам̣ ниссаг̇г̇ияам̣ ход̇и, ниссаяо бана на бадиббассамбхад̇ий’’д̇и (баараа. адта. 2.495)? вужжад̇з – д̇ам̣ убаж̇жхааязна самааг̇амз сауссаахад̇ааяа вуд̇д̇ам̣. ид̇ха д̇хуваваасам̣ санд̇хааяа, д̇асмаа ан̃н̃аман̃н̃ам̣ на виломзнд̇и . гзжи бана ‘‘д̣̇вз лзд̣д̣убаад̇ам̣ ад̇иггаммаад̇и ид̣̇ам̣ д̣̇звасигам̣ аарожзд̇ваа васанавасзна вуд̇д̇а’’нд̇и вад̣̇анд̇и, д̇ам̣ д̇зсам̣ мад̇имад̇д̇амзваад̇и мама д̇агго. д̣̇звасигам̣ аарожзд̇ваа вад̇т̇аб̣б̣анд̇и хи нзва баал̣ияам̣ на адтагат̇ааяам̣ д̣̇иссад̇и, д̇ан̃жа бана абагад̇ан̃н̃уухи аажин̣н̣анд̇и взд̣̇ид̇аб̣б̣ам̣.
Uposathakkhandhake ekāvāsavimatiyaṃ sīmāya anuññātattāti ce? Na, cīvarakkhandhakaṭṭhakathāya vicāritattā. Yathāha ‘‘sīmaṭṭhakasaṅgho bhājetvā gaṇhātū’’ti (mahāva. aṭṭha. 379). Katarasīmāya bhājetabbaṃ? Mahāsivatthero kirāha ‘‘avippavāsasīmāyā’’ti. Tato naṃ āhaṃsu ‘‘avippavāsasīmā nāma tiyojanāpi hoti, evaṃ sante tiyojane ṭhitā lābhaṃ gaṇhissanti, tiyojane ṭhatvā āgantukavattaṃ pūretvā ārāmaṃ pavisitabbaṃ bhavissati, gamiko tiyojanaṃ gantvā senāsanaṃ āpucchissati, nissayapaṭippannassa tiyojanātikkame nissayo paṭippassambhissati, pārivāsikena tiyojanaṃ atikkamitvā aruṇaṃ uṭṭhāpetabbaṃ bhavissati, bhikkhuniyā tiyojane ṭhatvā ārāmappavesanā āpucchitabbā bhavissati, sabbametaṃ upacārasīmāparicchedavasena kātuṃ vaṭṭatīti. Tasmā antoupacārasīmāya leḍḍupātadvayaṃ atikkamitvāpi vasato nissayo tiyojanātikkame nissayo na paṭippassambhatīti siddhaṃ. Kāmañcettha upacārasīmāya tiyojanappamāṇāya, atirekāya vā yathāvuttadosappasaṅgo siyāti. Sā hi āvāsesu vaḍḍhantesu vaḍḍhati, parihāyantesu parihāyatīti vuttattā, tasmā tādisassa vihārassa ante ṭhitā ekā kuṭi vihāroti idhādhippetā. Sāpi tasseva vihārassa kuṭikāva hotīti katvā so āvāso hoti. Nānāvāso eva ce adhippeto, ‘‘ante ṭhitā kuṭikā’’ti na vattabbaṃ. Dvinnaṃ leḍḍupātānaṃ abbhantare pana aparikkhitte nānāvāse nissayo na paṭippassambhatīti yvāyaṃ ‘‘no takko’’ti vutto, so tādise nānāvāse senāsanaggāhassa appaṭippassaddhinayena vutto. Senāsanaggāho hi ‘‘gahaṇena gahaṇaṃ ālayo paṭippassambhatī’’ti lakkhaṇattā itarattha paṭippassambhati. Tatrāyaṃ pāḷi ‘‘tena kho pana samayena āyasmā upanando sakyaputto eko dvīsu āvāsesu vassaṃ vasi…pe… detha, bhikkhave, moghapurisassa ekādhippāya’’nti (mahāva. 364). Aṭṭhakathāyañcassa evaṃ vuttaṃ ‘‘idañca nānālābhehi nānūpacārehi ekasīmavihārehi kathitaṃ, nānāsīmavihāre pana senāsanaggāho paṭippassambhatī’’ti (mahāva. aṭṭha. 364). Aparikkhittā nānāvāsā ekūpacārasaṅkhyaṃ gacchanti. Parikkhittañca ekūpacāraṃ aparikkhittasaṅkhyaṃ gacchati. Ettāvatā leḍḍupātadvayabbhantare aparikkhitte aññasmiṃ vihāre vasato nissayo pana na paṭippassambhati, parikkhitte paṭippassambhati evāti ayamattho sādhitoti. Etthāha – dve leḍḍupāte atikkamitvāva satopi nissayo na paṭippassambhati. Vuttañhi nissaggiyaṭṭhakathāyaṃ ‘‘sace gacchantānaṃyeva asampattesu daharesu aruṇaṃ uggacchati, cīvaraṃ nissaggiyaṃ hoti, nissayo pana na paṭippassambhatī’’ti (pārā. aṭṭha. 2.495)? Vuccate – taṃ upajjhāyena samāgame saussāhatāya vuttaṃ. Idha dhuvavāsaṃ sandhāya, tasmā aññamaññaṃ na vilomenti . Keci pana ‘‘dve leḍḍupātaṃ atikkammāti idaṃ devasikaṃ ārocetvā vasanavasena vutta’’nti vadanti, taṃ tesaṃ matimattamevāti mama takko. Devasikaṃ ārocetvā vatthabbanti hi neva pāḷiyaṃ na aṭṭhakathāyaṃ dissati, tañca pana apakataññūhi āciṇṇanti veditabbaṃ.
ниссаяабадиббассад̣̇д̇хигат̇ааван̣н̣анаа нидтид̇аа.
Nissayapaṭippassaddhikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 22. ниссаяабадиббассад̣̇д̇хигат̇аа • 22. Nissayapaṭippassaddhikathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ниссаяабадиббассад̣̇д̇хигат̇аа • Nissayapaṭippassaddhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ниссаяабадиббассад̣̇д̇хигат̇ааван̣н̣анаа • Nissayapaṭippassaddhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ниссаяабадиббассад̣̇д̇хигат̇ааван̣н̣анаа • Nissayapaṭippassaddhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 22. ниссаяабадиббассад̣̇д̇хигат̇аа • 22. Nissayapaṭippassaddhikathā
