| Tipiṭaka / Tipiṭaka (English) / Aṅguttara Nikāya, English translation |
अङ्गुत्तर निकाय ९।२
Aṅguttara Nikāya 9.2
Numbered Discourses 9.2
१। सम्बोधिवग्ग
1. Sambodhivagga
1. Awakening
निस्सयसुत्त
Nissayasutta
Supported
अथ खो अञ्ञतरो भिक्खु येन भगवा तेनुपसङ्कमि; उपसङ्कमित्वा भगवन्तं …पे… एकमन्तं निसिन्नो खो सो भिक्खु भगवन्तं एतदवोच:
Atha kho aññataro bhikkhu yena bhagavā tenupasaṅkami; upasaṅkamitvā bhagavantaṁ …pe… ekamantaṁ nisinno kho so bhikkhu bhagavantaṁ etadavoca:
Then a bhikkhu went up to the Buddha, bowed, sat down to one side, and said to him:
“‘निस्सयसम्पन्नो निस्सयसम्पन्नोऽति, भन्ते, वुच्चति। कित्तावता नु खो, भन्ते, भिक्खु निस्सयसम्पन्नो होती”ति?
“‘nissayasampanno nissayasampanno’ti, bhante, vuccati. Kittāvatā nu kho, bhante, bhikkhu nissayasampanno hotī”ti?
“Sir, they speak of being ‘supported’. How is a bhikkhu who is supported defined?”
“सद्धञ्चे, भिक्खु, भिक्खु निस्साय अकुसलं पजहति कुसलं भावेति, पहीनमेवस्स तं अकुसलं होति।
“Saddhañce, bhikkhu, bhikkhu nissāya akusalaṁ pajahati kusalaṁ bhāveti, pahīnamevassa taṁ akusalaṁ hoti.
“Bhikkhu, if a bhikkhu supported by faith gives up the unskillful and develops the skillful, the unskillful is actually given up by them.
हिरिञ्चे, भिक्खु, भिक्खु निस्साय …पे…
Hiriñce, bhikkhu, bhikkhu nissāya …pe…
If a bhikkhu supported by conscience …
ओत्तप्पञ्चे, भिक्खु, भिक्खु निस्साय …पे…
ottappañce, bhikkhu, bhikkhu nissāya …pe…
If a bhikkhu supported by prudence …
वीरियञ्चे, भिक्खु, भिक्खु निस्साय …पे…
vīriyañce, bhikkhu, bhikkhu nissāya …pe…
If a bhikkhu supported by energy …
पञ्ञञ्चे, भिक्खु, भिक्खु निस्साय अकुसलं पजहति कुसलं भावेति, पहीनमेवस्स तं अकुसलं होति। तं हिस्स भिक्खुनो अकुसलं पहीनं होति सुप्पहीनं, यंस अरियाय पञ्ञाय दिस्वा पहीनं।
paññañce, bhikkhu, bhikkhu nissāya akusalaṁ pajahati kusalaṁ bhāveti, pahīnamevassa taṁ akusalaṁ hoti. Taṁ hissa bhikkhuno akusalaṁ pahīnaṁ hoti suppahīnaṁ, yaṁsa ariyāya paññāya disvā pahīnaṁ.
If a bhikkhu supported by wisdom gives up the unskillful and develops the skillful, the unskillful is actually given up by them. What’s been given up is completely given up when it has been given up by seeing with noble wisdom.
तेन च पन, भिक्खु, भिक्खुना इमेसु पञ्चसु धम्मेसु पतिट्ठाय चत्तारो उपनिस्साय विहातब्बा। कतमे चत्तारो? इध, भिक्खु, भिक्खु सङ्खायेकं पटिसेवति, सङ्खायेकं अधिवासेति, सङ्खायेकं परिवज्जेति, सङ्खायेकं विनोदेति। एवं खो, भिक्खु, भिक्खु निस्सयसम्पन्नो होती”ति।
Tena ca pana, bhikkhu, bhikkhunā imesu pañcasu dhammesu patiṭṭhāya cattāro upanissāya vihātabbā. Katame cattāro? Idha, bhikkhu, bhikkhu saṅkhāyekaṁ paṭisevati, saṅkhāyekaṁ adhivāseti, saṅkhāyekaṁ parivajjeti, saṅkhāyekaṁ vinodeti. Evaṁ kho, bhikkhu, bhikkhu nissayasampanno hotī”ti.
But then, a bhikkhu grounded on these five things should rely on four things. What four? After appraisal, a bhikkhu uses some things, endures some things, avoids some things, and gets rid of some things. That’s how a bhikkhu is supported.”
दुतियं।
Dutiyaṁ.
The authoritative text of the Aṅguttara Nikāya is the Pāli text. The English translation is provided as an aid to the study of the original Pāli text. [CREDITS »]
