| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. ниссаяасуд̇д̇ам̣
5. Nissayasuttaṃ
35. ‘‘гад̇ихи ну ко, бханд̇з, д̇хаммзхи саманнааг̇ад̇зна бхигкунаа ниссаяо д̣̇аад̇аб̣б̣о’’д̇и? ‘‘д̣̇асахи ко, убаали, д̇хаммзхи саманнааг̇ад̇зна бхигкунаа ниссаяо д̣̇аад̇аб̣б̣о. гад̇амзхи д̣̇асахи? ид̇хубаали, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу; б̣ахуссуд̇о ход̇и…бз… д̣̇идтияаа суббадивид̣̇д̇хаа; баад̇имогкам̣ ко банасса вид̇т̇аарзна свааг̇ад̇ам̣ ход̇и сувибхад̇д̇ам̣ суббавад̇д̇ам̣ сувинижчид̇ам̣ суд̇д̇асо ануб̣яан̃ж̇анасо; бадиб̣ало ход̇и г̇илаанам̣ убадтаад̇ум̣ ваа убадтаабзд̇ум̣ ваа; бадиб̣ало ход̇и анабхирад̇им̣ вуубагаасзд̇ум̣ ваа вуубагаасаабзд̇ум̣ ваа; бадиб̣ало ход̇и уббаннам̣ гуггужжам̣ д̇хаммад̇о винод̣̇зд̇ум̣; бадиб̣ало ход̇и уббаннам̣ д̣̇идтиг̇ад̇ам̣ д̇хаммад̇о вивзжзд̇ум̣; бадиб̣ало ход̇и ад̇хисийлз…бз… ад̇хижид̇д̇з… ад̇хибан̃н̃ааяа самаад̣̇абзд̇ум̣. имзхи ко, убаали, д̣̇асахи д̇хаммзхи саманнааг̇ад̇зна бхигкунаа ниссаяо д̣̇аад̇аб̣б̣о’’д̇и. бан̃жамам̣.
35. ‘‘Katihi nu kho, bhante, dhammehi samannāgatena bhikkhunā nissayo dātabbo’’ti? ‘‘Dasahi kho, upāli, dhammehi samannāgatena bhikkhunā nissayo dātabbo. Katamehi dasahi? Idhupāli, bhikkhu sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; pātimokkhaṃ kho panassa vitthārena svāgataṃ hoti suvibhattaṃ suppavattaṃ suvinicchitaṃ suttaso anubyañjanaso; paṭibalo hoti gilānaṃ upaṭṭhātuṃ vā upaṭṭhāpetuṃ vā; paṭibalo hoti anabhiratiṃ vūpakāsetuṃ vā vūpakāsāpetuṃ vā; paṭibalo hoti uppannaṃ kukkuccaṃ dhammato vinodetuṃ; paṭibalo hoti uppannaṃ diṭṭhigataṃ dhammato vivecetuṃ; paṭibalo hoti adhisīle…pe… adhicitte… adhipaññāya samādapetuṃ. Imehi kho, upāli, dasahi dhammehi samannāgatena bhikkhunā nissayo dātabbo’’ti. Pañcamaṃ.
