| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
২. নিস্সযসুত্তৰণ্ণনা
2. Nissayasuttavaṇṇanā
২. দুতিযে নিস্সযসম্পন্নোতি পতিট্ঠাসম্পন্নো। সদ্ধন্তি ওকপ্পনসদ্ধং। ৰীরিযন্তি কাযিকচেতসিকৰীরিযং। যংসাতি যং অস্স। অরিযায পঞ্ঞাযাতি সহৰিপস্সনায মগ্গপঞ্ঞায। সঙ্খাযাতি জানিত্ৰা। একং পটিসেৰতীতি সেৰিতব্বযুত্তকং সেৰতি। অধিৰাসেতীতি অধিৰাসেতব্বযুত্তকং অধিৰাসেতি। পরিৰজ্জেতীতি পরিৰজ্জেতব্বযুত্তকং পরিৰজ্জেতি। ৰিনোদেতীতি নীহরিতব্বযুত্তকং নীহরতি। এৰং খো ভিক্খূতি এৰং খো ভিক্খু উগ্গহপরিপুচ্ছাৰসেন চেৰ ধম্মৰৰত্থানৰসেন চ পটিসেৰিতব্বাদীনি সুপ্পটিৰিদ্ধানি সুপচ্চক্খানি কত্ৰা পটিসেৰন্তো অধিৰাসেন্তো পরিৰজ্জেন্তো ৰিনোদেন্তো চ ভিক্খু নিস্সযসম্পন্নো নাম হোতীতি।
2. Dutiye nissayasampannoti patiṭṭhāsampanno. Saddhanti okappanasaddhaṃ. Vīriyanti kāyikacetasikavīriyaṃ. Yaṃsāti yaṃ assa. Ariyāyapaññāyāti sahavipassanāya maggapaññāya. Saṅkhāyāti jānitvā. Ekaṃ paṭisevatīti sevitabbayuttakaṃ sevati. Adhivāsetīti adhivāsetabbayuttakaṃ adhivāseti. Parivajjetīti parivajjetabbayuttakaṃ parivajjeti. Vinodetīti nīharitabbayuttakaṃ nīharati. Evaṃ kho bhikkhūti evaṃ kho bhikkhu uggahaparipucchāvasena ceva dhammavavatthānavasena ca paṭisevitabbādīni suppaṭividdhāni supaccakkhāni katvā paṭisevanto adhivāsento parivajjento vinodento ca bhikkhu nissayasampanno nāma hotīti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ২. নিস্সযসুত্তং • 2. Nissayasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-২. সম্বোধিসুত্তাদিৰণ্ণনা • 1-2. Sambodhisuttādivaṇṇanā
