| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
२. निस्सयसुत्तवण्णना
2. Nissayasuttavaṇṇanā
२. दुतिये निस्सयसम्पन्नोति पतिट्ठासम्पन्नो। सद्धन्ति ओकप्पनसद्धं। वीरियन्ति कायिकचेतसिकवीरियं। यंसाति यं अस्स। अरियाय पञ्ञायाति सहविपस्सनाय मग्गपञ्ञाय। सङ्खायाति जानित्वा। एकं पटिसेवतीति सेवितब्बयुत्तकं सेवति। अधिवासेतीति अधिवासेतब्बयुत्तकं अधिवासेति। परिवज्जेतीति परिवज्जेतब्बयुत्तकं परिवज्जेति। विनोदेतीति नीहरितब्बयुत्तकं नीहरति। एवं खो भिक्खूति एवं खो भिक्खु उग्गहपरिपुच्छावसेन चेव धम्मववत्थानवसेन च पटिसेवितब्बादीनि सुप्पटिविद्धानि सुपच्चक्खानि कत्वा पटिसेवन्तो अधिवासेन्तो परिवज्जेन्तो विनोदेन्तो च भिक्खु निस्सयसम्पन्नो नाम होतीति।
2. Dutiye nissayasampannoti patiṭṭhāsampanno. Saddhanti okappanasaddhaṃ. Vīriyanti kāyikacetasikavīriyaṃ. Yaṃsāti yaṃ assa. Ariyāyapaññāyāti sahavipassanāya maggapaññāya. Saṅkhāyāti jānitvā. Ekaṃ paṭisevatīti sevitabbayuttakaṃ sevati. Adhivāsetīti adhivāsetabbayuttakaṃ adhivāseti. Parivajjetīti parivajjetabbayuttakaṃ parivajjeti. Vinodetīti nīharitabbayuttakaṃ nīharati. Evaṃ kho bhikkhūti evaṃ kho bhikkhu uggahaparipucchāvasena ceva dhammavavatthānavasena ca paṭisevitabbādīni suppaṭividdhāni supaccakkhāni katvā paṭisevanto adhivāsento parivajjento vinodento ca bhikkhu nissayasampanno nāma hotīti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / २. निस्सयसुत्तं • 2. Nissayasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-२. सम्बोधिसुत्तादिवण्णना • 1-2. Sambodhisuttādivaṇṇanā
