| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๒. นิสฺสยสุตฺตวณฺณนา
2. Nissayasuttavaṇṇanā
๒. ทุติเย นิสฺสยสมฺปโนฺนติ ปติฎฺฐาสมฺปโนฺนฯ สทฺธนฺติ โอกปฺปนสทฺธํฯ วีริยนฺติ กายิกเจตสิกวีริยํฯ ยํสาติ ยํ อสฺสฯ อริยาย ปญฺญายาติ สหวิปสฺสนาย มคฺคปญฺญายฯ สงฺขายาติ ชานิตฺวาฯ เอกํ ปฎิเสวตีติ เสวิตพฺพยุตฺตกํ เสวติฯ อธิวาเสตีติ อธิวาเสตพฺพยุตฺตกํ อธิวาเสติฯ ปริวเชฺชตีติ ปริวเชฺชตพฺพยุตฺตกํ ปริวเชฺชติฯ วิโนเทตีติ นีหริตพฺพยุตฺตกํ นีหรติฯ เอวํ โข ภิกฺขูติ เอวํ โข ภิกฺขุ อุคฺคหปริปุจฺฉาวเสน เจว ธมฺมววตฺถานวเสน จ ปฎิเสวิตพฺพาทีนิ สุปฺปฎิวิทฺธานิ สุปจฺจกฺขานิ กตฺวา ปฎิเสวโนฺต อธิวาเสโนฺต ปริวเชฺชโนฺต วิโนเทโนฺต จ ภิกฺขุ นิสฺสยสมฺปโนฺน นาม โหตีติฯ
2. Dutiye nissayasampannoti patiṭṭhāsampanno. Saddhanti okappanasaddhaṃ. Vīriyanti kāyikacetasikavīriyaṃ. Yaṃsāti yaṃ assa. Ariyāyapaññāyāti sahavipassanāya maggapaññāya. Saṅkhāyāti jānitvā. Ekaṃ paṭisevatīti sevitabbayuttakaṃ sevati. Adhivāsetīti adhivāsetabbayuttakaṃ adhivāseti. Parivajjetīti parivajjetabbayuttakaṃ parivajjeti. Vinodetīti nīharitabbayuttakaṃ nīharati. Evaṃ kho bhikkhūti evaṃ kho bhikkhu uggahaparipucchāvasena ceva dhammavavatthānavasena ca paṭisevitabbādīni suppaṭividdhāni supaccakkhāni katvā paṭisevanto adhivāsento parivajjento vinodento ca bhikkhu nissayasampanno nāma hotīti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๒. นิสฺสยสุตฺตํ • 2. Nissayasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๒. สโมฺพธิสุตฺตาทิวณฺณนา • 1-2. Sambodhisuttādivaṇṇanā
