| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. နိသ္သယသုတ္တဝဏ္ဏနာ
2. Nissayasuttavaṇṇanā
၂. ဒုတိယေ နိသ္သယသမ္ပန္နောတိ ပတိဋ္ဌာသမ္ပန္နော။ သဒ္ဓန္တိ ဩကပ္ပနသဒ္ဓံ။ ဝီရိယန္တိ ကာယိကစေတသိကဝီရိယံ။ ယံသာတိ ယံ အသ္သ။ အရိယာယ ပညာယာတိ သဟဝိပသ္သနာယ မဂ္ဂပညာယ။ သင္ခာယာတိ ဇာနိတ္ဝာ။ ဧကံ ပဋိသေဝတီတိ သေဝိတဗ္ဗယုတ္တကံ သေဝတိ။ အဓိဝာသေတီတိ အဓိဝာသေတဗ္ဗယုတ္တကံ အဓိဝာသေတိ။ ပရိဝဇ္ဇေတီတိ ပရိဝဇ္ဇေတဗ္ဗယုတ္တကံ ပရိဝဇ္ဇေတိ။ ဝိနောဒေတီတိ နီဟရိတဗ္ဗယုတ္တကံ နီဟရတိ။ ဧဝံ ခော ဘိက္ခူတိ ဧဝံ ခော ဘိက္ခု ဥဂ္ဂဟပရိပုစ္ဆာဝသေန စေဝ ဓမ္မဝဝတ္ထာနဝသေန စ ပဋိသေဝိတဗ္ဗာဒီနိ သုပ္ပဋိဝိဒ္ဓာနိ သုပစ္စက္ခာနိ ကတ္ဝာ ပဋိသေဝန္တော အဓိဝာသေန္တော ပရိဝဇ္ဇေန္တော ဝိနောဒေန္တော စ ဘိက္ခု နိသ္သယသမ္ပန္နော နာမ ဟောတီတိ။
2. Dutiye nissayasampannoti patiṭṭhāsampanno. Saddhanti okappanasaddhaṃ. Vīriyanti kāyikacetasikavīriyaṃ. Yaṃsāti yaṃ assa. Ariyāyapaññāyāti sahavipassanāya maggapaññāya. Saṅkhāyāti jānitvā. Ekaṃ paṭisevatīti sevitabbayuttakaṃ sevati. Adhivāsetīti adhivāsetabbayuttakaṃ adhivāseti. Parivajjetīti parivajjetabbayuttakaṃ parivajjeti. Vinodetīti nīharitabbayuttakaṃ nīharati. Evaṃ kho bhikkhūti evaṃ kho bhikkhu uggahaparipucchāvasena ceva dhammavavatthānavasena ca paṭisevitabbādīni suppaṭividdhāni supaccakkhāni katvā paṭisevanto adhivāsento parivajjento vinodento ca bhikkhu nissayasampanno nāma hotīti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. နိသ္သယသုတ္တံ • 2. Nissayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၂. သမ္ဗောဓိသုတ္တာဒိဝဏ္ဏနာ • 1-2. Sambodhisuttādivaṇṇanā
