| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
2. නිස්‌සයසුත්‌තවණ්‌ණනා
2. Nissayasuttavaṇṇanā
2. දුතියෙ නිස්‌සයසම්‌පන්‌නොති පතිට්‌ඨාසම්‌පන්‌නො. සද්‌ධන්‌ති ඔකප්‌පනසද්‌ධං. වීරියන්‌ති කායිකචෙතසිකවීරියං. යංසාති යං අස්‌ස. අරියාය පඤ්‌ඤායාති සහවිපස්‌සනාය මග්‌ගපඤ්‌ඤාය. සඞ්‌ඛායාති ජානිත්‌වා. එකං පටිසෙවතීති සෙවිතබ්‌බයුත්‌තකං සෙවති. අධිවාසෙතීති අධිවාසෙතබ්‌බයුත්‌තකං අධිවාසෙති. පරිවජ්‌ජෙතීති පරිවජ්‌ජෙතබ්‌බයුත්‌තකං පරිවජ්‌ජෙති. විනොදෙතීති නීහරිතබ්‌බයුත්‌තකං නීහරති. එවං ඛො භික්‌ඛූති එවං ඛො භික්‌ඛු උග්‌ගහපරිපුච්‌ඡාවසෙන චෙව ධම්‌මවවත්‌ථානවසෙන ච පටිසෙවිතබ්‌බාදීනි සුප්‌පටිවිද්‌ධානි සුපච්‌චක්‌ඛානි කත්‌වා පටිසෙවන්‌තො අධිවාසෙන්‌තො පරිවජ්‌ජෙන්‌තො විනොදෙන්‌තො ච භික්‌ඛු නිස්‌සයසම්‌පන්‌නො නාම හොතීති.
2. Dutiye nissayasampannoti patiṭṭhāsampanno. Saddhanti okappanasaddhaṃ. Vīriyanti kāyikacetasikavīriyaṃ. Yaṃsāti yaṃ assa. Ariyāyapaññāyāti sahavipassanāya maggapaññāya. Saṅkhāyāti jānitvā. Ekaṃ paṭisevatīti sevitabbayuttakaṃ sevati. Adhivāsetīti adhivāsetabbayuttakaṃ adhivāseti. Parivajjetīti parivajjetabbayuttakaṃ parivajjeti. Vinodetīti nīharitabbayuttakaṃ nīharati. Evaṃ kho bhikkhūti evaṃ kho bhikkhu uggahaparipucchāvasena ceva dhammavavatthānavasena ca paṭisevitabbādīni suppaṭividdhāni supaccakkhāni katvā paṭisevanto adhivāsento parivajjento vinodento ca bhikkhu nissayasampanno nāma hotīti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 2. නිස්‌සයසුත්‌තං • 2. Nissayasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-2. සම්‌බොධිසුත්‌තාදිවණ්‌ණනා • 1-2. Sambodhisuttādivaṇṇanā
