| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. ниссаяаваараван̣н̣анаа
4. Nissayavāravaṇṇanā
329-337. ниссаяаваарз гусалам̣ д̇хаммам̣ ниссааяаад̇и гусалам̣ д̇хаммам̣ бад̇идтадтзна ниссаяам̣ гад̇ваад̇и ад̇т̇о. сзсамзд̇т̇а бажжаяаваарз вуд̇д̇анаязнзва взд̣̇ид̇аб̣б̣ам̣. авасаанз банасса ‘‘бажжаяад̇д̇ам̣ наама ниссаяад̇д̇ам̣, ниссаяад̇д̇ам̣ наама бажжаяад̇д̇а’’нд̇и ид̣̇ам̣ убхиннамби зд̇зсам̣ ваараанам̣ ад̇т̇ад̇о ниннаанаагаран̣абхаавад̣̇ассанад̇т̇ам̣ вуд̇д̇ам̣. ад̇т̇ад̇о хи зд̇зби бадижжасахаж̇аад̇аа вияа ниннаанаагаран̣аа. звам̣ санд̇зби ан̃н̃аман̃н̃асса ад̇т̇анияаманад̇т̇ам̣ вуд̇д̇аа. авиж̇ж̇аабажжаяаа сан̇каараад̇иаад̣̇ийсу хи аниссааяа вад̇д̇амаанам̣ наанаагкан̣игамби ‘‘бажжаяаа уббаж̇ж̇ад̇ий’’д̇и вуд̇д̇ам̣. ан̃н̃аман̃н̃ам̣ аллийяид̇ваа тид̇агадтаад̣̇ийсу жа згам̣ згасса ниссаяабажжаяо на ход̇и, д̇ат̇аа убаад̣̇ааруубам̣ махаабхууд̇асса ниссаяабажжаяо на ход̇иязва. ид̇и бажжаяаваарзна ниссаяабажжаяабхаавам̣ ниссаяаваарзна жа бажжаяаад̇и вуд̇д̇асса сахаж̇аад̇абурзж̇аад̇абхаавам̣ нияамзд̇ум̣ убхобзд̇з вуд̇д̇аа. абижа д̇ат̇аа б̣уж̇жханагаанам̣ аж̇жхаасаяавасзна д̣̇зсанаавилаасзна нируд̇д̇ибадисамбхид̣̇аабабхзд̣̇аж̇аананавасзна жааби зд̇з убхоби вуд̇д̇аад̇и.
329-337. Nissayavāre kusalaṃ dhammaṃ nissāyāti kusalaṃ dhammaṃ patiṭṭhaṭṭhena nissayaṃ katvāti attho. Sesamettha paccayavāre vuttanayeneva veditabbaṃ. Avasāne panassa ‘‘paccayattaṃ nāma nissayattaṃ, nissayattaṃ nāma paccayatta’’nti idaṃ ubhinnampi etesaṃ vārānaṃ atthato ninnānākaraṇabhāvadassanatthaṃ vuttaṃ. Atthato hi etepi paṭiccasahajātā viya ninnānākaraṇā. Evaṃ santepi aññamaññassa atthaniyamanatthaṃ vuttā. Avijjāpaccayā saṅkhārātiādīsu hi anissāya vattamānaṃ nānākkhaṇikampi ‘‘paccayā uppajjatī’’ti vuttaṃ. Aññamaññaṃ allīyitvā ṭhitakaṭṭhādīsu ca ekaṃ ekassa nissayapaccayo na hoti, tathā upādārūpaṃ mahābhūtassa nissayapaccayo na hotiyeva. Iti paccayavārena nissayapaccayabhāvaṃ nissayavārena ca paccayāti vuttassa sahajātapurejātabhāvaṃ niyametuṃ ubhopete vuttā. Apica tathā bujjhanakānaṃ ajjhāsayavasena desanāvilāsena niruttipaṭisambhidāpabhedajānanavasena cāpi ete ubhopi vuttāti.
ниссаяаваараван̣н̣анаа.
Nissayavāravaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
