| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੪. ਨਿਸ੍ਸਯવਾਰવਣ੍ਣਨਾ
4. Nissayavāravaṇṇanā
੩੨੯-੩੩੭. ਨਿਸ੍ਸਯવਾਰੇ ਕੁਸਲਂ ਧਮ੍ਮਂ ਨਿਸ੍ਸਾਯਾਤਿ ਕੁਸਲਂ ਧਮ੍ਮਂ ਪਤਿਟ੍ਠਟ੍ਠੇਨ ਨਿਸ੍ਸਯਂ ਕਤ੍વਾਤਿ ਅਤ੍ਥੋ। ਸੇਸਮੇਤ੍ਥ ਪਚ੍ਚਯવਾਰੇ વੁਤ੍ਤਨਯੇਨੇવ વੇਦਿਤਬ੍ਬਂ। ਅવਸਾਨੇ ਪਨਸ੍ਸ ‘‘ਪਚ੍ਚਯਤ੍ਤਂ ਨਾਮ ਨਿਸ੍ਸਯਤ੍ਤਂ, ਨਿਸ੍ਸਯਤ੍ਤਂ ਨਾਮ ਪਚ੍ਚਯਤ੍ਤ’’ਨ੍ਤਿ ਇਦਂ ਉਭਿਨ੍ਨਮ੍ਪਿ ਏਤੇਸਂ વਾਰਾਨਂ ਅਤ੍ਥਤੋ ਨਿਨ੍ਨਾਨਾਕਰਣਭਾવਦਸ੍ਸਨਤ੍ਥਂ વੁਤ੍ਤਂ। ਅਤ੍ਥਤੋ ਹਿ ਏਤੇਪਿ ਪਟਿਚ੍ਚਸਹਜਾਤਾ વਿਯ ਨਿਨ੍ਨਾਨਾਕਰਣਾ। ਏવਂ ਸਨ੍ਤੇਪਿ ਅਞ੍ਞਮਞ੍ਞਸ੍ਸ ਅਤ੍ਥਨਿਯਮਨਤ੍ਥਂ વੁਤ੍ਤਾ। ਅવਿਜ੍ਜਾਪਚ੍ਚਯਾ ਸਙ੍ਖਾਰਾਤਿਆਦੀਸੁ ਹਿ ਅਨਿਸ੍ਸਾਯ વਤ੍ਤਮਾਨਂ ਨਾਨਾਕ੍ਖਣਿਕਮ੍ਪਿ ‘‘ਪਚ੍ਚਯਾ ਉਪ੍ਪਜ੍ਜਤੀ’’ਤਿ વੁਤ੍ਤਂ। ਅਞ੍ਞਮਞ੍ਞਂ ਅਲ੍ਲੀਯਿਤ੍વਾ ਠਿਤਕਟ੍ਠਾਦੀਸੁ ਚ ਏਕਂ ਏਕਸ੍ਸ ਨਿਸ੍ਸਯਪਚ੍ਚਯੋ ਨ ਹੋਤਿ, ਤਥਾ ਉਪਾਦਾਰੂਪਂ ਮਹਾਭੂਤਸ੍ਸ ਨਿਸ੍ਸਯਪਚ੍ਚਯੋ ਨ ਹੋਤਿਯੇવ। ਇਤਿ ਪਚ੍ਚਯવਾਰੇਨ ਨਿਸ੍ਸਯਪਚ੍ਚਯਭਾવਂ ਨਿਸ੍ਸਯવਾਰੇਨ ਚ ਪਚ੍ਚਯਾਤਿ વੁਤ੍ਤਸ੍ਸ ਸਹਜਾਤਪੁਰੇਜਾਤਭਾવਂ ਨਿਯਮੇਤੁਂ ਉਭੋਪੇਤੇ વੁਤ੍ਤਾ। ਅਪਿਚ ਤਥਾ ਬੁਜ੍ਝਨਕਾਨਂ ਅਜ੍ਝਾਸਯવਸੇਨ ਦੇਸਨਾવਿਲਾਸੇਨ ਨਿਰੁਤ੍ਤਿਪਟਿਸਮ੍ਭਿਦਾਪਭੇਦਜਾਨਨવਸੇਨ ਚਾਪਿ ਏਤੇ ਉਭੋਪਿ વੁਤ੍ਤਾਤਿ।
329-337. Nissayavāre kusalaṃ dhammaṃ nissāyāti kusalaṃ dhammaṃ patiṭṭhaṭṭhena nissayaṃ katvāti attho. Sesamettha paccayavāre vuttanayeneva veditabbaṃ. Avasāne panassa ‘‘paccayattaṃ nāma nissayattaṃ, nissayattaṃ nāma paccayatta’’nti idaṃ ubhinnampi etesaṃ vārānaṃ atthato ninnānākaraṇabhāvadassanatthaṃ vuttaṃ. Atthato hi etepi paṭiccasahajātā viya ninnānākaraṇā. Evaṃ santepi aññamaññassa atthaniyamanatthaṃ vuttā. Avijjāpaccayā saṅkhārātiādīsu hi anissāya vattamānaṃ nānākkhaṇikampi ‘‘paccayā uppajjatī’’ti vuttaṃ. Aññamaññaṃ allīyitvā ṭhitakaṭṭhādīsu ca ekaṃ ekassa nissayapaccayo na hoti, tathā upādārūpaṃ mahābhūtassa nissayapaccayo na hotiyeva. Iti paccayavārena nissayapaccayabhāvaṃ nissayavārena ca paccayāti vuttassa sahajātapurejātabhāvaṃ niyametuṃ ubhopete vuttā. Apica tathā bujjhanakānaṃ ajjhāsayavasena desanāvilāsena niruttipaṭisambhidāpabhedajānanavasena cāpi ete ubhopi vuttāti.
ਨਿਸ੍ਸਯવਾਰવਣ੍ਣਨਾ।
Nissayavāravaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪਟ੍ਠਾਨਪਾਲ਼ਿ • Paṭṭhānapāḷi / ੧. ਕੁਸਲਤ੍ਤਿਕਂ • 1. Kusalattikaṃ
